ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Yangi nizomga ko‘ra, aholi uylariga quyosh panellari o‘rnatish xarajatlarining 20 foizi, issiqlik nasoslarining 40 foizi davlat tomonidan qoplanadi. Energiya auditining o‘zi esa to‘liq bepul bo‘ladi. gazeta.uz »
O‘zbekistonda 1-yanvardan boshlab hukumat qarori bilan moped va skuterlarni boshqarish uchun “A1” haydovchilik guvohnomasining kichik toifasi joriy etiladi. Buning uchun avtomaktabda o‘qish majburiy bo‘lmaydi. gazeta.uz »
Ko‘pchilik bolalikdagi vaksinatsiya umrbod himoyani ta’minlashiga ishonadi. Biroq yillar o‘tib, immunitet zaiflashadi, shu bois kattalarga revaksinatsiya zarur. Gazeta JSST xodimi, epidemiolog Renat Latipov bilan revaksinatsiya nima uchun va qaysi kasalliklarga qarshi o‘tkazilishi zarurligi haqida suhbatlashdi. gazeta.uz »
Tramp beysbol o‘yinida namoyish etilgan reklama tufayli Kanada uchun bojlarni yana 10 foizga oshirishini ma’lum qildi (hozirda 35%). Unda AQShning 40-prezidenti Ronald Reygandan iqtibos keltirilgan: “Uzoq muddatli istiqbolda bojlar ko‘rinishidagi savdo to‘siqlari har bir amerikalikka ham zarar yetkazadi”. gazeta.uz »
Jinoyat kodeksiga yangi o‘zgartirishlarga ko‘ra, voyaga yetmagan shaxslar jazoni o‘tab bo‘lganidan so‘ng sudlanmagan hisoblanadi. Shuningdek, ozodlikni cheklash va mahrum qilish jazolarining eng kam muddati 6 oydan 1 oygacha qisqartirildi. gazeta.uz »
Endi “Kambag‘al oilalar reyestri”dagi oilalarning farzandlari oilaviy bog‘chalarga borsa, ota-onalar to‘lovining 40% qismi davlat hisobidan qoplanadi. Agar bu toifadagi tarbiyalanuvchilar belgilangan miqdordan oshib ketsa, kompensatsiya ketma-ketlik asosida beriladi. gazeta.uz »
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda. gazeta.uz »
Toshkentda hamshiralarni tayyorlash uchun Germaniya tibbiyot akademiyasi ochildi. U yerda bir yil davomida kasb va til o‘rgatiladi. Akademiya bitiruvchilari ikkala mamlakat tomonidan tan olinadigan diplomga ega bo‘lib, Germaniya klinikalarida hamshira sifatida ishlash imkoniyatiga ega bo‘ladi. gazeta.uz »
Kompleks rivojlantirish uchun tanlab olingan tuman va shaharlarda mahalliy boshqaruv organlari uchun yangi ma’muriy binolar quriladi. Ularning 1 va 2-qavatlari savdo va servis uchun ijaraga beriladi. gazeta.uz »
Dream House Design kompaniyasi Olmazor tumanida shaharsozlik qoidalariga zid tarzda biznes markazi loyihasini ishlab chiqqani uchun litsenziyasidan mahrum bo‘ldi. Xususan, insolyatsiya, binolar orasidagi masofa va qo‘shnilarning roziligi bilan bog‘liq talablar buzilgan, ma’lum qildi Qurilish vazirligi. gazeta.uz »
Toshkentda “Tabassum” inklyuziv ustaxonasi kattaroq masshtabda ish boshladi. Ustaxona 20 kishiga mo‘ljallangan bo‘lib, autizm va Daun sindromi bor yoshlarning hunar o‘rganib, jamiyat hayotida faol ishtirok etishiga ko‘maklashadi. gazeta.uz »
