Qilmoqda - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston 2026-yilda Jahon savdo tashkilotiga to‘laqonli a’zo bo‘lish niyatida. Masala Prezident huzuridagi yig‘ilishda muhokama qilindi. Buni mart oyida amalga oshirish rejalashtirilgandi, biroq bosh muzokarachi Azizbek Urunovning ma’lum qilishicha, ayrim davlatlar hujjatlarni ko‘rib chiqishni paysalga solgan. gazeta.uz »
Jizzax avtomobilsozlikda mavqeini kuchaytirib, eksportga chiqmoqda. Viloyat hokimi Ulug‘bek Mustafoyevga ko‘ra, BYD korxonasi ilk bor Markaziy Osiyo bozorlariga chiqishga tayyorgarlik ko‘rmoqda. 27-aprelda hududda yangi Kia modeli taqdimoti bo‘lishi reja qilingan. gazeta.uz »
XVJ O‘zbekiston YAIM 2026-yilda 6,8 foizga o‘sishini prognoz qilmoqda. Yaqin Sharqdagi urush fonida noaniqlik darajasi yuqori saqlanib qolayotgani hisobiga iqtisodiy pasayish xavfi ham bor. Urushning ta’siri O‘zbekistonga asosiy hamkor davlatlar bilan savdo aloqalari va xomashyo narxlari o‘zgarishi orqali seziladi. gazeta.uz »
Gazeta jurnalisti Toshkent hokimligi vakilining mahallalardan biriga tashrifiga tasodifan guvoh bo‘ldi. U mahalla bo‘ylab tez-tez yurib, o‘nlab ko‘rsatma va topshiriqlar berdi, qo‘l ostidagilarni haqoratlarga ko‘mib tashladi. So‘ng mashinaga o‘tirib, keyingi mahallaga jo‘nab ketdi. gazeta.uz »
Slovakiyadagi Volkswagen zavodi avtomobil yig‘ish va bo‘yash kabi yo‘nalishlarda ishlash uchun 40 yoshgacha bo‘lgan o‘zbekistonlik erkaklarni ishga taklif qilmoqda. Ish haqi dastlabki ikki oyda $1274, keyin - $1514. Ish jadvali 3 smena va haftada 5 kundan iborat. gazeta.uz »
Polsha rasmiylari mamlakat havo hududiga Rossiyaning 19 ta uchuvchisiz uchish apparati kirganini ma’lum qildi. Ulardan aksariyati NATO bilan hamkorlikda urib tushirilgan. Rossiya esa ayblovlarni asossiz deb atab, dronlar Rossiyada ishlab chiqarilganiga hech qanday dalil yo‘qligini bildirdi. gazeta.uz »
O‘zbekiston va Iordaniya sheriklik munosabatlarini mustahkamlash to‘g‘risida qo‘shma bayonot qabul qildi. Ikki mamlakat o‘rtasida viza talablarini bekor qilish to‘g‘risida, shuningdek, turizm va oliy ta’limda hamkorlik, havo qatnovi kabi sohalarda jami 15 ta bitim imzolandi. gazeta.uz »
Vetnam sakkizta jinoyat, jumladan, hukumatni ag‘darishga harakat, josuslik, davlat mulkini talon-toroj qilish kabilar uchun o‘lim jazosini bekor qiladi. Ushbu jinoyatlar uchun endi maksimal jazo umrbod qamoq bo‘ladi. gazeta.uz »
S&P agentligi O‘zbekistonda inflyatsiya 2025-yilda 10,1 foiz bo‘lishini prognoz qilmoqda - bu MBning maqsadli ko‘rsatkichidan yuqori. Sabab - energiya resurslari tariflarining bosqichma-bosqich oshishi. gazeta.uz »
Donald Tramp Suriyaga “buyuk bo‘lish imkoniyatini” berish uchun AQShning unga qo‘ygan barcha sanksiyalarini olib tashlashini ma’lum qildi. Shuningdek, u Suriyaning muvaqqat prezidenti, Bashar Asad rejimini ag‘darish bo‘yicha hujumga boshchilik qilgan Ahmad al-Sharaa bilan uchrashdi. gazeta.uz »
XVJ O‘zbekiston Markaziy bankiga so‘m bozor sharoitlarini yanada aniqroq aks ettirishi va tashqi zarbalardan himoya qiluvchi samarali vositaga aylanishi uchun valyuta kursi tebranishlari oralig‘ini asta-sekin kengaytirishni tavsiya etdi. gazeta.uz »
Osiyo taraqqiyot banki o‘zining yillik hisobotida O‘zbekistonda 2025 va 2026-yillarda iqtisodiy o‘sishni 6,6 va 6,7 foiz darajasida prognoz qilmoqda. Energiya narxlari oshishiga qaramay, inflyatsiya sekinlashishda davom etadi, deya hisoblaydi bank. gazeta.uz »
