Surxondaryoda - Ïîñëåäíèå íîâîñòè [ Ôîòî â íîâîñòÿõ ] | |
Surxondaryo viloyati sudining sudya katta yordamchisi jinoyat ishi bo‘yicha sudlanuvchilarga yengilroq jazo tayinlatish, 6,3 mlrd so‘mlik zarar miqdorini kamaytirish va qamoq ehtiyot chorasini bekor qildirishni va’da qilib, 53 ming dollar olgan vaqtida ushlandi. Jinoyat ishi qo‘zg‘atilib, tergov olib borilmoqda. gazeta.uz »
Ijtimoiy tarmoqlarda Denov shahrida ota-bola do‘pposlanib, mashinaga bosib olib ketilgani aks etgan video tarqaldi. Viloyat IIBga ko‘ra, voqea pul oldi-berdisi ortidan kelib chiqqan. Hodisa oqibatda 30 yoshli o‘g‘il shifoxonada vafot etdi. gazeta.uz »
Surxondaryoning Boysun tumanida daryoga neft aralash suyuqlik oqib ketishi ortidan 8,5 mlrd so‘mdan ortiq kompensatsiya hisoblandi. Qayd etilishicha, 1,2 tonna miqdordagi suyuqlik Eriell tomonidan qazilgan handaqlardan toshgan. gazeta.uz »
Tarmoqlarda Qumqo‘rg‘on tumanidan o‘tuvchi daryoda neftga o‘xshash qora rangli suv oqayotgani aks etgan video tarqaldi. Suv xo‘jaligi boshqarmasi bunga Eriell kompaniyasiga tegishli neft hovuzlaridan suv toshishi sabab bo‘lganini bildirdi. Ekoboshqarma laboratoriya tahlillari o‘tkazishni boshladi. gazeta.uz »
Surxondaryoda hujjatsiz Cobalt boshqargan talaba qiz YTH sodir etdi. Mashina daryoga tushib ketishi oqibatida uning dugonasi halok bo‘ldi. Sud haydovchini aybdor deb topib, 1,5 yil qamoq va 3 yilga haydovchilik huquqidan mahrum qildi. gazeta.uz »
Surxondaryoning Uzun tumanida Nexia 2 avtomashinasi yo‘lni kesib o‘tayotgan 6 yoshli qizni urib yubordi. Qizaloq olgan tan jarohatlari oqibatida vafot etdi. Hodisadan so‘ng mahallada harakat xavfsizligi bo‘yicha uchrashuv o‘tkazilib, ikkida baland piyodalar o‘tish joyi, yo‘l belgilari va radar o‘rnatildi. gazeta.uz »
Surxondaryoda maktab o‘qituvchisi 14,68 kg opiyni 180 ming dollarga sotgan vaqtida ushlandi. Sirdaryoda esa ikki nafar erkak tunda chegara sim to‘siqlari ustidan uloqtirilgan 8,3 kg geroin va 54,4 kg opiyni qabul qilib olgan paytida qo‘lga olindi. gazeta.uz »
Surxondaryoda maktab o‘qituvchisi 14,68 kg opiyni 180 ming dollarga sotgan vaqtida ushlandi. Sirdaryoda esa ikki nafar erkak tunda chegara sim to‘siqlari ustidan uloqtirilgan 8,3 kg geroin va 54,4 kg opiyni qabul qilib olgan paytida qo‘lga olindi. gazeta.uz »
Jarqo‘rg‘on tumanidagi 33-umumta’lim maktabida o‘qituvchilardan majburiy pul yig‘ish bo‘yicha topshiriq bergan tuman hokimi o‘rinbosari Anvar Rajabov ishdan olindi. gazeta.uz »
Surxondaryo viloyatida qo‘shni mamlakatdan giyohvandlik vositalarini olib kirish bilan shug‘ullangan 5 kishilik guruh qo‘lga olindi. Ularning barchasi 15 yilga ozodlikdan mahrum etildi. gazeta.uz »
Surxondaryo viloyati Uzun tumanida Qizil kitobga kiritilgan Buxoro tog‘ qo‘yi noqonuniy ov qilinib, otib tashlandi. Hayvonot dunyosiga yetkazilgan zarar 412 mln so‘m etib belgilandi. Holat yuzasidan surishtiruv ishlari olib borilmoqda. gazeta.uz »
Surxondaryoda YPX inspektoriga 10 mln so‘m pora berishga uringan Hindiston fuqarosi ushlandi. U texnik nosoz avto boshqargan va alkogol iste’mol qilgani aniqlangan. Holat yuzasidan jinoyat ishi qo‘zg‘atilib, tergov olib borilmoqda. gazeta.uz »
