Yaqin - Ïîñëåäíèå íîâîñòè [ Ôîòî â íîâîñòÿõ ] | |
Eronning O‘zbekistondagi elchixonasi Gazeta`ga bergan intervyusida AQSh bilan muzokaralar, o‘t ochishni to‘xtatish rejimi, sanksiya va vositachilarning diplomatik jarayonga ta’siri bo‘yicha izoh berdi. gazeta.uz »
Oq uy AQSh va Eron urushni tugatadigan hamda Eron yadro dasturi bo‘yicha batafsilroq muzokaralar uchun asos yaratadigan o‘zaro anglashuv memorandumini imzolashga yaqin deb hisoblamoqda. gazeta.uz »
Yaqin Sharqdagi mojaro O‘zbekiston uchun yuk tashish narxiga ta’sir qilmoqda, dedi investitsiya vaziri o‘rinbosari vazifasini bajaruvchi Shoxrux Gulamov. Uning aytishicha, hukumat yuklarni muqobil yo‘nalishlar, jumladan, Markaziy koridor va Xitoy portlari orqali qayta yo‘naltirish ustida ishlamoqda. gazeta.uz »
Buxoro yangi xalqaro aeroportini qurish va boshqarish loyihasi bo‘yicha tenderning birinchi bosqichini 11-mayda yakunlash reja qilingan, deya xabar berdi transport vaziri o‘rinbosari. Uning aytishicha, loyihaga 50 ga yaqin kompaniya qiziqish bildirgan va ishtirokchilar saralab olingach, jarayon ikkinchi bosqichga o‘tadi. gazeta.uz »
Glamour Gold kompaniyasi mansabdorlariga qo‘zg‘atilgan jinoyat ishi bo‘yicha tergov yakunlandi. Ular Eco Dream turar joy majmuasi uchun 300 ga yaqin fuqaro to‘lagan pulni talon-toroj qilgan. Zararni qoplashda ayblanuvchilarning 65 mlrd so‘mlik mulki xatlandi. Boshqa jabrlanganlar bo‘lsa, murojaat qilish so‘ralmoqda. gazeta.uz »
2026-yilda Yaqin Sharqdagi urush tufayli kutilayotgan global narxlarning sakrashi - energiya resurslari +24%, o‘g‘itlar +31% - oziq-ovqat va yoqilg‘i narxlarining oshishiga olib kelishi mumkin. Jahon banki bahosiga ko‘ra, bu rivojlanayotgan mamlakatlarda inflyatsiyani 5,1% gacha tezlashtiradi. gazeta.uz »
AQSh va Isroilning Eronga qarshi harbiy harakatlari boshlanganidan buyon Yaqin Sharq mamlakatlaridan 32 934 nafar o‘zbeksitonlik qaytarildi. Xususan, Saudiya Arabistonidan evakuatsiya tadbirlari yakunlandi. gazeta.uz »
O‘zbekiston Tashqi ishlar vazirligi Yaqin Sharq mintaqasida qolayotgan fuqarolar murojaatlari uchun Telegram botni ishga tushirdi. Vatandoshlardan tezkor yordam ko‘rsatish imkonini berish uchun murojaatda aniq va to‘liq ma’lumot taqdim etish so‘raldi. gazeta.uz »
5-mart soat 10:00 holatiga ko‘ra, 1-martdan beri O‘zbekistonga jami 9361 nafar vatandosh evakuatsiya qilindi. Ularning 8114 nafari Saudiya Arabistonidan, 1192 nafari esa BAAdan olib kelindi. Shuningdek, Erondan 23 nafar, Bahrayndan 25 nafar, O‘mondan esa 7 nafar O‘zbekiston fuqarolari vatanga keltirildi. gazeta.uz »
Shavkat Mirziyoyev O‘mon sultoni Haysam bin Toriq Ol Said bilan telefonda suhbatlashdi. Unda Yaqin Sharqdagi hozirgi murakkab vaziyat muhokama qilinib, yuzaga kelgan beqarorlik jiddiy tashvish uyg‘otayotgani qayd etildi. gazeta.uz »
TIV ma’lumotiga ko‘ra, Yaqin Sharqdagi vaziyatda 4-mart holatiga ko‘ra O‘zbekiston fuqarolari orasida halok bo‘lganlar yoki jabrlanganlar yo‘q. Mintaqadagi elchixonalar vaziyatni 24/7 monitoring qilmoqda, fuqarolarga konsullik va moliyaviy yordam ko‘rsatilmoqda, evakuatsiya reyslari tashkil etilmoqda. gazeta.uz »
O‘zbekistondan Yaqin Sharq davlatlariga barcha aviakompaniyalarning reyslari to‘xtatildi. Faqatgina 28-fevralgacha xorijga chiqib ketgan yo‘lovchilarni qaytarish uchun mo‘ljallangan reyslarga ruxsat berilgan. gazeta.uz »
