Tomonidan - Ïîñëåäíèå íîâîñòè [ Ôîòî â íîâîñòÿõ ] | |
Buxgalterlarning xalqaro sertifikat imtihon xarajatlari qoplab beriladi. Bunda talabgorlar 2026-yil 1-maydan 2028-yil 31-dekabrgacha dastlabki ro‘yxatdan o‘tishi va imtihon topshirishi shart. Nomzodlar davlat xizmatlari markazlari hamda YAIDXP yoki subsidiya.mf.uz orqali tegishli hujjatlarni taqdim etadi. gazeta.uz »
Yanvar-mart oylarida aholi banklarga sotib olganidan $2,9 mlrd ko‘proq valyuta sotdi. Ayni paytda biznes tomonidan xorijiy valyutaga talab (23%) taklifga (11%) nisbatan tezroq o‘sdi. Valyutaga talab ortishi fonida Markaziy bank almashuv kursi 1,5% ga pasayib, kunlik tebranuvchanlik darajasi ikki karra oshdi. gazeta.uz »
2026-yilning yanvar-mart oylarida ichki ishlar xodimlari tomonidan 36 ta jinoyat sodir etildi, xizmat intizomini qo‘pol ravishda buzgan 32 nafar xodim tizimdan bo‘shatildi. IIV rahbari o‘rinbosariga ko‘ra, o‘tgan uch oyda 10 nafar xodim xizmat vazifasini bajarish chog‘ida vafot etdi, 39 nafari esa jarohatlandi. gazeta.uz »
O‘zbekistonda futbol klublarini to‘g‘ridan-to‘g‘ri davlat budjetidan moliyalashtirish modeli joriy etiladi. 2026-yilda jamoalar 560 slrd so‘m - har biri 35 mlrd so‘mdan oladi. Ular uchun ham daromad solig‘i bekor qilinadi, ijtimoiy soliq stavkasi esa 1 foizni tashkil etadi. gazeta.uz »
Bekobod shahrida 11-sinf o‘quvchisi bir guruh o‘smirlar bilan janjal oqibatida vafot etdi. Marhum avval kaltaklangan, so‘ng uning ko‘krak qismiga pichoq bilan jarohat yetkazilgan. Holat yuzasidan jinoyat ishi qo‘zg‘atilib, gumonlanuvchi qo‘lga olindi. Marhumning yaqinlari qonuniy chora ko‘rilishini so‘ramoqda. gazeta.uz »
Uchko‘prik tumanida 14 yoshli qiz bir necha shaxs tomonidan zo‘rlandi. Holat bo‘yicha jinoyat ishi qo‘zg‘atilib, gumonlanuvchilarga nisbatan qamoq ehtiyot chorasi qo‘llangan. Dastlabki tergov harakatlari Farg‘ona viloyati IIB tomonidan olib borilmoqda. gazeta.uz »
Noyabrda aholi tomonidan sezilgan inflyatsiya 11,8% ni tashkil etdi, bu o‘tgan yilning iyulidan beri kuzatilgan eng past ko‘rsatkichdir. Eng ko‘p respondentlar energiya va dori-darmon narxlarida o‘sish sezilganini qayd etdi. gazeta.uz »
Kembrij lug‘ati Parasocial (Parasotsial) so‘zini 2025-yilning eng yaxshi so‘zi sifatida tanladi. Bu atama odamlarning mashhur shaxs, kitob, film, teleserial yoki chatbot qahramoni bilan bir tomonlama hissiy bog‘lanishini tasvirlaydi. gazeta.uz »
Jinoyat ishlari bo‘yicha G‘allaorol tuman sudida Ukrainadagi urushda Rossiya tomonidan qatnashgan 40 yoshli fuqaro 3 yil 1 oyga ozodlikdan mahrum qilindi. U Lugansk va Donetskda Rossiya armiyasi safida xizmat qilgan, so‘ng buni yashirish uchun pasportini yirtib tashlagan va Rossiya fuqaroligini olgan. gazeta.uz »
Samarqandda ikki fuqaro onlayn qimor o‘yinlariga berilib ketgan ukasini o‘ldirgani uchun sud qilindi. Ular marhumni daraxtga bog‘lab elektr simlari bilan kaltaklagan, u olgan tan jarohatlari oqibatida vafot etgan. Aka-ukalar 8,5 va 6,5 yilga ozodlikdan mahrum qilindi. gazeta.uz »
