ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Shavkat Mirziyoyev Tashqi ishlar vazirligiga 3 oy ichida AQSh fuqarolari uchun O‘zbekistonga 30 kunlik vizasiz kirish rejimini joriy etish bo‘yicha topshiriq berdi. Prezident, shuningdek, O‘zbekiston fuqarolari AQSh hududiga kirishi uchun viza talablarini yengillashtirish yuzasidan muzokaralar boshlashni buyurdi. gazeta.uz »
Endi O‘zbekistonda odam savdosi jinoyatini qalbaki hujjatlardan foydalangan holda sodir etish 5 yildan 10 yilgacha (avval 5 yildan 8 yilgacha edi) ozodlikdan mahrum qilish bilan jazolanadi. Jinoyat jabrlanuvchining o‘limiga sabab bo‘lsa ayblanuvchini 10 yildan 15 yilgacha ozodlikdan mahrum qilish belgilandi. gazeta.uz »
Yakkasaroy tumani 319-maktab o‘qituvchisi yanvar oyida 1-sinf bolasini kaltaklagani uchun ma’muriy jarima olib, o‘z arizasi bilan ishdan ketgandi. Ma’lum bo‘lishicha, u hozirda ishga tiklangan, ayrim ota-onalar sud qaroridan norozi. gazeta.uz »
O‘zbekistonda o‘tkazilgan xatlovga ko‘ra, ekspluatatsiya muddati o‘tab bo‘lgan 2001 ta liftni yangilash va 382 ta liftni ta’mirlash kerakligi aniqlandi. Bu ishlarni amalga oshirish uchun mahalliy budjet mablag‘laridan 854,6 mlrd so‘m ajratiladi. gazeta.uz »
O‘zbekistonda modulli mehmonxonalar qurish va jihozlash xarajatlarining bir qismini qoplash uchun ajratiladigan subsidiya miqdori oshirildi. Muddati esa 2027-yil 1-yanvargacha uzaytirildi. gazeta.uz »
1-iyundan Bahrayn, Kuvayt va O‘mon fuqarolari uchun O‘zbekistonda 30 kunlik vizasiz rejim amal qiladi. Bundan tashqari, har yili noyabr oyining 3-haftasida Xalqaro turizm haftaligi tashkil etiladi. Har oy 2-haftasining shanba va yakshanba kunlari “Oila va jamoa bilan sayohatga chiqish kuni” etib belgilanadi. gazeta.uz »
Umra ziyoratini tashkil etish huquqiga ega bo‘lgan turoperatorlar soni 14 taga yetdi. Din ishlari bo‘yicha qo‘mita Toshkent va Buxorodagi yana ikkita kompaniyaga litsenziya berdi. gazeta.uz »
Rossiyaga kirayotgan chet el fuqarolari 30-iyundan “Gosuslugi RuID” ilovasi orqali QR kod olishlari kerak bo‘ladi. Buni 3 sutkadan kechiktirmay, favqulodda holatlarda esa kelishdan kamida 4 soat oldin amalga oshirish zarur. gazeta.uz »
Oliy ta’lim vazirligi talabalar uchun yagona forma joriy etilishi haqidagi xabarlarni rad etdi. Avvalroq oliygohlarning noyob imij va brend konsepsiyasi ishlab chiqilishi aytilgandi, unda kiyinish haqida ham so‘z borgan. gazeta.uz »
Jahon banki O‘zbekistonga $100 mln imtiyozli kredit ajratishni ma’qulladi. U taqsimlovchi elektr tarmoqlarini modernizatsiya qilishda foydalaniladi. 2024-yilda infratuzilmaning eskirgani va haddan tashqari yuklangani sababli elektr energiyasini taqsimlashda texnik yo‘qotishlar qariyb 13 foizni tashkil etgan. gazeta.uz »
Birinchi marta sodir etilgan ayrim yengil yo‘l harakati qoidalarini buzganlik uchun inspektorlar ma’muriy ogohlantirish beradi. Prezident topshirig‘iga asosan bu to‘g‘risidagi qonun loyihasi ishlab chiqilgan. gazeta.uz »
O‘zbekistonda tunda, ya’ni soat 23:00 dan 06:00 ga qadar avtobuslar uchun ajratilgan tasmalarda boshqa transport vositalarining harakatlanishiga ruxsat berildi. gazeta.uz »
Uzbekistan Airways ichki yo‘nalishlar bo‘yicha ekonom-klass tariflari tuzilmasini qayta ko‘rib chiqdi. 10 ta tarif darajasi o‘rniga 4 ta tarif amal qiladi, maksimal darajalar bekor qilindi. Yo‘lovchilar uchun arzon tariflarda ko‘proq joylar mavjud bo‘ladi, deya xabar berdi aviakompaniya. gazeta.uz »
