êåðàê - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston jamoasi sardori Eldor Shomurodov JCHda jamoa umuman boshqa temp, jismoniy kuch va o‘yin sifatiga duch kelganini aytdi. Unga ko‘ra, endi o‘zbek futbolining intiladigan maqsadlari bor. Igor Sergeyev esa jamoa “jahon chempionatiga tasodifan kelib qolmaganini isbotlashi kerakligini” alohida ta’kidladi. gazeta.uz »
Futbol bo‘yicha O‘zbekiston milliy jamoasi bosh murabbiyi Fabio Kannavaro Portugaliyaga qarshi o‘yin oldidan jamoa himoyada maksimal darajada tartibli bo‘lishi va to‘p bilan raqibga muammo tug‘dirishga harakat qilishi kerakligini aytdi. gazeta.uz »
TXIFning YeI va MO hamkorligiga bag‘ishlangan sessiyasida mintaqa uchun raqobat, energetika tarmoqlari, muhim xomashyo va loyihalar sifati haqida so‘z yuritildi. Asosiy xulosa shuki, Yevropa tezroq bayonotlardan investitsiyalarga o‘tishi, mintaqa esa pulni ishonib topshirish mumkin bo‘lgan loyihalarni tayyorlashi kerak. gazeta.uz »
Besh yilda O‘rta koridor orqali yuk tashish 5 baravar oshdi, ammo kelgusidagi o‘sish davlatlar o‘rtasida muvofiqlashtirish sustligiga duch kelishi mumkin. TXIFda koridorga nafaqat infratuzilmaga investitsiyalar, balki yagona hujjatlar, raqamli ma’lumotlar almashinuvi ham zarurligi muhokama qilindi. gazeta.uz »
Ikki yildan buyon muhokama qilinayotgan renovatsiya to‘g‘risidagi qonun qabul qilindi. U avariya holatidagi uylarni buzish va qayta qurish tartibini belgilaydi. Mutaxassislarga ko‘ra, mulk huquqi saqlanadi, biroq mulkdorlar o‘z manfaatini sudda faolroq himoya qilishiga to‘g‘ri keladi. Gazeta’da qaror muhokamasi. gazeta.uz »
O‘zbekiston sug‘urta sohasi, pensiya jamg‘armalari va kapital bozorlarini rivojlantirishi zarur, deb ta’kidladi YeTTB vakili Fransis Malij. Unga ko‘ra, yirik investorlar odatda xorijiy boshqaruvchilar hisobiga bozor yaratishga urinilayotgan joyga emas, balki jonli bozor allaqachon mavjud bo‘lgan joyga keladi. gazeta.uz »
Ta’limning asosiy vazifasi nima - bilim berishmi, qobiliyatni kashf etish yoki avlodlar o‘rtasidagi munosabatlarni mustahkamlash? Ta’lim falsafasi, maktablarning jamiyatdagi o‘rni va u yerdagi bolaning roli haqida Gazeta podkastida so‘z bordi. gazeta.uz »
Toshkentda yo‘l bo‘yidagi pulli avtoturargohlar atrofida bahslar davom etyapti. Xususan, shahar yeri umumiy ekani, haydovchilar shundog‘am soliq to‘lashi, avtoturargohlar tirbandlik keltirib chiqarishi ta’kidlanmoqda. gazeta.uz »
O‘zbekistonda palliativ va hospis yordami assotsiatsiyasi ochildi. Uning birinchi loyihasi Litva, Ruminiya va Rossiya ma’ruzachilari ishtirokida 50 nafar mutaxassis uchun ta’lim dasturi bo‘ldi. Kelgusida mamlakat bo‘ylab tibbiy brigadalarni tashkil etish va E-Palliative platformasini ishga tushirish rejalashtirilmoqda. gazeta.uz »