Senatorlar noshirlik faoliyati to‘g‘risidagi qonunni ma’qulladi. Yalpi majlisda kitoblarda qonunchilik va ijtimoiy axloqqa zid ma’lumotlar nashr etilishi kuzatilayotgani qayd etib o‘tildi. Avvalroq faollar ushbu qonun yuzasidan senzura xavotirlarini bildirgandi. gazeta.uz »
Jinoyat ishlari bo‘yicha Shahrisabz tumani sudida Rossiya tomonidan Ukrainaga qarshi urushda o‘z xohishi bilan qatnashgan O‘zbekiston fuqarosi ozodligi 4 yilga cheklandi. U 2024-yil 26-avgust kunidan janglarga kirishib, 2 marta og‘ir jarohatlangan. gazeta.uz »
8-avgust kuni Jinoyat ishlari bo‘yicha Bekobod tuman sudida Rossiya tomonidan Ukrainaga qarshi urushda qatnashgan O‘zbekiston fuqarosiga nisbatan sud hukmi o‘qildi. U Moskvaga ishlash maqsadida borib, qurilish ishlarida ishlagan. gazeta.uz »
O‘zbekistonda jismoniy yoki yuridik shaxsga yetkazilgan hamda sudning qonuniy kuchga kirgan qarori bilan aniqlangan zararni hududiy kompensatsiya jamg‘armalari hisobidan qoplab berilib, keyinchalik aybdor deb topilgan mansabdor shaxsdan to‘liq miqdorda undirib olish tartibi joriy etilishi mumkin. gazeta.uz »
Rossiya tomonidan Ukrainaga qarshi urushda qatnashgan o‘zbekistonlikning ozodligini 4 yilga cheklandi. U Rossiyada bo‘lgan vaqti narkotik bilan bog‘liq jinoyatda ayblanib, ozodlikdan mahrum qilingan. gazeta.uz »
Andijonda 65 yoshli mast fuqaro tomonidan pichoqlanishi oqibatida vafot etgan profilaktika inspektori “Jasorat” medali bilan taqdirlandi. Medal viloyat hokimi tomonidan marhumning oila a’zolariga topshirildi. gazeta.uz »
O‘zbekistonda yil boshidan beri quyosh va shamol elektr stansiyalari tomonidan 5 mlrd kVt/soat elektr energiyasi ishlab chiqarildi. Generatsiyaning 3,125 mlrd kVt/soatlik qismi quyosh elektr stansiyalari tomonidan, 1,915 mlrd kVt/soatlik qismi esa shamol elektr stansiyalari tomonidan ishlab chiqarildi. gazeta.uz »
Qirg‘iziston hukumati O‘sh viloyatidagi qirg‘iz-o‘zbek chegarasida O‘zbekiston tomonidan berilgan ikkita yirik yer uchastkasini davlat mulkiga qabul qilishni tasdiqladi. gazeta.uz »
Turkiyada qarovsiz qolgan voyaga yetmagan O‘zbekiston fuqarosi vatanga qaytarildi. U Istanbulda o‘gay otasi tomonidan jinsiy zo‘ravonlikka uchragan va bolalar uyiga joylashtirilgan. U yerdan ozod etilgach, opasi bilan yashagan. gazeta.uz »
O‘zbekistonda 2025-yil boshidan buyon quyosh va shamol elektr stansiyalari tomonidan ishlab chiqarilgan elektr energiyasi 2 mlrd kVt soatga yetdi. Quyosh elektr stansiyalari tomonidan 1 mlrd 169,9 mln kVt soat, shamol elektr stansiyasi tomonidan esa 830,1 mln kVt soat elektr energiyasi ishlab chiqarildi. gazeta.uz »
O‘zbekistonda hokimlarga tugallangan investitsiya loyihalariga o‘zgartirishlar kiritish taqiqlanmoqda - bu masala faqat hukumat darajasida ko‘rib chiqiladi, dedi prezident. Xususiylashtirish dasturi doirasida 49 ta korxonaning davlat ulushi xalqaro bozorga chiqariladi. gazeta.uz »
Italiyada Il Foglio gazetasi neyron tarmog‘i tomonidan yozilgan birinchi sonni nashr etdi. Sun’iy intellekt barcha material va sarlavhalarni o‘zi tayyorlagan. Bunda yangi texnologiyalarning inson hayoti va faoliyatiga ta’sirini o‘rganish reja qilingan. U 4 sahifadan iborat bo‘lib, bosma va onlayn shaklda mavjud. gazeta.uz »
