¸øëè - Ïîñëåäíèå íîâîñòè [ Ôîòî â íîâîñòÿõ ] | |
Ginnesning rekordlar kitobiga kirgan “Andijon polkasi” tadbiri repetitsiyasidan qaytayotgan 15 yoshli o‘quvchi direktorning mashinasida YTHga uchrab, vafot etdi. Gazeta marhumning yaqinlari bilan suhbatlashdi. gazeta.uz »
Yakkabog‘ tumanida to‘rt yigit 14 yoshli qizni Damas’da dalaga olib borib zo‘rlagani aytilmoqda. Gumonlanuvchilar protsessual tartibda ushlangan. IHMAga ko‘ra, voyaga yetmagan qizga psixologik, uning onasiga yuridik xizmatlar ko‘rsatilgan. gazeta.uz »
Navoiy viloyatida 7 yoshli bolaning yuk mashinasini boshqarayotgani aks etgan video ortidan tekshiruv o‘tkazildi. Aniqlanishicha, unga yuk avtomobilini boshqarishga qarindoshi ruxsat bergan. Huquqni muhofaza qiluvchi organlar unga va bolaning ota-onasiga nisbatan ma’muriy bayonnomalar rasmiylashtirdi. gazeta.uz »
Kogon tumanidagi Shohrud kanalida cho‘milayotgan 17 yoshli fuqaro suvga cho‘kib ketdi. Uning jasadi FVB qutqaruvchilari va aholi tomonidan olib borilgan bir sutkalik qidiruv ishlaridan so‘ng topildi. gazeta.uz »
Yunusobod tumanida FVB qutqaruvchilari hovlidagi hojatxonaga tushib ketgan 5 yoshli qizni qutqarib qoldi. Bolaga birinchi tibbiy yordam ko‘rsatilgan, hozirda uning ahvoli yaxshi. gazeta.uz »
Samarqand viloyatidagi nodavlat maktabgacha ta’lim tashkilotining 3 yoshli tarbiyalanuvchisi muassasa yonidagi maktab hududida joylashgan favqulodda holatlarda foydalanish uchun qurilgan suv havzasiga tushib ketishi oqibatida vafot etdi. Tergov boshlandi. gazeta.uz »
Qamashi tumanidagi oilaviy nodavlat bog‘chada 3 yoshli bola avtomobilda unutib qoldirilishi oqibatida vafot etdi. Holat yuzasidan jinoyat ishi qo‘zg‘atildi, Maktabgacha va maktab ta’limi vazirligi tadbirkor bilan shartnomani bekor qildi. gazeta.uz »
Samarqand viloyati Kattaqo‘rg‘on tumanida 32 yoshli fuqaro Rossiya-Ukraina urushida qatnashgani uchun sudlandi. U Rossiyada ishlab yurganida hujjatlarini tekshirish uchun politsiya tomonidan ushlangan va armiyaga yollangan. gazeta.uz »
Istanbulning Laleli mavzesida 6 yoshli O‘zbekiston fuqarosi tramvay bekatida yuz bergan baxtsiz hodisa oqibatida halok bo‘ldi. Yaqinlari bilan sayohatga kelgan bola tramvaydan tushgach, bekat va tramvay relslari oralig‘ida qolib ketgan, tramvay esa yiqilgan bolaga urilgan. gazeta.uz »
Yangi Urganch yaqinidagi piyodalar o‘tish joyida may oyida 10 yoshli Uchqun Aminboyev YTH qurboni bo‘lgan edi. Bolaning otasi Gazeta’ga murojaatida o‘sha nuqtada 2 yilda 3 kishi vafot etganini aytib, qurbonlar ko‘paymasligi uchun mas’ullarni svetofor o‘rnatishga chaqirgan. Svetofor 1-iyundan ishga tushdi. gazeta.uz »
Qozog‘istonning Atirau viloyatida YTHga uchrab og‘ir jarohat olgan 17 yoshli o‘zbekistonlik vatanga olib kelindi. Shuningdek, Latviyada insultni boshdan kechirgan va Rossiyada qiyin ahvolga tushib qolgan yana ikki fuqaro ham shifokorlar kuzatuvida O‘zbekistonga qaytarildi. gazeta.uz »
Andijonlik 25 yoshli fuqaro Rossiya qamoqxonasida jazo o‘tayotganida Ukrainadagi urushda qatnashish uchun harbiy shartnoma imzolagan. Sud hujjatlariga ko‘ra, u frontda jarohat olgan, keyin harbiy gospitaldan qochib O‘zbekistonga qaytgan. Sud unga 3 yil qamoq jazosi tayinladi. gazeta.uz »
