Yangi - Ïîñëåäíèå íîâîñòè [ Ôîòî â íîâîñòÿõ ] | |
Toshkentda Yangi O‘zbekiston bog‘i va Olimpiya shaharchasini yagona ansamblga birlashtiruvchi salkam 600 metrda yerosti yo‘l o‘tkazgichi qurilmoqda. Loyihaga ko‘ra, qurilish obyektida transport tuguni: bir nuqtada aytoyo‘l, yerosti metro bekati, yerusti tramvay liniyasi bo‘ladi. “Gazeta.uz” obyektdan reportaj tayyorladi. gazeta.uz »
Navoiy kon-metallurgiya kombinati 500 mln dollarlik besh yillik yevroobligatsiyalarni joylashtirdi. Kompaniya ma’lumotlariga ko‘ra, joylashtirishdan tushgan mablag‘lar kredit portfelini yanada qulay shartlarda optimallashtirish va diversifikatsiya qilishga yo‘naltiriladi. gazeta.uz »
Yangi Toshkent qurilishining birinchi bosqichida hududning 30 foizini bog‘ va yashil zonalar uchun ajratish rejalashtirilmoqda. Binolarni salqin saqlash uchun “yashil tom” texnologiyalari joriy etiladi. gazeta.uz »
Sloveniyaning O‘zbekistonga yangi tayinlangan elchisi Alenka Suhadolnik TIV rahbariga ishonch yorliqlarini topshirdi. gazeta.uz »
Toshkentdagi G‘alaba bog‘ida qanot yozgan qushlar ko‘rinishidagi “Xotira nuri” yodgorligi ham o‘zbekistonlik faxriylar tarixini o‘z ichiga olgan xuddi shu nomdagi yangi kitobga havola, ham avlodlararo uzviy bog‘liqlik ramzidir. gazeta.uz »
Amerikalik kardinal Robert Prevo yangi Rim papasi bo‘ldi. U o‘ziga Lev XIV nomini tanladi. U tarixda 267-papa va AQShdan bo‘lgan birinchi papaga aylandi. Lev XIV nutqini tinchlik haqida gapirishdan boshladi. gazeta.uz »
Jizzax viloyatidagi Nurota tog‘ tizmasida paleolit va neolit davrlariga oid yangi arxeologik makonlar aniqlandi. Topilgan manzillar dehqonchilik va chorvachilikka o‘tish davriga oid muhim ma’lumotlarni o‘z ichiga oladi va mamlakatdagi eng qadimiy inson faoliyatini o‘rganishda muhim manbaga aylanishi kutilmoqda. gazeta.uz »
Toshkent davlat texnika oliygohi negizida yangi Tashkent Tech universiteti tashkil etiladi. “Biz zamonaviy mehnat bozorining eng yuqori talablariga javob beradigan muhandislar yetishib chiqadigan ekotizimni shakllantiramiz, - dedi prezident yordamchisi Saida Mirziyoyeva. gazeta.uz »
O‘zbekiston prezidenti Germaniyaning yangi federal kansleri etib saylangani munosabati bilan Fridrix Mersni tabrikladi va o‘zaro aloqalarni chuqurlashtirishga ishonch bildirdi. “Sherikligimiz jadal rivojlanib, kelgusida mutlaqo yangi bosqichga ko‘tarilishiga aminman”, - deyiladi prezident maktubida. gazeta.uz »
YHXX “yo‘l qotillari” iborasi birinchi marta ishlatilgan yangi videosida “jamoatchilikda qoidabuzarlikka qarshi birgalikda kurashish tuyg‘usi shakllanmas ekan, ertaga sizning ham farzandingiz uyga qaytmasligi mumkin”, dedi. gazeta.uz »
Prezident Xorazmdagi Damas ishlab chiqaradigan zavod bilan bog‘liq “katta yangilik”ni ma’lum qildi. Zavod 100 mln dollar hisobiga 7 o‘rindiqli Yevro-5 standartidagi yangi avtomobillarni ishlab chiqarishni boshlaydi. gazeta.uz »
Hozirda Toshkent tibbiyot akademiyasida o‘quv ishlari bo‘yicha prorektor lavozimida ishlayotgan Shuhrat Boymuradov yangi tashkil etilayotgan Toshkent davlat tibbiyot universiteti rektori etib tayinlandi. gazeta.uz »
