áèëàí - Ïîñëåäíèå íîâîñòè [ Ôîòî â íîâîñòÿõ ] | |
Chinoz tumani hokimi Sherzod Salihov “Uyatli xonadon” va “Sharmandali mahalla” yozuvli plakatlarni ilish topshirig‘i o‘zining tashabbusi bo‘lganini aytdi. Uning bildirishicha, buni noto‘g‘ri talqin qilayotganlar “hokim bo‘lib, xalq bilan ishlasa, vaziyatni tushunadi”. Hokim, agar aybi bo‘lsa, uzr so‘rashini qo‘shimcha qildi. gazeta.uz »
11-avgust kuni Gazeta 18 yoshini nishonlamoqda. Mamlakatdagi deyarli yigirma yilning eng muhim voqealari - islohotlar va o‘zgarishlar, fojia va yutuqlar Gazeta sahifalarida aks etadi. Ushbu yillar davomida faoliyatimizning asosiy mo‘ljali o‘quvchilarimiz bo‘lib keldi. gazeta.uz »
Toshkentda “Izzat Nazarbek” nomi bilan tanilgan 36 yoshli erkak tovlamachilik, jinsiy aloqaga majburlash va noqonuniy qurol saqlashda gumonlanib ushlandi. U fuqarolardan tahdid va zo‘ravonlik yo‘li bilan $108 mingdan ortiq pul undirgan. Gumonlanuvchi qamoqqa olinib, jinoyat ishi qo‘zg‘atildi. gazeta.uz »
Nijnekamskka qilingan dronlar hujumida halok bo‘lgan O‘zbekiston fuqarolari soni sakkiz nafarga yetdi. Yana bir necha kishi jabrlangan. Prezident topshirig‘i bilan Hukumat komissiyasi tuzildi. Rossiyaga FVV, TIV, SSV, Migratsiya agentligi va boshqa tuzilmalar vakillari yuborildi. gazeta.uz »
11-avgust kuni Gazeta 18 yoshga to‘ladi. Shu munosabat bilan biz o‘z o‘quvchilarimizga murojaat qilib, nashr ular uchun nimani anglatishi va hikoyalarini @GazetauzMuloqotBot Telegram botiga yo‘llashni so‘raymiz. Tabriklarning bir qismi e’lon qilinadi. gazeta.uz »
Shavkat Mirziyoyev AQSh prezidenti Donald Tramp bilan telefon orqali muloqot qildi. Suhbatda ikki davlat o‘rtasidagi strategik sheriklikni rivojlantirish, iqtisodiy hamkorlik va xalqaro xavfsizlik masalalari muhokama qilindi. gazeta.uz »
Toshkent viloyati Oqqo‘rg‘on tumani sudi Rossiya-Ukraina urushida qatnashgan 38 yoshli erkakka hukm chiqardi. Sudlanuvchi aytishicha, qamoqxonada unga armiya bilan shartnoma imzolash taklif qilingan, keyin Ukrainada qochishga uringan va o‘zini granata bilan yaralagan. Unga 4 yil ozodlikni cheklash jazosi tayinlandi. gazeta.uz »
ARTATEX to‘qimachilik kompaniyasi eksport hajmi kamaygani haqida murojaat qilgach, bosh vazir o‘rinbosari Jamshid Xo‘jayev Wildberries rahbariyati bilan alohida yig‘ilish o‘tkazishni topshirdi. Tadbirkorning aytishicha, bunga asosiy sabab - Wildberries omborlarida deyarli har kuni yong‘in sodir bo‘layotganidir. gazeta.uz »
Toshkentda “Oqsaroy” qarorgohi atrofi ochiq jamoat bog‘iga aylantirilmoqda. Loyiha doirasida qariyb 2 km to‘siqlar olib tashlanib, yangi kirish yo‘laklari, piyodalar marshrutlari va to‘siqsiz muhit yaratiladi. gazeta.uz »
Yunusobod tumani aholisi bir yildan buyon hovlidagi avtoturargoh o‘rnida besh qavatli mahalla markazi qurilishiga qarshi kurashmoqda. Fuqarolar sudga murojaat qilgan, qurilish boshlanmasligi uchun esa mahalla aholisidan biri ekskavator oldiga chiqqan. Hozirgi vaziyat tafsilotlari haqida - Gazeta materialida. gazeta.uz »
