Xitoy - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston Xitoy bilan yo‘l sohasida yagona standartlar, innovatsion materiallar va raqamlashtirishni ishlab chiqish bo‘yicha bitim imzoladi. Transport vazirligi buni rivojlangan davlat bilan qilingan ilk kelishuv sifatida qayd etdi. gazeta.uz »
1-iyundan boshlab O‘zbekiston fuqarolari Xitoyga vizasiz safar qilishlari mumkin. Bunda muddat 30 kundan oshmasligi lozim. Vizasiz rejim o‘qish, mehnat va media faoliyati bilan shug‘ullanishga nisbatan tatbiq etilmaydi. gazeta.uz »
AQSh va Xitoy Donald Tramp tomonidan boshlangan savdo urushi doirasida bir-biriga joriy qilgan bojlarni 90 kun davomida pasaytirib turishga kelishib oldi. Vashington Xitoy tovarlariga bojlarni 145 foizdan 30 foizgacha, Pekin Amerika tovarlariga 125 foizdan 10 foizgacha pasaytiradi. gazeta.uz »
Donald Tramp ma’muriyati Xitoydan AQShga 800 dollargacha bo‘lgan tovarlarni bojsiz olib kirish imkonini beruvchi de minimis qoidasini bekor qildi. Amerika OAVning ta’kidlashicha, bunday o‘zgarishlardan kam daromadli uy xo‘jaliklari eng ko‘p zarar ko‘radi. gazeta.uz »
Qirg‘izistonda Xitoy - Qirg‘iziston - O‘zbekiston temiryo‘lining muhim obyektlari qurilishi boshlandi. Loyihada 46 ta ko‘prik va 27 ta tunnel qurilishi ko‘zda tutilgan bo‘lib, bu butun trassaning qariyb 40 foizini tashkil qiladi. Magistralning qiymati 4,7 mlrd dollarga baholanmoqda. gazeta.uz »
O‘zbekiston Transport vazirligi yuk tashuvchilarni Xitoy - Qirg‘iziston - O‘zbekiston yo‘nalishi bo‘yicha ruxsatnomalardan noto‘g‘ri foydalanish holatlari haqida ogohlantirdi. Qoidabuzarlarga blankalarning berilishi cheklanishi mumkin. gazeta.uz »
Xitoy boshqa davlatlarni Pekin manfaatlariga zid ravishda AQSh bilan savdo shartnomalari tuzishdan ogohlantirdi. Xitoy Vashingtonning hamkorlaridan AQSh bojlarini yengillashtirish evaziga Xitoy bilan savdoni cheklashga erishish rejalari haqidagi xabarlarga shunday munosabat bildirdi. gazeta.uz »
O‘zbekiston Xitoy bilan hamkorlikda haroratni mo‘tadillashtiruvchi “aqlli” plyonka ishlab chiqarishni yo‘lga qo‘yadi. Fanlar akademiyasiga ko‘ra, nano-zarrachalarga ega bunday plyonkali issiqxonalarda energiya va suv sarfi kamayib, o‘simliklar 2 baravargacha tez o‘sadi. gazeta.uz »
AQSh “tarif raqamlari o‘yini”ni davom ettirsa, bunga ahamiyat bermaymiz, deya bayonot berdi Xitoy Tashqi ishlar vazirligi. Tramp kuni kecha Xitoyga qarshi 245 foizgacha tariflar joriy etish bilan tahdid qilgandi. gazeta.uz »
Xitoy hukumati mahalliy aviakompaniyalarga Boeing samolyotlari yetkazib berilishidan bosh tortishni, shuningdek, AQSh bilan savdo urushi doirasida amerikalik ishlab chiqaruvchilardan aviatsiya uskunalari va ehtiyot qismlarini sotib olishni to‘xtatishni buyurdi. gazeta.uz »
Xitoy 12-apreldan AQSh tovarlariga bojlar 84 foizdan 125 foizgacha oshirilishini e’lon qildi. Ikki kun oldin Vashington Xitoy mahsulotlariga shunga o‘xshash bojlarni joriy qilgandi. Xitoy raisi uning mamlakati savdo urushidan “qo‘rqmasligini” aytdi, biroq unda “g‘oliblar yo‘qligi” haqida ogohlantirdi. gazeta.uz »
Xitoy hukumati AQSh qo‘ygan bojlarga javoban Gollivud filmlari importini cheklaydi. Kuni kecha AQSh prezidenti Donald Tramp Pekin mahsulotlariga tarif stavkasini rekord darajadagi 125 foizgacha oshirgandi. gazeta.uz »
