Mlrd - Ïîñëåäíèå íîâîñòè [ Ôîòî â íîâîñòÿõ ] | |
BAAning AMEA Power kompaniyasi O‘zbekistonda yangi energetika loyihalarini amalga oshirishga kirishdi. Toshkentda quvvati 150 MVt bo‘lgan energiya saqlash tizimi qurilishi boshlandi, Qoraqalpog‘istonda 1000 MVt quvvatli shamol elektr stansiyasi, Buxoroda esa yana bir energiya saqlash moslamasi qurish rejalashtirilgan. gazeta.uz »
Mart oyidagi qisqarishdan so‘ng O‘zbekistonning oltin-valyuta zaxiralari 1-may holatiga $70,9 mlrd gacha ortdi (+$1,9 mlrd). Zaxiralar o‘sishi asosan xorijiy valyutadagi aktivlar hajmi ortishi (+$1,15 mlrd) hisobiga tiklana boshladi. gazeta.uz »
O‘zbekistonda obunachilari soni 3 milliondan ortiq bo‘lgan blogerlar 2025-yil davomida 2,7 mlrd so‘m daromad topib, budjetga 110,4 mln so‘m soliq to‘lagan. Umuman, o‘tgan yilda blogerlik bozori hajmi 760,2 mlrd so‘m (62 mln dollar) etib baholangan. gazeta.uz »
Shavkat Mirziyoyev Samarqandda OTB prezidenti Masato Kanda bilan uchrashdi. Muzokaralarda 2030-yilgacha mo‘ljallangan 12,5 mlrd dollarlik yangi strategik sheriklik dasturi muhokama qilindi. U ijtimoiy sohani modernizatsiya qilish, kambag‘allikni qisqartirish va “yashil” energetikani qo‘llab-quvvatlashni ko‘zda tutadi. gazeta.uz »
OTB Samarqandda 2035-yilgacha 70 mlrd dollarlik ikki tashabbus boshlanganini e’lon qildi. Mablag‘lar energiya tizimlarini birlashtirish, transchegaraviy elektr savdosini rivojlantirish, raqamli koridorlar, data markazlar va mintaqada internetdan foydalanishni kengaytirishga yo‘naltirilishi rejalashtirilgan. gazeta.uz »
Prezident iqtisodiyotning energetikaga yuqori darajada bog‘liqligi sharoitida gidroenergetikani rivojlantirishni jadallashtirish zarurligini ta’kidladi. Hukumat energiya tizimining barqarorligini oshirish maqsadida gidroenergetika sohasida 5,8 mlrd dollarlik 73 ta loyihani amalga oshirishni rejalashtirmoqda. gazeta.uz »
2026-yilning I choragida O‘zbekistonda 45,2 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 73,9 mlrd so‘m subsidiya oldi. Shundan 45,5 mlrd so‘m mart oyiga to‘g‘ri keradi. gazeta.uz »
Toshkentdagi muzokaralarda O‘zbekiston va Chexiya rahbarlari tovar ayirboshlash hajmini 1 mlrd dollarga yetkazish, texnologik kooperatsiya dasturini, shu jumladan, geologiya va muhim xomashyo sohalarida tayyorlash, shuningdek, poytaxtlar o‘rtasida to‘g‘ridan-to‘g‘ri aviaqatnovlarni qayta tiklashni kelishib oldilar. gazeta.uz »
Surxondaryoning Boysun tumanida daryoga neft aralash suyuqlik oqib ketishi ortidan 8,5 mlrd so‘mdan ortiq kompensatsiya hisoblandi. Qayd etilishicha, 1,2 tonna miqdordagi suyuqlik Eriell tomonidan qazilgan handaqlardan toshgan. gazeta.uz »
Toshkent viloyati suv ta’minoti korxonasi Piskent filiali rahbari 3 mlrd so‘mdan ortiq bo‘lgan 14,8 km quvurlarni talon-toroj qilganlikda gumonlanib qo‘lga olindi. Ma’lum qilinishicha, u buni kompaniyalardan birining mansabdor shaxslari bilan til biriktirgan holda amalga oshirgan. gazeta.uz »
