íàôàð - Ïîñëåäíèå íîâîñòè [ Ôîòî â íîâîñòÿõ ] | |
Omskdagi qurilish maydonida yuz bergan yong‘inda jabrlangan 11 kishidan ikki nafari O‘zbekiston fuqarosi ekani ma’lum bo‘ldi. Ularga zarur yordam ko‘rsatish uchun diplomatlar mahalliy hokimiyat bilan aloqa o‘rnatgan. gazeta.uz »
Nijnekamskka qilingan dronlar hujumida halok bo‘lgan O‘zbekiston fuqarolari soni sakkiz nafarga yetdi. Yana bir necha kishi jabrlangan. Prezident topshirig‘i bilan Hukumat komissiyasi tuzildi. Rossiyaga FVV, TIV, SSV, Migratsiya agentligi va boshqa tuzilmalar vakillari yuborildi. gazeta.uz »
O‘zbekistonning Qozon shahridagi Bosh konsulxonasi Tataristonning Nijnekamsk shahridagi obyektlarga qilingan dronlar hujumi oqibatida mamlakatning 7 nafar fuqarosi halok bo‘lganini tasdiqladi. Mahalliy hokimiyat ma’lumotlariga ko‘ra, jami 13 kishi halok bo‘ldi, o‘nlab odamlar jarohat oldi. gazeta.uz »
Xo‘jaobod tumanida 21 nafar bog‘cha bolasini Tracker’da olib ketayotgan haydovchi YTH sodir etdi. Oqibatda 6 yoshli qiz halok bo‘lib, yana 7 nafar bola jarohat oldi. Sud haydovchiga nisbatan 3 yil muddatga ozodlikni cheklash va 2 yilga transport vositalarini boshqarish huquqidan mahrum qilish jazosini tayinladi. gazeta.uz »
Farg‘ona viloyati Toshloq tumanida YPX xodimlari Damas avtomobilida 28 nafar bola tashilayotganini aniqladi. YHXB ma’lumotiga ko‘ra, ularning besh nafari old o‘rindiqda bo‘lgan. Haydovchiga odam tashish qoidalarini buzgani uchun ma’muriy bayonnoma rasmiylashtirilib, jarima bali yozildi. gazeta.uz »
AQShda migratsiya qonunchiligini buzgani uchun deportatsiya qilingan 18 nafar O‘zbekiston fuqarosi Toshkentga olib kelindi. Charter reys orqali amalga oshirilgan tadbir ikki mamlakat vakolatli idoralarining hamkorligida tashkil etildi. gazeta.uz »
Toshkentda giyohvandlik vositalarini “zakladka” usulida tarqatishda gumonlangan 3 nafar Ukraina fuqarosi qo‘lga olindi. Ulardan qariyb 2,5 kg gashish, mefedron va alfa-PVP musodara qilingan. gazeta.uz »
Jizzax viloyatida fermer xo‘jaligi hududidagi sun’iy suv hovuzida cho‘milayotgan 14, 16 va 17 yoshli qizlar halok bo‘ldi. Tomchilatib sug‘orish uchun qazilgan hovuzda sodir bo‘lgan holat yuzasidan prokuratura tergovga qadar tekshiruv o‘tkazmoqda. gazeta.uz »
Navoiy viloyatida Zarafshon daryosiga cho‘milish uchun borgan 3 nafar voyaga yetmagan bola cho‘kib ketdi. Ikki kun davom etgan qidiruv ishlaridan so‘ng ularning jasadi qutqaruvchilar tomonidan topildi. gazeta.uz »
Xatirchi tumanida Damas’da 20 nafar bog‘cha bolasini tashigan haydovchi aniqlandi. Unga nisbatan 824 ming so‘m miqdorida jarima qo‘llandi. Viloyatda yil boshidan buyon shunday 34 ta holat qayd etilgan. gazeta.uz »
Saudiya Arabistoni o‘zbekistonlik shifokor va hamshiralarni xususiy klinikalarga jalb qilmoqchi. Dastlabki bosqichda 100 mutaxassis ishga qabul qilinadi. Oylik maosh mutaxassislikka qarab 800 dollardan 2500 dollargacha. gazeta.uz »
2026-yilda Namangan viloyatida suv ta’minoti va kanalizatsiya tizimini yaxshilash ishlariga 700 mlrd so‘mdan ortiq mablag‘ ajratiladi. Natijada viloyatning 34 ming nafar aholisi ilk bor markazlashgan ichimlik suvi bilan ta’minlansa, yana 25 ming kishi kanalizatsiya tizimiga ulanadi. gazeta.uz »
