Tufayli - Ïîñëåäíèå íîâîñòè [ Ôîòî â íîâîñòÿõ ] | |
Markaziy bank asosiy stavkani yillik 14 foiz darajasida saqlab qoldi. Regulyator yuqori ichki talab, oziq-ovqat inflyatsiyasining tezlashishi hamda iyun oyida energiya resurslari tariflari oshirilishining ehtimoliy ikkilamchi ta’sirlarini qayd etdi. gazeta.uz »
IIV parlament so‘roviga javoban, yo‘llardagi fotoradar va kameralar samarasi haqida hisobot berdi. Mamlakatda 5425 ta foto va video qayd etish qurilmasi o‘rnatilgan bo‘lib, to‘rt oyda YTHlar soni 17,7 foizga kamaygan. gazeta.uz »
Qirg‘iziston Adliya vazirligi sanksiya xavflari sababli 50 ta kompaniya faoliyatini tugatdi. Mamlakatda bunday choralarga birinchi marta qo‘l urildi. Avvalroq YeI Rossiyaga nisbatan cheklovlarga “tizimli ravishda rioya qilmaslik” tufayli Qirg‘izistonga qarshi ikkilamchi sanksiyalar qo‘llagandi. gazeta.uz »
Kosonsoy tumanida 28 yoshli yigit 18 yoshli unashtirilgan qizini rashk tufayli pichoqlab o‘ldirdi. Tarqalgan videoda IIB xodimi janjalga qizning bitiruv oqshomi uchun ko‘ylagi sabab bo‘lganini aytgan va maktab ma’muriyatlarini qizlar bilan ishlashda hushyorlikka chaqirgan. Jinoiy ish ochilib, yigit ushlandi. gazeta.uz »
18-maygacha O‘zbekistonda chorvachilikda sanitariya-gigiyena tadbirlari kuchaytiriladi. Qishloq xo‘jaligi vazirligi dunyoda oqsil (yashur)ning yangi tiplari tarqalayotgani sababli fermerlarni veterinariya talablariga rioya qilishga chaqirdi. gazeta.uz »
Eron hukumati, Tramp tomonidan Tehronga Hurmuz bo‘g‘ozini ochish va AQSh bilan kelishuv tuzish uchun berilgan muhlat tugayotgan bir paytda, yoshlarni elektrostansiyalar atrofida “jonli zanjir” qurishga chaqirdi. gazeta.uz »
Toshkent samarasiz transport tizimi tufayli yiliga 343 mln dollar yo‘qotadi, bu esa shahar yalpi hududiy mahsulotining 1,27 foiziga teng. YHTEM yo‘l harakati xavfsizligining pastligi, jamoat transportining rivojlanmagani, transport tengsizligi va ekologik oqibatlarni asosiy muammolar sifatida sanab o‘tdi. gazeta.uz »
Buxoro viloyatida kechqurun va tungi vaqtda havo sifatining keskin yomonlashishi kuzatildi. O‘zgidromet bunga shamol va changli tuman sabab bo‘lganini xabar qildi. gazeta.uz »
Xalqaro agentliklarning O‘zbekiston suveren reytingini yaxshilashi tashqi qarz olish xarajatlari pasayishiga olib keldi, deb xabar berdi Iqtisodiyot vazirligi. Kreditlar stavkasi 1−1,5 foiz punktiga qisqardi, bu tashqi qarzga xizmat ko‘rsatish xarajatlarini yiliga 250−300 mln dollarga kamaytiradi. gazeta.uz »
31-yanvarda Eronda boshlanishi rejalashtirilgan kurash bo‘yicha XV Jahon chempionati ommaviy noroziliklar fonida boshqa davlatga yoki boshqa muddatga qoldirilishi mumkin. Chempionatni qabul qilishga O‘zbekiston va Misr tayyor ekanini bildirdi, deydi Xalqaro kurash assotsiatsiyasi. gazeta.uz »
Tun davomida Toshkentda o‘ta sovuq tuman kuzatildi, ko‘rinish masofasi 50 metrgacha pasaydi. O‘nlab aviareyslar zaxira aerodromlariga - Urganch, Samarqand, Navoiy, Andijon, Qarshi, Dushanbe, Olmaota, Ostona va O‘sh shaharlariga yo‘naltirildi. gazeta.uz »
Shveysariyaning Kran-Montana tog‘-chang‘i kurortidagi barda portlash va yong‘in ro‘y berdi. Oqibatda 40 ga yaqin kishi halok bo‘ldi, kamida 115 kishi jarohatlandi. O‘zbekiston TIV hodisa munosabati bilan hamdardlik bildirdi va vafot etgan hamda jabrlanganlar orasida o‘zbekistonliklar aniqlanmaganini ma’lum qildi. gazeta.uz »
