Yicha - Ïîñëåäíèå íîâîñòè [ Ôîòî â íîâîñòÿõ ] | |
Qozog‘iston sun’iy ravishda yog‘ingarchilikni ko‘paytirish bo‘yicha Markaziy Osiyodagi ilk loyihani ishga tushirdi. Mazkur tashabbus hozircha Turkiston viloyatida amalga oshirilmoqda va u suv omborlarini to‘ldirish hamda qishloq xo‘jaligi hududlarini suv bilan ta’minlash darajasini oshirishga qaratilgan. gazeta.uz »
Bexzot Narmatov O‘zbekiston prezidentining yoqilg‘i-energetika masalalari bo‘yicha maslahatchisi etib tayinlandi. U bungacha Energetika vazirligida ishlagan, “O‘ztransgaz”ga rahbarlik qilgan, yangi tayinlovga qadar esa Prezident administratsiyasida shu’ba mudiri bo‘lib faoliyat yuritgan. gazeta.uz »
AQSh prezidenti Donald Tramp Pekinda Si Szinpin bilan uchrashdi. Muzokaralarda Tayvan masalasi asosiy mavzu bo‘ldi: Xitoy yetakchisi bu bo‘yicha tutilgan noto‘g‘ri yo‘l nizolarga olib kelishidan ogohlantirdi. gazeta.uz »
Bosh prokuratura huzuridagi departament Migratsiya agentligi va bandlik agentliklarining sobiq mutasaddilaridan iborat uyushgan guruhni aniqladi. Gumonlanuvchilar Koreyaga ishga yuborish evaziga jami 135 mln dollardan ortiq pulni noqonuniy olgan. gazeta.uz »
Baxrom Urmanov mudofaa vazirining raqamlashtirish, sun’iy intellekt va kiberxavfsizlik bo‘yicha o‘rinbosari bo‘ldi. U bunga qadar Qurolli kuchlar bosh shtabida boshqarma boshlig‘i lavozimida ishlab kelgan. gazeta.uz »
Toshkent sudi energetika vaziri Jo‘rabek Mirzamahmudovning shikoyati asosida Otabek Bakirovga nisbatan ochilgan ma’muriy ishni tugatdi. Bunga blogerga yolg‘on axborot tarqatish moddasi bo‘yicha javobgarlikka tortish muddati o‘tib ketgani asos bo‘ldi. gazeta.uz »
Mudofaa vazirligida Raqamli texnologiyalar bosh boshqarmasi, SI departamenti va Sun’iy yo‘ldosh aloqa markazi tashkil etilmoqda. Mudofaa vazirining raqamli siyosat bo‘yicha o‘rinbosari, harbiy okruglarda esa raqamlashtirish, SI va kiberxavfsizlik bo‘yicha qo‘mondon o‘rinbosarlari lavozimlari joriy etiladi. gazeta.uz »
Oq uy AQSh va Eron urushni tugatadigan hamda Eron yadro dasturi bo‘yicha batafsilroq muzokaralar uchun asos yaratadigan o‘zaro anglashuv memorandumini imzolashga yaqin deb hisoblamoqda. gazeta.uz »
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi. gazeta.uz »
O‘zbekistonda umumiy ovqatlanish, tamaki, alkogol va yonilg‘i savdosi sohalaridagi cheklar bo‘yicha keshbekni operativ to‘lash imkoniyatini yaratish rejalashtirilmoqda. Hozirda keshbek Soliq ilovasida chek ro‘yxatdan o‘tkazilgach, navbatdagi oyning 25-sanasidan so‘ng to‘lanadi. gazeta.uz »
Antikorrupsiya agentligi “Dok-1 Maks” ishi bo‘yicha tahlillar natijasini e’lon qildi. Farmatsevtikada dori vositalarini ro‘yxatdan o‘tkazish va nazorat qilish jarayonlaridagi kamchiliklar qayd etildi. gazeta.uz »
Prezident mamlakatda ekologik barqarorlikni ta’minlashga qaratilgan yangi takliflar bilan tanishdi. Unda atrof-muhitga yetkazilayotgan zarar uchun javobgarlikni oshirish, moliyaviy sanksiyalarni qayta ko‘rib chiqish, noyob maskanlarni saqlash va ularni muhofaza qilish masalalariga alohida e’tibor qaratildi. gazeta.uz »
G‘iyosiddin Rejabov O‘zbekiston prezidentining madaniyat masalalari bo‘yicha vakili etib tayinlandi. U bunga qadar Prezident administratsiyasining Kreativ iqtisodiyot va turizm bo‘yicha departamenti shu’ba mudiri lavozimida faoliyat yuritgan. gazeta.uz »
