êèøè - Ïîñëåäíèå íîâîñòè [ Ôîòî â íîâîñòÿõ ] | |
2-iyulga o‘tar kechasi Rossiya Kiyevni raketa va dronlar qo‘llangan holda o‘qqa tutdi. Ukraina poytaxtining barcha tumanlarida vayronagarchiliklar qayd etildi, 17 kishi halok bo‘ldi, 90 dan ortiq kishi jarohatlandi. 3-iyul shaharda motam kuni deb e’lon qilindi. gazeta.uz »
18-iyun kuni Jizzax viloyatining Zomin va Baxmal tumanlarida kuchli yog‘ingarchilik oqibatida sel oqimlari yuzaga keldi. Baxmal tumanidagi dam olish maskanidan 32 nafar fuqaro xavfsiz hududga evakuatsiya qilindi. gazeta.uz »
Uchtepa tumanida Lacetti va BYD avtomobillari to‘qnashuvi oqibatida uch kishi halok bo‘ldi. BYD rulida haydovchilik guvohnomasi bo‘lmagan 16 yoshli o‘smir bo‘lgan. 24 yoshli Lacetti haydovchisi chorrahada keskin chapga burilib, u bilan to‘qnashgan. gazeta.uz »
Farg‘ona viloyatining Yozyovon tumanida yuz bergan yirik yong‘in oqibatida 2 kishi halok bo‘ldi va 3 kishi jarohatlandi. Olov noturar qarovsiz bino hamda uchta avtomobilga shikast yetkazgan. gazeta.uz »
Marhamat tumanida markaziy poliklinikaning to‘rt nafar texnik xodimi oqova suv bunkerida gazdan zaharlanib halok bo‘ldi. Viloyat prokuraturasiga ko‘ra, ular chiqindi sig‘imini tozalash va ta’mirlash uchun tushgan. Holat yuzasidan jinoyat ishi qo‘zg‘atildi. gazeta.uz »
Jizzax shahri “O‘rda” istirohat bog‘idagi attraksion sinib tushishi oqibatida 4 kishi jarohatlanib, shifoxonaga yotqizildi. Tarmoqlardagi videoda fuqarolar og‘ir jarohatlangani, jumladan, bir bola zambilda olib chiqilayotgani aks etgan. Hozirda dastlabki surishtiruv ishlari olib borilmoqda. gazeta.uz »
O‘zbekistonning bir nechta hududida Suriyadagi terroristik tashkilot media blogeriga pul o‘tkazib, terrorizmni moliyalashtirishda ayblangan 8 nafar fuqaroga nisbatan sud hukmi o‘qildi. Ularning 7 nafari 3 yildan 8 yilgacha muddatga ozodlikdan mahrum etildi. gazeta.uz »
Qarshi tumanida joylashgan maishiy gaz ballonlariga suyultirilgan gaz quyish shoxobchasida portlash yuz berdi. Unda 6 nafar fuqaro halok bo‘ldi, 5 nafar fuqaro jarohatlandi. Hodisa yuzasidan Hukumat komissiyasi tashkil etildi. gazeta.uz »
Filippin janubida 7,8 magnitudali zilzila yuz berdi. Yer silkinishi ortidan balandligi 1 metrgacha bo‘lgan sunami ro‘y berib, vayrongarchiliklarga sabab bo‘ldi. Kamida 19 kishi halok bo‘lgan, 200 dan ortiq kishi jarohat olgan. Evakuatsiya va qutqaruv ishlari olib borilmoqda. gazeta.uz »
Dehlidagi mehmonxonada yuz bergan yong‘in oqibatida 21 kishi, jumladan, 17 nafar xorijlik halok bo‘ldi. Ular orasida Hindistonga davolanish uchun borgan Qirg‘izistonning 3 fuqarosi ham bor. O‘zbekiston elchixonasi ma’lumotlariga ko‘ra, qurbonlar va jabrlanganlar orasida O‘zbekiston fuqarolari yo‘q. gazeta.uz »
Rossiya tunda Ukraina shaharlariga keng masshtabda zarbalar yo‘lladi. Zelenskiyning qayd etishicha, tun davomida 656 ta dron va 73 ta raketa uchirilgan. Zarbalar oqibatida Kiyev va Dnepr eng ko‘p zarar ko‘rdi, bu hududlarda 13 kishi halok bo‘ldi. Mamlakat bo‘ylab 100 dan ortiq odam jarohatlangan. gazeta.uz »
