òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
Yakkasaroy tumanida BYD haydovchisi hamda uning otasi yo‘liga chiqqan Gentra haydovchisini do‘pposladi va avtomobil oynalarini sindirdi. Hodisa sodir bo‘lganidan so‘ng mashinada bo‘lgan ayol homilasini yo‘qotdi. Holat bo‘yicha jinoiy ish ochilib, ikki shaxs ushlandi. gazeta.uz »
Qurilish vazirligi Toshkentda bitta uy uchun 200 ming dollargacha xarajat borligini aytgan tadbirkor Usmonjon Abdusamadovning ustidan IIVga ariza kiritdi. Vazirlikka ko‘ra, u “jamoatchilikda asossiz axborot tarqalishiga va islohotlarga nisbatan salbiy munosabat shakllanishiga” sababchi bo‘lgan. gazeta.uz »
Toshkent shahrida 54 yoshli erkak avtobusda shahvoniy shilqimlik qilib, yo‘lovchi qizlarning orqasini ushlagan. “O‘zimni ushlolmay, nafsimni tiyolmasdan orqa tomoniga qo‘lim ketib qoldi. Sharmanda bo‘ldim”, - deydi ayblanuvchi. U sud hukmiga ko‘ra 5 sutkaga qamaldi. gazeta.uz »
Toshkentda o‘tgan olti oyda 6 mingdan ortiq yo‘lovchi avtobuslarda yo‘l haqini to‘lamagani uchun ma’muriy jarimaga tortildi. Ushbu qoidabuzarlik uchun jarima BHMning o‘ndan biri - 41 200 so‘mni tashkil qiladi. gazeta.uz »
Toshkent shahrida N.E. Bauman nomidagi Moskva davlat texnika universiteti filiali tashkil etiladi. Filialda ta’lim faoliyati 2026/2027 o‘quv yilidan boshlanadi. gazeta.uz »
Olmazor tumanida ayol 1 va 3 yoshli o‘g‘illarini 4-qavatdan, so‘ngra o‘zini 8-qavatdan tashladi. Oqibatda u shifoxonada vafot etdi, bolalarning hayoti saqlab qolingani aytilmoqda. Bosh prokuraturaga ko‘ra, voqeaga er-xotin o‘rtasidagi rashk tufayli kelib chiqqan kelishmovchilik sabab bo‘lgan bo‘lishi mumkin. gazeta.uz »
Toshkentda Web Summit Spotlight texnologik forumi bo‘lib o‘tadi. Tadbir Markaziy Osiyoda ilk marta o‘tkazilmoqda. Unda xalqaro ekspertlar, venchur investorlar, startap asoschilari va IT sohasi yetakchilari ishtirok etadi. gazeta.uz »
Toshkentda 22-sentabrdan 3-oktabrga qadar Classical Music Fest xalqaro musiqa festivali o‘tkaziladi. Unda pianinochi Behzod Abduraimov, skripkachi Maksim Vengerov, shuningdek, Armaniston, Rossiya, Fransiya va Janubiy Koreya musiqachilari ishtirok etadi. gazeta.uz »
Toshkentdagi Gulsanam ko‘chasida avvalroq ta’mirlangan yo‘l cho‘kdi. Unga avtobus va mikroavtobus botib qoldi. Tarmoqlarda aytilishicha, avtobusni chiqarish uchun kelgan ekskavator ag‘darilib ketgan. gazeta.uz »
2025-yilning 8 oyida Toshkentda atmosferaga zarar yetkazishi mumkin bo‘lgan obyektlar faoliyati o‘rganildi. Reydga ko‘ra, 281 ta qonun buzilish holati aniqlandi, 154 nafar shaxsga nisbatan ma’muriy bayonnoma rasmiylashtirilib, 20 ta obyekt faoliyatini vaqtincha to‘xtatish haqida sudga ariza kiritildi. gazeta.uz »
Toshkentda 3,2 million donadan ortiq “Dok-1 Maks” va “Ambronol” dorisini utilizatsiya qilish boshlandi, ulardan foydalanish oqibatida O‘zbekistonda kamida 69 nafar bola halok bo‘lgandi. Dorilarni yoqish maxsus pechda amalga oshiriladi, bu ekologiyaga zarar yetkazmaydi, dedi MIB. gazeta.uz »
Toshkentda TTZ massividagi G‘afur G‘ulom nomidagi bog‘ filialida qurilish ishlari boshlandi. Dam olish maskani bir necha yillardan beri qarovsiz edi. Gazeta bog‘ni kim rekonstruksiya qilayotgani va u yerda nimalar qilish rejalashtirilayotganini aniqladi. gazeta.uz »
