2026-yilda - Ïîñëåäíèå íîâîñòè [ Ôîòî â íîâîñòÿõ ] | |
Osiyo taraqqiyot banki O‘zbekiston iqtisodiyoti yaqin 2 yilda barqaror o‘sishda davom etadi, deb hisoblaydi. Bank prognoziga ko‘ra, 2025-yilda yalpi ichki mahsulot 7,7 foizga o‘sgach, 2026-yilda bu ko‘rsatkich 6,7 foizni, 2027-yilda esa 6,8 foizni tashkil etadi. gazeta.uz »
O‘zbekistonda futbol klublarini to‘g‘ridan-to‘g‘ri davlat budjetidan moliyalashtirish modeli joriy etiladi. 2026-yilda jamoalar 560 slrd so‘m - har biri 35 mlrd so‘mdan oladi. Ular uchun ham daromad solig‘i bekor qilinadi, ijtimoiy soliq stavkasi esa 1 foizni tashkil etadi. gazeta.uz »
2026-yilda O‘zbekistonda 1 mln norasmiy ish o‘rnini rasmiylashtirish rejalashtirilmoqda. Mas’ul idoralar uchun hududlar kesimida ko‘rsatkichlar belgilandi. Norasmiy bandlik va MHTEKMdan past ish haqi biznes barqarorligi reytingiga salbiy ta’sir qiladi. gazeta.uz »
1-yanvardan yangi ijtimoiy sug‘urta tizimi ishga tushdi: xususiy sektordagi ayollarga homiladorlik nafaqalari jamg‘arma orqali to‘lanadi, barcha ish bilan ta’minlanganlarga kasallik nafaqalari 1-iyuldan amal qiladi. gazeta.uz »
Jahonda oltin narxlari o‘sishi nafaqat O‘zbekiston budjeti daromad bazasini mustahkamlayapti, balki davlat xarajatlari ortishi xavfini ham yaratyapti, dedi senator. Iqtisodiyot vazirligiga ko‘ra, qimmatbaho metall narxi rekord darajada oshganiga qaramay, hukumat budjeti konservativ ssenariylarga asoslangan. gazeta.uz »
O‘zbekiston 2026-yilda YIMning 6% lik o‘sishi bilan YMO mintaqasida rivojlanayotgan iqtisodiyotlar orasida top-3 likka kiradi, deya prognoz qildi JB. Jahon bozorlaridagi yuqori oltin narxlari hisobiga iqtisodiy faollik kuchayadi, Rossiyadagi iqtisodiy vaziyat pul o‘tkazmalarining qisqarishiga olib kelishi mumkin. gazeta.uz »
O‘zbekiston 2026-yilda YIMning 6% lik o‘sishi bilan YMO mintaqasida rivojlanayotgan iqtisodiyotlar orasida top-3 likka kiradi, deya prognoz qildi JB. Jahon bozorlaridagi yuqori oltin narxlari hisobiga iqtisodiy faollik kuchayadi, Rossiyadagi iqtisodiy vaziyat pul o‘tkazmalarining qisqarishiga olib kelishi mumkin. gazeta.uz »
2026-yilda kreditlar, subsidiyalar, turizmni rivojlantirish va minglab yangi servis obyektlarini ishga tushirish hisobiga xizmatlar bozori hajmini $100 mlrd dan oshirish rejalashtirilmoqda. 2030-yilgacha xorijiy sayyohlar oqimini 20 mln kishiga, turistik xizmatlarni esa 20 mlrd dollarga yetkazish ko‘zda tutilgan. gazeta.uz »
2026-yilda O‘zbekiston yangi konlarni ishga tushirish orqali gaz qazib olish hajmining ko‘p yillik pasayishini barqarorlashtirishni rejalashtirmoqda, dedi energetika vaziri Jo‘rabek Mirzamahmudov. Bunda Mo‘ynoq tumanida mamlakatdagi eng yuqori debitli quduq burg‘ilangan yangi kon muhim ahamiyatga ega bo‘ladi. gazeta.uz »
Jizzax viloyatidagi Baxmal tumanida bog‘larning katta qismi eskirgan, hosil esa gektariga 10 tonnaga ham yetmaydi. Shu bois Baxmal tajribasi joriy etiladi: eski bog‘lar intensivga o‘tkaziladi, 2026-yilda ularga faqat sertifikati bor ko‘chatlar ekiladi, imtiyozli kreditlar va subsidiyalar ko‘zda tutilgan. gazeta.uz »
2026-yil 1-apreldan kartoshka chipslari uchun kilogrammiga 15 ming so‘m miqdorda aksiz solig‘ini joriy etilishi mumkin. Bu taklif Iqtisodiyot vazirligi tomonidan JSST va SSV tavsiyalari asosida ishlab chiqilgan. gazeta.uz »
IMV 2026-yil uchun soliq siyosati loyihasini taqdim etdi: asosiy stavkalar o‘zgarmaydi, alkogol, tamaki va shakarli ichimliklarga aksiz ko‘tariladi, chipslarga soliq joriy etiladi, marketpleyslar stavkalari oshadi. gazeta.uz »
Prezident mutasaddilarga Urgut tumanida kelasi yil kambag‘allik va ishsizlikni 2 foizdan tushirish vazifasini topshirdi. Uning aytishicha, hududdagi korxonalarning aksariyati mavjud quvvatidan to‘liq foydalanmayapti. gazeta.uz »
