Jaligi - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda qishloq xo‘jaligi yerlaridan foydalanishning yangi modeli joriy etiladi. Unga ko‘ra, fermerlar ekin turini o‘zlari tanlaydi va faqat soliq idoralari oldida javobgar bo‘ladi. Hukumat yana 100 ming gektar yerni 49 yilga ijaraga berishni rejalashtirmoqda. gazeta.uz »
O‘zbekistonda qishloq xo‘jaligi yerlarini ajratishda mahalliy dehqon va tadbirkorlarga ustuvorlik beriladi, shuningdek, xorijiy investorlar bu turdagi yerlarini ijaraga olishda kamida $10 mln investitsiya kiritishi shart etib belgilanadi. Prezidentga bu bo‘yicha tegishli takliflar kiritildi. gazeta.uz »
Toshkent irrigatsiya institutida dual ta’lim tizimini kengroq joriy etish reja qilinmoqda. Talabalar haftada to‘rt kun nazariyani o‘rganadi, ikki kun esa korxonalarda haq to‘lanadigan amaliyot o‘taydi. gazeta.uz »
Piskent tumanidagi fermer xo‘jaligi Toshkent dengizi yaqinida 24 tup daraxtni kesib tashlagani aniqlandi. Oqibatda tabiatga 218,5 mln so‘m zarar yetdi. Jamlangan hujjatlar huquqiy baho berish uchun Toshkent viloyati prokuraturasiga yuborildi. gazeta.uz »
AQSh Davlat departamenti O‘zbekiston prezidenti Shavkat Mirziyoyevning Vashingtonga tashrifi doirasida erishilgan bitimlar haqida ma’lumot berdi. Kelishuvlar sanoat, aviatsiya, qishloq xo‘jaligi, mineral resurslar va xavfsizlik sohalarini qamrab olgan. gazeta.uz »
Suv xo‘jaligi vaziri maslahatchisi, davlat va jamoat arbobi Ismoil Jo‘rabekov 94 yoshida vafot etdi. U sovet davrida uzoq yillar respublika melioratsiya va suv xo‘jaligi vaziri bo‘lgan. Mustaqillikdan keyin bosh vazirning birinchi o‘rinbosari, prezident maslahatchisi lavozimlarida faoliyat yuritgan. gazeta.uz »
Surxondaryoning Sariosiyo tumanida ijaraga yer olib berish uchun pul talab qilgan hokim yordamchisi, “O‘zdaverloyiha” instituti muhandisi va tuman qishloq xo‘jaligi bo‘limi mas’uli ushlandi. Ular 2,5 gektar sug‘oriladigan yerni 30 yilga ijaraga olib berish evaziga fuqarodan 29 mln so‘m talab qilgani aytilmoqda. gazeta.uz »
O‘zbekistonda qishloq xo‘jaligi yerlari ijarachilariga uchastkaning bir qismini boshqa foydalanuvchiga o‘tkazishga ruxsat berildi. Prezident farmonida qishloq xo‘jaligi yerlariga nisbatan faqat ijara huquqi tan olinishi ham belgilangan. gazeta.uz »
Buyuk Britaniya kompaniyasi mavsumiy qishloq xo‘jaligi ishlari uchun nomzodlar tanlovini ochdi. Soatiga 12,21 funt (bugungi kunda 16,55 dollar) maosh taklif qilinmoqda, ish esa haftasiga kamida 32 soat bo‘ladi. gazeta.uz »
2026-yildan boshlab dehqon va fermerlarga o‘zi yetishtirgan qishloq xo‘jaligi mahsulotini sotishda QQS nol stavkada qo‘llanadi (g‘alla va paxta bundan istisno). Prezident topshirig‘iga ko‘ra, qishloq xo‘jaligini “soya”dan chiqarish bo‘yicha takliflar ishlab chiqildi gazeta.uz »
Toshkent viloyati Zangiota tumani qishloq xo‘jaligi bo‘limi bosh mutaxassisi 20 ming dollar olayotgan vaqtida qo‘lga olindi. Ma’lum qilinishicha, u davlat zaxirasidagi yer uchastkasini tadbirkor nomiga rasmiylashtirib berish uchun 40 ming dollar talab qilgan. gazeta.uz »
O‘zbekistonda yer, kredit, subsidiya va agroxizmatlar bo‘yicha 30 dan ortiq platformani birlashtirgan “Raqamli qishloq xo‘jaligi” yagona integratsion platformasi ishga tushiriladi. Endilikda fermer nima ekishni o‘zi hal qilib, ushbu platformaga kiritadi. gazeta.uz »