Samarqand shahrida velosipeddagi 14 yoshli qizni bosib ketgan yuk mashinasi haydovchisi 6 yilga qamaldi. U yuk mashinalari harakatlanishi taqiqlangan ko‘chadan harakatlangan. Marhuma oilasiga jami 140 mln so‘m moddiy va ma’naviy zarar undirish belgilandi. Haydovchi oldin ham shu kabi ish bo‘yicha sudlangan. gazeta.uz »
Rossiyaga ishlashga borib, giyohvandlik bilan bog‘liq jinoyat uchun qamalgan namanganlik fuqaro qamoqdan chiqish evaziga Rossiya Mudofaa vazirligi bilan shartnoma tuzib, Ukrainaga qarshi urushda qatnashgan. gazeta.uz »
Toshkent viloyatining Yuqori Chirchiq tumanida quduqqa o‘rnatilgan quvur ichiga tushib ketgan 5 yoshli bola FVV qutqaruvchilari tomonidan olib chiqildi. Shifokorlar uning ahvoli yaxshi ekanini ma’lum qildi. gazeta.uz »
Surxondaryolik 30 yoshli fuqaro Rossiyada giyohvandlik bilan bog‘liq jinoyat uchun qamalganidan so‘ng RF armiyasi bilan shartnoma imzolab, Ukrainadagi urushga jalb qilingan. Donetskda dron hujumida yaralangach, gospitaldan qochib, O‘zbekistonga qaytgan. Sud unga 4 yil 6 oy ozodlikni cheklash jazosini tayinladi. gazeta.uz »
Qoraqalpog‘istonlik yigit Rossiyaga ishlashga borib, giyohvandlikka oid jinoyat uchun qamalgan. Rossiya armiyasiga yollanib, Ukrainada jang qilgan. Gospitaldan qochib O‘zbekistonga qaytgan. U urushdagi o‘zbekistonliklarni qaytarishda ko‘maklashish istagini bildirdi. Unga 4 yil 6 oy ozodlikni cheklash jazosi tayinlandi. gazeta.uz »
Namangan viloyati Uychi tumanida Rossiya-Ukraina urushida qatnashgan 32 yoshli fuqaro sudlandi. U Rossiyada hujjatlarsiz ishlab yurganida ushlanib, keyin urushga jalb qilingan. Yaralanib, davolangan. gazeta.uz »
Kitob tumanida FVV xodimi - mayor Husniddin Sharapov Qashqadaryo daryosiga tushib ketgan 9 yoshli bolani qutqarib qoldi. Bolaning ahvoli yaxshi ekani, uyida ekani ma’lum qilingan. gazeta.uz »
Farg‘onada Rossiya armiyasiga yollangan 25 yoshli yigitga 3 yil axloq tuzatish ishlari jazosi tayinlandi. U Rossiyada giyohvandlik bilan bog‘liq jinoyat uchun qamalganidan keyin Ukrainaga qarshi urushda qatnashish uchun harbiy shartnoma imzolagan. gazeta.uz »
Qo‘qon shahrida voyaga yetmagan haydovchi boshqaruvidagi Malibu 2 piyodalar o‘tish joyidan o‘tayotgan uch qizchani urib yubordi. Hodisa oqibatida 10 yoshli qizcha shifoxonada vafot etgan. Haydovchiga nisbatan jinoyat ishi qo‘zg‘atilib, u ushlangan. gazeta.uz »
Andijon viloyati Baliqchi tumanida 17 yoshli o‘smir Qoradaryoda cho‘milish vaqtida cho‘kib ketdi. O‘smirning jasadi uch kunlik qidiruv ishlaridan keyin Qoradaryo ko‘prigi yaqinidan topildi. Holat yuzasidan tekshiruv olib boshlangan. gazeta.uz »
Surxondaryo viloyati To‘palang daryosida 13 yoshli qiz cho‘kib ketdi. Dastlabki ma’lumotlarga ko‘ra, u daryo bo‘yiga yana uch nafar qiz bilan birga kelgan. Hozirda tergovga qadar tekshiruv ishlari olib borilmoqda. gazeta.uz »
Namanganda gilos yeyman deb yuqori kuchlanishli transformator ustiga chiqqan 13 yoshli bola tok urishi oqibatida vafot etdi. Bolaning qarindoshlari transformator atrofi o‘ralmagani va xavfsizlik choralari ko‘rilmaganidan norozi. gazeta.uz »
Toshkentda Rossiya armiyasi safida Ukrainadagi urushda qatnashganlikda ayblangan 45 yoshli O‘zbekiston fuqarosi 5 yilga qamaldi. Sud hujjatlariga ko‘ra, u Rossiya Mudofaa vazirligi bilan shartnoma tuzib janglarda qatnashgan, O‘zbekistonga qaytgach esa singlisi va uning farzandlariga tahdid qilgan. gazeta.uz »