Surxondaryoda tuman ekologiya bo‘limi boshlig‘i 500 dollar pora bilan ushlangani aytilmoqda. U korxona hududida ruxsatsiz kesilgan 22 tup daraxat bo‘yicha zararni kamaytirib bermoqchi bo‘lgan. gazeta.uz »
Tailand hamkorligida Surxondaryo viloyatidagi Kushon imperiyasiga taalluqli obidalar restavratsiya va konservatsiya qilinadi. Tailanddan bo‘lgan buddaviylik oqimiga qiziqishi bo‘lgan piligrim turistlarni viloyatga jalb qilish ishlari olib boriladi. gazeta.uz »
Surxondaryo viloyatida BAAning Katawazai Group of Companies kompaniyasi bilan qimmatbaho metall rudalarini qayta ishlash bo‘yicha investitsion loyiha amalga oshiriladi. Tomonlar TIAni ishlab chiqish, loyihani bosqichma-bosqich joriy etish va tashkiliy-huquqiy masalalar bo‘yicha amaliy ishlarini boshlashga kelishib oldi. gazeta.uz »
Uzun tumanida ayol va uning 5 oylik chaqalog‘ini tutqunlikda saqlab kelganlarga nisbatan sud hukmi o‘qildi. Ayolning turmush o‘rtog‘i 13 yilga ozodlikdan mahrum qilindi. Qarindoshlarining ikki nafari 9 yilga qamaldi, yana birining ozodligi 5 yilga cheklandi. gazeta.uz »
Surxondaryoda bo‘riga shafqatsiz munosabatda bo‘lib, uning o‘limiga sabab bo‘lgan fuqaroga chora ko‘rildi. U qo‘ylarini o‘tlatib yurganida bo‘ri hujum qilgan. Fuqaro esa yirtqichni ta’qib qilib, o‘ldirgan. Holat bo‘yicha unga nisbatan 8,2 mln so‘m jarima qo‘llandi. gazeta.uz »
Jarqo‘rg‘on tumanida 16 yoshli o‘smir otasining Cobalt avtomashinasini boshqarib, qarama-qarshi yo‘nalishda harakatlanib kelayotgan Nexia bilan to‘qnashdi. Oqibatda Nexia haydovchisining onasi va farzandi vafot etdi. gazeta.uz »
Korrupsiyaga qarshi kurashish agentligi SurxondaryoQurilishInvest buyurtmasi asosida o‘tkazilgan 38,5 mlrd so‘mlik tender jarayonida qonun buzilishi holatini aniqlab, xaridni bekor qildi. Aytilishicha, tender ishtirokchilaridan birining soliq hisobvarag‘iga soliqdan qarzdorlik haqida soxta ma’lumot kiritilgan. gazeta.uz »
Surxondaryo viloyatida qadimiy tangalarni xorijga olib chiqmoqchi bo‘lgan shaxs ushlandi. Tangalar XVI asrga oid bo‘lib, ularda arab yozuvida diniy iboralar va hukmdor nomlari bitilgan. Ular Termiz arxeologiya muzeyiga topshirildi, tergovga qadar tekshiruv harakatlari olib borilmoqda. gazeta.uz »
Qumqo‘rg‘on tumanida Cobalt va Nexia 2 avtomobillari o‘zaro to‘qnashdi. Oqibatda mashinada bo‘lgan 62 yoshli erkak voqea joyida vafot etdi. Yana bir yo‘lovchi ayol shifoxonaga yotqizildi. gazeta.uz »
Hindistonning Glokal Yevroaziya kompaniyasi Surxondaryoning Uzun tumanida mis qazib olish loyihasi uchun $650 mln investitsiya kiritadi. Yiliga 10 ming tonna mis qazib olish va qayta ishlash quvvatiga ega korxona barpo etilishi ko‘zda tutilmoqda. gazeta.uz »
Toshkent shahrida va Surxondaryo viloyatida jinoyat ishi bo‘yicha ayblanuvchilarga jazoni o‘zgartirib berish evaziga ulardan pul talab qilgan advokatlar qo‘lga olindi. Toshkentda advokat fuqarodan 3700 dollar, surxondaryolik advokat esa 60 mln so‘m olgan vaqtida ashyoviy dalillar bilan ushlandi. gazeta.uz »
Surxondaryo viloyati Bandixon tumanida salonida paxta terimidan qaytayotgan ayollar bo‘lgan Labo qarshi yo‘nalishdagi Cobalt bilan to‘qnashdi. Haydovchi va 5 nafar ayol kasalxonaga yotqizildi. Jinoyat ishi qo‘zg‘atildi. gazeta.uz »