2025-yil birinchi chorakda Litva mavsumiy ishlash uchun 363 ta ruxsatnoma berdi, ularning eng ko‘pi - 42 foizi O‘zbekistonga to‘g‘ri keldi. Litvada 9,1 mingdan ortiq o‘zbekistonlik mehnat qilmoqda. gazeta.uz »
Yangi Toshkent qurilishining birinchi bosqichida hududning 30 foizini bog‘ va yashil zonalar uchun ajratish rejalashtirilmoqda. Binolarni salqin saqlash uchun “yashil tom” texnologiyalari joriy etiladi. gazeta.uz »
Emomali Rahmon ijtimoiy tarmoqlardagi layklar va reaksiyalar uchun jinoiy javobgarlikni bekor qilish to‘g‘risidagi qonunni imzoladi. Tuzatishlar Tojikiston prezidenti huquq-tartibot idoralarini asossiz jinoiy ishlar uchun tanqid qilib, bu amaliyotga “nuqta qo‘yish”ni talab qilganidan so‘ng qabul qilindi. gazeta.uz »
1-iyundan boshlab O‘zbekiston fuqarolari Xitoyga vizasiz safar qilishlari mumkin. Bunda muddat 30 kundan oshmasligi lozim. Vizasiz rejim o‘qish, mehnat va media faoliyati bilan shug‘ullanishga nisbatan tatbiq etilmaydi. gazeta.uz »
Sankt Peterburgdagi “Rosatom” zavodida O‘zbekistonda kichik quvvatli atom stansiyasi uchun butlovchi qismlar ishlab chiqarish boshlandi. Reaktor uchun birinchi po‘lat quyish jarayoni Toshkentda o‘tgan Power Uzbekistan 2025 ko‘rgazmasida namoyish etildi. gazeta.uz »
Navbatdagi Haj mavsumi boshlanib, Toshkentdan Madinaga 240 nafar ziyoratchi uchib ketdi. 28-maygacha O‘zbekistonning 9 ta shahridan parvozlar amalga oshiriladi. Bu yil 15,2 ming o‘zbekistonlik Haj ziyoratini ado etishi kutilmoqda. Foto. gazeta.uz »
Jamoatchilik muhokamasi uchun qo‘yilgan qonun loyihasi O‘zbekistondagi onlayn platformalar va saytlar (OAV emas), blogerlar va inflyuyenserlarga nisbatan talablar belgilaydi. Agar noqonuniy kontentni o‘chirish to‘g‘risidagi ko‘rsatma bajarilmasa, sud qarorisiz foydalanuvchilarning kirishi cheklanishi mumkin. gazeta.uz »
Axborot texnologiyalari yordamida sodir etiladigan jinoyatlarga qarshi jazo choralari kuchaytiriladi. Kiberjinoyatni sodir etishda o‘z nomidagi bank kartasi, bank hisobraqami, SIM kartasi hamda elektron hamyonidan foydalanishga yo‘l qo‘ygan shaxslar uchun ma’muriy va jinoiy javobgarlik belgilanadi. gazeta.uz »
XDI/XSI konservativ bloki yetakchisi Fridrix Mers Germaniya kansleri etib saylanish uchun Bundestagda yetarlicha ovoz to‘play olmadi. Mers 310 ovozga ega bo‘ldi, unga 316 ovoz zarur edi. Bundestagda Mers yoki boshqa nomzodni mutlaq ko‘pchilik ovoz bilan saylash uchun 14 kun vaqt bor. gazeta.uz »
OTB 2030-yilgacha Osiyo-Tinch okeani mintaqasida oziq-ovqat xavfsizligini qo‘llab-quvvatlashni 40 mlrd dollargacha oshiradi. OTB rahbari Masato Kanda iqlim va narxlarning oshishi tufayli oziq-ovqat tizimlarini o‘zgartirish muhimligini ta’kidladi. O‘zbekiston avvalroq bu soha uchun 150 mln dollar olgandi. gazeta.uz »
Tarmoqlarda O‘zbekistonga olib kirilayotgan gibrid avtomobillarni bojxonada rasmiylashtirishda ulardan Yevro-4 ekologik toifasidan kam bo‘lmaganini tasdiqlovchi ekologik sertifikat talab etilayotgani xabar qilindi. gazeta.uz »
Yosh arxitektorlar uyushmasi Uzum raqamli ekotizim bilan hamkorlikda shahar muhitini yaxshilashga qaratilgan Shaharsoz diplom ishlari tanlovini boshladi. Hujjatlar 20-oktabrgacha qabul qilinadi. Mukofot jamg‘armasi 113,5 mln so‘mni tashkil qiladi. gazeta.uz »
