Fonida - Ïîñëåäíèå íîâîñòè [ Ôîòî â íîâîñòÿõ ] | |
Yaqin Sharqdagi mojaro O‘zbekiston uchun yuk tashish narxiga ta’sir qilmoqda, dedi investitsiya vaziri o‘rinbosari vazifasini bajaruvchi Shoxrux Gulamov. Uning aytishicha, hukumat yuklarni muqobil yo‘nalishlar, jumladan, Markaziy koridor va Xitoy portlari orqali qayta yo‘naltirish ustida ishlamoqda. gazeta.uz »
Markaziy bank asosiy stavkani yillik 14 foiz darajasida o‘zgarishsiz qoldirdi va buni bazaviy inflyatsiyaning tezlashayotgani hamda ichki talabning barqarorligi bilan izohladi. Geosiyosiy keskinlikning kuchayishi import narxlari orqali inflyatsiyaga qo‘shimcha bosim yaratmoqda. So‘m kursiga jiddiy bosim kuzatilmayapti. gazeta.uz »
Kubada to‘liq blekaut sodir bo‘ldi - 10 millionga yaqin aholi chiroqsiz qoldi. AQSh neft blokadasini joriy etgach, yonilg‘i yetkazib berish to‘xtagandi. Buning ortidan mamlakat energetika inqirozini boshdan kechirmoqda. gazeta.uz »
Germaniya, Shvetsiya, Fransiya va Norvegiya Trampning orolni bosib olish bilan tahdidlari fonida Daniya bilan qo‘shma mashg‘ulotlar o‘tkazish uchun o‘z harbiylarini Grenlandiyaga yubormoqda. AQSh prezidenti esa ularga Grenlandiya “milliy xavfsizlik” uchun kerakligini ta’kidlashda davom etmoqda. gazeta.uz »
Bolgariya bosh vaziri Rosen Jelyazkov ishonchsizlik votumi rejalari fonida hukumat iste’foga chiqishini e’lon qildi. Bolgariyada ziddiyatli budjet rejalari sababli ommaviy norozilik namoyishlari yuzaga kelgan. gazeta.uz »
Donald Tramp amerikalik iste’molchilarning narxlar oshishidan noroziligi kuchayib borayotgani fonida 200 dan ortiq oziq-ovqat mahsulotiga nisbatan bojlarni bekor qildi. Bu Tramp pozitsiyasidagi keskin o‘zgarish bo‘lib, u uzoq vaqt davomida o‘zi joriy qilgan tariflar inflyatsiyaga hissa qo‘shmasligini aytib kelgan. gazeta.uz »
Rossiyaning “Lukoyl” kompaniyasi AQSh sanksiyalaridan so‘ng o‘zining xalqaro aktivlarini sotmoqchi. Cheklovlarga 50 foizdan ortiq ulushi bo‘lgan shu’ba kompaniyalar ham tushgan. Sanksiyalar O‘zbekistondagi loyihalarga ham ta’sir qilishi mumkin, biroq kompaniya va Energetika vazirligi hozircha vaziyatga izoh bermadi. gazeta.uz »
UzPost xususiylashtirilishi ehtimoliga oid xabarlar fonida Uzum kompaniya rivojlanishiga sarmoya kiritishga tayyorligini ma’lum qildi. Ta’kidlanishicha, xattoki pochta xizmatlari qisman xususiylashtirilgan mamlakatlarda ham ularni nazorat qilish milliy xavfsizlik va suverenitet masalasi sifatida qaraladi. gazeta.uz »
UzPost xususiylashtirilishi ehtimoliga oid xabarlar fonida Uzum kompaniya rivojlanishiga sarmoya kiritishga tayyorligini ma’lum qildi. Ta’kidlanishicha, xattoki pochta xizmatlari qisman xususiylashtirilgan mamlakatlarda ham ularni nazorat qilish milliy xavfsizlik va suverenitet masalasi sifatida qaraladi. gazeta.uz »
Yil boshida xususiylashtirilgan Humo to‘lov tizimi sof foydasi olti oyda 124,3 mlrd so‘mga yetdi, bu o‘tgan yilga nisbatan 73% ko‘p. O‘sish, ayniqsa, ikkinchi chorakda (2,2 karra) tariflar oshishi fonida keskin bo‘ldi. gazeta.uz »
Ukraina prezidenti Vladimir Zelenskiy korrupsiyaga qarshi kurash organlarining mustaqilligini ta’minlaydigan yangi qonunni taqdim etishga va’da berdi. Mamlakatda ushbu idoralarning prokuraturaga bo‘ysunuviga qarshi ommaviy norozilik namoyishlari davom etmoqda. gazeta.uz »
Ozarbayjon Yekaterinburgda qotillikda ayblangan ozarbayjonliklarning ommaviy hibsga olinishi munosabati bilan Rossiyaga norozilik bildirdi. Shuningdek, mamlakatda Rossiya ishtirokida o‘tkazilishi rejalashtirilgan barcha madaniy tadbirlar bekor qilindi. gazeta.uz »
May oyida O‘zbekistonda inflyatsiya 1,5 foizgacha tezlashdi, bu o‘tgan yil maydan beri eng yuqori ko‘rsatkichdir. Narxlarning yillik o‘sishi 8,7 foizgacha sekinlashdi. Gaz (+39,2%), elektr (+18,8), suyultirilgan gaz (+25) tariflari oshishi o‘z ta’sirini ko‘rsatdi. Go‘sht, yog‘ va shakar qimmatladi, sabzavotlar arzonladi. gazeta.uz »
