òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
Toshkentda hindlarning Ranglar festivali nomi bilan mashhur va bahor kelishi ramzi bo‘lgan Holi bayrami nishonlandi. Yorqin ranglar va hissiyotlar - fotoreportajimizda. gazeta.uz »
Olmazor tumanidagi qush bozorida 1168 dona qush va 35 dona cho‘l toshbaqasi noqonuniy sotilayotgani aniqlandi. Ular Ekologiya vazirligi va huquq-tartibot idoralari o‘tkazgan reydda olib qo‘yildi. Qushlarning aksariyati tabiatga qo‘yib yuborildi, toshbaqalar esa vaqtincha hayvonot bog‘iga topshirildi. gazeta.uz »
Poytaxtda belgilanmagan joylarga chiqindi tashlash bo‘yicha o‘tkazilgan reydning bir kunida 16 ta huquqbuzarlik aniqlandi. Fuqarolarga umumiy holatda jami 11 mln 375 ming so‘m jarima qo‘llandi. gazeta.uz »
Chilonzor tumanida 1 tup eldor qarag‘ayini noqonuniy ravishda kesib tashlagan fuqaroga 9 375 000 so‘m miqdorida jarima qo‘llanildi. Shuningdek, tabiatga 41 250 000 so‘m miqdorda zarar yetkazilgani belgilanib, ma’muriy bayonnoma rasmiylashtirildi. gazeta.uz »
Toshkent shahrida reklama peshlavhalari va axborot matnlarining davlat tili talablariga muvofiqligi o‘rganilmoqda. Tadbirkorlarga qonunchilik talablari tushuntirilib, ma’muriy javobgarlik bo‘yicha ogohlantirish xatlari berilgan. gazeta.uz »
Poytaxtning Mirobod tumanida uch nafar voyaga yetmagan bolasi bilan tilanchilik qilayotgan ayol qo‘lga olindi. IIBBga ko‘ra, u ichki ishlar xodimlarining qonuniy talablarini bajarmasdan, jamoat tartibini buzgan. Ayolga nisbatan ma’muriy bayonnoma rasmiylashtirildi. gazeta.uz »
Yashnobod tumanida DXX tomonidan xususiy korxonalar omborida muddati o‘tgan 564 mln so‘mlik ichimliklar va noqonuniy savdoga mo‘ljallangan 1,1 mlrd so‘mlik spirtli ichimliklar borligi aniqlandi. gazeta.uz »
Toshkentda belgilanmagan joylarga chiqindi tashlayotgan qoidabuzarlarni aniqlash bo‘yicha reydlar o‘tkazilmoqda. Shahar hokimligi aholini qoidalarga rioya qilishga va atrof-muhitni hurmat qilishga chaqirdi. gazeta.uz »
Chilonzor tumanida harakatlanib ketayotgan Lacetti haydovchisi boshqaruvni yo‘qotib, daraxtga urildi. Hodisa oqibatida avtomobil texnik shikastlangan, haydovchi va yo‘lovchilarga birinchi yordam ko‘rsatilgan. gazeta.uz »
Ijtimoiy tarmoqlarda viloyatliklarni haqoratlab, ularga Toshkentga kelmasligini aytgan yigitlarning videosi tarqaldi. Jinoyat ishlari bo‘yicha Yunusobod tumani sudi 20 va 21 yoshli bu yigitlarga 10 sutka ma’muriy qamoq jazosi tayinladi. gazeta.uz »
Toshkent sudi Madaniyat va san’atni rivojlantirish jamg‘armasi tashabbusi bilan Madaniy meros agentligi tomonidan berilgan da’vo arizasi asosida Amaliy san’at muzeyi yonidagi noqonuniy qurilishni to‘xtatdi. gazeta.uz »
Toshkent shahri hokimligi ko‘chalarning qishdan keyingi holatini ko‘zdan kechirib, joriy va kapital ta’mirlash ishlarini boshladi. Ishlar qoplamaning chidamli bo‘lishini ta’minlaydigan texnologiyalar va materiallarni qo‘llagan holda amalga oshiriladi. gazeta.uz »
