òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
Poytaxtda jamoat transportidan foydalanish darajasi 2022-yilga nisbatan 17 foizga oshib, 35 foizdan ortdi. Xususan, o‘tgan yilda avtobusda 412,4 mln yo‘lovchi tashildi, umumiy tushum 644,6 mlrd so‘mni tashkil etdi. gazeta.uz »
Toshkentda yo‘l harakati qoidalarini muntazam buzib, 912 marta qoidabuzarlik sodir qilgan Matiz haydovchisi aniqlandi. U buning oqibatida yuzaga kelgan 311 mln so‘mdan ortiq qarzdorlikni to‘lamay yurgan. MIB mashinani topib, jarima maydoniga joylashtirdi. gazeta.uz »
Toshkentda piyodalar yo‘laklarida, bekatlarda, yashil hududlarda qoldirilgan avtomobillar jarima maydonlariga olib ketila boshlanadi. YHTEM tartibli shaharni yaratish ishlarining keyingi bosqichida noto‘g‘ri joyda qoldirilgan avtomobillarga nisbatan qat’iy chora ko‘rish rejalashtirilayotganini ma’lum qildi. gazeta.uz »
Toshkentda Rossiya armiyasi safida Ukrainadagi urushda qatnashganlikda ayblangan 45 yoshli O‘zbekiston fuqarosi 5 yilga qamaldi. Sud hujjatlariga ko‘ra, u Rossiya Mudofaa vazirligi bilan shartnoma tuzib janglarda qatnashgan, O‘zbekistonga qaytgach esa singlisi va uning farzandlariga tahdid qilgan. gazeta.uz »
Toshkentda sud Instagram’da prezident va uning oila a’zolari haqida obro‘sizlantiruvchi yolg‘on axborot tarqatgan 60 yoshli erkakka nisbatan 20,6 mln so‘m jarima jazosi tayinladi. Sudda u izohlarni mast holatda yozib yuborganini aytgan. gazeta.uz »
Yakkasaroy tumanida Tracker va Yutong avtobusi ishtirokida YTH sodir bo‘ldi. Oqibatda avtomobil haydovchisi va yo‘lovchisi hamda avtobusda bo‘lgan bir kishi jarohatlandi. “Toshshahartransxizmat”ga ko‘ra, voqea Tracker haydovchisi aybi bilan kelib chiqqan. gazeta.uz »
Mashinadan metro tizimiga qulay o‘tishni ta’minlash maqsadida Park&Ride tizimi yo‘lga qo‘yiladi. Bunda haydovchilar avtomobilni shahar chetidagi maxsus avtoturargohda qoldirib, keyin jamoat transporti orqali markazga yo‘l oladi. gazeta.uz »
Cho‘ponota ko‘chasidagi 48 va 50-xonadonlarning ma’lum qismi sud qarorisiz buzib tashlandi. Oila vakillariga ko‘ra, Yakkasaroy tumani hokimligi 14 sotixli uyni mehmonxona qurish uchun ishbilarmonlarga berishni reja qilgan. gazeta.uz »
Uchtepa tumanida bank xodimlari fuqaroning 500 ming dollar omonat pulini soxta hujjatlar orqali o‘zlashtirganlikda gumonlanmoqda. Holat yuzasidan jinoyat ishi qo‘zg‘atilib, tergov harakatlari boshlandi. gazeta.uz »
Sergeli tumanida gaz ta’minoti xodimi fuqarodan 21 ming dollar talab qilganlikda gumonlanmoqda. U buning uchun noqonuniy savdo shoxobchasini rasmiylashtirish va uni gaz tarmog‘iga ulab berishni va’da qilgan. gazeta.uz »