Tailandga sayohat rejalashtirayotgan barcha chet el fuqarolari, jumladan, o‘zbekistonliklar mamlakatga kelishdan uch kun oldin Thailand Digital Arrival Card (TDAC)ni onlayn olishlari kerak. Talab 1-maydan kuchga kiradi. gazeta.uz »
Ilhomboy Xudaybergenov Qoraqalpog‘istonning To‘rtko‘l tumani hokimi bo‘ldi. U bunga qadar Ichki ishlar organlarida faoliyat yuritgan va Toshkent viloyati hokimining o‘rinbosari bo‘lib ishlagan. gazeta.uz »
Yevropa Ittifoqi O‘zbekistonda fuqarolik jamiyatini rivojlantirish bo‘yicha loyihalarni 2,9 mln yevro mablag‘ bilan qo‘llab-quvvatladi. Yangi tashabbuslar gender tengligi, huquqiy ta’lim va mediasavodxonlik kabi sohalarni qamrab oladi. gazeta.uz »
Adliya vazirligi, YI va BMTTD davlat xizmatlarini yaxshilash bo‘yicha 4,9 mln yevrolik loyihaning yangi bosqichini boshladi. 2029-yilgacha 35 ta davlat xizmatini raqamli transformatsiyalash, 1000 nafar davlat xizmatchisini o‘qitish va mahallalarda 34 ta davlat xizmatlari ko‘rsatish shoxobchasini ochish rejalashtirilmoqda. gazeta.uz »
Suriya rahbari Ahmad al-Sharaa Rossiyaga sobiq prezident Bashar Asadni topshirishni so‘rab murojaat qilgani, ammo Moskva rad etganini bildirdi. Shu bilan birga, yangi hokimiyat Moskva bilan hamkorlik qilishdan bosh tortmasligi ma’lum qilindi, zotan Suriya oziq-ovqat va energiya yetkazib berishda Rossiyaga tayanadi. gazeta.uz »
Toshkentda YeI, YeXHT va BMTTD tomonidan Markaziy Osiyoda uran merosi oqibatlarini bartaraf etish, insonlar va tabiatni himoya qilish hamda mintaqadagi xavfsizlikni oshirishga qaratilgan loyihaning uchinchi bosqichini boshlovchi uchrashuv bo‘lib o‘tdi. gazeta.uz »
Abror Ahmadaliyev Andijon viloyatining Izboskan tumani hokimi bo‘ldi. U bungacha viloyat Kambag‘allikni qisqartirish va bandlik boshqarmasi boshlig‘i bo‘lgan. gazeta.uz »
Elyorbek Karimov Andijon shahri hokimi etib tayinlandi. U bungacha Izboskan tumani hokimi lavozimida faoliyat yuritayotgan edi. gazeta.uz »
Asadulla Qayumov O‘zbekiston Tovar-xomashyo birjasining boshqaruv raisi bo‘ldi. U bunga qadar Raqobat qo‘mitasi raisi o‘rinbosari edi. Birjaning avvalgi raisi yaqinda tashkil etilgan Energiya samaradorligi milliy agentligi direktorligiga o‘tdi. gazeta.uz »
Zuxriddin Baxriddinov Namangan viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari bo‘ldi. U bungacha Iqtisodiyot va moliya vazirligi departamenti direktori bo‘lgan. gazeta.uz »
Prezidentga Yangi Toshkentdagi Chirchiq daryosi bo‘yida 20 gektar maydonda okeanarium qurish loyihasi taqdim etildi. Qurilish vaziri o‘rinbosarining so‘zlariga ko‘ra, u Markaziy Osiyodagi eng yirik shunday obyekt bo‘ladi. gazeta.uz »
Sport maktablari milliy terma jamoalarga asosiy zaxira sifatida olinib, yoshlar qobiliyatidan kelib chiqqan holda maqsadli tayyorlanadi. Ularni pishitib borish uchun yiliga ikki marta “Yangi O‘zbekiston Olimpiya cho‘qqilari” musobaqalar tizimi yo‘lga qo‘yiladi. G‘oliblar uy, avtomobil sovg‘alari bilan taqdirlanadi. gazeta.uz »
Shavkat Mirziyoyev Andijon viloyatini islohotlar tez va sezilarli natijalar berayotgan hududlardan biri deb atadi. U hududdagi har bir mahalla, har bir xonadonga yangi O‘zbekiston ruhi kirib borganini ta’kidladi. gazeta.uz »
