Foyda - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda bank, mobil aloqa operatori, bozor, savdo markazlari va polietilen granula ishlab chiqaruvchilari uchun foyda solig‘ini 20%dan 15%ga tushirish taklif etildi. Yo‘qotiladigan 859 mlrd so‘mni komissiyali moliyaviy xizmatlarga QQS solish va soliq yig‘imdorligini oshirish orqali qoplash rejalashtirilmoqda. gazeta.uz »
Xalqaro valyuta jamg‘armasiga ko‘ra, 2024-yilda O‘zbekistondagi 2148 ta davlat korxonasining 982 tasi (46%) foyda bilan ishlagan. Elektr energiyasi, uy-joy kommunal xo‘jaligi va suv xo‘jaligi sohalari eng ko‘p yo‘qotishga uchragan, tog‘-kon sanoati esa budjet dividendlarining taxminan 80 foizini tashkil etgan. gazeta.uz »
Demografik prognozlash ma’lumotlari uchun sarflangan har 1 dollar 32 dollar foyda keltiradi, deb ta’kidladi BMT bosh kotibi yordamchisi, UNFPA ijrochi direktori o‘rinbosari Pio Smit. U Skopedagi konferensiyada demografik o‘zgarishlarni tahdid emas, imkoniyat deb bilishga chaqirdi. gazeta.uz »
Prezident farmzonalar bo‘sh turgani va loyihalar yo‘qligi uchun hokimlarni tanqid qildi. 1-apreldan dori vositalari ishlab chiqaruvchilar, joylashgan manzilidan qat’i nazar, yer solig‘idan ozod qilinadi. gazeta.uz »
“O‘zbekiston temir yo‘llari”ning sof foydasi 2025-yil oxirigacha 1,2 trln so‘mga (taxminan $100 mln) yetishi mumkin. Ikki yil ichida kompaniya 2,23 trln so‘m zarardan to chiptalar narxi oshishi fonida daromadning keskin o‘sishigacha bo‘lgan yo‘lni bosib o‘tdi. gazeta.uz »
Yilning birinchi yarmida Navoiy kon-metallurgiya kombinatining sof foydasi 72% - rekord darajadagi 1,5 mlrd dollargacha oshdi. Daromad 4,7 mlrd dollarga yetdi (+40,9%). 48 tonnaga yaqin oltin qazib olindi, ammo qazib olish xarajatlari keskin oshdi. gazeta.uz »
Prezident amaldagi tartibga ko‘ra, yillik aylanmasi 10 mlrd so‘mdan oshgan korxonalar foyda solig‘i bo‘yicha avans to‘lagani uchun aylanma mablag‘ masalasida qiyinchilikka uchrayotganini ta’kidladi. Davlat rahbari endi bu tartib faqat 20 mlrd so‘mdan yuqori aylanmali korxonalar uchun amal qilishi e’lon qilindi. gazeta.uz »
Prezident tashqi infratuzilmani o‘z hisobidan qilayotgan tadbirkorlarning bu xarajati foyda solig‘i bazasidan chegirib tashlanishini ma’lum qildi. Shuningdek, davlat rahbari tadbirkorlar soni oshib borayotganini inobatga olib Toshkentda elektr tarmoqlarini yaxshilash uchun yana 2 trln so‘m mablag‘ ajratilishini aytdi. gazeta.uz »
Farmagentlik rahbari Abdulla Azizov farmatsevtika sohasi rivojlanishini izohlar ekan, bu sohadagi har qanday investitsiya uzoq muddat talab qilishini ta’kidladi. Uning so‘zlariga ko‘ra, dori vositasini ishlab chiqarish va uni bozorga chiqarish jarayoni kamida to‘rt yildan ortiq vaqt oladi. gazeta.uz »
Palma yog‘i va u qo‘shilgan mahsulotlar, jumladan, sutni majburiy sinovdan o‘tkazish ilmiy asosga ega emas, JST tamoyillariga zid, raqobatni cheklaydi. Bu mahsulot haqidagi afsonalar va hukumat, agar aholi salomatligidan qayg‘ursa, aslida nima qilishi lozimligi borasida huquqshunos Umida Haqnazar mulohazasi. gazeta.uz »
Prezident farmoni bilan QQS va foyda solig‘i stavkalari 2028-yilgacha oshirilmaydi. Savdo-sanoat palatasi huzurida Tadbirkorlarga tashqi moliya bozorlariga chiqishga ko‘maklashish markazi tashkil etiladi. gazeta.uz »
2028-yilgacha O‘zbekistondagi umumiy ovqatlanish korxonalariga foyda solig‘i stavkasi 50 foizga kamaytiriladi. Shuningdek, turoperatorlik va mehmonxona xizmatlarini hamda umumiy ovqatlanish xizmatlarini ko‘rsatuvchi tadbirkorlarga har oyning 25 sanasiga qadar to‘langan QQSning bir qismi qaytariladi. gazeta.uz »
