èøãà - Ïîñëåäíèå íîâîñòè [ Ôîòî â íîâîñòÿõ ] | |
Migratsiya agentligi Slovakiyada kara (pogruzchik) haydovchilari uchun 70 ta bo‘sh ish o‘rniga tanlov boshlanganini ma’lum qildi. Nomzodlarga oyiga 1000 yevro maosh taklif etilmoqda. Ish beruvchi turar joy va tibbiy sug‘urta xarajatlarini qoplaydi, viza va aviachipta xarajatlari esa keyinchalik kompensatsiya qilinadi. gazeta.uz »
Buxoro viloyatida uch fuqaroni Germaniyaga ishga yuborishni va’da qilib, qariyb 20 ming dollar va 2 mln so‘m olgan shaxsga jinoyat ishi qo‘zg‘atildi. gazeta.uz »
Toshkent viloyatida O‘simliklar karantini va himoyasi agentligi xodimlari 20 gektar davlat yeridan tabiiy chim ko‘chirib olishga ruxsat beruvchi hujjatlar uchun 2200 dollar olayotganda ushlandi. Navoiyda esa “Suv ta’minoti” tizimiga ishga kiritish evaziga 500 dollar olgan xodimlar qo‘lga olindi. gazeta.uz »
O‘zbekistonda yashirin iqtisodiyotga qarshi kurash uchun “Yashirin iqtisodiyot xaritasi” platformasi bosqichma-bosqich ishga tushiriladi. U 22 ta tarmoq, 85 ta soha va barcha hududlar kesimida xavflarni aniqlab, budjet yo‘qotishlarini hisoblab boradi. gazeta.uz »
O‘zbekistonning oltita hududida Janubiy Koreyaga ishga joylashtirish bilan bog‘liq firibgarlik holatlari aniqlandi. Gumonlanuvchilar hujjatlarni rasmiylashtirish va xorijga chiqishda yordam berish bahonasida fuqarolarning o‘nlab ming dollar mablag‘larni qo‘lga kiritgan. gazeta.uz »
O‘zbekistonda istalgan bank yoki to‘lov servisi orqali to‘lovlarni qabul qilish imkonini beruvchi UzQR tizimi ish boshladi. 1-iyuldan bunday QR kod majburiy bo‘ladi. Tizim orqali to‘lovlarni amalga oshirishda komissiyalar mavjud: sotuvchi uchun 0,65 foiz va ayrim hollarda xaridor uchun 1 foizgacha. gazeta.uz »
Amerikaning Amazon Leo kompaniyasi va Uz-Sat korxonasi O‘zbekistonda yuqori tezlikdagi sun’iy yo‘ldosh interneti xizmatlarini taqdim etish bo‘yicha kelishuv imzoladi. Servis shaharlarda va infratuzilma cheklangan yoki mavjud bo‘lmagan chekka tumanlarda ham tarmoqqa ulanish imkonini ta’minlashi kerak. gazeta.uz »
Aleksandr Fedin tomonidan Surxondaryo viloyatida 1980-yillarning oxiridan boshlab barpo etilgan noyob o‘rmon maydoni 1500 gektarlik dendroparkka aylantiriladi. Fedin O‘rmon xo‘jaligi agentligiga ishga qabul qilinib, unga bo‘lajak bog‘ hududidan xizmat uyi beriladi, deb xabar qildi Ekologiya qo‘mitasi. gazeta.uz »
Migratsiya agentligining Farg‘ona viloyati filiali sobiq rahbari 8 kishini Koreyaga yuborish uchun 90 ming dollar olganlikda gumonlanmoqda. Yangiqo‘rg‘onda esa 22 nafar fuqaroga Koreyadan ish topib berishni va’da qilib, 34,2 ming dollar va 79,3 mln so‘m olganlar ushlandi. Hududlarda yana shu kabi holatlar fosh etildi. gazeta.uz »