Ayollar STEM yo‘nalishlari bitiruvchilarining katta qismini tashkil etsa-da, energetika sohasidagi texnik va rahbarlik lavozimlarida hamon yetarlicha namoyon bo‘lmayapti. Ekspertlar qizlarning turdosh fanlarga qiziqishini oshirish va ayollarni texnik lavozimlarda qo‘llab-quvvatlash yo‘llari haqida gapirdi. gazeta.uz »
Gazeta muxbiri Toshkent shahri hokimi Shavkat Umurzoqovga hamrohlik qilib, uning bir kunlik ish jarayonini tasvirga oldi. Hokim xalq bilan muloqot muhimligi, nima uchun kichik muammolarni ham prezident hal qilayotgani, nega amaldorlar jamoat transportida yurmasligi haqida fikr bildirdi. gazeta.uz »
Eronning O‘zbekistondagi elchixonasi Gazeta`ga bergan intervyusida AQSh bilan muzokaralar, o‘t ochishni to‘xtatish rejimi, sanksiya va vositachilarning diplomatik jarayonga ta’siri bo‘yicha izoh berdi. gazeta.uz »
YIning O‘zbekistondagi elchisi Toyvo Klaar o‘z kolonkasida Ukrainalik bolalarni qaytarish bo‘yicha xalqaro koalitsiya faoliyati haqida so‘z yuritdi. U nizolardan so‘ng bolalarni reintegratsiya qilish tajribasiga ega bo‘lgan davlatlarni ushbu koalitsiyaga qo‘shilishga chaqirdi. gazeta.uz »
Sun’iy intellekt allaqachon aviakompaniyalarga daromadni oshirishga yordam bermoqda. Ular SI imkoniyatlarini qanday qo‘llayapti, uni joriy etishda qaysi omil va xavflarni hisobga olish kerak, qaysi xalqaro tajriba O‘zbekiston uchun foydali bo‘lishi mumkin? Shular haqida Gazeta BCG ekspertlari bilan suhbatlashdi. gazeta.uz »
“Markaziy Osiyoning qoq markazida” joylashgan O‘zbekiston mintaqaviy loyihalar muvofiqlashtiruvchisi yoki katalizatori bo‘lishi kerak, dedi bosh vazir o‘rinbosari Jamshid Xodjayev. Bunday yondashuv xatarlarni taqsimlash va yirik energetika loyihalarini moliyalashtirish uchun jozibador qilish imkonini beradi. gazeta.uz »
O‘zbekiston prezidenti aholi daromadlarini oshirishni iqtisodiyotning asosiy vazifasi deb atadi. “Odamlarni barcha sohalarda pul topishga o‘rgatishimiz kerak”, - dedi davlat rahbari. Ish haqi va pensiyalarning oshishi tarmoqlarning ish natijalariga bog‘liq ekani ta’kidlandi. gazeta.uz »
Qishloq xo‘jaligi vazirligi dunyoda oqsil kasalligi tarqalishi fonida chorvachilikda sanitariya-gigiyena oyligi e’lon qildi. Aslida har oy shunday bo‘lishi kerak. Oqsil aholi sog‘ligiga jiddiy xavf solmasa-da, agrosektor uchun halokatli. gazeta.uz »
28-apreldan 13-maygacha bo‘lib o‘tadigan X Xalqaro jaz festivali Toshkentni mintaqaning jaz poytaxtiga aylantiradi. Keng ko‘lamli musiqiy tadbirda AQSh, Buyuk Britaniya, Armaniston va Rossiyadan yulduzlar ishtirok etadi. gazeta.uz »
Madaniyat vaziri Ozodbek Nazarbekov san’at sohasiga turli cheklovlar qo‘yish tarafdori emasligini aytib, demokratik jamiyat qurganda, “erkinlikning boshqa tomonlariga ham toqat qilish kerakligini” ta’kidladi. gazeta.uz »
Madaniyat vaziri Ozodbek Nazarbekov san’atkorlarga solinishi kutilayotgan daromad solig‘i haqida gapirib, hamma soliq to‘lashini aytdi. “Soliq to‘lamayman deyishga or qilish kerak odam”, - dedi vazir. gazeta.uz »