Yakkasaroy tumanida Tracker va Yutong avtobusi ishtirokida YTH sodir bo‘ldi. Oqibatda avtomobil haydovchisi va yo‘lovchisi hamda avtobusda bo‘lgan bir kishi jarohatlandi. “Toshshahartransxizmat”ga ko‘ra, voqea Tracker haydovchisi aybi bilan kelib chiqqan. gazeta.uz »
Angrenda joylashgan Lashkarak mahallasidagi ziplaynda ikki kishi to‘qnashib ketdi. Fuqarolar jarohatlanmagan. FVVga ko‘ra, attraksion noqonuniy faoliyat yuritib kelgan. gazeta.uz »
Konimex tumanida Nexia haydovchisi tezlikni oshirishi sababli qarama-qarshi tomonga chiqib ketib, yuk mashinasi bilan to‘qnashdi. Oqibatda yengil avtomobil haydovchisi va yo‘lovchisi halok bo‘ldi. gazeta.uz »
Ijtimoiy tarmoqlarda Denov shahrida ota-bola do‘pposlanib, mashinaga bosib olib ketilgani aks etgan video tarqaldi. Viloyat IIBga ko‘ra, voqea pul oldi-berdisi ortidan kelib chiqqan. Hodisa oqibatda 30 yoshli o‘g‘il shifoxonada vafot etdi. gazeta.uz »
Indoneziyaning Bekasi shahrida uzoq masofaga qatnovchi poyezd va elektropoyezdning to‘qnashishi oqibatida 15 kishi halok bo‘ldi (ularning barchasi ayollar). Yana 88 kishi turli darajadagi jarohatlarni oldi. gazeta.uz »
2026-yil 1-choragida O‘zbekistonda mehnat faoliyati bilan bog‘liq 198 ta baxtsiz hodisa sodir bo‘ldi. 62 kishi vafot etib, 146 nafari og‘ir jarohatlandi. Eng ko‘p hodisalar Toshkent shahrida va Surxondaryo viloyatida qayd etilgan. gazeta.uz »
Andijon shahridagi “Bog‘ishamol” istirohat bog‘ida attraksionning temir konstruksiyasi sinib, quladi. FVB hodisa oqibatida 2 nafar fuqaro yengil jarohat olganini bildirdi. gazeta.uz »
Daniya shimolida ikkita poyezd to‘qnashib ketishi oqibatida 17 kishi jarohatlandi. Ulardan to‘rt nafarining ahvoli og‘ir deb baholanmoqda. gazeta.uz »
Qashqadaryoda bir guruh erkaklar lolazorni avtomobillarda payhon qilgani aks etgan video tarqaldi. Holat o‘rganilib, huquqbuzarlar aniqlangan. Ekologiya qo‘mitasiga ko‘ra, ularga jami 61,8 mln so‘m jarima tayinlandi. gazeta.uz »
O‘rta Chirchiq tumanidagi uyda sodir bo‘lgan portlash oqibatida 30 yoshli erkak va 3 nafar voyaga yetmagan farzandi halok bo‘ldi. Uning turmush o‘rtog‘i va onasi shifoxonaga yotqizildi. Holat yuzasidan jinoiy ish ochilib, tuman FVB, gaz va elektr ta’minoti korxonalari xodimlariga xizmat tekshiruvi tayinlandi. gazeta.uz »
16-aprelga o‘tar kechasi Rossiyaning Ukrainaga uyushtirgan ommaviy havo hujumi oqibatida 16 kishi halok bo‘ldi, 100 dan ortiq kishi jarohatlandi. Eng ko‘p Kiyev, Odessa va Dnepr shaharlari zarar ko‘rdi. gazeta.uz »
Turkiyaning Kahramanmarash shahridagi maktabda 8-sinf o‘quvchisi otishma sodir etdi: 4 kishi (bir o‘qituvchi va uch o‘quvchi) halok bo‘ldi, 20 kishi yaralandi. Holat yuzasidan prokuratura tergov boshladi. gazeta.uz »
Turkiya janubi-sharqidagi kasb-hunar litseyiga qilingan hujum oqibatida 16 kishi, asosan, o‘quvchilar tan jarohati oldi. Rasmiy ma’lumotlarga ko‘ra, o‘t ochish mazkur litseyning sobiq o‘quvchisi tomonidan sodir etilgan. gazeta.uz »