“O‘zatom” rahbari Azim Axmedxadjayev O‘zbekistonda AES loyihasini amalga oshirish muddatiga aniqlik kiritdi. Ilk kichik modulli reaktorni 2029-yil kuzda texnik jihatdan ishga tushirish, birinchi yirik reaktorni 2033-yilda ishga tushirish, loyihani yakunlashni esa 2034−2035-yillarda amalga oshirish reja qilinmoqda. gazeta.uz »
Migratsiya agentligi Italiyaning Sardiniya hududida ishlash uchun 150 nafar o‘zbekistonlik shifokorni tanlovga chaqirdi. Nomzodlar yetti oylik italyan tili kursida bepul o‘qiydi. Maosh 3,5 ming yevrodan boshlanib, qo‘shimcha to‘lovlar bilan 5 ming yevrogacha yetishi mumkin. gazeta.uz »
O‘zbekiston va AQSh energetika, infratuzilma, muhim xomashyo materiallari, logistika, AKT va farmatsevtika sohalaridagi loyihalarni moliyalashtirish uchun qo‘shma investitsiya platformasini tashkil etdi. gazeta.uz »
O‘zbekiston TIV konsullik xizmatlarini masofadan turib olish uchun mobil ilova ishga tushirdi. Birinchi bosqichda u orqali mamlakatga qaytish sertifikatini rasmiylashtirish va konsullik hisobiga turish mumkin. gazeta.uz »
O‘simliklar karantini agentligi xodimlaridan iborat guruh import hujjatlarini rasmiylashtirib berish uchun noqoqnuniy stavkalar belgilab kelgani aniqlandi. Qolaversa, tizimdagi 14,9 mlrd so‘mlik shubhali to‘lovlar xodimlar va ularning qarindoshlari kartalari orqali o‘tgani ma’lum bo‘ldi. gazeta.uz »
O‘zbekiston va Shvetsiya migratsiya va mobillik bo‘yicha ilk hukumatlararo bitimni imzoladi. U tibbiyot, texnika, xizmatlar, parvarish sohalari mutaxassislarini Shvetsiya mehnat bozoriga tayyorlash, ish beruvchilar bilan bog‘lash, talaba va tadqiqotchilar uchun akademik almashinuv imkoniyatini kengaytirishni ko‘zda tutadi. gazeta.uz »
O‘zbekistonlik farmatsevtika sohasi xodimlari Qatarga ishga taklif etilmoqda. Ish beruvchi viza, aviachipta, turar joy va ichki transport xarajatlarini zimmasiga olishi kerak. Oylik daromad 2000 dollargacha bo‘lishi kutilmoqda. gazeta.uz »
O‘zbekistonning bir nechta hududida fuqarolarni Janubiy Koreyaga ishga yuborishni va’da qilib, ularning mablag‘ini o‘zlashtirgan shaxslar fosh etildi. Xususan, Qashqadaryoning Koson tumanida MCHJ rahbari 48 nafar fuqarodan jami 384 ming dollar so‘rab, uning 29 ming dollarini firibgarlik yo‘li bilan qo‘lga kiritgan. gazeta.uz »
O‘zbekiston fuqarolari dunyodagi yirik dengiz boshqaruv kompaniyalaridan biri bo‘lgan V.Ships Global Recruitment kompaniyasining kruiz kemalariga ishga taklif qilinmoqda. Qabul qilinganlar 1650 dollargacha maosh va AQSh ishchi vizasini olishi mumkin. gazeta.uz »
Jizzax viloyatida fuqaroni Koreyaga yuborish uchun 8 ming dollar talab qilib, oldindan pul olayotgan shaxs qo‘lga olindi. Qashqadaryoda esa ikki fuqarodan buning uchun 165 mln so‘m so‘ragan shaxs ushlandi. gazeta.uz »
Qirg‘izistonda davlat xizmatchilariga elektr energiyasini tejash uchun pidjakdan voz kechish va ishga ko‘ylakda kelish buyurildi. “Hozir kostyumda ishlayapmiz va konditsionerlarni yoqyapmiz. Agar shunchaki ko‘ylak kiyib yursak, konditsionerni yoqmasa ham bo‘ladi”, - deya tushuntirdi mamlakat bosh vaziri Adilbek Kasimaliyev. gazeta.uz »