Surxondaryo viloyatida Afg‘oniston hududida sodir bo‘lgan zilzila kuchi sezildi. Yer silkinishi epitsentrda 5 ballni tashkil etgan bo‘lsa, O‘zbekiston hududida 2 ball bo‘ldi. gazeta.uz »
Surxondaryo viloyat Denov tumanida 15 yoshli voyaga yetmagan qizga uylangan erkak va moddiy manfaat evaziga ularga shar’iy nikoh o‘qigan 75 yoshli shaxsga nisbatan jinoyat ishlari qo‘zg‘atildi. gazeta.uz »
Surxondaryo viloyatida fuqaro 6 yil avval taqiqlangan materialga “layk” bosgani uchun 3 yilga ozodlikdan mahrum qilindi. U 2019-yilda “Odnoklassniki.ru” saytida Abdug‘ani Umarov (Abdulloh domla)ning aqidaparastlik g‘oyalari bor deb topilgan ma’ruzasiga “klass” bosish orqali virtual do‘stlariga tarqatgan. gazeta.uz »
Surxondaryoning Sariosiyo tumanida ijaraga yer olib berish uchun pul talab qilgan hokim yordamchisi, “O‘zdaverloyiha” instituti muhandisi va tuman qishloq xo‘jaligi bo‘limi mas’uli ushlandi. Ular 2,5 gektar sug‘oriladigan yerni 30 yilga ijaraga olib berish evaziga fuqarodan 29 mln so‘m talab qilgani aytilmoqda. gazeta.uz »
Denov tumanida 15 yoshli qiz turmushga berilgani aniqlandi. Ijtimoiy himoya agentligi avvalroq oila ogohlantirilganini ma’lum qildi. Shunga qaramay qizni turmushga chiqarilgan. Agentlik aybdorlarga jarima qo‘llanganini ma’lum qildi. gazeta.uz »
Jinoyat ishlari bo‘yicha Termiz tumani sudi sudya yordamchisi qarindoshi vositachiligida 800 dollar olgan vaqtida ushlandi. U fuqaroga ma’muriy huquqbuzarlikka oid ishi bo‘yicha yengillik yaratib bermoqchi bo‘lgan va oldindan 500 ming so‘m olgan. gazeta.uz »
Surxondaryo viloyatida Bojxona boshqarmasiga ishga kiritib qo‘yish evaziga fuqarodan 1000 dollar talab qilgan Mediatsiya va yuridik maslahatlar huzuridagi hakamlik sudining kadrlar bo‘limi boshlig‘i ushlandi. Unga nisbatan jinoyat ishi ochildi. gazeta.uz »
Surxondaryoda “Tavhid va jihod katibasi” terrorchilik tashkiloti tarafdorlaridan iborat noqonuniy guruhning 20 nafar a’zosi 6 yildan 13 yilgacha ozodlikdan mahrum etildi. DXXga ko‘ra, ular diniy yig‘in o‘tkazib, portlovchi qurilmalar tayyorlashni o‘rgangan va Suriyada jihod qilishni rejalashtirgan. gazeta.uz »
Uzun tumanida 28 yoshli ayol va uning farzandi norasmiy eri tomonidan tazyiq va zo‘ravonlikka uchragani aniqlandi. Ona va bola bu vaqtda uy egalari tomonidan molxonada saqlangan. Erkak va uning uch nafar qarindoshiga nisbatan jinoiy ish ochildi. gazeta.uz »
Termiz shahrida er o‘z xotinini oilaviy nizo oqibatida kaltaklab, jarohat yetkazdi. Holat yuzasidan tergovga qadar surishtiruv ishlari boshlandi. gazeta.uz »
Surxondaryo viloyatida xalqaro toifadagi M39 yo‘lining ayrim qismlarida harakat tezligi cheklovi 90, 100 va 130 km/soatgacha oshirilishi rejalashtirilmoqda. Shu masala bo‘yicha tuzilgan ishchi guruh yo‘lning tegishli qismlarida aniqlangan kamchiliklar bartaraf etilgandan so‘ng tezlik chegarasini oshirishni ma’qulladi. gazeta.uz »
MIB Surxondaryo viloyati boshqarmasiga fuqaro Cobalt avtomobilida yo‘l harakati qoidalarini buzib, 81 marta ma’muriy jarimaga tortilgani haqidagi ijro hujjati kelib tushgan. Mashina xatlovga olinib, auksionga chiqarilishi haqida ogohlantirilgan. Shundan so‘ng haydovchi 30 mln so‘mga yaqin jarima to‘ladi. gazeta.uz »
