Mlrd - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston bo‘ylab “noxolislik va raqobatni cheklovchi shartlar” bilan o‘tkazilgan jami 43 mlrd so‘mlik davlat xaridlari Raqobat qo‘mitasi aralashuvidan so‘ng bekor qilindi. Respublika miqyosida o‘nlab buyurtmachilar, xususan, SamAuto, Uzbekistan Airways, Xalq banki tenderlarida qonunbuzarliklar aniqlandi. gazeta.uz »
Donald Trampning tarif urushi AQSh budjetiga qariyb 50 mlrd dollar keltirdi. Sababi Vashingtonning aksariyat savdo hamkorlari javob bojlaridan o‘zini tiydi. gazeta.uz »
Toshkent shahri Bektemir tumanidagi xonadonda fuqaro konserva mahsulotlari tayyorlashda 2,7 mlrd so‘mlik tabiiy gazdan noqonuniy foydalangani aniqlandi. Iste’molchi tarmoqdan uzildi, hujjatlar tegishli organlarga yuborildi. gazeta.uz »
Toshkentda 177 ta bank kartasidan pul o‘g‘irlashda gumonlangan bir guruh shaxs qo‘lga olindi. Kiberxavfsizlik markaziga ko‘ra, ular fuqarolarga virusli APK fayllarni yuborgan va bu orqali telefon va bank karta ma’lumotlarini qo‘lga kiritgan. gazeta.uz »
O‘zbekistonda ichimlik va oqova suv xizmatlari bo‘yicha qarzdorlik 794 mlrd so‘mni tashkil etdi, uning 73 foizi aholi hissasiga to‘g‘ri kelmoqda. Markazlashgan ichimlik suvi bilan ta’minlash darajasi 81,5% ga yetdi, hisoblagichlar qamrovi esa 82%. gazeta.uz »
O‘zbekistonning to‘rtta banki kooperativ qishloq xo‘jaligi uchun 500 mlrd so‘m miqdoridagi kreditlar ajratadi. Mablag‘larni mamlakatning 30 ta tumanidagi baliqchilik, quyonchilik, chorvachilik, parrandachilik va asalarichilik mahsulotlari yetishtiruvchi kooperativlar olishi mumkin. gazeta.uz »
Ukrainani iqtisodiy tiklash bo‘yicha Rim konferensiyasida mamlakatga 11,7 mlrd dollar ajratilishi ma’lum qilindi. Bundan tashqari, Ukrainani qayta tiklash uchun yangi Yevropa Flagman jamg‘armasi tashkil etiladigan bo‘ldi. gazeta.uz »
2025-yilning 6 oyida ko‘p qavatli uylarga xizmat ko‘rsatuvchi boshqaruv organlarining 83 tasi qariyb 26 mlrd so‘m miqdordagi majburiy badal mablag‘larini o‘zlashtirgani aniqlandi. Qurilish vazirligiga ko‘ra, 158 ta boshqaruv organlariga esa 587 mln so‘m ma’muriy jarimalar qo‘llanildi. gazeta.uz »
Samarqand viloyatida yashirin yo‘l bilan tarmoqqa ulanib, jami 3,3 mlrd so‘mlik tabiiy gazni talon-toroj qilgan ikki nafar tadbirkor qo‘lga tushdi. gazeta.uz »
O‘zbekistonda yil boshidan beri quyosh va shamol elektr stansiyalari tomonidan 5 mlrd kVt/soat elektr energiyasi ishlab chiqarildi. Generatsiyaning 3,125 mlrd kVt/soatlik qismi quyosh elektr stansiyalari tomonidan, 1,915 mlrd kVt/soatlik qismi esa shamol elektr stansiyalari tomonidan ishlab chiqarildi. gazeta.uz »
2025-yilning dastlabki choragida O‘zbekiston umumiy tashqi qarzi 68,4 mlrd dollarni tashkil qilib, 4,3 mlrd dollarga oshdi. Bunda davlat tashqi qarzi 35,8 mlrd dollar (+1,9 mlrd), korporativ tashqi qarz esa 32,6 mlrd dollarga (+2,4 mlrd) teng bo‘ldi. Shuningdek, joriy operatsiyalar hisobi taqchilligi qisqardi. gazeta.uz »
Chiqindi xizmatlari bo‘yicha eng ko‘p qarzdorlik Namangan, Toshkent, Andijon viloyatlarida kuzatilyapti. Chiqindilarni boshqarish agentligi rahbari “ayrimlar puli bo‘lsa ham to‘lov qilmasligidan” norozilik bildirdi. gazeta.uz »