Bosh prokuratura huzuridagi departament Migratsiya agentligi va bandlik agentliklarining sobiq mutasaddilaridan iborat uyushgan guruhni aniqladi. Xususan, bir holatda gumonlanuvchilar Koreyaga ishga yuborish evaziga noqonuniy 90 mln dollar pul olgan. Hozirda 800 dan ortiq jabrlanuvchi murojaati o‘rganilmoqda. gazeta.uz »
Bosh prokuratura huzuridagi departament Migratsiya agentligi va bandlik agentliklarining sobiq mutasaddilaridan iborat uyushgan guruhni aniqladi. Gumonlanuvchilar Koreyaga ishga yuborish evaziga jami 135 mln dollardan ortiq pulni noqonuniy olgan. gazeta.uz »
O‘zbekiston delegatsiyasi Nyu Yorkdagi migratsiya forumi doirasida AQSh kompaniyalari bilan muzokaralar o‘tkazdi. Tomonlar tibbiyot xodimlari va haydovchilarni tayyorlash hamda ishga joylashtirish masalalarini muhokama qildi. gazeta.uz »
Ostonada birinchi estakada tipidagi LRT liniyasini shu haftada ishga tushirish rejalashtirilmoqda. U shaharning asosiy nuqtalarini birlashtiradi, poyezdlar esa to‘liq haydovchisiz boshqariladi. Loyiha qurilishi 15 yil davom etdi va xalq orasida “korrupsiya haykali” nomini oldi. gazeta.uz »
O‘zbekiston va Qatar mehnat migratsiyasi sohasida yangi kelishuvlarga erishdi. Qatar Airways joriy yilda 65 nafar o‘zbekistonlikni ishga qabul qiladi. Kelgusida yana 1600 mutaxassis jalb qilinadi. O‘zbekiston - Qatar mehnat forumini o‘tkaziladi, Qatar standartlari asosida tibbiyot xodimlari tayyorlanadi. gazeta.uz »
Migratsiya agentligi oliy ma’lumotli hamshiralarni Italiyaga ishga taklif qilmoqda. 45 yoshgacha bo‘lgan nomzodlar 7 oylik bepul onlayn italyan tili kursini o‘taydi. Kursni tugatganlar Milandagi klinikalarga oyiga 1800 yevro maosh bilan ishga joylashtiriladi. gazeta.uz »
O‘zbekiston delegatsiyasi Saudiyada mehnat migratsiyasi bo‘yicha muzokaralar o‘tkazdi. Tomonlar tibbiyot, qurilish, turizm va muhandislik sohalariga ishchi kuchini jalb qilishni muhokama qildi. Kadrlarni xalqaro standartlar asosida tayyorlash, malaka imtihonlari va qonuniy ishga joylashtirish tizimi yo‘lga qo‘yiladi. gazeta.uz »
Toshkent xalqaro aeroportida samolyotlar parvozini qushlardan himoya qiluvchi intellektual qurilma ishga tushdi. U bir vaqtda 256 tagacha qushni aniqlab, samolyotlar yo‘lidan xavfsiz zonalarga haydash imkonini beradi. gazeta.uz »
Vazir E’zoza Karimova maktab remontiga ota-onalardan pul yig‘ishga qat’iy qarshi ekanini aytdi. “Bu kabi masalalar mahalliy budjetga borib taqaladi, bu hokimliklar vakolatiga kiradi”, - dedi u. Vazir o‘rinbosari Temur Komilovga ko‘ra, pedagoglar ta’mirlash ishlariga jalb etiladigan mardikor emas. gazeta.uz »
Yaponiyaning Willer Express kompaniyasi o‘zbekistonlik avtobus haydovchilarini tayyorlash va ishga joylashtirishni yo‘lga qo‘yadi. Toshkentda o‘quv poligoni ochiladi, amaliyot uchun o‘ng rulli avtobuslar olib kelinadi. Loyihani hududlarga ham kengaytirish rejalashtirilgan. gazeta.uz »
