Mitasi - Ïîñëåäíèå íîâîñòè [ Ôîòî â íîâîñòÿõ ] | |
Turizm qo‘mitasi xorijdagi turizm elchilari institutini qayta ko‘rib chiqmoqda. Qo‘mita raisi Abdulaziz Aqqulov “Tangem” seriali aktrisasi kabi avval tayinlangan elchilardan deyarli natija ko‘rilmaganini aytdi. gazeta.uz »
O‘zbekistonda 4500 nafar gid ekskursavod mavjud. Abdulaziz Aqqulovga ko‘ra, bu o‘ta darajada past ko‘rsatkich. Gidlar faoliyatiga oid hukumat qarori loyihasi ishlab chiqildi. Yiliga 7500 nafargacha talabani gidlikka o‘qitish orqali xorij fuqarolarining gidlik qilishini taqiqlash rejalashtirilmoqda. gazeta.uz »
Soliq qo‘mitasi savdo bilan shug‘ullanuvchi ayrim tadbirkorlarda savdo amaliyotlari P2P - plastik kartadan plastik kartaga pul o‘tkazmalari orqali amalga oshirilayotgan holatlarni tahlil qilmoqda. Aniqlangan holatlar asosida soliq hisobotlarida aks ettirilmagan daromadlar bo‘yicha tegishli choralar ko‘riladi. gazeta.uz »
Prezidentning JST bo‘yicha vakili Azizbek Urunov yangi tuzilgan Oziq-ovqat mahsulotlari xavfsizligi qo‘mitasi raisi lavozimiga tayinlandi. Shuningdek, davlat rahbari qarori bilan Elyor Talaboyev va Furkat Jalilov qo‘imta raisi o‘rinbosarlari bo‘ldi. gazeta.uz »
O‘zbekiston suvining qariyb 80 foizini yuqori oqimdagi davlatlardan oladi, resurslarning 90 foizi esa qishloq xo‘jaligida ishlatiladi, dedi ekologiya qo‘mitasi rahbari o‘rinbosari. U Afg‘onistondagi Qo‘shtepa kanali va Tojikistondagi Rog‘un GESining daryolar rejimiga ta’sirini ham qayd etdi. gazeta.uz »
Ekologiya milliy qo‘mitasining prezidentga to‘g‘ridan-to‘g‘ri bo‘ysunishi byurokratik jarayonlarni qisqartirish va boshqa idoralar bilan muvofiqlashtirishni kuchaytirish imkonini berdi, dedi qo‘mita raisi o‘rinbosari Jusipbek Kazbekov. gazeta.uz »
O‘zbekistonda kafe, restoran va mehmonxonalarda alkogol mahsulotlari uchun naqdsiz pulda to‘lov qilish talabi qayta ko‘rib chiqiladi. “Bu bizning aybimiz, e’tiborsizligimiz. U bo‘yicha ishlayapmiz, yaqin kunlarda yechim beramiz. To‘g‘rilab beramiz”, - dedi Soliq qo‘mitasi raisi. gazeta.uz »
Raqobat qo‘mitasi Golden House Property Group kompaniyasi ustidan tushgan o‘nlab shikoyatlarni o‘rganmoqda. Nazorat organi aralashuvi bilan iste’molchilar foydasiga 1,1 mlrd so‘mdan ortiq mablag‘ qaytarildi. gazeta.uz »
Raqobat qo‘mitasi IMEI ro‘yxatidan o‘tmagan mobil qurilmalar savdosi yuzasidan ogohlantirish berdi. Unga ko‘ra, kodlarni ro‘yxatdan o‘tkazish importchi va sotuvchi zimmasida bo‘lib, bu majburiyatni xaridorlarga yuklash qonunbuzarlik hisoblanadi. gazeta.uz »
Qo‘mita o‘tgan yili boshlang‘ich qiymati jami 18,8 trln so‘m bo‘lgan 23 mingdan ortiq davlat xaridini o‘rgandi. Natijada 28 mingdan ortiq raqobatga zid harakatlar aniqlangan. Asosiy muammolar kelishuvlar, ayrim ishtirokchilarga imtiyozli shart-sharoit yaratish va affillanganlik holatlari bilan bog‘liq bo‘lgan. gazeta.uz »
