Onada - Ïîñëåäíèå íîâîñòè [ Ôîòî â íîâîñòÿõ ] | |
Farg‘ona viloyati Rishton tumanida maktab o‘qituvchisi voyaga yetmagan o‘quvchi qizga Telegram orqali shahvoniy mazmunda xabarlar yuborgani uchun 5 sutkaga ma’muriy qamoq jazosiga tortildi. Sudda o‘qituvchi qiz bilan yozishib yurganini tan olgan va ayrim xabarlarni uni “tinch qo‘yishi” uchun yozganini aytgan. gazeta.uz »
Farg‘ona viloyatining O‘zbekiston tumanida mast holda xotini va uch yoshli qizini pichoqlab o‘ldirgan erkak 19 yilga ozodlikdan mahrum etildi. Voqeaga aliment tufayli kelib chiqqan janjal sabab bo‘lgani aytilmoqda. gazeta.uz »
Farg‘onada Rossiya armiyasi safida Ukrainaga qarshi janglarda qatnashgan 53 yoshli fuqaro 2 yilga qamaldi. U Rossiyada giyohvandlik bilan bog‘liq jinoyat uchun jazo o‘tayotganda pul evaziga urushga yollangan. gazeta.uz »
Farg‘ona viloyatida 1 yosh 7 oylik o‘g‘il farzandini 35 ming dollarga sotmoqchi bo‘lgan er-xotin qo‘lga olindi. Holat yuzasidan jinoyat ishi qo‘zg‘atilib, tergov harakatlari olib borilmoqda. gazeta.uz »
Farg‘onada 800 o‘rinli ko‘p tarmoqli shifoxona qurish bo‘yicha bitim imzolandi. 300 mln dollarlik loyiha 36 oyda amalga oshiriladi. Xususiy sherik sifatida Saudiya Arabistonidagi Vision International Investment Company va O‘zbekistondagi KOC Construction Mekanik Elektrik Fe LLC kompaniyalari ishtirok etadi. gazeta.uz »
Namangan viloyatida tuman bosh arxitektori avtoyuvish shoxobchasi hujjatlarini rasmiylashtirib berish evaziga pora olayotganida gumonlanuvchi sifatida qo‘lga olindi. Farg‘ona viloyatida esa tuman bandlik bo‘limi boshlig‘i o‘rinbosari pul evaziga oliygohga o‘qishga kirishda yordam berishni va’da qilgani aytilmoqda. gazeta.uz »
Farg‘ona viloyatida Damas avtomashinasida Qirg‘izistonga noqonuniy olib chiqilmoqchi bo‘lgan 1,23 kg oltin quymalar aniqlandi. Ularning qiymati 2,18 mlrd so‘mga baholangan. Holat yuzasidan jinoyat ishi qo‘zg‘atilib, tergov boshlangan. gazeta.uz »
O‘zbekiston tumanidagi xonadonlarning birida “Farg‘ona suv ta’minoti” inspektori kaltaklandi. Xodim noqonuniy hisoblagich uchun jarima yozmoqchi bo‘lgan, fuqaro esa bunga qarshilik ko‘rsatib, yog‘och bo‘lagi bilan jarohat yetkazgan. Holat bo‘yicha jinoiy ish ochildi. gazeta.uz »
Hududlarda “Yagona buyurtmachi xizmati” injiniring kompaniyalari qurilish sifati va samaradorligini nazorat qilishga ulgurmayapgani bois Qoraqalpog‘iston, Samarqand va Farg‘onada qurilish sohasida buyurtmachi xizmatlariga tajriba tariqasida xususiy sektor jalb qilinadi. gazeta.uz »
Qo‘qon shahrida xotini bilan janjallashgan erkak qasd olish maqsadida bir yoshli qizini pichoqladi. Bola shifoxonada vafot etdi. Erkak 17 yilga ozodlikdan mahrum qilindi. gazeta.uz »
Farg‘ona tumanida Captiva haydovchisi transport harakati uchun mo‘ljallanmagan qorli dara yo‘lida boshqaruvni yo‘qotib, halokatga uchradi. Olingan jarohatlar oqibatida 44 yoshli erkak shifoxonada vafot etdi. gazeta.uz »
Uchko‘prik tumanida 14 yoshli qiz bir necha shaxs tomonidan zo‘rlandi. Holat bo‘yicha jinoyat ishi qo‘zg‘atilib, gumonlanuvchilarga nisbatan qamoq ehtiyot chorasi qo‘llangan. Dastlabki tergov harakatlari Farg‘ona viloyati IIB tomonidan olib borilmoqda. gazeta.uz »