Fuqarolarni chet elga ishga yuborishni va’da qilib pul olgan shaxslar qo‘lga olindi. Qashqadaryoda Isroilga ishga yuborishni va’da qilib 20 ming dollar talab qilgan, Navoiyda esa Bolgariyaga ishga jo‘natish evaziga 3 ming dollar olgan shaxslar ushlandi. gazeta.uz »
Globogate dasturi doirasida 800 nafar o‘rta tibbiyot xodimi Germaniya klinikalariga ishga taklif etilmoqda. Dastur bepul bo‘lib, 10 oylik o‘qishdan so‘ng ishga joylashish imkoni beriladi. Maosh 1900 yevrodan boshlanib, keyin 2500 yevrogacha oshadi. Qabul ikki bosqichli tanlov asosida amalga oshiriladi. gazeta.uz »
Germaniyaning Premium Food Group tashkiloti qassoblik sohasida ishlash uchun 300 nafar O‘zbekiston fuqarosini ishga taklif qilmoqda. Nomzodlardan xalqaro til sertifikati talab etilmaydi, biroq ular maxsus tayyorlov kurslarida ishtirok etishlari lozim. Ish haqi taxminan 1700 yevroni tashkil qiladi. gazeta.uz »
O‘zbekistonda “100 ta mahsulot akseleratori” dasturi ishga tushirildi. U eksport salohiyatiga ega 100 ta mahsulotni tanlab, ularni xalqaro bozorlarga olib chiqishga qaratilgan. Ishtirokchilarga sertifikatlash, logistika va marketing bo‘yicha ko‘mak beriladi. gazeta.uz »
O‘zbekiston va AQSh bu yil qo‘shma investitsiya platformasini ishga tushiradi. Bu Prezident Administratsiyasi va AQSh Xalqaro taraqqiyot moliya korporatsiyasi rahbarlarining uchrashuvida muhokama qilindi. gazeta.uz »
Shu yildan boshlab muddatli harbiy xizmatni o‘tayotgan askarlar oliy ta’lim muassasalariga o‘qishga kirishi va masofaviy ta’lim olishi mumkin bo‘ladi. Shuningdek, ular uchun turli kasblar bo‘yicha 3−6 oylik kurslar tashkil etiladi. gazeta.uz »
Toshkentda fuqarolarni Yevropa davlatlariga ishga jo‘natishni va’da qilib, ulardan pul undirgan shaxslar sudlandi. Jami 140 kishi jabrlangan. Sud hukmiga ko‘ra, ikki nafar ayblanuvchi 7 yilga, yana bir ayol esa 5 yilga ozodlikdan mahrum qilindi. gazeta.uz »
O‘zbekistonda yaqin besh yilga mo‘ljallangan “Toza havo” umummilliy loyihasi ishga tushirilmoqda. Asosiy maqsadlar sanoat va energetika obyektlari, qurilish sohasi hamda transport chiqindilarini kamaytirish, shuningdek, tabiiy chang hosil bo‘lishini nazorat qilishdan iboart. gazeta.uz »
O‘zbekiston bosh vaziri Abdulla Aripov mamlakatda 2026-yilda sun’iy yo‘ldosh interneti sinov tariqasida ishga tushishini bildirdi. Hukumat rahbarining ma’lum qilishicha, uning operatorlari uchun soliq imtiyozlari paketi shakllantirilgan. gazeta.uz »
Toshkent viloyatidagi iqtisodiy sohaga oid davlat tashkilotida ayolni ushbu lavozimga faqat erkaklar qabul qilinishi aytilgan holda ishga olishmadi. U ombudsmanga murojaat qilgach, uning huquqlari tiklandi. gazeta.uz »