Iqtisodiy tadqiqotlar va islohotlar markazi yanvarda ko‘chmas mulk bozorida faollik tiklanganini ma’lum qildi. Toshkentda ko‘chmas mulk bo‘yicha bitimlar soni oy davomida 18 foiga o‘sdi, lekin o‘rtacha uy-joy narxi deyarli o‘zgarmadi. gazeta.uz »
Toshkent shahrida 5-martdan 29, 120, 105, 117, 154, 87, 17 T, 99, 12 va 174-sonli avtobus yo‘nalishlariga o‘zgartirishlar kiritiladi. gazeta.uz »
Toshkent shahridagi rassomchilik to‘garagida o‘qituvchi bo‘lib ishlovchi 24 yoshli erkak 9 yoshli o‘quvchisiga shilqimlik qilgan. Unga nisbatan sud tomonidan 5 sutka ma’muriy qamoq jazosi tayinlandi. gazeta.uz »
Raqobat qo‘mitasi Toshkentda tashqi reklama va axborotni joylashtirish tartibi buzgan Coca-Cola, Pepsi, Evos, Safia, Oqtepa Lavash va boshqa kompaniyalarni jarimaga tortdi. gazeta.uz »
Bahorning ilk kunlarida ob-havo Toshkent va boshqa hududlar uchun syurpriz tayyorladi. Yakshanba kechasi yog‘a boshlagan qor tonggacha yerni oqqa burkadi. Sinoptiklarga ko‘ra, bu vaqtinchalik bo‘lib, hafta o‘rtasidan harorat yana ko‘tarila boshlaydi. gazeta.uz »
Toshkent shahrida 28-fevraldan boshlab taroveh namozi o‘qiladigan vaqtda - soat 18:00 dan 00:00 ga qadar masjidlar yaqinidagi yo‘llar yopiladi. Ro‘yxat. gazeta.uz »
Toshkent shahri Yakkasaroy tumanida MChJ rahbari tarmoqqa o‘zboshimchalik bilan ulanish orqali 6,6 mlrd so‘mlik tabiiy gazdan noqonuniy foydalanib kelgani ma’lum bo‘ldi. gazeta.uz »
Mirzo Ulug‘bek tumanida 50-sonli avtobus bilan bog‘liq YTHga uning tormozi ishlamay qolgani sabab bo‘lgan. Hodisa oqibatida 10 ga yaqin yo‘lovchiga birinchi tez tibbiy yordam ko‘rsatildi, 2 tup daraxt shikastlandi. gazeta.uz »
Poytaxtning Mirzo Ulug‘bek tumanida yo‘lovchi tashuvchi avtobus texnik nosozlik sabab daraxt bilan to‘qnashdi. Oqibatda bir kishi jarohat olgan. Hozirda holat yuzasidan tekshiruv o‘tkazilmoqda. Foto. gazeta.uz »
Toshkent shahri Yashnobod tumanida ko‘p qavatli uydagi xonadon oshxonasida gaz portlashi oqibatida 1 kishi kuyish jarohati bilan shifoxonaga yotqizildi. gazeta.uz »
Noyabrda velosipedchi Nikolay Sderjikovni Eski Toshmi yaqinida elektromobil urib yubordi. Hodisa joyiga kelgan inspektor velosipedchiga trotuardan yurish kerakligini ta’kidlagan. Oxir-oqibat bu ish bo‘yicha velosipedchining o‘ziga jarima solingan. U bundan norozi bo‘lib, adolat tiklanishiga umid qilmoqda. gazeta.uz »
O‘tgan yil kuzda Toshkentdagi Navoiy nomidagi teatr maydonida rekonstruksiya ishlari boshlangandi. “Gazeta.uz” jarayon qanday ishlarni o‘z ichiga olgani va qachon tugashi kutilayotganini aniqladi. Nimalar qilingani, qaysi yechimlar muvaffaqiyatli bo‘lgani va nimalarni yaxshiroq qilish mumkinligini ko‘rsatamiz. gazeta.uz »
Poytaxtda 15-yanvardan 15-fevralga qadar o‘tkazilgan maxsus profilaktik tadbirlar davomida yo‘l harakati qoidabuzarligi bilan bog‘liq 102 404 ta holat qayd etildi. Qariyb 10 mingga yaqin holatda qo‘pol qoidabuzarlik sodir etilgan. gazeta.uz »
¡çáåêèñòîí âà Ïîêèñòîí ¢ðòàñèäà òîð äîèðàäàãè ìóçîêàðàëàð áîøëàíäè. ru.sputniknews-uz.com »
