Yangi - Ïîñëåäíèå íîâîñòè [ Ôîòî â íîâîñòÿõ ] | |
Oliy sud Komplayens nazorat xizmati korrupsiya xavf-xatarlarini baholashdan tashqari, mahalliychilik va urug‘-aymoqchilik holatlariga yo‘l qo‘ymasligi kerak bo‘ladi. Tuzilma sud xodimlarining ish va ishdan tashqarida odob-ahloqqa rioya etishini nazorat qiladi. Sudyalar daromadlari va mol-mulki deklaratsiyalanadi. gazeta.uz »
AQShdagi JM Group kompaniyalari bosh direktori Jahongir Mamajonov Toshkent viloyati hokimi o‘rinbosari - Investitsiyalar, sanoat va savdo boshqarmasi boshlig‘i etib tayinlandi. Ruslan Kunarov esa hokimning sanoat korxonalarini rivojlantirish masalalari bo‘yicha o‘rinbosari bo‘ldi. gazeta.uz »
O‘zbekistonda havo sarhadlarini himoya qilishning yangi tizimi joriy etilishi rejalashtirilmoqda. Bu harbiy aviatsiya va havo hujumidan mudofaa kuchlarining jangovar imkoniyatlarini oshirish, shuningdek, zamonaviy tahdidlarga tezkor javob berish salohiyatini kuchaytirishga qaratilgan. gazeta.uz »
Yangi o‘quv yilidan boshlab barcha oliy ta’lim muassasalarida “Tadbirkorlik asoslari” fanini o‘qitish yo‘lga qo‘yilishi rejalashtirilmoqda. Bu orqali talabalarda biznes ko‘nikmalarini shakllantirish va ularni tadbirkorlik uchun mavjud imkoniyatlar bilan tanishtirish maqsad qilingan. gazeta.uz »
O‘zbekistonda 2026/2027 o‘quv yili uchun umumta’lim maktablarining 1-sinfiga qabul jarayonlari 20-iyundan boshlanadi. Mazkur sanadan ota-onalar qabul uchun my.maktab.uz platformasi orqali elektron ariza yuborishi mumkin bo‘ladi. gazeta.uz »
Olmaliq shahri hokimi sifatida ishlab kelgan Qobil Hamdamov Nurafshon shahri hokimi bo‘ldi. Olmaliqqa esa Barhayot Meliyev hokim etib tayinlandi. gazeta.uz »
Shavkat Mirziyoyev Sankt-Peterburg xalqaro iqtisodiy forumida investorlariga yuqori qo‘shimcha qiymatga ega ishlab chiqarish zanjirlarini shakllantirishda hamkorlikni taklif qildi. Prezidentga ko‘ra, hamkorlarga ichki bozor bilan bir qatorda qo‘shni mamlakatlar bozorlariga chiqish imkoniyati ham taqdim etiladi. gazeta.uz »
Bugungi tashqi siyosat faqatgina diplomatiyani anglatmaydi. Investitsiya, savdo, transport koridorlari va xavfsizlik ham unga bog‘liq. O‘zbekiston tashqi siyosat faoliyatining yangi konsepsiyasini tayyorlamoqda. gazeta.uz »
Prezident qarori bilan Samarqanddagi bir qator oliy ta’lim muassasalari qayta tashkil etiladi. Samarqand davlat texnika universiteti tashkil etilib, ayrim filiallar yirik oliygohlarga qo‘shiladi. Shuningdek, xalqaro stajirovkalar, sanoat bilan hamkorlik va ta’limni raqamlashtirish choralari belgilandi. gazeta.uz »
O‘zbekistonda oliy ta’limdan keyingi ta’lim tizimida o‘zgarishlar joriy etilmoqda. Ilmiy kadrlar tayyorlashning 7 ta ustuvor yo‘nalishi tasdiqlandi. Ilmiy kengashlar faoliyati samaradorligini baholash bo‘yicha reyting tizimi joriy etiladi. gazeta.uz »