Yaqin Sharqdagi geosiyosiy vaziyat sabab tranzit va tashqi savdoda qiyinchiliklar yuzaga keldi. Shu munosabat bilan Investitsiyalar, sanoat va savdo vazirligi eksportchi korxonalarni qo‘llab-quvvatlash uchun favqulodda yordam mexanizmini ishga tushirdi. gazeta.uz »
Yaqin Sharqdagi urushning O‘zbekiston iqtisodiyotiga ta’siri ko‘lami uning qancha davom etishiga bog‘liq, deb yozmoqda Mirkomil Xolboyev. Mintaqa davlatlari bilan savdo to‘xtasa, bu YAIMni 0,6 foiz atrofida sekinlashtiradi. gazeta.uz »
O‘zbekiston prezidenti Saudiya Arabistoni, BAA va Qatardan vatandoshlarni qaytarish uchun aviareyslarni tashkil etish bo‘yicha topshiriq berdi. Shu bilan birga, hukumat janubiy yo‘nalishdagi xavflarni inobatga olgan holda eksport-import operatsiyalari uchun muqobil yo‘nalishlarni ko‘rib chiqmoqda. gazeta.uz »
O‘zbekiston bosh vaziri Saudiya Arabistoni, BAA va Qatardan vatandoshlarni olib kelish uchun aviaqatnovlarni tashkil etish bo‘yicha topshiriq berdi. Shu bilan birga, rasmiylar janubiy yo‘nalishdagi xatarlarni hisobga olgan holda eksport-import operatsiyalari uchun muqobil yo‘nalishlarni ko‘rib chiqmoqda. gazeta.uz »
TIV O‘zbekiston fuqarolariga Yaqin Sharq mamlakatlariga safarlarni vaziyat barqarorlashgunicha kechiktirishni tavsiya qildi. Hozirda fuqarolar parvozlarning bekor qilinishi yoki kechiktirilishi tufayli qiyinchiliklarga duch kelmoqda. gazeta.uz »
Jizzax viloyati Forish tumani Qizilqum qishlog‘iga sel keldi. Sel suvlari 30 ga yaqin aholi xonadonlarning hovlisi va tomorqalariga kirgan. gazeta.uz »
O‘zbekistonda 2025-yil davomida 63 340 nafar odam jinoyat ishi bo‘yicha sudlangan. Shundan 18 816 nafar shaxsga ozodlikdan mahrum qilish va 43 531 nafariga boshqa turdagi jazolar tayinlandi, 993 nafar shaxs shartli hukm qilindi. gazeta.uz »
Abdulaziz Kamilov O‘zbekiston nega Tinchlik kengashiga qo‘shilganini tushuntirdi. Uning ta’kidlashicha, bu, avvalo, xavfsizlik nuqtai nazaridan qilingan harakat. Shuningdek, Kamilov buni O‘zbekistonning Yaqin Sharqdagi manfaati va kengash maqsadlari O‘zbekiston tashqi siyosatiga mos ekani bilan izohladi. gazeta.uz »
“Milliy tiklanish” partiyasi O‘zbekiston haqida nomaqbul gapirgan xorijliklar ro‘yxatini tuzib, buni TIV bilan muhokama qilmoqchi. Alisher Qodirov o‘zida Rossiyada shovinistik siyosatni yuritayotgan o‘nga yaqin shaxs ro‘yxati borligini qayd etarkan, ularga taqiq qo‘yilishini qo‘llab-quvvatlashini aytdi. gazeta.uz »
Shveysariyaning Kran-Montana tog‘-chang‘i kurortidagi barda portlash va yong‘in ro‘y berdi. Oqibatda 40 ga yaqin kishi halok bo‘ldi, kamida 115 kishi jarohatlandi. O‘zbekiston TIV hodisa munosabati bilan hamdardlik bildirdi va vafot etgan hamda jabrlanganlar orasida o‘zbekistonliklar aniqlanmaganini ma’lum qildi. gazeta.uz »
O‘zbekistonda chiqindi xizmatidan 1-iyuldan boshlab shakllangan qarzdorliklar to‘lanmagani uchun 205 mingga yaqin abonentning elektr to‘loviga vaqtincha cheklov o‘rnatildi. Ayni paytda chiqindi xizmatlaridan jami 18,2 mlrd so‘m debitor qarzdorlik mavjud. gazeta.uz »
Toshkent shahrida KHAYning Ziyolilar ko‘chasidan Shota Rustaveli ko‘chasigacha bo‘lgan 19 kilometrli qismini 150 mlrd so‘mga modernizatsiya qilish rejalashtirilmoqda. Bundan tashqari, poytaxtning 264 ta chorrahasida yagona boshqaruv tizimiga ega yangi svetoforlar, foto va video qayd etish vositalari paydo bo‘ladi. gazeta.uz »