3 yil avval Toshkent hayvonot bog‘ida farzandini ayiq qafasiga tashlab yuborgan ayol uni pichoqlab o‘ldirdi. Ayol 2-avgust kuni ruhiy asab kasalliklari shifoxonasida davolanib chiqqan. Mahalla vakili ma’lum qilishicha, ayolning holati yaxshi bo‘lgan. gazeta.uz »
Toshkentda noqonuniy tonirovkali Malibu haydovchisi telefon qo‘ng‘irog‘i orqali jazodan qutulib qoldi. Holat videosi internetda tarqalgach, qoidabuzarga jarima belgilanib, mashinasi olib qo‘yildi. YPX xodimi kim bilan gaplashganiga aniqlik kiritilmadi - “YHXXda telefonda gaplashishga chora ko‘rish vakolati yo‘q”. gazeta.uz »
“Do‘mbirobod siti” hududida qurilish krani qulab tushishi oqibatida uning 25 yoshli boshqaruvchisi halok bo‘ldi. Yana ikki ishchi shifoxonaga yotqizildi. Dastlabki o‘rganishlarga ko‘ra, montaj tashkiloti jarayon paytida texnik talablarga rioya etmagan. Holat bo‘yicha jinoiy ish ochildi. gazeta.uz »
Xitoyning Tianjin Rail Transit Group kompaniyasi Toshkentda yangi metro bekatlarini qurishda ishtirok etishni rejalashtirmoqda. Kompaniyadan mavjud bekatlarni modernizatsiya qilish va yangi bekatlarni qurishda ishtirok etish takliflari olindi. gazeta.uz »
Toshkentda ikki shaxs fuqaroga mansabdor tanishlari orqali ko‘p qavatli uy qurishga ruxsat olib berish uchun $900 ming so‘raganlikda gumonlanmoqda. Ular puldan 220 ming dollarini olgan vaqtida ushlandi. gazeta.uz »
Shavkat Mirziyoyev O‘zbekistonda bo‘lib turgan FIFA prezidenti Janni Infantinoni qabul qildi. Tomonlar mamlakatda futbolni tashkil etish va boshqarish tizimini o‘zgartirish masalasini muhokama qildi. gazeta.uz »
Toshkent shahrida 9-sentabrdan boshlab issiqlik tarmoqlarining mustahkamligi va zichligi sinovdan o‘tkaziladi. Veolia Energy Tashkent kompaniyasining xabar qilishicha, qulaylik yaratish maqsadida ish tungi vaqtda olib boriladi, xavfli hududlar o‘rab olinadi. gazeta.uz »
Toshkentda 9-sentabrdan issiqlik tarmoqlari mustahkamligini sinovdan o‘tkazish boshlanadi. Jarayon yozga mo‘ljallangandi, biroq 10-iyul kuni yerosti quvuridagi katta avariyadan so‘ng to‘xtatilgan. Veolia Energy Tashkent ish tunda olib borilishi, xavfli hududlar o‘rab olinishini ma’lum qildi. gazeta.uz »
Yakshanba oqshomida o‘zbekistonliklar Oyning to‘liq tutilishiga guvoh bo‘lishdi. Toshkent ko‘chalarida ko‘pchilik telefonlarini osmonga qaratganini ko‘rish mumkin edi. Gazeta muxbirlari ushbu qiziqarli astronomik hodisalardan birini suratga oldi. gazeta.uz »
Sentabr-oktabr oylarida Toshkentdagi markaziy isitish tizimiga ulangan uylarda yashovchi aholi besh kunlik issiq suvda rejalashtirilgan uzilishlarga duch keladi. Veolia Energy Tashkent kompaniyasi bu ishlar qishki mavsumda tizimning barqaror ishlashi uchun zarurligini ma’lum qildi. Jadval va manzillar. gazeta.uz »
IIV Kiberxavfsizlik markazi Decent platformasi orqali xorijiy bukmekerlik saytlaridagi pullarni legallashtirish sxemasini uyushtirgan olti kishi hibsga olinganini xabar qildi. Yil boshidan buyon amalga oshirilgan bitimlarning umumiy hajmi 180 milliard so‘mdan oshgan. gazeta.uz »
Toshkentning barcha tumanlarida 8-sentabrdan 10-oktabrgacha ichimlik suvi navbatma-navbat vaqtincha o‘chiriladi. Bu paytda rejali profilaktika-ta’mirlash ishlari o‘tkaziladi. Hududlarga maxsus texnikalarda suv yetkazib beriladi. Ro‘yxat. gazeta.uz »