Urbanizatsiya qo‘mitasi raisi Sherzod Kudbiyev qimmatbaho soati bilan ko‘rinish bergani ortidan kelib chiqqan muhokamalarga izoh berdi. U tanqidlarni o‘rinli deb atadi. “Bu soat men uchun juda qadrli, ko‘p narsalarni eslatib turadi. gazeta.uz »
O‘zbekistondagi har bir OTM talabalar uchun kiyim-bosh bo‘yicha o‘z ichki tartib-qoidasini ishlab chiqqan, muassasa rahbariyati buni talab qilishga haqli, dedi Kongratbay Sharipov. Unga ko‘ra, OTMlar orasida o‘z kiyim brendini yaratish ommalashmoqda. “Kiyinish masalasida tartib bo‘lishi kerak”, - dedi vazir. gazeta.uz »
Prezident Toshkent viloyati boshqa hududlarga namuna bo‘lishi, bu yerda bandlik darajasi, daromadlar va hayot sifati Toshkent bilan teng bo‘lishi kerakligini ta’kidladi. Shuningdek, turli sohalarda qator loyihalar amalga oshirilishi ma’lum qilindi. gazeta.uz »
O‘zbekistonda ommaviy sportni baholashning yangi tizimi joriy etiladi: endi aholi salomatligi asosiy mezon bo‘ladi. Prezident maktablarda krossfitni rivojlantirish, kasalliklar kamaygan mahallalarni rag‘batlantirish va amaldorlarga sport bilan shug‘ullanish majburiyatini qayta yuklash bo‘yicha topshiriq berdi. gazeta.uz »
JST bo‘yicha vakil Azizbek Urunov tovarlar narxini sun’iy pasaytirib, adolatsiz raqobat qilayotgan tadbirkorlarga nisbatan mas’ul vazirliklar chora ko‘rishi zarurligini qayd etdi. Shuningdek, O‘zbekiston JSTga a’zo bo‘lgach, xufiyona iqtisodiyot kamayishini, mamlakatlar bozorni ochishdan manfaatdor ekanini aytdi. gazeta.uz »
Besh yil avval ekofaol Feruzbek Sayfullayev ishlatilgan batareyalar chiqindi poligonlariga tushmasligi uchun ularni yig‘a boshlagandi. So‘ngra uning tashabbusi mamlakat bo‘ylab 170 ta yig‘ish shoxobchasidan iborat tarmoqqa aylandi, xavfli chiqindilarni utilizatsiya qilish masalasiga esa biznes va davlat ham qo‘shildi. gazeta.uz »
Shavkat Mirziyoyev jamiyat chet eldagi turli reydlar paytida mehnat migrantlarining huquqlari buzilayotganidan norozi ekanini, TIV munosabati esa rasmiy notalar bilan cheklanayotganini aytdi. “Elchi va konsullar har bir holat yuzasidan malakali yuridik yordam ko‘rsatishi shart”, - dedi u. gazeta.uz »
Rossiyalik teleboshlovchi Vladimir Solovyov Rossiya Ukrainada bo‘lgani kabi Armaniston va Markaziy Osiyo davlatlarida ham “maxsus harbiy operatsiya” boshlashi kerakligi haqida gapirdi. Jamoatchilik rasmiylardan qat’iy munosabat bildirishni so‘rab, MO davlatlari birgalikda nota berishi kerakligini ta’kidlamoqda. gazeta.uz »
Saida Mirziyoyeva o‘zining administratsiya rahbari etib tayinlanishini prezidentga joylardan real ma’lumotlarni olish imkoniyatini ta’minlash zarurati bilan bog‘ladi. Prezidentning asosiy maqsadi har bir o‘zbekistonlik hayotini yaxshilashdan iborat, dedi u. “Bizning administratsiyamiz faqat shu maqsadni ko‘zlaydi”. gazeta.uz »
