ëãàí - Ïîñëåäíèå íîâîñòè [ Ôîòî â íîâîñòÿõ ] | |
Epshteyn hatto uy qamog‘ida bo‘lgan vaqtida ham meni 3 yil davomida zo‘rlab kelgan, dedi o‘zbekistonlik ayol AQShdagi eshituvda. Modellik va’dasi bilan AQShga chaqirilgan jabrlanuvchi o‘sha yillarda “adolatga bo‘lgan ishonchi so‘ngani”, yaqinda fayllarda shaxsi ochiqlangach esa ruhiy bosim ostida qolganini ma’lum qildi. gazeta.uz »
Ustyurtda konlar ochilganidan keyin ham ular O‘zbekiston mulki bo‘lib qoladi, bitim doirasida esa faqat qazib olinadigan mahsulot taqsimlanadi, dedi “O‘zbekneftgaz” bosh geologi Nodir Muhiddinov. Uning so‘zlariga ko‘ra, bitimda mamlakatning iqtisodiy manfaatlari “yaxshi himoya qilingan”. gazeta.uz »
Navoiyning Zarafshon shahrida kuyoviga suiqasd uyushtirish uchun 40 mln so‘m va’da qilgan ayol qo‘lga olindi. “Ruhiy xasta bo‘lib qolsin, kim urdi, nima bo‘ldi, aytib berolmasin”, - degan gumonlanuvchi yollangan shaxslarga. Holat yuzasidan jinoiy ishi ochildi. gazeta.uz »
Nurota tumanida 14 nafar bog‘cha bolasi bo‘lgan Matiz halokatga uchradi. Rulda haydovchilik guvohnomasi olmagan oilaviy bog‘cha rahbari bo‘lgan. Hodisa oqibatida ayol vafot etdi, bolalar turli tan jarohatlari bilan shifoxonaga yetkazilgan. gazeta.uz »
Bolalar ombudsmani Toshkent viloyatida PPX xodimi 14 yoshli qizga shilqimlik qilgani aytilgan xabarlar fonida holatni nazoratga olganini ma’lum qildi. Avvalroq viloyat IIBB xabarlarni rad etgandi. Xodimga xizmat tekshiruvi tayinlangan. gazeta.uz »
Toshkentda yo‘lovchilar bilan qo‘pol muomalada bo‘lgan 11-sonli avtobus haydovchisi ishdan bo‘shatildi. “Toshshahartransxizmat”ga ko‘ra, sinov muddatida ishlayotgan xodim texnik nosozlik vaqtida yo‘lovchilarning haqli e’tirozlariga baqirib javob qaytarib, jamoat transporti madaniyatini buzgan. gazeta.uz »
Ruminiyada femitsid (xotin-qizlarni aynan jinsi sababli qasddan o‘ldirish)ga qarshi kurash to‘g‘risidagi qonun kuchga kirdi. Unda umrbod ozodlikdan mahrum qilishgacha bo‘lgan jazo ko‘zda tutilgan. Avvalroq Italiya femitsidni alohida jinoyat deb tan olgan va umrbod qamoq jazosi belgilagandi. gazeta.uz »
Toshkentda fuqaro ijtimoiy tarmoqlar orqali Suriyadagi jangarilar ta’siriga tushib, u yerga ketishni rejalashtirgani uchun 6 yilga qamaldi. U tanishlarini ham qurolli mojarolarda ishtirok etishga undagan. gazeta.uz »
Chust tumanida hokim yordamchisi kichik sanoat zonasi hududidagi 20 sotix yerni 23 ming dollarga sotmoqchi bo‘lgani aniqlandi. U puldan 10 ming dollar olayotganida qo‘lga olindi. gazeta.uz »
Buxoroda 18 yoshli qiz o‘zining uch kunlik chaqalog‘ini 4000 dollarga sotmoqchi bo‘lganida ushlandi. U shartli xaridordan 800 dollar olayotganda qo‘lga olingan. Holat bo‘yicha odam savdosi moddasi bilan jinoyat ishi qo‘zg‘atildi. gazeta.uz »