Yakshanba kuni yoqqan kuchli va davomli jala Toshkentda yana jiddiy suv toshqinlarini keltirib chiqardi. Joylarda yog‘in miqdori 35 mm ga yetdi, vaholanki may uchun me’yor 44 mm ni tashkil qiladi. Hokimlik shahardagi yomg‘ir suvlarini chiqarib yuborish tizimini sutkasiga 20 mm dan 36 mm gacha oshirishni reja qilmoqda. gazeta.uz »
Ê¢ðãàçìàäà òóðëè àâëîä âàêèëëàðè á¢ëãàí ðàññîì âà ôîòîãðàôëàðíèíã ðàíãòàñâèð, ãðàôèêà âà ôîòîãðàôèÿ é¢íàëèøèäàãè àñàðëàðè íàìîéèø ýòèëäè. ru.sputniknews-uz.com »
Toshkentda an’anaviy gullar festivali boshlandi. 9-maygacha Milliy kutubxona yonidagi maydonda o‘tadigan tadbir dekoratsiyasi uchun 2 mln gul va 18 ming butadan foydalanildi. Unda 150 mingga yaqin odam ishtirok etishi kutilmoqda. Gazeta fotoreportaji. gazeta.uz »
Toshkentda “Besh million sun’iy intellekt yetakchilari” loyihasi doirasidagi “Milliy tanlov”ning g‘olib va sovrindorlari taqdirlandi. Ikkita maktabga elektromobil topshirildi. 10 nafar pedagog xorijga sayohat yo‘llanmasini qo‘lga kiritdi. gazeta.uz »
Toshkentda 15 ta avtomobil ishtirokida YTH yuz berdi. Equinox mashinasining keksa yoshli haydovchi chorrahada to‘xtab turgan mashinalarga katta tezlikda urilgan. U kasalxonaga yotqizildi. Voqea joyida bo‘lgan Gazeta muxbiri sochilib yotgan avtomobil bo‘laklari va shikastlangan daraxtlarga guvoh bo‘ldi. Video. gazeta.uz »
Toshkentda shar’iy nikohidagi ayolini o‘ldirish uchun qotil yollagan shaxs qo‘lga olindi. U buning uchun 10 ming dollar va’da qilib, 2 ming dollarini oldindan bergan. IIO ayolning o‘limini sahnalashtirish orqali gumonlanuvchini voqea paytida ushladi. Hozirda unga jinoyat ishi ochilib, qamoqqa olingan. gazeta.uz »
Toshkentda shar’iy nikohidagi ikkinchi ayolini o‘ldirish uchun qotil yollagan shaxs qo‘lga olindi. U buning uchun 10 ming dollar va’da qilib, 2 ming dollarini oldindan bergan. IIO ayolning o‘limini sahnalashtirish orqali gumonlanuvchini voqea paytida ushladi. Hozirda unga jinoyat ishi ochilib, qamoqqa olingan. gazeta.uz »
Yevropa kuniga bag‘ishlangan festival Toshkentda o‘nta davlat elchixonalari va hamkor tashkilotlarni jamladi. Mehmonlar madaniy pavilonlar, ta’lim imkoniyatlari va YeIning O‘zbekistondagi loyihalari, jumladan, Erasmus+, investitsiyalar va fuqarolik jamiyati tashabbuslari bilan tanishdi. Gazeta reportaji. gazeta.uz »
Toshkentda yakshanba kuni kechqurun kuzatilgan kuchli yog‘ingarchilik oqibatida ko‘chalar, “Chorsu” metro bekati va shifoxonalardan birini suv bosdi. Metropoliten ma’muriyati holatni irrigatsiya va drenaj tizimlarining o‘z vaqtida tozalanmagani bilan izohladi, FVV bekat suvdan tozalanganini ma’lum qildi. gazeta.uz »
Uchtepa tumanida profilaktika katta inspektori fuqarodan boshqa kishiga nisbatan jinoyat ishi qo‘zg‘atish va’dasi bilan 10 ming dollar talab qilib, pulni olayotgan vaqtda qo‘lga olindi. gazeta.uz »
