Soliq - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda aksiya, obligatsiya va yangi instrumentlar, jumladan, sukuk bo‘yicha soliq imtiyozlarini 2028-yildan 2038-yilgacha uzaytirish reja qilinmoqda. ILMA preferensiyalarning yanada uzoqroq muddatga belgilanishi fond bozoriga kiritiladigan investitsiyalar hajmini ko‘paytirishga yordam beradi, deb hisobladi. gazeta.uz »
Toshkent viloyati soliq boshqarmasi mas’ullari 6 ta korxonadagi tekshiruvda 5,2 mlrd so‘mlik soliqni hisoblamasdan dalolatnoma rasmiylashtirgani aniqlandi. Tadbirkorlar 42,5 mlrd so‘mlik soliqni to‘lamagan, 195,9 mlrd so‘mlik mahsulotlarni naqd pulga sotib, tushumni bankka topshirmagan. gazeta.uz »
Depozitlar bo‘yicha foizli daromadlarga 5 foizli soliq solish taklifi bank tizimiga bo‘lgan ishonchga zarar yetkazishi, so‘mdagi jamg‘armalarga bo‘lgan qiziqishni pasaytirishi hamda mablag‘larning bir qismini valyuta, oltin va ko‘chmas mulkka yo‘naltirishi mumkin, deb hisoblamoqda iqtisodchi. gazeta.uz »
Iqtisodiyot va moliya vazirligi huzuridagi institut jismoniy shaxslar bank depozitlari bo‘yicha foiz daromadlarini 5% stavkada soliqqa tortishni taklif qildi. Tashabbus mualliflari hisob-kitoblariga ko‘ra, bu budjetga yiliga taxminan 1,4 trln so‘m keltirishi mumkin. Hozircha gap faqat taklif haqida ketmoqda. gazeta.uz »
Prezident inflyatsiya va’da qilingan 3%dan yuqori bo‘lgani uchun hududlar rahbarlarini tanqid qildi. Shuningdek, u chorva mollari soni oshirib ko‘rsatilganiga e’tibor qaratib, go‘sht balansini qayta ko‘rib chiqish, importni yo‘lga qo‘yish va yil oxirigacha 100 ming qoramol va 150 ming qo‘y-echki olib kelishni topshirdi. gazeta.uz »
Zangiotada soliq inspektori tadbirkordan 160 mln so‘mlik jarimani bartaraf qilib berish evaziga $1000 talab qilgan. Buvaydada esa elektr ta’minoti korxonasi muhandisi quyosh panellari bo‘yicha hujjatlarni rasmiylashtirish va mijoz topib berish uchun $5000 so‘ragan. Ikkalasi ham tezkor tadbirlarda ushlangan. gazeta.uz »
Soliq qo‘mitasi bank siri va p2p o‘tkazmalar monitoringi bo‘yicha Markaziy bank pozitsiyasiga hurmat bilan qarashini ma’lum qildi. Idora ta’kidlashicha, p2p o‘tkazmalarning o‘zi soliqqa tortilmaydi, loyiha esa ommaviy nazoratni nazarda tutmaydi. gazeta.uz »
Markaziy bank yirik p2p o‘tkazmalar haqidagi ma’lumotlarni soliq organlariga uzatish Konstitutsiyaning bank operatsiyalari, omonatlar va hisobvaraqlar sir tutilishini kafolatlaydigan 41-moddasiga zid deb hisoblaydi. gazeta.uz »
O‘zbekistonda cheklar uchun soliq keshbekidan voz kechish taklif qilindi. IMV huzuridagi institutga ko‘ra, bu mexanizm o‘zining dastlabki vazifasini bajardi - xaridorlarni fiskal cheklarni talab qilishga o‘rgatdi, biroq endi budjetga tobora qimmatga tushmoqda: 2026-yilda xarajatlar 1,8 trln so‘mga yetishi mumkin. gazeta.uz »