O‘zbekiston va Tojikiston prezidentlari 10 ta qo‘shma sanoat hamkorligi loyihalari, jumladan, Tojikistonda mebel va charm zavodlarini ochish, shuningdek, Farg‘onada konserva, Surxondaryoda sharbat ishlab chiqarish zavodlarini ishga tushirdi. gazeta.uz »
Niderlandiyaning MMBS Groep kompaniyasi kelgusida yana 6 ming o‘zbekistonlikni ishga qabul qilishni rejalashtirmoqda. Hozirda kompaniyada 40 nafar mutaxassis oyiga 2500 yevro maosh bilan ishlamoqda. gazeta.uz »
Qonunchilik palatasi “Shaxsga doir ma’lumotlar to‘g‘risida”gi qonunga kiritiladigan tuzatishlarni ma’qulladi. Ular ayrim ma’lumotlarni chet elda qayta ishlash va saqlash imkoniyatini ko‘zda tutadi. Avvalroq prezident Apple Pay va Google Pay`ni ishga tushirish uchun qonunchilik qayta ko‘rib chiqilishini aytgandi. gazeta.uz »
Zarafshonda 1000 AQSh dollari evaziga fuqaroni IIOga ishga kiritish va imtihonsiz haydovchilik guvohnomasi olib berishni va’da qilgan shaxs qo‘lga olindi. Gumonlanuvchi pullarni olayotgan vaqtida ashyoviy dalillar bilan ushlangan va hozirda prokuratura tomonidan tergovga qadar tekshiruv olib borilmoqda. gazeta.uz »
2026-yil 1-martdan tadbirkorlarga “yagona darcha” tamoyili asosida 1000 dan ortiq xizmatlar ko‘rsatadigan “Biznes-hamroh” loyihasi ishga tushiriladi. Dastlab Toshkent va Nukus shaharlarida hamda viloyatlar markazlarida 1 tadan tashkil etiladi. Har chorakda rahbarlar tadbirkorlar bilan muloqot o‘tkazadi. gazeta.uz »
2026-yilda O‘zbekiston yangi konlarni ishga tushirish orqali gaz qazib olish hajmining ko‘p yillik pasayishini barqarorlashtirishni rejalashtirmoqda, dedi energetika vaziri Jo‘rabek Mirzamahmudov. Bunda Mo‘ynoq tumanida mamlakatdagi eng yuqori debitli quduq burg‘ilangan yangi kon muhim ahamiyatga ega bo‘ladi. gazeta.uz »
O‘zbekiston va Ozarbayjon kompaniyalari Ustyurt mintaqasida geologiya-qidiruv va uglevodorodlarni qazib olish bo‘yicha qo‘shma loyihani amalga oshirishga kirishdi. Toshkentda loyiha operatori - Ustyurt Operating Company ofisi ochildi. gazeta.uz »
Yil oxiriga qadar Toshkentda sinov tarzida yagona Yo‘l harakatini tashkil etish markazi tomonidan boshqariladigan intellektual transport tizimi ishga tushiriladi. Prezident loyihani ma’qulladi. YHTEM transport master rejasini amalga oshiradi, parkovkalar va individual harakatlanish infratuzilmasini boshqaradi. gazeta.uz »
O‘zbekistonda 3D-dizayn, indi-o‘yinlar yaratish va beshta tilda dasturlash bo‘yicha videodarslarni o‘z ichiga olgan Cyber Qiz bepul onlayn ta’lim platformasi ishga tushdi. Uni o‘zini o‘zi tashkil etgan Qizlar jamoasi a’zolari yaratdi. gazeta.uz »
O‘zbekistonda “Byurokratiyani bartaraf etish - 2030” dasturi ishga tushiriladi. Maqsad - davlat xizmatlaridan tez va qulay foydalanish orqali fuqarolarning hayot sifatini yaxshilash, ortiqcha tartib-taomillarni bartaraf etish va jarayonlarning shaffofligini oshirish orqali suiiste’molchilik xavfini kamaytirish. gazeta.uz »