AQSh Harbiy-havo kuchlariga qarashli B-52 Stratofortress strategik bombardimonchi samolyoti Kaliforniyadagi “Edvards” aviabazasidan parvoz qilganidan ko‘p o‘tmay qulab tushdi. Ekipajning barcha sakkiz a’zosi halok bo‘ldi. gazeta.uz »
O‘zbekiston Senati Akmaljon Alijonov, Dilfuza Dadadjanova, Dilfuza Jurayeva, O‘tkir Razikov, Sardor Raxmudinov, Muxiddin Sultonov, Jaxongir Turdimuradov, Luiza Xalitova, Abdusaid Xojiyev va Marat Ergashevni o‘n yil muddatga Oliy sud sudyasi lavozimiga sayladi. gazeta.uz »
Istanbulning Tuzla tumanida yuz bergan YTH oqibatida 23 yoshli O‘zbekiston fuqarosi halok bo‘ldi. Shuningdek, 58 yoshli o‘zbekistonlik ayol Istanbuldagi shifoxonalardan birida vafot etdi. Kuni kecha 31 yoshli vatandoshning YTHda halok bo‘lgani haqida xabar bergandik. gazeta.uz »
Jarqo‘rg‘onda Surxondaryo daryosiga cho‘milish uchun borgan 3 nafar 18 yoshli yigitlar cho‘kib halok bo‘ldi. Ulardan 2 nafarining jasadi topilgan, yana birining jasadini qidirish ishlari ketmoqda. gazeta.uz »
AQShdan deportatsiya qilingan 24 nafar O‘zbekiston fuqarosi charter reys orqali vatanga qaytarildi. Qo‘shma Shtatlar O‘zbekistonga ko‘rsatilgan yordam uchun minnatdorlik bildirdi. gazeta.uz »
Andijon shahrida 4 nafar egizak - uch o‘g‘il va bir qiz dunyoga keldi. SSV ona va chaqaloqlar tibbiyot xodimlari nazoratida ekani va o‘zlarini yaxshi his etayotganini ma’lum qildi. gazeta.uz »
25-may - so‘nggi qo‘ng‘iroq kuni coat 14:00 gacha O‘zbekistonda avtomobil boshqargan 238 nafar o‘quvchi aniqlandi. YHXX ota-onalarni yo‘llarda fojiaga olib kelishi mumkin bo‘lgan holatlarga yo‘l qo‘ymaslikka chaqirdi. gazeta.uz »
O‘zbekiston Senati Oliy sud tarkibiga o‘shgartirish kiritildi. Xususan, Kahramon Mirsafayev va Maxfirat Ochilova o‘n yillik muddatga Oliy sud sudyasi lavozimiga saylandi. 9 nafar sudya Oliy sudning sudyasi lavozimidan ozod etildi. gazeta.uz »
Buxoroda uyushgan jinoiy guruhda ishtirok etganlikda gumonlangan 13 nafar yigit qo‘lga olindi. Ular ko‘chada mojaro chiqarib, boshqa yoshlarni shafqatsiz kaltaklagan va avtomobilni shikastlagan. Gumonlanuvchilardan biri “ko‘cha bo‘lishga” qiziqqanini, ammo hozir qilmishidan pushaymonligini aytgan. gazeta.uz »
Shvetsiya migratsiya qonunchiligini buzgan 20 nafar o‘zbekistonlikni deportatsiya qildi. Ular Toshkentga charter reys orqali yetib kelgan. gazeta.uz »
Romitan tumanida Isuzu avtobusi haydovchisi mast holatda 40 nafar bog‘cha bolasini tashib yurgani aniqlandi. Sud qarori bilan u 3 yilga haydovchilik huquqidan mahrum qilinib, 16,4 mln so‘m jarimaga tortildi. gazeta.uz »
Andijonning Izboskan tumanida 58 nafar bog‘cha bolasini mikroavtobusda olib ketayotgan haydovchi to‘xtatib qolindi. Holat bo‘yicha haydovchiga jarima qo‘llanilib, ta’lim muassasasi rahbariyati bilan profilaktik suhbat o‘tkazilgan. gazeta.uz »
Mirzaobod tumanida 22 va 24 nafar bog‘cha bolasini tashiyotgan Damas’lar to‘xtatildi. Haydovchilarning biri transport boshqarish huquqidan mahrum bo‘lgani aniqlandi. Avvalroq 14 nafar bog‘cha bolalarini tashigan Matiz YTHga uchrab, haydovchisi vafot etgandi. gazeta.uz »
