Xitoy - Ïîñëåäíèå íîâîñòè [ Ôîòî â íîâîñòÿõ ] | |
Tramp va Si Szinpin oxirgi 9 yilda ilk bor Xitoyda uchrashdi. Gazeta ekspert Temur Umarov bilan biror-bir yutuqni kutish kerakmi, tomonlar qanday maqsadlarni ko‘zlamoqda va sammit dunyo hamda MO uchun qanday oqibatlarga olib kelishi mumkinligini muhokama qildi. gazeta.uz »
XXR raisi Si Szinpin Tayvanning muxolifatdagi “Gomindan” partiyasi rahbari Chjen Liven bilan uchrashuvda Xitoy orolning mustaqilligiga “toqat qilmasligini” ma’lum qildi. Bu Si Szinpin va “Gomindan” partiyasi yetakchisi o‘rtasida so‘nggi 10 yil ichida o‘tkazilgan ilk muzokaralardir. gazeta.uz »
Xitoy, Afg‘oniston va Pokiston Urumchida norasmiy muzokaralar o‘tkazdi. Maslahatlashuvlar yakunida Afg‘oniston va Pokiston tomonlari vaziyatning keskinlashuviga olib keladigan harakatlarni amalga oshirmaslik majburiyatini oldi, deb xabar berdi Xitoy TIV. gazeta.uz »
Xitoy 2026-yil uchun YIM o‘sishi bo‘yicha maqsadli ko‘rsatkichni 4,5% dan 5% gacha bo‘lgan oraliqda belgiladi. Bu Pekin uchun 1991-yildan beri eng past ko‘rsatkichdir. Rasmiylar mamlakat “tashqi zarbalar ichki qiyinchiliklar bilan chirmashib ketgan bunchalik murakkab vaziyatga kamdan kam duch kelganini” ta’kidladi. gazeta.uz »
Qo‘shrabot tumani hokimi o‘z xotini va o‘g‘lini delegatsiya tarkibida Xitoyga yuborgani, Kattaqo‘rg‘on tumani hokimligi delegatsiyasida esa safar maqsadiga aloqasi bo‘lmagan hokimlik xodimi ham kiritilgani aniqlandi. gazeta.uz »
Xitoyning Sinohydro va TBEA kompaniyalari O‘zbekistonda 5 ta GESni modernizatsiya qiladi. Shahrixon (GES-5A, GES-6A) va Quyi Bo‘zsuv (GES-19, 22, 23) kaskadlaridagi stansiyalar modernizatsiya qilinib, ularning quvvati oshiriladi va qo‘shimcha elektr energiya ishlab chiqarish yo‘lga qo‘yiladi. gazeta.uz »
“O‘zbekneftgaz” Xitoyning BGP, Yuhang va CNPC kompaniyalari bilan seysmik qidiruv, burg‘ilash va texnologiyalar bo‘yicha hamkorlikni kengaytirishni muhokama qildi. 2026-yilda Muborak va Ustyurtda tadqiqotlar, kamida 6,5 ming kv km maydonda 3D seysmika va quduqlar burg‘ilash rejalashtirilmoqda. gazeta.uz »
Xitoy yashirin eshik tutqichli avtomobillar ishlab chiqarishni taqiqlab, bunday tuzilmadan voz kechgan birinchi davlatga aylandi. Qaror qator o‘lim bilan tugagan YTHlardan so‘ng qabul qilindi - bunday mexanizmli mashinalarda yo‘lovchilar avtomobildan chiqib keta olmagan. Yangi standartlar 2027-yildan kuchga kiradi. gazeta.uz »
Sirdaryo tumanida xitoylik hamkorlar ishtirokida avtomobil ishlab chiqarishni yo‘lga qo‘yish rejalashtirilmoqda, dedi prezident. 2026-yilda ishga tushiriladigan loyiha uchun 122 mln dollar mablag‘ ajratilgan. gazeta.uz »