Rossiyaga ishlash uchun ketgan andijonlikning aytishicha, u bilmasdan Rossiya Qurolli kuchlari bilan harbiy xizmat shartnomasini imzolagan. Keyin Rossiya tomonida jang qilgan, dron hujumida yaralangan va O‘zbekistonga qaytgan. Sud unga 2 yil axloq tuzatish ishlari jazosini tayinladi. gazeta.uz »
Mustaqillikdan buyon O‘zbekistonning yillik suv iste’moli 21 foizga qisqargan. 2030-yilga borib suv tanqisligi 15 mlrd kubometrga yetishi mumkin. Suv xo‘jaligi vaziri Shavkat Xamrayev Gazeta`ga bergan intervyusida suv taqchilligiga qarshi qanday kurashilayotgani, suv diplomatiyasi va Orol haqida gapirdi. gazeta.uz »
“O‘zbekneftgaz” AQShning Schlumberger kompaniyasi bilan seysmik ma’lumotlarni qayta ishlash markazini tashkil etmoqda. Loyiha doirasida superkompyuter va sun’iy intellekt texnologiyalari joriy etilib, 3D seysmik tadqiqotlar hajmi hamda geologik qidiruv imkoniyatlari kengaytiriladi. gazeta.uz »
Dunyo megapolislari issiqdan himoyalanish va shaharlarni salqinlatish uchun shoshilinch rejalarni qabul qilmoqda. Toshkentda esa “Obod mahalla” dasturining muvaffaqiyatsiz misollari va prezident tanqidiga qaramay, hovlilar va bolalar maydonchalarini beton bilan qoplash davom etmoqda. Buni kim to‘xtatadi? gazeta.uz »
Bog‘chadosh do‘stlari bilan bir sinfda o‘qib, birga sportga boradigan bu bolakay suratga tushgan film Kann kinofestivalida Gran-priga loyiq topilgan. “Iroda” loyihasining bu galgi qahramoni - Eldor Shomurodov va Abbosbek Fayzullayev bilan uchrashgach futbol muxlisiga aylangan Ismoil Burxonov. gazeta.uz »
Qirg‘iziston prezidenti Sadir Japarov O‘zbekiston prezidenti Shavkat Mirziyoyevni I darajali “Manas” ordeni bilan taqdirladi. O‘zbekiston rahbari mukofotni munosabatlarni ittifoqchilik darajasiga olib chiqishga qaratilgan intilishlarning yuksak e’tirofi sifatida qabul qilishini ta’kidladi. gazeta.uz »
“Manchester Siti” himoyachisi Abduqodir Husanov klub bilan 2031-yilgacha mo‘ljallangan yangi besh yillik shartnoma imzoladi. O‘zbekistonlik futbolchi o‘ziga yangi vazifa etib Enso Mareska va uning murabbiylar shtabi ishonchini qozonish va jamoada muntazam o‘ynashni belgilab olganini ta’kidladi. gazeta.uz »
Xalqaro valyuta jamg‘armasiga ko‘ra, 2024-yilda O‘zbekistondagi 2148 ta davlat korxonasining 982 tasi (46%) foyda bilan ishlagan. Elektr energiyasi, uy-joy kommunal xo‘jaligi va suv xo‘jaligi sohalari eng ko‘p yo‘qotishga uchragan, tog‘-kon sanoati esa budjet dividendlarining taxminan 80 foizini tashkil etgan. gazeta.uz »
Shavkat Mirziyoyev Senat raisi Tanzila Narbayevani 70 yoshga to‘lishi munosabati bilan “El-yurt hurmati” ordeni bilan taqdirladi. Prezident farmonida Tanzila Narbayevaning davlat va jamoat boshqaruvi sohasidagi samarali mehnati, parlament faoliyatini rivojlantirish hamda boshqa xizmatlari alohida e’tirof etilgan. gazeta.uz »
