ó÷óí - Ïîñëåäíèå íîâîñòè [ Ôîòî â íîâîñòÿõ ] | |
FIFA “Bunyodkor” va “Andijon” klublariga transfer taqiqi qo‘lladi. “Bunyodkor” sobiq futbolchisi Rivaldo oldidagi qarzdorlik bo‘yicha navbatdagi to‘lovni amalga oshirmagani, Andijon esa Albaniyaning “Lachi” klubi oldidagi moliyaviy majburiyatini bajarmagani sabab yangi futbolchilarni ro‘yxatdan o‘tkaza olmaydi. gazeta.uz »
Afg‘onistonlik tadbirkorlar O‘zbekistonning amaldagi xalqaro aviaqatnovlaridan foydalanish imkonini beruvchi “yashil yo‘lak” yaratishni so‘ramoqda, deb xabar berdi Surxondaryo viloyati hokimi Ulug‘bek Qosimov. gazeta.uz »
Urgut tumanida advokat manzil-koloniyadagi mahkumning jazo muddatini qisqartirib berish evaziga 15 ming dollar olayotganda ushlandi. Qo‘shrabotda ham sudlanuvchiga yengilroq jazo va’da qilib, 2 ming dollar talab qilgan boshqa bir advokat qo‘lga tushdi. gazeta.uz »
Qashqadaryolik 26 yoshli fuqaro Rossiyaga ishlashga borib, janjal oqibatida 9 yilga qamalgan. Koloniyada Rossiya armiyasiga yollanib, urushga yuborilgan. Uning so‘zlariga ko‘ra, granata portlatib, o‘ziga jarohat yetkazgan va gospitaldan qochib O‘zbekistonga qaytgan. Unga 4 yil 6 oy ozodlikni cheklash jazosi tayinlandi. gazeta.uz »
Jahon banki O‘zbekistonga 100 mln dollar miqdorida imtiyozli moliyalashtirish ajratilishini ma’qulladi. Mablag‘lar oltita hududda boshlang‘ich ta’lim sifatini oshirishga - 50 ming pedagogning kasbiy tayyorgarligini yaxshilashga hamda 27 mingta yangi maktab o‘rni yaratishga yo‘naltiriladi. gazeta.uz »
Termiz shahri jamoat transporti parki Xitoyda ishlab chiqarilgan 15 ta Zhongtong avtobusi bilan to‘ldirildi. Transport vazirligiga ko‘ra, ular barcha toifadagi yo‘lovchilar, jumladan, imkoniyati cheklangan fuqarolar uchun moslashtirilgan bo‘lib, shahar yo‘nalishlarida brutto-shartnoma asosida xizmat ko‘rsatadi. gazeta.uz »
Avstraliyada 16 yoshga to‘lmaganlarning ijtimoiy tarmoqlarga kirishini taqiqlash qoidasiga amal qilmagan platformalar uchun jarima miqdorini 2 barobar oshirish taklif qilindi. Cheklovlar joriy etilsa ham, bolalarning aksariyati tarmoqlardan foydalanishda davom etayotgani choralarni kuchaytirishga sabab bo‘ldi. gazeta.uz »
OTM bitiruvchilarini ish bilan ta’minlagan tadbirkorlar uchun yosh mutaxassisga to‘lanadigan daromad va ijtimoiy soliqlar stavkasi bir yil muddatga 1 foizgacha pasaytiriladi. Shuningdek, “Yoshlar mini-franshizasi” dasturi hamda “Kafolatlangan birinchi qadam” to‘plamini ishga tushirish rejalashtirilmoqda. gazeta.uz »
Toshkent viloyatida O‘simliklar karantini va himoyasi agentligi xodimlari 20 gektar davlat yeridan tabiiy chim ko‘chirib olishga ruxsat beruvchi hujjatlar uchun 2200 dollar olayotganda ushlandi. Navoiyda esa “Suv ta’minoti” tizimiga ishga kiritish evaziga 500 dollar olgan xodimlar qo‘lga olindi. gazeta.uz »
Qo‘qon shahri jamoat transporti parki 24 ta yangi Zhongtong avtobusi bilan to‘ldiriladi. Yaqin kunlarda ular brutto-shartnoma asosida shahar ichki yo‘nalishlariga chiqariladi. Transport vazirligiga ko‘ra, bu yo‘lovchilarga ko‘rsatiladigan xizmatlar sifati va xavfsizligini oshirishga xizmat qiladi. gazeta.uz »