O‘zbekiston 2026-yilda “Samarkand-2028” masofaviy zondlash sun’iy yo‘ldoshini uchiradi. Xitoy kompaniyasi o‘z giperspektral apparatlaridan biriga shunday nom beradi. SI modulli sun’iy yo‘ldosh paxta va g‘alla vegetatsiyasini aniqlay oladi, dedi raqamli texnologiyalar vaziri birinchi o‘rinbosari Oleg Pekos. gazeta.uz »
Shavkat Mirziyoyev Xitoy tashqi ishlar vaziri Van I boshchiligidagi delegatsiyani qabul qildi. Uchrashuvda yuqori texnologiyalar, “yashil” va atom energetikasi, sun’iy intellekt, transport, infratuzilma, qishloq xo‘jaligi, geologiya, kimyo va boshqa yo‘nalishlardagi hamkorlikni ilgari surishga e’tibor qaratildi. gazeta.uz »
Hyundai Rotem tezyurar poyezdlari dekabrdan O‘zbekistonga yetib kela boshlaydi, 2026-yildan esa “Toshkent - Urganch - Xiva” yo‘nalishida harakatlanadi. Toshkent va uning aglomeratsiyasi uchun 23 ta “elektrichka”, tog‘li uchastkalar uchun Janubiy Koreya poyezdlari va Xitoydan 88 ta lokomotiv xarid qilish ko‘zda tutilgan. gazeta.uz »
Andijonda Xitoy bilan hamkorlikda gidroelektrostansiya qurilishi mumkin. Viloyat hokimligi va Sichuan Power Transmission & Transformation Construction kompaniyasi 200 MVtli GES qurish va mavjud podstansiyalarni modernizatsiya qilish bo‘yicha 500 mln dollarlik investitsiya loyihasini amalga oshirishga kelishib oldi. gazeta.uz »
Xitoyning PetroChina, Sinopec, CNOOC va Zhenhua Oil davlat neft kompaniyalari sanksiyalardan xavotir tufayli hech bo‘lmaganda qisqa muddatga dengiz orqali Rossiya neftini sotib olishni to‘xtatdi, deb yozmoqda Reuters. gazeta.uz »
Xitoy Savdo vazirligi AQShni Pekinning nodir metallar eksporti ustidan nazorat choralarini joriy etishi tufayli butun dunyoda ataylab vahima qo‘zg‘atishda aybladi. gazeta.uz »
Yaqinda AQSh Xitoydan keladigan tovarlarga 100 foizli qo‘shimcha bojlar joriy etishini e’lon qildi. Trampning Xitoyga qarshi savdo urushi uning o‘z lavozimiga kirishgan yanvar oyidan beri kichik pauzalar bilan davom etmoqda. gazeta.uz »
Jamshid Qo‘chqorov kambag‘allikka qarshi kurashish siyosatida Xitoy tajribasiga katta e’tibor berilayotganini ta’kidladi. U, shuningdek, Shavkat Mirziyoyev O‘zbekistonda kambag‘allikni qisqartirish siyosatining asoschisi va muallifi ekanini, bu siyosat xalqaro hamjamiyat tomonidan to‘liq qo‘llab-quvvatlanayotganini aytdi. gazeta.uz »
Toshkentda mushukka shafqatsiz munosabatda bo‘lgan Xitoy fuqarosi javobgarlikka tortildi. U mushukka qayta-qayta qaynoq suv quygan va uni idishda ushlab, tashqariga chiqishga qo‘ymagan. Erkakka 5 sutka ma’muriy qamoq jazosi tayinlandi. gazeta.uz »
AQSh va Xitoy TikTok ijtimoiy tarmog‘ini AQShdagi kompaniyaga sotish shartlari bo‘yicha umumiy kelishuvga erishdi. Donald Tramp va Si Szinpin uchrashuvidan so‘ng bitim yakuniy tasdiqlanishi kutilmoqda. gazeta.uz »
