Loyihasi - Ïîñëåäíèå íîâîñòè [ Ôîòî â íîâîñòÿõ ] | |
AQSh prezidenti ikki kun oldin Hurmuz bo‘g‘ozida qolib ketgan kemalarni ozod qilish bo‘yicha boshlangan “Ozodlik loyihasi” operatsiyasi Eron bilan kelishuv tuzish imkoniyatini baholash uchun “qisqa muddatga” to‘xtatilishini ma’lum qildi. gazeta.uz »
O‘zbekiston Transport vazirligi Toshkent - Samarqand yangi tezyurar temiryo‘l loyihasi TIAning so‘nggi versiyasini qabul qildi, dedi vazir o‘rinbosari Jasurbek Choriyev. Uning so‘zlariga ko‘ra, tenderni boshlashdan oldin loyiha investitsion jozibadorlik nuqtai nazaridan yana takomillashtiriladi. gazeta.uz »
Davlat ekologik ekspertizasi markazi filiali Chorvoq suv ombori sharqiy sohilidagi Sea Breeze Uzbekistan loyihasi birinchi bosqichiga ijobiy xulosa berdi. Ekspertlar ko‘p parametrlar hozircha dastlabki ekanini qayd etib, qo‘shimcha tadqiqotlar, aniqlashtirishlar va majburiy shartlar bajarilishini talab qilmoqda. gazeta.uz »
Prezident soliq ma’murchiligini takomillashtirish va sohani isloh qilishga doir taqdimot bilan tanishdi. Sun’iy intellekt orqali nazorat tizimini joriy etib, 2026-yilda budjetga qo‘shimcha 30 trln so‘m tushum ta’minlash vazifasi qo‘yildi. gazeta.uz »
O‘zbekistonda yaqin besh yilga mo‘ljallangan “Toza havo” umummilliy loyihasi ishga tushirilmoqda. Asosiy maqsadlar sanoat va energetika obyektlari, qurilish sohasi hamda transport chiqindilarini kamaytirish, shuningdek, tabiiy chang hosil bo‘lishini nazorat qilishdan iboart. gazeta.uz »
O‘zbekistonda AES qurilishi Rossiya sanoatiga 2 trln rublgacha (24,7 mlrd dollar) buyurtmalar olib keladi va 1000 ga yaqin ish o‘rni yaratadi, dedi “Rosatom” rahbari Aleksey Lixachyov. Loyiha direksiyasi avvalroq ikkita reaktorli kichik stansiya qiymati 1 mlrd dollardan oshmasligini ta’kidlagan edi. gazeta.uz »
Hukumat 31 ta yirik investitsiya loyihasini amalga oshirish uchun Toshkent shahrining bosh rejasiga o‘zgartirishlar kiritdi. 2311 gektar maydonda uy-joylar, mehmonxona, biznes markazlari va sanoat zonasi quriladi. gazeta.uz »
Sea Breeze Uzbekistan kurortining oqova va ichimlik suv tizimlari 2027-yil yakunigacha qurilishi aytilmoqda. Majmuaga Chorvoq suv omboridan yiliga 10 mln kub metr suv olish ko‘zda tutilyapti. “Loyiha Toshkent aholisi ichimlik suviga ta’sir qilmaydi”, - dedi Toshkent viloyati hokimligi vakili. Gazeta reportaji. gazeta.uz »
“Ezgulik” inson huquqlari jamiyatiga korrupsiyaga qarshi kurashish loyihasi uchun yutgan 500 mln so‘m grant mablag‘i berilmaydigan bo‘ldi. Parlament komissiyasiga ko‘ra, Antikorrupsiya agentligi shartnoma imzolamagach, pul Moliya vazirligiga qaytarilgan. “Ezgulik” jamiyati senator hamda agentlikni sudga bermoqchi. gazeta.uz »