Raqobat qo‘mitasi Ramazon oyida ayrim kafe va restoranlarda “set”larni majburiy sotish holatlari kuzatilishini bildirdi. Korxonalar mijozlarni qo‘shimcha taom va xizmatlarni xarid qilishga qistamasligi, erkin tanlov huquqini cheklamasligi kerak ekani ta’kidlandi. gazeta.uz »
Raqobat qo‘mitasi yirik savdo tarmoqlari va majmualarini Ramazon oyida ijtimoiy muhim mahsulotlar narxini asossiz oshirmaslik bo‘yicha ogohlantirdi. Tadbirkorlar narxga ta’sir etuvchi omillar haqida idoraga tezkor xabar berishi kerak. gazeta.uz »
O‘zbekiston banklaridan fuqarolarning so‘nggi uch yilda 83 ta xorijiy internet-kompaniyaga qilgan to‘lovlari haqida ma’lumot so‘raldi. Har bir operatsiya bo‘yicha sana va summa ko‘rsatiladi. Soliq qo‘mitasi ma’lumotlar QQS to‘g‘ri hisoblanishi va to‘lanishini tekshirish uchun egasiz shaklda yig‘ilayotganini bildirdi. gazeta.uz »
Sadir Japarov Qirg‘iziston Milliy xavfsizlik davlat qo‘mitasi (MXDQ) raisi Qamchibek Tashiyevning vakolatlarini muddatidan oldin tugatish bo‘yicha farmon imzoladi. Jumgalbek Shabdanbekov MXDQ raisi vazifasini bajaruvchi etib tayinlandi. Tashiyev bu lavozimni 2020-yilda egallagan. gazeta.uz »
Orifjon Fayziyev yaqinda tashkil etilgan Urbanizatsiya va uy-joy bozorini barqaror rivojlantirish milliy qo‘mitasi raisining birinchi o‘rinbosari, Nozimbek Rustambekov rais o‘rinbosari etib tayinlandi. gazeta.uz »
Raqobat qo‘mitasi propan qimmatlashgani yuzasidan izoh berib, bu bozorda import mahsulot ulushi va narxining oshishi hisobiga yuzaga kelayotganini bildirdi. Qo‘mita ijtimoiy tarmoq faollarini ichki bozorda narxlar oshishiga sabab bo‘lishi mumkin bo‘lgan har qanday axborotlarni tarqatmaslikka chaqirdi. gazeta.uz »
Aziz Abduhakimovning aytishicha, so‘nggi yillarda Toshkentda avtomobillar soni 50 foizga, tashlamalar 40 foizga oshgan, uy-joy qurilishi esa 7 barobardan ziyodga o‘sgan. Ekologik vaziyatni nazorat qilish uchun 300 dan ortiq mutaxassisdan iborat 30 ta ishchi guruh tuzilgan va ular tunu kun ish olib bormoqda. gazeta.uz »
Toshkentda Raqobatni rivojlantirish va iste’molchilar huquqlarini himoya qilish qo‘mitasi joylashgan 1956-yilda qurilgan bino kimoshdi savdosiga qo‘yildi. Boshlang‘ich bahosi - 58,6 mlrd so‘m. Qo‘mita Yangi Toshkentda yangi bino qurib berilganidan keyin, biroq uch yildan kechikmay, hozirgi binosini bo‘shatishi kerak. gazeta.uz »
Ekologiya qo‘mitasi Toshkent shahrida havo ifloslanishi sabablari tahlilini keltirdi. Havo sifatiga tabiiy va antropogen omillarning birgalikdagi ta’siri e’tirof etildi. Asosiy sabablar - iqlim o‘zgarishi, qurg‘oqchilik, isitish (IES, issiqxonalar), transport va qurilish chiqindilari. gazeta.uz »
O‘zbekistonda Urbanizatsiya va uy-joy bozorini barqaror rivojlantirish milliy qo‘mitasi tashkil etildi. Unga Soliq qo‘mitasi sobiq raisi Sherzod Kudbiyev rahbar etib tayinlandi. gazeta.uz »
