ýíåðãèÿñè - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda elektroenergiya yo‘qotishlari 20 foizdan oshgan 44 ta tuman va shahar elektr ta’minoti korxonalari rahbarlari ishdan olindi. Yaqinda prezident ularni yosh kadrlar bilan almashtirish topshirig‘ini bergandi. gazeta.uz »
O‘zbekistonda aholi uchun elektr energiyasi va gaz tariflarini navbatdagi marta oshirish masalasi ko‘rib chiqilmoqda. Tariflarni har yili 1-maydan boshlab inflyatsiyani hisobga olgan holda, biroq 10 foizdan oshirmasdan ko‘tarish rejalashtirilgan edi (mart oyida yillik inflyatsiya ko‘rsatkichi 7,1 foizgacha sekinlashgan). gazeta.uz »
O‘zbekistonda 2026-yil yanvar-martda 23,3 mlrd kVt/soat elektr energiyasi ishlab chiqarildi, bu o‘tgan yilning shu davriga nisbatan 7 foizga ko‘p. 20,1 mlrd kVt/soat eluktr energiyasi yetkazib berildi. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
Sovuq mavsumda energiya iste’moli oshishi kutilmoqda, ayrim hududlarda vaqtinchalik texnik cheklovlar qo‘llanishi mumkin, deb ogohlantirdi Energovazirlik. Ammo aholi va ijtimoiy obyektlarni elektr energiyasi bilan ta’minlash ustuvor vazifaligicha qoladi. Energoresurslardan oqilona foydalanish tavsiya etilmoqda. gazeta.uz »
Sirdaryo IESda nosoz gaz turbinasi rotori almashtirilayotgani bois quvvatlarning bir qismi ta’mirlashga olindi. Energetika vazirligi kechalari elektr ta’minotida qisqa muddatli uzilishlar bo‘lishi mumkinligi haqida ogohlantirdi. O‘rnatish ishlari taxminan bir oy davom etadi. gazeta.uz »
O‘zbekiston 2026-yilda ham Afg‘onistonga elektr energiyasini yetkazib berishda davom etadi. Tegishli shartnoma Energetika vazirligi va DABS kompaniyasi o‘rtasida imzolandi. Afg‘onistonda yuqori kuchlanishli elektr uzatish tarmoqlari va podstansiyalari qurilishini yanada jadallashtirish masalalari muhokama qilindi. gazeta.uz »
Afg‘onistonning DABS energetika kompaniyasi ma’lum qilishicha, elektr uzatish liniyalariga zarar yetkazgan zilziladan so‘ng O‘zbekistondan Afg‘onistonga elektr ta’minoti tiklandi. Kobul va Bag‘lon jumladan 11 ta hududda elektr ta’minoti qayta yo‘lga qo‘yildi. gazeta.uz »
Farg‘ona tumanida maishiy chiqindilardan elektr energiyasi ishlab chiqaruvchi korxona qurilishi boshlandi. Loyihaga Xitoyning China Everbright International Ltd kompaniyasi qariyb $150 mln sarmoya kiritmoqda. gazeta.uz »
O‘zbekiston to‘liq elektr energiyasi ishlab chiqarish quvvatiga ega va qishda cheklovlar kutilmayapti (favqulodda vaziyatlardan tashqari), dedi energetika vaziri. Uning ta’kidlashicha, asosiy muammolar 35 foizi 40 yildan ortiq vaqt davomida ishlayotgan elektr tarmog‘ining eskirishi bilan bog‘liq. gazeta.uz »
500 kV quvvatli “Puli-Xumri” elektr uzatish liniyasi tarmog‘i tugallangach, O‘zbekiston Afg‘onistonga elektr energiyasi eksportini bir necha barobarga oshirishi mumkin, dedi energetika vaziri Jo‘rabek Mirzamahmudov. gazeta.uz »
Yaponiyaning Sumitomo Corporation, JBIC banki, OTB va boshqa xalqaro hamkorlar Samarqand va Buxoro viloyatlarida quyosh elektrostansiyalari va energiya saqlash tizimlari qurilishini moliyalashtiradi. gazeta.uz »
Gaz tarmog‘iga ulanmagan uylarda yashovchilar uchun elektr energiyasi to‘lovi bo‘yicha imtiyozlar loyihasi qo‘shimcha infratuzilma hisob-kitoblarini talab qiladi, dedi energetika vaziri Jo‘rabek Mirzamahmudov. gazeta.uz »