Toshkent shahrida APK kengaytmali zararli ilova orqali 133 nafardan ortiq fuqarodan jami 3 milliard so‘mga yaqin pul mablag‘larini o‘g‘rilik yo‘llari bilan qo‘lga kiritgan 5 nafar shaxs aniqlab, qo‘lga olindi. gazeta.uz »
Toshkentda barcha instansiyadan o‘tib, ruxsatnoma olish uchun quruvchi har bir uy uchun 200 ming dollargacha to‘lashi mumkin, dedi tadbirkor Usmonjon Abdusamatov sohadagi korrupsiya haqida gapirar ekan. gazeta.uz »
O‘tgan yillardan farqli o‘laroq, bu o‘quv yili poytaxtda transport kollapsisiz boshlandi. Ko‘chalarda tirbandlik kuzatilmadi, metro ham nisbatan bo‘sh bo‘ldi. 2-sentabr kuni Gazeta fotomuxbirlari shaharni kadrlarga muhrladi. gazeta.uz »
1-sentabrdan boshlab Toshkentdagi 15, 28 va 61-sonli avtobus yo‘nalishlari harakatiga qisman o‘zgartirishlar kiritildi. Ta’kidlanishicha, bu avtobus yo‘nalishlarida yo‘lovchilar tashish xavfsizligini ta’minlash va yo‘nalishlarni maqbullashtirish maqsadida amalga oshirilgan. gazeta.uz »
Bojxona qo‘mitasi 31-avgustgacha Toshkentdagi Uchtepa Outlet Centre savdo markazi oldida musodara qilingan tovarlar yarmarkasini o‘tkazmoqda. Unda kiyimlar, zargarlik buyumlari, maishiy texnika kabilar sotilyapti. gazeta.uz »
Toshkent shahrida noqonuniy sex tashkil qilib, unda ishlab chiqarilgan qalbaki dori vositalarini dorixonalar orqali sotuvga chiqargan uch nafar shaxsga nisbatan jinoyat ishi qo‘zg‘atildi. Yashirin sexda “Ursosan 250 mg”, “Neyromidin 20 mg”, “Fanigan” dori vositalari qalbakilashtirilgan. gazeta.uz »
Toshkent shahrining Shayxontohur va Uchtepa tumanlarida boshqaruv kompaniyalari ko‘p qavatli uylarni elektr bilan ta’minlashda tarmoqqa noqonuniy ulanib, jami 2 mlrd so‘mdan ortiq zarar yetkazdi. gazeta.uz »
Toshkentda 43 yoshli erkak Poytaxt Parking’ning kar-soqov inspektorini haqorat qilgani uchun uch sutkaga qamaldi. Kompaniya bunday holatlar tez-tez uchrab turishini ma’lum qildi. Erkak avval ham ma’muriy javobgarlikka tortilgan. gazeta.uz »
Xalq deputatlari Toshkent shahri kengashi issiq suv va issiqlik ta’minoti xizmatlari tariflari oshirilishini tasdiqladi. Aholi uchun narxni 15 foizga, yuridik shaxslar uchun 40 foizga, budjet tashkilotlari uchun 18,8 foizga oshirish rejalashtirilgan. gazeta.uz »
Toshkent shahrida 18-sonli yo‘nalish avtobuslaridan biri ikkinchisining orqasidan kelib urgan. Voqea sabab avtobuslar biridagi 20 yoshli yo‘lovchi yengil jarohat olgan. gazeta.uz »
Toshkent qurilish obyektlarini loyihalash kompaniyasi xodimi va makler o‘zlariga tegishli bo‘lmagan 50 sotix yer maydonini tadbirkorga 4 mln dollarga sotmoqchi bo‘ldi. Ular 200 ming dollarni olgan vaqtida DXX va Iqtisodiy jinoyatlarga qarshi kurashish departamenti tomonidan ashyoviy dalillar bilan ushlandi. gazeta.uz »
Toshkentda 17 yoshli yigit Bo‘rijar kanalida cho‘kib ketdi. Hodisa 22-avgust kuni Bo‘rijar kanalining “Seul Mun” sayilgohi hududidan oqib o‘tgan qismida sodir bo‘lgan. Yigit suvga tushib ketgan bosh kiyimni olish maqsadida kanalga tushib, oqib ketgan. gazeta.uz »
Tarmoqlarda Toshkentdagi ko‘p qavatli uylardan biri hududida yer cho‘kishi sodir bo‘lgani aks etgan video tarqaldi. Qurilish inspeksiyasi bino inspeksiyada ro‘yxatdan o‘tmagani va qurilish ishlari noqonuniy boshlanganini ma’lum qildi. gazeta.uz »
Yangi Toshkentda 13 ta tijoriy lotlar bo‘yicha 554 mln dollarlik investitsiya shartnomalari tuzilgan. Hozirda ichimlik suvi va kanalizatsiya tizimi, tozalash inshooti qurilmoqda, quvurlar Chirchiq daryosi tagidan o‘tkazilmoqda. gazeta.uz »