E’lon qilingan barcha soliq va bojxona imtiyozlari bekor qilinsa, budjet avtomatik tarzda bunga teng miqdorda daromad olmaydi. QQS misolida ko‘rish mumkinki, bunday “imtiyozlar”ning salmoqli qismi ayrim tarmoqlarni qo‘llab-quvvatlash emas, balki soliqning o‘z tuzilmasiga kiradi, deydi Abbosbek Jo‘rayev. gazeta.uz »
Soliq qo‘mitasi banklarning soliq organlariga ma’lumotlarni uzatish to‘g‘risidagi loyiha yangi vakolatlarni va fuqarolarning hisobvaraqlariga erkin kirish huquqini bermasligini ma’lum qildi. Hujjatda bir oyda BHMning 500 baravaridan yuqori bo‘lgan p2p tushumlari ma’lumotini avtomatik uzatish nazarda tutilgan. gazeta.uz »
Toshkentning Olmazor, Uchtepa, Yakkasaroy va Yashnobod tumanlari soliq inspeksiyalariga yangi rahbarlar tayinlandi. Soliq qo‘mitasiga ko‘ra, tayinlovlar davlat soliq xizmati organlari faoliyati samaradorligini oshirish va kadrlar zaxirasini mustahkamlash maqsadida amalga oshirilgan. gazeta.uz »
O‘zbekistonda amalda ikkita soliq tizimi yuzaga kelgan: umumiy stavkalarga asoslangan hamda imtiyozlar va maxsus rejimlar. Mutaxassis Behzodxon Alixonov bu istisnolar raqobatga qanday ta’sir ko‘rsatishi, islohotlarning keyingi bosqichi nima uchun biznesga teng sharoitlar yaratishi zarurligini tahlil qiladi. gazeta.uz »
Yunusobod tumani soliq inspeksiyasining ikki nafar inspektori tadbirkordan 5 ming dollar olganlikda gumonlanib ushlandi. Ular “Chilonzor buyum bozori kompleksi”dan 3 ta savdo do‘konini ijaraga olishda yordam berishni va’da qilgan. gazeta.uz »
Soliq imtiyozlari biznes va aholini qo‘llab-quvvatlash vositasi sifatida qaraladi. Lekin iqtisodiy mohiyatiga ko‘ra, ularning aksariyati budjet xarajatlaridir. Yashirin iqtisodiyotni qisqartirish instituti rahbari Abbosbek Jo‘rayev nega O‘zbekistonga soliq xarajatlari bo‘yicha shaffof hisobotlar zarurligi haqida. gazeta.uz »
O‘zbekistonliklar endi “Soliq” mobil ilovasida xaridlar uchun yig‘ilgan keshbek mablag‘larini ixtiyoriy ravishda daraxt va ko‘chatlar ekishga yo‘naltirishi mumkin. Yangi xizmat Soliq qo‘mitasi va Ekologiya qo‘mitasi hamkorligida ishga tushirildi. gazeta.uz »
O‘zbekistonda ijodiy biznesni qo‘llab-quvvatlashning yangi tizimi - Kreativ sanoat parki taqdim etildi. Park ishtirokchilariga soliq imtiyozlari, infratuzilma, davlat xaridlari va xalqaro loyihalarda ishtirok etish imkoni va’da qilinadi. gazeta.uz »
 Àíäèæàíñêîé îáëàñòè ïðàâîîõðàíèòåëüíûå îðãàíû âûÿâèëè êðóïíóþ ñõåìó õèùåíèÿ áþäæåòíûõ ñðåäñòâ ÷åðåç ìåõàíèçì êåøáýêà â ìîáèëüíîì ïðèëîæåíèè Soliq. Ïî äàííûì Äåïàðòàìåíòà ïðè Ãåíåðàëüíîé ïðîêóðàòóðå, óùåðá ãîñóäàðñòâó ñîñòàâèë 35,1 ìëðä ñóìîâ. nuz.uz »