Toshkentda tibbiyot chiqindilarini yoqish orqali issiqlik energiyasini ishlab chiqaruvchi mamlakatdagi ilk zavod ishga tushirildi. AQShning Sayar kompaniyasi tomonidan qurilgan zavod kuniga 20 soatda 6 tonnagacha chiqindi yoqish quvvatiga ega. gazeta.uz »
Bino va inshootlarni qurish uchun ruxsatnomalar elektr energiyasining zarur hajmi hisoblab chiqilgan va ta’minlangandan keyingina beriladi, dedi qurilish va uy-joy kommunal xo‘jaligi vaziri. Unga ko‘ra, tarmoqdagi cheklovlarni bartaraf etadigan va “elektr halqasi” deb ataluvchi tizim yaratiladi. gazeta.uz »
Senat chiqindilar xizmati uchun qarz mavjud bo‘lganda elektr energiyasi uchun to‘lovlarni qabul qilishni to‘xtatish to‘g‘risidagi qonunni amalga oshirishdagi muammolar yuzasidan vazirliklarga so‘rovlar yo‘lladi. gazeta.uz »
O‘zbekiston energetika tizimida 18-iyul kuni kunlik elektr iste’moli miqdori 272,6 mln kVt/soatni tashkil etib, rekord o‘rnatdi. Shuningdek, birinchi marta elektr energiyasi iste’molida yozgi ko‘rsatkichlar qishki maksimal ko‘rsatkichlardan oshdi. gazeta.uz »
Samarqandda chiqindidan elektr energiyasi ishlab chiqaruvchi SUS Environment Samarkand zavodi qurilishiga start berildi. Loyihaga 150 mln dollar to‘g‘ridan-to‘g‘ri investitsiya jalb qilinib, u kuniga 1500 tonna chiqindini termik qayta ishlaydi va yiliga 240 mln kVt elektr energiyasi ishlab chiqaradi. gazeta.uz »
Iyun oyida O‘zbekiston aholisi tomonidan sezilgan inflyatsiya darajasi 13,2 foizgacha pasaydi - bu 2024-yilning oktabr oyidan buyon eng past ko‘rsatkichdir. Markaziy bank so‘rovnomasiga ko‘ra, respondentlarning aksariyati go‘sht, sut, elektr energiyasi, gaz, benzin va yoqilg‘i narxlari keskin oshganini aytishgan. gazeta.uz »
Andijon viloyati Xo‘jaobod tumani hududida maishiy chiqindilarni yoqish orqali elektr energiyasi ishlab chiqaruvchi zavod qurilishiga start berildi. Loyihaning umumiy qiymati 140 mln dollar bo‘lib, bu orqali yiliga jami 240 mln kVt/soat elektr energiyasi ishlab chiqariladi. gazeta.uz »
Oliy davlatlararo kengash yig‘ilishida O‘zbekiston va Ozarbayjon prezidentlari O‘rta yo‘lak orqali tashilayotgan o‘zbek yuklari hajmi 25% ga oshganini qayd etdi. Shuningdek, ular Yevropaga elektr energiyasi eksport qilish loyihasini tayyorlashni tezlashtirishga kelishib oldi. gazeta.uz »
Yanvar-mayda O‘zbekiston tashqi savdo aylanmasi oltin va energotovarlar eksportining ortishi hisobiga 15% o‘sib, $31,3 milliardga yetdi. Tekstil savdosi pasayishda davom etmoqda, Xitoyga eksport esa ketma-ket ikkinchi oy pasaymoqda. gazeta.uz »
O‘zbekistonda ijtimoiy norma joriy etilganidan so‘ng 10 ming kVt/soat elektr energiyasi iste’mol qiladigan uy xo‘jaliklari soni 80 mingdan 15 mingtagacha kamaydi. Oyiga 200 kVt/soatgacha elektr energiyasi iste’mol qilgan abonentlar ulushi 2023-yilda 71 foizni va 2024-yilda 72 foizni tashkil etdi. gazeta.uz »
O‘zbekistonda 2025-yil boshidan buyon quyosh va shamol elektr stansiyalari tomonidan ishlab chiqarilgan elektr energiyasi 2 mlrd kVt soatga yetdi. Quyosh elektr stansiyalari tomonidan 1 mlrd 169,9 mln kVt soat, shamol elektr stansiyasi tomonidan esa 830,1 mln kVt soat elektr energiyasi ishlab chiqarildi. gazeta.uz »
O‘zbekistonda 1-apreldan boshlab gaz va elektr energiyasi tariflari oshiriladi. Ushbu xizmatlar uchun oldindan to‘lov amalga oshirilsa, eski tariflar aholi uchun ikki oy davomida (1-iyungacha), tadbirkorlik subyektlari uchun esa bir oy davomida amal qiladi. gazeta.uz »