Bosh prokuratura reyd tadbirida Xorazm viloyati Urganch tumanidagi fermer xo‘jaligi elektr energiyasidan noqonuniy foydalangani aniqlandi. Uning mansabdorlari yer maydonini sug‘orish uchun suv nasosini o‘zboshimchalik bilan hisoblagichdan tashqari elektr tarmog‘iga ulab, 5,6 mlrd so‘mlik elektrni o‘zlashtirgan. gazeta.uz »
O‘zbekistonning to‘rtta banki kooperativ qishloq xo‘jaligi uchun 500 mlrd so‘m miqdoridagi kreditlar ajratadi. Mablag‘larni mamlakatning 30 ta tumanidagi baliqchilik, quyonchilik, chorvachilik, parrandachilik va asalarichilik mahsulotlari yetishtiruvchi kooperativlar olishi mumkin. gazeta.uz »
Oltinko‘l tumanida ikki nafar 2-sinf o‘quvchisi fermer xo‘jaligi hovuzida cho‘kib vafot etdi. Ular tomchilab sug‘orish tizimi uchun qazilgan hovuzga cho‘milish uchun borgan. gazeta.uz »
Suv xo‘jaligi vaziri Shavkat Xamrayevning aytishicha, yaqin yillarda soha mamlakat energetika tizimiga yuk bo‘lmaydi, hatto elektr energiyasi ishlab chiqara boshlaydi. Birgina 2025-yilda sanoatda eski nasoslarni yangilash hisobiga 340 mln kVt/soat elektr energiyasini tejash rejalashtirilmoqda. gazeta.uz »
Qishloq xo‘jaligi vazirligi Urgut tumani amaldorining ekin ekishni xohlamaganlarning yeri xitoyliklarga berilshi haqidagi so‘zlarini rad etdi. Vazirlik ijara shartnomasini faqat sud orqali bekor qilish mumkinligi va qonunga ko‘ra yerni chet el fuqarolariga berish taqiqlanganini eslatib o‘tdi. gazeta.uz »
Jizzax viloyati Sharof Rashidov tumanidagi fermer xo‘jaligida suv nasoslari tarmoqqa hisoblagichdan tashqari ulanishi oqibatida 4,7 mlrd so‘mlik elektr energiyasidan noqonuniy foydalanilgani aniqlandi. gazeta.uz »
O‘zbekistonda qishloq xo‘jaligi ishlab chiqaruvchilariga tabiiy va texnogen ofatlar, yong‘inlar, o‘simliklar kasalliklari, yovvoyi hayvonlar yoki uchinchi shaxslar tomonidan yetkaziladigan zarar kabi risklardan sug‘urtalash imkonini beruvchi qonun kuchga kirmoqda. gazeta.uz »
O‘zbekistonda qishloq xo‘jaligi tavakkalchiliklarini sug‘urta qilish tizimi joriy etiladi. Qonun bilan sug‘urtalash jarayoni ishtirokchilarining huquq va majburiyatlari hamda qishloq xo‘jaligi sug‘urtasi jamg‘armasini tashkil etish belgilandi. gazeta.uz »
Qonunchilik palatasi deputatlari qishloq xo‘jaligi tavakkalchiliklarini sug‘urta qilish to‘g‘risidagi qonunni ikkinchi va uchinchi o‘qishda qabul qilib, senatga yubordi. Hujjat bilan sug‘urtalash jarayoni ishtirokchilarining huquq va majburiyatlari hamda qishloq xo‘jaligi sug‘urtasi jamg‘armasini tashkil etish belgilanmoqda. gazeta.uz »
Malayziyaning Meraque kompaniyasi Toshkent viloyatining Yangiyo‘l tumanida dron va qishloq xo‘jaligining aqlli texnologiyalarini ishlab chiqarishni yo‘lga qo‘yadi. Kompaniya loyihaga 4,5 mln dollar sarmoya kiritishni rejalashtirmoqda. gazeta.uz »
Prezident qarori bilan Zokir Ishpulatov suv xo‘jaligi vaziri o‘rinbosari - Suv xo‘jaligi obyektlarini ekspluatatsiya qilish agentligi direktori lavozimiga tayinlandi. U bungacha Vazirlar Mahkamasi kotibiyati bosh mutaxassisi bo‘lib ishlagan. gazeta.uz »
Kambag‘al oilalar reyestriga kiritilgan oilalar a’zolariga qishloq xo‘jaligi kooperativlari ustav fondiga ulush sifatida kiritish uchun BHMning 10 baravarigacha miqdorda subsidiyalar ajratiladi. gazeta.uz »