Davlat xizmatchilari daromadlarini deklaratsiyalashga oid qonun loyihasi takomillashtirilib, uni jamoatchilik muhokamasiga qo‘yish jarayoni ketmoqda va bu vakolat Adliya vazirligida, dedi Antikorrupsiya agentligi rahbari Akmal Burxanov. “Bu to‘xtab qoladigan hujjat emas”, - dedi u. gazeta.uz »
“Strategiya-2030” loyihasi iqtisodiyotni maishiy hayotdan ayri holda ko‘radi: eksport va SIga oid raqamlar bor, lekin bolalarni kim parvarishlayotgani, ayollar nega ilm-fan bilan shug‘ullanmayotgani tilga olinmagan. gazeta.uz »
O‘zbekiston va Ozarbayjon kompaniyalari Ustyurt mintaqasida geologiya-qidiruv va uglevodorodlarni qazib olish bo‘yicha qo‘shma loyihani amalga oshirishga kirishdi. Toshkentda loyiha operatori - Ustyurt Operating Company ofisi ochildi. gazeta.uz »
Deputatlar 2026-yilga mo‘ljallangan davlat budjeti loyihasini birinchi o‘qishda ma’qulladi. Loyihaga ko‘ra, YAIM 6,6% ga o‘sishi, inflyatsiya 7% gacha pasayishi prognoz qilinmoqda. Budjet taqchilligi bo‘yicha limitni 3% (59,9 trln so‘m), tashqi qarzlar yuqori chegarasini 5 mlrd dollar miqdorida belgilash taklif etilgan. gazeta.uz »
“Mening maktabim” loyihasining 2025/2026-o‘quv yilidagi 1-bosqichi g‘oliblari e’lon qilindi. Umumiy qiymati 259,1 mlrd so‘mni tashkil etgan 14 745 ta loyiha g‘olib deb topildi. Ushbu loyihalar uchun 310 926 nafar o‘quvchi tomonidan ovoz berilgan. gazeta.uz »
Osiyo taraqqiyot banki bilan O‘zbekiston maktablarida STEM ta’limni modernizatsiya qilishga qaratilgan “O‘rta ta’limda STEM” loyihasi uchun 100 mln dollarlik kredit kelishuvi imzolandi. gazeta.uz »
Brijit Bardo fondi treninglaridan o‘tgan Toshkent veterinarlari Nukusda zamonaviy materiallar va preparatlardan foydalanib hayvonlarni sterilizatsiya qilish bo‘yicha mahorat darsi o‘tkazadi. Bunday imkoniyat “Xayot” NNT va uning “Mushukkent” bo‘linmasining Aral Vet Mission ta’lim loyihasi doirasida yaratildi. gazeta.uz »
Samarqandda YUNESKO Yoshlar forumi doirasida ilk bor rassomlar Ilya va Emiliya Kabakovlarning art-installyatsiyasi taqdim qilindi. “Bag‘rikenglik kemasi” O‘zbekiston bolalarining tinchlik, do‘stlik, mehr haqidagi minglab rasmlaridan iborat. gazeta.uz »
22-oktabrdan “Mening maktabim” loyihasi doirasida maktablar loyihalarini kiritish jarayoni boshlanadi. Bu bosqichda 112 ta tumandagi 5000 ga yaqin maktab ishtirok etadi. Loyiha uchun 293 mlrd so‘m ajratilishi belgilangan. gazeta.uz »
O‘zbekistonda “Bir million o‘zbek dasturchisi” loyihasining mantiqiy davomi sifatida “Bir million sun’iy intellekt yetakchisi” loyihasi ham boshlandi. Bu yil 100 ming, kelasi yil 500 ming yoshlar o‘qitiladi. gazeta.uz »
Toshkent hokimiyati 10 ta yo‘nalishni qamrab oluvchi ajratilgan avtobus yo‘laklari (BRT) tizimini kengaytirish loyihasi bo‘yicha yangilangan ma’lumotlarni e’lon qildi. Ularning ko‘pchiligi sobiq tramvay liniyalari bo‘ylab o‘tadi. gazeta.uz »