Barcha viloyatda Xitoy tajribasi asosida kasbga o‘rgatuvchi O‘zbekiston - Xitoy ustaxonalari ochiladi. Shavkat Mirziyoyevning aytishicha, bunday loyihalar uchun texnologiyalar va xitoy tilini yaxshi biladigan kadrlar kerak. gazeta.uz »
Xitoyning Tianjin Rail Transit Group kompaniyasi Toshkentda yangi metro bekatlarini qurishda ishtirok etishni rejalashtirmoqda. Kompaniyadan mavjud bekatlarni modernizatsiya qilish va yangi bekatlarni qurishda ishtirok etish takliflari olindi. gazeta.uz »
Pekindagi Tyananmen maydonida Ikkinchi jahon urushi tugaganining 80 yilligiga bag‘ishlangan Xitoy tarixidagi eng yirik harbiy parad bo‘lib o‘tdi. Mehmonlar orasida Markaziy Osiyo mamlakatlarining barcha rahbarlari bor edi. gazeta.uz »
O‘zbekiston va Xitoy o‘rtasida energetika xomashyosi, ko‘mir, uran va kritik minerallar yo‘nalishlarida ko‘plab yirik loyihalar portfeli shakllantirilgan. Tomonlar jami qiymati 5 milliard dollar atrofida bo‘lgan 13 ta yangi investitsion loyihalarni amalga oshirishga kelishib olgan. gazeta.uz »
Xitoyning China Shandong Huada Group kompaniyasi Andijon viloyatining Qo‘rg‘ontepa hamda Xo‘jaobod tumanlari hududida logistika parkini tashkil etishga 500 mln dollar sarmoya kiritishni rejalashtirmoqda. gazeta.uz »
O‘zbekiston va Xitoyning Xinjiang Huijia Biotechnology kompaniyasi agrobiznes va biotexnologiya, jumladan, sog‘lom oziq-ovqat bozorida tabiiy shakar o‘rnini bosuvchi mahsulotlar ishlab chiqarish uchun ommabop xomashyo - steviya yetishtirish bo‘yicha qo‘shma loyihalarni ishlab chiqish masalalarini muhokama qildi. gazeta.uz »
O‘zbekiston va Xitoy o‘rtasida kelishilgan aviaqatnovlar sonini haftasiga 130 tagacha oshirish masalasi ikki mamlakat delegatsiyalari o‘rtasidagi muzokaralarda muhokama qilindi. Shuningdek, Xitoyga parvoz qilish huquqiga ega O‘zbekiston aviatashuvchilari sonini 8 ta yetkazish rejalashtirilmoqda. gazeta.uz »
AQSh prezidenti Xitoydan keladigan tovarlarga import bojlarini joriy etishni yana 90 kunga kechiktirish to‘g‘risidagi farmonni imzoladi. May oyida Pekin va Vashington muzokaralar olib borish uchun 90 kun muddatga o‘zaro bojlarni 115 foiz punktga kamaytirishga kelishib olgandi (Xitoy - 10%, AQSh - 30%). gazeta.uz »
O‘zbekiston prezidenti Xitoy raisiga Pekin shahri va Xebey muzofotida ro‘y bergan kuchli suv toshqinlari munosabati bilan hamdardlik bildirdi. Hodisa oqibatida kamida 70 kishi halok bo‘lgani, Pekinda 80 mingdan ortiq odam evakuatsiya qilingani aytildi. gazeta.uz »
Qozog‘istondagi uchinchi AESni, ikkinchisida bo‘lgani kabi, Xitoyning CNNC kompaniyasi quradi. Stansiyalar qayerda joylashishi 2025-yil oxirigacha e’lon qilinishi kerak. Mamlakatdagi ilk AESni qurish uchun Rossiyaning “Rosatom” kompaniyasi tanlangandi. gazeta.uz »
O‘zbekiston va Xitoy “yashil” texnologiyalarga sarmoya kiritish, 500 mln dollarlik fond ochish va kadrlarni birgalikda tayyorlash masalalarini muhokama qildi. gazeta.uz »