Yevrokomissiya ma’lumotlariga ko‘ra, 2025-yilda o‘zbekistonliklar Shengen vizasi uchun 61,3 mingta ariza topshirdi - bu bir yil oldingiga nisbatan 4,5 foizga ko‘p. Jami 50,5 mingta viza berildi, ma’qullash darajasi deyarli o‘zgarishsiz qoldi - 82,4 foiz. Rad etishlar ulushi biroz o‘sib, 16,3 foizni tashkil etdi. gazeta.uz »
Shavkat Mirziyoyev Matbuot va OAV xodimlari kuni munosabati bilan yo‘llagan tabrigida OAVni davlat va jamiyat o‘rtasidagi mustahkam ko‘prik deb atadi. U milliy OAV xalqni umumiy manfaatlar asosida birlashtiradigan qudratli ma’naviy kuchga aylanishi uchun ko‘mak berishga tayyorligini bildirdi. gazeta.uz »
Qatar Airways O‘zbekiston fuqarolarini xostes, savdo yordamchisi, oshpaz va mijozlarga xizmat ko‘rsatish mutaxassisi kabi 19 ta yo‘nalish bo‘yicha ishga taklif qilmoqda. Maosh miqdori suhbat davomida kelishib olinadi. gazeta.uz »
O‘zbekistonda aholi hali energiya tejovchi materiallarning afzalliklari haqida yetarli ma’lumotga ega emas, dedi prezident. Uning aytishicha, 200−250 kvadrat metr uyda qishda gaz uchun qo‘shimcha 7−8 mln, yozda esa elektr uchun 3−4 mln so‘m sarflanadi. gazeta.uz »
2026/2027 o‘quv yilidan oliy toifali o‘qituvchilar Nizomiy nomidagi O‘zbekiston milliy pedagogika universitetining maqsadli magistraturasida masofaviy shaklda tahsil olishi mumkin bo‘ladi. Bitiruvchilar kamida uch yil maktabda ishlab beradi, qabul kvotalari esa har yili ehtiyojdan kelib chiqib belgilanadi. gazeta.uz »
Prezident yirik loyihalarga import va mahalliy qurilish materiallari yetkazib berish uchun QQS bo‘yicha teng shartlarni joriy etish bo‘yicha qaror loyihasini tayyorlashni topshirdi. Sotuvda qiyinchilikka duch kelayotgan 457 ta korxonani moliyaviy sog‘lomlashtirish uchun 50 mln dollar yo‘naltiriladi. gazeta.uz »
2026/2027 o‘quv yilidan bog‘chalarda kamida 3 yil ishlagan o‘rta maxsus ma’lumotli pedagoglar dual bakalavriatda tahsil olishi mumkin bo‘ladi. Ular haftasiga 1 kun OTMda, 5 kun esa ish joyida o‘qiydi. gazeta.uz »
O‘zbekistonda qurilish materiallari ishlab chiqaruvchi 457 ta korxonani moliyaviy sog‘lomlashtirish bo‘yicha qisqa muddatli dastur ishlab chiqilib, ayni maqsadlar uchun 50 mln dollar ajratiladi. Mablag‘lar mavjud ishlab chiqarish quvvatlarini modernizatsiya qilish orqali tannarxni pasaytirishga yo‘naltiriladi. gazeta.uz »
Vetnam mamlakatga keluvchi barcha xorijlik fuqarolar uchun majburiy elektron ro‘yxatdan o‘tish tartibini joriy etdi. Immigratsiya formasi mamlakatga kirishdan 72 soat oldin rasmiylashtirilishi lozim. gazeta.uz »
O‘zbekistonda istalgan bank yoki to‘lov servisi orqali to‘lovlarni qabul qilish imkonini beruvchi UzQR tizimi ish boshladi. 1-iyuldan bunday QR kod majburiy bo‘ladi. Tizim orqali to‘lovlarni amalga oshirishda komissiyalar mavjud: sotuvchi uchun 0,65 foiz va ayrim hollarda xaridor uchun 1 foizgacha. gazeta.uz »