Prezident 2021-yilda qurilishi boshlangan Yangi Andijon shaharchasidagi ilk natijalarni borib ko‘rdi. 4 ming gektar qurilish maydonida hozircha 63 ta ko‘p qavatli uy, maktab va bolalar bog‘chasi, shuningdek, poliklinika qurilgan. gazeta.uz »
Prezident Andijon viloyatiga tashrifi doirasida Yangi Andijon shaharchasiga Zahiriddin Muhammad Bobur sharafiga Bobur shahri nomini berishni taklif qildi. “Nega deganda, hazrati Bobur - shunday ulug‘ zotki, uning sharafiga nafaqat ko‘cha va maydonlar, balki alohida shahar bunyod etsak, albatta, arziydi”, - dedi u. gazeta.uz »
Respublika bolalar ijtimoiy moslashuvi markazi va Rossiyaning robotlashtirilgan protezlar ishlab chiqaruvchi “Motorika”si o‘rtasida hamkorlik memorandumi imzolandi. Ishlab chiquvchilar o‘z mahsulotlarini davlat tomonidan muhtojlarga beriladigan reabilitatsiya texnik vositalari ro‘yxatiga kiritmoqchi. gazeta.uz »
O‘zbekiston Yo‘l harakati xavfsizligi xizmati jarimalar haqida yangi ilova - Safe Road orqali ma’lumot olish mumkinligini ma’lum qildi. Road24 va YHXX o‘rtasidagi ma’lumot almashinuvi batamom to‘xtatilgan. gazeta.uz »
“Yangi O‘zbekiston” bog‘ida 2 kun davomida “Inson uchun” inklyuziv yugurish marafoni bo‘lib o‘tdi. Markaziy Osiyoda ilk bor o‘tkazilgan sport tadbirida 1300 nafar nogironligi bo‘lgan shaxs qatnashdi. gazeta.uz »
Olimpiya shaharchasi hududi atrofida yerosti tunneli qurilishi munosabati bilan Yangi O‘zbekiston shohko‘chasining bir qismi 13-apreldan 1-sentabrgacha avtomobillar harakati uchun yopildi. gazeta.uz »
Shuhrat Djo‘rayev Jizzax viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha yangi o‘rinbosari vazifasini bajaruvchi etib tayinlandi. gazeta.uz »
Toshkent viloyatining Parkent tumanida 20 gektar maydonda akvapark va bir qancha boshqa inshootlar qurish rejalashtirilmoqda. Loyihaning qiymati 30 mln dollar bo‘lib, u 2026-yilning ikkinchi choragida ishga tushirilishi mumkin. gazeta.uz »
Toshkentda sport musobaqalari o‘tkazilishi sabab Yangi O‘zbekiston ko‘chasi 13-aprel kuni soat 00:00 dan 16:00 ga qadar yopiladi. gazeta.uz »
Parlamentlarning vazifasi dunyoni yanada xavfsiz, jamiyatlarni esa yanada farovon qilishdir, dedi Shavkat Mirziyoyev Toshkentda bo‘lib o‘tgan Parlamentlararo ittifoq Assambleyasida. U dunyodagi mojarolarni hal qilish, iqlim o‘zgarishi, ijtimoiy himoya va sun’iy intellektdan foydalanish masalalariga to‘xtalib o‘tdi. gazeta.uz »
AQSh bojlarida O‘zbekiston qiyosiy ustunlikka ega tarmoqlarning rivojlanishiga imkoniyatni ko‘rish mumkin, dedi prezidentning JST bo‘yicha maxsus vakili Azizbek Urunov. Uning so‘zlariga ko‘ra, to‘qimachilik va tikuvchilik sanoati yangi investitsiyalarni jalb qilishi va eksportni kengaytirishi mumkin. gazeta.uz »
Air Products and Chemicals kompaniyasi O‘zbekistonda yangi loyihalar - uglerodni ushlash va saqlash, aviatsiya yoqilg‘isi ishlab chiqarish va ko‘mirni gazlashtirishni ko‘rib chiqmoqda. Mazkur rejalar kompaniya rahbariyati va Investitsiyalar, sanoat va savdo vazirligi o‘rtasida bo‘lib o‘tgan uchrashuvda muhokama qilindi. gazeta.uz »
Toshkent yo‘lovchi vagonlarini qurish va ta’mirlash zavodi “Yangi O‘zbekiston” nomli yangi kupe va platskart vagonlarni ishlab chiqardi. Mazkur dizel poyezd Toshkent - Buxoro - Toshkent yo‘nalishiga chiqarilishi kutilmoqda. Foto. gazeta.uz »