12 yildan buyon O‘zbekistonda 1-may Favvoralar kuni sifatida nishonlanyapti. Gazeta muxbiri Mirolim Isajonov sana munosabati bilan poytaxtdagi Mustaqillik maydoni, Amir Temur muzeyi, “Turkiston” san’at saroyi, Milliy kutubxona va Alisher Navoiy nomidagi DAKT oldidagi favvoralardan fotoreportaj tayyorladi. gazeta.uz »
Toshkentda Chirchiq daryosining 16 kilometr qismini obodonlashtirish va kanallar bo‘ylab yashil hududlar barpo etish rejalashtirilmoqda. Dastlab poytaxtda to‘rtta sun’iy ko‘l qurish ko‘zda tutilgan, biroq davlat rahbari ularning sonini 12 taga yetkazish bo‘yicha topshiriq berdi. gazeta.uz »
Glamour Gold kompaniyasi mansabdorlariga qo‘zg‘atilgan jinoyat ishi bo‘yicha tergov yakunlandi. Ular Eco Dream turar joy majmuasi uchun 300 ga yaqin fuqaro to‘lagan pulni talon-toroj qilgan. Zararni qoplashda ayblanuvchilarning 65 mlrd so‘mlik mulki xatlandi. Boshqa jabrlanganlar bo‘lsa, murojaat qilish so‘ralmoqda. gazeta.uz »
Toshkentda yo‘lovchilar bilan qo‘pol muomalada bo‘lgan 11-sonli avtobus haydovchisi ishdan bo‘shatildi. “Toshshahartransxizmat”ga ko‘ra, sinov muddatida ishlayotgan xodim texnik nosozlik vaqtida yo‘lovchilarning haqli e’tirozlariga baqirib javob qaytarib, jamoat transporti madaniyatini buzgan. gazeta.uz »
Toshkentda Jaloyir-Sergeli temiryo‘l oralig‘ida yuk poyezdi 22 yoshli yigitni urib ketdi. Hodisa tungi soat 02:00 larda sodir bo‘lgan. Dastlabki ma’lumotlarga ko‘ra, u temiryo‘lda yotgan bo‘lgan. Holat yuzasidan tekshiruv olib borilmoqda. gazeta.uz »
Poytaxtdagi Yoshlar ijod saroyida 2-mayda Yevropa Ittifoqi festivali bo‘ladi. Unda YeI mamlakatlari bilan jonli formatda tanishish mumkin: elchixonalar vakillari bilan muloqot, madaniy tadbirlar va interaktiv zonalar tashkillanadi, Yevropada o‘qish va stajirovka imkoniyatlari haqida ma’lumot olish mumkin bo‘ladi. gazeta.uz »
Toshkentning Yakkasaroy tumanida Cobalt yo‘lni kesib o‘tayotgan 78 yoshli piyodani urib ketdi. Hodisa oqibatida piyoda voqea joyida vafot etgan. Holat yuzasidan jinoyat ishi qo‘zg‘atilib, tergov olib borilmoqda. gazeta.uz »
Poytaxtdagi tumanlardan birining elektr tarmoqlari korxonasi ikki xodimi $8 ming pora olayotganida qo‘lga tushdi. Ular bank binosidagi nosoz hisoblagich bo‘yicha yozilgan 400 mln so‘mlik jarimani kamaytirib bermoqchi bo‘lgan. gazeta.uz »
Toshkentda fuqaro ijtimoiy tarmoqlar orqali Suriyadagi jangarilar ta’siriga tushib, u yerga ketishni rejalashtirgani uchun 6 yilga qamaldi. U tanishlarini ham qurolli mojarolarda ishtirok etishga undagan. gazeta.uz »
Toshkentda IATA vakolatxonasi ochildi - bu Markaziy Osiyodagi ikkinchi ofis hisoblanadi. Hukumat bu aviatsiya sohasi rivojini tezlashtirishiga ishonch bildirmoqda. Yil oxiriga qadar O‘zbekistonda Billing and Settlement Plan (BSP) o‘zaro hisob-kitoblar tizimini ishga tushirish rejalashtirilgan. gazeta.uz »