Markaziy bank inflyatsiya bo‘yicha prognozida energotariflarning 10 foizgacha oshishi mumkinligi inobatga olinganini ma’lum qildi. 2025-yildagi hukumat qarorida 2026-yildan energoresurslar narxlari har yili 1-mayda inflyatsiyani inobatga olib, biroq 10 foizdan ko‘p bo‘lmagan miqdorda oshirilishi belgilangandi. gazeta.uz »
Raqobat qo‘mitasi Payariq tumanidagi 12 ta gaz quyish shoxobchasidan 11 tasida siqilgan gaz narxlari bir vaqtning o‘zida oshirilganini aniqladi. Narxlar o‘rtacha 300 so‘mga ko‘tarilgan, qo‘shni tumanlarda esa o‘zgarishsiz qolgan. gazeta.uz »
Qonunchilik palatasi deputatlari fotoradar va kameralar faoliyati hamda yo‘l harakati xavfsizligi masalalari bo‘yicha Ichki ishlar vaziriga parlament so‘rovi yubordi. Unda jarimalardagi xatolar, yo‘l infratuzilmasi muammolari va tizim samaradorligiga oid masalalar ko‘tarilgan. gazeta.uz »
Eron AQShga Hurmuz bo‘g‘ozini ochish va urushni tugatishni ko‘zda tutuvchi taklifni vositachilar orqali yo‘lladi. Shu bilan birga, Tehron Eron yadroviy dasturi bo‘yicha muzokaralarni keyinroqqa qoldirishni taklif etmoqda. gazeta.uz »
Soliq qo‘mitasi xalqaro tajribani o‘rganish bo‘yicha avval aytilgan fikrlarga qaramay, umumiy ovqatlanish korxonalari uchun QQSning nol stavkasini joriy etish bo‘yicha qaror qabul qilinmaganini bildirdi. gazeta.uz »
Toshkentda uy olmoqchi bo‘lgan 2 mingga yaqin kishini chuv tushirishda ayblanayotgan Credit House kompaniyasi mansabdorlarining 5 nafari 8 yil 1 oydan 9 yilgacha muddatga ozodlikdan mahrum etildi, 3 nafari shartli qamaldi, 1 nafariga jarima jazosi tayinlandi. gazeta.uz »
Allergiya dunyoda deyarli har uchinchi insonda uchraydi. Gullash mavsumida u kuchayadi va odatiy hayotga xalaqit beradi. Gazeta allergolog Stefaniya Katsamaki bilan allergiya nega ko‘proq uchrayotgani, holatni qanday yengillashtirish va kasallik rivojlanishi xavfini qanday kamaytirish mumkinligi haqida suhbatlashdi. gazeta.uz »
Biznes ombudsman ofisi Caravan Group asoschisi Timur Musindan olib qo‘yilgan yerlar uchun 12,5 mlrd so‘m kompensatsiya to‘lashni bekor qilish qarori ustidan Oliy sudning taftish instansiyasiga shikoyat tayyorlamoqda. gazeta.uz »
Soddalashtirilgan tartibda undirilishi mumkin bo‘lgan qarzlar ro‘yxatini kengaytiruvchi qonun imzolandi. Endi ular qatoriga kommunal xizmatlar, “kvartplata” va 5 BHMgacha qarzdorliklar ham kiritildi. gazeta.uz »
2025-yilda Oliy ta’lim vazirligi tizimidagi 81 xodim korrupsiya, pora oldi-berdisi, mansab vakolatini suiiste’mol qilish, firibgarlik kabi jinoyatlar bo‘yicha sudlandi. Vazirlik vakiliga ko‘ra, tizimda korrupsion holatlar kamaymoqda: 2023-yil 106 xodim, 2024-yilda 90 kishiga sud hukmlari o‘qilgandi. gazeta.uz »
Bosh vazir o‘rinbosari Jamshid Xodjayev boshchiligidagi O‘zbekiston delegatsiyasi BAAda qator muzokaralar o‘tkazdi. Keng qamrovli iqtisodiy sheriklik to‘g‘risidagi bitimni tezlashtirish, shuningdek, logistika, qurilish, infratuzilma, islomiy moliya, IT, ta’lim va boshqa sohalarda yangi loyihalar muhokama qilindi. gazeta.uz »
Ozarbayjon va Rossiya 2024-yilda AZAL aviakompaniyasining Embraer 190 samolyoti halokatga uchrashi oqibatlarini bartaraf etish, jumladan, tovon puli to‘lash masalasida kelishuvga erishilganini ma’lum qildi. gazeta.uz »