Hukumat qarori bilan qishloq xo‘jaligiga mo‘ljallangan yerlardan oqilona foydalanish tartibi to‘g‘risidagi nizom tasdiqlandi. Monitoring ishlari Qishloq xo‘jaligi vazirligi va uning hududiy bo‘linmalari xodimlari tomonidan amalga oshiriladi. gazeta.uz »
Dala chetlari, shaxsiy tomorqalar, xonadonlar, ko‘p qavatli uylar oldi va mahallalarning ichki ko‘chalarida qishloq xo‘jaligi mahsulotlari yetishtirish rejalashtirilmoqda. Maxsus ishchi guruh tuproq-iqlim sharoitidan kelib chiqib, urug‘ va ko‘chat tanlash bo‘yicha tavsiyalar beradi. gazeta.uz »
Bir oy oldin Ekologiya vazirligida ish boshlagan Erkin Muhitdinov O‘zbekiston O‘rmon xo‘jaligi agentligi direktori etib tayinlandi. O‘rmon xo‘jaligi idorasini yetti yildan ortiqroq davomida Nizomiddin Bakirov boshqarib kelayotgandi. gazeta.uz »
Qoraqalpog‘istonda 3 ta asosiy yo‘nalish - qishloq xo‘jaligi, sanoat va turizmni rivojlantirish bo‘yicha loyiha ofisi tashkil etilib, takliflar tayyorlanadi va hokimlarga yetkaziladi. Prezident ko‘p energiya talab qiluvchi yirik loyihalarni ushbu hududda joylashtirish kerakligini ta’kidladi. gazeta.uz »
Jamshidjon Abduzuxurov qishloq xo‘jaligi vazirining o‘rinbosari vazifasini bajaruvchi etib tayinlandi. U bunga qadar Qishloq xo‘jaligi mahsulotlari yetishtirish departamenti boshlig‘i bo‘lib ishlagan. gazeta.uz »
Prezident qarori bilan 2025-yildan boshlab ikki yil davomida belgilangan talablarga javob beruvchi kombaynlar hamda ko‘chat ko‘mish va ochish texnikalari bojxona boji va utilizatsiya yig‘imidan ozod qilinadi. gazeta.uz »
Samarqand viloyatidagi fermer xo‘jaliklaridan biri tabaqalashtirilgan tarif bo‘yicha hisob-kitoblarni amalga oshirmay kelishi oqibatida elektr ta’minoti korxonasiga 4,6 mlrd so‘m zarar yetkazdi. gazeta.uz »
Qishloq xo‘jaligi sohasi kadrlari hamda veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish institutlari tashkil etiladi. gazeta.uz »
Xurshid Qoraboyev Toshkent viloyati hokimining qishloq va suv xo‘jaligi masalalari bo‘yicha o‘rinbosari etib tayinlandi. U bungacha SSP boshqarmasi boshlig‘i lavozimida ishlab kelgan. gazeta.uz »
Prezident qarori bilan Qishloq xo‘jaligi vazirligining hududiy rahbarlari hokim o‘rinbosari lavozimini egallashi belgilanmoqda. Vazirlikning hududiy tarkibiy bo‘linmalarida oziq-ovqat xavfsizligini ta’minlashga mas’ul xodim lavozimi joriy etilmoqda. gazeta.uz »
O‘tgan yili qishda jami 13 ming gektar bog‘ va uzumzor sovuq urishi tufayli zararlandi, oqibatda 207 ming tonna hosil yo‘qotildi. Shu bois prezident topshirig‘iga muvofiq, Ispaniya, Turkiya, AQSh tajribalari asosida “Qishloq xo‘jaligi tavakkalchiliklarini sug‘urta qilish to‘g‘risida”gi qonun loyihasi ishlab chiqildi. gazeta.uz »
Prezident fermerlarning birgalikda ishlashi uchun birlashishiga imkon beruvchi qishloq xo‘jaligi kooperativi to‘g‘risidagi yangi qonunni imzoladi. Hujjatga kooperativlarning uyushmaga majburiy a’zoligini kiritish rejalashtirilgan bo‘lsada, bu norma parlamentning quyi palatasidayoq chiqarib tashlangan. gazeta.uz »
Prezident topshirig‘i bilan qishloq xo‘jaligi ehtiyojlari uchun suv olish limitlari xalq deputatlari tuman (shahar) kengashlari tomonidan tasdiqlanishi belgilanmoqda. gazeta.uz »
Qishloq xo‘jaligi vazirining sobiq o‘rinbosari Azimjon Nazarov sud tomonidan bir nechta jinoyatda aybdor deb topildi. Nazarov 550 ming dollardan ortiq miqdoridagi zarar yetkazgani aniqlangan. Sud unga nisbatan 4 yil 6 oy muddatga ozodlikni cheklash jazosi tayinladi. gazeta.uz »