Sud “O‘ztemiryo‘lyo‘lovchi” va “Shahar atrofida yo‘lovchi tashish” kompaniyalariga 800 ming nafarga yaqin yo‘lovchidan noqonuniy ushlab qolingan 1,3 mlrd so‘m chipta komissiyalarini qaytarish majburiyatini yukladi. gazeta.uz »
Oq uy Eronga fuqarolik yadro dasturiga 30 mlrd dollar sarmoya kiritish imkoniyatini, shuningdek, uranni boyitishdan voz kechish evaziga sanksiyalarni bekor qilishni muhokama qilmoqda. gazeta.uz »
Joriy yilning dastlabki besh oyida O‘zbekiston oltin eksportini 6,5 mlrd dollarga yetkazdi, bu o‘tgan yilning shu davriga nisbatan 54,8% ko‘p. Qimmatbaho metall mamlakat eksportining deyarli 44 foizini tashkil etdi. gazeta.uz »
Poytaxtdagi VI-XV asrlarga oid “Xonobodtepa” arxeologiya yodgorligiga 31,5 mlrd so‘mlik zarar yetkazilgani aniqlandi. Korxona yodgorlik hududiga kanalizatsiya quvurlari o‘tkazgan va ekskavator yordamida qazdirgan. Holat bo‘yicha jinoyat ishi qo‘zg‘atildi. gazeta.uz »
O‘zbekistonda 2028-yilgacha muhim xomashyo bo‘yicha qiymati $1,6 mlrd bo‘lgan 70 ta loyiha amalga oshiriladi. Bu raqamlar mintaqada nodir metallarni qazib olish va qayta ishlash loyihalarini amalga oshirish istiqbollariga bag‘ishlangan MINEX Central Asia 2025 xalqaro konferensiyasi va ko‘rgazmasida ma’lum qilindi. gazeta.uz »
Yil oxirigacha O‘zbekistonda umumiy qiymati 5 mlrd dollardan ortiq bo‘lgan 12 ta quyosh va 4 ta shamol elektr stansiyasi, shuningdek, 12 ta energiya saqlash tizimini ishga tushirish rejalashtirilgan. gazeta.uz »
Bokuda Hamkorlik bo‘yicha hukumatlararo qo‘shma komissiya yig‘ilishi hamda O‘zbekiston va Ozarbayjon hududlararo forumi bo‘lib o‘tdi. Mamlakatlar savdo aylanmasini 2030-yilga borib 1 mlrd dollarga yetkazmoqchi. gazeta.uz »
O‘zbekiston va Belarus Minskdagi muzokaralarda savdo-iqtisodiy sohadagi hamkorlikni faollashtirish va ikki tomonlama tovar ayirboshlash hajmini yiliga 1 milliard dollarga yetkazishga kelishib oldi. gazeta.uz »
Raqobat qo‘mitasi respublika bo‘ylab 225 ta dorixona 2,6 mlrd so‘m asossiz daromad olganini aniqladi va mablag‘ni qaytarish choralarini ko‘rdi. Uchta korxonaga nisbatan narxlarni oshirish alomatlari bilan ish qo‘zg‘atildi. gazeta.uz »
Xitoy Markaziy Osiyo davlatlari uchun 1,5 mlrd yuan ($209 mln atrofida) miqdorida beg‘araz grant ajratadi. Bu aholi farovonligini oshirish bo‘yicha loyihalarni qo‘llab-quvvatlashga yo‘naltiriladi. Bundan tashqari, Xitoy yaqin ikki yil ichida MOga kasbiy tayyorgarlik kurslari uchun 3 mingta kvota ajratmoqchi. gazeta.uz »
Sarvar Karimov “Kinotavsiya”da iyun oyidagi premeralar haqida hikoya qiladi. Bu sonda multfilmlar tarixida eng ko‘p kassa yig‘imlarini qayd etgan “Nechja”, “Balerina” jangari kartinasi, Bred Pittning yangi roli, Nikolas Keydjning “Syorfer” trilleri va bir qancha xorrorlar haqida gap boradi. gazeta.uz »
30,5 mlrd dollarlik hujjatlar imzolangan IV Toshkent xalqaro investitsiya forumi (ilk uchta forumda umumiy 44 mlrd dollar edi) O‘zbekiston endi faqat resurs hududi sifatida ko‘rilmayotganini ko‘rsatdi, deb yozmoqda Gazeta tahlilchisi Dmitriy Povarov. gazeta.uz »
Mashhur xonanda Emin ishtirokidagi Sea Breeze Uzbekistan loyihasi O‘zbekiston turizm infratuzilmasiga yo‘naltirilgan eng yirik xususiy investitsiyaga aylanishi mumkin. ISSVda kelishuv imzolanishi chog‘ida loyiha qiymati 5 mlrd dollarga baholangani ma’lum qilindi. Avvalroq bu miqdor 10 mlrd dollar edi. gazeta.uz »
