Paydo - Ïîñëåäíèå íîâîñòè [ Ôîòî â íîâîñòÿõ ] | |
III Toshkent urban forumida davlat organlari, quruvchilar va shaharliklar o‘rtasidagi muloqot muammolari muhokama qilindi. “Shaharga o‘z qarorlarini tushuntirish, aholiga esa o‘z fikrini bildirish imkoniyatini berish muhim”, deydi Gazeta`ning axborot hamkorligi loyihalari menejeri, bosh muharrir Sabina Bakayeva. gazeta.uz »
Soliq qo‘mitasiga ko‘ra, fevralda fuqarolardan, jumladan, terminalga savdo qilmaslik, to‘lovlarni P2P orqali qabul qilish holatlari bo‘yicha 22 mingga yaqin murojaat tushgan. Shundan 6700 tasi - takroriy huquqbuzarliklar. gazeta.uz »
Prezident energetika va kommunal sektorlar uchun yagona regulyator yaratish taklifini ma’qulladi. Yirik korxonalar ulgurji bozorda soatbay narxlarda to‘g‘ridan-to‘g‘ri shartnomalar asosida elektr energiyasini sotib olishi mumkin bo‘ladi. gazeta.uz »
Urganch O‘zbekistonda katta sig‘imli elektrobuslarga ega birinchi ma’muriy markaz bo‘ldi. Xususiy kompaniya shahar uchun Qozog‘istondan 10 ta elektrobus sotib oldi. Yil oxirigacha 10 ta trolleybus yetkazib berilishi ham kutilmoqda. gazeta.uz »
O‘zbekistonda 2030-yilgacha kamida 10 ta islomiy bank paydo bo‘lishi kutilmoqda, deya ma’lum qildi MB raisi o‘rinbosari Abrorxo‘ja Turdaliyev. Shuningdek, an’anaviy banklarda “islomiy darchalar” yo‘lga qo‘yiladi. gazeta.uz »
Raqamli texnologiyalar vaziri Yevropaning SES provayderi bilan O‘zbekistonda sun’iy yo‘ldosh internet habini yaratish bo‘yicha kelishuv imzolanganini ma’lum qildi. Uning ta’kidlashicha, tizim nafaqat mamlakatning chekka hududlari, balki qo‘shni davlatlar bilan ham yuqori tezlikdagi aloqani ta’minlaydi. gazeta.uz »
Toshkentdagi O‘zbekiston ovozi ko‘chasi keng ko‘lamli rekonstruksiyadan so‘ng sayr qilish va hordiq chiqarish uchun yanada yashil va qulay bo‘ldi. Bu yerda to‘liq to‘siqsiz muhit yaratildi, tartibsiz to‘xtash joylari esa o‘tmishda qoldi. gazeta.uz »
Prezident qaroriga muvofiq, Jamoat ahamiyatiga ega tashkilotlar huquqiy maqomi joriy qilinadi. Ularning moliyaviy hisobotlari, auditi va boshqaruviga alohida talablar belgilanadi. Bunday tashkilotlar Moliyaviy hisobotning xalqaro standartlari asosida buxgalteriya hisobi yuritadi. gazeta.uz »
Davlat soliq qo‘mitasi elektron soliq xizmatlari portalidagi texnik nosozlik sabab soliq qarzdorligi paydo bo‘lishi, mablag‘ yechib olinishi kabi noto‘g‘ri ma’lumotlar aks etayotganini ma’lum qildi. Nosozliklar bartaraf etilgach, ma’lumotlar tiklanishi va noto‘g‘ri yechilgan mablag‘lar avtomatik qaytarilishi aytildi. gazeta.uz »
Anomal issiq kunlarda yuqori darajadagi ultrabinafsha nurlari allergik reaksiyalarni, jumladan, fotodermatozni yuzaga keltirishi mumkin, deb ogohlantirdi SSV. Salqin joylarda bo‘lish, yopiqroq kiyinish, quyoshga qarshi kremlardan foydalanish tavsiya etildi. Ba’zi dorilar ham fotodermatozga sabab bo‘lishi mumkin. gazeta.uz »
6-iyundan boshlab jismoniy shaxslar uchun o‘z ma’lumotlarini kredit bitimi tuzishi taqiqlangan shaxslar reyestriga kiritish xizmati ishga tushdi. “Kredit-axborot tahliliy markazi” xizmat bepul ekanini va u odamlarga o‘zining xabarisiz kreditlar rasmiylashtirilishi holatlarining oldini olishini qayd etgan. gazeta.uz »