ITIM so‘rovnomasiga ko‘ra, sentabr oyida qishloq xo‘jaligi va sanoatda biznes muhiti sezilarli darajada yaxshilandi, qurilish va xizmat ko‘rsatish sohalarida iqtisodiy faollik pasayishi kuzatildi. Kompaniyalarning umidlari biroz pasaydi, eng sezilarli optimizm pasayishi qurilish va xizmatlarda ro‘y berdi. gazeta.uz »
O‘zbekiston senatorlari fermerlarning birlashishi va hamkorlikda faoliyat yuritishi mumkin bo‘lgan qishloq xo‘jaligi kooperativlari haqidagi yangi qonunni ma’qulladi. Amaldagi qonun 1998-yildan buyon kuchda bo‘lib kelmoqda. gazeta.uz »
Toshkent davlat agrar universiteti 30-sentabr kuni universitet hududida kelib chiqqan yong‘in O‘rmon xo‘jaligi agentligi binosida sodir bo‘lganini ma’lum qildi. Agentlik buni rad etib, yong‘in asli qayerdan boshlangani bo‘yicha qo‘shimcha ma’lumot berilishini aytdi. gazeta.uz »
Sobiq qishloq xo‘jaligi vaziri Aziz Voitovning sud ishida qo‘yilgan ayblovlarning ayrimlari uning “O‘zsanoatqurilishbank” boshqaruvi raisi bo‘lgan davriga bog‘liq. Ayblov xulosasida u talon-toroj qilgan kredit va budjet mablag‘lari hamda davlat manfaatlariga yetkazilgan zarar 200 mlrd so‘mdan ko‘pligi aytiladi. gazeta.uz »
Mirobod tuman sudi sobiq qishloq xo‘jaligi vaziri Aziz Voitov va yana 49 kishining ishini yopiq rejimga o‘tkazdi, biroq bir necha advokatlar va sudlanuvchilar bunga qarshi chiqdi. Sudya bunga sabab sifatida sudda “xizmat doirasidan foydalanish mumkin bo‘lgan ma’lumotlar yangrashini” aytdi. gazeta.uz »
Andijon va Toshkent viloyatlari prokurori lavozimlarida ishlagan Sirojiddin Eshquvvatov Qurilish va uy-joy kommunal xo‘jaligi sohasida nazorat qilish inspeksiyasi rahbari bo‘ldi. gazeta.uz »
Sud sobiq qishloq xo‘jaligi vaziri o‘rinbosari Alisher Turayevni qariyb 10 mlrd so‘mlik 1 mln dona uzum ko‘chatini yetkazib berish ishi bo‘yicha talon-toroj qilish va mansab soxtakorligida ayblab, 6 yilga ozodlikdan mahrum etdi. gazeta.uz »
Toshkent viloyati Bo‘stonliq tumanidagi o‘rmon xo‘jaligida yong‘in chiqib, 1,5 gektar maydonda quruq o‘t va shox-shabba yondi. Uni o‘chiirishga 3 ta ekipaj, 30 nafar qutqaruvchi va xo‘jalikning 20 nafar xodimi jalb qilindi. gazeta.uz »
Mirobod tuman sudi sobiq qishloq xo‘jaligi vaziri Aziz Voitovga nisbatan jinoyat ishini ko‘rib chiqishni boshlaydi. U o‘zlashtirish, mansab vakolatini suiiste’mol qilish va mansab soxtakorligi kabilarda gumonlanmoqda. Ishda ikki tadbirkor ham ayblanmoqda. gazeta.uz »
Prezident qarori bilan “Qishloq xo‘jaligi va oziq-ovqat sohasidagi loyihalar markazi” loyiha ofisi tashkil etilmoqda. Avvalroq sog‘liqni saqlash va ta’lim sohalarida loyiha ofislari tashkil etilgan edi. gazeta.uz »
Prezident barcha manbalar bo‘yicha yagona suv balansini yuritish va davlat suv kadastrini tashkil etish uchun Suv xo‘jaligi vazirligini mas’ul etib belgiladi. Vazirlik tarkibida Ekspluatatsiya agentligi va Suv xo‘jaligi loyihalarini amalga oshirish departamenti tashkil etilmoqda. gazeta.uz »
Prezident O‘zbekistonda qishloq xo‘jaligini iqlim o‘zgarishiga moslashtirish va uning iqlimga salbiy ta’sirini yumshatish bo‘yicha milliy dastur bilan tanishdi. Unda 1 mln gektar agroekologik landshaft va degradatsiyaga uchragan yaylovlar holatini yaxshilash, himoya o‘rmon zonalarini yaratish va boshqa chora-tadbirlar bor. gazeta.uz »