Belarusning yirik korxona va tashkilotlari O‘zbekiston fuqarolari uchun yuzlab bo‘sh ish o‘rinlarini taklif qilmoqda. Nomzodlar oila a’zolari bilan Belarusda yashab, rasmiy ishlashi mumkin. Maosh 700 dollardan boshlanadi, aviachipta, turar joy va hujjatlar xarajatlari ish beruvchi tomonidan qoplanadi. gazeta.uz »
O‘zbekistonning Efiopiya va JARdagi elchisi Ashraf Xodjayev ushbu mamlakatlar vakillari bilan muzokara o‘tkazib, o‘zbekistonliklar uchun viza tartibini yengillashtirish va vizasiz rejim joriy etish istiqbollarini muhokama qildi. gazeta.uz »
Namangan viloyati Yangiqo‘rg‘on tumanida do‘l yog‘di. Tarmoqlarda hodisa suratlari e’lon qilindi. O‘zgidromet do‘l yog‘ishi qishloq xo‘jalik mahsulotlarini muhofaza qilish maqsadida atmosferaga “Alazan 6” raketa vositasi uchirilishi orqali to‘xtatilganini ma’lum qildi. gazeta.uz »
Toshkentda giyohvandlik vositalarini “zakladka” usulida tarqatishda gumonlangan 3 nafar Ukraina fuqarosi qo‘lga olindi. Ulardan qariyb 2,5 kg gashish, mefedron va alfa-PVP musodara qilingan. gazeta.uz »
Toshkentning Uchtepa tumanida boshqa haydovchi bilan yo‘l talashib, unga o‘yinchoq to‘pponcha bilan tahdid qilgan Lacetti haydovchisi ushlandi. Sud qarori bilan unga 10 sutkaga ma’muriy qamoq jazosi tayinlandi. gazeta.uz »
Yoz jaziramasida xavfsiz va bepul cho‘milish maskanlari yo‘qligi aholi, jumladan, Toshkentda yashayotganlar uchun jiddiy muammoligacha qolyapti. Taqiqlarga qaramay, odamlar kanallarga yo‘l olmoqda. Gazeta vaziyatni o‘rganib, aholi, bolalar ombudsmani, shahar hokimi va FVB mas’ullarining munosabatini to‘pladi. gazeta.uz »
1-noyabrdan O‘zbekistonda reklama qo‘ng‘iroqlari va SMS-xabarnomalarini faqat fuqaroning roziligi bilan yuborishga ruxsat beriladi. Ular 18:00 dan 09:00 gacha taqiqlanadi. Abonentlar reklamani to‘liq yoki qisman bloklay oladi, qoidalarni buzganlarga esa chora ko‘riladi. gazeta.uz »
2026-yilning ikkinchi choragida O‘zbekistonda chiqindilarni belgilanmagan joylarga tashlash bilan bog‘liq 1548 ta huquqbuzarlik aniqlandi. Ularning 354 tasi transport vositalari, 1194 tasi esa fuqarolar tomonidan sodir etilgan. Holatlar bo‘yicha 123,4 mln so‘mlik jarima qo‘llandi. gazeta.uz »
O‘zbekiston prezidenti Qatar amiriga uning otasi, sobiq amir shayx Hamad bin Xalifa Ol Soniy vafot etgani munosabati bilan hamdardlik yo‘lladi. U 74 yoshida vafot etdi. gazeta.uz »
Ulushli qurilishda eskrou tizimiga o‘tish dastlab quruvchilar xarajatlari va uy-joy narxini oshirishi mumkin. Markaziy bankka ko‘ra, narxlarga aniq ta’sir hali noma’lum, ammo tizim uzoq istiqbolda bozor barqarorligini ta’minlab, ulushdorlar mablag‘larini himoya qiladi. gazeta.uz »