Qambarota GES-1 qurilishi qiymati 4,2 mlrd dollarni tashkil etadi, shu bilan birga, xalqaro moliya institutlarining moliyalashtirish portfeli esa 5,6 mlrd dollarga yetgan. O‘zbekiston energetika vaziri Jo‘rabek Mirzamahmudov ta’kidlashicha, ularning loyihaga bo‘lgan qiziqishi yuqori. gazeta.uz »
Sea Breeze Uzbekistan kurorti loyihasi bo‘yicha ekologik ekspertiza hali yakunlangani yo‘q. Kompaniyada ta’kidlashlaricha, ayni paytda majmua hududida tayyorgarlik ishlari - maydonni tozalash va chiqindilarni olib chiqish ishlari amalga oshirilmoqda. gazeta.uz »
Qonunchilik palatasi deputatlari “Aholini zararli shovqin ta’siridan himoya qilish to‘g‘risida”gi qonun loyihasini ikkinchi o‘qishda ham qabul qilmadi. O‘tgan yozda uni qayta ishlashga jo‘natishgandi. gazeta.uz »
Qonunchilik palatasi deputatlari “Shaharsozlik renovatsiyasi to‘g‘risida”gi qonun loyihasini qabul qilib, Cyenatga yubordi. Mazkur hujjatning zarurati yangi turar joylarga nisbatan o‘sib borayotgan ehtiyojni qondirish uchun qo‘shimcha yer resurslari talab qilinishi bilan izohlandi. gazeta.uz »
Yangi o‘quv yilidan Toshkentning har bir tumanida bittadan maktabda “Toshkent tajribasi” loyihasi amalga oshiriladi. Ularda robototexnika va VR xonalari tashkil etiladi, fizika, kimyo va biologiya laboratoriyalari zamonaviy jihozlanadi. gazeta.uz »
Yil oxirigacha O‘zbekiston bog‘chalarida “ekobekatlar” joriy etiladi, 2025/2026 o‘quv yilida esa Eco-Schools loyihasi yana 500 ta maktabni qamrab oladi, dedi Maktabgacha va maktab ta’limi vaziri E’zozxon Karimova. gazeta.uz »
Sea Breeze Uzbekistan kurorti xususiy investitsiyalar hisobidan va budjet mablag‘larisiz quriladi, xabar berdi Investvazirlik. Rag‘bat sifatida yer ijarasi kamaytirilgan, biroq investor $240 mln to‘lashi kerak. gazeta.uz »
Deputatlar renovatsiya to‘g‘risidagi qonun loyihasini birinchi o‘qishda ma’qulladi. Renovatsiya loyihasini ilgari surish uchun kamida 80 foiz mulkdorlar roziligi talab etiladi, so‘ng har bir mulkdor bilan kompensatsiya bo‘yicha kelishiladi. gazeta.uz »
O‘zbekiston hukumati Chorvoq suv ombori sohilidagi barcha mavsumlarga mo‘ljallangan Sea Breeze Uzbekistan kurort loyihasi uchun ekologik talablarni belgilaydi. Hujjatda faollarning e’tirozlari inobatga olingan va kompaniya oldiga bir qator shart va majburiyatlar qo‘yiladi. gazeta.uz »
Sea Breeze Uzbekistan loyihasi bo‘yicha Ekologiya vazirligiga hali rasmiy hujjatlar kelib tushmadi, dedi idora boshlig‘i Aziz Abduhakimov. Uning qayd etishicha, loyihaga “yo‘q” deyishdan oldin u bilan tanishib chiqish zarur. gazeta.uz »
O‘zbekiston va Vengriya quruq sovitish tizimlarini yirik uzelli yig‘ishni tashkil etish bo‘yicha qo‘shma korxona tashkil etish ishlarini boshlash to‘g‘risida protokol imzoladi. Shuningdek, hujjatda Vengriya tomonidan ta’lim dasturlari va stajirovkalarni ishlab chiqishni nazarda tutiladi. gazeta.uz »