Donald Tramp bozorlardagi “g‘amgin” vaziyat fonida o‘nlab mamlakatlar uchun “javob” bojlarini joriy etishni 90 kunga to‘xtatib qo‘ydi. Xitoy uchun bojlar 104 foizdan 125 foizga oshirildi. gazeta.uz »
Xitoy hukumati AQShdan import qilinadigan barcha tovarlar uchun bojlarni 84% gacha oshirdi. Bu AQShning Xitoy mahsulotlariga tariflarni 104% gacha oshirish haqidagi qaroriga javob bo‘ldi. gazeta.uz »
AQSh Xitoy tovarlariga boj miqdorini yana 50 foizga oshirdi. Natijada umumiy stavka joriy etilgan tariflarni hisobga olgan holda 104 foizni tashkil etdi. Avvalroq Xitoy Amerika mahsulotlariga qo‘yilgan bojlarni bekor qilishdan bosh tortgan va “oxirigacha kurashishga” va’da bergandi. gazeta.uz »
Xitoy 10-apreldan boshlab AQShdan import qilinadigan barcha tovarlarga 34 foizlik qo‘shimcha bojlar joriy qiladi. Bu Pekinning Vashington Xitoydan importga qo‘ygan tariflarga javobi bo‘ldi. gazeta.uz »
O‘zbekiston prezidenti XXR Kommunistik partiyasi Markaziy qo‘mitasi Xalqaro aloqalar bo‘limi mudiri Lyu Szyanchao boshchiligidagi delegatsiyani qabul qildi. Uchrashuvda O‘zbekistonda Xitoyning yetakchi oliy ta’lim muassasalari filiallarini ochish muhimligi qayd etildi. gazeta.uz »
Xitoy O‘zbekiston fuqarolarini ta’lim va kasbiy faoliyatga tayyorlash bo‘yicha xizmatlar ko‘rsatish markazini ochadi. Shuningdek, “yashil” energetika, qishloq xo‘jaligi, AKT, turizm kabi soha mutaxassislari uchun qayta tayyorlash va malaka oshirish dasturlari ishlab chiqiladi. gazeta.uz »
AQShning Xitoy, Kanada va Meksika mahsulotlari importiga nisbatan oshirilgan bojlari kuchga kirdi. Tramp buni “juda kuchli qurol” deya atadi. Xitoy javob choralari o‘laroq bojlarni e’lon qildi, Kanada 21 kun davomida 100 mlrd dollardan ortiq Amerika tovarlariga boj joriy etmoqchi. gazeta.uz »
Prezident agrar sohada xalqaro hamkorlikni rivojlantirish bo‘yicha taqdimot bilan tanishdi. Yuqori Chirchiq tumanida Xitoy tajribasi asosida 200 mln dollar investitsiya bilan urug‘chilikni yo‘lga qo‘yish rejalashtirilmoqda. gazeta.uz »
2024-yilda Xitoy O‘zbekistonda xorijiy kapital ishtirokida faoliyat yuritayotgan korxonalar soni bo‘yicha birinchi marta Rossiyani ortda qoldirdi. O‘tgan yil davomida Xitoy ishtirokidagi kompaniyalar soni 43,6% oshdi. gazeta.uz »
O‘zbekiston Ichki ishlar vazirligi Xitoy fuqarolari Milliy bog‘da “miting” o‘tkazgani haqidagi xabarlarni rad etdi. Bu Huawei xodimlarining an’anaviy yugurish aksiyasi edi, deb xabar berdi IIV matbuot kotibi Shohruh G‘iyosov. gazeta.uz »
AQSh pochta xizmati (USPS) Xitoy va Gonkongdan pochta jo‘natmalarini qabul qilishni to‘satdan to‘xtatib qo‘ygach, 12 soatdan so‘ng qayta tikladi. Avvalroq Donald Tramp AQShga arzon narxdagi posilkalarni soliq to‘lamasdan jo‘natish qoidasini bekor qiluvchi farmonni imzolagandi. gazeta.uz »
AQSh prezidenti Donald Tramp 1-fevral kuni Meksika va Kanadadan import qilinayotgan mahsulotlarga 25 foiz, Xitoynikiga esa 10 foizli yangi tariflar joriy etish to‘g‘risida buyruq imzolashi kutilmoqda. gazeta.uz »
Xitoyda rasmiylar oilalarni ko‘proq farzandli bo‘lishga undashga urinayotganiga qaramay, aholi ketma-ket uchinchi yil kamaydi. Mutaxassislar ishchi va iste’molchilar soni qisqarib borayotgani sababli dunyoning ikkinchi eng yirik iqtisodiyoti qiyinchilikka duch kelishidan qo‘rqmoqda. gazeta.uz »