Toshkent viloyatining Olmaliq shahrida yo‘lni kesib o‘tayotgan 2 nafar 9 yoshli bolani mashina urib ketdi. Buning oqibatida piyodalarning biri og‘ir jarohat olib, shifoxonada vafot etdi. Holat bo‘yicha jinoyat ishi qo‘zg‘atildi. gazeta.uz »
G‘allaorol tumanida 14 yoshli maktab o‘quvchisini poyezd vagoni ustida yuqori kuchlanishli tok urdi. 6 metr balandlikdan yiqilgan bola og‘ir ahvolda shifoxonaga yotqizilgan. Hozirda holat yuzasidan surishtiruv ishlari olib borilmoqda. gazeta.uz »
Ohangaronda PPX xodimini 14 yoshli qizga shilqimlik qilganlikda ayblab, yolg‘on video tarqatgan 18 yoshli yigit va uning ikki sherigi yetti sutkaga qamaldi. IIBBga ko‘ra, u boshqarma binosida janjal ko‘tarib, xodimlarning qonuniy talablariga ham bo‘ysunmagan. gazeta.uz »
Sirdaryo viloyati Shirin shahrida ayol erining qonuniy xotini va uning 5 yoshli qizini pichoqlab o‘ldirdi. Yana bir bola og‘ir ahvolda shifoxonaga yotqizildi. Voqeaga erkak bilan rashk sababli kelib chiqqan janjal sabab bo‘lgani aytilmoqda. Holat bo‘yicha jinoiy ish ochilib, gumonlanuvchi ushlandi. gazeta.uz »
Samarqandda Rossiyaning Ukrainaga qarshi urushida qatnashgan 22 yoshli fuqaro 5 yilga ozodlikni cheklash jazosiga hukm qilindi. U Rossiyada narkotiklarga oid jinoyat uchun qamoqda bo‘lgan vaqtida harbiy shartnoma imzolab, Donetskda janglarda ishtirok etgan. Jarohatlangach, gospitaldan qochib, O‘zbekistonga qaytgan. gazeta.uz »
Bolalar ombudsmani Toshkent viloyatida PPX xodimi 14 yoshli qizga shilqimlik qilgani aytilgan xabarlar fonida holatni nazoratga olganini ma’lum qildi. Avvalroq viloyat IIBB xabarlarni rad etgandi. Xodimga xizmat tekshiruvi tayinlangan. gazeta.uz »
Ijtimoiy tarmoqlarda Denov shahrida ota-bola do‘pposlanib, mashinaga bosib olib ketilgani aks etgan video tarqaldi. Viloyat IIBga ko‘ra, voqea pul oldi-berdisi ortidan kelib chiqqan. Hodisa oqibatda 30 yoshli o‘g‘il shifoxonada vafot etdi. gazeta.uz »
Farg‘onada Rossiya armiyasi safida Ukrainaga qarshi janglarda qatnashgan 53 yoshli fuqaro 2 yilga qamaldi. U Rossiyada giyohvandlik bilan bog‘liq jinoyat uchun jazo o‘tayotganda pul evaziga urushga yollangan. gazeta.uz »
IIV tunda PPX xodimi 14 yoshli qizni dugonasi bilan birga Ohangaronning tog‘li hududiga olib borib, ularga shilqimlik qilgani aytilgan xabarlar yuzasidan tekshiruv boshladi. Xodim ishdan bo‘shatildi, hozirda vazirlik prokuratura bilan o‘rganish o‘tkazmoqda. gazeta.uz »
Toshkentda Jaloyir-Sergeli temiryo‘l oralig‘ida yuk poyezdi 22 yoshli yigitni urib ketdi. Hodisa tungi soat 02:00 larda sodir bo‘lgan. Dastlabki ma’lumotlarga ko‘ra, u temiryo‘lda yotgan bo‘lgan. Holat yuzasidan tekshiruv olib borilmoqda. gazeta.uz »
Farg‘ona viloyatida 1 yosh 7 oylik o‘g‘il farzandini 35 ming dollarga sotmoqchi bo‘lgan er-xotin qo‘lga olindi. Holat yuzasidan jinoyat ishi qo‘zg‘atilib, tergov harakatlari olib borilmoqda. gazeta.uz »
Toshkentning Yakkasaroy tumanida Cobalt yo‘lni kesib o‘tayotgan 78 yoshli piyodani urib ketdi. Hodisa oqibatida piyoda voqea joyida vafot etgan. Holat yuzasidan jinoyat ishi qo‘zg‘atilib, tergov olib borilmoqda. gazeta.uz »
Buxoroda 18 yoshli qiz o‘zining uch kunlik chaqalog‘ini 4000 dollarga sotmoqchi bo‘lganida ushlandi. U shartli xaridordan 800 dollar olayotganda qo‘lga olingan. Holat bo‘yicha odam savdosi moddasi bilan jinoyat ishi qo‘zg‘atildi. gazeta.uz »