Raqobat qo‘mitasi nazorat qiluvchi organga bukmekerlik xizmatlarini reklama qilgan 86 ta saytni blok qilishni so‘rab ma’lumot taqdim etdi. Ularning 70 ga yaqiniga kirish cheklandi. gazeta.uz »
Bulung‘ur tumanida kanalni betonlashtirish davomida mingga yaqin daraxt kesib tashlangani aytilmoqda. Ayrim daraxtlar aholining o‘ziga kesdirilgan, yarim pulni davlatga topshirish talabi qo‘yilgan. Daraxt kesish to‘xtatilgan, voqea ishchi guruh tomonidan o‘rganilmoqda. gazeta.uz »
Oq uy AQSh va Rossiya prezidentlarining ikkinchi uchrashuviga tayyorgarlikni to‘xtatdi. Avvalroq Vladimir Putin bilan sammit yaqin ikki hafta ichida Budapeshtda o‘tkazilishi mumkinligini aytgan Donald Trampning so‘zlariga ko‘ra, u “foydasiz uchrashuv”ni istamaydi. gazeta.uz »
Maktabgacha va maktab ta’limi vaziri bir necha tumanlarida bog‘cha tarbiyalanuvchilarining ommaviy zaharlanishi sodir bo‘lgan Toshkent viloyatiga tashrif buyurdi. Ma’lum qilinishicha, ayni paytda 109 nafar bola kasalxonaga yotqizilgan, aksariyati Oqqo‘rg‘on tumanida. gazeta.uz »
2025-yilning 8 oyida 300 ga yaqin bolaga himoya orderi berildi. IIV boshqarmasi boshlig‘i Nilufar G‘iyosovaga ko‘ra, bu hujjat bir oyga beriladi, vaziyat o‘zgarmasa, uzaytiriladi. “Himoya orderi zo‘ravonlik ortganini anglatmaydi. gazeta.uz »
Milliy gvardiyaning Nukus shahrida o‘tkazgan amaliy o‘quv mashg‘uloti paytida kichik portlash yuz berdi. Oqibatda 10 ga yaqin harbiy xizmatchi turli darajadagi jarohat oldi. Holat bo‘yicha xizmat surishtiruvi tayinlandi. gazeta.uz »
O‘zbekistonda 10 mingga yaqin ko‘p qavatli uyning seysmik chidamliligi tekshirildi: 87 foizi me’yorlarga mos keladi, 1200 dan ortiq obyekt qo‘shimcha tekshirishni talab qiladi. 396 ta bino materiallari organlarga yuborildi, noqonuniylarini buzish bo‘yicha 200 ta da’vo kiritildi, 100 dan ortig‘i allaqachon buzildi. gazeta.uz »
O‘zbekistonda 290 mingga yaqin kishi huquqbuzarlik sodir etishga moyil shaxs sifatida hisobga olingan. IIV vakiliga ko‘ra, tuzalish yo‘liga kirgan, vafot etgan, uzoq muddatga xorijga ketganlar hisobdan chiqarib yuboriladi. gazeta.uz »
Yevropa rasmiylari tinchlik kelishuvi doirasida Britaniya va Fransiya qo‘shinlarini Ukrainaga yuborish rejasini muhokama qilmoqda, 10 ga yaqin davlat esa mamlakatga kuch yuborishga tayyor, deb yozmoqda Bloomberg. gazeta.uz »
O‘zbekistonda ikki mingga yaqin san’atkor va ijrochi Soliq ilovasi orqali daromad solig‘i deklaratsiyasini to‘ldirdi. Xorazm, Toshkent va Buxoro viloyatlari san’atkorlar eng ko‘p hujjat topshirgan viloyatlar uchligiga kirdi. gazeta.uz »
Bojxona qo‘mitasi Islom sivilizatsiyasi markaziga xorijga olib chiqishga urinish chog‘ida musodaralangan XIX asrga oid 300 ga yaqin tanga va zargarlik buyumini topshirdi. Markaz xorijdan topilgan ashyolarni qaytarish ustida ham ishlamoqda. gazeta.uz »
O‘zbekistonda kelayotgan avgust oyining katta qismida havo harorati +34…+37 daraja atrofida bo‘ladi. Uchinchi o‘n kunlikda harorat kechalari asta-sekin +13…+18 darajagacha, kunduz kunlari +30…+35 darajagacha, janubda +36…+38 darajagacha pasayadi. Yomg‘ir yog‘ishi ehtimoli kam. gazeta.uz »
O‘zbekistonda 2025-yilning o‘tgan olti oyida “103” xizmatiga 849 ta yolg‘on chaqiriq kelib tushdi (2024-yilning shu davrida 1255 ta edi). Namangan viloyatida esa birorta ham bunday chaqiruv qayd etilmadi. gazeta.uz »