O‘zbekistonda kitob savdosini rag‘batlantirish maqsadida oyiga 10 ming donadan ortiq kitob sotgan tadbirkorlarga 1 mlrd so‘mgacha imtiyozli ssuda ajratiladi. Shuningdek, turizm, gastronomik, yoshlar sayilgohi va savdo-servisga ixtisoslashgan ko‘chalarda kutubxonalar va book cafe’lar tashkil etish ko‘zda tutilgan. gazeta.uz »
2026-yilning dastlabki uch oyida O‘zbekistonga pul o‘tkazmalari hajmi qariyb 3,8 mlrd dollarni tashkil etdi. Bu o‘tgan yilning shu davriga nisbatan 13 foizga ko‘p. Markaziy bank ma’lumotlariga ko‘ra, pul o‘tkazmalari ichki bozorda valyuta taklifining asosiy manbalaridan biri bo‘lib qolmoqda. gazeta.uz »
Toshkentda eksportni oshirish va ishlab chiqarishni kengaytirishga qaratilgan “favqulodda holat rejalari”ni amalga oshirish uchun 1 mlrd dollarlik fond tashkil etilmoqda, dedi shahar hokimi. Unga ko‘ra, shahar tabiiy resurslarsiz ham yuqori rivojlanishga erishgan Seul darajasini marra qilib olishni reja qilmoqda. gazeta.uz »
Ichki ishlar vazirining sobiq o‘rinbosari Bekmurod Abdullayev va 186 mlrd so‘m ($15,3 mln) o‘zlashtirishda gumonlanayotgan yana 6 nafar mansabdor shaxs qamoqdan ozod etildi. Huquq himoyachisiga ko‘ra, general-mayorning qarindoshlari zararni naqd pulda to‘liq qoplaganidan so‘ng, ular garov evaziga qo‘yib yuborilgan. gazeta.uz »
“Navoiyuran” davlat korxonasi 2025-yil yakunlariga ko‘ra tushumni 20,2 foizga - 1,112 mlrd dollargacha oshirdi, uran ishlab chiqarish hajmi esa 35 foizga o‘sib, 7000 tonnaga yetdi. Kompaniya yangi konlarga investitsiyalar fonida sof foyda va zaxiralar o‘sganini ham qayd etdi. gazeta.uz »
Navoiy viloyatida noqonuniy ravishda oltin qazib olish bilan shug‘ullanganlar qo‘lga olindi. Ular davlat manfaatlariga jami 13,1 mlrd so‘mlik zarar yetkazgan. gazeta.uz »
Toshkent viloyatining Toshkent tumanidagi xonadonda umumiy qiymati taxminan 1 mlrd so‘mga teng 119 turdagi dori vositalari aniqlandi. Ular xorijdan aylanma yo‘llar orqali olib kelingan. Ma’lum qilinishicha, ular poytaxtdagi dorixonalarga sotilgan. gazeta.uz »
Olmaliq kon-metallurgiya kombinatida ekologik qoidabuzarliklar aniqlandi. Ekopolitsiya ma’lumotlariga ko‘ra, korxona xavfli chiqindilarni noto‘g‘ri joylashtirgan va yetarlicha tozalanmagan oqova suvlarni Angren daryosiga oqizgan. gazeta.uz »
13 ta davlat kompaniyasidagi ulushlarni birlashtirgan O‘zbekiston Milliy investitsiya jamg‘armasi o‘z aksiyalarini London va Toshkent fond birjalarida sotishni rejalashtirmoqda. Franklin Templeton 2,44 mlrd dollarlik portfel tafsilotlarini e’lon qildi. gazeta.uz »