Yashnobod tumanida yerusti metro yo‘lining tagidagi avtomobillar yuvish joyida yong‘in sodir bo‘ldi. Yong‘inda odamlar jabrlanmadi, hodisa metro harakatiga ta’sir qilmadi. gazeta.uz »
Yakkasaroy tumanidagi Askiya city turar joy qurilishi noqonuniy ravishda olib borilgani ma’lum qilindi. Kuni kecha ushbu qurilish maydonida erkak zinapoyadan yiqilib vafot etgandi. gazeta.uz »
Olmazor tumanidagi ko‘chada 31-yo‘nalishdagi avtobuslardan biri yonib ketdi. Toshkent FVBga ko‘ra, hodisa oqibatida jabrlanganlar yo‘q. Yong‘in sababi hozircha noma’lum. gazeta.uz »
Yashnobod tumani Maxtumquli ko‘chasida Lacetti avtomobili oldinda ketayotgan uchta mashinaga borib urildi. YHXB ma’lumotiga ko‘ra, haydovchi rulda uxlab qolgan. gazeta.uz »
Toshkentning Amir Temur ko‘chasida piyodalar jarohat olgan jiddiy YTHdan so‘ng YHXX qatnov qismini toraytiruvchi chiziqlarni olib tashlashga qaror qildi. Biroq savol hamon mavjud: avariyaga olib kelgan xatolar inobatga olindimi, xavfsizlikni oshirish uchun amaliy choralar ko‘riladimi? “Gazeta.uz” murojaati. gazeta.uz »
Toshkentda “peshexod”da mashina urib ketgan ayol, YHXB xabar qilganidek, yolg‘iz emas, o‘g‘li va qizi bilan birga bo‘lgan. Ona va qiz reanimatsiyada. Hokimlik va YHXB tanqidlarga javob bermadi. Sohada qonunlarni qo‘llash masalasi savollar tug‘diradi: hatto og‘ir ishlarning ham deyarli yarmi yarashuv bilan yakunlanmoqda. gazeta.uz »
Toshkent shahrida uy-joyga investitsiyalarning daromadliligi tushib bormoqda. 2025-yil yanvar oyida bu ko‘rsatkich o‘tgan yilning fevral oyidagi 32,4 foizdan 7,6 foizgacha tushdi. Ba’zi hududlarda salbiy daromadlilik qayd etildi, bu esa bankka omonat qo‘yishni yanada foydaliroq qilmoqda, deya ta’kidladi MHTI. gazeta.uz »
Toshkent markazidagi ko‘chada tartibga solinmagan o‘tish joyida yana piyoda urib ketildi. YHXB buning sababi “haydovchining e’tiborsizligi” ekanini aytib, noto‘g‘ri tashkil etilgan o‘tish joyi haqida lom-mim demadi. gazeta.uz »
Poytaxtning Yunusobod tumanida Spark piyodaga yo‘l bermay, uni urib yubordi. Fuqaro shifoxonaga olib ketilib, birinchi tez tibbiy yordam ko‘rsatilgan. gazeta.uz »
Olmazor tumanida 26 yoshli erkak voyaga yetmagan qizni mehmonxonaga olib borib, shilqimlik qilgan. Buning oqibatida u qizga yengil tan jarohati yetkazgan. Sud unga 5 sutka ma’muriy qamoq jazosini tayinladi. gazeta.uz »
Yil davomida Toshkent shahrida ko‘p qavatli uylardagi 452 ta eskirgan lift almashtiriladi - bu foydalanish muddati allaqachon tugagan liftlarning 22 foizidan biroz ko‘proq. Xavfsizlik darajasi past va xizmat muddati allaqachon 25 yildan oshgan qurilmalarga ustuvorlik beriladi. gazeta.uz »
Poytaxtda 2024-yilda 1280 avariya sodir bo‘ldi. Oqibatda mingdan ortiq odam jarohatlandi, 91 kishi vafot etdi. YHXB avariyaning o‘choq nuqtalarini aniqlash va o‘lim holatlarini keskin kamaytirish bo‘yicha ishlar olib boradi. gazeta.uz »
Toshkent shahrida norasmiy diniy darslarni muntazam ravishda tashkil etib kelgan 17 nafar fuqaro aniqlandi. Ular diniy tashkilotlarni qonunga xilof ravishda tuzishda ayblanmoqda. gazeta.uz »