Prezident qishloq xo‘jaligi vakillari bilan uchrashuvda ishlar natijadorligi va ustuvor vazifalarga to‘xtaldi. Prezident bu sektorda 3,5 mln dan ziyod aholi mehnat qilayotgani, sohaga qancha mablag‘ kerak bo‘lsa, topib berishga tayyorligi, ammo bunda ochiq va shaffof tizim bo‘lishi kerakligini ta’kidladi. Batafsil. gazeta.uz »
O‘zbekiston terma jamoasi bosh murabbiyi Fabio Kannavaro Gazeta’ga bergan izohida jamoaning “oxirigacha o‘ynashga tayyorligi” va “taslim bo‘lmasligi” jahon chempionatidagi ustunligi bo‘lishini aytdi. gazeta.uz »
Shavkat Mirziyoyev yig‘ilishda so‘zga chiqqanlarni maqtov emas, taklif va muammolarni aytishga chaqirdi. “Maqtash zamoni o‘tib bo‘ldi. Menga taklif kerak, muammo kerak, men shuni bilib ketishim kerak va o‘zimga to‘g‘ri yo‘l topishim kerak”, - dedi prezident. gazeta.uz »
Tahqir va kaltaklanish ishi jabrlanuvchisi Gulira’no Qosimova Furqat tumani IIB sobiq boshlig‘i va o‘rinbosari 4 yilga qamalgach, Gazeta`ga intervyu berdi. Ayol hukmdan rozi, ammo IIBning ishga aloqador yana 9 xodimi jazo olishini so‘rayapti. gazeta.uz »
Airbus A320 samolyotlarida balandlik rulini va eleronlarni boshqarish blokidagi dasturiy ta’minot standartini zudlik bilan yangilash talab etildi. Uzbekistan Airways`ga ko‘ra, modifikatsiya deyarli yakunlangan. gazeta.uz »
PM2,5 zarrachali havo aholi, xususan, homilador ayollar va bolalar uchun qanchalik xavfli? Undan qanday himoyalanish mumkin? Bu holat uzoq davom etsa, oqibati nima bo‘ladi? Gazeta shu kabi savollar asosida shifokorlar bilan suhbatlashib, tavsiyaviy qo‘llanma tayyorladi. gazeta.uz »
Prezident mutasaddilarga Urgut tumanida kelasi yil kambag‘allik va ishsizlikni 2 foizdan tushirish vazifasini topshirdi. Uning aytishicha, hududdagi korxonalarning aksariyati mavjud quvvatidan to‘liq foydalanmayapti. gazeta.uz »
Xalq demokratik partiyasi Toshkentdagi pulli to‘xtash joylari narxlarini qayta ko‘rib chiqilishini ta’kidladi. Partiya qayd etishicha, tariflar iqtisodiy asoslanishi va mablag‘lar qayerga tushayotgani, ularning qanday sarflanishi haqida ma’lumotlar ochiqlanishi kerak. gazeta.uz »
Sun’iy intellekt va iqlim inqirozlari davrida yosh avlod yashashi va rivojlanishi uchun ta’lim qanday bo‘lishi kerak? Samarqandda o‘tgan YUNESKOning 43-Bosh konferensiyasi doirasida xorijiy davlatlar ta’lim vazirlari va ekspertlari ushbu savolga javob izladi. Gazeta muhokamaning asosiy tezislarini e’lon qiladi. gazeta.uz »
Oktabr oxiridagi issiqlikdan so‘ng O‘zbekistonga sovuq antitsiklon kirib kelishi kutilyapti. Amaldagi qoidaga ko‘ra, mamlakatda isitish mavsumi sutkalik harorat ketma-ket besh kun +8 darajadan past bo‘lganda boshlanadi. gazeta.uz »
Ayollardagi saratonni nazorat qilishga oid davlat dasturiga 6 mln ayol qamrab olinadi. Uch oyda 130 mingdan ziyod ayol bachadon bo‘yni va ko‘krak bezi saratoni bo‘yicha skrining tekshiruvidan o‘tkazildi. gazeta.uz »