2026-yil yanvar-martida O‘zbekistonda 2,36 mlrd kVt/soat “yashil” energiya ishlab chiqarildi. Bu o‘tgan yilning shu davriga nisbatan 40 foizga ko‘p. Quyosh fotoelektr stansiyalari 1 mlrd 159,6 mln kVt/soat, shamol elektr stansiyalari esa 1 mlrd 208,6 mln kVt/soat energiya ishlab chiqargan. gazeta.uz »
O‘zbekiston xalqaro zaxiralari 68,99 mlrd dollargacha kamaydi, mart oyida ko‘rsatkich 8,1 mlrd dollarga qisqarib, yil boshidan buyongi o‘sishlarni yo‘qqa chiqardi. Bunga dunyo bozorida oltin narxining tushib ketgani asosiy sabab bo‘ldi. gazeta.uz »
O‘zbekistonda 2026-yil yanvar-martda 23,3 mlrd kVt/soat elektr energiyasi ishlab chiqarildi, bu o‘tgan yilning shu davriga nisbatan 7 foizga ko‘p. 20,1 mlrd kVt/soat eluktr energiyasi yetkazib berildi. gazeta.uz »
Kobulda Markaziy Osiyoning besh davlati vakillari ishtirokida ilk maslahatlashuv muloqoti o‘tdi. Udan maqsad - mintaqada iqtisodiy hamkorlik, xavfsizlik va transport aloqalarini mustahkamlash uchun yangi siyosiy mexanizm yaratish. gazeta.uz »
O‘tgan yil va joriy yil boshida O‘zbekiston dorixonalarida dori-darmon narxlarini oshirish bilan bog‘liq 414 mingdan ortiq holat aniqlandi. Asossiz 8,5 mlrd so‘m daromad olingan. Oltita kompaniyaning litsenziyasi bekor qilindi. gazeta.uz »
O‘tgan yil va joriy yil boshida O‘zbekiston dorixonalarida dori-darmon narxlarini oshirish bilan bog‘liq 414 mingdan ortiq holat aniqlandi. Asossiz 8,5 mlrd so‘m daromad olingan. Oltita kompaniyaning litsenziyasi bekor qilindi. gazeta.uz »
Milliy valyutadagi xalqaro obligatsiyalarni tarixiy minimal - 12,25% stavkada chiqarish orqali qarz jalb qilindi. Investorlarning kuchli talabi qarz olish qiymatini pasaytirib, ekvivalent hisobida 1 mlrd dollar jalb etishga imkon berdi. gazeta.uz »
Navoiy kon-metallurgiya kombinati 2025-yil yakunlariga ko‘ra, sof foydasini 3,5 mlrd dollargacha (+64%) oshirdi. Bu jahon bozorlarida oltin narxining oshishi bilan bog‘liq bo‘lib, uning o‘rtacha narxi bir unsiya uchun 3400 dollardan ortdi. gazeta.uz »
Xorazmda Telegram’da virusli fayllar orqali akkauntlarni buzib, fuqarolar bank kartalaridan 1 mlrd so‘mdan ortiq mablag‘ni o‘g‘irlagan guruh fosh etildi. Shuningdek, ular jabrlanuvchilar nomidan yaqinlariga yozib, pul o‘tkazib olgan. Jinoyat ishi qo‘zg‘atilib, tergov olib borilmoqda. gazeta.uz »
O‘zbekiston Markaziy banki 16 yoshga to‘lmagan shaxslar hisobvaraqlarida mablag‘larning keskin harakati bilan bog‘liq operatsiyalarni gumonli deb baholashni, shuningdek, 30 kun ichida 1,03 mlrd so‘mdan ortiq naqd kirimlar va xavfi yuqori davlatlarga o‘tkazmalar ustidan monitoringni kuchaytirishni taklif etmoqda. gazeta.uz »
Sirdaryoda yashovchi fuqaro hududlardan 9 nafar shaxsni yakka tartibdagi tadbirkor sifatida ro‘yxatdan o‘tkazgan. U ushbu shaxslarning akkauntlaridan foydalanib, virusli ilova orqali fuqarolarning telefonlariga zararli dastur yuborgan va jami 201 nafar fuqarodan 2 mlrd so‘mdan ortiq mablag‘ yechib olgan. gazeta.uz »
