òàøêèë - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda 2027-yil 1-iyuldan hududlararo sudlar tashkil etiladi, tergov sudyalarining vakolatlari kengaytiriladi. Shuningdek, 2030-yilgacha fuqarolik ishlari bo‘yicha tuman va shahar sudlarini bosqichma-bosqich tashkil etish, sudlarda “yagona darcha” xizmatlarini yo‘lga qo‘yish belgilandi. gazeta.uz »
O‘zbekiston Jurnalistlar uyushmasi huzurida Blogerlar ijodiy kengashi tashkil etildi. Unga jurnalist va bloger Eldor Asanov rahbar bo‘ldi. Kengash vazifalari sifatida blogerlarni birlashtirish, manfaatlarini himoya qilish, huquqiy yordam ko‘rsatish va treninglar o‘tkazish belgilandi. gazeta.uz »
O‘zbekiston Jurnalistlar uyushmasi huzurida Blogerlar kengashi tashkil etildi. Blogerlarni birlashtirish, ularning manfaatlarini himoya qilish, huquqiy yordam ko‘rsatish, shuningdek, treninglar o‘tkazish vazifalari e’lon qilindi. Xabar yangilandi. gazeta.uz »
O‘zbekistonda ko‘chirilgan davlat ta’lim va sog‘liqni saqlash muassasalari hamda ayrim korxonalar o‘rnida yashil jamoat parklari tashkil etish taklif etilmoqda. Tegishli qaror loyihasida bunday yer maydonlaridan faqat park maqsadida foydalanish va aholi uchun ochiq, bepul maskanlar barpo etish nazarda tutilgan. gazeta.uz »
O‘zbekistonda pulli avtomobil yo‘llarini tashkil etish tartibi qonun bilan belgilandi. Bunday yo‘llarni qurish va ulardan foydalanish to‘g‘risidagi qaror prezident yoki Vazirlar Mahkamasi tomonidan faqat ular bilan bir yo‘nalishda foydalanishga yaroqli bepul muqobil yo‘l mavjud bo‘lgan taqdirda qabul qilinadi. gazeta.uz »
O‘zbekistonda Chorvadorlar uyushmasini tashkil etish hamda fermer va aholi uchun Smart Fermer yagona raqamli yordamchisini ishga tushirish taklif etildi. Platforma chorva mollarini identifikatsiya qilish, veterinariya xizmatlari, sun’iy urug‘lantirish, subsidiya olish va SI asosida maslahat berish imkonini yaratadi. gazeta.uz »
“O‘zbekneftgaz” AQShning Schlumberger kompaniyasi bilan seysmik ma’lumotlarni qayta ishlash markazini tashkil etmoqda. Loyiha doirasida superkompyuter va sun’iy intellekt texnologiyalari joriy etilib, 3D seysmik tadqiqotlar hajmi hamda geologik qidiruv imkoniyatlari kengaytiriladi. gazeta.uz »
Toshkentning Olmazor tumanida startaplarni qo‘llab-quvvatlash, o‘qitish va kitobxonlik madaniyatini rivojlantirish uchun Yoshlar kreativ parki ochiladi. Shuningdek, gavjum joylarda kitob pavilyonlari va Book Cafe’lar ochishga ruxsat berilib, savdo markazlarida kitob do‘konlari bo‘lishi majburiy etib belgilanadi. gazeta.uz »
Polsha Belarus orqali noqonuniy migratsiyani tashkil etishga aloqador bo‘lgan O‘zbekiston fuqarosini mamlakatdan chiqarib yubordi. U jamoat xavfsizligi va tartibiga tahdid solgani sababli deportatsiya qilindi. gazeta.uz »
O‘zbekistonda Baliqchilikni rivojlantirish markazi va uning hududiy bo‘linmalari tashkil etiladi. Soha tadbirkorlariga kreditning bir qismi qoplab beriladi, 18 foiz stavkada imtiyozli kreditlar ajratiladi. gazeta.uz »
Poytaxt hokimligi huzurida Tashkent Events direksiyasi tashkil etilmoqda. U festivallar, konsertlar, open-air, ko‘cha shoulari, ko‘rgazma, kinonamoyishlar va boshqa madaniy tadbirlarni tashkil etish uchun javobgar bo‘ladi. gazeta.uz »
2026/2027 o‘quv yilidan oliy toifali o‘qituvchilar Nizomiy nomidagi O‘zbekiston milliy pedagogika universitetining maqsadli magistraturasida masofaviy shaklda tahsil olishi mumkin bo‘ladi. Bitiruvchilar kamida uch yil maktabda ishlab beradi, qabul kvotalari esa har yili ehtiyojdan kelib chiqib belgilanadi. gazeta.uz »