Oliy sud bolani zo‘rlagani uchun 16 yilga qamalgan erkakni manzil-koloniyaga o‘tkazish to‘g‘risidagi qaror qonunchilikning eski tahriri doirasida qabul qilinganini ma’lum qildi. Bolalar ombudsmani normalarni kuchaytirish taklifini bildirdi. gazeta.uz »
Italiyaning Ansaldo Energia xoldingi O‘zbekistonda atom elektr stansiyasi qurilishiga jalb etilishi mumkin. Kompaniya AES qurilishi loyihasini amalga oshirishni nazorat qilish, shuningdek, samarali yordamchi yechimlarni ishlab chiqish uchun texnik maslahatchi sifatida qatnashishi mumkin. gazeta.uz »
O‘zbekistonda “Haj va Umra yagona portali” ishga tushirildi. Navbatda turgan fuqarolar ma’lumotlari xatlovdan o‘tkazilib, ushbu yagona portal tizimiga kiritildi. Talabgor fuqaro ikki xil usulda - my. gazeta.uz »
YI va Transkaspiy yo‘lagida ishtirok etuvchi, jumladan, Markaziy Osiyo davlatlari muvofiqlashtiruvchi tuzilma tashkil etishni rejalashtirmoqda. Uning loyihasi noyabr oyida Toshkentda bo‘lib o‘tadigan Transkaspiy yo‘nalishi investorlari va aloqalari forumida taqdim etiladi. gazeta.uz »
Savdo-sanoat palatasi tadbirkorlarlarni bir platformada jamlab, tajriba almashish, muloqot va hamkorlik muhitini yaratish maqsadida Business Port loyihasi yo‘lga qo‘ydi. gazeta.uz »
Shavkat Mirziyoyev sun’iy intellekt dasturlari samarali ishlashi uchun ular o‘zbek tilini mukammal tushunishi zarurligini aytdi. Shu bois, SI milliy madaniyat va qadriyatlarni o‘zida ifodalay olishi uchun “O‘zbek tili korpusi” yaratiladi. gazeta.uz »
“Adolat” partiyasi o‘lim bilan bog‘liq YTH uchun jazoni og‘irlashtirish, tezlikni doimiy me’yordan oshirganlarni “prava”sidan mahrum qilish muddatini amaldagi 3 yildan 10 yilgacha uzaytirish, shuningdek, mast holatda odam o‘limiga sabab bo‘lgan haydovchilarni umrbod haydovchilik huquqidan mahrum etishni taklif qildi. gazeta.uz »
Namanganda qizchaga nisbatan zo‘ravonlikdan so‘ng, quyi palata deputati Dilnoza Azizova bolalarga nisbatan har qanday jinsiy zo‘ravonlik uchun umrbod ozodlikdan mahrum qilish jazosi kiritishni taklif qildi. gazeta.uz »
Toshkentning 5 ta kirish nuqtasida avtovokzallar, kempinglar va yuk mashinalari uchun to‘xtash joylari barpo etiladi. “Agar yuk mashinasi Samarqanddan chiqib, soat 8:00 da yetib kelsa, u to‘xtash joyida 3 soat kutib turishi, so‘ngra shaharga kirishi mumkin bo‘ladi”, - dedi IIV rahbari. gazeta.uz »
Yangi Toshkent aeroporti uchun Saudiyaning Vision Invest kompaniyasi va AQShning Air Products kompaniyasi bilan aviayoqilg‘i ishlab chiqarish yo‘lga qo‘yiladi. Shuningdek, Saudiya kompaniyalari hamkorligida Parkentda yirik batareya saqlash tizimi ishga tushiriladi, Samarqandda yangi issiqlik elektr stansiyasi quriladi. gazeta.uz »