Toshkent shahrida 2025-yilning oxirigacha tungi avtobuslarning birinchi yo‘nalishi (T1) ish boshlaydi. U Qo‘yliq dehqon bozori - Husayn Boyqaro ko‘chasi bo‘ylab harakatlanadi. Birinchi bosqichda 8 ta, ikkinchi bosqichda 7 ta turizm ko‘chalarini qamrab olgan yo‘nalish ochiladi. Xarita. gazeta.uz »
Yangi qurilayotgan Islom sivilizatsiyasi markazida yong‘in sodir bo‘ldi. FVV bu haqda dastlabki ma’lumotni berib, so‘ngra uni o‘chirib yubordi. Hozirda yong‘in qutqaruv ekipajlari yong‘inni o‘chirish ishlarini amalga oshirmoqda. gazeta.uz »
Toshkentda KHAYdagi xo‘jalik quvurlarida ta’mirlash ishlari olib borilayotgani sababli 18-avgustdan boshlab shu manzil orqali yuradigan jami 15 ta avtobus yo‘nalishi harakatiga vaqtincha o‘zgartirishlar kiritildi. gazeta.uz »
Chilonzor tumanidagi Farhod ko‘chasining Shuhrat chorrahasidan “Chilonzor” metro bekati chorrahasigacha bo‘lgan qismi 18-avgustdan 30-avgustgacha yopiq bo‘ladi. Bu paytda issiqlik tarmoqlari quvurlarini yangilash ishlari olib boriladi. gazeta.uz »
Toshkentga kelgan talabalar va ota-onalari uy ijarasi bilan shug‘ullanuvchi firibgarlardan ogohlantirildi. Ular o‘ziga tegishli bo‘lmagan uy suratlarini onlayn ko‘rsatib, oldindan to‘lov talab qiladi va pulni olib, tarmoqlarni bloklaydi. gazeta.uz »
Toshkent shahri Olmazor tumanidagi go‘shtni qayta ishlash sexida gaz hisoblash uskunasi ro‘yxatdan o‘tkazilmagani aniqlandi. Tadbirkor bu orqali davlatga 2,6 mlrd so‘m zarar yetkazgan. Ishga aloqador hujjatlar huquqni muhofaza qiluvchi organlarga yuborildi. gazeta.uz »
Strategik islohotlar agentligi mintaqa ekspertlari tomonidan ishlab chiqilgan, MOning 2050-yilgacha rivojlanishiga oid ssenariylarni taqdim etdi. Ular mintaqani logistika habiga aylantirish, yagona energiya bozorini yaratish, cho‘llanish va suv tanqisligini birgalikda hal qilishni taklif qilmoqda. Batafsil. gazeta.uz »
Toshkent shahrida soat 22:00 dan 06:00 gacha harakatlanadigan, qizil rangdagi avtobuslar yo‘lga qo‘yilishi mumkin. Ular 15 ta yo‘nalishda aeroport, vokzal va turizm ko‘chalar bo‘ylab harakatlanadi. Bu uchun mahalliy budjetidan 33 mlrd so‘m talab qilinadi. gazeta.uz »
Toshkentda tirbandlikni kamaytirish uchun maktab avtobuslarini ishga tushirish taklif qilindi. Biroq YHXB boshlig‘i o‘rinbosari Elmurod Alimovning aytishicha, shahar maktablariga o‘quvchilarning nafaqat poytaxtning turli tumanlari, balki viloyatdan ham kelishi loyihani amalga oshirishni qiyinlashtiradi. gazeta.uz »
Poytaxtda chiqindi tashuvchi avtomashinalar harakati, chiqindi hajmi va tozalash sifatini kuzatish imkonini beruvchi “Toza poytaxt” tizimi ishga tushirilmoqda. 1-sentabrgacha loyihani shaharning barcha tumanlarida kengaytirish rejalashtirilgan. gazeta.uz »
Comic Con Tashkent 2025 O‘zbekiston gik madaniyatining yozgi asosiy tadbiriga aylandi. Kospley, kino, o‘yin va anime muxlislari mashhur aktyorlar, blogerlar bilan uchrashish va sevimli qahramonlarini ko‘rish uchun Humo Arena’ni to‘ldirdi. gazeta.uz »
Toshkent shahrida issiqlik ta’minoti va issiq suv tariflarining navbatdagi oshirilishi rejalashtirilmoqda. 2025-yil 1-oktabrdan boshlab aholi uchun narxlar 15 foizga, yuridik shaxslar uchun 40 foizga, budjet tashkilotlari uchun esa 19 foizga oshishi mumkin. gazeta.uz »