Cho‘kayotgan qizni qutqargan erkak halok bo‘lgan Bo‘rijar kanali qirg‘og‘ini obodonlashtirish loyihasi qayta ko‘rib chiqilmaydi, dedi Toshkent hokimligi matbuot anjumanida. Gazeta uchrashuvning muhim bayonotlarini keltirib o‘tadi: nima uchun o‘zan betonlashtirilyapti va qirg‘oq qanday himoyalanadi? gazeta.uz »
Yevropa tiklanish va taraqqiyot banki xususiy sektorni qo‘llab-quvvatlash uchun O‘zbekistonga 1,1 mlrd yevro ajratadi. Hamkorlik boshlanganidan beri YTTBning mamlakatdagi loyihalarining umumiy portfeli 5,5 mlrd yevrodan oshdi. gazeta.uz »
O‘zbekistonning xalqaro zaxiralari may oyi yakunlari bo‘yicha 49,66 mlrd dollarga yetdi - bu 2013-yildan beri kuzatuvlar tarixidagi rekord ko‘rsatkichdir. O‘sish ketma-ket beshinchi oy davom etmoqda va yil boshidan buyon zaxiralar 8,48 mlrd dollarga oshdi. Qimmatbaho metall savdosi sekinlashdi. gazeta.uz »
Surxondaryo viloyati Sariosiyo tumanida “Sangardak” turistik markazi barpo etilmoqda. Qiymati 913,3 mlrd so‘m bo‘lgan ushbu loyiha 615 gektar maydonni qamrab oladi. Tumandagi “Sangardak” turizm majmuasi va Nilu mahallasini turizm qishlog‘iga aylantirish ko‘zda tutilgan. gazeta.uz »
Toshkent shahri hokimi mulkdorlar kompensatsiyasi, piyodalar va velosiped yo‘laklari qurish, shuningdek, Yangi O‘zbekiston ko‘chasi bo‘ylab obodonlashtirish ishlariga 80 mlrd so‘mdan ortiq mablag‘ ajratish to‘g‘risidagi qarorni tasdiqladi. gazeta.uz »
O‘zbekistonda 5,3 mlrd so‘mlik kontrabanda dori vositalari muomalasi to‘xtatildi. Rossiya va Qozog‘istondan olib kelingan va qonuniy tovarlar orasiga yashirilgan preparatlar “Yallama” postida bojxonachi yuk mashinalarini qarovsiz qoldirishi oqibatida Yuqori Chirchiq tumanidagi uylardan birida tushirilgan. gazeta.uz »
Donald Trampning savdo urushi global kompaniyalarga 34 mlrd dollar yo‘qotilgan foyda va yuqori xarajatlarga olib keldi. Doimiy noaniqlik tufayli miqdor oshadi. gazeta.uz »
2025-yilning birinchi choragi yakuniga ko‘ra, O‘zbekistonning davlat qarzi 2,22 mlrd dollarga ko‘payib, 42,4 mlrd dollarni tashkil etdi. Kreditlar asosan davlat budjetini qo‘llab-quvvatlash uchun jalb qilingan. gazeta.uz »
“Yallama” chegara bojxona postida Rossiya va Qozog‘istondan noqonuniy olib kelingan 5,3 mlrd so‘mlik dori vositalari aniqlandi. Ular kitob, aksessuar va kiyimlar orasiga yashirilgan holda olib o‘tilgan. gazeta.uz »
Davlat xavfsizlik xizmati soliq tizimidagi ayrim mansabdorlar “Barqarorlik reytingi”dagi ma’lumotlarni soxtalashtirganini aniqladi. Bu orqali davlat budjetidan 82 mlrd so‘m QQS noqonuniy qaytarilgan. gazeta.uz »
Korrupsiyaga qarshi kurashish agentligi dastlabki to‘rt oyda 21 mlrd so‘mlik 18 ta davlat xaridlarida qonun buzilish holatlarini aniqladi. Tekshiruv yakunlari bo‘yicha g‘oliblarni aniqlash bayonnomalari bekor qilindi. gazeta.uz »
Farg‘ona tumani Novkent shaharchasidagi gaz zapravka mas’ullari o‘lchov qurilmasiga tashqi ta’sir ko‘rsatib, 4,1 mlrd so‘mlik gazdan noqonuniy foydalanib kelgani ma’lum bo‘ldi. Tergovga qadar tekshiruv boshlandi. gazeta.uz »