O‘zbekiston va Kolumbiya o‘rtasidagi uchrashuvni mamlakatdagi 14 ta umumta’lim maktabida tashkil etilgan muxlislar maydonlarida jami 2,5 mingga yaqin inson tomosha qildi. Jumladan, ta’lim vaziri E’zozxon Karimova xodimlar bilan Toshkentdagi 12-maktabda jonli efirda futbol ko‘rdi. Gazeta reportaji. gazeta.uz »
2030-yilgacha palliativ va hospis yordamidan foydalanish imkoniyatini sezilarli darajada kengaytirish ko‘zda tutilmoqda. Saraton bilan og‘rigan bemorlarga xizmat ko‘rsatuvchi ko‘chma brigadalar paydo bo‘ladi. gazeta.uz »
O‘zbekiston prezidenti havo hujumidan mudofaa tizimlari, yuqori aniqlikdagi qurollar va harbiy aviatsiyadan samarali foydalanish to‘g‘risidagi farmonni imzoladi. Mavjud qo‘mondonlik negizida Harbiy-havo kuchlarining Jangovar qo‘mondonligi tashkil etiladi. gazeta.uz »
O‘zbekiston Savdo-sanoat palatasi va Gonkong Bosh savdo palatasi o‘rtasida anglashuv memorandumi imzolandi. Hujjatga muvofiq, ikki mamlakat tadbirkorlari o‘rtasidagi hamkorlikni rivojlantirish va qo‘shma loyihalarni ilgari surish uchun O‘zbekiston - Gonkong Biznes kengashi tashkil etiladi. gazeta.uz »
Sud tizimida korrupsiyaning oldini olish maqsadida Oliy sud tarkibida Komplayens nazorati xizmatini tashkil etish taklif qilindi. Yangi tuzilma sud apparati xodimlari faoliyatida qonunchilik va kasb etikasi talablariga rioya etilishini nazorat qiladi. Prezidentga bu bo‘yicha loyihalar taqdimot qilindi. gazeta.uz »
Uchtepa tumanidagi Bo‘zsuv kanali bo‘ylab ekotematik park tashkil etish loyihasi boshlandi. U kanal qirg‘og‘ining 3 km dan ortiq qismini qamrab olib, unga sayr zonalari, velosiped yo‘laklari, bolalar maydonchalari va jamoat joylari kiradi. gazeta.uz »
Politico Yevroittifoq boshpana berish rad etilgan migrantlar uchun YeIdan tashqarida maxsus markazlar tashkil etish imkoniyatini ko‘rib chiqayotgani va ehtimoliy hamkorlar qatorida O‘zbekiston ham tilga olingani haqida xabar berdi. gazeta.uz »
Prezident qarori bilan Samarqanddagi bir qator oliy ta’lim muassasalari qayta tashkil etiladi. Samarqand davlat texnika universiteti tashkil etilib, ayrim filiallar yirik oliygohlarga qo‘shiladi. Shuningdek, xalqaro stajirovkalar, sanoat bilan hamkorlik va ta’limni raqamlashtirish choralari belgilandi. gazeta.uz »
Oliy attestatsiya komissiyasi faoliyatini FA tizimiga o‘tkazish rejalashtirilmoqda. Shuningdek, ilmiy daraja berish jarayonlarini to‘liq raqamlashtirish orqali dissertatsiya himoyasidagi ortiqcha byurokratik tartiblarni qisqartirish, amaldagi tartib-taomillarning 50 foizini bekor qilish taklif qilindi. gazeta.uz »
VM qarori bilan Toshkent davlat iqtisodiyot universitetida Davlat auditi oliy maktabi tashkil etiladi. Abituriyentlardan chet tili bo‘yicha B2 va matematikadan B sertifikati talab qilinadi. O‘quv dasturlari QS va THE reytinglarida top 300 ga kirgan xorijiy universitetlar tajribasi asosida ishlab chiqiladi. gazeta.uz »
Prezident intensiv sanoatlashgan bog‘larni ko‘paytirish chora-tadbirlari bo‘yicha yig‘ilish o‘tkazdi. Unda sohani rivojlantirishga oid bir qator masalalar muhokama qilindi, jumladan, 12 oy davomida sanoatlashgan bog‘ tashkil etilmagan maydonlar uchun yer va suv solig‘i stavkalarini oshirish masalasi ham ko‘rib chiqildi. gazeta.uz »
Angrenda joylashgan Lashkarak mahallasidagi ziplaynda ikki kishi to‘qnashib ketdi. Fuqarolar jarohatlanmagan. FVVga ko‘ra, attraksion noqonuniy faoliyat yuritib kelgan. gazeta.uz »