Sherzod Kudbiyev Soliq qo‘mitasi raisi lavozimidan ozod etilib, Urbanizatsiya va uy-joy bozorini barqaror rivojlantirish milliy qo‘mitasi raisi lavozimiga tayinlandi. Kadastr agentligi direktori sifatida ishlab kelgan Farrux Pulatov uning o‘rnini egalladi. gazeta.uz »
Ekologiya vaziri lavozimida ishlab kelgan Aziz Abduhakimov O‘zbekiston prezidentining ekologiya masalalari bo‘yicha maslahatchisi hamda yangi tashkil etilgan Ekologiya va iqlim o‘zgarishi milliy qo‘mitasi raisi etib tayinlandi. gazeta.uz »
Raqobat qo‘mitasi mobil aloqa tariflari ko‘tarilgani sabablarini o‘rganishga kirishdi. Noyabr oyida operatorlarga narxlar oshgani asoslari bo‘yicha so‘rovlar yuborildi. Operatorlarning kelishilgan harakatlari alomatlari aniqlansa, antimonopol organ tekshiruv o‘tkazish niyatida. gazeta.uz »
Raqobat qo‘mitasi Golden House’ga iste’molchilar bilan tuzilgan shartnomaning “tanqid uchun jarima” bandini olib tashlashni buyurgandi. Kompaniya bu yerda ikki xil qoida aralashtirib yuborilgani, mijozlarning qonuniy murojaat qilish huquqi cheklanmaganini ma’lum qildi. gazeta.uz »
O‘zbekistonda mamlakatga olib kirilayotgan tovarlar va valyuta to‘g‘risidagi bojxona deklaratsiyasini oldindan va onlayn to‘ldirish imkonini beruvchi Yo‘lovchi deklaratsiyasi ilovasi ishga tushdi. Unda mobil telefonning IMEI kodini skanerlash funksiyasi mavjud bo‘lib, 15 xonali kodlarni qo‘lda kiritmasa ham bo‘ladi. gazeta.uz »
Soliq qo‘mitasi norasmiy iqtisodiy faoliyat yuritib, shubhali operatsiyalarni amalga oshirgan 7522 ta tadbirkorlik subyektlari ro‘yxatini e’lon qildi. Biznes egalari o‘z kontragentlarining ishonchliligini qo‘mita saytida tekshirish imkoniga ega. Ro‘yxat muntazam ravishda yangilab boriladi. gazeta.uz »
Bojxona qo‘mitasi xorijdan olib kiriladigan mobil qurilmalar uchun to‘lovlar haqida ma’lumot berdi. Bojsiz me’yor havo transportida $1000, temiryo‘lda $500, avtomobil (piyoda) $300 dollar bo‘lib, oshgan summa uchun 30 foiz boj va 103 ming so‘mlik yig‘imi undiriladi. To‘lovlar iPhone 17 Pro Max misolida. gazeta.uz »
Raqobat qo‘mitasi ko‘p qavatli uy-joy sotib olishda quruvchi kompaniya taqdim etadigan shartnomani to‘liq, kerak bo‘lsa yurist bilan o‘rganib chiqishga chaqirdi. Qo‘mita ayrim shartnomalarda qonunchilikka zid bo‘lgan bandlar kiritilayotganidan ogohlantirdi. gazeta.uz »
Raqobat qo‘mitasi davlat xaridlari bo‘yicha 3 ta holatda qonun buzilganini (jami 3,5 mlrd so‘m) aniqladi: “Sharg‘un ko‘mir” AJ, Angor tumani obodonlashtirish boshqarmasi hamda Respublika ona va bola salomatligi tibbiyot markazi Jizzax filiali o‘tkazgan tenderlarda raqobatga zid harakatlar kuzatilgan. gazeta.uz »
Raqobat qo‘mitasi Korzinka va Coca-Cola nomidan tarqalgan reklama aksiyalari aslida fishing sxema ekanini ma’lum qildi. Fuqarolardan shaxsiy ma’lumot bermaslik va axborotlarni rasmiy manbalardan tekshirish so‘raldi. gazeta.uz »