Farg‘ona viloyatida 80 ta iPhone 16 telefonini noqonuniy o‘tkazib berish uchun 5000 dollar talab qilgan chegara-bojxona posti rahbari Bojxona qo‘mitasi tizimi va davlat tashkilotlarida mansabdor lavozimlarda ishlash huquqidan mahrum qilinib, 4 yilga qamaldi. U avgustda qo‘lga olingan edi. gazeta.uz »
Beshariq tumanidagi chegara-bojxona postida Lacetti yoqilg‘i baki ichiga umumiy og‘irligi 10 kg 739 gr giyohvandlik vositalari hamda salkam 7 ming dona kuchli ta’sir qiluvchi dori yashirgan shaxs aniqlandi. U qamoqqa olingan, tergov boshlangan. gazeta.uz »
Prokuratura Farg‘ona viloyatida turmush o‘rtog‘i va voyaga yetmagan farzandlarini qasddan o‘ldirishda gumonlanayotgan erkakka nisbatan jinoyat ishi qo‘zg‘atdi. gazeta.uz »
Farg‘ona viloyatida Janubiy Koreyaning Hansae Mobility kompaniyasi tomonidan avtomobil ehtiyot qismlari ishlab chiqariladi. Loyihaga 30 mln dollar sarmoya yo‘naltirilib, 200 dan ziyod ish o‘rni yaratish ko‘zda tutilgan. gazeta.uz »
Korrupsiyaga qarshi kurashish agentligi o‘rganishlariga ko‘ra, Farg‘ona viloyatida tadbirkorlarga ajratilgan 9,3 mlrd so‘m subsidiyaning 1,4 mlrd so‘mi maqsadsiz sarflangan yoki o‘g‘rilangan. Ayrim fuqarolarga mablag‘lar ikki marotaba ajratilgani ma’lum bo‘ldi. gazeta.uz »
Farg‘ona viloyati O‘zbekiston tumanida erkak aliment to‘lovlari masalasidagi janjalda turmush o‘rtog‘i va 2 yoshli qizini pichoqlab o‘ldirdi. Unga nisbatan jinoyat ishi qo‘zg‘atildi. gazeta.uz »
Farg‘onada qarama-qarshi yo‘nalishga chiqib ketib, 4 kishining vafotiga sabab bo‘lgan haydovchi 8 yilga qamaldi. May oyida 25 yoshli Nexia 3 haydovchisi Tico bilan to‘qnashgan, uning 65 yoshli haydovchisi voqea joyida, yana ikki bola va bir ayol shifoxona vafot etgan. Jabrlanuvchilarga 100 mln so‘m undirib beriladi. gazeta.uz »
Farg‘ona viloyatida mast erkak boshqaruvidagi elektroskuter yo‘l chetidagi zovurga tushib ketdi. Yukxonada bo‘lgan haydovchining 4 yoshli nevarasi og‘ir tan jarohati olib, shifoxonada vafot etdi. gazeta.uz »
Farg‘ona viloyati Marg‘ilon shahrida Nexia 1 haydovchisi maktab oldidagi tartibga solinmagan piyodalar o‘tish joyidan o‘tayotgan 3 nafar o‘quvchini urib ketdi. Ulardan bir nafari shifoxonaga yotqizildi, ikki nafariga esa birinchi yordam ko‘rsatildi. gazeta.uz »
Quva tumanida 21 yoshli Damas haydovchisi piyodalar yo‘lagidan o‘tayotgan 9 yoshli bolani urib yubordi. Oqibatda 3-sinf o‘quvchisi shifoxonada vafot etdi. Holat bo‘yicha jinoiy ish ochilib, haydovchiga qamoqqa olish ehtiyot chorasi qo‘llandi. gazeta.uz »
“Biz o‘zidan ketib qolgan bunday rahbarlarni aslo kechirmaymiz”, - dedi IIV rahbari maslahatchisi Zokirjon Almatov Farg‘onada IIB xodimlari ayolni yechintirib, tahqirlagan holat bo‘yicha. “Biz faqat qamash uchun yaratilmaganmiz. gazeta.uz »
Farg‘ona viloyati Furqat tumanida IIB xodimlari 34 yoshli ayolni tuman soliq inspeksiyasi boshlig‘i bilan birga yechintirib, kaltaklashdi. Ular ayolni soliq inspeksiyasi boshlig‘i ustidan yolg‘on ariza berishga majburlab, kaltaklagan. gazeta.uz »