2026-yilning 3 oyida O‘zbekistonda 1102 ta YTHda 346 kishi vafot etdi. Tahlillarga ko‘ra, YTHlarning 32,9 foizi belgilangan tezlikka rioya etmaslik, 22,4 foizi svetofor talablariga amal qilmaslik, 13,6 foizi haydovchilar tomonidan piyodaga yo‘l bermaslik oqibatida sodir bo‘lgan. gazeta.uz »
Surxondaryoning Denov tumanidagi propan zapravkada portlash sodir bo‘ldi. FVV ma’lumotlariga ko‘ra, hodisa “KamAZ” avtomobilidan sig‘imga gaz quyish jarayonida texnologik qoidalarning buzilishi sababli kelib chiqqan. gazeta.uz »
O‘rta Chirchiq tumanida bir oilaning uch a’zosi is gazidan zaharlanib vafot etdi. Xonadonda 79 yoshli ayol, uning nevarasi va 17 yoshli bola bo‘lgan. gazeta.uz »
Konimex tumanida 7-mart kuni Kia va Chery avtomobillari ishtirokida YTH yuz berdi. Avariya oqibatida besh kishi, jumladan, bir oilaning uch a’zosi halok bo‘ldi. Kun.uz ma’lumotlariga ko‘ra, har ikkala avtomobil ham belgilangan tezlikni oshirib harakatlangan. gazeta.uz »
Ozarbayjonning Naxichevan shahridagi aeroport hududiga Eron droni quladi. Aeroport infratuzilmasiga shikast yetgan, ikki kishi jabrlangan. Ozarbayjon TIV “dron hujumi”ni qoralab, Erondan qisqa fursat ichida aniq tushuntirish berishni so‘radi, shuningdek, elchini chaqirtirdi. gazeta.uz »
Navoiy viloyati Konimex tumanida 22-fevral kuni sodir bo‘lgan yo‘l-transport hodisasi oqibatida to‘rt kishi vafot etdi. Dastlabki ma’lumotlarga ko‘ra, avariyaga quvib o‘tish qoidalarini buzish sabab bo‘lgan. gazeta.uz »
Surxondaryo viloyatida qo‘shni mamlakatdan giyohvandlik vositalarini olib kirish bilan shug‘ullangan 5 kishilik guruh qo‘lga olindi. Ularning barchasi 15 yilga ozodlikdan mahrum etildi. gazeta.uz »
Qo‘qon shahridagi ko‘p qavatli uyda gaz portladi. Oqibatda yong‘in kelib chiqib, 4 fuqaro kuyish jarohatlari bilan shifoxonaga yotqizildi. Biroq ko‘rsatilgan tibbiy yordamga qaramay 1 kishi vafot etdi. gazeta.uz »
Andijondagi to‘qqiz qavatli binoning oxirgi qavatidagi xonadonda gaz portladi. Ikki kishi jarohatlangan. Yong‘in sodir bo‘lmagan. Viloyat hokimi Shuhratbek Abdurahmonov pod’ezd aholisini mehmonxonaga joylashtirish bo‘yicha topshiriq berdi. Tundan beri u yerda ta’mirlash ishlari olib borilmoqda. gazeta.uz »
Toshkent viloyati Angren shahrida 4 qavatli binoda yong‘in chiqdi. Oqibatda bir kishi halok bo‘ldi, yana bir kishi jonlantirish bo‘limiga yotqizilgani xabar qilinmoqda. Bir yarim soatda bartaraf etilgan hodisa joyiga FVV rahbari ham bordi. gazeta.uz »
Pokiston poytaxti Islomoboddagi shialar masjidida juma namozi vaqtida portlash sodir bo‘lib, oqibatda kamida 31 kishi halok bo‘ldi, 169 kishi jarohatlandi. Portlash sababi hozircha aniq emas, biroq hodisa xudkush terrorchi tomonidan sodir etilgani taxmin qilinmoqda. gazeta.uz »
Ikki hafta oldin avtobus halokati yuz bergan manzil yaqinida yana bir avtobus ag‘darilib ketdi. Oqibatda ikki kishi shifoxonaga yotqizildi. Holat bo‘yicha jinoiy ish ochildi. gazeta.uz »
2025-yilda “103” xizmatiga 14,3 millionga yaqin chaqiruv kelib tushdi - bu avvalgi yilga nisbatan 763 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