O‘zbekistonda AES qurilishi Rossiya sanoatiga 2 trln rublgacha (24,7 mlrd dollar) buyurtmalar olib keladi va 1000 ga yaqin ish o‘rni yaratadi, dedi “Rosatom” rahbari Aleksey Lixachyov. Loyiha direksiyasi avvalroq ikkita reaktorli kichik stansiya qiymati 1 mlrd dollardan oshmasligini ta’kidlagan edi. gazeta.uz »
Shavkat Mirziyoyev Samarqandga tashrifida qiymati qariyb 7 mlrd dollar bo‘lgan 106 ta loyihani ishga tushirish va qurilishini boshlashga start berdi. Loyihalar doirasida 18 mingta yangi ish o‘rni yaratilishi, 13 trln so‘mlik mahsulot ishlab chiqarilishi va 700 mln dollarli eksport salohiyati shakllanishi kutilmoqda. gazeta.uz »
Farg‘ona viloyatida Damas avtomashinasida Qirg‘izistonga noqonuniy olib chiqilmoqchi bo‘lgan 1,23 kg oltin quymalar aniqlandi. Ularning qiymati 2,18 mlrd so‘mga baholangan. Holat yuzasidan jinoyat ishi qo‘zg‘atilib, tergov boshlangan. gazeta.uz »
Xorazm viloyati shahar va tumanlarini zamonaviy qiyofaga keltirish, yo‘l va suv infratuzilmasini yaxshilashga 1 mlrd 600 mln dollar ajratiladi. Prezident Hazorasp, Xonqa, Shovot, Yangiariq, Yangibozor, Tuproqqal’a, Xiva va Urganch shaharlarini ishsizlik va kambag‘allikdan xoli hududga aylantirishni topshirdi. gazeta.uz »
Hukumat 31 ta yirik investitsiya loyihasini amalga oshirish uchun Toshkent shahrining bosh rejasiga o‘zgartirishlar kiritdi. 2311 gektar maydonda uy-joylar, mehmonxona, biznes markazlari va sanoat zonasi quriladi. gazeta.uz »
AQShning Oppenheimer va Citibank kompaniyalari Centrum Air aviakompaniyasining IPO jarayonida anderrayter bo‘ladi. Kompaniya $2 mlrdga baholanishi kutilmoqda, bu uni Markaziy Osiyodagi eng qimmat tashkilotlardan biriga aylantiradi. IPO orqali $600 mln jalb qilish rejalashtirilgan. gazeta.uz »
Tinchlik kengashiga a’zo davlatlar insonparvarlik yordami va G‘azoni tiklash uchun 5 mlrd dollardan ortiq mablag‘ ajratish, shuningdek, xodimlarni Xalqaro barqarorlik kuchlariga yuborish majburiyatini oldi, dedi Tramp. gazeta.uz »
Toshkentda ota-bola yashirin omborda saqlangan va dorixonalarga yetkazish uchun mo‘ljallangan 3 mlrd so‘mlik sertifikatsiz dorilar bilan ushlandi. Tezkor tadbirda 133 mingdan ortiq dori, 50 ming dollar, 10,6 mln so‘m va 150 ta bank kartasi ham ashyoviy dalil sifatida olindi. Tekshiruv olib borilmoqda. gazeta.uz »
Toshkent xalqaro aeroportida qiymati qariyb 2,3 mlrd so‘mlik zargarlik buyumlarini noqonuniy olib o‘tishga bo‘lgan urinishlar to‘xtatib qolindi. Yo‘lovchilar qimmatbaho buyumlarni ichki kiyim va paypoqlariga va jomadon asosiga yashirgan holda olib o‘tmoqchi bo‘lgan. gazeta.uz »
O‘tgan yili ombudsman idorasi murojaatlarni ko‘rib chiqishda fuqarolar foydasiga 11,8 mlrd so‘mdan ortiq mablag‘ undirilishiga yordam berdi. Uning 3,9 mlrd so‘mdan ortig‘ini buzilgan uy-joylar uchun kompensatsiyalar tashkil etdi. gazeta.uz »