Prezident xususiy kasbiy ta’limni rivojlantirish to‘g‘risidagi taqdimot bilan tanishdi. Xususan, bunday yuridik shaxslar uchun asbob-uskuna va jihozlarni bojxona bojidan ozod qilish va xorijiy o‘qituvchilar, mutaxassis va ustalar uchun ijtimoiy soliq stavkasini 1 foiz etib belgilash taklif qilindi. gazeta.uz »
O‘zbekiston Germaniya bilan migratsiya bo‘yicha 2 mln dollarli ikkita loyihani ishga tushirdi. Ulardan biri Deutsche Bahn uchun 2500 nafar mutaxassis tayyorlash, ikkinchisi esa yiliga 30 mingdan ortiq kishi til imtihonlarini topshirishi mumkin bo‘lgan TELC imtihon markazlari tarmog‘ini tashkil etishni nazarda tutadi. gazeta.uz »
TXIFning YeI va MO hamkorligiga bag‘ishlangan sessiyasida mintaqa uchun raqobat, energetika tarmoqlari, muhim xomashyo va loyihalar sifati haqida so‘z yuritildi. Asosiy xulosa shuki, Yevropa tezroq bayonotlardan investitsiyalarga o‘tishi, mintaqa esa pulni ishonib topshirish mumkin bo‘lgan loyihalarni tayyorlashi kerak. gazeta.uz »
Migratsiya agentligining Farg‘ona viloyati filiali sobiq rahbari 8 kishini Koreyaga yuborish uchun 90 ming dollar olganlikda gumonlanmoqda. Yangiqo‘rg‘onda esa 22 nafar fuqaroga Koreyadan ish topib berishni va’da qilib, 34,2 ming dollar va 79,3 mln so‘m olganlar ushlandi. Hududlarda yana shu kabi holatlar fosh etildi. gazeta.uz »
O‘zbekiston Yevropa - Osiyo yo‘lagida aviatsiya habiga aylanish salohiyatiga ega, biroq hozircha mamlakatdagi tranzit tashuvlari ulushi atigi 3% ni tashkil etadi. BCG direktori Suresh Subudining ogohlantirishicha, Toshkentning hab maqomi hali kafolatlanmagan: qo‘shni davlatlar ham aeroport quvvatlarini kengaytiryapti. gazeta.uz »
O‘zbekistonda bolalarni tashish qoidalarini buzganlik uchun ma’muriy javobgarlik joriy etilishi mumkin. Jarima 50 BHMgacha bo‘ladi, haydovchilar 3 yilgacha “prava"dan mahrum qilinadi. Hozir bunday holatlar odam tashish qoidalarini buzish moddasi bo‘yicha ko‘riladi, unda 2 BHM jarima ko‘zda tutilgan. gazeta.uz »
TRASEKA hukumatlararo dasturi O‘zbekistonda Transport koridorlariga raqamli transformatsiya va integratsiya markazini tashkil etishni taklif qildi. Jasurbek Choriyevga ko‘ra, u yagona transport hujjatini joriy etish va bojxona tartib-taomillarini raqamlashtirish uchun platformaga aylanishi mumkin. gazeta.uz »
Jahon banki O‘zbekistonga “Qishloq infratuzilmasini rivojlantirish” dasturining ikkinchi bosqichi uchun $150 mln miqdorida imtiyozli moliyalashtirish mablag‘lari ajratilishini ma’qulladi. Dastur 2031-yilgacha oltita viloyatning 296 ta mahallasida yo‘llar, suv va elektr tarmoqlarini yaxshilashga xizmat qiladi. gazeta.uz »
Toshkent o‘zgarishlar sur’ati bo‘yicha dunyo shaharlari uchligiga kirdi. Bu dinamikani ekologiyadan qulay jamoat makonlarigacha sohalarda hayot sifatini sezilarli yaxshilashga aylantirish mumkinmi? Nega shaharni rejalashtirishning an’anaviy vositalari bugun ishlamaydi? TXIF ekspertlari fikrlari. gazeta.uz »
Prezident Shavkat Mirziyoyev Toshkent xalqaro investitsiya forumida xorijiy biznes vakillarini mashinasozlik, robototexnika, elektrotexnika, farmatsevtika va yuqori qo‘shilgan qiymatga ega boshqa drayver sohalardagi qiymati 30 mlrd dollarlik loyihalarda ishtirok etishga taklif qildi. gazeta.uz »