2025-yilda O‘zbekistondagi 114 ta muzeyga 6,1 mln nafar mahalliy va xorijiy sayyoh tashrif buyurdi. Bu 2024-yilga nisbatan 12,5 foizga ko‘p. Samarqand davlat muzey qo‘riqxonasi va Registon ansamblining har biriga milliondan ortiq odam kelgan. gazeta.uz »
Venesuela ichki ishlar vaziri AQShning mamlakatga qilgan hujumi oqibatida kamida 100 kishi halok bo‘lganini bildirdi. AQSh avvalroq 75 kishining vafoti haqida xabar bergandi. O‘z navbatida, prezident Nikolas Maduroni qo‘riqlash bilan shug‘ullangan 32 nafar kubalik halok bo‘lgan. gazeta.uz »
Shveysariyaning Kran-Montana tog‘-chang‘i kurortidagi barda portlash va yong‘in ro‘y berdi. Oqibatda 40 ga yaqin kishi halok bo‘ldi, kamida 115 kishi jarohatlandi. O‘zbekiston TIV hodisa munosabati bilan hamdardlik bildirdi va vafot etgan hamda jabrlanganlar orasida o‘zbekistonliklar aniqlanmaganini ma’lum qildi. gazeta.uz »
Xo‘jayli tumanida fuqaro hamda uning 10 va 14 yoshli nabiralari is gazidan zaharlanib vafot etdi. Marhum qo‘lbola isitish pechini mo‘risiz holda gaz tarmog‘iga ulagan va oqibatda gaz sizib chiqqan. gazeta.uz »
Toshkent viloyati Yuqori Chirchiq tumanida 3 kishi noma’lum etiologik moddadan zaharlandi. 68 yoshli ayol va 8 yoshli qiz vafot etdi. 12 yoshli bolaning hayoti saqlab qolindi, u davolanmoqda. gazeta.uz »
Kogon tumanidagi portlovchi moddalarni ishlab chiqarish sexida portlash sodir bo‘ldi. Hodisa oqibatida 4 nafar ishchi vafot etdi, yana 4 nafari shifoxonaga joylashtirilgan. gazeta.uz »
Guliston shahrida kafeda yuz bergan portlash ortidan jami 3 nafar kafe mansabdori protsessual tartibda qamoqqa olindi. Holat yuzasidan qator moddalar bo‘yicha jinoiy ish ochilgan bo‘lib, tergov ichki ishlar vaziri o‘rinbosari Ramazon Ashropov boshchiligidagi guruh tomonidan olib borilmoqda. gazeta.uz »
Sirdaryo viloyatidagi ovqatlanish shoxobchalaridan birida gaz balloni portladi. Hodisa oqibatida 29 nafar kishi jarohatlandi, 3 kishi vafot etdi. Shifoxonaga tushganlardan 1 nafarining ahvoli o‘ta og‘ir, 5 nafariniki stabil og‘ir, hushida. gazeta.uz »
Siklonlar va ular keltirib chiqargan suv toshqinlari oqibatida Indoneziyada kamida 631 kishi halok bo‘ldi. Shri Lankada ham kamida 390 kishi, Tailandda esa 176 kishi halok bo‘lgan. Millionlab odamlar ko‘chirildi. gazeta.uz »
O‘zbekistonda yanvar-oktabr oylari davomida oiladagi zo‘ravonlik uchun 10 003 nafar shaxs ma’muriy javobgarlikka, 381 kishi esa jinoiy javobgarlikka tortilgan. gazeta.uz »
Gonkongdagi turar joy majmuasida kuchli yong‘in sodir bo‘ldi, kamida 14 kishi, jumladan, o‘t o‘chiruvchi halok bo‘ldi. Yana kamida 15 kishi jarohatlandi. Yong‘in majmuaning 32 qavatli sakkizta binosidan yettitasini qamrab oldi. Ayrimlar ichkarida qolib ketdi. gazeta.uz »
Jizzax-G‘allaorol avtomobil yo‘lida o‘zidan oldinda ketayotgan mashinani quvib o‘tmoqchi bo‘lgan Matiz ZIL-130 yuk mashinasi bilan to‘qnashdi. Oqibatda Matiz haydovchisi va 2 yo‘lovchisi voqea joyida halok bo‘ldi. gazeta.uz »
Sharof Rashidov tumanida Lacetti yo‘lning belgilanmagan joyidan burilayotgan Isuzu yuk mashinasiga kelib urildi. Oqibatda Lacetti haydovchisi va 4 nafar yo‘lovchi halok bo‘ldi. gazeta.uz »