Germaniyada “Germaniya uchun alternativa” (AfD) partiyasi “inson qadr-qimmatini mensimaydigan” tabiati tufayli “o‘ta o‘ngchi ekstremistik tashkilot” deb topildi. Fevraldagi Bundestag saylovlarida partiya 20,8% ovoz bilan 2-o‘rinni olgandi. gazeta.uz »
Toshkent, Samarqand va Andijon shaharlarida nogironligi bor bolalar maktabga taksida borishi mumkin. Har bir bola uchun davlat oyiga 450 ming so‘mgacha mablag‘ni qoplaydi. Sinov loyihasi IHMA tomonidan Yandex Uzbekistan bilan hamkorlikda amalga oshirilmoqda. gazeta.uz »
Hindiston Pokiston aviakompaniyalari uchun o‘z havo hududini 23-maygacha yopganini ma’lum qildi. Mamlakat rasmiylari bunday qarorni Kashmirdagi sayyohlarga hujumdan keyin Islomobod bilan munosabatlarning keskinlashuvi fonida qabul qildi. gazeta.uz »
Adliya vazirligi investitsiya evaziga yashash guvohnomasi olish uchun avval e’lon qilingan summalarni o‘zgartirdi: asosiy arizachi uchun bu 200 mingdan 250 ming dollarga, oila a’zolari uchun esa 100 mingdan 150 ming dollarga ko‘tarildi. gazeta.uz »
AQSh rasmiylari Shavkat Mirziyoyevga O‘zbekiston, Qozog‘iston va Qirg‘izistonning 131 nafar fuqarosini deportatsiya qilish bo‘yicha operatsiyani tashkil etgani va moliyalashtirgani uchun minnatdorlik bildirdi. gazeta.uz »
Farg‘ona shahri jamoat transporti parki Xitoydan keltirilgan konditsionerli, videokuzatuvli 24 ta avtobus bilan to‘ldirildi. Ular ikkita yangi yo‘nalishda qatnaydi va kuniga taxminan 10 ming nafar yo‘lovchiga xizmat ko‘rsatadi. gazeta.uz »
Ukrainaning “Yashashni istayman” loyihasi urushda ishtirok etish uchun Rossiya Qurolli kuchlari bilan shartnoma imzolagan 1110 nafar O‘zbekiston fuqarosining ismini oshkor qildi. Ulardan kamida 109 nafari halok bo‘lgan, eng kichigi 21 yoshga ham to‘lmagan. O‘zbekiston qonunchiligida bunday yollanishlar taqiqlangan. gazeta.uz »
O‘zbekistonda ommaviy suv havzalari soni kamayyapti, odamlarning tabiiy salqinlash, tabiat qo‘ynida dam olishga bo‘lgan ehtiyoji esa ortyapti. Daryolar O‘zbekiston shaharlariga qanday ta’sir ko‘rsatgani, odamlarning suvga bo‘lgan huquqini qanday tiklash mumkinligi haqida ATLAS byurosi ekspertlari mulohaza yuritadi. gazeta.uz »
O‘zbekistonda endilikda turagentlik faoliyatini amalga oshirish uchun litsenziya olish tartibi bekor qilinib, uning o‘rniga turagentlik faoliyatini boshlaganlik yoki tugatganlik haqida xabarnoma yuborish tartibi joriy etiladi. gazeta.uz »
Uchtepa tumanida fuqaro Germaniya vizasini olib berish uchun besh kishidan 12 ming dollar so‘ragani aniqlandi. U pulning 6 ming dollarini olgan vaqtida qo‘lga tushdi. Samarqandda esa fuqarolarni Germaniya va Angliyaga yuborish uchun 12,7 ming dollar olgan shaxs ushlandi. gazeta.uz »
Yevropa Ittifoqi O‘zbekistonda fuqarolik jamiyatini rivojlantirish bo‘yicha loyihalarni 2,9 mln yevro mablag‘ bilan qo‘llab-quvvatladi. Yangi tashabbuslar gender tengligi, huquqiy ta’lim va mediasavodxonlik kabi sohalarni qamrab oladi. gazeta.uz »
Tarixdagi eng dahshatli texnogen falokatlardan biri hisoblangan Chernobil fojiasiga 39 yil to‘ldi. “Gazeta.uz” sana munosabati bilan bu mavzudagi eng ta’sirli monologlarni o‘zida jamlagan belaruslik yozuvchi Svetlana Aleksiyevichning “Chernobil tavallosi” kitobidan parchalar havola etadi. gazeta.uz »
