ëäè - Ïîñëåäíèå íîâîñòè [ Ôîòî â íîâîñòÿõ ] | |
IIV Jamoat xavfsizligi departamenti Yo‘l harakati xavfsizligi xizmati boshlig‘i lavozimiga Murodbek Sherliyev tayinlandi. Tayinlovga qadar u YHXX boshlig‘i o‘rinbosari lavozimida faoliyat yuritgan. gazeta.uz »
Ginnesning rekordlar kitobiga kirgan “Andijon polkasi” tadbiri repetitsiyasidan qaytayotgan 15 yoshli o‘quvchi direktorning mashinasida YTHga uchrab, vafot etdi. Gazeta marhumning yaqinlari bilan suhbatlashdi. gazeta.uz »
Kogon tumanidagi Shohrud kanalida cho‘milayotgan 17 yoshli fuqaro suvga cho‘kib ketdi. Uning jasadi FVB qutqaruvchilari va aholi tomonidan olib borilgan bir sutkalik qidiruv ishlaridan so‘ng topildi. gazeta.uz »
O‘zbekiston terma jamoasi murabbiyi Fabio Kannavaro Kongo bilan o‘yinda tanaffusdan so‘ng jamoada “g‘alabadan qo‘rqish hissi paydo bo‘lganini” aytdi. Futbolchilar to‘pni nazorat qilishni to‘xtatib, uzun uzatmalar bilan Eldor Shomurodovni qidira boshlagan. U taktika va turnir yakunlari xususida ham fikr bildirdi. gazeta.uz »
Venesuelada ketma-ket sodir bo‘lgan 7,2 va 7,5 magnitudali zilzilalar oqibatida kamida 32 kishi halok bo‘ldi, 700 dan ortiq inson jarohatlandi. Mamlakatda favqulodda holat e’lon qilindi, qurbonlar soni ortishi mumkin. Poytaxt Karakasda elektr yo‘q, metro to‘xtagan. gazeta.uz »
Farg‘ona viloyatining Quvasoy shahrida 4 magnitudali zilzila qayd etildi. Uning kuchi Andijon viloyatida 2 ball ko‘rinishida sezildi. gazeta.uz »
O‘zbekiston mundialni Kolumbiyadan 1:3 hisobidagi mag‘lubiyat bilan boshladi. Biroq, “Asteka”dagi debyut ko‘plab shubhalanuvchilar kutganidek bo‘lmadi. Gazeta sharhlovchisi Dmitriy Povarovning yozishicha, mundiallar tarixidagi ilk golini urgan jamoa turnirga shunchaki ishtirok etish uchun kelmaganini ko‘rsatib qo‘ydi. gazeta.uz »
Farg‘ona viloyatining Yozyovon tumanida yuz bergan yirik yong‘in oqibatida 2 kishi halok bo‘ldi va 3 kishi jarohatlandi. Olov noturar qarovsiz bino hamda uchta avtomobilga shikast yetkazgan. gazeta.uz »
Êèñåë¸â ó÷óí áîøëîâ÷è ñèôàòèäà “ÒÝÔÈ-2025” ìóêîôîòè èêêèí÷èñè á¢ëäè. ru.sputniknews-uz.com »
Qarshi tumanida joylashgan maishiy gaz ballonlariga suyultirilgan gaz quyish shoxobchasida portlash yuz berdi. Unda 6 nafar fuqaro halok bo‘ldi, 5 nafar fuqaro jarohatlandi. Hodisa yuzasidan Hukumat komissiyasi tashkil etildi. gazeta.uz »
Filippin janubida 7,8 magnitudali zilzila yuz berdi. Yer silkinishi ortidan balandligi 1 metrgacha bo‘lgan sunami ro‘y berib, vayrongarchiliklarga sabab bo‘ldi. Kamida 19 kishi halok bo‘lgan, 200 dan ortiq kishi jarohat olgan. Evakuatsiya va qutqaruv ishlari olib borilmoqda. gazeta.uz »
O‘zbekistonlik shaxmatchi Afruza Hamdamova Ulan Bator shahrida bo‘lib o‘tgan ayollar o‘rtasidagi Osiyo chempionatida kumush medalni qo‘lga kiritdi. U 9 partiyada 7,5 ochko to‘pladi va musobaqadan so‘ng reyting bo‘yicha dunyoning eng kuchli 30 nafar ayol shaxmatchisi qatoriga kirdi. gazeta.uz »
Dehlidagi mehmonxonada yuz bergan yong‘in oqibatida 21 kishi, jumladan, 17 nafar xorijlik halok bo‘ldi. Ular orasida Hindistonga davolanish uchun borgan Qirg‘izistonning 3 fuqarosi ham bor. O‘zbekiston elchixonasi ma’lumotlariga ko‘ra, qurbonlar va jabrlanganlar orasida O‘zbekiston fuqarolari yo‘q. gazeta.uz »