O‘zbekistonda energiya resurslari ishlab chiqarish ko‘rsatkichlari pasayishda davom etmoqda. Fevralda gaz qazib olish 5,6% kamaydi, neft - 12,6%, elektr energiyasi ishlab chiqarish - 3,4%, benzin - 22,4%, dizel - 43,3%. gazeta.uz »
25-mart - Yer soati kuni munosabati bilan O‘zbekiston davlat tashkilotlarida elektr energiyasi bir soatga o‘chiriladi. Ekologiya vazirligi fuqarolarni ham aksiyada ishtirok etishga chaqirdi. gazeta.uz »
Fransiyaning Voltalia kompaniyasi O‘zbekistonda quyosh, shamol stansiyalari va energiya saqlash tizimlaridan iborat gibrid klaster uchun elektr energiyasi sotish bo‘yicha 25 yillik shartnomani imzoladi. gazeta.uz »
O‘zbekistonda elektr va issiqlik energiyasi yetkazib beruvchilar qarzdorlik bo‘yicha da’vo arizasi topshirishda boj to‘lashdan ozod etildi. Bu qarzlarni undirish jarayonini soddalashtirishi va iste’molchilarning moliyaviy intizomini yaxshilashi kutilmoqda. gazeta.uz »
Abu Dabidagi xalqaro sammitda Ekologiya vazirligi va BAAning Tadweer Group kompaniyasi o‘rtasida Buxoroda 10 ga maydonda chiqindi yoqish zavodi qurish va elektr energiyasi olish bo‘yicha shartnoma imzolandi. gazeta.uz »
O‘zbekiston va Afg‘oniston kompaniyalari 2025-yilda Afg‘oniston bozoriga elektr energiyasi yetkazib berish bo‘yicha kelishuvni uzaytirdi. Energetika vaziri Jo‘rabek Mirzamahmudov Afg‘onistonda “Surxon - Puli-Xumri” elektr uzatish liniyasi qurilishini ham muhokama qildi. gazeta.uz »
Tabiiy gazdan foydalanadigan idoraviy va munitsipal uy-joy fondidagi, yuridik shaxslar yotoqxonalaridagi, ko‘p kvartirali uylarni boshqarish organlaridagi lokal qozonxonalarga yetkazib beriladigan tabiiy gaz narxi pasaytirildi. gazeta.uz »
2025-yilda davlat budjetidan elektr energiyasi, tabiiy gaz narxlaridagi tafovutni qoplash va issiqlik korxonalariga subsidiyalar uchun 12,3 trln so‘m ajratilishi rejalashtirilmoqda. Hukumat tariflar oshgani va 2025-yilda yana oshishiga qaramay, gaz hamda elektr energiyasi narxlarini subsidiyalashda davom etmoqchi. gazeta.uz »
Markaziy Osiyoda elektr energiyasini sotib olish va sotish bo‘yicha yagona platforma yaratish rejalashtirilmoqda, dedi energovazir o‘rinbosari. Shuningdek, u O‘zbekistonda energetika infratuzilmasi, avtomatlashtirish va energiyani saqlash bo‘yicha zaxira quvvatlarini yaratish bilan bog‘liq muammolar haqida gapirdi. gazeta.uz »
O‘zbekistonda maishiy chiqindilarni yoqish orqali elektr energiyasi va mahsulot ishlab chiqaradigan 8 ta zavod ishga tushadi. Qurilish jarayonlari 2025-yil yanvardan boshlanib, zavodlar 2026-yil dekabrda ishga tushirilishi rejalashtirilgan. gazeta.uz »
2025-yil aprelida elektr energiyasi va gaz narxining o‘sishi inflyatsiya darajasini qo‘shimcha 1,5−1,8 foiz punktiga oshiradi va bu omil kelasi yil uchun inflyatsiya prognozida hisobga olinadi, dedi MB raisi. gazeta.uz »
Hukumat qarori bilan Atom energiyasi agentligining vazifalari belgilandi. Idora atom energiyasidan foydalanish bo‘yicha yagona davlat siyosatini amalga oshiradi. gazeta.uz »
O‘zbekistonda kam ta’minlangan oilalar gaz va elektr energiyasi uchun 270 ming so‘m miqdoridagi bir martalik kompensatsiya oladi. Pul kartalarga 27-noyabrdan keyin o‘tkaziladi. gazeta.uz »