Chirchiq shahridagi qarovsiz qolgan hayvonlarni saqlash pitomnigi negizida 4 ming bosh hayvon sig‘imli yangi pitomnik quriladi. Pitomnik hududida veterinariya punktlari, karantin zonalari va izolyatsiya xonalari tashkil etiladi. gazeta.uz »
Mirvohid Azimov O‘zbekiston tashqi ishlar vazirining o‘rinbosari etib tayinlandi. U bungacha Turkiy davlatlar tashkiloti bosh kotibining o‘rinbosari lavozimida faoliyat yuritgan. Tashqi ishlar vazirligi tizimida 20 yildan ortiq tajribaga ega. Shanxay hamkorlik tashkiloti kotibiyatida ham ishlagan. gazeta.uz »
Toshkent hokimligi va Xitoyning China Railway Construction Corporation kompaniyasi poytaxtda pulli avtomobil yo‘llarini qurish rejasini muhokama qildi. Gap uzunligi qariyb 100 km bo‘lgan halqa va yangi xalqaro aeroport yo‘nalishida shahar markazi orqali o‘tuvchi magistral pulli yo‘llari haqida bormoqda. gazeta.uz »
Aprelda Toshkentda ko‘p kvartirali uy-joy sotilishi bo‘yicha e’lonlar soni 44,5 mingtagacha kamaydi - bu mart oyiga nisbatan 13,4 foizga, o‘tgan yilning apreliga qaraganda esa 17,7 foizga kam. Takliflar tarkibida yangi qurilgan uylar ulushi deyarli 48 foizga yetdi. Narxlarning keskin o‘zgarishi kuzatilmadi. gazeta.uz »
Aprelda O‘zbekiston ikkilamchi bozorida haydalgan yengil avtomobillar sotuvi o‘tgan yilga nisbatan 15% ga kamayib, 43,7 mingtani tashkil etdi. Birlamchi bozorda esa yangi xorijiy mashinalar sotuvi uchdan bir qismdan ko‘proqqa pasaydi. gazeta.uz »
Malayziya 1-iyundan bolalarni onlayn xatarlardan himoyalash bo‘yicha yangi choralarni joriy etadi. Yangi qoidalar 16 yoshgacha bo‘lganlarga akkaunt ochishni cheklash, platformalarga esa kontent nazoratini kuchaytirishni nazarda tutadi. gazeta.uz »
O‘zbekiston Yangi taraqqiyot bankidan moliyalashtirishni jalb etish uchun 4,5 mlrd dollarlik loyihalar portfelini shakllantirdi. Ushbu mablag‘larni transport, energetika, jumladan, AES va Yangi Toshkent loyihalari, shuningdek, ijtimoiy soha, banklar va sanoat zonalarini rivojlantirishga yo‘naltirish rejalashtirilgan. gazeta.uz »
Senatorlar O‘zbekistonning BRIKS davlatlari tomonidan tashkil etilgan xalqaro moliyaviy institut - Yangi taraqqiyot banki to‘g‘risidagi kelishuvga qo‘shilishi haqidagi qonunni ma’qulladi. Bank infratuzilma, “yashil”, raqamli va ijtimoiy ahamiyatga ega loyihalarni moliyalashtiradi. gazeta.uz »
Tramp Qatar, Saudiya Arabistoni va BAA rahbarlari undan 19-mayga rejalashtirilgan Eronga qarshi zarbalarni bekor qilishni so‘raganini, chunki “hozirgi vaqtda jiddiy muzokaralar ketayotganini” bildirdi. gazeta.uz »
Baxodir Axmedov “Yangi O‘zbekiston” universiteti rektori lavozimiga tayinlandi. U 2021-yildan buyon “Yangi O‘zbekiston” universitetida professor va o‘quv ishlari bo‘yicha birinchi prorektor sifatida faoliyat yuritgan. gazeta.uz »