Prezident topshirig‘iga asosan Toshkentda arxitektor va urbanistlar uchun kreativ park hamda oliygoh tashkil etiladi. Davlat rahbari xalqaro loyihalarda mahalliy kompaniyalar manfaatlari kuchsiz himoya qilinayotganini tanqid qildi. gazeta.uz »
Jahon banki O‘zbekiston iqtisodiyoti 2026-yilgi o‘sish prognozini 0,4% bandga - 6,4% gacha oshirdi. 2027-yilgi o‘sish prognozi esa 0,8% bandga yaxshilanib, 6,7% ni tashkil etdi. Ayni paytda, JB iqtisodiyotda davlat sektori ustun mavqega ega bo‘lib, xususiy sektorning roli cheklanganicha qolayotganini ko‘rsatmoqda. gazeta.uz »
Germaniyaning Premium Food Group tashkiloti qassoblik sohasida ishlash uchun 300 nafar O‘zbekiston fuqarosini ishga taklif qilmoqda. Nomzodlardan xalqaro til sertifikati talab etilmaydi, biroq ular maxsus tayyorlov kurslarida ishtirok etishlari lozim. Ish haqi taxminan 1700 yevroni tashkil qiladi. gazeta.uz »
Qozog‘iston Markaziy Osiyoda birinchi bo‘lib JSSTning dori vositalari va import vaksinalarni tartibga solish bo‘yicha “uchinchi darajali yetuklik” maqomini oldi. Bu milliy nazorat tizimining xalqaro standartlarga mosligini va aholi uchun tibbiy mahsulotlar xavfsizligi kafolatlanishini anglatadi. gazeta.uz »
Yozda bo‘lib o‘tadigan futbol bo‘yicha Jahon chempionatida o‘zbekistonlik hakamlar - Ilgiz Tantashev, Andrey Sapenko va Timur Gaynullin faoliyat olib boradi. gazeta.uz »
O‘zbekistonda profilaktika inspektorlariga ayrim huquqbuzarliklar bo‘yicha qaror qabul qilish vakolatini berish, 6 ta kam ahamiyatli qilmish bo‘yicha ma’muriy ogohlantirish tizimini joriy etish taklif qilindi. gazeta.uz »
2025-yil va 2026-yil boshidan buyon Raqobat qo‘mitasi yangi uylar sifati va ularning o‘z muddatida topshirilmasligi bilan bog‘liq 2057 ta murojaatni ko‘rib chiqqan. Shikoyatlarning 74,3 foizi qanoatlantirilgan, qo‘mita fuqarolarga qariyb 24,4 mlrd so‘mni qaytarishga yordam bergan. gazeta.uz »
Madaniyat vazirligi san’atkorlarning har bir chiqishini alohida soliqqa tortish loyihasi bo‘yicha Adliya vazirligiga e’tiroz kiritganini ma’lum qildi. Idora yangi tartibda soliqlarni adolatli va tabaqalashtirilgan holda belgilashni hamda ijodkorlar uchun maqbul shart-sharoitlarni saqlab qolishni so‘ramoqda. gazeta.uz »
AQSh va Eron vositachilar orqali o‘t ochishni 45 kunga to‘xtatish bo‘yicha muzokaralar o‘tkazmoqda. Biroq, Axios manbalariga ko‘ra, kelishuvga erishish imkoniyatlari juda kam. Tramp esa, o‘z navbatida, Hurmuz bo‘g‘ozi ochilmasa, Eronning ko‘priklari va elektr stansiyalarini bombardimon qilish bilan yana tahdid qilmoqda. gazeta.uz »
Toshkent hokimligida BRT tamoyili asosidagi ajratilgan avtobus yo‘lagini uzaytirish hamda “Buyuk ipak yo‘li” metro bekati hududida ikki pog‘onali yo‘l o‘tkazgich qurish loyihasi bo‘yicha e’lon qilinmagan eshituv bo‘lib o‘tdi. Gazeta tadbir qanday kechgani haqida hikoya qiladi. gazeta.uz »
Toshkent hokimligida BRT tamoyili asosidagi ajratilgan avtobus yo‘lagini uzaytirish hamda “Buyuk ipak yo‘li” metro bekati hududida ikki pog‘onali yo‘l o‘tkazgich qurish loyihasi bo‘yicha e’lon qilinmagan eshituv bo‘lib o‘tdi. Gazeta tadbir qanday kechgani haqida hikoya qiladi. gazeta.uz »