Oktabr oyidan boshlab “Hududiy elektr tarmoqlari” korxonasi iste’molchilarga chiqindilarni yig‘ish bo‘yicha qarzdorlik ortidan elektr uchun to‘lovlarni cheklash to‘g‘risida ogohlantiruvchi SMS xabarlarni jo‘natishni boshladi. gazeta.uz »
O‘zbekistonda gaz qazib olish pasayishda davom etdi va 3,78 mlrd kub metrga (bir yilda -3,6%), neftniki - 60,3 ming tonnaga (-6,2%) yetdi. Quyosh va shamol stansiyalari hisobiga elektr energiyasi ishlab chiqarish oshdi - 54,4 mlrd kVt/s (+4,1%). Ko‘mir qazib olish yana rekordni yangiladi. gazeta.uz »
2024-yil 1-noyabrgacha tadbirkorlarga elektr energiyasi va tabiiy gaz iste’moli miqdorlariga nisbatan shartnomaviy limitlarni oshirish va undan ortishiga yo‘l qo‘yilgan taqdirda ortiq iste’mol qilingan elektr energiyasi hamda tabiiy gaz uchun qo‘shimcha to‘lovni kamida 10 baravarga kamaytirish choralari ko‘riladi. gazeta.uz »
Prezident aholidan elektr energiyasi va gaz uchun majburiy to‘lovlarni undirish tartibiga o‘zgartirishlar kiritish to‘g‘risidagi qonunni imzoladi. Ilgari qonun hujjatlaridagi bo‘shliqlar tufayli 7700 dan ortiq qarzdor fuqaro tarmoqdan majburiy ravishda uzilmagan. gazeta.uz »
Toshkent viloyatining Oqqo‘rg‘on tumanida quyosh energiyasi bilan ishlaydigan tomchilatib sug‘orish tizimi ishga tushirildi, loyiha BMTTD va YI hamkorligida amalga oshirildi. Suv quyosh panellari energiyasidan foydalangan holda 180 m chuqurlikdagi quduqdan chiqariladi. Tizim quvvati 3 ga yerni sug‘orishga yetadi. gazeta.uz »
O‘zbekistonda 25-iyulda soat 15:47 da energotizimida iste’mol quvvati 11 822 MVtni tashkil qilib, rekord o‘rnatdi. Bu avvalgi rekorddan 343 MVt ko‘p. 26-iyul kun esa elektr energiyasi iste’moli avvalgi rekordni 0,9 mln kVt/soatga yangilab, 253,3 mln kVt/soatni tashkil etdi. gazeta.uz »
O‘zbekiston AQSh hamkorligida tibbiyot chiqindilaridan muqobil issiqlik energiyasi ishlab chiqarishni boshlaydi. Tibbiyot chiqindilarini to‘liq yetkazib bermaslik javobgarlikka sabab bo‘ladi. Tayyor energiya shifoxonalar, shuningdek, boshqa shaxslar tomonidan ham sotib olinishi mumkin. gazeta.uz »
2024-yil yakuniga qadar elektromobillarni quvvatlash uskunalari uchun alohida hisoblagich o‘rnatish yo‘lga qo‘yiladi. HET mas’uliga ko‘ra, fuqarolar yashashi uchun alohida, elektromobili uchun alohida tok ishlatishni xohlaydi. gazeta.uz »
O‘zbekistonda biznes va boshqa yuridik shaxslar ilgari elektr energiyasi uchun 1 kVt/soat 900 so‘m bo‘lgan tarifda belgilangan limitdan 10 foizga oshib ketsa, 960 so‘mdan to‘lardi. Endi ortiqcha hajmga 2 baravargacha bo‘lgan tarif (1800 so‘m) qo‘llanadi. HET yangi qoidalarni tushuntirdi. gazeta.uz »
O‘zbekiston elektr energiyasi bozoriga xususiy sarmoyani jalb qilish ko‘zda tutilgan qonun senatorlar tomonidan ma’qullandi. Qonunda samarali, shaffof va raqobatbardosh elektr energiyasi bozorining rivojlanishini qo‘llab quvvatlash ko‘zda tutilgan. gazeta.uz »
Toshkent shahrining Yunusobod tumanida suv quvuridagi avariyani bartaraf etish ishlari yakunlandi. Suv ta’minoti tiklandi. Yerto‘lalarda namlik borligi uchun elektr hozircha ulanmagan. gazeta.uz »
Energetika vazirligi Statistika agentligining may oyida elektr ishlab chiqarish kamayishi bo‘yicha ma’lumotlarini izohlab, quyosh va shamol elektrostansiyalari hisobiga elektr ishlab chiqarishning o‘sishi 5,8 foizni tashkil etganini bildirdi. gazeta.uz »