Xorijda ishlamoqchi bo‘lgan o‘zbekistonliklarga til o‘rganish xarajatlarining 50 foizi hamda kasbiy imtihonlar to‘liq davlat tomonidan qoplab beriladi, bunda mablag‘larni o‘quv markazlariga emas, fuqarolarning o‘ziga berish ko‘zda tutilmoqda. Bu bo‘yicha Prezidentga tegishli takliflar kiritildi. gazeta.uz »
Toshkent xalqaro aeroportida Istanbuldan kelgan yo‘lovchi $35 evaziga notanish shaxsning sumkasini olib o‘tayotganida to‘xtatildi. Uning ichidan yeryong‘oq qadog‘iga yashirilgan 600 ga yaqin sintetik giyohvandlik vositasi topildi. gazeta.uz »
Chirchiq shahrida vagon ustiga chiqib selfi tushmoqchi bo‘lgan 17 yoshli o‘smirni tok urdi. Shifokorlarga ko‘ra, bola tanasining 80−85 foiz qismi jiddiy kuyish jarohatini olgan. Hozirda o‘smir reanimatsiyada qolmoqda. gazeta.uz »
Chilonzordagi “Beshqo‘rg‘on” bozori va uning yaqinidagi zapravka yong‘in xavfsizligi qoidalari qo‘pol ravishda buzilgani uchun yopildi. FVV tekshiruvida majmuadagi yong‘in o‘chirish tizimi ishlamayotgani va boshqa jiddiy kamchiliklar aniqladi. gazeta.uz »
NASA bortida to‘rt nafar astronavt bo‘lgan boshqariladigan kosmik kemani Oy sari muvaffaqiyatli uchirdi. “Artemida II” missiyasi doirasida ekipaj Oy atrofida bir marta aylanib chiqadi. Ekspeditsiya taxminan 10 kun davom etadi. Parvoz va uning tafsilotlari. gazeta.uz »
Kobul umumiy suv resurslarini adolatli taqsimlashga chaqirdi va qo‘shni davlatlarning qonuniy huquqlariga rioya qilish niyatida ekanini bildirdi. Afg‘onistonning konstruktiv hamkorlikka tayyorligi bo‘yicha mamlakat suv resurslari va energetika vaziri o‘rinbosari Tashkent Water Week forumida bayonot berdi. gazeta.uz »
Chust tumanida korxonaning 376,6 mln so‘m miqdoridagi soliq qarzdorligini tizimdan o‘chirib berish evaziga 20 mln so‘m olgan ayol va uning tanishi, tuman soliq inspeksiyasining bosh inspektori ushlandi. gazeta.uz »
O‘zbekistonda kiberhodisalarga chora ko‘rish tizimi yaratiladi, davlat organlarida kiberxavfsizlik bo‘limlari ochiladi. Telefon firibgarligiga qarshi kurash uchun antifishing platforma va spam qo‘ng‘iroqlarni filtrlash tizimi joriy etiladi. gazeta.uz »
Qarshidagi bozor rahbari do‘konni rasmiylashtirish uchun tadbirkordan 80 ming dollar talab qilib, undan 30 ming dollarini olayotganda qo‘lga olindi. Buxorodagi bozor rahbari esa yer maydoni ajratish evaziga 11 ming dollar olayotganda ushlandi. gazeta.uz »
Rostov viloyati Bataysk shahridagi uyda chiqqan yong‘in oqibatida voyaga yetmagan o‘zbekistonlik halok bo‘ldi. Uning hujjatlari yonib ketgani sabab jasadni vatanga qaytarishda muammo yuzaga kelgan. Bosh konsulxona ko‘magida marhumning jasadi Krasnodar-Toshkent reysi orqali O‘zbekistonga olib kelindi. gazeta.uz »