Xitoyning Sheng Ke-International kompaniyasi Toshkent shahridagi 1,83 gektar maydondagi mulk va “Askiya” bozori hududi bo‘yicha savdolar g‘olibi bo‘ldi. Ikki qatnashchi ishtirokidagi auksion 15 daqiqa davom etdi va 225,59 mlrd so‘mlik bitta stavkadan so‘ng yakunlandi. gazeta.uz »
O‘zbekiston va Xitoy Tashqi ishlar vazirlari O‘zbekiston fuqarolariga 30 kun davomida Xitoy Xalq Respublikasiga vizasiz sayohat qilish huquqini beruvchi kelishuvni imzoladilar. O‘zgarishlarning kuchga kirishi to‘g‘risida qo‘shimcha ma’lumot beriladi. gazeta.uz »
O‘zbekiston va Xitoy Tashqi ishlar vazirlari O‘zbekiston fuqarolariga 30 kun davomida Xitoy Xalq Respublikasiga vizasiz sayohat qilish huquqini beruvchi kelishuvni imzoladilar. O‘zgarishlarning kuchga kirishi to‘g‘risida qo‘shimcha ma’lumot beriladi. gazeta.uz »
Donald Tramp lavozimga kirishishi bilan Meksika, Kanada (25%) va Xitoydan (10%) kelayotgan tovarlar uchun tariflarni oshirishni va’da qildi. Tramp buni noqonuniy immigrantlar, “jinoyat va giyohvand moddalar” uchun qasos bo‘lishini ta’kidladi. gazeta.uz »
Xitoyning Sino-Wind Energy kompaniyasi O‘zbekistonda shamol generatorlari uchun qanotlar ishlab chiqarishni yo‘lga qo‘yishni rejalashtirmoqda. Loyiha qiymati 50 mln dollarga baholanmoqda. gazeta.uz »
Xitoyning Sino-Wind Energy kompaniyasi O‘zbekistonda shamol generatorlari uchun parraklar ishlab chiqarishni yo‘lga qo‘yishni rejalashtirmoqda. Loyiha qiymati 50 mln dollarga baholanmoqda. gazeta.uz »
O‘zbekiston va CNNC kompaniyasi O‘zbekistonda Xitoyning kichik modulli yadroviy reaktorlaridan foydalanish imkoniyatlarini o‘rganadi. Ikki davlat delegatsiyalari uran rudasini qazib olish quvvatlarini kengaytirish, uni qayta ishlash va keyinchalik yoqilg‘idan AESlarda foydalanish masalalarini ham muhokama qildi. gazeta.uz »
Toshkent xalqaro aeroportida bojxona xodimlari tomonidan 6 dona oltin quymasi, quyma tilla uzuk va 7 dona xitoy iyerogliflari tushirilgan tangalar olib o‘tayotgan shaxs ushlandi. Buyumlarning umumiy qiymati 223 mln so‘mni tashkil qildi. gazeta.uz »
Yevropa Ittifoqi davlatlari so‘nggi yillarda Yevropa bozoridagi ulushini sezilarli darajada oshirgan Xitoy elektromobillariga tariflarni ko‘tarishga ovoz berdi. gazeta.uz »
O‘zbekiston senatorlari o‘tgan yilning may oyida prezidentning Xitoyga tashrifi chog‘ida imzolangan Xitoy bilan maxfiy ma’lumotlarni o‘zaro himoya qilish to‘g‘risidagi hukumatlararo bitimni ratifikatsiya qilish to‘g‘risidagi qonunni ma’qulladi. gazeta.uz »
Shavkat Mirziyoyev Samarqanddagi OIIB yig‘ilishi doirasida Xitoy, Hindiston va Qatar moliya vazirlari bilan uchrashdi. Ularda strategik sheriklik munosabatlarini mustahkamlash, hukumatlararo komissiya yig‘ilishlari va qo‘shma biznes forumlari o‘tkazish masalalari muhokama qilindi. gazeta.uz »
Yanvar-iyul oylarida savdo hajmi pasaygan bo‘lsa ham, Xitoy O‘zbekistonning tashqi savdodagi asosiy hamkori bo‘lib qolmoqda. Rossiya bilan savdo tezlashdi. Qozog‘iston va boshqa qo‘shni davlatlar, Turkiya, Koreya va Germaniya bilan tovar ayirboshlash kamaymoqda. Oltin savdosi pasayishi eksport hajmini kamaytirdi. gazeta.uz »