Davlat soliq qo‘mitasining Farg‘ona viloyati boshqarmasi katta inspektori fuqarodan o‘z ukasiga tegishli 48 sotix yer maydonini xaridor nomiga rasmiylashtirib berish evaziga 30 000 AQSh dollari talab qildi. Gumonlanuvchi DXX va BP xodimlari tomonidan ushlandi. gazeta.uz »
Farg‘ona viloyatida gaz ta’minoti bo‘limi boshlig‘i va qurilish inspeksiyasi mutaxassisi pora bilan ushlandi. Har ikkala holat bo‘yicha jinoyat ishi qo‘zg‘atilib, qamoq ehtiyot chorasi qo‘llanildi. gazeta.uz »
Bag‘dod tumanida mast holdagi Tracker haydovchisi “peshexod”dan o‘tayotgan velosiped haydovchisini urib yubordi. Oqibatda u voqea joyida halok bo‘ldi. Avtomobil egasi 3 yilga haydovchilikdan va 4 yilga ozodlikdan mahrum qilindi. gazeta.uz »
Qo‘shtepa tumanida yuqori tezlikdagi Nexia 3 haydovchisi yo‘l chetida ketayotgan skuter haydovchisni urib yubordi. Oqibatda 40 yoshli jabrlanuvchi shifoxonada vafot etdi. gazeta.uz »
9-sentabr kuni Farg‘ona viloyati Farg‘ona tumanida fuqarolarni Umra ziyoratiga yuborishni va’da qilib, evaziga 5000 dollar talab qilgan shaxs ushlandi. U Umra tadbirini tashkil etish va o‘tkazish faoliyati uchun litsenziyaga ega bo‘lmagan. gazeta.uz »
Qirg‘izistonda sodir bo‘lgan zilzila kuchi Farg‘ona tumani, Farg‘ona va Quvasoy shaharlarida 2 ballgacha sezildi. gazeta.uz »
Farg‘ona viloyatida o‘tkazilgan tezkor tadbirlarda uy sharoitida diniy saboq berish holatlari aniqlandi. Qo‘qon shahrida faoliyat yuritib kelayotgan uy bog‘chasida 43 nafar bolaga noqonuniy diniy ta’lim berib kelingan. gazeta.uz »
Qirg‘izistonda sodir bo‘lgan zilzila kuchi O‘zbekistonning Andijon va Farg‘ona viloyatlarida 2 ball bilan sezildi. gazeta.uz »
DXX Surxondaryoda qarzdor fermerdan uni elektr tarmog‘iga qayta ulab berish evaziga pul talab qilgan “Energosavdo” filiali xodimini qo‘lga oldi. Farg‘onada O‘zbekiston tumani Xalq qabulxonasi yetakchi mutaxassisi MIB ijro hujjatini tanishlari orqali yo‘q qilib berish evaziga fuqarodan pora olganda ushlandi. gazeta.uz »
Buvayda tumanida “Gaz-3110” avtomobili haydovchisi yo‘liga velosipedda chiqqan 6 yoshli bolani urib yubordi. Oqibatda bola shifoxonada vafot etdi. gazeta.uz »
Farg‘onada chegara-bojxona posti boshlig‘i fuqaroning chet davlatdan olib kirilgan 80 ta iPhone 16 qurilmasini noqonuniy o‘tkazib berish evaziga 5000 dollar va ushbu telefonlardan bittasini so‘radi. DXX podpolkovnikni ashyoviy dalillar bilan qo‘lga oldi. gazeta.uz »
Marg‘ilon shahrida 3 yoshli bolani bosib ketgan haydovchi ayolga 2 yil ozodlikni cheklash jazosi tayinlandi. U, shuningdek, 27,3 mln so‘m moddiy va ma’naviy zarar to‘laydi. “Ko‘chaga olib chiqsangiz, mashina kelsa, uyga kiraman, deydi. Qo‘rqib qolgan”, - dedi sudda bolaning otasi. gazeta.uz »
Farg‘onaning Quva tumanida quvib o‘tish qoidasini buzgan Nexia 3 yo‘l chetidagi daraxtga borib urildi. Mashinadagi yo‘lovchi halok bo‘ldi, yana biri shifoxonaga yotqizildi. gazeta.uz »