Buxoro shahrida 17 yoshli qiz ko‘p qavatli uy tomidan o‘zini tashlashga urindi. Tasodifan hodisa joyida bo‘lgan FVV xodimi u bilan suhbatlashib, qo‘lidan ushlab qoldi va fuqarolar yordamida pastga tushirdi. gazeta.uz »
Eronning Minob okrugidagi qizlar maktabining o‘qqa tutilishi oqibatida halok bo‘lgan 165 nafar bola va o‘qituvchining ommaviy dafn marosimlari bo‘lib o‘tdi. YUNESKO ushbu hujumni xalqaro gumanitar huquqning qo‘pol ravishda buzilishi deb atab, uni qoraladi. gazeta.uz »
Shavkat Mirziyoyev marhum kichik serjant Xosilbek Eshnazarovni “Jasorat” medali bilan taqdirladi. YPX inspektori Toshkentda 16 yoshli o‘quvchi boshqaruvidagi BMW M4 avtomobili urib yuborishi oqibatida halok bo‘lgandi. gazeta.uz »
Qo‘shrabot tumani hokimi o‘z xotini va o‘g‘lini delegatsiya tarkibida Xitoyga yuborgani, Kattaqo‘rg‘on tumani hokimligi delegatsiyasida esa safar maqsadiga aloqasi bo‘lmagan hokimlik xodimi ham kiritilgani aniqlandi. gazeta.uz »
Shanba kuni Dubaydan O‘zbekistonga bir nechta reys amalga oshmay qoldi. Yo‘lovchilar mehmonxonalarga joylashtirilgan. Ularning ayrimlari Gazeta bilan suhbatda sharoitlar, kechinmalar va bir-birini qanday qo‘llab-quvvatlayotgani haqida so‘zlab berdi. gazeta.uz »
Toshkent aeroportida 25 yoshli qizni Turkiyaga fohishalikka jo‘natmoqchi bo‘lgan ikki ayol ushlandi. Ular turli va’dalar va yolg‘on ma’lumotlar orqali qizning ishonchiga kirgan. Holat yuzasidan odam savdosi moddasi bilan jinoyat ishi qo‘zg‘atildi. gazeta.uz »
Peru Kongressi muvaqqat prezident Xose Xerini lavozimidan chetlatdi - u o‘z postida 4 oydan sal ko‘proq qoldi. Uning xitoylik tadbirkorlar bilan norasmiy uchrashuvidan so‘ng boshlangan korrupsiya tergovi iste’foga sabab bo‘ldi. gazeta.uz »
2025-yilda hayvonlarga nisbatan shafqatsiz munosabatda bo‘lgan 70 nafar fuqaro ma’muriy javobgarlikka tortildi. Ularning 66 nafariga jami 84 million so‘m miqdorda jarima va 4 nafariga ma’muriy qamoq jazolari qo‘llanilgan. gazeta.uz »
Shavkat Mirziyoyev Ohangarondagi Infinity Copper Group korxonasida bo‘ldi. Qiymati $36 mln bo‘lgan loyiha Xitoy va Germaniya kompaniyalari bilan amalga oshirilmoqda. U 350 mln dollarlik eksportni ta’minlashi kutilmoqda, mahsulotlarni BAA, Afrika qit’asi, AQSh va Yevropaga yetkazib berish reja qilingan. gazeta.uz »
Andijon viloyatida tadbirkorni yollanma qotil orqali o‘ldirishni rejalashtirgan guruh a’zolari ushlandi. Ular qotilga kelishilgan 1500 dollardan dastlabki pulni berayotgan vaqtda qo‘lga olingan. Holat yuzasidan qasddan odam o‘ldirishga suiqasd moddasi bilan jinoyat ishi qo‘zg‘atildi. gazeta.uz »
