ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Janubiy Koreyada mobil internetdan bazaviy bepul foydalanish imkoniyati yo‘lga qo‘yilmoqda. Asosiy trafik paketi tugab qolsa ham, abonentlar tarmoqdan pastroq tezlikda (masalan, xabarlar yuborish uchun) foydalanishda davom etishi mumkin bo‘ladi. gazeta.uz »
Farg‘onaning So‘x tumani turizm sohasiga $60 mln sarmoya kiritish ko‘zda tutilmoqda. Xususan, So‘x daryosi bo‘yida reabilitatsiya va fizioterapiya yo‘nalishidagi tibbiyot klasteri, turizm maskanlari barpo etish taklif qilindi. gazeta.uz »
Uzbekistan Airports aholini aeroportlar yaqinida varrak uchirmaslikka chaqirdi. Bu ularning samolyot bilan to‘qnashish xavfini yuzaga keltiradi, iplari esa havo kemasi qurilmalariga shikast yetkazishi mumkin. gazeta.uz »
O‘zbekistonda elektron tijoratni rivojlantirish maqsadida import tovarlar uchun bojxona to‘lovlarini sotuv amalga oshirilgan vaqtda to‘lash tizimi joriy etiladi. Bunday tovarlar bond omborlarida saqlanadi. gazeta.uz »
Yo‘l harakati xavfsizligi xizmati elektr samokatlar uchun “prava” kerakligi haqidagi xabarlarni rad etdi. A1 toifasidagi guvohnoma faqat mopedlar va skuterlarga taalluqli bo‘lib, shaxsiy harakatlanish vositalari, jumladan, samokatlar uchun talab etilmaydi. gazeta.uz »
Markaziy bank banklar va to‘lov servislarining mobil ilovalariga qo‘yiladigan, 22-apreldan kuchga kiradigan yangi talablar tartibini tushuntirdi. Cheklovlar, avvalo, yangi mijozlarga tegishli, amaldagi foydalanuvchilar esa ilovalardan deyarli o‘zgarishlarsiz foydalanishda davom etishi mumkin, deydi MB. gazeta.uz »
22-apreldan boshlab O‘zbekistondagi bank ilovalari va to‘lov servislarida operatsiyalarni amalga oshirishda majburiy identifikatsiya, telefon raqamni JSHSHIR orqali tekshirish va boshqa talablar qo‘llaniladi. gazeta.uz »
O‘zbekistonda kompaniyalar xodimlar uchun sport zallari va maydonchalarini qurish xarajatlarini foyda solig‘i bazasidan chegira oladi, jalb qilinadigan murabbiylar uchun esa 1 foiz soliq stavkasi joriy etiladi. gazeta.uz »
Senat ekologiya, atrof-muhitni muhofaza qilish sohasidagi huquqbuzarliklarni sodir etganlik uchun yuridik shaxslarga nisbatan moliyaviy sanksiyalar belgilashni ma’qulladi. Xususan, sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Senat ekologiya, atrof-muhitni muhofaza qilish sohasidagi huquqbuzarliklarni sodir etganlik uchun yuridik shaxslarga nisbatan moliyaviy sanksiyalar belgilashni ma’qulladi. Xususan, sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Narxlar barqarorligini ta’minlash uchun go‘sht mahsulotlari import qiluvchilariga vaqtinchalik subsidiyalar ajratiladi. Prezident bu bo‘yicha qarorni imzoladi. Mol va qo‘y go‘shti, shuningdek, nasldor qoramol olib kirishda kompensatsiya qo‘llaniladi. gazeta.uz »
Jinoyat ishlari bo‘yicha Xiva shahar sudi surxondaryolik qizni Ichan qal’adagi yodgorlikka “hurmatsizlik qilgani” uchun jarimaga tortdi. Qiz haykalni o‘pib, videoni Instagram sahifasiga joylashtirgan. gazeta.uz »
Shu yildan boshlab muddatli harbiy xizmatni o‘tayotgan askarlar oliy ta’lim muassasalariga o‘qishga kirishi va masofaviy ta’lim olishi mumkin bo‘ladi. Shuningdek, ular uchun turli kasblar bo‘yicha 3−6 oylik kurslar tashkil etiladi. gazeta.uz »