Ohangaron tumanidagi tog‘li hududda yo‘qolib qolgan to‘rt yoshli bola 6,5 soatli qidiruvdan so‘ng tirik holda topildi. Oila a’zolari tog‘ cho‘qqisidagi qorni ko‘rib bo‘lgach, bolani tepada unutib qoldirib, pastga tushib ketgan. Qutqaruvchilar uni yo‘qolgan joyidan 3 km uzoqlikdan topdi. gazeta.uz »
Buxoroda 31 yoshli fuqaro Rossiyaga ishlashga borib, o‘g‘rilik uchun qamalgan. Qamoqda bosim ostida urushga shartnoma imzolagan. Tayyorgarlik mashqlari paytida yaralangach, qochib O‘zbekistonga qaytgan. gazeta.uz »
Qashqadaryoda Rossiya-Ukraina urushida qatnashgan 25 yoshli fuqaro 4 yil 1 oyga ozodlikni cheklash jazosiga hukm qilindi. U Rossiyaga ishlash uchun borib, giyohvandlik ishi bilan qamalgan. Jazoni o‘tashda aldanib hujjatga imzo qo‘ygan va urushga jalb etilgan. gazeta.uz »
Rossiya armiyasi bilan 3 oyga shartnoma tuzib, Ukrainadagi janglarda qatnashgan fuqaro yollanishda aybdor deb topilib, 3 yilga ozodlikdan mahrum qilindi. U sudda qurol ishlatmagani, oshxonada ishlaganini ma’lum qildi. gazeta.uz »
Chinoz tumanida 21-mart kuni Bo‘zsuv kanaliga tushib ketgan 34 yoshli erkakning jasadi 9 kundan so‘ng topildi. U do‘stlari bilan dam olish vaqtida suvga tushib ketgan. Qidiruv ishlaridan so‘ng jasad kanaldan topildi. gazeta.uz »
Namangan viloyatida 53 yoshli maktab o‘qituvchisi 6-sinf o‘quvchisiga nisbatan jinsiy zo‘ravonlik sodir etganlikda gumonlanmoqda. Holat yuzasidan jinoiy ish qo‘zg‘atildi, gumonlanuvchiga qamoq ehtiyot chorasi qo‘llandi. Holat bolalar ombudsmani nazoratiga olindi. gazeta.uz »
Qarshi shahrida qurilayotgan uyning 10-qavatidan tushgan temir parchasi 12 yoshli qiz o‘limiga sabab bo‘ldi. Ish bo‘yicha qurilish kompaniyasining texnika xavfsizligi muhandisi 1 yilga ozodlikdan mahrum etildi. gazeta.uz »
Yosh vokalist Yasmina Husniddinova Britain’s Got Talent iste’dodlar shousida O‘zbekiston nomidan ishtirok etgan ilk qatnashchi bo‘ldi. U eng murakkab kompozitsiyalardan biri - Never Enough qo‘shig‘ini ijro etib, to‘rtta “ha” javobini oldi. gazeta.uz »
O‘zbekistonda voyaga yetgan, 2017-yilda fuqarolikdan chiqib, Isroil fuqaroligini olgan 62 yoshli Rustam Gulomov Yexud shahrida qurilish maydonida sodir bo‘lgan raketa hujumi oqibatida halok bo‘ldi. 11-mart holatiga ko‘ra, elchixonaga O‘zbekiston fuqarolari jarohat olgani haqida xabar kelib tushmagan. gazeta.uz »
Surxondaryoning Uzun tumanida Nexia 2 avtomashinasi yo‘lni kesib o‘tayotgan 6 yoshli qizni urib yubordi. Qizaloq olgan tan jarohatlari oqibatida vafot etdi. Hodisadan so‘ng mahallada harakat xavfsizligi bo‘yicha uchrashuv o‘tkazilib, ikkida baland piyodalar o‘tish joyi, yo‘l belgilari va radar o‘rnatildi. gazeta.uz »
Qatarda 11 yoshli o‘zbekistonlik bola yo‘l-transport hodisasi oqibatida voqea joyida halok bo‘ldi. Mintaqadagi vaziyat va transport-logistika bilan bog‘liq cheklovlar tufayli u oilasining roziligi bilan Qatarda dafn etildi. Jarayonga O‘zbekiston elchixonasi ko‘maklashdi. gazeta.uz »
Chilonzor tumanida Howo yuk mashinasi o‘zi bilan bir yo‘nalishda ketayotgan velosipedni urib yubordi. Oqibatda undagi 22 yoshli yigit halok bo‘ldi. Tarmoqlardagi videoda u yetkazib berish xizmatida ishlaganini ko‘rish mumkin. gazeta.uz »