PSJ ketma-ket ikkinchi bor Yevropa Chempionlar ligasi g‘olibi bo‘ldi. Finalda “Arsenal” bilan durang (1:1) qayd etgan parijliklar penaltilar seriyasida 4:3 hisobida ustun keldi. gazeta.uz »
Buxoro viloyati Gazli shahrida 2 balli zilzila qayd etildi. 10 km chuqurlikdagi yer qimirlashi magnitudasi 3,4 ga teng bo‘ldi. gazeta.uz »
Toshkentda “Moviy gumbazlar” bog‘idagi skeyt maydoncha yangi loyiha asosida qayta qurildi. Maydoncha buzilgach, noroziliklardan so‘ng hokimlik sportchilarga quloq tutdi, ular esa Moskvadan loyihalashtiruvchi chaqirdi. gazeta.uz »
“Arsenal” futbol klubi so‘nggi 22 yil ichida ilk bor Angliya chempioniga aylandi. Tarkibida Abduqodir Husanov to‘p suradigan “Manchester Siti” jamoasi “Bornmut” bilan 1:1 hisobida durang o‘ynagach, chempionlik taqdiri hal bo‘ldi - “shaharliklar” londonliklardan 4 ochkoga ortda qolib ketdi. gazeta.uz »
Ibrohim Ergashev investitsiyalar, sanoat va savdo vazirining o‘rinbosari etib tayinlandi. U bungacha O‘simliklar karantini va himoyasi agentligi direktori edi. gazeta.uz »
18-may kuni Toshkent shahrida kuzatilgan kuchli shamol oqibatida ayrim hududlarda daraxtlar qulashi, avtomobilga zarar yetishi hamda elektr ta’minotida uzilishlar qayd etildi. Mas’ul idoralar aholidan ehtiyotkor bo‘lish, daraxtlar, yengil konstruksiyalar va reklama vositalari yaqinida to‘planmaslikni so‘radi. gazeta.uz »
O‘zbekistonlik hujumchi Eldor Shomurodov “Istanbul Bashakshehir” klubi safida 22 ta gol bilan Turkiya Superligasining eng yaxshi to‘purari bo‘ldi. U nigeriyalik Pol Onuachu va Viktor Osimhen, braziliyalik Taliska hamda gvineyalik Muhammad Bayoni ortda qoldirdi. gazeta.uz »
O‘zbekistonlik grossmeyster Javohir Sindarov klassik shaxmatda to‘qqiz oy ichida uchragan ilk mag‘lubiyatiga izoh berdi. U Nomzodlar turniridagi g‘alabadan so‘ng, ehtimol, biroz dam olishi kerak bo‘lganini aytdi. gazeta.uz »
Prezidentning JST bo‘yicha vakili Azizbek Urunov yangi tuzilgan Oziq-ovqat mahsulotlari xavfsizligi qo‘mitasi raisi lavozimiga tayinlandi. Shuningdek, davlat rahbari qarori bilan Elyor Talaboyev va Furkat Jalilov qo‘imta raisi o‘rinbosarlari bo‘ldi. gazeta.uz »
Konimex tumanida Nexia haydovchisi tezlikni oshirishi sababli qarama-qarshi tomonga chiqib ketib, yuk mashinasi bilan to‘qnashdi. Oqibatda yengil avtomobil haydovchisi va yo‘lovchisi halok bo‘ldi. gazeta.uz »
Indoneziyaning Bekasi shahrida uzoq masofaga qatnovchi poyezd va elektropoyezdning to‘qnashishi oqibatida 15 kishi halok bo‘ldi (ularning barchasi ayollar). Yana 88 kishi turli darajadagi jarohatlarni oldi. gazeta.uz »
Toshkentning Yakkasaroy tumanida Cobalt yo‘lni kesib o‘tayotgan 78 yoshli piyodani urib ketdi. Hodisa oqibatida piyoda voqea joyida vafot etgan. Holat yuzasidan jinoyat ishi qo‘zg‘atilib, tergov olib borilmoqda. gazeta.uz »
Vashingtonda Oq uy muxbirlari assotsiatsiyasining kechki ovqati paytida qurollangan shaxs xavfsizlik to‘sig‘ini buzib kirishga urinib, maxfiy xizmat agentiga o‘q uzdi. Ichkarida bo‘lgan Tramp va uning rafiqasi evakuatsiya qilindi. Hech kim jarohat olmagani, gumonlanuvchi ushlangani ma’lum. gazeta.uz »