Bosh prokuratura departamenti Andijon viloyatida keshbek sifatida to‘langan 35,1 mlrd so‘m budjet mablag‘lari talon-toroj qilinganini aniqladi. Tergov ma’lumotlariga ko‘ra, gumonlanuvchilar uch fuqaro nomiga 9 ta kompaniya ochib, 1,1 trln so‘mlik tovar yetkazib berilgani haqida soxta hujjatlar rasmiylashtirgan. gazeta.uz »
Senat tovarlarni raqamli markirovka bo‘yicha masofaviy soliq tekshiruvini joriy etish to‘g‘risidagi qonunni ma’qulladi. Tekshiruv 5 kundan oshmasligi va bungacha tadbirkorlar ikki marta ogohlantirilishi shartligi belgilandi. gazeta.uz »
Bulung‘ur tumanida fermerning 150 mln so‘mlik soliq qarzini kamaytirib berishni va’da qilgan soliq inspeksiyasi boshlig‘i o‘rinbosari, Kattaqo‘rg‘onda esa fuqaroni ishga joylashtirish uchun pul olgan sobiq tuman hokimi o‘rinbosari ushlandi. Ularga nisbatan jinoiy ish ochildi. gazeta.uz »
Marketpleyslar va internet platformalar Soliq qo‘mitasiga tovar aylanmasi va onlayn tranzaksiyalar ma’lumotlarini beradi. Shuningdek, loyihada norezident yuridik shaxslarni soliq hisobiga qo‘yish va soliq majburiyatlarini bajarmagan taqdirda ularning internetdagi faoliyatini cheklash qoidalari ko‘zda tutilgan. gazeta.uz »
Prezident intensiv sanoatlashgan bog‘larni ko‘paytirish chora-tadbirlari bo‘yicha yig‘ilish o‘tkazdi. Unda sohani rivojlantirishga oid bir qator masalalar muhokama qilindi, jumladan, 12 oy davomida sanoatlashgan bog‘ tashkil etilmagan maydonlar uchun yer va suv solig‘i stavkalarini oshirish masalasi ham ko‘rib chiqildi. gazeta.uz »
O‘zbekistondagi 35 ta shahar va tuman soliq inspeksiyalarida rahbar o‘zgardi. Ularning 4 nafari ayol rahbarlar. Qo‘mita tayinlovlarni soliq organlarida olib borilayotgan institutsional islohotlar doirasidagi o‘zgarishlar bilan izohladi. gazeta.uz »
Soliq qo‘mitasi savdo bilan shug‘ullanuvchi ayrim tadbirkorlarda savdo amaliyotlari P2P - plastik kartadan plastik kartaga pul o‘tkazmalari orqali amalga oshirilayotgan holatlarni tahlil qilmoqda. Aniqlangan holatlar asosida soliq hisobotlarida aks ettirilmagan daromadlar bo‘yicha tegishli choralar ko‘riladi. gazeta.uz »
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi. gazeta.uz »
O‘zbekistonda tibbiyot sohasiga jalb etiladigan xorijlik shifokorlar uchun ijtimoiy soliq 1 foizga tushiriladi, shuningdek, tibbiyot tashkilotlari tomonidan olib kiriladigan tibbiy jihozlar, ehtiyot qismlar va maxsus avtotransport vositalari 2029-yil 1-iyunga import bojxona bojidan ozod etiladi. gazeta.uz »
Qonunosti hujjatlarida ko‘zda tutilgan soliq imtiyozlari Soliq kodeksiga kiritiladi. O‘zgarishlar qabul qilinguncha O‘zbekiston tadbirkorlariga bu imtiyozlardan foydalanishga ruxsat beriladi, deb xabar qildi Soliq qo‘mitasi departamenti direktori Aziz Umirzoqov prezident huzuridagi yig‘ilish yakunlari bo‘yicha. gazeta.uz »