Toshkentda bekatlarni rekonstruksiya qilish doirasida avtobus “karmon”lari olib tashlanmoqda. Maqsad - avtobuslar harakati uchun amalda ustuvorlik yaratish, harakat jadvaliga rioya etilishini ta’minlash va yo‘lovchilar xavfsizligini oshirish. gazeta.uz »
Toshkentda 25-apreldan 106, 7, 141 va 103-sonli avtobus yo‘nalishlari o‘zgartiriladi. Ayrim yo‘nalishlar qisqartiriladi, boshqalarida harakat sxemasi yangilanadi. O‘zgarishlar intervallarni kamaytirish va takrorlanishni bartaraf etishga qaratilgan. gazeta.uz »
Madaniy meros agentligi Toshkent shahridagi 28 ta tarixiy obyektda monitoring o‘tkazdi. O‘rganish davomida Navoiy ko‘chasidagi obyektlarda qator qoidabuzarliklar aniqlandi. Sobiq AOKA binosidagi ruxsatsiz ta’mirlash to‘xtatildi, “Panorama” kino saroyidagi noqonuniy reklama bannerlari demontaj qilindi. gazeta.uz »
Avtobuslarning ishonchliligi pastligi, jadal avtomobillashuv va Toshkentning aglomeratsiya bilan integratsiyalashmagani transport kollapsi xavfini yuzaga keltirmoqda. Jahon banki vaziyatni yumshatishga qodir “yo‘l xaritasi”ni tayyorladi. gazeta.uz »
Toshkentda “Innoprom. Markaziy Osiyo” xalqaro sanoat ko‘rgazmasi ochildi. Rossiya tomoni mintaqa mamlakatlari bilan uzoq muddatli kooperatsiya hozirgi vaqtda strategik ustuvor yo‘nalishlardan biri ekanini ta’kidladi. gazeta.uz »
Toshkent YHTEM savdo va servis obyektlari huzuridagi xususiy avtoturargohlarni shahar boshqaruvi yagona tizimiga integratsiya qilishni boshladi. Loyiha qoidabuzarliklarni kamaytirish, trotuarlarni avtomobillardan tozalash va to‘xtash joyini qidirib aylanib yuruvchi transport oqimini qisqartirishga xizmat qiladi. gazeta.uz »
FIDE Nomzodlar turniri g‘olibi Javohir Sindarov Toshkentda tantanali kutib olindi. U jahon shaxmat toji uchun kurashda Gukeshni mag‘lub etsa, keyingi turnirda Nodirbek Abdusattorovni kutishini aytdi. gazeta.uz »
Prezident topshirig‘iga asosan Toshkentda arxitektor va urbanistlar uchun kreativ park hamda oliygoh tashkil etiladi. Davlat rahbari xalqaro loyihalarda mahalliy kompaniyalar manfaatlari kuchsiz himoya qilinayotganini tanqid qildi. gazeta.uz »
Tarmoqlarda Toshkent metrosi poyezdi eshiklari ochiq holatda harakatlangani aks etgan video tarqaldi. Metropoliten holat bo‘yicha xizmat tekshiruvi o‘tkazilib, mashinistga nisbatan qat’iy intizomiy chora ko‘rilishini ma’lum qildi. gazeta.uz »
2025-yil yakunlariga ko‘ra, O‘zbekistonda ijara stavkalari dollar hisobida 8,3% ga oshdi. Toshkentda yer uchastkalari narxi 9,4% ga arzonlab, bir sotix uchun 319 mln so‘mni tashkil etdi. Markaziy bank buni shahar chekkasidagi yer uchastkalari ulushi ortgani va markaziy tumanlarda taklif qisqargani bilan izohladi. gazeta.uz »