Senat O‘zbekiston Suv kodeksini tasdiqlash to‘g‘risidagi qonunni ma’qullandi. Kodeksda suv, suv obyektlari, suv xo‘jaligi obyektlari va suv fondi yerlaridan foydalanish hamda ularni muhofaza qilish sohasidagi munosabatlarni tartibga solingan. gazeta.uz »
2025-yilda 2 mln nafar ayollar bandligini ta’minlash, shundan 1 million 300 ming nafar xotin-qizni tadbirkorlikka jalb etish rejalashtirilmoqda. Buning uchun tijorat banklari tomonidan ayollar tadbirkorligini rivojlantirish uchun qulay moliyaviy paketlar taqdim etiladi. gazeta.uz »
Prezident ayrim idoralar tomonidan sudga ta’sir o‘tkazishga urinishlar hali-hanuz davom etayotganini aytdi. “Barcha rahbarlarni qat’iy ogohlantiraman. Sudlar faoliyatiga har qanday aralashish odil sudlovga soya solish, deb baholanadi. gazeta.uz »
Endi oiladagi zo‘ravonlikdan jabrlangan shaxsning talabiga ko‘ra sud tomonidan yarashish uchun muhlat tayinlamasligi mumkin. Shuningdek, nizodan so‘ng erga turar joyga majburiy tartibda kiritilayotgan ayolni o‘ziga tegishli boshqa uyga kiritish majburiyati yuklatishi mumkin. Senat tegishli qonunni ma’qulladi. gazeta.uz »
Qurilish vazirligi Toshkentda ko‘p qavatli uylar boshqaruv shaklini o‘zgartirishga majburlashning yangi to‘lqini haqidagi xabarlarga munosabat bildirdi. “Xalq tomonidan tan olinib kelinayotgan” UJMShlar ishiga aralashish javobgarlikka sabab bo‘lishi, “har bir soha doimiy takomillashtirilishi kerak"ligi ta’kidlandi. gazeta.uz »
Samarqand viloyatida 27 yoshli ayol eri tomonidan kaltaklanganidan so‘ng bir necha kun o‘tib ahvoli yomonlashgan va shifoxonada vafot etgan. Zo‘ravonlikka uchragan ayol dastlab holatni mahalla idorasiga ma’lum qilgan. gazeta.uz »
Oqqo‘rg‘on tumanida 23 yoshli ayol 37 yoshli turmush o‘rtog‘i tomonidan ayovsiz kaltaklanganidan so‘ng komaga tushib, vafot etdi. Ayrim xabarlarga ko‘ra, kaltaklashda erning onasi va boshqa qarindoshi ham ishtirok etgan bo‘lishi mumkin. gazeta.uz »
Adliya vazirligida “Advokatlik tuzilmalari tomonidan statistik ma’lumotlarni taqdim qilish tartibi to‘g‘risida"gi nizom ro‘yxatdan o‘tkazildi. Unga ko‘ra, faoliyat yuritayotgan advokatlik tuzilmalari tomonidan statistik ma’lumotlar har bir hisobot davri uchun taqdim etiladi. gazeta.uz »
Yil boshidan buyon O‘zbekistonda umumiy maydoni qariyb 721 gektar bo‘lgan 1928 ta noqonuniy chiqindixona aniqlandi, deb xabar qildi “O‘zbekkosmos” agentligi. Eng ko‘p - 363 ta chiqindi poligoni Toshkent viloyatiga to‘g‘ri keladi. gazeta.uz »
O‘zbekistonda termitlar yoki boshqa hasharotlar tufayli zararlangan uylarda yashovchilarga davlat tomonidan yangi uy-joy beriladi. YAIDXPda uy-joylarni baholash va yashash uchun yaroqsiz deb topish xizmati yo‘lga qo‘yildi. gazeta.uz »
Samarqand viloyatida bir guruh shaxslar 8-sinf o‘quvchisini o‘g‘irlab ketib, bir necha kun ushlab turishgan va zo‘rlashgan. Bu vaqtda ular qizni kaltaklab, spirtli ichimliklar va noqonuniy moddalar qabul qilishga majburlagan. gazeta.uz »