O‘zbekiston, Tojikiston va Qirg‘iziston chegaralarining tutash nuqtasi to‘g‘risidagi shartnomaning imzolanishi “ahamiyati beqiyos voqeadir”, dedi O‘zbekiston prezidenti matbuot kotibi Sherzod Asadov. gazeta.uz »
Rustam Jumayev favqulodda vaziyatlar vaziri o‘rinbosari vazifasini bajaruvchi, Muzaffarjon Mamasiddiqov esa FVV akademiyasi boshlig‘i lavozimini egalladi. gazeta.uz »
MO mamlakatlarida transchegaraviy suvlarni boshqarishni raqamlashtirish bo‘yicha Blue Peace Central Asia loyihasining yangi bosqichi may oyida boshlanadi. Toshkentdagi seminarda loyiha ishtirokchilari uning ustuvor yo‘nalishlari - suv sifati, iqlim o‘zgarishiga moslashish va ma’lumotlarni boshqarishni muhokama qildi. gazeta.uz »
Yangiyo‘l tumanidagi 5 qavatli uylarning birida gaz portladi. Oqibatda ikki kishi 60 foiz kuyish tashxisi bilan shifoxonaga yotqizildi, 3 ta qavatdagi xonadonlarning oynalari sindi. Tuman hokimligiga ko‘ra, uy to‘liq bitkazilib topshirilmagani sababli bu yerda boshqa fuqarolar yashamaydi. gazeta.uz »
Toshkent markazidan Yangi Toshkentga qatnaydigan 197-sonli avtobus yo‘nalishi ochildi. Bundan tashqari, 137 va 190-sonli avtobus yo‘nalishlari harakati tizmasiga o‘zgartirish kiritildi. gazeta.uz »
Buxoroning yangi aeroportini 2026-yil oxirida foydalanishga topshirish rejalashtirilmoqda. Uzbekistan Airports kompaniyasining qayd etishicha, shahar chekkasida olib borilayotgan qurilish ishlari aholini ko‘chirish yoki daraxtlarni kesishni talab qilmaydi. gazeta.uz »
O‘zbekistonda 1-iyuldan boshlab kichik va o‘rta biznes subyektlari uchun yangi majburiyatlar yuklashga moratoriy e’lon qilinadi. Shuningdek, “Birinchi imkoniyat” tamoyili joriy etiladi va tadbirkorlar faoliyatining birinchi yilidagi ilk qoidabuzarligi uchun javobgarlikdan ozod etiladi. gazeta.uz »
O‘zbekistonda 2025-yil 1-iyuldan birinchi faoliyati davomida savdo va tadbirkorlik sohalariga oid ma’muriy huquqbuzarlikni ilk bor sodir etgan kichik tadbirkorlik subyektlarini ma’muriy javobgarlikdan ozod etadigan “Birinchi imkoniyat” tamoyili joriy qilinadi. gazeta.uz »
Toshkentda o‘tgan yili taqdim etilgan mustahkam shisha, tablo, kamera va 112 tugmasi bilan jihozlangan yangi avtobus bekatlari iyuldan o‘rnatila boshlaydi. Ular reklamadan daromad oladigan tadbirkorlarga ijaraga beriladi. gazeta.uz »
Toshkent aeroportida yiliga 120 ming tonna yuk tashish quvvatiga ega va 5,2 gektar maydonda joylashgan yangi yuk terminali ochildi. U uch qavatli ma’muriy bino, turli tovarlarni saqlashga mo‘ljallangan omborxona, shuningdek, yengil va yuk mashinalari uchun to‘xtash joyini o‘z ichiga oladi. gazeta.uz »
Prezident Shavkat Mirziyoyev Toshkent shahrining Bektemir tumanidagi Iykota mahallasida joriy yilda foydalanishga topshirilgan 358-umumta’lim maktabida bo‘ldi. U 1000 ga yaqin talaba uchun mo‘ljallangan bo‘lib, fan xonalari, laboratoriyalar, kompyuter xonalari va robototexnika to‘garagi bilan jihozlangan. gazeta.uz »
O‘zbekiston prezidenti Bektemir tumanida davlat tashkilotlari va jamoatchilik vakillari bilan birga yangi bog‘ga ko‘chat ekdi. Davlat rahbari tashabbusga hissa qo‘shayotganlarga minnatdorlik bildirdi. Barchani kirib kelayotgan Navro‘z bayrami bilan tabrikladi. gazeta.uz »