Prezidentga Toshkent shahrini kompleks rivojlantirish rejalari taqdimot qilindi. Shota Rustaveli ko‘chasidagi BRT tizimi yana 10 ta ko‘chada paydo bo‘ladi. Mahallalarni obodonlashtirish, gastronomik ko‘chalar qurish va sug‘orish tizimlarini yangilash ishlariga mahalliy budjetdan 1 trln so‘m yo‘naltiriladi. gazeta.uz »
Islom sivilizatsiyasi markazi O‘zbekistonning buyuk allomalari haqida roliklar tayyorlamoqda. Loyiha hikoyachisi sifatida Ibn Sino rolini ijro etgan “Oskar” mukofoti sovrindori Ben Kingsli taklif qilindi. gazeta.uz »
Jahon banki O‘zbekistonga islohotlarni qo‘llab-quvvatlash uchun 800 mln dollarli imtiyozli kreditlarni ma’qulladi. Kam ta’minlanganlarga gaz va elektr uchun kompensatsiya to‘lovini 270 ming so‘mdan 1 mln so‘mga oshirish, ayollarni ish joyida tazyiq va kamsitishlardan himoyalash, telekommunikatsiya shular jumlasidan. gazeta.uz »
O‘zbekistonda 33 ta tuman va shaharni namunaviy shaharga aylantirish uchun 2,3 trln so‘m, 330 ta namunaviy mahalla uchun 1,7 trln so‘m ajratiladi. Hududlarda iqtisodiy o‘sish sur’atlarini ta’minlovchi drayver loyihalarni amalga oshirish uchun qo‘shimcha 2 trln so‘m yo‘naltiriladi. gazeta.uz »
Suriya sobiq prezidenti Bashar Asad hukumati 2 yil davomida minglab jasadlarni ommaviy qabrlarning biridan uzoq cho‘ldagi maxfiy joyga ko‘chirish bo‘yicha yashirin operatsiya o‘tkazgan, deb yozdi Reuters. gazeta.uz »
Dastlab Shota Rustaveli ko‘chasida joriy etilgan BRT avtobus tezkor tranziti tizimi Toshkentning yana taxminan 10 ta ko‘chasini qamrab oladi. 110 mln dollarlik loyihani 2030-yilgacha yakunlash rejalashtirilmoqda, tarmoq uzunligi esa 57,5 km ni tashkil qiladi. gazeta.uz »
Jinoyat ishlari bo‘yicha G‘allaorol tuman sudida Ukrainadagi urushda Rossiya tomonidan qatnashgan 40 yoshli fuqaro 3 yil 1 oyga ozodlikdan mahrum qilindi. U Lugansk va Donetskda Rossiya armiyasi safida xizmat qilgan, so‘ng buni yashirish uchun pasportini yirtib tashlagan va Rossiya fuqaroligini olgan. gazeta.uz »
Nogironligi bo‘lganlar uchun yaratilgan yechimlar barchaning hayotini qulaylashtiradi. Ko‘pchilikda vaqt o‘tishi bilan harakatchanlik, xotira, ko‘rish, eshitish qobiliyati pasayadi. “Inklyuziv dizayn fikrlash tarzi sifatida” yondashuvi aynan shuni hisobga oladi, bunda ommaboplik tamoyillari jarayonga boshidanoq singdiriladi. gazeta.uz »
Osiyo taraqqiyot banki O‘zbekistonga davlat sektori samaradorligini oshirish, davlat korxonalari boshqaruvini modernizatsiya qilish va JSTga a’zo bo‘lishga tayyorgarlik ko‘rishga qaratilgan iqtisodiy islohotlarni qo‘llab-quvvatlash uchun 500 million dollar miqdorida kredit ajratishni ma’qulladi. gazeta.uz »
Uzum Group UzPost’ni xususiylashtirish bo‘yicha savdolarda ishtirok etish niyatida va Davlat aktivlariga ariza topshirgan. Kompaniya pochtani boshqarish “nafaqat biznes, balki milliy manfaatlarni” hisobga olgan holda amalga oshirilishi kerak, deb hisoblaydi. gazeta.uz »