Xalqaro moliya korporatsiyasi O‘zbekistondagi ACWA Power loyihalari, jumladan, 1 GVt quvvatga ega FES, 668 MVt quvvatli energiya saqlash tizimi va 500 km uzunlikdagi yuqori voltli elektr uzatish liniyalari qurilishi uchun 240 mln dollar oraliq krediti ajratdi. gazeta.uz »
Qatarda ikki oylik tanaffusdan so‘ng G‘azo sektorida o‘t ochishni to‘xtatish va isroillik garovga olinganlarni ozod qilish bo‘yicha muzokaralar tiklanadi. gazeta.uz »
Xalqaro NASA Space Apps Challenge 2024 xakatonida O‘zbekistondan 35 jamoa qatnashdi. Global bosqichga yo‘l olgan uch jamoa endi o‘z loyihalari bilan bosh mukofot - NASA (AQSh)ning tadqiqot markaziga sayohat uchun kurash olib boradi. gazeta.uz »
O‘zbekiston Tashqi ishlar vazirligi Afg‘oniston muvaqqat hukumatidan chegara yaqinidagi «Termiz» xalqaro savdo markazida konsertlar va musiqa jo‘rligidagi tadbirlarni bekor qilish bo‘yicha hech qanday murojaat olmaganini ma’lum qildi. gazeta.uz »
Ellikqal’a tumanidagi maktabda 1-sinf o‘quvchisi onasi tomonidan kuch ishlatib majburan sinfdan olib ketildi. Vaziyat bolaning kim bilan yashashiga oid qarindoshlar o‘rtasidagi nizo oqibatida yuzaga kelgan. gazeta.uz »
Qozog‘istonda amakisi tomonidan jinsiy zo‘ravonlikka uchragan 12 va 17 yoshli o‘zbekistonlik opa-singil vatanga qaytarildi. Qizlarning opasini ularga vasiy etib belgilash ishlari ketmoqda. Erkakka nisbatan dastlabki tergov tamomlanib, materiallar sudga yuborildi. gazeta.uz »
Toshkent viloyatidagi Mehribonlik uyi oromgohida Chilonzor tumanidagi 22-sonli mehribonlik uyidan kelgan o‘smirlar o‘rtasida janjal sodir bo‘lgan. Holat videoga olinib, ijtimoiy tarmoqlarga tarqatilgan. gazeta.uz »
Prezident siyosiy partiyalarning ustav faoliyatini moliyalashtirish uchun ajratiladigan davlat mablag‘larining yillik miqdorini oshirish to‘g‘risidagi qonunni imzoladi. gazeta.uz »
Toshloq tumanidagi maktabda jismoniy tarbiya fani o‘qituvchisi 9-sinf o‘quvchisi bilan qarama-qarshilik sababli uning qarindoshlari tomonidan do‘pposlandi. Holat IIB nazoratiga olindi, tergov harakatlari boshlandi. gazeta.uz »
Shahrisabz shahrida faxriy sambochi To‘ra Avloqulov qo‘lbola usulda yasalgan quroldan olgan jarohati oqibatida vafot etdi. Unga kafeda mast holdagi tanishi 50 ming so‘m ortidan kelib chiqqan janjal sabab o‘q uzgan. gazeta.uz »
Kinorejissor Sarvar Karimov “Gazeta. uz"ning “Mifonomika” loyihasida mehmon bo‘lib, soliq to‘lovchilarning pullarini kino sohasiga ajratish qanchalik o‘rinli ekani haqidagi fikrlari bilan bo‘lishdi. gazeta.uz »
Qarshi shahrida yashovchi 16 yoshli qiz bolalar ombudsmaniga onasining vafotidan keyin o‘zi va singlisiga otasining qilgan zo‘ravonliklari haqida aytdi. O‘smirlar bir necha bor uydan ham qochib ketgan. gazeta.uz »
Quva tuman tumanidagi qabristondagi 62 tup archa daraxti tuman obodonlashtirish boshqarmasi xodimlari tomonidan o‘zboshimchalik bilan ostidan kesib tashlangani aniqlandi. Holat bo‘yicha jinoyat ishi qo‘zg‘atildi. gazeta.uz »
Xalqaro reyting Standard & Poor's; Milliy reyting «AhborReyting» RA bank.uz »