Tehron hozirgacha AQSh bilan muzokaralarning ikkinchi raundida ishtirok etishini rasman tasdiqlamadi, biroq G‘arb OAVning yozishicha, Eron oliy rahnamosining roziligi olingan. AQSh va Eron o‘rtasidagi vaqtinchalik sulh muddati 21-aprelda tugaydi. gazeta.uz »
O‘rta Chirchiq tumanidagi uyda sodir bo‘lgan portlash oqibatida 30 yoshli erkak va 3 nafar voyaga yetmagan farzandi halok bo‘ldi. Uning turmush o‘rtog‘i va onasi shifoxonaga yotqizildi. Holat yuzasidan jinoiy ish ochilib, tuman FVB, gaz va elektr ta’minoti korxonalari xodimlariga xizmat tekshiruvi tayinlandi. gazeta.uz »
16-aprelga o‘tar kechasi Rossiyaning Ukrainaga uyushtirgan ommaviy havo hujumi oqibatida 16 kishi halok bo‘ldi, 100 dan ortiq kishi jarohatlandi. Eng ko‘p Kiyev, Odessa va Dnepr shaharlari zarar ko‘rdi. gazeta.uz »
Turkiyaning Kahramanmarash shahridagi maktabda 8-sinf o‘quvchisi otishma sodir etdi: 4 kishi (bir o‘qituvchi va uch o‘quvchi) halok bo‘ldi, 20 kishi yaralandi. Holat yuzasidan prokuratura tergov boshladi. gazeta.uz »
2026-yilning 3 oyida O‘zbekistonda 1102 ta YTHda 346 kishi vafot etdi. Tahlillarga ko‘ra, YTHlarning 32,9 foizi belgilangan tezlikka rioya etmaslik, 22,4 foizi svetofor talablariga amal qilmaslik, 13,6 foizi haydovchilar tomonidan piyodaga yo‘l bermaslik oqibatida sodir bo‘lgan. gazeta.uz »
“O‘zbekkosmos” 12-aprel - Kosmonavtika kuni munosabati bilan maqola e’lon qildi. Unda koinotni o‘zlashtirish tarixi va kosmik texnologiyalarning bugungi ahamiyati haqida so‘z boradi. Shuningdek, O‘zbekistonda milliy sun’iy yo‘ldosh va kosmonavt tayyorlash rejalari eslatilgan. gazeta.uz »
“Kompyuterdek himoyalanish kerak edi, aks holda, iloji yo‘q edi”, - deb tan oldi Javohir Sindarov Nomzodlar turnirining 11-turidagi durangdan so‘ng. Uchrashuv 5 soatdan ortiq davom etdi. O‘zbekistonlik shaxmatchi bu uning faoliyatidagi eng yaxshi himoyaviy o‘yinlardan biri bo‘lganini aytdi. gazeta.uz »
Umid Shadiyev O‘zbekistonning BAAdagi elchisi bo‘ldi. Bungacha u Turizm qo‘mitasiga rahbarlik qilib kelgan, uning o‘rniga esa BAAdagi sobiq elchi Abdulaziz Aqqulov tayinlangan. gazeta.uz »
Surxondaryoning Denov tumanidagi propan zapravkada portlash sodir bo‘ldi. FVV ma’lumotlariga ko‘ra, hodisa “KamAZ” avtomobilidan sig‘imga gaz quyish jarayonida texnologik qoidalarning buzilishi sababli kelib chiqqan. gazeta.uz »
Chilonzor tumanidagi “Beshqo‘rg‘on” bozorida yong‘in sodir bo‘ldi. Yong‘in soat 16:53 da qurshab olindi. Voqea joyiga favqulodda vaziyatlar vaziri general-mayor Azizbek Ikramov yetib bordi. gazeta.uz »
Farruh Omonov Prezident administratsiyasi Kommunikatsiyalar departamenti boshlig‘i o‘rinbosari - Prezident Xalq qabulxonasi boshlig‘i lavozimiga tayinlandi. Avvalroq davlat rahbari xalq qabulxonalari faoliyatini bir necha bor tanqid qilib, murojaatlarni yo‘naltiruvchi “dispetcher”ga aylanib qolganini aytgandi. gazeta.uz »
