Korrupsiya - Ïîñëåäíèå íîâîñòè [ Ôîòî â íîâîñòÿõ ] | |
2025-yilda Oliy ta’lim vazirligi tizimidagi 81 xodim korrupsiya, pora oldi-berdisi, mansab vakolatini suiiste’mol qilish, firibgarlik kabi jinoyatlar bo‘yicha sudlandi. Vazirlik vakiliga ko‘ra, tizimda korrupsion holatlar kamaymoqda: 2023-yil 106 xodim, 2024-yilda 90 kishiga sud hukmlari o‘qilgandi. gazeta.uz »
Shavkat Mirziyoyev 2025-yili qurilish bilan bog‘liq 2 mln 600 mingdan ziyod arizaning uchdan biri rad etilganini tanqid qildi. Mas’ullarga 3 oy ichida barcha jarayonlar muddati va to‘lovlarini 2 barobargacha qisqartirish bo‘yicha qaror loyihasini kiritish topshirildi. gazeta.uz »
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan. gazeta.uz »
Akmal Burxanovga ko‘ra, 2024-yilda korrupsiya haqida 40 dan ortiq xabar kelib tushgan, ammo ulardan bittasi pul mukofoti bilan rag‘batlatirilgan, xolos. U tizimni muvofiqlashtiruvchi yagona idora bo‘lmaganini aytdi. gazeta.uz »
2025-yilda O‘zbekistonda 5222 ta korrupsion jinoyat sodir etildi, deb ma’lum qildi Antikorrupsiya agentligi rahbari. Eng ko‘p holat SSV va Maktab vazirliklari hamda hokimliklarda aniqlandi. 12 nafar hokim esa javobgarlikka tortildi. gazeta.uz »
2025-yili O‘zbekistonda 59 nafar sudya lavozimidan ozod etildi. Ulardan 3 nafari korrupsion holatlar sababli jinoiy javobgarlikka tortilgan. “Bu tizimda mas’uliyatsiz sudyalarga nisbatan qattiq kurash olib borilayotganini anglatadi”, - deydi Oliy sud raisining birinchi o‘rinbosari Alisher Usmanov. gazeta.uz »
DXX raisi Bahodir Qurbonov mamlakatdagi xavfsizlik holati bo‘yicha prezidentga hisobot berdi. Unda korrupsiya sabab mingdan ortiq davlat xodimi ishdan haydalgani, yoshlar orasida sintetik narkotiklar tarqalishi 2 karra oshgani va 2026-yil korrupsiyaga qarshi “favqulodda holat” yili bo‘lishi ma’lum qilindi. gazeta.uz »
2023-yilda korrupsiyaga qarshi kurashish samaradorligi “qoniqarsiz” deb baholangan guruhga kiritilgan 10 ta oliy ta’lim muassasasida keyingi ikki yil davomida korrupsiyaviy jinoyatlarga yo‘l qo‘yilmadi. gazeta.uz »
Prezidentga korrupsiyaning oldini olishga doir rejalar taqdimot qilindi - xavf yuqori sohalarda maxsus loyiha ofislari tashkil etiladi, korrupsiya haqida xabar beradiganlarga himoya orderi beriladi, sohaga hissa qo‘shganlar uchun ko‘krak nishoni ta’sis etiladi. gazeta.uz »
Binyamin Netanyahu o‘ziga qo‘yilgan pora olish, korrupsiya, firibgarlik kabi ayblovlar yuzasidan Isroil prezidentiga afv so‘rab rasmiy ariza topshirdi. Netanyahu 2020-yildan beri olib borilayotgan sud jarayonining to‘xtatilishi Isroilning milliy manfaatlariga javob berishini aytdi. U aylovlarni rad etib keladi. gazeta.uz »
Ukrainaning korrupsiyaga qarshi kurash idoralari “Energoatom” davlat kompaniyasidagi “otkat”larning keng ko‘lamli sxemasi oshkor bo‘lganini e’lon qildi. Sobiq energetika vaziri, shuningdek, Vladimir Zelenskiyning biznes hamkoriga oid yerlarda tintuv o‘tkazildi. Ish haqida nimalar ma’lum? - Gazeta materialida. gazeta.uz »
Qurilish vazirligi Toshkentda bitta uy uchun 200 ming dollargacha xarajat borligini aytgan tadbirkor Usmonjon Abdusamadovning ustidan IIVga ariza kiritdi. Vazirlikka ko‘ra, u “jamoatchilikda asossiz axborot tarqalishiga va islohotlarga nisbatan salbiy munosabat shakllanishiga” sababchi bo‘lgan. gazeta.uz »
2024-yili O‘zbekistonda korrupsiya uchun sudlangan har besh kishidan biri ozodlikdan mahrum qilindi. Bunday hukmlar biroz ko‘paygan bo‘lsa-da, sudlanganlarning 40 foizidan ko‘pi hali ham axloq tuzatish ishlari bilan jazolanmoqda. gazeta.uz »
Bosh prokuratura va “O‘zenergoinspeksiya” korrupsiya holatlari haqida ishonch telefonlari va Telegram botlari orqali xabar berishga chaqirdi. Ariza beruvchilarga xavfsizlik kafolatlanadi, ammo xabar anonim bo‘lmasligi kerak. gazeta.uz »
Korrupsiya - islohotlar yo‘lidagi asosiy to‘siq va g‘ov, deya ta’kidladi Shavkat Mirziyoyev Korrupsiyaga qarshi kurashish milliy kengashi yig‘ilishida. “U xalqning davlatga, konstitutsiya va qonunlarga ishonchiga putur yetkazadi, barqaror rivojlanish va xavfsizlik uchun jiddiy tahdidga aylanadi”, - dedi u. gazeta.uz »
BMTTD va boshqa tashkilotlar tadqiqoti shuni ko‘rsatdiki, O‘zbekiston aholisining aksariyati korrupsiya haqida xabar berishga tayyor, ammo o‘zlari uchun salbiy oqibatlardan qo‘rqadi. Ko‘pchilik pora olish va berishni qoralaydi, lekin jamiyatda sifatli xizmat uchun kichik sovg‘alar odatiy hol sifatida qabul qilinadi. gazeta.uz »
Toshkent viloyatida gaz ta’minoti bosh muhandisi (8500$), Xorazmda DUK mutaxassisi (3500$) va Savdo-sanoat palatasi bo‘limi xodimi, Qashqadaryoda tibbiyot birlashmasi boshlig‘i v.b. (1500$), Samarqandda MCHJ mutaxassisi (1100$) hamda bojxona posti boshlig‘i (200$) korrupsiya va firibgarlikda gumonlanib ushlandi. gazeta.uz »
O‘zbekistonda korrupsiyaga oid huquqbuzarlik haqida xabar berganlarni himoya qilish to‘g‘risidagi qonun loyihasi jamoatchilik muhokamasiga qo‘yildi. Unda xabar beruvchining hayoti, sog‘lig‘i, mol-mulki himolanishi va boshqa qator kafolatlar aks etgan. gazeta.uz »
DXX 3 ta viloyatda, jumladan, Jizzaxda o‘tkazgan reydda IIBning vaqtincha saqlash hibsxonasi boshlig‘i pora bilan qo‘lga tushdi. Farg‘onada esa elektr tarmoqlari korxonasi bo‘limi boshlig‘i firibgarlikda ayblanmoqda. gazeta.uz »