Dubayda 15 nafar o‘zbekistonlik jinoiy to‘qnashuvda ishtirok etishda gumonlanib qo‘lga olindi. BAA O‘zbekiston fuqarolari tomonidan “qonunbuzarlik holatlari ko‘payayotgani” vizasiz tartibga ta’sir ko‘rsatishi mumkinligini bildirdi. gazeta.uz »
24-apreldan my. gov. uz portalida yangi avtomashinani ro‘yxatdan o‘tkazish uchun onlayn ariza berish imkoniyati paydo bo‘ldi. Xizmat hozircha YHXXning Toshkent shahridagi faqat bitta bo‘limida mavjud. gazeta.uz »
Olmaliq shahrida 8 yoshli bolasining qo‘l va oyoq barmoqlariga paxta tiqib yoqqan ona 2 yilga qamaldi. U bu ishni farzandi ruxsatsiz shirinlik yegani uchun qilgan. Boladagi jarohatlarni maktabdagi o‘qituvchilari payqab qolgan. gazeta.uz »
2025-yil 1-sentabrgacha “Haj va Umra yagona portali” va uning mobil ilovasi yaratiladi. U orqali fuqarolar elektron navbatga turishi, ziyorat uchun ro‘yxatdan o‘tishi, zarur ma’lumotlarni olishi mumkin bo‘ladi. gazeta.uz »
O‘zbekiston Xitoy bilan hamkorlikda haroratni mo‘tadillashtiruvchi “aqlli” plyonka ishlab chiqarishni yo‘lga qo‘yadi. Fanlar akademiyasiga ko‘ra, nano-zarrachalarga ega bunday plyonkali issiqxonalarda energiya va suv sarfi kamayib, o‘simliklar 2 baravargacha tez o‘sadi. gazeta.uz »
O‘zbekistonda 1-iyundan boshlab xorijiy davlatlar fuqarolari va fuqaroligi bo‘lmagan shaxslar uchun besh yil muddatga yashash guvohnomasini olish tartibi soddalashtiriladi. Hujjat ko‘chmas mulk sotib olmasdan 200 ming dollar to‘lov evaziga berilishi mumkin. gazeta.uz »
Davlat xavfsizligi xizmati Sirdaryo, Toshkent, Xorazm, Andijon va Farg‘ona viloyatlarida yer maydonlarini sotish va hujjatlarda turini o‘zgartirish bilan bog‘liq korrupsiyaviy holatlarni aniqlandi. Xususan, Toshkentda bog‘dorchilik uchun ajratgan 6 gektar yerni 455 ming dollarga sotmoqchi bo‘lgan shaxslar ushlandi. gazeta.uz »
O‘zbekistonda 1-sentabrdan boshlab har bir qurilish obyekti uchun QR-kodli pasport joriy etiladi. U orqali quruvchi, loyiha va qurilish sanalari haqida ma’lumot olish mumkin bo‘ladi. Tajriba tariqasida Qashqadaryodagi qurilish obyektlarida davlat budjeti hisobidan videokameralar o‘rnatiladi. gazeta.uz »
“Agrobank”da korrupsiya alomatlari kuzatilayotgani haqida bir yil avval e’lon qilingan material uchun Uzdiplomat.uz nashri va jurnalist Nodir Norto‘rayevga chora ko‘rildi. Ular bankning ishchanlik obro‘siga putur yetkazuvchi ma’lumotlar tarqatishda aybdor deb topildi. Nashrga raddiya chiqarish majburiyati yuklandi. gazeta.uz »
Sirdaryo viloyatida xususiy klinikalarning soliq hisobotlarida qonunbuzarliklar aniqlandi. Yuqori toifali shifokorlarning o‘rtacha oylik maoshi rasman 2,2 million so‘mni tashkil etgan bo‘lsa, amalda - 8 dan 35 milliongacha. gazeta.uz »
Hukumat O‘zbekistonda moped va skuterlarni boshqarish uchun haydovchilik guvohnomasiga ega bo‘lish majburiyatini 2025-yil 1-martdan 1-oktabrga ko‘chirdi. gazeta.uz »
Jizzax viloyatida RITM-200N reaktorlariga ega kichik atom elektr stansiyasi loyihasi doirasida qurilish-montaj bazasining (QMB) birinchi bosqichi qurilishi boshlandi. Ushbu baza energobloklar qurilishining butun davri uchun infratuzilmaning asosiy elementiga aylanadi. gazeta.uz »
Davaktiv Toshkentning Mirobod tumanidagi “Beshqo‘rg‘on” bozori (“Risoviy” nomi bilan mashhur) filialining bino va inshootlarini kimoshdi savdosiga qo‘ydi. Uning o‘rnida ekobozor, do‘konlar, kinoteatrlar, bolalar maydonchalari, fitnes va biznes markazidan iborat 6 qavatli savdo majmuasini qurish reja qilinmoqda. gazeta.uz »