Qo‘shni davlatning gaz infratuzilmasidagi avariya O‘zbekiston tizimida 6 mln kub metr taqchillikka olib keldi, dedi energetika vaziri Jo‘rabek Mirzamahmudov. Bu kunlik iste’molning deyarli 4 foizi. gazeta.uz »
Kuchli qor yog‘ishi va ko‘chki xavfi tufayli Toshkent-Vodiy yo‘lidagi Qamchiq dovoni noma’lum muddatga yopildi. YHXX yo‘l ochilishi bo‘yicha qo‘shimcha ma’lumot berilishini ma’lum qildi. gazeta.uz »
Sirdaryo IESda nosoz gaz turbinasi rotori almashtirilayotgani bois quvvatlarning bir qismi ta’mirlashga olindi. Energetika vazirligi kechalari elektr ta’minotida qisqa muddatli uzilishlar bo‘lishi mumkinligi haqida ogohlantirdi. O‘rnatish ishlari taxminan bir oy davom etadi. gazeta.uz »
ACWA Power qurgan yangi Sirdaryo IESda nosoz gaz turbinasi rotori almashtirilmoqda, quvvatning bir qismi ta’mirga yo‘naltirilgan. Energetika vazirligi kechki soatlarda elektr ta’minotida qisqa muddatli uzilishlar bo‘lishi mumkinligi haqida ogohlantirdi. Montaj ishlari bir oycha davom etadi. gazeta.uz »
Humans karta bilan bog‘liq hodisalar yuzasidan izoh berdi. Kompaniyaga ko‘ra, ruxsatsiz pul yechishlarga sabab bo‘lgan zaiflik Humans`ning hamkori -Octagram`ga qarashli Paylov to‘lov xizmatida bo‘lgan. gazeta.uz »
Britaniyaning Nature jurnali O‘zbekiston bo‘yicha mualliflar foydalangan ma’lumotlarda noaniqliklar aniqlanganidan so‘ng iqlim o‘zgarishining iqtisodiy oqibatlari bo‘yicha shov-shuvli tadqiqot maqolasini bekor qildi. gazeta.uz »
Sud Ekologiya qo‘mitasining da’vosi bo‘yicha Toshkent viloyatidagi Maxam-Chirchiq kimyo zavodi faoliyatini to‘xtatdi. Tekshiruvlar natijasida chang-gaz tozalash uskunalari samarasiz ishlayotgani, ifloslantiruvchi kimyoviy moddalar ortiqcha chiqarilayotgani va boshqa qonunbuzarliklar aniqlandi. gazeta.uz »
Toshkent viloyatida fuqaro 20 yildan beri birga yashab kelayotgan turmush o‘rtog‘ini xiyonat qilgani uchun pichoqlab o‘ldirdi. Sud majlisida oila vakillari marhuma boshqa erkak bilan ishqiy munosabatda bo‘lganini tasdiqladi. gazeta.uz »
Shavkat Mirziyoyev ekologiya sohasidagi ishlar samaradorligiga doir taqdimot bilan tanishdi. Yig‘ilishda tarqoqlik va idoralar o‘rtasidagi vakolatlar bo‘linishi sababli natijalar kutilgan darajada emasligi ta’kidlandi. gazeta.uz »
Centrum Air Samarqand - Dushanbe - Samarqand aviaqatnovini to‘xtatdi. Bu qarorga yo‘nalish bo‘yicha talab pastligi sabab bo‘lgan. Muntazam aviareyslar 7 yillik tanaffusdan so‘ng 20-iyuldan boshlab qayta yo‘lga qo‘yilgandi. gazeta.uz »
Namanganning Chust tumanidagi faoliyati tugatilgan AYQShda 10 tonnali yonilg‘i saqlash sisternasi ko‘chirilayotganda portladi. Oqibatda payvandlovchi ishchi halok bo‘ldi. gazeta.uz »
Xitoy Savdo vazirligi AQShni Pekinning nodir metallar eksporti ustidan nazorat choralarini joriy etishi tufayli butun dunyoda ataylab vahima qo‘zg‘atishda aybladi. gazeta.uz »
AQSh hukumatining bir haftadan ortiq davom etayotgan shatdauni aviadispetcherlar yetishmovchiligi muammosini yanada kuchaytirib, mamlakatning eng yirik aeroportlarida parvozlarning ommaviy kechikishiga sabab bo‘ldi. gazeta.uz »