Xitoyning Shanghai LinkWise Data Intelligence kompaniyasi Buxoro va Surxondaryo viloyatlarida har biri 300 MVt quvvatga ega ikkita data markazni qurishni ko‘rib chiqmoqda. gazeta.uz »
Transport vazirligida bo‘lib o‘tgan muzokaralarda Xitoy - Qirg‘iziston - O‘zbekiston temiryo‘li kelgusida xalqaro transport yo‘laklari tizimiga, jumladan, O‘rta yo‘lakka integratsiyalashuvini inobatga olib, gruzin tomoniga ushbu loyihada ishtirok etish imkoniyatini ko‘rib chiqish taklif etildi. gazeta.uz »
Xitoy O‘zbekistonda xorijiy kapital ishtirokida faoliyat yuritayotgan korxonalar soni bo‘yicha yetakchilik qilishda davom etmoqda, deb xabar bermoqda Milliy statqo‘m. 1-iyul holatiga ko‘ra, mamlakatda xorijiy kapital ishtirokidagi 16,6 mingdan ortiq korxona ro‘yxatga olingan - o‘tgan yilga nisbatan 20% ko‘p. gazeta.uz »
“O‘ztemiryo‘lkonteyner” Xitoy logistika operatorlari bilan MO davlatlari va Afg‘onistonga multimodal tashishni rivojlantirish bo‘yicha muzokaralar o‘tkazdi. Natijada yaqinda Xitoy - Qirg‘iziston - O‘zbekiston - Tojikiston / Turkmaniston yo‘nalishi bo‘yicha tajriba konteyner marshruti ishga tushishi e’lon qilindi. gazeta.uz »
“Markaziy Osiyo-Xitoy” sammitida imzolangan Do‘stlik shartnomasi xavfsizlik kafolati hisoblanadimi va nima uchun “C5+” formati mintaqaning o‘zi uchun muhim? Cammit natijalari, Xitoy bilan munosabatlardagi rivojlanish nuqtalari va ehtimoliy muammolar - mintaqa ekspertlarining Gazeta uchun maxsus sharhida. gazeta.uz »
Xitoy Eksport import banki O‘zbekistonda telekommunikatsiya sohasidagi loyihalarni moliyalashtirish uchun 500 million dollar miqdorida qarz berdi. gazeta.uz »
Xalqaro vaziyatning yomonlashuvi, mintaqadagi chuqur transformatsiya Ostona shahrida bo‘lib o‘tgan “Markaziy Osiyo - Xitoy” sammitida imzolangan Abadiy yaxshi qo‘shnichilik to‘g‘risidagi shartnomaning dolzarbligini tasdiqlaydi. gazeta.uz »
O‘zbekiston Xitoyga optik tolali aloqa liniyasini o‘tkazish orqali global internet tarmog‘iga ulanishning qo‘shimcha kanalini yaratishni rejalashtirmoqda. “Mamlakat jahon axborot makoni bilan yana bir optik tolali aloqa liniyasiga ega bo‘ladi”, - deya ma’lum qildi Raqamli texnologiyalar vazirligi vakili. gazeta.uz »
O‘zbekiston Qozog‘iston va Qirg‘iziston orqali Xitoyga transchegaraviy elektr uzatish tarmoqlarini qurish bo‘yicha hisob-kitoblarni boshlagan. Energetika vaziri o‘rinbosarining aytishicha, loyiha mintaqadagi energiya tizimlarini birlashtirish va mavsumga qarab energiya almashinuvini ta’minlashga qaratilgan. gazeta.uz »