Oltinsoy tumanida ichida besh nafar 19 yoshli yigit bo‘lgan Gentra beton to‘siqqa urildi. Oqibatda ulardan to‘rt nafari vafot etdi. Avtomobilning egasi yuvib kelish uchun bergandi, deydi rulda bo‘lgan yigit. gazeta.uz »
Uzun tumanida Nexia 2 haydovchisi piyodalar yo‘lagidan o‘tayotgan 8 yoshli qizni urib yubordi. Bola vafot etdi, haydovchi sud hukmi bilan 5 yilga ozodlikdan mahrum etildi. gazeta.uz »
Jarqo‘rg‘on tumanida advokat jinoiy ish bo‘yicha fuqaroga yordam berish uchun 60 ming dollar talab qilgani aytilmoqda. U puldan 50 ming dollar olayotgan vaqtida qo‘lga olindi. gazeta.uz »
Andijon va Surxondaryo viloyatidagi soliq idoralari xodimlari tadbirkordan pora olayotganda ushlandi. Ular tadbirkorlik subyektlarida tekshiruv o‘tkazmaslik evaziga pul talab qilgan. gazeta.uz »
Surxondaryo viloyati Jarqo‘rg‘on tumanida nasos stansiyasi orqali Amu Zang kanalidan Bobotog‘ kanaliga suv chiqaruvchi quvurda yoriq yuzaga keldi. Avariyani 4 ta texnika 8 soat ichida bartaraf qildi. gazeta.uz »
Termiz shahrida Damas haydovchisi 11-sinf o‘quvchisi boshqaruvidagi skuter bilan to‘qnashdi. Oqibatda 17 yoshli yigit shifoxonada vafot etdi. gazeta.uz »
Surxondaryo viloyati Sariosiyo tumanida “Sangardak” turistik markazi barpo etilmoqda. Qiymati 913,3 mlrd so‘m bo‘lgan ushbu loyiha 615 gektar maydonni qamrab oladi. Tumandagi “Sangardak” turizm majmuasi va Nilu mahallasini turizm qishlog‘iga aylantirish ko‘zda tutilgan. gazeta.uz »
Sariosiyo chegara bojxona posti orqali qo‘shni davlatga yo‘l olgan fuqaroning yuklari orasidan 267 dona qadimiy taqinchoq qismlari va tangalar topildi. Ulardan ayrimlari Buxoro amirligi davriga oid ekani aniqlandi. gazeta.uz »
Jarqo‘rg‘on tumanidagi 5-maktab direktori 400 dollar pora bilan qo‘lga olindi. U bu pulni rus tili o‘qituvchisining dars soatlarini qisqartirmaslik evaziga talab qilgan. Direktorga 2 yilga mansabdorlik lavozimlarida ishlash cheklangan holda 4 yilga ozodlikdan mahrum qilish jazosi berildi. gazeta.uz »
Boysundagi “M-25” gaz konining 202-sonli qudug‘ida vodorod sulfidining “nazorat ostida ajralib chiqarishi” sodir bo‘ldi, deya xabar qildi Energetika vazirligi. Vazirlik jarayon aholi va atrof-muhitga hech qanday xavf tug‘dirmasligiga ishontirdi. Bu sentabr oyida texnogen avariya sodir bo‘lgan quduq emas. gazeta.uz »
“O‘zsuvta’minot” va Fransiyaning Suez kompaniyasi o‘rtasida Surxondaryo viloyatida suv ta’minotini yaxshilash bo‘yicha shartnoma imzolandi. 8,3 mln dollarlik loyiha ichimlik suvini ishlab chiqarish va taqsimlashni boshqarish bo‘yicha raqamli yechimlarni joriy qilishni o‘z ichiga oladi. gazeta.uz »
Boysun tumanida maktabdan chiqib yo‘ldan o‘tayotgan qizni yuk mashinasi urib ketdi. Qiz shifoxonada vafot etdi. YTH sabab mahallada o‘tkazilgan yig‘ilishda aholiga farzandlarini doim nazorat qilishlari kerakligi aytildi. gazeta.uz »
Jarqo‘rg‘on tumanida olti farzandning onasi chaqaloqni 62 mln so‘mga sotmoqchi bo‘lganda qo‘lga olindi. Ayol 3 yilga ozodlikdan mahrum qilindi. gazeta.uz »
Surxondaryo viloyati Uzun tumanida ayol va uning voyaga yetmagan farzandi yonayotgan uydan jonsiz holatda topildi. Yana ikki nafar bola jonlantirish bo‘limiga yotqizildi. Qasddan odam o‘ldirish moddasi bilan jinoyat ishi qo‘zg‘atildi. gazeta.uz »