O‘zbekistonda kafe, restoran va mehmonxonalarda alkogol mahsulotlari uchun naqdsiz pulda to‘lov qilish talabi qayta ko‘rib chiqiladi. “Bu bizning aybimiz, e’tiborsizligimiz. U bo‘yicha ishlayapmiz, yaqin kunlarda yechim beramiz. To‘g‘rilab beramiz”, - dedi Soliq qo‘mitasi raisi. gazeta.uz »
Madaniyat vaziri Ozodbek Nazarbekov san’atkorlarga solinishi kutilayotgan daromad solig‘i haqida gapirib, hamma soliq to‘lashini aytdi. “Soliq to‘lamayman deyishga or qilish kerak odam”, - dedi vazir. gazeta.uz »
XVJ O‘zbekistonga aksiz soliqlarini oshirish va ayrim soliq imtiyozlaridan voz kechishni tavsiya qildi. Jamg‘armaga ko‘ra, bu choralar budjetga YAIMning bir necha foizigacha qo‘shimcha daromad keltirishi hamda aholining ta’lim, tibbiyot va infratuzilmaga bo‘lgan ehtiyojlarini qoplashi mumkin. gazeta.uz »
O‘zbekistonda endi soliq xizmati organlari tomonidan o‘tkaziladigan nazorat tadbirlari videotasvirga olinadi. Bu soliq to‘lovchilarning qonuniy faoliyatini to‘xtatib qo‘ymaydigan va faoliyat ko‘rsatishiga ziyon yetkazmaydigan tarzda amalga oshiriladi. gazeta.uz »
Prezident soliq ma’murchiligini takomillashtirish va sohani isloh qilishga doir taqdimot bilan tanishdi. Sun’iy intellekt orqali nazorat tizimini joriy etib, 2026-yilda budjetga qo‘shimcha 30 trln so‘m tushum ta’minlash vazifasi qo‘yildi. gazeta.uz »
Xonanda Jahongir Otajonov daromad solig‘i to‘lashga tayyor ekani, ammo shundan keyin “O‘zbekkonsert” “xonandalarni tinch qo‘yishi kerakligini” aytdi. “Konsert yoki falonchi amaldorning to‘yiga borib bering, deyishmasin. gazeta.uz »
Soliq qo‘mitasiga ko‘ra, fevralda fuqarolardan, jumladan, terminalga savdo qilmaslik, to‘lovlarni P2P orqali qabul qilish holatlari bo‘yicha 22 mingga yaqin murojaat tushgan. Shundan 6700 tasi - takroriy huquqbuzarliklar. gazeta.uz »
Chust tumanida korxonaning 376,6 mln so‘m miqdoridagi soliq qarzdorligini tizimdan o‘chirib berish evaziga 20 mln so‘m olgan ayol va uning tanishi, tuman soliq inspeksiyasining bosh inspektori ushlandi. gazeta.uz »
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi. gazeta.uz »
O‘zbekistonda 2029-yilgacha pillachilik klasterlarining bino va inshootlari mol-mulk solig‘i hamda yer solig‘idan ozod qilinadi. Har bir mavsumiy ishchi oylik ish haqining 50 foizi kompensatsiya qilib beriladi. gazeta.uz »
Prezident farmoni bilan farmatsevtika sohasida ishlab chiqarishni kengaytirish va ilmiy tadqiqotlarni qo‘llab-quvvatlashga qaratilgan yangi imtiyozlar joriy etildi. Ular soliq yengilliklari, bojxona preferensiyalari va xarajatlarni qisman qoplashni o‘z ichiga oladi. gazeta.uz »
O‘zbekistonda 1-apreldan yangi farmatsevtika vositalari ishlab chiqarish, dorivor o‘simlik yetishtirish va qayta ishlash yo‘nalishidagi loyihalar boshlanganidan e’tiboran uch yil muddatga yer solig‘idan ozod qilinadi. gazeta.uz »