Bangkokda avtobus ishtirokidagi YTHda O‘zbekiston fuqarosi halok bo‘ldi. Yana uch nafar o‘zbekistonlik jarohat olgan va tibbiy yordamdan so‘ng uyiga javob berilgan. TIV holatni nazoratga olgan, marhum jasadini vatanga olib kelish choralari ko‘rilmoqda. gazeta.uz »
Fatvo markazi Ramazon oyi nima uchun ba’zida 29 kundan iborat bo‘lishini tushuntirdi. “Ramazon oyi davomiyligi falakiy hodisalarga bog‘liq bo‘lib, uning 29 yoki 30 kun bo‘lishi - tabiiy holat. Oyning 29 kun bo‘lishi banda oladigan savobga ta’sir qilmaydi”, - deyiladi xabarda. gazeta.uz »
Konimex tumanida 7-mart kuni Kia va Chery avtomobillari ishtirokida YTH yuz berdi. Avariya oqibatida besh kishi, jumladan, bir oilaning uch a’zosi halok bo‘ldi. Kun.uz ma’lumotlariga ko‘ra, har ikkala avtomobil ham belgilangan tezlikni oshirib harakatlangan. gazeta.uz »
Qatarda 11 yoshli o‘zbekistonlik bola yo‘l-transport hodisasi oqibatida voqea joyida halok bo‘ldi. Mintaqadagi vaziyat va transport-logistika bilan bog‘liq cheklovlar tufayli u oilasining roziligi bilan Qatarda dafn etildi. Jarayonga O‘zbekiston elchixonasi ko‘maklashdi. gazeta.uz »
“Asakabank” boshqaruvi raisi lavozimida ishlab kelayotgan Kudratilla Tulyaganov Toshkent shahrining Olmazor tumani hokimi bo‘ldi. gazeta.uz »
2025-yilda O‘zbekistonda budjet taqchilligi YIMga nisbatan 2,1% yoki 39,4 trln so‘mni tashkil etdi. Bu tasdiqlangan prognoz (YIMning 3 foizi)dan past. Asosiy omil davlat budjetining qo‘shimcha daromadlari (oltin hisobiga) bo‘lib, ular 16,6% ga o‘sdi, shu bilan birga, xarajatlar ham keskin oshdi. gazeta.uz »
Prezident qarori bilan Sohibjon Murodov Davlat aktivlarini boshqarish agentligi direktori lavozimiga tayinlandi. Yaqinda tashkilotning avvalgi rahbari agentlikdagi talon-torojliklar ortidan ishdan olingandi. gazeta.uz »
O‘zbekiston prezidentiga Pokiston Milliy fan va texnologiyalar universitetining faxriy doktori va professori unvonlari topshirildi. Islomobodda Pokiston bosh vaziri Shahboz Sharif sertifikatni topshirdi. gazeta.uz »
Shahrisabz tumani prokurori Bahodir Xudoyqulov Chiroqchi tumaniga hokim bo‘ldi. Hududning avvalgi hokimi kambag‘allikka qarshi kurashishda natija qilmagani uchun ishdan olingandi. gazeta.uz »
Akramjon Fozilov Prezident administratsiyasi Kommunikatsiyalar departamenti boshlig‘ining birinchi o‘rinbosari lavozimiga tayinlandi. U bungacha Mass-media fondi vasiylik kengashi raisi sifatida ishlab kelayotgandi. gazeta.uz »
Samarqand viloyati Toyloq tumanida avval Isuzu yuk mashinasi, so‘ng Damas bilan to‘qnashgan velosiped haydovchisi halok bo‘ldi. Holat yuzasidan tergov ishlari boshlandi. gazeta.uz »
Georgiy Kocharyan Armanistonning O‘zbekistondagi yangi elchisi etib tayinlandi. U 2019-yildan beri diplomatik missiyaga rahbarlik qilib kelgan Aram Grigoryanning o‘rnini egalladi. Elchining qarorgohi poytaxt Yerevanda bo‘ladi. gazeta.uz »
O‘zbekiston fuqarolari Shvetsiyada magistraturada bepul tahsil olishi mumkin bo‘ldi. Mamlakat SISGP dasturi doirasida grant beriladigan davlatlar ro‘yxatiga kiritildi. Dastur Shvetsiyaning 29 ta yetakchi OTMlarida ingliz tilidagi magistratura dasturlarini qamrab oladi. Arizalar 15-yanvargacha qabul qilinadi. gazeta.uz »