Qonunchilik palatasi 8-iyul kungi yig‘ilishida “Avtomobil yo‘llari to‘g‘risida”gi qonunning yangi tahrirdagi loyihasini birinchi o‘qishda qabul qildi. Hujjat piyodalar xavfsizligini ta’minlagan holda budjetga tushadigan yuklamani kamaytirish va pulli yo‘llar qurish uchun huquqiy asos yaratishga qaratilgan. gazeta.uz »
2026-yilda O‘zbekistonning oltita hududida sholini tomchilatib sug‘orish orqali yetishtirish loyihasi joriy etiladi. Sholining kam suv talab etadigan va yuqori hosildorlikka ega yangi navlarini yaratish uchun Janubiy Koreya, Filippin, Misr va Nepal tajribasini qo‘llash rejalashtirilmoqda. gazeta.uz »
Oliy davlatlararo kengash yig‘ilishida O‘zbekiston va Ozarbayjon prezidentlari O‘rta yo‘lak orqali tashilayotgan o‘zbek yuklari hajmi 25% ga oshganini qayd etdi. Shuningdek, ular Yevropaga elektr energiyasi eksport qilish loyihasini tayyorlashni tezlashtirishga kelishib oldi. gazeta.uz »
Toshkentda renovatsiya boshlandi. Tajriba-sinov loyihasi Mirzo Ulug‘bek tumani “Navnihol” mahallasida ishga tushirildi. U 3,3 gektar maydondagi sakkizta ikki qavatli uyni qamrab oladi. Quruvchi va shahar hokimligi loyihani aholi bilan muhokama qildi. Gazeta uchrashuv tafsilotlarini hikoya qiladi (+video) gazeta.uz »
Shota Rustaveli ko‘chasining rekonstruksiyasi boshlandi. Shahar ahlida loyihadagi yechimlar: yerosti piyodalar o‘tish joylarini takrorlash, yo‘laklar kengligi, ko‘cha markazidagi maxsus yo‘lak bo‘ylab jamoat transporti harakatiga doir ko‘plab savollar bor. Gazeta bu savollarni loyiha mualliflariga berdi. gazeta.uz »
O‘zbekiston Yaponiyaning Le One Co. , Ltd kompaniyasi bilan biogazdan metan olish loyihasi ustida hamkorlik qilishni reja qilmoqda. U chiqindilarni qayta ishlashni takomillashtirish va ekologiyaga tushadigan bosimni kamaytirishi kutilmoqda. gazeta.uz »
O‘zbekiston Atom energiyasi agentligi va “Rosatom” davlat korporatsiyasi o‘rtasida mamlakatda yirik atom elektr stansiyasi qurish imkoniyatlarini o‘rganish bo‘yicha kelishuv imzolandi. Loyiha to‘rttagacha kengaytirish imkoniyati bilan ikkita VVER-1000 quvvat blokini o‘z ichiga oladi. Kichik AES loyihasi o‘zgartirildi. gazeta.uz »
O‘zbekistonda ma’muriy jazo tizimiga yangi ta’sir chorasi - ma’muriy ogohlantirishni kiritish rejalashtirilmoqda. U ilk bor sodir etilgan kichik YHQlarni, masalan, boshqaruv paytida telefondan foydalanish, to‘xtash yoki to‘xtab turish qoidalarini buzganlik uchun qo‘llanadi. gazeta.uz »
AOKA onlayn platformalar to‘g‘risidagi qonun loyihasi bo‘yicha e’tirozlarga munosabat bildirdi. Ular onlayn platformalarning barcha foydalanuvchilari shundoq ham blogerlar hisoblanishini ta’kidlab, kontent “faqat jamoat tartibi va xavfsizligiga tahdid solsagina” noqonuniy deb hisoblanishiga ishontirdi. gazeta.uz »