O‘zbekistonlik shaxmatchi Javohir Sindarov Anish Giriga qarshi hatto teng pozitsiyada ham g‘alaba uchun o‘ynashga harakat qilganini bildirdi. Nomzodlar turniridagi peshqadamlikka qaramay, u bu holatga katta ahamiyat bermayapti. “Natijalar haqida o‘ylashga energiyam yo‘q”, - dedi u. gazeta.uz »
O‘zbekiston 2026-yilgi yozgi mavsumda Rossiya aviakompaniyalari uchun asosiy xalqaro yo‘nalishga aylandi (67 ta yo‘nalish). Ta’kidlanishicha, 2019-yilda mamlakat Rossiya bilan yo‘lovchi tashishda 9-o‘rinda bo‘lgan. gazeta.uz »
O‘zbekistonda quruqlik orqali logistika cheklangan hollarda aviatashuvlar xarajatlarining bir qismini qoplash rejalashtirilmoqda, dedi Ilhom Norqulov. Yilning birinchi uch oyi yakunlari bo‘yicha YAIM 7,5% o‘sishi kutilmoqda, ammo iqtisodiyot ko‘rsatkichlari uchun “hal qiluvchi” davr ikkinchi chorak bo‘ladi. gazeta.uz »
“O‘zbekneftgaz” rahbari “Neftgazmontaj”ni tanish-bilishchilik, maoshlardan qarzdorlik hamda raqamlashtirishning yo‘qligi uchun tanqid qildi. Korxona rahbari va uning o‘rinbosarlari ishdan bo‘shatildi. gazeta.uz »
O‘zbekistonda transport boshqarish huquqini olgan shaxslarga yo‘l harakati qoidalari buzilgani uchun javobgarlik o‘tkazilgani haqida YHXX organlarini xabardor qilish tartibi belgilandi. Bu my.gov.uz yoki idora mobil ilovasi orqali amalga oshiriladi. Xizmat narxi BHMning 10 foizi miqdorida. gazeta.uz »
Raqobat qo‘mitasi so‘roviga asosan Transport vazirligi temiryo‘l tashish qoidalarining yangi tahririni ishlab chiqmoqda. Unga ko‘ra, nafaqat “Afrosiyob”, balki oddiy va tezyurar poyezdlar kechikkani uchun ham yo‘lovchilarga chipta narxining 100 foizigacha miqdorda pul qaytarib berilishi belgilanmoqda. gazeta.uz »
Shimoliy Koreya - eng yopiq va qiziq davlatlardan biri. U vaqti bilan shaxsga sig‘inish, yadroviy dastur kabi mavzularda OAV sarlavhalariga chiqib turadi. Gazeta koreyashunos Andrey Lankovning asaridan KXDR pasporti qanday ishlashi, Pxenyanda yashash ruxsatnomasi, hududlararo postlar haqidagi parchani keltiradi. gazeta.uz »
O‘zbekistonda raqamli markirovka talablarini buzganlik uchun jarimalarni hisoblash mexanizmini qayta ko‘rib chiqish taklif etildi. Amaldagi normaga ko‘ra, ular kompaniya aylanmasiga bog‘langan bo‘lib, 20%gacha yetishi mumkin. gazeta.uz »
Hayvonlarga nisbatan shafqatsizlik uchun jazoni kuchaytirish, bunday holatlar jinoyat qonunchiligi doirasida ko‘rib chiqilishini talab qiluvchi petitsiya e’lon qilindi. Yaqinda 2 mushuk qotili 10 va 15 sutkaga qamalgandi. gazeta.uz »
Raqobat qo‘mitasi gaz tanqisligi davrida birjada narx manipulyatsiyalarini aniqladi. Narxlarni sun’iy ravishda oshirish va o‘zaro kelishilgan harakatlar uchun 31 ta kompaniya jazolandi. 28,9 mlrd so‘mlik jarimalardan tashqari, budjetga 34,1 mlrd so‘m miqdoridagi asossiz daromadni undirish rejalashtirilmoqda. gazeta.uz »
Avstriya hukumati 14 yoshga to‘lmagan bolalarni foydalanishning “salbiy oqibatlaridan himoya qilish” maqsadida ularning ijtimoiy tarmoqlarga kirishini taqiqlamoqchi. gazeta.uz »
O‘zbekistonda san’atkorlarning barcha xizmatlarini (to‘ylardan tortib konsertlargacha) Soliq ilovasida majburiy ro‘yxatdan o‘tkazish rejalashtirilmoqda. Soliqlar “bir xizmat - bir to‘lov” tamoyili asosida, hatto bepul xizmat ko‘rsatilganda ham undiriladi. Huquqbuzarlik haqida xabar berganlar mukofotlanadi. gazeta.uz »
O‘zbekistonda AES qurilishi Rossiya sanoatiga 2 trln rublgacha (24,7 mlrd dollar) buyurtmalar olib keladi va 1000 ga yaqin ish o‘rni yaratadi, dedi “Rosatom” rahbari Aleksey Lixachyov. Loyiha direksiyasi avvalroq ikkita reaktorli kichik stansiya qiymati 1 mlrd dollardan oshmasligini ta’kidlagan edi. gazeta.uz »