Yanvar oyida O‘zbekiston sanoati o‘tgan yilgi 16,4% ga nisbatan 4,3% o‘sdi. Benzin ishlab chiqarish 20,5% kamaydi, dizel - 33,8%, avtomobil ishlab chiqarish - 4,4%. Xizmat ko‘rsatish, qurilish va chakana savdoda o‘sish sekinlashdi. gazeta.uz »
Trampning Kanadaga qilayotgan hududiy va tarif tahdidlari fonida Kanadadagi bo‘lajak saylovda konservatorlarning taxminiy g‘alabasi so‘roq ostida qoldi. Tryudo va u kiritgan uglerod solig‘iga e’tiroz tufayli konservatorlar liberallardan 18 oy davomida ustun bo‘lib kelayotgandi, lekin endi vaziyat o‘zgardi. gazeta.uz »
AQSh Xalqaro taraqqiyot agentligi (USAID) veb sayti ishlamayapti. Bu Tramp agentlikni Davlat departamenti nazoratiga o‘tkazmoqchi ekani haqidagi xabarlardan so‘ng ro‘y berdi. Bunday harakat global gumanitar yordam, jumladan, OIV/OITSni davolashdan to toza suvgacha tahdid solishi mumkin. Asosiy ma’lumotlar. gazeta.uz »
Qozog‘iston hukumati kartoshka eksportini olti oyga chekladi. Qaror bu mahsulotning, xususan, O‘zbekistonga eksport hajmi oshishi va narxi keskin ko‘tarilishi fonida qabul qilindi. 11 oy ichida O‘zbekiston import qilgan kartoshkaning deyarli 75 foizi Qozog‘istondan olib kelingan. gazeta.uz »
Qozog‘iston Milliy banki tenge kursining keskin tushishi sababli asosiy foiz stavkasini 14,25 foizdan 15,25 foizgacha ko‘tarishga qaror qildi. Shuningdek, inflatsiya va iqtisodiy o‘sish bo‘yicha bashoratlar salbiy tomonga o‘zgartirildi. gazeta.uz »
Inflyatsiyaning o‘sishi rivojlangan mamlakatlar aholisining noroziligini keltirib chiqarib, hukumatga bo‘lgan ishonchga putur yetkazmoqda. Saylovchilarning iqtisodiy vaziyatdan hafsalasi pir bo‘lishi Trampning AQShdagi g‘alabasi hamda Britaniya va Yaponiya hukmron partiyalarining mag‘lubiyatiga olib keldi, deb yozadi FT. gazeta.uz »
O‘zbekistonda yanvar-iyun oylarida avtomobil narxlari o‘sishi sekinlashdi. Bu avtokreditlar foiz stavkalarining oshishi hamda bunday kreditlar berilishining 2,1 barobarga kamayishi fonida yuz berdi. gazeta.uz »
15 yildan beri hokimiyatda bo‘lib kelgan Bangladesh bosh vaziri Shayx Hasina ommaviy namoyishlar fonida iste’foga chiqdi va mamlakatdan qochib ketdi. Armiya muvaqqat hukumat tuzilganini e’lon qildi. gazeta.uz »
Isroil harbiy rahbariyati snaryadlar taqchilligi sharoitida, hatto HAMAS hozircha hokimiyatda qolsa ham, G‘azoda sulh tuzish tarafdori, deb yozdi New York Times. Bu, harbiylarga ko‘ra, guruh qo‘lidagi garovga olinganlarni ozod qilishning eng yaxshi yo‘li bo‘ladi. gazeta.uz »
Toshkentda Xalqaro bolalarni himoya qilish kunida tashkil etilishi rejalashtirilgan “tekinga narsa tarqatish” aksiyalari to‘xtatildi, deb xabar berdi IIV. O‘yinchoqlar, muzqaymoq va boshqalarning tekin tarqatilishi transport harakatidagi 10 balli tirbandlikka va bog‘larda odamlarning to‘planib qolishiga olib keldi. gazeta.uz »
O‘zbekiston aholisining yillik inflyatsion kutilmasi kommunal xizmatlar narxlari ko‘tarilishidan so‘ng keskin oshdi, deyiladi Markaziy bankning martda o‘tkazgan so‘rovi natijasida. Korxonalar ham bu omilni qayd etgan, ammo ular valyuta kursi o‘zgarishining inflyatsiyaga ta’siridan ko‘proq tashvishlanmoqda. gazeta.uz »
Jahon bozorida oltin narxining ko‘tarilishi fonida aprel oyida O‘zbekiston oltin-valyuta zaxiralari 35,1 mlrd dollarga yetdi. Zaxiradagi qimmatbaho metallning fizik hajmi 1,24 tonnaga kamaydi va 2022-yilning may oyidan buyon minimal darajada bo‘lib qolmoqda. gazeta.uz »
O‘zbekistonda minimal iste’mol xarajatlari 4,3 foizga o‘sdi - oyiga 621 ming so‘mdan 648 ming so‘mgacha. Ushbu ko‘rsatkich kambag‘allik chegarasini aniqlashda ishlatiladi. Mazkur summa 1-maydan gaz va elektr energiyasi tariflari oshishi munosabati bilan yil boshidan buyon ikkinchi marta yangilandi. gazeta.uz »
Qozog‘iston prezidenti Qosim-Jomart Toqayev mamlakatdagi eng yirik suv toshqinlari fonida hukumatga budjet mablag‘larini tejash maqsadida imidj yaratish va yirik tadbirlarni o‘tkazishdan voz kechishni buyurdi. gazeta.uz »