Toshkentdagi o‘yinda san’atkorlar va blogerlar o‘rtasida sahnalashtirilgan mushtlashuv yuz bergach, LikeCup futbol turniri to‘xtatildi. Voqea sodir etgan shaxslarga nisbatan ma’muriy bayonnomalar tuzildi. gazeta.uz »
Jamoatchilik muhokamasi uchun qo‘yilgan qonun loyihasi O‘zbekistondagi onlayn platformalar va saytlar (OAV emas), blogerlar va inflyuyenserlarga nisbatan talablar belgilaydi. Agar noqonuniy kontentni o‘chirish to‘g‘risidagi ko‘rsatma bajarilmasa, sud qarorisiz foydalanuvchilarning kirishi cheklanishi mumkin. gazeta.uz »
O‘zbekiston prezidenti Urganch xalqaro aeroportini modernizatsiya qilish va boshqarish huquqini olgan Janubiy Koreya kompaniyasi rahbarlari bilan uchrashdi. Davlat rahbariga yangi terminal loyihasi taqdimot qilindi. gazeta.uz »
O‘zbekistonda kichik AES qurilishi jadvaldan oldinda, birinchi beton 2026-yilning ikkinchi choragida quyilishi rejalashtirilgan, dedi “O‘zatom” rahbari. Stansiya uchun Fransiya va Xitoy texnologiyalari ko‘rib chiqilmoqda, loyiha MAGATE tomonidan nazorat qilinadi. “Bu shunchaki parranda fabrikasi qurish emas”, dedi u. gazeta.uz »
Ekologiya vazirligi 1-noyabrga qadar plastik chiqindilarni kamaytirish bo‘yicha qonun loyihasini ishlab chiqadi. Hujjat bilan plastikni qabul qilish punktlarini tashkil etish, utilizatsiya qilish uskunalarini o‘rnatish hamda “taralarni qaytarish” tizimini joriy etish ko‘zda tutilgan. gazeta.uz »
Transport vazirligi rahbarligida Toshkentda aviatsiya muzeyini tashkil etish masalasi ishlab chiqilmoqda, deya ma’lum qildi Uzbekistan Airways rahbari Shuhrat Xudoyqulov. Uning so‘zlariga ko‘ra, loyiha 2025-yilda hal qilinishi kerak. gazeta.uz »
Strategik islohotlar agentligi tungi iqtisodiyotni rivojlantirish konsepsiyasini ishlab chiqdi. Unda 24/7 ishlaydigan zonalar, tungi bozorlar, madaniy tadbirlar va infratuzilmani rivojlantirish, “Tungi shahar” platformasi hamda koordinator lavozimi orqali xizmatlarni muvofiqlashtirish nazarda tutilgan. gazeta.uz »
“Yoshlar uchun 1000 kitob” loyihasi 2024-yili 50 ta ilmiy-ommabop kitobni o‘zbekchaga o‘girdi. 2025-yilda badiiy va bolalar adabiyotlari ham tarjima qilinishi rejalashtirilgan. Hozirda loyiha uchun kontent-menejer va tashkiliy-moliyaviy menejer izlanmoqda. Nomzodlarga, jumladan, yuqori maosh taklif qilinadi. gazeta.uz »
O‘zbekiston parlamentida muxolifat huquqlariga oid qonun loyihasini ishlab chiqish taklif etilmoqda. Muxolifat vakillari 1 nafar qo‘mita raisi va 2 nafar qo‘mita raisi o‘rinbosari lavozimlarini kafolatli egallashi mumkin. gazeta.uz »
AES qurish direksiyasi direktori Otabek Amanov kichik quvvatli atom elektr stansiyasi qurilishi loyihasi jarayonida Toshkent va Jizzax viloyatlarida jamoatchilik eshituvi o‘tkazilishini ma’lum qildi. gazeta.uz »