“O‘zbekiston temir yo‘llari” Sirdaryoda Xovos-Dashtobod yo‘nalishida 28 kilometrlik yangi elektrlashtirilgan temiryo‘l qurilishini boshladi. Loyiha Toshkent-Samarqand yo‘nalishining o‘tkazuvchanligini oshirish, yuk poyezdlari harakatini tezlashtirish va qatnov xavfsizligini ta’minlashga qaratilgan. gazeta.uz »
Tashqi ishlar vaziri Baxtiyor Saidov Kuvaytning O‘zbekistondagi yangi tayinlangan elchisi Turki Xolid Hamad al Mikraddan ishonch yorliqlari nusxalarini qabul qildi. O‘zaro suhbatda O‘zbekiston va Kuvayt o‘rtasidagi ko‘p qirrali hamkorlikni yanada rivojlantirish istiqbollari muhokama qilindi. gazeta.uz »
Nurafshon - Piskent - Bo‘ka - Bekobod (Toshkent viloyati) - Boyovut - Yangiyer (Sirdaryo) elektrlashtirilgan temiryo‘lining qurilishi boshlandi. Liniya uzunligi 110 kilometrni tashkil etadi. Foto va video. gazeta.uz »
SSV huzurida Klinik audit inspeksiyasi, Aholi salomatligini tahlil qilish markazi va Mediamarkaz tashkil etiladi. Idora apparati 298 shtat birligigacha ko‘paytiriladi, Sanepidqo‘mitaniki esa 880 taga qisqartiriladi. gazeta.uz »
Namangan xalqaro aeroportining yangi yo‘lovchi terminalini iyun yakuniga qadar ochishga tayyorlash reja qilinmoqda, deya xabar berdi transport vaziri o‘rinbosari Jasurbek Choriyev. Loyiha Namangan Air Solution kompaniyasi bilan DXSH doirasida amalga oshirilmoqda. Uning qiymati 140 mln dollarga baholangan. gazeta.uz »
“Yangi avlod” bog‘chalariga qabul odatdagidek bo‘ladi, hech qanday imtihon bo‘lmaydi, deya qayd etdi maktabgacha va maktab ta’limi vaziri o‘rinbosari Sherzod Karimov. Uning ta’kidlashicha, “Yangi avlod” bog‘chalarining oddiysidan farqi u yerda tashkil etilayotgan o‘yingohlarda. gazeta.uz »
Buxoro yangi xalqaro aeroportini qurish va boshqarish loyihasi bo‘yicha tenderning birinchi bosqichini 11-mayda yakunlash reja qilingan, deya xabar berdi transport vaziri o‘rinbosari. Uning aytishicha, loyihaga 50 ga yaqin kompaniya qiziqish bildirgan va ishtirokchilar saralab olingach, jarayon ikkinchi bosqichga o‘tadi. gazeta.uz »
Toshkentning yangi xalqaro aeroporti qurilishi iyunda boshlanishi kutilmoqda, dedi transport vaziri o‘rinbosari Jasurbek Choriyev. Unga ko‘ra, DXSH bo‘yicha xususiy investor bilan kelishuv mayning o‘rtalarigacha imzolanishi kerak. gazeta.uz »
O‘zbekistonda, jumladan, chekka hududlarda yangi klinika tashkil etish uchun Milliy bank 200 mln dollarli kredit liniyasi ochadi. 2027-yil 1-maydan akkreditatsiyadan o‘tgan xususiy tibbiyot muassasalari transplantatsiya bilan shug‘ullana oladi. Xorijlik shifokorlar uchun ijtimoiy soliq stavkasi pasayadi. gazeta.uz »
Shavkat Mirziyoyev Samarqandda OTB prezidenti Masato Kanda bilan uchrashdi. Muzokaralarda 2030-yilgacha mo‘ljallangan 12,5 mlrd dollarlik yangi strategik sheriklik dasturi muhokama qilindi. U ijtimoiy sohani modernizatsiya qilish, kambag‘allikni qisqartirish va “yashil” energetikani qo‘llab-quvvatlashni ko‘zda tutadi. gazeta.uz »