Qishloq xo‘jaligi vazirligi huzurida Chorvachilik va yaylov xo‘jaligini rivojlantirish agentligi tashkil etiladi. Yangi tuzilma chorvachilik salohiyatini oshirish, ozuqa bazasini kengaytirish va naslchilik tizimini takomillashtirish bo‘yicha keng ko‘lamli vazifalarni amalga oshiradi. gazeta.uz »
Prezident farmoniga muvofiq, O‘zbekistonda To‘lovga qobiliyatsizlik ishlari agentligi tashkil etiladi. Sud boshqaruvchilari faoliyati uchun KPI tizimi joriy etilib, sohadagi jarayonlar raqamlashtiriladi. gazeta.uz »
SSV huzurida Klinik audit inspeksiyasi, Aholi salomatligini tahlil qilish markazi va Mediamarkaz tashkil etiladi. Idora apparati 298 shtat birligigacha ko‘paytiriladi, Sanepidqo‘mitaniki esa 880 taga qisqartiriladi. gazeta.uz »
Farmatsevtika tarmog‘ini rivojlantirish agentligi Tibbiyot va farmatsevtika tarmog‘ini rivojlantirish agentligi etib qayta nomlandi. Uning qoshida ustav fondi 10 milliard so‘m bo‘lgan Health Invest kompaniyasi tashkil etiladi. gazeta.uz »
O‘zbekistonda xorijiy ishchilar faoliyatini nazorat qilish uchun Migratsiya nazorati xizmati tashkil etiladi. Rasmiylarga ko‘ra, ularning ko‘pchiligi mamlakatga faqat viza bilan kirib, ruxsatnomasiz ishlamoqda. gazeta.uz »
Prezident qarori bilan Besqala Mining Valley maxsus mayning zonasi tashkil etiladi. Maxsus zonaning hududi Qoraqalpog‘iston Respublikasining butun hududi hisoblanadi. Rezidentlar daromadlari 2035-yilgacha soliqlar va yig‘imlardan ozod qilinadi. gazeta.uz »
O‘zbekistonda volontyorlar va ko‘ngilli qutqaruvchilar “Favqulodda vaziyatlar volontyori” jamoatchilik guruhlariga jalb etiladi. Ularga berilgan tavsiyanoma asosida FVV akademiyasiga o‘qishga kirishda o‘zlari to‘plagan ballarning 5 foizi miqdorida qo‘shimcha ball berish ko‘zda tutilmoqda. gazeta.uz »
Prezident topshirig‘iga asosan Toshkentda arxitektor va urbanistlar uchun kreativ park hamda oliygoh tashkil etiladi. Davlat rahbari xalqaro loyihalarda mahalliy kompaniyalar manfaatlari kuchsiz himoya qilinayotganini tanqid qildi. gazeta.uz »
O‘zbekistonda odam savdosining asosiy qismini jinsiy ekspluatatsiya tashkil etmoqda. 2025-yilda odam savdosi bilan bog‘liq 177 ta holat kuzatilgan bo‘lib, uning 92 tasi shahvoniy ekspluatatsiyaga to‘g‘ri kelgan. gazeta.uz »
Fanlar akademiyasi Mirzo Ulug‘bek tumanining Ulug‘bek shaharchasidagi 190 gektar yer maydonidan ixtiyoriy ravishda voz kechdi, shundan so‘ng ushbu hudud shahar zaxirasiga o‘tkazildi. Mazkur maydondan “Toza havo” dasturi doirasida dendrologiya bog‘ini barpo etish uchun foydalanish rejalashtirilmoqda. gazeta.uz »
O‘zbekistonda elektron tijoratni rivojlantirish maqsadida import tovarlar uchun bojxona to‘lovlarini sotuv amalga oshirilgan vaqtda to‘lash tizimi joriy etiladi. Bunday tovarlar bond omborlarida saqlanadi. gazeta.uz »
Toshkent shahrida 1-apreldan yangi sanoat zonalarini tashkil qilishga muddatsiz moratoriy joriy qilinadi. Qurilish obyektlari bo‘yicha loyiha-smeta va shaharsozlik hujjatlarini ekspertizadan o‘tkazishda majburiy ravishda ekologik ekspertiza xulosasini taqdim etish tartibi joriy qilinadi. gazeta.uz »
O‘zbekiston-Afg‘oniston ishbilarmonlar kengashi tashkil etildi. Qurilish materiallari, farmatsevtika, oziq-ovqat, to‘qimachilik, elektrotexnika kabi tarmoqlar qamrab olinadi. Tomonlar savdo-iqtisodiy hamkorlikni kengaytirish va o‘zaro savdo hajmini 5 mlrd dollarga yetkazish bo‘yicha chora-tadbirlarni kelishib oldi. gazeta.uz »