Davaktiv UzAuto Motors va boshqa brendlar uchun avtooynalar ishlab chiqaruvchi “Avtooyna”ning 100% ulushi sotilganini e’lon qildi. Xaridor 200,5 mlrd so‘m taklif bilan UET Invest bo‘ldi. Tanlov g‘olibi Yangi Toshkent va boshqa energetika obyektlari qurilishida ishtirok etayotgan kompaniyaga aloqador. gazeta.uz »
AQShning “Oltin gumbaz” raketaga qarshi mudofaa tizimi uchun 175 milliard dollar sarflanadi va u 2029-yilning yanvarida ishga tushadi, deya ma’lum qildi prezident Donald Tramp. gazeta.uz »
4 oyda davlat buyurtmachilari amalga oshirgan 21 mlrd so‘mlik 18 ta davlat xaridida qonun buzilish holatlari aniqlandi. O‘zaro affillangan shaxslar ishtiroki va qoidalarga zid baholash jarayonlari natijasida bir qator xaridlar bekor qilindi, hujjatlar tegishli organlarga yuborildi. gazeta.uz »
Jizzax viloyati Sharof Rashidov tumanidagi fermer xo‘jaligida suv nasoslari tarmoqqa hisoblagichdan tashqari ulanishi oqibatida 4,7 mlrd so‘mlik elektr energiyasidan noqonuniy foydalanilgani aniqlandi. gazeta.uz »
Jomboy tumanida fermer xo‘jaligi vakillari Oqdaryo daryoosidan noqonuniy ravishda qum-shag‘al aralashmasi qazib olgani aniqlandi. Ular bu bilan tabiatga 137 mlrd 472 mln so‘mdan ko‘proq zarar yetkazgan. gazeta.uz »
Toshkent viloyatidagi 13 ta arxeologik obyektga jami 342 mlrd so‘mlik zarar yetkazildi. Xususan, Piskent tumanidagi “Mingtepa” yodgorligining 7 ming kvadrat metri buzilgan, Oqqo‘rg‘on tumanida esa V - VII asrlarga oid obyekt yeri terak ekish uchun qazilgan. gazeta.uz »
Bosh vazir Abdulla Aripov boshchiligidagi delegatsiya Eronda bo‘ldi. Uchrashuvlarda transport-logistikadagi ko‘p yillik muammolarni zudlik bilan hal etish zarurligi qayd etildi. Tovar ayirboshlashni 2 mlrd dollarga yetkazish muhokama qilindi. gazeta.uz »
HET Farg‘ona vodiysi viloyatlarida o‘tkazilgan bir haftalik reyd tadbirlari natijalarini e’lon qildi: elektrdan noqonuniy foydalanilishi oqibatida 12,5 mlrd so‘mlik zarar aniqlandi, iste’molchilarning 3,4 mlrd so‘mlik qarzlari undirildi. gazeta.uz »
OTB 2030-yilgacha Osiyo-Tinch okeani mintaqasida oziq-ovqat xavfsizligini qo‘llab-quvvatlashni 40 mlrd dollargacha oshiradi. OTB rahbari Masato Kanda iqlim va narxlarning oshishi tufayli oziq-ovqat tizimlarini o‘zgartirish muhimligini ta’kidladi. O‘zbekiston avvalroq bu soha uchun 150 mln dollar olgandi. gazeta.uz »
Xorazm viloyatida MTO texnologiyasidan foydalaniladigan 10 mlrd dollarlik yirik gaz-kimyo loyihasini amalga oshirish rejalashtirilmoqda (shunday majmua Buxoro viloyatida ham qurilmoqda). 100 mln dollarlik kimyo texnoparki qurish ham ko‘zda tutilgan. gazeta.uz »
Sirdaryo viloyati Shirin shahrida gaz to‘ldirish shoxobchasi 2,1 mlrd so‘mlik tabiiy gazdan noqonuniy foydalangani ma’lum bo‘ldi. Zapravka rahbariga nisbatan jinoyat ishi qo‘zg‘atildi. gazeta.uz »
Yil boshidan buyon O‘zbekiston $3,57 milliardlik oltin eksport qildi, bu 2024-yil yanvar-mart oylaridan 34% ko‘p. Mamlakat eksportining 44 foizini qimmatbaho metallar tashkil etadi. Tekstil eksporti pasayishda davom etmoqda, meva-sabzavotniki esa keskin oshgan. Neft va gaz importi sezilarli kamaydi. gazeta.uz »
Toshkent shahri Yangihayot tumanida tashqi ta’sir ko‘rsatish orqali 5,7 mlrd so‘mlik tabiiy gazdan noqonuniy foydalangan metall eritish sexi aniqlandi. Barcha hujjatlar huquq-tartibot organlariga yuborildi. gazeta.uz »