Toshkentda Angliya huquqi qo‘llaniladigan xalqaro moliya markazi tashkil etiladi, u 2030-yilgacha $25 mlrd investitsiya jalb qilishi mumkin. IT-kompaniyalar uchun raqamli markazni ishga tushirish ham ko‘zda tutilgan. gazeta.uz »
Toshkent va Nurafshon shaharlari o‘rtasida BRT tizimi ishga tushadi. Qiymati qariyb 120 mln dollar bo‘lgan loyiha konsepsiyasi 2028-yil oxirida poytaxtni viloyat bilan bog‘laydigan tezyurar avtobus qatnovlari tizimini ishga tushirishni nazarda tutadi. gazeta.uz »
Toshkentdagi Amir Temur xiyoboni obodonlashtirish ishlari uchun 23-martdan 7-aprelga (shu kuni ham) qadar yopiladi. U sarkardaning 690 yilligi munosabati bilan qayta ochiladi. Maydon atrofida transport harakati cheklanmaydi, unga olib chiquvchi metro bekatlari yopiq bo‘ladi. gazeta.uz »
2030-yilgacha Toshkentda avtobuslar uchun ustuvorlikka ega yo‘laklar uzunligi 400 km dan oshishi kerak: BRT - 57,5 km, “A” harfli yo‘laklar esa 347 km ni tashkil etadi. Bu yil BRT yo‘laklari Shahrisabz (Shota Rustaveli ko‘chasi davomi), Mirzo Ulug‘bek, Amir Temur, Yangi Sergeli ko‘chalarida paydo bo‘ladi. gazeta.uz »
Tez kunda Toshkentning Janubiy vokzalida avtomobillar uchun kirish yo‘li ochiladi. Shu yerning o‘zida qo‘shimcha kutish zali ham qurilmoqda. O‘tgan yozda Shimoliy vokzalda shunday yo‘l ochilgandi. Bundan tashqari, Samarqand vokzalida ham avtomobillar uchun shunday kirish yo‘li tashkil etish ko‘zda tutilgan. gazeta.uz »
“Bizda sog‘liqni qaqshatish ishlari”, “Turkistonning fig‘oni”, “Bolsheviklar va biz” singari o‘tkir maqolalar muallifi, jurnalist, shoir hamda dramaturg Hoji Muin tavalludiga 19-martda 143 yil to‘ldi. gazeta.uz »
Prezident kartoshka ekishda jiddiy kamchiliklarni qayd etdi: maydonlarning 55 foiziga kartoshka ekilmagan, 400 mlrd so‘mning atigi choragi o‘zlashtirilgan. Ekin maydonlari kengaytirilib, fermerlar Misr va Niderlandiyadan urug‘lik kartoshka bilan ta’minlanishi rejalashtirilmoqda. gazeta.uz »
Prezident O‘zbekiston, jumladan, Samarqandda turizmni rivojlantirish bo‘yicha vazifalar belgiladi. Xususan, aviakompaniyalarga olib kelingan har bir xorijiy sayyoh uchun 100 dollardan, turoperatorlarga esa 3 oy davomida jalb qilingan 1000 xorijiy turist uchun 5000 dollargacha subsidiya beriladi. gazeta.uz »
Ramazon oyida masjidlarga odam qadami ko‘proq yetadi. Bu pallada taroveh namozi uchun tayyorgarlik, masjid hovlisi va tahoratxonalarni tozalash kabi ishlarda yuklama oshadi. Gazeta Farg‘ona tumani Avval shaharchasidagi masjid farroshi Avazbek Ismoilovning bir kunini tasvirlarga muhrladi. gazeta.uz »
1-apreldan O‘zbekistonda uy-joy va avtomobil bilan bog‘liq bitimlar uchun eskrou hisobvaraqlar joriy etiladi. Markaziy bank komissiyalarning eng yuqori miqdorini belgiladi: ko‘chmas mulk uchun 206 ming so‘mgacha, transportga 103 ming so‘mgacha. gazeta.uz »
Qonunchilik palatasi deputatlari internet orqali haqorat qilish, shaxsning o‘zi sodir etgan huquqbuzarligini OAV va internetda tarqatish hamda harbiy harakatlarda ishtirok etishni targ‘ib qiluvchi materiallarni joylash uchun javobgarlik belgilash ko‘zda tutilgan qonunni qabul qilib, Senatga yubordi. gazeta.uz »