O‘zbekistonning BAAdagi elchisi Umid Shodiyev BAA tashqi ishlar vaziri o‘rinbosariga ishonch yorliqlari nusxalarini topshirib, diplomatik faoliyatini boshladi. Uchrashuvda ikki tomonlama hamkorlik masalalari muhokama qilindi, tomonlar aloqalarni kengaytirishga tayyorligini bildirdi. gazeta.uz »
Jizzax avtomobilsozlikda mavqeini kuchaytirib, eksportga chiqmoqda. Viloyat hokimi Ulug‘bek Mustafoyevga ko‘ra, BYD korxonasi ilk bor Markaziy Osiyo bozorlariga chiqishga tayyorgarlik ko‘rmoqda. 27-aprelda hududda yangi Kia modeli taqdimoti bo‘lishi reja qilingan. gazeta.uz »
Jizzax avtomobilsozlikda mavqeini kuchaytirib, eksportga chiqmoqda. Viloyat hokimi Ulug‘bek Mustafoyevga ko‘ra, BYD korxonasi ilk bor Qozog‘istonga elektromobil yetkazib berishni boshlaydi va Afg‘oniston bozoriga chiqishga tayyorgarlik ko‘rmoqda. gazeta.uz »
Qo‘qon, Namangan, Andijon va Marg‘ilon shaharlarini bog‘lovchi yangi elektropoyezd qatnovi yo‘lga qo‘yildi. Ilk safarda prezident ishtirok etib, Qo‘qondan Marg‘ilonga keldi. 586 o‘rinli poyezd soatiga 120 kilometrgacha tezlikda harakatlana oladi. Chipta narxi 15 ming so‘m. gazeta.uz »
Dauletiyar Xudaybergenov Toshkent shahri hokimining birinchi o‘rinbosari - iqtisodiyot va moliya bosh boshqarmasi boshlig‘i bo‘ldi. U bungacha Prezident administratsiyasida boshqarma boshlig‘i lavozimida ishlagan. gazeta.uz »
Toshkent shahriga 240 ta avtobus olib kelinib, 16 ta yangi yo‘nalish tashkil etiladi. Shahardagi 1116 ta bekat rekonstruksiya qilinib, yana 70 ta yangi bekat quriladi. 545 ta “aqlli” svetofor o‘rnatish orqali transport harakatini real vaqt rejimida boshqarish yo‘lga qo‘yiladi. gazeta.uz »
Prezidentga “Yangi O‘zbekiston yoshlari - 2030” strategiyasi loyihasi taqdimot qilindi. Hujjat yoshlar bandligi, ta’limi va salomatligi, yosh oilalarni qo‘llab-quvvatlash, volontyorlik harakatini kengaytirish, shuningdek, ochiqlik va ishtirok mexanizmlarini rivojlantirish masalalarini qamrab oladi. gazeta.uz »
Obidjon Muminov Toshkent shahri hokimining o‘rinbosari - Uy-joy kommunal xo‘jaligi bosh boshqarmasi boshlig‘i etib tayinlandi. Bunga qadar Qurilish va uy-joy kommunal xo‘jaligi vazirligida departament boshlig‘i lavozimida faoliyat yuritib kelgan. gazeta.uz »
Bosh vazir o‘rinbosari Jamshid Xodjayev boshchiligidagi O‘zbekiston delegatsiyasi BAAda qator muzokaralar o‘tkazdi. Keng qamrovli iqtisodiy sheriklik to‘g‘risidagi bitimni tezlashtirish, shuningdek, logistika, qurilish, infratuzilma, islomiy moliya, IT, ta’lim va boshqa sohalarda yangi loyihalar muhokama qilindi. gazeta.uz »
Vengriyadagi saylovlarda Peter Madyar partiyasining yutishi Orbanning ko‘p yillik boshqaruvidan so‘ng o‘zgarishlar kutilayotgani ramziga aylandi. Biroq yangi bosh vazir siyosiy karerasining ildizlari aynan avvalgi hokimiyat bilan bog‘liq. gazeta.uz »