Yangi Toshkentda Sankt Peterburgning me’moriy elementlari va diqqatga sazovor joylaridan foydalangan holda “Peterburg mahallasi” qurish rejalashtirilmoqda. U poytaxtning sharqiy qismiga tutash bo‘ladi. Qurilish boshlanishi 2026-yilga mo‘ljallangan. gazeta.uz »
28-martdan Toshkent jamoat transporti yo‘nalishlariga o‘zgartirish kiritiladi. 190 va 137-sonli avtobuslar harakat xaritasi yangilandi. Shuningdek, “O‘zbekiston mehmonxonasi - Yangi Toshkent” yo‘nalishidagi yangi 197-avtobus tashkil etildi. gazeta.uz »
Kanadada 5 kun ichida 230 mingdan ortiq aholi milliarder Ilon Maskka qarshi petitsiyani imzoladi. Unda Maskdan Kanada fuqaroligini olib qo‘yish nazarda tutilgan. Bu Maskning Kanadani qo‘shib olish bilan bir necha bor tahdid qilgan Tramp bilan aloqasi tufayli ro‘y berdi. gazeta.uz »
2025/2026 o‘quv yilida Green University sirkulyar iqtisodiyot bo‘yicha mutaxassislar tayyorlashni boshlaydi, yirik shaharlarda “yashil texnikumlar” paydo bo‘ladi. Davlat OTMlarida aniq va tabiiy fanlar, muhandislik-texnika, tibbiyot yo‘nalishlari bo‘yicha grant asosida ta’lim kvotalari 25 ming o‘ringa yetkaziladi. gazeta.uz »
Tarmoqlarda Samarqand viloyatidagi Oqdaryo suv omborida yoriqlar paydo bo‘lgani haqida video paydo bo‘ldi. Aslida joriy ta’mirlash ishlari aks etgan videoni 2 kishi yolg‘on izoh bilan tarqatgani aniqlandi. gazeta.uz »
Rossiyalik general Igor Kirillovni o‘ldirish ishi bo‘yicha ikki kishi qo‘lga olindi, ular Ingushetiyada tug‘ilgan. Hibsga olinganlar asosiy ayblanuvchi - o‘zbekistonlik Ahmad Qurbonov uchun Moskva viloyatida uy ijaraga olganlikda gumonlanmoqda. gazeta.uz »
O‘zbekistonda ta’lim oluvchilarga nisbatan zo‘ravonlikka moyilligi mavjud pedagog kadrlarni aniqlash va ularga psixologik yordam berish mexanizmlarini joriy etish taklif etilmoqda. Ularning kasbiy so‘nishi va stresslarning oldini olish uchun simulyator va keyslar yaratish ham rejalashtirilmoqda. gazeta.uz »
Deputatlar majburiyatlar reyestrini joriy etish to‘g‘risidagi qonun loyihasini birinchi o‘qishda qabul qildi. Unda sud va boshqa hujjatlar bo‘yicha majburiyatlarini bajara olmaydigan qarzdorlar ma’lumotlari bo‘ladi. gazeta.uz »
Endi dunyoning ko‘plab aeroportlarida bo‘lgani kabi Toshkent xalqaro aeroportining uchish zalida ham royal mavjud. Jonli musiqa tinglovchilar uchun ham, ijrochilar uchun ham parvoz oldidan o‘yin-kulgi va stressdan xalos bo‘lish usuli bo‘ladi, deb hisoblaydi Uzbekistan Airports. gazeta.uz »
2025-yil O‘zbekistonda barcha sohalarga xususiy sektorni jalb qilish yili bo‘ladi, dedi Davaktiv rahbari Akmalxon Ortiqov prezidentga tayanib. Unga ko‘ra, davlat rahbari vazirlarning raqamlashtirish va xususiylashtirish masalalari bo‘yicha o‘rinbosarlarini tayinlash bo‘yicha topshiriqlar bergan. gazeta.uz »
Prezident farmoni bilan iqtisodiyot tarmoqlarida aerokosmik texnologiyalar joriy etiladi. Hujjat bilan davlat kosmik monitoringining ustuvor yo‘nalishlari belgilandi. gazeta.uz »
Telegram kanallarida Farg‘ona va Surxondaryo viloyatlarida bola o‘g‘rilari paydo bo‘lgani bilan izohlangan videolar tarqaldi. Ikki viloyat IIBlari ushbu xabarlar asossiz ekani, videolarda esa boshqa holatlar tasvirlanganini ma’lum qildi. gazeta.uz »