Maktabgacha va maktab ta’limi vaziri bir necha tumanlarida bog‘cha tarbiyalanuvchilarining ommaviy zaharlanishi sodir bo‘lgan Toshkent viloyatiga tashrif buyurdi. Ma’lum qilinishicha, ayni paytda 109 nafar bola kasalxonaga yotqizilgan, aksariyati Oqqo‘rg‘on tumanida. gazeta.uz »
Nepalda bir necha kundan beri davom etayotgan norozilik namoyishlari va joriy etilgan komendantlik soati tufayli u yerdagi O‘zbekiston fuqarolari ogohlikka chaqirildi. Odam gavjum joylardan yiroqda bo‘lish, namoyish o‘tkazilayotgan hududlarga yaqinlashmaslik shular jumlasidan. gazeta.uz »
Fransiyada siyosiy inqiroz: deputatlar budjet taqchilligi fonida bosh vazir Fransua Bayru hukumatiga ishonchsizlik votumini e’lon qildi. U bu lavozimda sakkiz oydan biroz ko‘proq ishladi, xolos. Shu tariqa, mamlakatda ikki yildan kamroq vaqt ichida hukumatga beshinchi bosh vazir keladigan bo‘ldi. gazeta.uz »
Nepalda minglab yoshlar, jumladan, talabalar ijtimoiy tarmoqlarning bloklanishiga qarshi norozilik namoyishiga chiqdi. Politsiya bilan to‘qnashuvlar oqibatida kamida 19 kishi halok bo‘lgan, 100 dan ortiq kishi jarohatlandi. gazeta.uz »
Portugaliya poytaxtida sayyohlar orasida mashhur bo‘lgan “Gloriya” funikulyori izdan chiqib ketdi. Oqibatda 17 kishi halok bo‘ldi, 21 kishi jarohatlandi. Mamlakatda uch kunlik milliy motam e’lon qilindi. gazeta.uz »
Oliy ta’lim vazirligi va Adliya vazirligi beshta xususiy universitet haqida bir-biriga zid ma’lumotlar e’lon qildi. Birinchi vazirlik qo‘shimcha xizmatlar va manzillar uchun ruxsatnomalar universitetlarga xatolik tufayli berilganini ta’kidladi. Ikkinchisi hech qanday xato yo‘qligini aytdi. gazeta.uz »
Nukus va Urganchda kuchli chang-g‘ubor hodisasi kuzatildi. Qoraqalpog‘iston poytaxtida PM2,5 zarrachalari miqdori me’yordan 20 karra, Xorazm viloyati ma’muriy markazida qariyb 14 karra oshdi. gazeta.uz »
Senator Anvar To‘ychiyev O‘zbekiston qishloq xo‘jaligi vaziriga so‘rov yo‘llab, gaz ta’minotidagi uzilishlar, kreditlar bo‘yicha yuqori foizlar va issiqxona sohasida barqaror moliyalashtirish yo‘qligini ta’kidladi. gazeta.uz »
AQSh Hindistonga Rossiya nefti importi tufayli qo‘shimcha 25 foizli boj joriy etilishini e’lon qildi, bu avvalroq kiritilgan bojlar qiymatini 50 foizga yetkazadi. Hindiston Trampning bojlarini “adolatsiz va asossiz” deb atadi. gazeta.uz »
Toshkent shahridan so‘ng magistral tarmoqlarda yuklanish maksimal qiymatdan oshib ketgani sababli Toshkent viloyatida ham elektr ta’minotida profilaktik uzilishlar joriy etildi. gazeta.uz »
Toshkent shahridan so‘ng magistral tarmoqlarda yuklanish maksimal qiymatdan oshib ketgani sababli Toshkent viloyatida ham elektr ta’minotida profilaktik uzilishlar joriy etildi. gazeta.uz »
Anomal issiq kunlarda yuqori darajadagi ultrabinafsha nurlari allergik reaksiyalarni, jumladan, fotodermatozni yuzaga keltirishi mumkin, deb ogohlantirdi SSV. Salqin joylarda bo‘lish, yopiqroq kiyinish, quyoshga qarshi kremlardan foydalanish tavsiya etildi. Ba’zi dorilar ham fotodermatozga sabab bo‘lishi mumkin. gazeta.uz »
Ozarbayjon AZAL samolyotining 38 kishi o‘lishiga sabab bo‘lgan halokati tufayli Rossiyaga qarshi xalqaro da’vo tayyorlamoqda, dedi Ilhom Aliyev. U Rossiyadan 7 oy davomida birorta ham aniq javob olmaganini va adolat qaror topishi kerakligini bildirdi. Bu hodisadan so‘ng ikki mamlakat aloqalari taranglashgan. gazeta.uz »