Chernogoriya Armaniston, O‘zbekiston va Misr fuqarolari uchun vaqtinchalik vizasiz rejimni bekor qildi. Respublika hukumati bu qarorni mamlakat viza siyosatini YeI viza siyosati bilan muvofiqlashtirish ishlari bilan izohladi. gazeta.uz »
Nyu York tovar birjasida (COMEX) oltin fyucherslari narxi o‘z tarixiy rekordini yangilab, bir unsiya uchun $4179 ni tashkil qildi. Oltin narxi yil boshidan buyon 57% ga o‘sdi. Shuningdek, AQSh va Xitoy o‘rtasidagi savdo ziddiyatlarining qayta kuchayishi xavfsiz aktivlarga, jumladan, kumushga bo‘lgan talabni oshirdi. gazeta.uz »
O‘zbekistonda mamlakatga olib kirilayotgan tovarlar va valyuta to‘g‘risidagi bojxona deklaratsiyasini oldindan va onlayn to‘ldirish imkonini beruvchi Yo‘lovchi deklaratsiyasi ilovasi ishga tushdi. Unda mobil telefonning IMEI kodini skanerlash funksiyasi mavjud bo‘lib, 15 xonali kodlarni qo‘lda kiritmasa ham bo‘ladi. gazeta.uz »
Mahsulot tanlovi, narx belgilash va sotish jarayonlariga aralashgan mansabdor shaxslar javobgarlikka tortiladi. Bu fermerlar va tadbirkorlar huquqlarini himoya qilishga qaratilgan qonun loyihasida nazarda tutilgan. gazeta.uz »
O‘zbekistonda 1-oktabrdan moped va skuter haydovchilaridan avtoraqam va haydovchilik guvohnomasini talab qilish boshlandi. Gazeta shu sabab ishga chiqolmayotgan yoki transportini almashtirgan kurerlar bilan suhbatlashdi, avtomaktablar va yetkazib beruvchi kompaniyalardagi vaziyatni o‘rganishga harakat qildi. gazeta.uz »
Bryusseldagi Global Gateway forumida Qirg‘izistondagi O‘zbekiston va Qozog‘iston ishtirokidagi Kambarota GES-1 loyihasi bo‘yicha 900 mln yevrolik memorandumlar imzolandi. Bu mablag‘larni YeIB ajratishni rejalashtirgan. gazeta.uz »
O‘zbekistonda muddati o‘tgan oziq-ovqat mahsulotlarini sotganlik uchun jarimalar 3 barobarga - 12,36 mln so‘mgacha oshirildi. Shuningdek, Raqobat qo‘mitasi iste’molchilar shikoyatlarini qabul qilish uchun “Iste’molchi murojaati” axborot tizimini ishga tushiradigan bo‘ldi. gazeta.uz »
O‘zbekistonlik yoshlarga til o‘rganish uchun “2+6” dasturi asosida yarim yil uchun oyiga BHMning 2 baravarigacha bo‘lgan miqdorda subsidiyalar ajratiladi. Bunda talabgor til bilishning kamida minimal ko‘rsatkichli sertifikatiga ega bo‘lishi va dastlabki 2 oylik o‘qish xarajatini o‘z hisobidan to‘lashi lozim. gazeta.uz »
Hukumat qarori bilan Yoshlar ishlari agentligi huzurida “Yashil tashabbuslar”ni qo‘llab-quvvatlash jamg‘armasi tashkil etildi. Jamg‘arma har yili 10 mlrd so‘mgacha mablag‘ bilan yoshlarning ekologiya, yashil energiya va tabiatni muhofaza qilishga oid loyihalarini moliyalashtirishni ko‘zda tutadi. gazeta.uz »