Shavkat Mirziyoyev va Xitoy parlamenti rahbari Chjao Letszi Toshkentda bo‘lib o‘tgan uchrashuvda XXR O‘zbekistonning islohotlar dasturini qo‘llab-quvvatlashi, mamlakatlarning ta’lim sohasidagi hamkorligi kabi masalalarni muhokama qildi. gazeta.uz »
Yevropa komissiyasi iyul oyidan boshlab Xitoy elektromobillari uchun import bojlarini joriy 10 foizdan taxminan 30 foizga oshirish niyatida. Xitoy TIV buni “proteksionizmning odatiy holati” deb atadi. gazeta.uz »
BMT Bosh assambleyasi 10-iyunni Xalqaro sivilizatsiyalar o‘rtasidagi muloqot kuni deb e’lon qilish to‘g‘risida Xitoy va O‘zbekiston ishlab chiqqan rezolyutsiyani ma’qulladi. Maqsadlar sivilizatsiyalar xilma-xilligi qadriyatini anglash, muloqot, o‘zaro hurmat va global birdamlikni rivojlantirishdan iborat. gazeta.uz »
Xitoy yirik pandalarni Vashington hayvonot bog‘iga qaytaradi - yil oxirigacha u yerga pandalar juftligi yetkaziladi: Bao Li va Sin Bao. AQShning birinchi xonimi buni tarixiy lahza deb atadi. AQSh OAV Xitoy va Qo‘shma Shtatlar o‘rtasidagi taranglikni inobatga olib, bu kutilmagan yangilik bo‘lganini ta’kidlamoqda. gazeta.uz »
Xitoy Tayvanning yangi prezidenti Lay Sinde lavozimiga kirishganidan bir necha kun o‘tib “separatistik harakatlar” uchun “qattiq jazo” sifatida Tayvan bo‘g‘ozida harbiy mashg‘ulotlar boshladi. gazeta.uz »
Janubiy Koreya, Xitoy va Yaponiya yetakchilari mamlakatlar o‘rtasidagi munosabatlarni normallashtirish maqsadida to‘rt yildan ortiq vaqtdan beri ilk bor uch tomonlama sammitni o‘tkazadi. gazeta.uz »
O‘zbekistonda Xitoyda bo‘lgani kabi kanakunjut qurtini parvarishlab, undan ipak olish usuli yo‘lga qo‘yiladi. Prezident O‘simliklar karantini va himoyasi agentligiga kanakunjut o‘simligi va qurti urug‘larini olib kelib, sinov ishlarini boshlashni topshirdi. gazeta.uz »
Xitoy raisi Si Szinpin Fransiyaga tashrifi davomida mamlakatning Rossiya bilan yaqin aloqada ekani bo‘yicha e’tirozlarni rad etdi. “Xitoy bu inqirozning sababchisi ham, tomoni ham, ishtirokchisi ham emas. gazeta.uz »
Xitoy raisi Si Szinpin 2019-yildan beri ilk bor Yevropa bo‘ylab turnega chiqdi - u Fransiya, Serbiya va Vengriyaga tashrif buyuradi. Turne Xitoy va Yevropa Ittifoqi o‘rtasidagi savdo kelishmovchiliklari va Rossiyaning Ukraina bilan urushi tufayli keskinlashgan munosabatlar davriga to‘g‘ri keldi. gazeta.uz »
O‘zbekistondagi birinchi chiqindilarni yoqish zavodini qurish bo‘yicha China CAMC Engineering kompaniyasi bilan kelishuvga erishildi. Zavodning dastlabki loyihasini ishlab chiqish uchun Xitoydan ekspert guruh yuboriladi. gazeta.uz »
Shavkat Mirziyoyev Toshkent investitsiya forumi doirasida Xitoyning CAMCE, Goldwind, China Southern Power Grid va Holley Group kabi yirik kompaniyalari rahbarlari bilan uchrashdi. Unda Toshkent viloyatida texnopark qurish va loyihaga Xitoy kompaniyalarini jalb qilish yuzasidan kelishuvga erishildi. gazeta.uz »
AQSh Xitoyning bir qator banklarini jahon moliya tizimidan uzib qo‘yishi mumkin bo‘lgan sanksiyalarni ishlab chiqmoqda. Vashington bu Xitoyni Rossiya harbiy sanoatini qo‘llab-quvvatlashni to‘xtatishga majbur qilishiga umid qilmoqda, deb yozadi Wall Street Journal. gazeta.uz »
2023-yilda dunyo bo‘yicha harbiy xarajatlar 6,8 foizga o‘sib, 2,44 trln dollardan ortiqni tashkil etdi, deyiladi SIPRI hisobotida. AQSh, Xitoy va Rossiya eng ko‘p harbiy xarajat qilgan davlatlar bo‘ldi. gazeta.uz »