Qoraqalpog‘istonda sun’iy intellekt loyihalari va data markazlar uchun maxsus zona yaratildi. Hududda investorlar 2040-yilgacha barcha soliq va bojlardan ozod qilinadi. Yo‘l, elektr, suv infratuzilmasi davlat hisobidan quriladi. gazeta.uz »
MB raisi Timur Ishmetovga ko‘ra, O‘zbekiston bank tizimida muammoli kreditlar tavakkalchilik, eskirgan kreditlash modeli, korporativ kreditlarning yuqori konsentratsiyasi va boshqa omillar ta’sirida yuzaga kelmoqda. gazeta.uz »
Korrupsiyaga qarshi kurashish agentligi davlat xizmatchilari uchun jazoni ijro etish muassasalari va tergov hibsxonalariga profilaktik tashriflar tashkil etadi. Ular mahkumlar bilan uchrashib, korrupsiyaning shaxsiy va ijtimoiy oqibatlari haqida hayotiy misollar bilan tanishadi. gazeta.uz »
O‘zbekiston hukumati Amerika kompaniyalari uchun maxsus iqtisodiy zona tashkil etishni taklif qildi, deya ma’lum qildi AQSh va O‘zbekiston biznes-forumida ISTV rahbari Laziz Qudratov. U Amerika investitsiyalari, texnologiyalari va Markaziy Osiyodagi ishlab chiqarish tarmoqlari uchun maydonchaga aylanishi kutilmoqda. gazeta.uz »
Kredit stavkalarini pasaytirish sekin va bosqichma-bosqich kechadigan jarayon, deya ma’lum qildi MB rahbari Timur Ishmetov. Unga ko‘ra, kredit stavkalari inflyatsiya, inflyatsion kutilmalar, resurs qiymati va moliyaviy risklarga bog‘liq, depozitlarning yuqori stavkalari kreditlar narxiga bevosita ta’sir ko‘rsatadi. gazeta.uz »
Namanganda maktab direktorligiga ishga joylashtirish uchun 8,5 ming dollar pora olgan viloyat MMTB shu’ba boshlig‘i ushlandi. U 2011-yilda ham xuddi shunday jinoyatlar uchun sudlangan. Qolaversa, Davlatobodda tadbirkorga bog‘cha hujjatlarini rasmiylashtirib berish evaziga pul olgan bosh mutaxassis qo‘lga tushdi. gazeta.uz »
MB endilikda bankomatlar orqali naqd pul yechish bilan bog‘liq muammolarni iste’molchilar huquqlarining ehtimoliy buzilishi sifatida ham ko‘rib chiqmoqda. Timur Ishmetovning so‘zlariga ko‘ra, regulyator avgust oyi boshidan bunday muammolarning ayrim holatlari uchun banklarni jarimaga tortishni rejalashtirgan. gazeta.uz »
MB rahbari 2027-yilda 5 foizlik inflyatsion targetga erishish uchun “keskin risklar” kuzatilmayotganini ma’lum qildi. U maqsadga erishish muddati bir necha bor qayta ko‘rib chiqilganini tan olib, risklar qatorida yuqori ichki talab, budjet xarajatlarining rejadan oshib ketishi va boshqa omillarni sanab o‘tdi. gazeta.uz »
MB rahbari 2027-yilda 5 foizlik inflyatsion targetga erishish uchun “keskin risklar” kuzatilmayotganini ma’lum qildi. U maqsadga erishish muddati bir necha bor qayta ko‘rib chiqilganini tan olib, risklar qatorida yuqori ichki talab, budjet xarajatlarining rejadan oshib ketishi va boshqa omillarni sanab o‘tdi. gazeta.uz »
Sanepidqo‘m rahbari birinchi o‘rinbosari Nurmat Atabekov turar joy hududlari uchun shovqin me’yori kunduzi 45 dB, kechasi esa 35 dB ekanini aytdi. Senator Oral Ataniyazova shovqinning zararli ta’siri qanday aniqlanishi va oddiy odam uni qanday o‘lchashi haqida so‘radi. U qonundagi kamchiliklarga ham to‘xtaldi. gazeta.uz »