O‘zbekistonda ko‘p qavatli uylar atrofidagi daraxt va butalarni, agar suv hisoblagichi bo‘lsa, kechayu kunduz sug‘orishga ruxsat berildi. Avvalroq Toshkentda yoz va bahorda shaxsiy tomorqani sug‘orish bo‘yicha qo‘yilgan cheklov bekor qilingandi. gazeta.uz »
Nukusda bolalarga nisbatan muntazam zo‘ravonlik qilib kelgan xususiy bog‘cha xodimlarining ozodligi cheklandi. Kichik guruh tarbiyalanuvchilariga nisbatan shafqatsiz munosabat o‘tgan yilning fevralida - xodimlar bolalarni tepib, boshiga urgani aks etgan videolar tarmoqlarda tarqalganidan so‘ng ma’lum bo‘lgandi. gazeta.uz »
Nomusga tegish jinoyati bo‘yicha Interpol qidiruvida bo‘lgan o‘zbekistonlik erkak Gruziyadan ekstraditsiya qilindi. Bu ikki oy ichida O‘zbekiston fuqarolarining Gruziyadan qilingan uchinchi ekstraditsiyasi bo‘ldi, deydi IIV. gazeta.uz »
Turkiyada qotillik qurboni bo‘lgan Durdona Hakimovaning jasadi va uning ikki farzandi O‘zbekistonga qaytarildi, deb xabar qildi Istanbuldagi Bosh konsulxona. Idora uning faoliyatiga oid ma’lumotlarni ochiqlab, fuqarolardan “marhumaning sha’nini kamsituvchi hamda biryoqlama fikrlar” tarqatmaslikni so‘radi. gazeta.uz »
Donald Tramp global mojarolarni hal qilish bilan shug‘ullanadigan yangi xalqaro tashkilot - Tinchlik kengashini yaratmoqda. Unga AQSh prezidentining o‘zi rais bo‘ladi. Mamlakatlar doimiy a’zolik uchun $1 mlrd to‘lashi kerak. gazeta.uz »
Venesuela ichki ishlar vaziri AQShning mamlakatga qilgan hujumi oqibatida kamida 100 kishi halok bo‘lganini bildirdi. AQSh avvalroq 75 kishining vafoti haqida xabar bergandi. O‘z navbatida, prezident Nikolas Maduroni qo‘riqlash bilan shug‘ullangan 32 nafar kubalik halok bo‘lgan. gazeta.uz »
Donald Trampning Oq uyga qaytishi va uning butun dunyo bilan savdo urushi, Yaqin Sharqdagi zaif sulh, Rossiya va Ukraina o‘rtasida davom etayotgan urush va 2025-yildagi boshqa muhim global voqealar - Gazeta obzorida. gazeta.uz »
8 mingdan ortiq yetim bolalarga $500 miqdoridagi shaxsiy depozitlar hisob raqamlari va ijtimoiy kartalarga o‘tkazildi. Mablag‘lar 18 yoshgacha jamg‘ariladi va kapitalizatsiya hisobiga ko‘payadi. Ijtimoiy kartalar transportdan imtiyozli foydalanish, tovarlar va xizmatlar uchun to‘lovlar qilish imkonini beradi. gazeta.uz »
Yuqori maoshli ish tufayli Tailandga borgan bir guruh o‘zbekistonliklar Myanmaga olib ketilib, zo‘ravonlik bilan noqonuniy ishlatildi. Ular bilan birga shunday ahvolga tushib qolgan Qozog‘iston va Qirg‘iziston fuqarolari Bangkokdagi Bosh konsulxona yordami bilan vatanlariga qaytarildi. gazeta.uz »
Jinoiy uyushma yetakchisi sifatida qator jinoyatlari uchun qidiruvda bo‘lgan 32 yoshli erkak (“Gryaz” laqabli) Turkiyadan O‘zbekistonga olib kelindi. U bosqinchilik, tovlamachilik, jinoiy uyushma tashkil etish kabilarda gumonlanmoqda. gazeta.uz »