Toshkentdagi Parkent bozori oldida qayrilib olish joyi tashkil etiladi. 8 ta yo‘lak (jami 16 ta) o‘rniga keng orolcha, avtomobillar uchun 3 tadan yo‘lak, avtobus yo‘laklari va avtoturargohlar paydo bo‘ladi. gazeta.uz »
O‘zbekiston kimyo-farmatsevtika ilmiy-tadqiqot instituti, Toshkent vaksina va zardoblar ilmiy-tadqiqot instituti va “Sharq tabobati” ilmiy-tadqiqot institutlari negizida Milliy biofarmatsevtika ilmiy-tadqiqot instituti tashkil etiladi. gazeta.uz »
Prezidentga Toshkentdagi Kreativ industriya bog‘i konsepsiyasi taqdimot qilindi. Uning tarkibiga bog‘, xalqaro dasturlash tarmog‘i maktabi, buk-kafe, kino va video ishlab chiqarish zonalari va boshqa obyektlar kiradi. gazeta.uz »
Qamchiq dovoni yopilgach, o‘z manziliga yetolmagan yo‘lovchilar uchun soat 01:00 da ham Toshkent-Pop yo‘nalishida qo‘shimcha temiryo‘l reysi tashkil etiladi. Popga borgach, poyezd vodiydan Toshkentga ketayotgan yo‘lovchilarni ham olib qaytadi, deya ma’lum qildi FVV. Dovonda kechki soatlarda 12 ta qor ko‘chkisi aniqlangan. gazeta.uz »
Hukumat qarori bilan Yadro fizikasi instituti huzurida Respublika radioaktiv chiqindilarni saqlash markazi tashkil etiladi. U chiqindilarni tashish, qabul qilish, saralash va uzoq muddatli saqlash bilan shug‘ullanadi, sohaga ilmiy ishlanmalar va raqamlashtirishni joriy etadi. gazeta.uz »
Mirzo Ulug‘bek tumanida ijaradagi uyda narkolaboratoriya tashkil qilgan talaba yigit va qiz qo‘lga olindi. Tezkor tadbir davomida jami 2 kg mefedron musodara qilingan, shuningdek, mahsulotni tarqatish bilan shug‘ullangan 15 nafar shaxs, jumladan, oliygoh talabalari ushlandi. gazeta.uz »
O‘zbekiston sanoat kooperatsiyasi va davlat xaridlari sohasida yagona boshqaruvni joriy etmoqda. Bu mamlakatda yuqori texnologiyali va raqobatbardosh mahsulotlar ishlab chiqarish uchun qiymat zanjirini yaratishga, shu bilan birga, tashqi omillarga bog‘liqlikni kamaytirishga qaratilgan. gazeta.uz »
O‘zbekistonda yanvardagi inflyatsiya 0,7% ni, yillik hisobda esa 7,2% ni tashkil etdi, deb xabar berdi Milliy statistika qo‘mitasi. Go‘sht, sut, tuxum qimmatlashdi, guruch va oq qand narxi pasaydi. Avtosug‘urtaning o‘rtacha narxi 381,8% ga, mobil aloqa xizmati narxlari esa 2,4% ga (yil davomida - 17,9%) oshdi. gazeta.uz »
So‘nggi bir yilda Umra ziyoratini noqonuniy tashkil etish bilan bog‘liq 178 ta jinoyat ishi qo‘zg‘atildi. Litsenziyasiz ishlagan 47 ta, reklama qoidalarini buzgan 15 ta turistik tashkilot jarimaga tortildi. gazeta.uz »
O‘zbekistonda Mintaqaviy sport kurashlari akademiyasi tashkil etiladi, shuningdek, yangi kurash musobaqalari o‘tkaziladi. Prezident sport maktablari mahalla darajasida faoliyat yuritishi kerakligini ta’kidladi va iqtidorli bolalarni erta aniqlash tizimini mustahkamlashni buyurdi. gazeta.uz »
Yoshlar ishlari agentligi huzurida Kitobxonlik madaniyatini rivojlantirish jamg‘armasi tashkil etiladi. U muallif va yozuvchilarni, kitoblarni tarjima va nashr qilish xarajatlarini moliyalashtiradi. gazeta.uz »
Prezident keskin geosiyosiy o‘zgarishlar davrida Tashqi ishlar vazirligi va xorijiy diplomatik vakolatxonalar ishini qayta tashkil etish zarurligini ta’kidladi. Elchilar uchun eksport tushumlari, sayyohlar oqimi va qonuniy mehnat migratsiyasini osonlashtirish kabi KPI joriy etiladi. gazeta.uz »
Qurilishi sakkiz yil davom etgan Toshkentdagi Islom sivilizatsiyasi markazi mart oyida ochiladi. Uning tarkibidan 2000 ta eksponatga ega muzey, shuningdek, kutubxona, nodir qo‘lyozmalar fondi va interaktiv bolalar bo‘limi o‘rin olgan. gazeta.uz »