Faoliyat yuritmayotgan va tugatilgan kompaniyalar soni ortib borayotgani sabab hukumat to‘lovga qobiliyatsizlik institutini yangilamoqchi. Bunda To‘lovga qobiliyatsizlik ishlari bo‘yicha agentlik tuzish, soha bo‘yicha elektron platformani ishga tushirish, shuningdek, sanatsiya mexanizmlarini kengaytirish ko‘zda tutilgan. gazeta.uz »
Mustaqillikning 35 yilligini nishonlash to‘g‘risida qaror qabul qilindi. Bayramni nishonlash bo‘yicha komissiya tuzilib, “Mustaqillik to‘yi” festivali, “Vatan fidoyilari” monumenti va yirik obyektlarning ochilish marosimlari tashkil etiladi. gazeta.uz »
JST bo‘yicha vakil Azizbek Urunov tovarlar narxini sun’iy pasaytirib, adolatsiz raqobat qilayotgan tadbirkorlarga nisbatan mas’ul vazirliklar chora ko‘rishi zarurligini qayd etdi. Shuningdek, O‘zbekiston JSTga a’zo bo‘lgach, xufiyona iqtisodiyot kamayishini, mamlakatlar bozorni ochishdan manfaatdor ekanini aytdi. gazeta.uz »
AQSh vositachilar orqali Eronga urushni to‘xtatish bo‘yicha 15 banddan iborat rejani taqdim etdi. Tehron esa o‘z talablarini ilgari surdi, ular qatorida Yaqin Sharqdagi AQSh harbiy bazalarini yopish va hujum qilmaslik bo‘yicha kafolatlar berish ham bor. gazeta.uz »
Toshkentda yangilanadigan 120 ta avtobus bekatidagi do‘konlarning yarmi noqonuniy qurilgan. Bu haqda endi bekatlar tarmog‘ini rivojlantirish uchun mas’ul bo‘lgan Yo‘l harakatini tashkil etish markazi ma’lum qildi. gazeta.uz »
O‘zbekistonda oziq-ovqat mahsulotlari xavfsizligi ustidan nazoratni yagona qo‘mita orqali amalga oshirish taklif etilmoqda. Yangi tizim fitosanitar, veterinariya va sanitariya nazoratini birlashtirishi mumkin. gazeta.uz »
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan. gazeta.uz »
16-mart kuni soat 14:00 dan ipoteka kreditlari bo‘yicha subsidiya olish uchun arizalar qabul qilish boshlanadi. Arizalar Davlat xizmatlari markazlari, myGov ilovasi yoki my. gov. uz portali orqali topshiriladi. gazeta.uz »
Eron sport vaziri futbol bo‘yicha 2026-yilgi Jahon chempionatida mamlakat terma jamoasi ishtirok etmasligini ma’lum qildi. “Ushbu korrupsiyalashgan rejim rahnamomizni o‘ldirganini hisobga olsak, hech qanday holatda qatnasha olmaymiz”, - dedi u. gazeta.uz »
O‘zbekiston hukumati Buxoro yangi xalqaro aeroportini qurish va ekspluatatsiya qilish loyihasiga qiziqish bildirgan kompaniyalar uchun malaka so‘rovini (RfQ) tayyorlamoqda. Avvalroq aeroport qurilishi bo‘yicha xususiy sherik sifatida Enter Engineering kompaniyasi ko‘rsatilgandi. gazeta.uz »
Hokkey bo‘yicha O‘zbekiston U-18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi. gazeta.uz »
Xokkey bo‘yicha O‘zbekiston U18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi. gazeta.uz »
Hokkey bo‘yicha O‘zbekiston U18 terma jamoasi jahon chempionati III divizion “A” guruhida g‘olib bo‘ldi. Jamoa guruhdagi barcha o‘yinda g‘alaba qozonib, oltin medal va II divizion “B” guruhi yo‘llanmasiga ega bo‘ldi. gazeta.uz »
Azizxon Shovkatov Toshkent shahri hokimining turizm, madaniyat, madaniy meros va ommaviy kommunikatsiyalar masalalari bo‘yicha yangi o‘rinbosari bo‘ldi. U mazkur lavozimda avvalroq Turizm qo‘mitasi raisi o‘rinbosari etib tayinlangan Sanjar Tadjiyevning o‘rnini egalladi. gazeta.uz »
