Qqs - Ïîñëåäíèå íîâîñòè [ Ôîòî â íîâîñòÿõ ] | |
Mahalliy hokimiyatlarning QQS yig‘ilishidan manfaatdorligini oshirish maqsadida 2026-yildan QQS tushumlarining bir qismi mahalliy budjetlarga beriladi. Xususan, Toshkent shahri budjetiga shaharda yig‘ilgan QQSning 5%, boshqa hududlarga 20% qismi (shundan kamida 50% tuman va shahar budjetlariga) o‘tkaziladi. gazeta.uz »
UzPost pochta operatoriga 31,45 mlrd so‘mlik (2,6 mln dollar) QQS to‘lash majburiyati yuklandi, bu kompaniya sof foydasidan 37 baravar ko‘pdir. Soliq qo‘mitasiga ko‘ra, kompaniya 2021 va 2023-yillarda xorijiy kompaniyalarga ko‘rsatilgan tranzit xizmatlari uchun QQSni to‘liq to‘lamagan. gazeta.uz »
1-oktabrdan Toshkent shahri va Yangiyo‘l tumanida ijtimoiy kartalar orqali amalga oshirilgan xaridlar uchun QQSni avtomatik qaytarish tizimi ishga tushirildi. Avval bu uchun QR-kodni skanerlash talab qilinardi. gazeta.uz »
70% kabel mahsulotlarini mahalliy korxonalardan sotib olish talabi transformatorlar, shitlar kabilarni ham qamrab olishi rejalashtirilmoqda. “O‘zeltexsanoat” raisiga ko‘ra, prezident mahalliy ishlab chiqaruvchilar va importyorlar uchun QQS to‘lash shartlarini tenglashtirish chora-tadbirlarini tasdiqlagan. gazeta.uz »
1-yanvardan O‘zbekistonda fermer va dehqonlar uchun paxta va g‘alladan tashqari qishloq xo‘jaligi mahsulotlarini sotishda QQS nolga tenglashtiriladi. Imtiyoz qishloq xo‘jaligi ishlab chiqaruvchilarining deyarli yarmini qamrab oladi va biznesga 1 trln so‘mgacha mablag‘ni tejash imkonini beradi. gazeta.uz »
2026-yildan boshlab dehqon va fermerlarga o‘zi yetishtirgan qishloq xo‘jaligi mahsulotini sotishda QQS nol stavkada qo‘llanadi (g‘alla va paxta bundan istisno). Prezident topshirig‘iga ko‘ra, qishloq xo‘jaligini “soya”dan chiqarish bo‘yicha takliflar ishlab chiqildi gazeta.uz »
O‘zbekistonda uy-joy xarid qilishda keshbek joriy etish masalasi ko‘rib chiqilmoqda. Savdo-sanoat palatasi raisi Davron Vahobovning ta’kidlashicha, uy-joy qo‘shilgan qiymat solig‘ini (QQS) hisobga olgan holda sotib olinishi kerak. gazeta.uz »
Prezident QQS ma’murchiligini takomillashtirish va uni qaytarishni nazarda tutuvchi hujjatlar loyihalarini ishlab chiqishni buyurdi. Gap bu soliqni to‘lovchilarni soddalashtirilgan ro‘yxatga olish, marketpleys orqali eksport uchun QQS qaytarish, mehmonxona va tibbiyot biznesini qo‘llab-quvvatlash haqida bormoqda. gazeta.uz »
2026-yildan ilk marta QQS to‘loviga o‘tgan tadbirkorlar 1 yil davomida foyda solig‘idan ozod qilinadi, QQS to‘lovchisi sifatida soliq organlarida hisobga qo‘yish tartibini buzganlik uchun moliyaviy jarima qo‘llanilmaydi. gazeta.uz »
Tadbirkor Bekzod Mamatqulov fermerlar oyoqqa turishi uchun qishloq xo‘jaligi ishlab chiqaruvchilari uchun QQS stavkasini 12 foizdan 1 foizga tushirishni taklif qildi. Qimmat o‘g‘it va yoqilg‘i tufayli mahsulot yetishtirishning yuqori narxlari haqida gapirib, eksportning minimal narxlarini qayta ko‘rib chiqishga chaqirdi. gazeta.uz »
Soliq qo‘mitasi raisi Sherzod Kudbiyev mehmonxona biznesi vakillari va auditorlar bilan uchrashuvda, hisobga olish huquqidan voz kechilsa, xizmatlar sohasi uchun QQS stavkasini pasaytirish imkoniyati ko‘rib chiqilishi mumkinligini bildirdi. gazeta.uz »
Hukumat qarori bilan QQS summasi o‘rnini qoplash tartibi to‘g‘risidagi nizomga o‘zgartirish kiritildi. Unga ko‘ra, bojxona organlari tomonidan elektron tizim orqali tovarlar bojxona chegarasini kesib o‘tgani to‘g‘risida taqdim etilgan ma’lumotlar tovarlar eksport qilinganini tasdiqlash uchun asos bo‘ladi. gazeta.uz »
Shavkat Mirziyoyev O‘zbekistonda bundan buyon qurilishga salohiyatli developerlarni jalb qilish maqsadida ko‘p qavatli uy qurish uchun yerlar auksionda faqat QQS to‘lovchi yuridik shaxslarga sotilishini ma’lum qildi. gazeta.uz »
2025-yil aprelidan O‘zbekistondagi barcha dorixonalar va klinikalar qo‘shilgan qiymat solig‘i to‘lashga o‘tadi. QQS hisobotlari soliq organlari tomonidan avtomatik shakllantirib boriladi. gazeta.uz »
Prezident farmoni bilan QQS va foyda solig‘i stavkalari 2028-yilgacha oshirilmaydi. Savdo-sanoat palatasi huzurida Tadbirkorlarga tashqi moliya bozorlariga chiqishga ko‘maklashish markazi tashkil etiladi. gazeta.uz »
Prezident farmoni bilan tashqi savdo operatsiyalari bo‘yicha valyuta nazorati siyosatiga o‘zgartirishlar kiritildi. Muddati o‘tgan debitor qarzdorligi bo‘lgan tadbirkorlarga berilgan qator yengilliklar bekor qilinmoqda, QQS va bojxona to‘lovlarini bo‘lib to‘lash muddatlari ham qisqartirilmoqda. gazeta.uz »
Prezident farmoni bilan 2025-yildan boshlab O‘zbekistonda jamoat transporti va shahar atrofi poyezdlarida tashish uchun QQS (12 foiz) bo‘yicha berilgan imtiyozlar va boshqa soliq imtiyozlari bekor qilinadi. gazeta.uz »