Prezident topshirig‘iga asosan Toshkentda arxitektor va urbanistlar uchun kreativ park hamda oliygoh tashkil etiladi. Davlat rahbari xalqaro loyihalarda mahalliy kompaniyalar manfaatlari kuchsiz himoya qilinayotganini tanqid qildi. gazeta.uz »
Xelen Sand Andresen Norvegiyaning O‘zbekistondagi elchisi etib tayinlandi. O‘zbekiston tashqi ishlar vaziri Baxtiyor Saidov elchining ishonch yorliqlarini qabul qildi. gazeta.uz »
“Madaniyat va san’at ma’naviy tarbiya vositasi va kreativ iqtisodiyotning muhim tarmog‘i”, - dedi prezident soha xodimlariga yo‘llagan tabrigida. U, shuninglek, madaniy diplomatiyani rivojlantirishni muhim yo‘nalish sifatida qayd etdi. gazeta.uz »
Shavkat Mirziyoyev Buxoro shahriga tashrifi doirasida viloyatning yangi ma’muriy markazida olib borilayotgan qurilish ishlari bilan tanishdi. Ushbu markaz davlat idoralarini bir joyga jamlash orqali aholiga xizmat ko‘rsatishni yengillashtirishga va hududni ijtimoiy-iqtisodiy rivojlantirishga xizmat qiladi. gazeta.uz »
Shavkat Mirziyoyev Buxoro shahriga tashrifi doirasida viloyatning yangi ma’muriy markazidagi qurilish ishlari bilan tanishdi. Ushbu markaz davlat idoralarini bir joyga jamlash orqali aholiga xizmat ko‘rsatishni yengillashtirishga va hududni ijtimoiy-iqtisodiy rivojlantirishga xizmat qiladi. gazeta.uz »
So‘x eksklaviga Farg‘onaning O‘zbekiston tumani orqali o‘tuvchi eng qisqa yo‘nalish bo‘yicha yo‘l qurish reja qilinmoqda. Avtomobil yo‘llari qo‘mitasi raisining aytishicha, bu borada qo‘shni davlatlar bilan muzokaralar olib boriladi. gazeta.uz »
“Rieltorlik faoliyati to‘g‘risida”gi qonunning yangi tahriri “makler”larni “soya”dan chiqarishi kutilmoqda, dedi DABA rahbari o‘rinbosari. Ularga sertifikat va kasbiy uyushmalarga a’zoliksiz ko‘chmas mulk agenti sifatida legallashish taklif etiladi, bitimlar esa rieltorlik kompaniyalari orqali rasmiylashtiriladi. gazeta.uz »
Markaziy bank banklar va to‘lov servislarining mobil ilovalariga qo‘yiladigan, 22-apreldan kuchga kiradigan yangi talablar tartibini tushuntirdi. Cheklovlar, avvalo, yangi mijozlarga tegishli, amaldagi foydalanuvchilar esa ilovalardan deyarli o‘zgarishlarsiz foydalanishda davom etishi mumkin, deydi MB. gazeta.uz »
22-apreldan boshlab O‘zbekistondagi bank ilovalari va to‘lov servislarida operatsiyalarni amalga oshirishda majburiy identifikatsiya, telefon raqamni JSHSHIR orqali tekshirish va boshqa talablar qo‘llaniladi. gazeta.uz »
Faoliyat yuritmayotgan va tugatilgan kompaniyalar soni ortib borayotgani sabab hukumat to‘lovga qobiliyatsizlik institutini yangilamoqchi. Bunda To‘lovga qobiliyatsizlik ishlari bo‘yicha agentlik tuzish, soha bo‘yicha elektron platformani ishga tushirish, shuningdek, sanatsiya mexanizmlarini kengaytirish ko‘zda tutilgan. gazeta.uz »