O‘zbekistonda obunachilari soni 3 milliondan ortiq bo‘lgan blogerlar 2025-yil davomida 2,7 mlrd so‘m daromad topib, budjetga 110,4 mln so‘m soliq to‘lagan. Umuman, o‘tgan yilda blogerlik bozori hajmi 760,2 mlrd so‘m (62 mln dollar) etib baholangan. gazeta.uz »
O‘zbekiston va Qatar mehnat migratsiyasi sohasida yangi kelishuvlarga erishdi. Qatar Airways joriy yilda 65 nafar o‘zbekistonlikni ishga qabul qiladi. Kelgusida yana 1600 mutaxassis jalb qilinadi. O‘zbekiston - Qatar mehnat forumini o‘tkaziladi, Qatar standartlari asosida tibbiyot xodimlari tayyorlanadi. gazeta.uz »
Xalqaro qidiruvda bo‘lgan 4 nafar fuqaro O‘zbekistonga olib kelindi. Ularning uch nafari firibgarlik va odam savdosi bilan bog‘liq jinoyatlarda gumonlanib BAAda, yana biri o‘ta yirik miqdordagi firibgarlikda gumonlanib Gruziyada ushlangan. Ular qonunchilikka muvofiq javobgarlikka tortiladi. gazeta.uz »
Migratsiya qonunchiligini buzgani uchun yana 26 nafar O‘zbekiston fuqarosi AQShdan deportatsiya qilindi. AQShning Omni Air International charter kompaniyasi samolyoti Texasdan uchib chiqib, beshta oraliq to‘xtashni amalga oshirdi. Yo‘ldagi umumiy vaqt 36 soatni tashkil etdi. gazeta.uz »
O‘zbekistonliklar Germaniyada qurilish sohasida ishga taklif etilmoqda. 280 ta bo‘sh ish o‘rni mavjud, maosh - 2100 yevro. Talabgorlar uchun bepul til kurslari tashkil etiladi, yo‘l va imtihon xarajatlari qoplanadi. Turar joy va oziq-ovqat xarajatlari xodim hisobidan. gazeta.uz »
Rossiyaning Novosibirsk shahrida og‘ir ahvolda qolgan ikki nafar o‘zbekistonlik ayol va ularning jami 7 nafar voyaga yetmagan farzandiga yordam ko‘rsatilib, barchasi O‘zbekistonga qaytarildi. Bundan 3 kun oldin ham ota-ona qaramog‘isiz qolgan 6 nafar bola vatanga olib kelingandi. gazeta.uz »
Rossiyadan ota-ona qaramog‘isiz qolgan 6 nafar voyaga yetmagan bola O‘zbekistonga qaytarildi. Ular oilalari bag‘riga topshirildi. Mart oyida ham 5 nafar bola vatanga olib kelingan. gazeta.uz »
Umra ziyoratidan qaytayotgan 82 nafar o‘zbekistonlik Turkiyada qiyin hayotiy vaziyatga tushib qoldi. Bunga turistik firmalar o‘zlariga yuklatilgan majburiyatlarni lozim darajada bajarmagani sabab bo‘lgan. Fuqarolar tegishli idoralar yordamida vatanga qaytarildi. gazeta.uz »
Sakkiz o‘zbekistonlik Sahroi Kabirdagi Marathon des Sables ultramarafonida ishtirok etadi. Ko‘zlangan maqsad Ezgu Amal fondi va Supersport maktabining “Sakkizta yurak” loyihasiga e’tibor qaratish bo‘lib, u orqali Bolalar onkologiyasi markazi uchun 120 ming dollarlik UZI apparatiga mablag‘ yig‘iladi. gazeta.uz »
Navro‘z va Ramazon hayiti arafasida prezident 392 nafar mahkumni afv etishga oid farmon imzoladi. Ulardan 223 nafari jazodan butunlay ozod etildi, qolganlarining muddati yoki shartlari osonlashdi. Afv etilganlar orasida 3 nafarini xorijlik, 26 nafarini ayol va 166 nafarini yoshlar tashkil qiladi. gazeta.uz »
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan. gazeta.uz »
Bekobod shahrida 11-sinf o‘quvchisining o‘limi bilan bog‘liq jinoyat ishi doirasida jami 5 nafar voyaga yetmagan shaxs gumonlanuvchi sifatida hibsga olindi. Avvalroq bir nafar o‘smir ushlangani xabar qilingandi. gazeta.uz »