Prezident Konstitutsiya kuni munosabati bilan qilmishiga pushaymon bo‘lgan va tuzalish yo‘liga o‘tgan 615 nafar shaxsni afv etdi. Ulardan 9 nafari xorijlik, 29 nafari ayol, 264 nafari 30 yoshgacha bo‘lgan (jumladan, ikki nafar bola) va to‘qqiz nafari taqiqlangan tashkilotlarga a’zo bo‘lgan shaxslardir. gazeta.uz »
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi. gazeta.uz »
Ikki kun oldin Gonkongdagi turar joy binolarida chiqqan yong‘in oqibatida halok bo‘lganlar soni 128 tadan oshdi, 79 kishi jarohatlangan, 200 ga yaqin odam bedarak yo‘qolgan. O‘zbekiston TIV hodisa tufayli vatandoshlardan hech kim vafot etmagani yoki jarohat olmaganini ma’lum qildi. gazeta.uz »
Gonkongdagi turar joy majmuasida yuz bergan yirik yong‘in qurbonlari soni 55 kishiga yetdi, 300 ga yaqin kishi bedarak yo‘qolgan. Binolarni rekonstruksiya qilish uchun mas’ul bo‘lgan 3 kishi ushlandi. gazeta.uz »
25 yildan ortiq qidiruvda bo‘lgan O‘zbekiston fuqarosi mamlakatga olib kelindi. U 1999-yilda chiqib ketib, Afg‘oniston, Pokiston va Suriyadagi xalqaro terroristik tashkilotlarning jangovar harakatlarida ishtirok etganlikda gumonlangan. Erkak noyabr oyida MDHga a’zo davlatlarning birida ushlandi. gazeta.uz »
Malayziyada 2026-yildan 16 yoshgacha bo‘lgan foydalanuvchilar uchun ijtimoiy tarmoqlardan foydalanishni taqiqlash reja qilinmoqda. Qaror yoshlarni onlayn tahdidlar - qo‘rqitish, moliyaviy firibgarlik va jinsiy zo‘ravonliklardan himoyalash zarurati bilan izohlanmoqda. gazeta.uz »
Kichik halqa avtomobil yo‘lida ta’mirlash ishlari olib borilishi sababli Beshqayrag‘och ko‘chasidan Foziltepa ko‘chasigacha bo‘lgan qismida 24-noyabr soat 06:00 gacha bir tomonlama harakat vaqtincha cheklanadi. gazeta.uz »
Dunyo bo‘ylab YTH oqibatida yiliga 1,2 mln kishi halok bo‘lmoqda, yana 50 mln kishi jarohatlanmoqda yoki nogiron bo‘lib qolmoqda, dedi BMT bosh kotibi. Halok bo‘lgan har 10 kishidan 9 nafari kam va o‘rta daromadli mamlakatlardan. gazeta.uz »
Samarqandda fermer xo‘jaligi rahbari 3 gektar yerni issiqxona qurish niyatidagi fuqaroga 300 ming dollarga sotmoqchi bo‘ldi. U oldindan pulning bir qismini olayotganda ushlandi. Qashqadaryoda ikki kishi zaxiradagi yerni uy qurish uchun 180 mln so‘mga sotmoqchi bo‘lganda qo‘lga olindi. gazeta.uz »
Toshkent viloyati “Farhod” postida 2 ta holatda jami 5,2 mlrd so‘mlik valyutalarni Tojikistonga olib o‘tmoqchi bo‘lganlar ushlandi. Bir holatda pullar 34 kishiga bo‘lib berilgan holda o‘tishi reja qilingan bo‘lsa, boshqasida fuqaroning mashinasidan rubl, somoni, yevro, dollar, yuan, som kabi valyutalar aniqlangan. gazeta.uz »