O‘zbekistonda ixtiyoriy ijtimoiy soliq to‘lagan o‘zini o‘zi band qilganlar budjet hisobidan ipoteka krediti olishi mumkin. Prezident farmoni bilan uy-joy qurilishini rag‘batlantirish, “Yangi O‘zbekiston” massivlarini rivojlantirish va ipoteka tizimini takomillashtirish choralari belgilandi. gazeta.uz »
Soliq xizmati xodimlarining daromadlari va xarajatlarini deklaratsiya qilish joriy etilmoqda. Davlat soliq qo‘mitasi daromadlarni deklaratsiya qilish tizimini ishlab chiqdi. 1-martdan soliq xizmati xodimlari hamda Navoiy va Chirchiq aholisi sinov tariqasida daromadlar bo‘yicha soliq deklaratsiyasi taqdim etadi. gazeta.uz »
O‘zbekiston banklaridan fuqarolarning so‘nggi uch yilda 83 ta xorijiy internet-kompaniyaga qilgan to‘lovlari haqida ma’lumot so‘raldi. Har bir operatsiya bo‘yicha sana va summa ko‘rsatiladi. Soliq qo‘mitasi ma’lumotlar QQS to‘g‘ri hisoblanishi va to‘lanishini tekshirish uchun egasiz shaklda yig‘ilayotganini bildirdi. gazeta.uz »
Deputatlar raqamli markirovkalash sohasida masofaviy soliq tekshiruvlarini nazarda tutuvchi qonun loyihasini birinchi o‘qishda qabul qildi. U biznes huzuriga bormasdan, tekshiruvlar va sof tushumdan 0,2 dan 2% gacha jarimani ko‘zda tutadi. gazeta.uz »
O‘zbekistonda 1-yanvardan boshlab “Eng yaxshi soliq to‘lovchi mahalla” nominatsiyasi joriy etiladi. G‘olib mahallalar 2 milliard so‘m miqdorida rag‘batlantiriladi. gazeta.uz »
O‘zbekistonda 2026-yil 1-iyuldan boshlab aholi tomonidan dachalarni ijaraga berish Soliq mobil ilovasi orqali amalga oshiriladi. Milliy turizm yagona platformasi va uning mobil ilovasi ishga tushiriladi. gazeta.uz »
Sherzod Kudbiyev Soliq qo‘mitasi raisi lavozimidan ozod etilib, Urbanizatsiya va uy-joy bozorini barqaror rivojlantirish milliy qo‘mitasi raisi lavozimiga tayinlandi. Kadastr agentligi direktori sifatida ishlab kelgan Farrux Pulatov uning o‘rnini egalladi. gazeta.uz »
Toshkent shahri Soliq boshqarmasining Soliq auditi bo‘limi bosh inspektori sud tomonidan yuklangan qo‘shimcha soliqni bekor qilib berishni va’da qilib, korxonadan pora talab qilgan. U soliqni to‘liq bekor qilmay, pulni qaytarib berayotganda DXX xodimlari tomonidan ushlandi. gazeta.uz »
Sirdaryoda soliq boshqarmasining bosh inspektori tadbirkor qarzdorligini kamaytirib berish evaziga 1500 dollar olayotganda qo‘lga olindi. Andijonda soliq xodimi korxonadan taqiqni olib tashlash evaziga 500 dollar talab qilgan. gazeta.uz »
Ohangaronda soliq inspektori soliq tekshiruvini ijobiy hal qilib berishni va’da qilib, fermerdan 5 ming dollar pora talab qilishda gumonlanib qo‘lga olindi. Shuningdek, Navoiyda sport maktabi direktori va bosh hisobchisi murabbiyning xizmat safari pullaridan ulush talab qilganlikda gumonlanib ushlandi. gazeta.uz »