O‘zbekistonda 25-oktabr - ichki ishlar organlari xodimlari kuni. Bayramga yaxshi gaplar yarashadi, albatta. Biroq so‘nggi vaqtlarda bu tizim tubdan islohotga muhtojligi haqidagi fikrlar tobora ko‘paymoqda. Gazeta jamoatchilik faollarining fikrini o‘rgandi. gazeta.uz »
Markaziy bank raisi Timur Ishmetov bank bozoridagi raqobat masalasi - juda katta masala ekanini va bu regulyator e’tibor markazida bo‘lib turganini ta’kidladi. “Banklar soni bo‘yicha qandaydir target yo‘q. gazeta.uz »
Toshkentlik 16 yoshli Alina Chembayeva atom muzyorarida to‘qqiz kun vaqt o‘tkazib, Shimoliy qutbda bo‘ldi. O‘quvchi qiz Gazeta bilan suhbatda xalqaro ekspeditsiyadagi ishtirokidan keyingi taassurotlar bilan o‘rtoqlashdi va bu tajriba uning kelgusidagi rejalariga qanday ta’sir ko‘rsatgani haqida so‘zlab berdi. gazeta.uz »
Ukraina va Qozog‘iston prezidentlari BMT Bosh assambleyasining 80-sessiyasi doirasida uchrashdi. Toqayev urushni to‘xtatishda diplomatik ishlarni davom ettirish kerakligini ta’kidladi. Qozog‘iston kompaniyalarining Ukrainani tiklashda ishtirok etishdan manfaatdorligi masalasiga to‘xtalib o‘tildi. gazeta.uz »
2025-yilning 8 oyida oiladagi zo‘ravonlik 3 foizga, voyaga yetmaganlarga nisbatan uyatsiz-buzuq harakatlar qilish esa 36 foizga ortgan. Bosh prokuror o‘rinbosari Svetlana Artikovaga ko‘ra, zo‘ravonlik sodir etilganida, mahalla yettiligi sotsiolog, seksolog kabi mutaxassislarni ham jalb qilishi kerak. gazeta.uz »
Gazeta qizini pichoqlab o‘ldirgan ayol ishi bo‘yicha rasmiylardan izoh oldi. Bolalar ombudsmani idoralararo tezkor axborot almashish tizimi yo‘qligini aytdi, SSV rasmiysiga ko‘ra, ruhiy kasallar uchun reabilitatsiya markazi kerak. gazeta.uz »
Samarqand viloyati hokimi v.b. Adiz Boboyev tumanlar rahbarlari va ularning o‘rinbosarlariga dam olish kunlari ishlamaslik va xodimlarni ishga chaqirmaslikni tayinladi. “Bozor kuni hammani ishga chaqirib, ishlaganga o‘xshatib ochko olishingiz menga kerak emas. Dam olish kuni hamma uyida damini olsin”, - dedi u. gazeta.uz »
Bog‘cha qamrovi past bo‘lgan 80 ta tumanda tadbirkorlarga 30 yil muddatga ijara to‘lovisiz yer, 18 foizli kredit va xarajatlar uchun subsidiya kabi yengilliklar beriladi. Prezident, shuningdek, O‘zbekistonni mintaqaning tibbiyot markaziga aylantirish rejalarini ma’lum qildi. gazeta.uz »
Ozarbayjon Qurolli kuchlari oldindan aytib bo‘lmaydigan jarayonlarni hisobga olib, har daqiqada urushga tayyor turishi kerak, dedi prezident Ilhom Aliyev. Uning aytishicha, armiya zamonaviy dronlar, artilleriya tizimlari va jangovar samolyotlarga ega. gazeta.uz »
O‘zbekistonda norasmiy bandlikka yo‘l qo‘ygan ish beruvchilar BHMning 30 baravari miqdorida jarimaga tortilishi rejalashtirilmoqda. Bandlik vazirligi bu yo‘nalishda bir qator yengilliklar berilayotgani fonida qonun buzish jarima to‘lashdan foydaliroq bo‘lib qolmasligini kerak deb hisoblamoqda. gazeta.uz »