Elektrozapravka operatorlari Toshkentda ommaviy o‘chirishlar bo‘laayotgani va ularni o‘rnatish bo‘yicha tartib-qoida yo‘qligini ma’lum qildi. Shahar hokimligi aniqlangan qoidabuzarliklarni qayd etib, vaziyatni “barcha yutqazadigan holat” deb atadi. Muammoni hal etish uchun ishchi guruh tuzildi. gazeta.uz »
Prezident aliment to‘lovchilar chet elga ishlashga chiqish imkoniyatidan to‘liq foydalana olmayotganini qayd etdi. Ayni paytda ular xorijga chiqishi uchun 5 yillik alimentni oldindan to‘lash yoki aliment oluvchining roziligi talab etiladi. gazeta.uz »
Moskva sudi “Krokus”dagi terakt bo‘yicha 15 kishini umrbod qamoqqa hukm qildi. Qolgan 4 ayblanuvchiga 20 yilu 10 oygacha bo‘lgan muddatlarda qamoq jazosi berildi. 140 dan ortiq kishi halok bo‘lgan hujum uchun javobgarlikni ISHID-Xuroson o‘z zimmasiga olgan. gazeta.uz »
O‘zbekistonda elektr, gaz va boshqa muhandislik tarmoqlariga noqonuniy ulanganlik uchun javobgarlik kuchaytirildi. Yangi qonunga ko‘ra, jarimalar oshirildi, takroran sodir etilsa jinoiy javobgarlik qo‘llanadi. gazeta.uz »
O‘zbekiston JSTga a’zo bo‘lish doirasida tariflarni liberallashtirishda “sezgir” sohalar uchun sakkiz yilgacha bo‘lgan o‘tish davrlarini muhokama qilmoqda, dedi prezident vakili Azizbek Urunov. Ular qatoriga avtosanoat, qishloq xo‘jaligi va yengil sanoatni kiritish mumkin. gazeta.uz »
MAGATE missiyasi yilning ikkinchi yarmida O‘zbekistonga keladi va Jizzax viloyatida AES qurilishi jarayonini o‘rganadi. Agentlik bosh direktori Rafael Grossi loyihani qo‘llab-quvvatlashni davom ettirishga tayyorligini tasdiqladi. gazeta.uz »
Toshkent irrigatsiya institutida dual ta’lim tizimini kengroq joriy etish reja qilinmoqda. Talabalar haftada to‘rt kun nazariyani o‘rganadi, ikki kun esa korxonalarda haq to‘lanadigan amaliyot o‘taydi. gazeta.uz »
2026-yilgi Forbes reytingi rekordlarni yangiladi: dunyoda 3428 milliarder qayd etilib, ularning jami boyligi 20,1 trln dollarga yetdi. Ilon Mask $839 mlrd bilan yetakchilikni saqlab qolgan bo‘lsa, ayollar o‘rtasida yana Elis Uolton peshqadam. Alisher Usmonov $14,5 mlrd bilan top 200 talikdan joy oldi. gazeta.uz »
O‘zbekistonda tarkibida kuchli ta’sir qiluvchi moddalar bo‘lgan dori vositalarini retseptsiz yoki belgilangan tartibni buzib sotganlik uchun javobgarlik kuchaytirildi. Jarima miqdori oshirildi, ayrim holatlarda esa jinoiy javobgarlik va 5 yilgacha ozodlikdan mahrum qilish jazosi qo‘llanishi mumkin. gazeta.uz »
O‘zbekiston Tashqi ishlar vazirligi Yaqin Sharq mintaqasida qolayotgan fuqarolar murojaatlari uchun Telegram botni ishga tushirdi. Vatandoshlardan tezkor yordam ko‘rsatish imkonini berish uchun murojaatda aniq va to‘liq ma’lumot taqdim etish so‘raldi. gazeta.uz »
O‘zbekistonda endi ipoteka krediti asosida sotib olingan uyga fuqarolarni ushbu uy egasi arizasi yoki bankning roziligi asosida yashash joyi va turgan joy bo‘yicha ro‘yxatdan o‘tkazishga ruxsat beriladi. gazeta.uz »
Qoraytirilgan oynali xorijiy avtomobillar uchun majburiy yig‘im undirish tartibi soddalashtirildi. Endi yig‘im faqat old yon oynalar qoraytirilgan bo‘lsa undiriladi. To‘lovni “E-tranzit” tizimidagi QR kod orqali elektron tarzda amalga oshirish mumkin. Yig‘im miqdori 15 dollar. gazeta.uz »
Top 300 talikka kirgan xorijiy universitetlarda o‘qish uchun yoshlar va pedagoglarga imtiyozli ta’lim krediti ajratiladi. Kredit yiliga 20 ming dollargacha bo‘lib, foiz stavkasi Markaziy bankning asosiy stavkasi miqdorida belgilanadi. gazeta.uz »