Kosta-Rika AQShdan deportatsiya qilingan 200 nafar Hindiston va Markaziy Osiyo, jumladan, O‘zbekiston fuqarolarini qabul qilishga rozi bo‘ldi. U yerda ularni o‘z yurtlariga jo‘natishadi. Kosta-Rikaga birinchi reys 20-fevralda keladi. gazeta.uz »
Toshkentdagi Amir Temur shohko‘chasida yo‘l chiziqlari qayta chizila boshlandi. Yo‘l tasmalari sonini kamaytirish hisobiga ularning kengligini oshirishga qaror qilindi. Bu haydovchilarning tartibsiz harakatlanishiga olib kelmoqda. gazeta.uz »
AQSh prezidenti Donald Tramp 1-fevral kuni Meksika va Kanadadan import qilinayotgan mahsulotlarga 25 foiz, Xitoynikiga esa 10 foizli yangi tariflar joriy etish to‘g‘risida buyruq imzolashi kutilmoqda. gazeta.uz »
Uzbekistan Airways bu yil 7 mln yo‘lovchi tashishni rejalashtirmoqda, deya ma’lum qildi kompaniya rahbari Shuxrat Xo‘doyqulov. So‘nggi yillarda bu ko‘rsatkich har yili taxminan 1 millionga oshmoqda. gazeta.uz »
Wizz Air aviakompaniyasi bilan Abu-Dabiga uchgan o‘nlab O‘zbekiston fuqarolarining pasportlari olib qo‘yilib, so‘roq qilindi. Ular “Gazeta.uz”ga buning sababi aytilmagani, bosim o‘tkazilgani, uzoq vaqt ovqatsiz qolganini bildirdi. Ularning ko‘pi qaytish chiptalarini o‘zlari sotib olgan. gazeta.uz »
Ukraina va Rossiya bir-birining energetika obyektlariga zarbalarni to‘xtatish bo‘yicha “dastlabki muzokaralar”ni boshladi. Qatar mamlakatlar o‘rtasida vositachi vazifasini bajaradi, deb yozmoqda Financial Times. gazeta.uz »
Moldova prezidentlik saylovlarida nomzodlardan hech biri 50 foiz ovoz ololmadi. Endi amaldagi prezident Mayya Sandu va mamlakatning sobiq bosh prokurori Aleksandr Stoyanoglo saylovlarning ikkinchi turida o‘zaro kurashadi. gazeta.uz »
Bandlik vaziri Behzod Musayev O‘zbekiston va Germaniya temir yo‘l transporti, avtobuslar uchun haydovchilarni, shuningdek, hamshiralarni tayyorlab berishga kelishib olgani haqida so‘zladi. Uning ta’kidlashicha, bu yil Germaniyaga 800 nafar o‘zbekistonlik hamshiralar yuborilmoqda, ularning ish haqi kamida 2200 yevrodir. gazeta.uz »
O‘zbekiston boks federatsiyasi bosh murabbiy To‘lqin Qilichevning yurak xurujidan keyingi holatiga izoh berdi. “Hozirgi kunda murabbiyimizning sog‘ligi mo‘tadil, o‘zini yaxshi his qilmoqda. Biroz muolajalar olishi talab etiladi”, - deya qayd etdi tashkilot. gazeta.uz »
AQSh prezidenti Jo Bayden mamlakatning sobiq rahbarlarini jinoiy javobgarlikka immunitetini va Oliy sud sudyalarining vakolat muddatini cheklaydigan islohotlarni taklif qildi. “Hech kim qonundan ustun emas. gazeta.uz »
Yaponiya qurilish kompaniyasi 18 yoshdan 35 yoshgacha bo‘lgan quruvchilarni qidirmoqda. Migratsiya agentligi O‘zbekiston fuqarolari bir qator talablarga javob bersa, ishga joylashish uchun murojaat qilishlari mumkinligi haqida xabar berdi. gazeta.uz »
Tailand 1-iyundan mamlakatga vizasiz kirish huquqiga ega davlatlar sonini 57 dan 93 taga oshirmoqda, ular orasida O‘zbekiston ham bor. Shuningdek, tashrif buyuruvchilarning qolish muddati 60 kungacha uzaytirilmoqda. gazeta.uz »
Jahon meteorologiya tashkiloti hisobotiga ko‘ra, 2023-yilda Osiyoda iqlim o‘zgarishi tezlashgan. Mintaqada o‘rtacha global haroratdan tezroq isish kuzatilmoqda. Bu qurg‘oqchilik va issiqlik to‘lqinlaridan suv toshqini va bo‘ronlargacha bo‘lgan ekstremal ob-havo sharoitlariga olib keladi. gazeta.uz »
Slovakiyaning Volkswagen va Volvo kompaniyalari haydovchilik, avtomobil ishlab chiqarish, kabel agregatlarini yig‘ish, montaj, avtomobillarni sinovdan o‘tkazish kabi yo‘nalishlarda O‘zbekistondan ishchilarni taklif etmoqda. Ish haqi 1200−1700 yevrodan boshlanadi. gazeta.uz »