Qidiruvda bo‘lgan O‘zbekiston fuqarolari Bahrayn va AQShdan ekstraditsiya qilindi. Ulardan biri firibgarlikda, ikkinchisi o‘ta yirik miqdordagi o‘g‘irlikda gumonlanib xalqaro qidiruvga berilgan. gazeta.uz »
AQSh yana 65 nafar fuqaroni O‘zbekistonga deportatsiya qildi. Tramp davrida 1000 dan ortiq o‘zbekistonlik mamlakatdan chiqarib yuborildi, deyiladi AQSh elchixonasi xabarida. Jarayonda ko‘rsatilgan yordam uchun O‘zbekistonga minnatdorlik bildirildi. gazeta.uz »
5-mart soat 10:00 holatiga ko‘ra, 1-martdan beri O‘zbekistonga jami 9361 nafar vatandosh evakuatsiya qilindi. Ularning 8114 nafari Saudiya Arabistonidan, 1192 nafari esa BAAdan olib kelindi. Shuningdek, Erondan 23 nafar, Bahrayndan 25 nafar, O‘mondan esa 7 nafar O‘zbekiston fuqarolari vatanga keltirildi. gazeta.uz »
O‘zbekiston prezidenti har bir hududdan ikki nafardan xotin-qizni Zulfiya nomidagi davlat mukofoti bilan taqdirladi. Ular orasida yaqinda Garvard universitetidan 100 foizli grant yutgan farg‘onalik Dilafro‘z Sobirova ham bor. gazeta.uz »
Toshkentda fuqarodan 2200 dollar pora talab qilgan ikki nafar IIBB katta tezkor vakili qo‘lga olindi. Ular giyohvand modda bilan ushlangan kishini jinoiy javobgarlikka tortmaslikni va’da qilgan. gazeta.uz »
O‘zbekistonning Ashxoboddagi elchixonasi Eron va Turkmaniston idoralari bilan hamkorlikda 13 nafar fuqaroni vatanga qaytardi. Ular “Saraxs” chegara posti orqali xavfsiz olib o‘tilib, mamlakatga kuzatib qo‘yilgan. gazeta.uz »
2025-yilda hayvonlarga nisbatan shafqatsiz munosabatda bo‘lgan 70 nafar fuqaro ma’muriy javobgarlikka tortildi. Ularning 66 nafariga jami 84 million so‘m miqdorda jarima va 4 nafariga ma’muriy qamoq jazolari qo‘llanilgan. gazeta.uz »
Shvetsiyadan charter reys orqali 21 nafar O‘zbekiston fuqarosi Toshkentga qaytarildi. Ular mamlakatga qoidani buzgan holda kirib, migratsiya qonunchiligiga rioya etmasdan yurgan. gazeta.uz »
2025-yilda O‘zbekistonda 5222 ta korrupsion jinoyat sodir etildi, deb ma’lum qildi Antikorrupsiya agentligi rahbari. Eng ko‘p holat SSV va Maktab vazirliklari hamda hokimliklarda aniqlandi. 12 nafar hokim esa javobgarlikka tortildi. gazeta.uz »
2025-yili O‘zbekistonda o‘ta og‘ir jinoyat sodir qilgan uch nafar shaxsga nisbatan umrbod ozodlikdan mahrum qilish jazosi tayinlandi. Oliy sudga ko‘ra, 2017-yildan buyon 31 kishiga shunday jazo chorasi qo‘llanilgan. gazeta.uz »
2025-yili O‘zbekistonda 59 nafar sudya lavozimidan ozod etildi. Ulardan 3 nafari korrupsion holatlar sababli jinoiy javobgarlikka tortilgan. “Bu tizimda mas’uliyatsiz sudyalarga nisbatan qattiq kurash olib borilayotganini anglatadi”, - deydi Oliy sud raisining birinchi o‘rinbosari Alisher Usmanov. gazeta.uz »
Qorako‘l tumanida o‘quv markazning 20 nafar abituriyenti zaharlangani aytilmoqda. Viloyat SSBga ko‘ra, hozirda ularning ahvoli yaxshilangan va uyiga javob berilgan. Kasallanish nimadan kelib chiqqani noma’lum, tegishli qon namunalari ekspertizaga yuborilgan. gazeta.uz »
O‘zbekistonda 2026-yilning birinchi sutkasida 1815 nafar bola tug‘ildi. Dunyoga kelgan ushbu bolalar orasida 17 egizak (jami 37 nafar bola) bor. Ularning 30 nafari ikki homilalik, 3 nafari 3 homilalik, 4 nafari esa 4 homilalik egizakdir. gazeta.uz »