Yanvarda O‘zbekistonning oltin-valyuta zaxiralari tarixiy maksimumni yangilab, $75 mlrd dan oshdi (+13,2%). Zaxiralar hajmi bir oyda $8,76 mlrd ga ko‘paydi. O‘sish asosan oltin narxining oshishi va qimmatbaho metal zaxiralari hajmining ortishi hisobiga ta’minlandi. gazeta.uz »
2025-yilda 673,3 mlrd so‘mlik 192 ta davlat xaridlarida qonunbuzarliklar aniqlandi. Antikorrupsiya agentligiga ko‘ra, 70 mlrd so‘mlik 60 ta xaridlar bekor qilingan. Qonunchilikni buzgan 14 kishiga ma’muriy, 12 nafariga intizomiy jazo choralari qo‘llanilgan. 2 ta holat bo‘yicha jinoyat ishlari qo‘zg‘atilgan. gazeta.uz »
Navoiyda Qizilqum fosforit kompleksi atmosferaga zararli moddalarni me’yordan ortiq chiqargani uchun 2 mlrd so‘mdan ortiq jarimaga tortildi. Ikki ishlab chiqarish sexi 10 kunga to‘xtatildi, besh nafar mansabdorga nisbatan ma’muriy ish qo‘zg‘atilib, hujjatlar sudga yuborildi. gazeta.uz »
Pop ixtisoslashtirilgan davlat o‘rmon xo‘jaligida qator qonunbuzarliklar fosh etildi. Muassasa mansabdorlari ijara pullarini undirmaslik va noqonuniy qazishmalarga yo‘l qo‘yishi oqibatida davlatga 2,8 mlrd so‘m zarar yetdi. gazeta.uz »
2025-yilda O‘zbekistonda 45,3 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 209,2 mlrd so‘m subsidiya oldi. Jami 268,7 mingta subsidiya rasmiylashtirildi, shundan 16,3 mingtasi - dekabrda. gazeta.uz »
2025-yilda “Toza qo‘llar” dasturi va davlat bog‘chalarida autsorsing ovqatlanish uchun 567 mlrd so‘mdan ortiq ajratildi. Senator rasmiylar xarajatlar shaffofligini qanday ta’minlab, to‘g‘ridan-to‘g‘ri xaridlarning oldini olmoqchi ekaniga qiziqdi. gazeta.uz »
2025-yilning 9 oyida O‘zbekiston tashqi qarzi 11,3 mlrd dollarga ko‘payib, 75 mlrd dollardan oshdi. Bunda davlat tashqi qarzi $37,4 mlrd (+$3,5 mlrd), korporativ tashqi qarz 38 mlrd dollarni (+$7,8 mlrd) tashkil qildi. gazeta.uz »
O‘zbekistonning xalqaro zaxiralari 2025-yil yakuniga ko‘ra $25,1 mlrd ga o‘sib, $66,3 mlrd ga (+61%) yetdi. O‘sishning asosiy drayveri jahon bozorlarida oltinning qimmatlashishi bo‘ldi. Valyuta zaxiralari ham ko‘paydi. gazeta.uz »
2026-yilda kreditlar, subsidiyalar, turizmni rivojlantirish va minglab yangi servis obyektlarini ishga tushirish hisobiga xizmatlar bozori hajmini $100 mlrd dan oshirish rejalashtirilmoqda. 2030-yilgacha xorijiy sayyohlar oqimini 20 mln kishiga, turistik xizmatlarni esa 20 mlrd dollarga yetkazish ko‘zda tutilgan. gazeta.uz »
Chiqindi xizmatlaridan aholining qarzdorligi 622,7 mlrd so‘mni tashkil etdi. 31-dekabr holatiga aholiga ko‘rsatilgan xizmatlar uchun hisoblangan 1,4 trln so‘mning 90 foizi qoplangan. Haqiqatda ko‘rsatilmagan xizmatlar uchun hisoblangan 211,9 mlrd so‘m noreal debitor qarzdorlik elektron tizimdan chiqarildi. gazeta.uz »