Pedagoglar faoliyati ulkan mas’uliyat bilan bog‘liq va ularni kelajak me’morlariga qiyoslash mumkin, deya ta’kidlandi Nodavlat ta’lim muassasalari uyushmasi anjumanida. Sinfda kechayotgan voqealar bolalarning bir bo‘lagiga aylanadi - buni o‘zlari bilan katta dunyoga olib ketadi, deydi ekspert Sherri Le Motte. gazeta.uz »
Profilaktika inspektorlariga daydi odamlarni topib, ma’muriy bayonnoma rasmiylashtirishni buyurgan Olmazor tumani IIB amaldori Abror Xudoyberdiyev ishdan olindi. IIV vakiliga ko‘ra, tilanchilik va daydi holatlarini aniqlash inspektorlarning xizmat vazifasi hisoblanadi, ammo ularga aniq yuklama qo‘yilmaydi. gazeta.uz »
2026-yilning dastlabki uch oyida Transport nazorati inspeksiyasi tomonidan Toshkent avtobuslarida chiptasiz yurish holatlari bo‘yicha 32,4 mingta bayonnoma rasmiylashtirildi. 28 ta yo‘nalishda nazorat kuchaytirilgach, “tranzaksiyalar soni nisbatan ortgani” qayd etilgani. gazeta.uz »
Toshkentda 2026-yilning yanvar-mart oylarida avtobuslarda yo‘l haqini to‘lamagan 32,4 ming yo‘lovchiga nisbatan bayonnoma rasmiylashtirildi. Nazorat kuchaytirilib, 28 ta yo‘nalishda tekshiruvlar o‘tkazildi va to‘lovlar soni oshgani qayd etildi. gazeta.uz »
Toshkentda “Aviasozlar” dehqon bozori, Shayxontohurdagi dehqon bozori va Chilonzordagi buyum bozorida ochiq elektr simlari, yong‘in o‘chirish vositalarining yo‘qligi va boshqa qoidabuzarliklar sabab ayrim qismlar yopildi. gazeta.uz »
Chilonzordagi “Beshqo‘rg‘on” bozori va uning yaqinidagi zapravka yong‘in xavfsizligi qoidalari qo‘pol ravishda buzilgani uchun yopildi. FVV tekshiruvida majmuadagi yong‘in o‘chirish tizimi ishlamayotgani va boshqa jiddiy kamchiliklar aniqladi. gazeta.uz »
Tarmoqlarda ikki erkak avtomobilini itlar ustiga haydagani aks etgan video tarqaldi. Toshkent IIBBga ko‘ra, ular Uchtepadagi bozorlardan birida qorovul bo‘lib ishlaydi. Holat bo‘yicha hayvonlarga nisbatan shafqatsiz munosabatda bo‘lish moddasi bilan ma’muriy bayonnoma tuzildi va hujjatlar sudga yuborildi. gazeta.uz »
Toshkentdagi nufuzli banklardan birining katta eksperti 10 ming dollar olayotganida qo‘lga tushgani aytilmoqda. U tadbirkorga Samarqanddagi banklar orqali 1,25 mlrd so‘mli kredit rasmiylashtirib berishni va’da qilgan. gazeta.uz »
Toshkentda fuqarolarni Yevropa davlatlariga ishga jo‘natishni va’da qilib, ulardan pul undirgan shaxslar sudlandi. Jami 140 kishi jabrlangan. Sud hukmiga ko‘ra, ikki nafar ayblanuvchi 7 yilga, yana bir ayol esa 5 yilga ozodlikdan mahrum qilindi. gazeta.uz »
Toshkentda Qurilish va uy-joy kommunal xo‘jaligi vazirligi bosh mutaxassisi 1500 dollar pora olayotganda ushlangani aytilmoqda. U Yunusoboddagi uylarni boshqaruv kompaniyasiga o‘tkazib berish evaziga 2200 dollar talab qilgan. gazeta.uz »