O‘zbekiston prezidenti Xitoydagi suv toshqinlari va fabrikadagi kuchli yong‘in oqibatida ko‘plab insonlar halok bo‘lgani munosabati bilan Si Szinpinga hamdardlik yo‘lladi. O‘z navbatida, suv ostida qolgan ko‘paytirish fermalaridan 900 dan ortiq ilon (ayrimlari zaharli) qochib ketgani xabar qilindi. gazeta.uz »
Aleksandr Lukashenko O‘zbekistondan mehnat migrantlarini oilalari bilan birga qabul qilishga tayyorligini bildirdi. U mamlakatga ishchi kuchi zarurligi, keluvchilarga esa tibbiy yordam va ta’lim berilishi mumkinligini ta’kidladi: “Prezidentlarning xohish-irodasi bor, qo‘llab-quvvatlash bor, harakat qilish kerak”. gazeta.uz »
Oliy ta’lim tashkilotlarining professor-o‘qituvchilar bilan ta’minlanganlik darajasi shakllantirildi. Davlat oliygohlarida bir nafar professor-o‘qituvchiga o‘rtacha 19,1 nafar talaba to‘g‘ri kelsa, xorijiy oliygohlar filiallarida bu ko‘rsatkich 32,9 nafarni, nodavlat oliygohlarda esa 55,3 nafarni tashkil etadi. gazeta.uz »
Qonunchilik palatasi jinoyat ishini sudga ayblov xulosasi yoki dalolatnomasi bilan birga advokatning “himoya fikri”ni ham ilova qilishni nazarda tutuvchi qonun loyihasini qabul qildi. Hujjatga ko‘ra, himoyachi tergov yakunlangach besh sutka ichida o‘z pozitsiyasini taqdim etishi mumkin bo‘ladi. gazeta.uz »
Jizzax viloyatida uch nafar fuqaro tarkibida oltin zarralari bo‘lgan toshlarni yashirin ravishda yig‘ib, qo‘lbola sexda qayta ishlagani aniqlandi. Tezkor tadbirda qariyb 10 tonna ruda, tegirmon va oltin ajratish uskunalari musodara qilindi. Holat yuzasidan tergovga qadar tekshiruv olib borilmoqda. gazeta.uz »
Shavkat Mirziyoyev Donald Trampga AQSh Mustaqilligining 250 yilligi munosabati bilan tabrik yo‘lladi. Maktubda iqtisodiy, investitsiyaviy va xavfsizlik sohalaridagi hamkorlikni kengaytirish haqida so‘z bordi. gazeta.uz »
Sergelining yerni tayyor hujjatlar bilan sotish tajribasini davlat obyektlari va sanoat zonalariga ham tatbiq etish topshirildi. Ilgari hujjatlarni kelishish uchun bir yilgacha vaqt ketar edi, endi esa xaridor auksiondan so‘ng darhol ishlarni boshlashi mumkin. gazeta.uz »
JCH 1/16 finalining so‘nggi kuni sensatsiya taqdim etishiga bir baxya qoldi. Argentina qo‘shimcha vaqtdagina Kabo Verdeni yenga oldi. Chorak final yo‘lida uch karra jahon chempionlariga penaltilar seriyasida Avstraliyadan aniqroq harakat qilgan Misr terma jamoasi hamrohlik qiladigan bo‘ldi. Dmitriy Povarov sharhi. gazeta.uz »
Prezident Shavkat Mirziyoyev va Gruziya bosh vaziri Irakliy Kobaxidze strategik sheriklik munosabatlarini o‘rnatish to‘g‘risidagi deklaratsiya imzoladi. Qolarvesa, tomonlar moliya, bojxona, raqamlashtirish, yadroviy xavfsizlik, migratsiya, turizm kabi sohalarda hujjatlar almashdi. gazeta.uz »
Shavkat Mirziyoyevga O‘zbekiston-Gruziya munosabatlarini rivojlantirishga qo‘shgan hissasi uchun Gruziyaning oliy davlat mukofoti - “Oltin mo‘yna” ordeni topshirildi. gazeta.uz »