O‘zbekiston prezidenti hokim yordamchilari va soliq inspektorlariga 2026-yilda kamida 250 ming xodimni legallashtirishni topshirdi. Ijtimoiy sug‘urta bo‘yicha yangi tizim yana 100 ming kishi rasmiy ishga joylashishi uchun turtki bo‘lishi kerak. gazeta.uz »
Prezident bandlik masalalarida ko‘zbo‘yamachilikka yo‘l qo‘yayotgan hokimlar faoliyatini tanqid qildi. To‘rt rahbar ishdan olindi, yana 20 nafar hokim, shu jumladan Toshkentning ikki tumani rahbarlariga chora ko‘riladi. gazeta.uz »
O‘zbekiston 2026-yilda ham Afg‘onistonga elektr energiyasini yetkazib berishda davom etadi. Tegishli shartnoma Energetika vazirligi va DABS kompaniyasi o‘rtasida imzolandi. Afg‘onistonda yuqori kuchlanishli elektr uzatish tarmoqlari va podstansiyalari qurilishini yanada jadallashtirish masalalari muhokama qilindi. gazeta.uz »
Toshkent metropoliteniga 2026-yilda 56 ta vagon olib kelishni e’lon qildi. Yo‘lovchilarning poyezdlar intervali haqidagi e’tirozlariga javoban, metropoliten ertalabki tig‘iz vaqtda interval “Chilonzor” yo‘lida 1,5 daqiqa, “O‘zbekiston”da 3 daqiqa va “Yunusobod”da esa 4 daqiqani tashkil etayotganini qayd etdi. gazeta.uz »
Prezidentga Toshkent shahrini kompleks rivojlantirish rejalari taqdimot qilindi. Shota Rustaveli ko‘chasidagi BRT tizimi yana 10 ta ko‘chada paydo bo‘ladi. Mahallalarni obodonlashtirish, gastronomik ko‘chalar qurish va sug‘orish tizimlarini yangilash ishlariga mahalliy budjetdan 1 trln so‘m yo‘naltiriladi. gazeta.uz »
Toshkentga 2025-yil oktabrida 200 ta yangi elektrobus, 2026-yilda esa 1000 ta avtobus olib kelinadi. Natijada poytaxtdagi avtobuslar soni 2891 taga yetadi, o‘rtacha qatnov davomiyligi 30 daqiqani, yillik tashiladigan yo‘lovchilar soni 750 mln nafarni tashkil etishi kutilyapti. gazeta.uz »
Yangi Toshkent shahrini barpo etish direksiyasi shahar metro liniyasi 2026-yil oxirida qurib bitkazilishini ma’lum qildi. Liniya 8 km uzunlikda bo‘lib, uchta bekatdan tashkil topadi. U “Do‘stlik” bekatidan Yangi Toshkentgacha bo‘lgan yo‘nalishning bir qismi bo‘ladi. gazeta.uz »
2026-yilda O‘zbekiston xizmat bozorida raqobat muhitini yaxshilash uchun kamida 6 ta xalqaro aviakompaniyani mamlakatga jalb qilish ishlari amalga oshiriladi. Fiskal strategiyaga ko‘ra, shuningdek, kelasi yilda respublikada havo qatnovini kamida 1,5 barobarga oshirish rejalashtirilmoqda. gazeta.uz »
2026-yilda bo‘ladigan Global ekologik fond assambleyasi mezboni sifatida Samarqand tanlandi. Assambleya Markaziy Osiyoda iqlim o‘zgarishi, suv tanqisligi va yer degradatsiyasiga qarshi kurashish uchun mablag‘ jalb qilish platformasiga aylanishi kutilmoqda. gazeta.uz »
Osiyo taraqqiyot bankining 59-yillik yig‘ilishi o‘tkaziladigan joy sifatida Samarqand tanlandi. O‘zbekiston mazkur tadbirga ikkinchi bor mezbonlik qiladi. gazeta.uz »
Toshkent viloyatining Parkent tumanida 20 gektar maydonda akvapark va bir qancha boshqa inshootlar qurish rejalashtirilmoqda. Loyihaning qiymati 30 mln dollar bo‘lib, u 2026-yilning ikkinchi choragida ishga tushirilishi mumkin. gazeta.uz »
2026-yilda O‘zbekistonda Global ekologik fond donorlari assambleyasini o‘tkazish rejalashtirilmoqda, deya ma’lum qildi ekologiya vaziri Aziz Abduhakimov iqlim forumida. Tadbir doirasida Markaziy Osiyo mamlakatlari uchun ekologiya sohasida qo‘shimcha mablag‘ va texnik yordam jalb qilinishi kutilmoqda. gazeta.uz »
O‘zbekiston Statistika agentligi 2026-yilda aholini ro‘yxatga olishni o‘tkazish to‘g‘risidagi qonun loyihasini jamoatchilik muhokamasiga taqdim etdi. Unga ko‘ra, bu bo‘yicha respublika komissiyasi tuziladi. gazeta.uz »