Suriya poytaxtidagi yunon pravoslav cherkovida sodir etilgan terakt oqibatida kamida 20 kishi halok bo‘ldi, 50 dan ortiq kishi jarohatlandi. Mamlakat rasmiylari javobgarlikni “Islom davlati”ga yukladi. gazeta.uz »
Payshanba kuni Qozog‘istonning Ekibastuz energouzelidagi elektr uzatish liniyalarida avariyaviy uzilishlar ro‘y berdi, buning ortidan O‘zbekistonning qator hududlarida elektr uzatish qisqa muddatga cheklandi. gazeta.uz »
O‘zbekistonda ushbu haftada kutilayotgan jazirama tufayli shaharlararo poyezdlar tezligi cheklanadi. Ularning harakat jadvali ham o‘zgarishi mumkin. gazeta.uz »
Eron bilan qayta boshlangan harbiy harakatlar fonida O‘zbekistonning Isroildagi elchixonasi ogohlantirish bilan chiqdi. Dipmissiya fuqarolarga ehtimoliy raketa hujumlari paytida bomba boshpanalariga kirish, shaxsni tasdiqlovchi hujjatlar va elchixonaning aloqa ma’lumotlarini olib yurishni so‘ramoqda. gazeta.uz »
Donald Tramp immigratsiya reydlariga javoban boshlangan norozilik namoyishlarini tarqatish uchun Los Anjelesga Milliy gvardiya xodimlarini kiritishni buyurdi. Kaliforniya gubernatori bu qarorni “maqsadli tarzda g‘azab uyg‘otuvchi” deb atadi va qo‘shinlarni olib chiqishni talab qildi. gazeta.uz »
Kelasi yillarda O‘zbekistonning oltin-valyuta zaxiralari oltin narxi pasayishi kutilayotgan bir sharoitda 30 mlrd dollargacha (hozir - $49,3 mlrd) kamayishi mumkin, deya qayd etdi S&P. Tashkilotga ko‘ra, davlat korxonalarining kafolatlanmagan qarzi davlat budjeti balansiga tushib qolishi xavfi mavjud. gazeta.uz »
Firibgarlik va odam savdosida ayblanib, qidiruvga berilgan ikki nafar ayol O‘monda ekani aniqlanib, Interpol orqali Toshkentga ekstraditsiya qilindi. Maskat byurosi bilan uchrashuvda yana bir o‘zbekistonlik jinoyatchi saqlab turilgani ma’lum bo‘ldi. gazeta.uz »
AQSh Ichki xavfsizlik vazirligi va Maxfiy xizmati FQB sobiq rahbari Jeyms Komiga nisbatan tergov boshladi. U chig‘anoqlardan “86 47” raqamini hosil qilib, Instagram`ga surat yuklagandi. Post Donald Trampni o‘ldirishga chaqiriq sifatida baholandi. gazeta.uz »
BMT AQSh yordamining qisqarishi fonida moliyalashtirish inqirozi tufayli keng ko‘lamli qayta tashkil etishni ko‘rib chiqmoqda. O‘nlab agentliklarni to‘rtta asosiy yo‘nalishga birlashtirish taklif etilmoqda. gazeta.uz »
Dubayda 15 nafar o‘zbekistonlik jinoiy to‘qnashuvda ishtirok etishda gumonlanib qo‘lga olindi. BAA O‘zbekiston fuqarolari tomonidan “qonunbuzarlik holatlari ko‘payayotgani” vizasiz tartibga ta’sir ko‘rsatishi mumkinligini bildirdi. gazeta.uz »
Kaliforniya bojxona to‘lovlari joriy etilgani uchun AQSh shtatlaridan birinchi bo‘lib prezident Donald Trampga qarshi da’vo arizasini kiritdi. Mahalliy hokimiyat ma’lumotlariga ko‘ra, tariflar shtat iqtisodiyotiga “tuzatib bo‘lmaydigan” zarar yetkazmoqda. gazeta.uz »
AQSh tomonidan butun dunyodan keluvchi tovarlar importiga katta bojlar joriy etilishi fonida jahon fond bozorlari shiddat bilan pasayishda davom etmoqda. MSCI Asia Pacific Index 7,8% ga tushib ketdi, bu 2008-yildan beri eng sezilarli pasayish bo‘ldi. gazeta.uz »