Farg‘ona viloyati sudida bemor ayolning sog‘lom oyog‘ini amputatsiya qilib, uning o‘limiga sabab bo‘lgan shifokorning apellyatsiya shikoyatlari ko‘rib chiqildi. Unga avvalroq Quva tuman sudi tomonidan berilgan 4 yil ozodlikdan mahrum qilish jazosi o‘zgarishsiz qoldi. gazeta.uz »
Farg‘ona viloyati So‘x tumanida 17 yoshli bola Nexia-3 mashinasida jarlikka quladi. U hodisa joyida halok bo‘ldi. Holat yuzasidan jinoyat ishi qo‘zg‘atildi. gazeta.uz »
Marg‘ilon shahrida Lacetti avtomobili 3 yoshli bolani bosib ketdi. Tarqalgan videolarda haydovchi uning baqirganini ham eshitmay hodisa joyidan ketib qolgani ko‘rinadi. “Bir oy to‘shakka mixlanib yotdi. Hozir ham o‘zida emas”, - deydi jabrlanuvning buvisi. gazeta.uz »
Farg‘ona shahrida fuqaro tanishini Lacetti avtomobilida urib ketdi. Jabrlanuvchi shifoxonada vafot etdi. Voqeaga janjal sabab bo‘lgani aytilmoqda. Gumonlanuvchi ushlandi va uning ishi qasddan odam o‘ldirish moddasi bilan malakalandi. gazeta.uz »
Muhokamalarga sabab bo‘lgan Farg‘onadagi Malibu viloyat IIB YHXB boshlig‘i Akmal Ahmedovning turmush o‘rtog‘iga tegishli ekani ma’lum bo‘ldi. Viloyat IIBga ko‘ra, Ahmedovga nisbatan ham intizomiy jazo qo‘llanilgan. gazeta.uz »
Tarmoqlarda Farg‘onada Malibu 2 avtomobilining 106 ta qoidabuzarligi haqidagi qarorlar “oxirgi zarurat yuzasidan sodir etilganligi sababli” bekor qilingani haqida xabar tarqaldi. Viloyat IIB holatni tasdiqlab, bu yuzasidan 5 nafar xodimiga intizomiy jazo qo‘llanganini ma’lum qildi. gazeta.uz »
DXX Farg‘ona viloyatining bir qancha tumanlarida uyida hujra tashkil etib, pul evaziga turli viloyatlik voyaga yetmagan bolalarga noqonuniy diniy ta’lim berib kelgan shaxslarni ushladi. gazeta.uz »
Qo‘qon shahrida “Hizb ut-Tahrir” diniy ekstremistik tashkilotining yashirin guruhi fosh etildi. Ular choyxona va oshxonalardagi yig‘inlarda tashkilot g‘oyalarining O‘zbekistonga olib kirilishini va xalifalik davlati qurish g‘oyalarini qo‘llab kelgan. gazeta.uz »
Davlat xavfsizlik xizmati va ichki ishlar organlari xodimlari fuqarolarni noqonuniy ravishda Haj safariga yubormoqchi bo‘lgan shaxslarni qo‘lga oldi. Ular fuqarolardan 11 ming va 12,8 ming dollar olayotganda ushlangan. gazeta.uz »
Farg‘ona tumani Novkent shaharchasidagi gaz zapravka mas’ullari o‘lchov qurilmasiga tashqi ta’sir ko‘rsatib, 4,1 mlrd so‘mlik gazdan noqonuniy foydalanib kelgani ma’lum bo‘ldi. Tergovga qadar tekshiruv boshlandi. gazeta.uz »
Toshkent va Farg‘onada DXX va boshqa idoralar hamkorligida o‘tkazilgan tadbirlarda Tojikistondan kontrabanda yo‘li bilan olib kelingan, umumiy og‘irligi 26 kilogrammdan ortiq bo‘lgan giyohvand moddalari musodara qilindi. gazeta.uz »
Farg‘ona tumanida Nexia 3 haydovchisi quvib o‘tish qoidasini buzib, qarama-qarshi yo‘nalishdagi Tico bilan to‘qnashdi. Oqibatda Tico`ning 65 yoshli haydovchisi halok bo‘ldi, yana ikki kishi shifoxonaga yuborildi. gazeta.uz »
Farg‘ona viloyati teri-tanosil 2-sonli dispanseri rahbari shifokor va xodimlarini dam olish kunlarida ishga, haq to‘lamasdan navbatchilikka jalb qilgani va xizmat safari xarajatlarini qoplamayotgani aniqlandi. gazeta.uz »