2025-yilning birinchi yarmida 103 xizmatiga 7 millionga yaqin chaqiruv kelib tushdi - bu o‘tgan yilga nisbatan 535 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
O‘zbekiston prezidenti Iqtisodiy hamkorlik tashkilotining navbatdagi sammitida nutq so‘zladi. U Eron-Isroil o‘rtasidagi kelishuvni qo‘llab-quvvatlashini bildirdi, Afg‘onistonni sammitga qaytganini qutladi. gazeta.uz »
Sud “O‘ztemiryo‘lyo‘lovchi” va “Shahar atrofida yo‘lovchi tashish” kompaniyalariga 800 ming nafarga yaqin yo‘lovchidan noqonuniy ushlab qolingan 1,3 mlrd so‘m chipta komissiyalarini qaytarish majburiyatini yukladi. gazeta.uz »
Prezident Shavkat Mirziyoyev Yaqin Sharqda yanada keskinlashgan notinch vaziyatda yuk oqimini xavfsiz portlarga yo‘naltirish zarurligini ta’kidlab, tashqi savdo va transport yo‘nalishlarini qayta ko‘rib chiqishni buyurdi. Logistika xarajatlari oshishi kutilmoqda. gazeta.uz »
Eron hududida bo‘lib turgan qariyb 60 nafar O‘zbekiston fuqarosi vatanga qaytarildi. Turkmaniston bu jarayonlarda o‘z hududini tranzit yo‘li sifatida taqdim etgan. gazeta.uz »
Bryussel yaqin oylar ichida Shavkat Mirziyoyevning tashrifini kutmoqda, dedi Yevropa Ittifoqi elchisi Toyvo Klaar Toshkent investitsiya forumida. “Bu sheriklik to‘g‘risidagi bitimni imzolash va munosabatlarimiz chuqurlashib borayotganini namoyish etish uchun tarixiy imkoniyat bo‘ladi”, - deya qo‘shimcha qildi u. gazeta.uz »
Yaqin kunlarda Qurilish, Transport va Ekologiya vazirliklari Yangi Toshkent hududiga ko‘chiriladi, deya ma’lum qildi Qurilish va uy-joy kommunal xo‘jaligi vaziri Sherzod Hidoyatov. Vazirliklarning poytaxtdagi mavjud binolari sotuvga chiqarilib, tushgan mablag‘ evaziga yangi ma’muriy majmualar barpo etiladi. gazeta.uz »
O‘zbekistonda o‘tkazilgan xatlovga ko‘ra, ekspluatatsiya muddati o‘tab bo‘lgan 2001 ta liftni yangilash va 382 ta liftni ta’mirlash kerakligi aniqlandi. Bu ishlarni amalga oshirish uchun mahalliy budjet mablag‘laridan 854,6 mlrd so‘m ajratiladi. gazeta.uz »
Donald Trampning aytishicha, AQSh Eron bilan yadroviy kelishuvga “juda yaqin”, Tehron uning shartlariga rozi bo‘lgan “ko‘rinadi”. Eron rasmiylari ham sanksiyalarni bekor qilish evaziga yadroviy dastur bo‘yicha yon berishga tayyorligini tasdiqladi. gazeta.uz »
Samarqandda Lacetti haydovchisi piyodalar o‘tish yo‘lagidan o‘tayotgan 10 ga yaqin kishini, jumladan, bir nechta bolani urib yubordi. YTH oqibatida bir kishi halok bo‘ldi, bir qancha kishi jarohatlandi. gazeta.uz »
Saudiya Arabistoniga Umra uchun borgan 580 nafar o‘zbekistonlik noqonuniy sayyohlik agentliklari qurboni bo‘ldi. Ular xorijda oziq-ovqat, boshpana va zarur yordamsiz qolgan. Ular prezident topshirig‘i bilan charter reyslar orqali olib kelindi. gazeta.uz »
Burger King fastfud restoranlari tarmog‘i O‘zbekiston bozoriga kirishga tayyorlanmoqda. International Beverages Tashkent asoschisi (Pepsi va boshqa ichimliklar ishlab chiqaruvchisi) prezident bilan uchrashuvda ikki-uch oy ichida ilk restoranlar ochilishini ma’lum qildi. gazeta.uz »
Yaponiya qirg‘oqlari yaqinidagi Nankay chuqurligida sodir bo‘lishi mumkin bo‘lgan 9 magnitudali zilzila 300 mingga yaqin odamning hayotiga zomin bo‘lishi va mamlakat iqtisodiyotiga $1,8 trln zarar keltirishi mumkin, deyiladi yapon hukumatining yangi prognozida. gazeta.uz »
