Reja - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston 2026-yilda Jahon savdo tashkilotiga to‘laqonli a’zo bo‘lish niyatida. Masala Prezident huzuridagi yig‘ilishda muhokama qilindi. Buni mart oyida amalga oshirish rejalashtirilgandi, biroq bosh muzokarachi Azizbek Urunovning ma’lum qilishicha, ayrim davlatlar hujjatlarni ko‘rib chiqishni paysalga solgan. gazeta.uz »
Namangan xalqaro aeroportining yangi yo‘lovchi terminalini iyun yakuniga qadar ochishga tayyorlash reja qilinmoqda, deya xabar berdi transport vaziri o‘rinbosari Jasurbek Choriyev. Loyiha Namangan Air Solution kompaniyasi bilan DXSH doirasida amalga oshirilmoqda. Uning qiymati 140 mln dollarga baholangan. gazeta.uz »
Toshkentning yangi xalqaro aeroporti qurilishi iyunda boshlanishi kutilmoqda, dedi transport vaziri o‘rinbosari Jasurbek Choriyev. Unga ko‘ra, DXSH bo‘yicha xususiy investor bilan kelishuv mayning o‘rtalarigacha imzolanishi kerak. gazeta.uz »
Jizzax avtomobilsozlikda mavqeini kuchaytirib, eksportga chiqmoqda. Viloyat hokimi Ulug‘bek Mustafoyevga ko‘ra, BYD korxonasi ilk bor Markaziy Osiyo bozorlariga chiqishga tayyorgarlik ko‘rmoqda. 27-aprelda hududda yangi Kia modeli taqdimoti bo‘lishi reja qilingan. gazeta.uz »
Qurilish vaziri o‘rinbosari Davronjon Adilovga ko‘ra, Toshkentda kanalizatsiya bilan bog‘liq muammolar bosh rejadagi xatolar emas, balki foydalanish qoidalarining buzilishi natijasidir. “Infratuzilmaning bunday holatda ishlayotgani uchun hech qanday hujjat aybdor emas. Bunga siz bilan biz aybdormiz”, - deydi u. gazeta.uz »
Samarqandning Oqdaryo tumanida Xitoy kompaniyasi 2026-yildan elektrosamokat va quyosh panelida ishlaydigan ko‘cha chiroqlari ishlab chiqarishi kutilmoqda. Investorlar ishni boshlashi uchun avtomobil yo‘li qurilishi kerakligini aytib, bu masalada viloyat hokimidan yordam so‘radi. gazeta.uz »
O‘zbekiston va Iordaniya sheriklik munosabatlarini mustahkamlash to‘g‘risida qo‘shma bayonot qabul qildi. Ikki mamlakat o‘rtasida viza talablarini bekor qilish to‘g‘risida, shuningdek, turizm va oliy ta’limda hamkorlik, havo qatnovi kabi sohalarda jami 15 ta bitim imzolandi. gazeta.uz »
Toshkentdagi THAY, Ahmad Donish va Yangi O‘zbekiston kabi beshta ko‘chada tezlik chegarasini 80 km/soatgacha oshirish va 12 ta ko‘chada bir tomonlama harakatlanishni joriy etish reja qilinmoqda. YHXB boshlig‘i o‘rinbosari Elmurod Alimovga ko‘ra, 500 ta svetofor uzluksiz elektr ta’minoti bilan jihozlanishi mumkin. gazeta.uz »
O‘zbekiston va Belarus Minskdagi muzokaralarda savdo-iqtisodiy sohadagi hamkorlikni faollashtirish va ikki tomonlama tovar ayirboshlash hajmini yiliga 1 milliard dollarga yetkazishga kelishib oldi. gazeta.uz »
Samarqand shahrida 43 ta avtobus yo‘nalishi brutto-shartnomaga o‘tkazilib, haydovchilardan kunlik reja topshirish majburiyati olib tashlandi. Endi haydovchilarga oylik bosib o‘tgan masofa va yo‘lovchilarga xizmat ko‘rsatish sifatiga qarab to‘lanadi. gazeta.uz »
Uzbekistan Airways bu yil 7 mln yo‘lovchi tashishni rejalashtirmoqda, deya ma’lum qildi kompaniya rahbari Shuxrat Xo‘doyqulov. So‘nggi yillarda bu ko‘rsatkich har yili taxminan 1 millionga oshmoqda. gazeta.uz »
O‘zbekiston va Qozog‘iston Ostona-Samarqand yo‘nalishi bo‘yicha poyezd qatnovini yo‘lga qo‘yishni rejalashtirmoqda. Tomonlar sayyohlik poyezdlari qatnovi to‘g‘risidagi bitimni imzoladi va ishchi guruh tuzdi. gazeta.uz »
Andijondagi Bobur haykali joylashgan maydon o‘rnida biznes markazi qurilishi, haykal eski shahar hududiga ko‘chirilishi reja qilinmoqda. Hokimlik buni ko‘prik qurilishi sababli maydon yopiq ko‘rinishga kelib qolishi bilan izohladi. gazeta.uz »
Prezident poytaxtning Temur Malik ko‘chasidagi yangi yo‘l o‘tkazgichni borib ko‘rarkan, Toshkent halqa avtomobil yo‘lining boshqa tirband chorrahalarida ham shunday yo‘l o‘tkazgichlar qurishni buyurdi, deya ma’lum qildi Avtomobil yo‘llari qo‘mitasi rahbari Jamshid Tursunov. gazeta.uz »
Andijonda 2-iyuldan boshlab 1-sonli avtobus yo‘nalishi brutto-shartnoma tizimiga o‘tkazildi. Bu bilan kunlik reja bekor bo‘lib, hisob-kitob bosib o‘tilgan yo‘l va sifat mezonlaridan kelib chiqib qilinadi. gazeta.uz »
Qurilish va uy-joy kommunal xo‘jaligi vaziri birinchi o‘rinbosari Sherzod Xidoyatov nima uchun “kvartplata”dan qarzdor xonadon egalarini elektrdan uzish reja qilinayotganini tushuntirdi. Yangi tizim eksperiment tariqasida Navoiydan boshlanadi, ammo buning uchun qonunchilikka o‘zgartirishlar kiritish talab etiladi. gazeta.uz »
Qozog‘iston Energetika vazirligi qo‘shni davlatlarga yonilg‘i chiqib ketishi va “kulrang” eksportning oldini olish maqsadida xorijliklar uchun benzin va dizel narxini oshirish bo‘yicha buyruq loyihasini tayyorladi. gazeta.uz »
Toshkent viloyati hokimi Nurafshon shahrida Zulfiya Zokirova majmuasi qurilishi uchun 1 mlrd so‘m ajratishni ma’qulladi. Qarorni izohlagan hokimlik vakili bunday ishlar dunyo tajribasida borligini ta’kidladi. gazeta.uz »