3-iyul kuni Qonunchilik palatasi spikeri Nuriddin Ismoilov boshchiligidagi O‘zbekiston delegatsiyasi Eronning marhum oliy rahbari Ali Xomanaiy bilan vidolashuv marosimlarida qatnashadi. gazeta.uz »
Uzbekistan Airports AQShdan bepul 12 ta LEIDOS gaz analizatorini qabul qilib oldi. Yangi avlod texnik vositalari mamlakatning barcha xalqaro aeroportlarida qo‘llanadi hamda yuklar, pochta va bagajlarni ko‘zdan kechirishda portlovchi moddalar izlarini aniqlish imkonini beradi. gazeta.uz »
O‘zbekiston milliy terma jamoasi murabbiyi Fabio Kannavaro Jahon chempionatidan so‘ng Toshkentga emas, AQShdan Italiyaga yo‘l oladi. U ikki oylik mehnatdan keyin jamoaga dam olish kerakligi va keyingi uchrashuv sentabr oyida bo‘lishini ma’lum qildi. gazeta.uz »
Shavkat Mirziyoyev Jahon banki vitse-prezidenti Antonella Bassani boshchiligidagi delegatsiya bilan ijtimoiy-iqtisodiy rivojlanishni qamrab oluvchi yangi uzoq muddatli mamlakat dasturini ishlab chiqishni muhokama qildi. gazeta.uz »
O‘zbekiston prezidenti Shavkat Mirziyoyev va AQSh savdo vakili Jeymison Grir savdo-iqtisodiy hamkorlikni kengaytirish hamda O‘zbekistonning Jahon savdo tashkilotiga (JST) a’zo bo‘lish jarayoni Amerika tomonidan qo‘llab-quvvatlanishi masalalarini muhokama qildi. gazeta.uz »
Fransiyada Ebola virusini yuqtirish bilan bog‘liq ilk holat aniqlandi. Kasallikka chalingan shaxs gumanitar missiya shifokori bo‘lib, u avvalroq bezgak epidemiyasi e’lon qilingan Kongo DRdan qaytgandi. gazeta.uz »
Soliq qo‘mitasi banklarning soliq organlariga ma’lumotlarni uzatish to‘g‘risidagi loyiha yangi vakolatlarni va fuqarolarning hisobvaraqlariga erkin kirish huquqini bermasligini ma’lum qildi. Hujjatda bir oyda BHMning 500 baravaridan yuqori bo‘lgan p2p tushumlari ma’lumotini avtomatik uzatish nazarda tutilgan. gazeta.uz »
O‘zbekistonning oltita hududida Janubiy Koreyaga ishga joylashtirish bilan bog‘liq firibgarlik holatlari aniqlandi. Gumonlanuvchilar hujjatlarni rasmiylashtirish va xorijga chiqishda yordam berish bahonasida fuqarolarning o‘nlab ming dollar mablag‘larni qo‘lga kiritgan. gazeta.uz »
O‘zbekiston jamoasi murabbiyi Fabio Kannavaro ikkinchi tur uchrashuvida jamoa Portugaliyadan qo‘rqmasligi va himoyaga yotib olmasligini ma’lum qildi. Eldor Shomurodov JCHdagi debyutdan so‘ng futbolchilarda bosim yo‘qligini aytdi. gazeta.uz »
23-iyun kuni Toshkent metrosi ish vaqti futbol bo‘yicha terma jamoaning Portugaliya bilan o‘yini sababli tungi soat 01:00 gacha uzaytiriladi. Bu kunda poytaxtning turli hududlarida muxlislarning harakatlanishi sezilarli darajada ortishi kutilmoqda. gazeta.uz »
Toshkentda avtobuslar uchun “A” toifasidagi maxsus yo‘laklar deliniatorlar - jismoniy ajratuvchi elementlar bilan ajratilmoqda. Furqat ko‘chasining Magic City’dan Islom Karimov ko‘chasigacha bo‘lgan qismda bu ishlar boshlangan. gazeta.uz »