Vladimir Putin 2024-yil dekabr oyida halokatga uchragan Azerbaijan Airlines (AZAL) samolyotiga Rossiyaning havo hujumidan mudofaa raketalari zarar yetkazganini tan oldi. U Rossiya “barcha [tegishli] mansabdor shaxslarning xatti-harakatlariga huquqiy baho berishi”ni va’da qildi. gazeta.uz »
O‘zbekistonda oltin quymalari narxi ilk bor 5 gramm uchun 8 mln so‘mdan (kechagidan 122 ming so‘m qimmatroq) oshdi. Yil boshidan buyon mahalliy bozorda oltin narxi 42 foizga o‘sdi. Jahon bozorida oltin narxi troya unsiyasi uchun $4000 dan oshdi. gazeta.uz »
Yagona interaktiv davlat xizmatlari portalida O‘zbekistonda bo‘lib turish uchun vizalar muddatini uzaytirish funksiyasi paydo bo‘ldi. Ariza beruvchi kerakli ma’lumotlarni to‘ldirib, viza muddatini uzaytirish uchun asos hujjat va pasport nusxasini ilova qilishi kerak. Arizalar 15 ish kuni ichida ko‘rib chiqiladi. gazeta.uz »
Toshkent shahrida va Surxondaryo viloyatida jinoyat ishi bo‘yicha ayblanuvchilarga jazoni o‘zgartirib berish evaziga ulardan pul talab qilgan advokatlar qo‘lga olindi. Toshkentda advokat fuqarodan 3700 dollar, surxondaryolik advokat esa 60 mln so‘m olgan vaqtida ashyoviy dalillar bilan ushlandi. gazeta.uz »
Mahalliy Enter Engineering kompaniyasi O‘zbekistondagi birinchi AES qurilishiga tayyorgarlik ko‘rish uchun subpudratchi sifatida tanlandi. Kompaniya qurilish ishlariga tanlov asosida jalb etilgan. Hozirda u AES joylashuv maydonida qurilish-montaj bazasini barpo etmoqda. Maosh to‘lash bilan muammo bo‘lmasligi aytildi. gazeta.uz »
Futbol bo‘yicha 2026-yilgi Jahon chempionati O‘zbekiston uchun dunyo jamoatchiligi ko‘z o‘ngida ijobiy va yorqin taassurot qoldirish uchun yaxshi imkoniyatlardan biri (agar eng zo‘ri bo‘lmasa). Imkoniyatni ko‘kka sovurmay, har bir ishni o‘z egasiga topshirish kerak. Xususan, terma jamoa libosi masalasini ham. gazeta.uz »
2025-yilda fizika bo‘yicha Nobel mukofoti AQSh olimlari Jon Klark, Mishel Devore va Jon Martinisga “elektr zanjirida makroskopik kvant-mexanik tunnellashni va energiyani kvantlashni kashf etgani uchun” berildi. gazeta.uz »
Toshkentda O‘zbekiston AKT sohasidagi eng muhim yillik tadbir - ICT Week 2025 bo‘lib o‘tdi. Raqamli texnologiyalar vaziri Sherzod Shermatov Gazeta bilan suhbatda haftalikning asosiy mavzusi inson kapitalini rivojlantirish ekanini qayd etdi. gazeta.uz »
Nyu York tovar birjasida (COMEX) oltin fyucherslari narxi 0,6 foizga ko‘tarilib, bir unsiya uchun 4000,1 dollarni tashkil qildi. Bu oltin narxi tarixda birinchi marta unsiya uchun 4000 dollardan oshganini anglatadi. gazeta.uz »
Prezident farmoniga muvofiq, O‘zbekistonda chet el fuqarolari uchun maxsus soliq rejimi joriy etiladi. 50 ming dollar miqdorida maxsus yig‘im to‘lagan va O‘zbekistonda bank hisobvarag‘ini ochgan chet el fuqarolarining O‘zbekistondan tashqaridagi manbalardan olingan daromadlari daromad solig‘idan ozod qilinadi. gazeta.uz »