Yaponiya O‘zbekistonga energiya samaradorligini oshirish uchun ikkita kredit taqdim etadi. 136 mln dollarli birinchi kredit maktab va sog‘liqni saqlash muassasalariga mo‘ljallangan, ikkinchisi - 93,4 mln dollarligi - energiya tejovchi texnologiyalarga investitsiya kiritayotgan korxonalarni qo‘llab-quvvatlash uchun. gazeta.uz »
Andijonda ichimlik suvidan noqonuniy foydalanish oqibatida yetkazilgan zarar miqdorini kamaytirib berishni va’da qilgan qurilish inspeksiyasi mansabdori 30 mln so‘m olayotganda ushlandi. Asakada esa bank xodimi kredit ajratishda yordam berish evaziga 8 ming dollar talab qilgani aniqlandi. gazeta.uz »
AQSh biznes yoki turistik vizalar uchun suhbatdan tezlashtirilgan tartibda o‘tish bo‘yicha pilot dasturni ishga tushiradi. Arizachilar 750 dollar miqdoridagi qo‘shimcha to‘lov evaziga 10 kun ichida suhbatga yozilishlari mumkin bo‘ladi, biroq bu viza olishni kafolatlamaydi. gazeta.uz »
O‘zbekistonda giyohvandlik vositalari va psixotrop moddalar bilan bog‘liq ayrim jinoyatlar uchun alohida javobgarliklar belgilandi. Xususan, narkolaboratoriya tashkil etish 5 yildan 10 yilgacha, ularning qonunga xilof muomalasiga homiylik qilish 5 yildan 8 yilgacha ozodlikdan mahrum qilish bilan jazolanadi. gazeta.uz »
34 yoshli buxorolik Rossiyada taksichilik qilib yurgan vaqtida Rossiya Qurolli kuchlari bilan shartnoma imzolab, Ukrainaga qarshi urushda qatnashgan. Keyinchalik frontdan chiqish uchun barmog‘ini ataylab portlatib yaralaganini aytdi. gazeta.uz »
O‘zbekistonda ayrim qo‘pol yo‘l harakati qoidabuzarliklari uchun avtomobilni vaqtincha olib qo‘yish, ayrim hollarda esa musodara qilish choralarini joriy etish taklif qilindi. Shuningdek, voyaga yetmaganlarga transportni boshqarishga ruxsat berganlik uchun jinoiy javobgarlik belgilanishi mumkin. gazeta.uz »
O‘zbekistonda voyaga yetmaganlarga avtomobil boshqarishga ruxsat berganlik uchun javobgarlikni kuchaytirish taklif etildi. Prezident huzurida o‘tkazilgan taqdimotda bunday holatlar og‘ir oqibatli yo‘l-transport hodisalariga sabab bo‘layotgani qayd etildi. gazeta.uz »
O‘zbekistonda noqonuniy va ruxsatsiz qurilishlar uchun moliyaviy sanksiyalarni kuchaytirish taklif qilindi. 2025-yilda 1952 ta noqonuniy qurilish aniqlangan. Prezidentga bosh rejalar bilan ishlashning yangi tizimi, shaharsozlik hujjatlarining yagona elektron reyestrini yaratish bo‘yicha takliflar ham taqdim etildi. gazeta.uz »
Tarmoqlarda O‘zbekistondan turib AliExpress marketpleysida xaridlar uchun to‘lov qilib bo‘lmayotganiga oid shikoyatlar tarqaldi. ILMAning Gazeta`ga ma’lum qilishicha, soliq organlari bilan birga platformaning qonunchilik talablariga rioya etishi o‘rganilmoqda. “To‘lovlarni cheklash agentlik vakolatida emas”. gazeta.uz »
AQSh sudi Donald Tramp tomonidan H-1B ishchi vizalari uchun joriy etilgan 100 ming dollarli yig‘imni bekor qildi. Sudya ushbu yig‘im soliq hisoblanishini va uni joriy etishga prezidentning vakolati bo‘lmaganini ma’lum qildi. gazeta.uz »