Xitoy Markaziy Osiyo davlatlari uchun 1,5 mlrd yuan ($209 mln atrofida) miqdorida beg‘araz grant ajratadi. Bu aholi farovonligini oshirish bo‘yicha loyihalarni qo‘llab-quvvatlashga yo‘naltiriladi. Bundan tashqari, Xitoy yaqin ikki yil ichida MOga kasbiy tayyorgarlik kurslari uchun 3 mingta kvota ajratmoqchi. gazeta.uz »
Mintaqada xavfsizlikni ta’minlash, iqtisodiy va texnologik aloqalarni kuchaytirish, “Raqamli Ipak yo‘li” platformasini yaratish, Afg‘onistonni unutmaslik - Shavkat Mirziyoyev “MO - Xitoy” sammitida shu masalalarni ko‘tardi. gazeta.uz »
Ostonada Shavkat Mirziyoyev Xitoy raisi Si Szinpin bilan Xitoy-Qirg‘iziston-O‘zbekiston temiryo‘li qurilishini jadallashtirish va o‘zaro qo‘llab-quvvatlashni davom ettirishni muhokama qildi. O‘zbekistonning JSTga a’zoligi bo‘yicha ikki tomonlama muzokaralar yakunlanganiga oid bayonnoma imzolangani e’lon qilindi. gazeta.uz »
O‘zbekiston prezidenti “Markaziy Osiyo - Xitoy” formatidagi ikkinchi sammitda ishtirok etish uchun 17-iyun kuni Ostonaga tashrif buyuradi. Sammit doirasida Shavkat Mirziyoyev Xitoy Xalq Respublikasi raisi bilan ham uchrashadi. gazeta.uz »
Sarvar Karimov “Kinotavsiya”da iyun oyidagi premeralar haqida hikoya qiladi. Bu sonda multfilmlar tarixida eng ko‘p kassa yig‘imlarini qayd etgan “Nechja”, “Balerina” jangari kartinasi, Bred Pittning yangi roli, Nikolas Keydjning “Syorfer” trilleri va bir qancha xorrorlar haqida gap boradi. gazeta.uz »
AQSh va Xitoy savdo bitimi tuzishga kelishib oldi. Bitim doirasida Vashington Xitoy tovarlariga bojlarni 55 foizgacha, Pekin esa Amerika tovarlariga bojlarni 10 foizgacha kamaytiradi. gazeta.uz »
“Markaziy Osiyo - Xitoy” ikkinchi sammiti 17-iyun kuni Ostona shahrida bo‘lib o‘tadi. Unda O‘zbekiston, Qozog‘iston, Qirg‘iziston, Tojikiston, Turkmaniston va XXR rahbarlari ishtirok etadi. gazeta.uz »
O‘zbekiston Xitoy bilan yo‘l sohasida yagona standartlar, innovatsion materiallar va raqamlashtirishni ishlab chiqish bo‘yicha bitim imzoladi. Transport vazirligi buni rivojlangan davlat bilan qilingan ilk kelishuv sifatida qayd etdi. gazeta.uz »
1-iyundan boshlab O‘zbekiston fuqarolari Xitoyga vizasiz safar qilishlari mumkin. Bunda muddat 30 kundan oshmasligi lozim. Vizasiz rejim o‘qish, mehnat va media faoliyati bilan shug‘ullanishga nisbatan tatbiq etilmaydi. gazeta.uz »
AQSh va Xitoy Donald Tramp tomonidan boshlangan savdo urushi doirasida bir-biriga joriy qilgan bojlarni 90 kun davomida pasaytirib turishga kelishib oldi. Vashington Xitoy tovarlariga bojlarni 145 foizdan 30 foizgacha, Pekin Amerika tovarlariga 125 foizdan 10 foizgacha pasaytiradi. gazeta.uz »
Donald Tramp ma’muriyati Xitoydan AQShga 800 dollargacha bo‘lgan tovarlarni bojsiz olib kirish imkonini beruvchi de minimis qoidasini bekor qildi. Amerika OAVning ta’kidlashicha, bunday o‘zgarishlardan kam daromadli uy xo‘jaliklari eng ko‘p zarar ko‘radi. gazeta.uz »