Toshkent shahri Yunusobod tumanidagi 260-maktab yonginasida Nexia-3 mashinasi 10 yoshli maktab o‘quvchisini urib yubordi. Piyoda shifoxonaga yotqizildi. gazeta.uz »
Poytaxtning Yakkasaroy tumanida yangi qurilayotgan binoda yong‘in sodir bo‘ldi. Qutqaruv ekipaji voqea joyiga 8 daqiqada yetib borib, yong‘inni 20 daqiqada o‘chirgan. gazeta.uz »
Poytaxtning Yakkasaroy tumanida yashovchi erkak xonadonida 8 kilogrammdan ortiq giyohvandlik vositalari saqlab kelgani aniqlandi. Ushbu moddalarning jami qiymati 4 mlrd 317 mln so‘mni tashkil qilishi aytilmoqda. Unga nisbatan jinoiy ish ochilgan. gazeta.uz »
Raqobat qo‘mitasi va SSV Toshkentdagi Nazar Medical shifoxonasi bolalar terapevtik stomatologiyasi bo‘yicha tibbiy faoliyat yuritish uchun litsenziyaga ega emasligini aniqladi. Qo‘mita klinikadagi tekshiruvni bir ayol va bolaga sifatsiz tibbiy xizmat ko‘rsatganidan so‘ng o‘tkazgan. gazeta.uz »
Toshkent Fotosuratlar uyida O‘zbekiston xalq shoiri Muhammad Yusuf tavalludiga bag‘ishlangan ko‘rgazma ochildi. Namoyishga 70 ga yaqin fotosuratga qo‘yilgan bo‘lib, ularning aksariyati muallifi O‘zbekistonda xizmat ko‘rsatgan madaniyat xodimi, fotorassom Abdug‘ani Jumadir. Ko‘rgazma 12-fevralgacha davom etadi. gazeta.uz »
Toshkent shahrida harakatlanuvchi avtobuslardan birida 37 yoshli erkak voyaga yetmagan o‘g‘il bolaga shilqimlik qildi. U qo‘lga olingan. Holat yuzasidan jinoyat ishi qo‘zg‘atilib, tergov harakatlar olib borilmoqda. gazeta.uz »
MHTI ma’lumotlariga ko‘ra, Toshkent shahrida uy-joylar uchun ijara narxlari 2024-yil noyabrdan beri arzonlashishda davom etmoqda. Mazkur davrda poytaxtda o‘rtacha ta’mirlangan xonadonlar uchun o‘rtacha ijara narxlari dekabr oyiga nisbatan 0,1 foizga arzonlashdi. gazeta.uz »
Shayxontohur tumanida tunda Gentra haydovchisi janjal sabab bir guruh odamlarni bosib ketmoqchi bo‘ldi. Tarmoqlarda tarqalgan videolarda mashina oynasi tosh bilan teshilganini ko‘rish mumkin. Poytaxt YHXB holat bo‘yicha barcha fuqarolar IIBga topshirilganini bildirdi. gazeta.uz »
Toshkentda noqonuniy binolarni buzishning yangi to‘lqini. Yunusobodda yanvar oxirida rasmiylar Nice Joy kafesi terrasasini demontaj qilishni talab qildi, qo‘shni “Falafel”da esa zudlik bilan buzish boshlandi. gazeta.uz »
Toshkent shahrida hokim yordamchisi 20 nafar fuqaroning elektron kalitini qo‘lga kiritib, ularning nomiga 427 mln so‘m kredit olgan va o‘z ehtiyojlariga sarflab yuborgan. Shuningdek, qarindoshlari va tanishlariga qalbaki tavsiyanomalar orqali kredit ajratgan. Unga nisbatan jinoyat ishi qo‘zg‘atildi. gazeta.uz »
Toshkent shahrida hokim yordamchisi 20 nafar fuqaroning elektron kalitini qo‘lga kiritib, ularning nomiga 427 mln so‘m kredit olgan va o‘z ehtiyojlariga sarflab yuborgan. Shuningdek, qarindoshlari va tanishlariga qalbaki tavsiyanomalar orqali kredit ajratgan. Unga nisbatan jinoyat ishi qo‘zg‘atildi. gazeta.uz »