Raqobat qo‘mitasi tomonidan 4,3 mlrd so‘mdan ortiq davlat xaridlarida qonunbuzarlik holatlari aniqlanib, tegishli choralar ko‘rildi. Respublika miqyosida 9 ta buyurtmachi, xususan, “O‘zbekiston temir yo‘llari”, Navoiy shahar Obodonlashtirish boshqarmasi, “O‘zbekko‘mir” AJ tenderlarida qonunbuzarliklar aniqlandi. gazeta.uz »
Raqobat qo‘mitasi yetti nomdagi BFQlar reklamasidagi nomuvofiqliklar yuzasidan tegishli choralar ko‘rilganini ma’lum qildi. Sanepidqo‘mita xulosasiga asosan, ularning yo‘riqnomasida ko‘rsatilgan ma’lumotlar reklamalarda tilga olingan xususiyatlar bilan mos emasligi aniqlangan. gazeta.uz »
Soliq qo‘mitasining ma’lumotlar bazasidagi texnik nosozlik oqibatida 30 mingdan ortiq soliq to‘lovchining 399,3 mlrd so‘m mablag‘i asossiz yechib olindi. Pullarning deyarli 70 foizi qaytarildi, dedi tashkilot. gazeta.uz »
Davlat soliq qo‘mitasi elektron soliq xizmatlari portalidagi texnik nosozlik sabab soliq qarzdorligi paydo bo‘lishi, mablag‘ yechib olinishi kabi noto‘g‘ri ma’lumotlar aks etayotganini ma’lum qildi. Nosozliklar bartaraf etilgach, ma’lumotlar tiklanishi va noto‘g‘ri yechilgan mablag‘lar avtomatik qaytarilishi aytildi. gazeta.uz »
Raqobat qo‘mitasi Yandex Market reklamasida insofsiz raqobat holatlari sodir etilgan deb topdi. Qo‘mita reklamada Uzum Market haqida salbiy taassurot uyg‘otuvchi sahnalar borligini aniqladi va reklamani OAVdan olib tashlash majburiyatini yukladi. gazeta.uz »
TBC Bank Group Billz platformasining 46,67 foiz ulushini sotib olish uchun dastlabki ruxsat oldi. Raqobatni rivojlantirish qo‘mitasi raqobatni himoya qilish va foydalanuvchi ma’lumotlarini suiiste’mol qilishning oldini olishga qaratilgan bir qancha shartlarni qo‘ydi. gazeta.uz »
Raqobat qo‘mitasiga iqtisodiy konsentratsiyaga doir jami 57 ta murojaat kelib tushdi. 52 ta murojaat xo‘jalik yurituvchi subyektlarning ustav fondidagi aksiyalarni sotib olish uchun rozilik olishga oid bo‘ldi. gazeta.uz »
O‘zbekiston bo‘ylab “noxolislik va raqobatni cheklovchi shartlar” bilan o‘tkazilgan jami 43 mlrd so‘mlik davlat xaridlari Raqobat qo‘mitasi aralashuvidan so‘ng bekor qilindi. Respublika miqyosida o‘nlab buyurtmachilar, xususan, SamAuto, Uzbekistan Airways, Xalq banki tenderlarida qonunbuzarliklar aniqlandi. gazeta.uz »
O‘zbekistonda IMEI kodlarini ro‘yxatdan o‘tkazish narxi sezilarli darajada oshganiga doir xabarlar haqiqatga to‘g‘ri kelmaydi; rasmiy to‘lov - hali ham 20% BHM (75 ming so‘m). Bojxona qo‘mitasi tushuntirdi: yuzlab dollar miqdoridagi summalar deklaratsiya qilinmagan telefonlar uchun 30% bojxona to‘loviga taalluqli. gazeta.uz »
Raqobat qo‘mitasi ko‘rsatmasi bilan Mobiuz operatori “Mazza!” tarif rejasiga o‘tishdagi cheklovlarni olib tashladi. Iste’molchilar, shuningdek, oylik abonent to‘lovi uchun hisobda mablag‘ yetishmaganida kunlik to‘lovga o‘tish mumkinligidan xabardor qilinmagan. Operator bu borada saytida e’lon joylashtirdi. gazeta.uz »
Umida Abdullayeva va Mukarram Nurmatova Oila va xotin-qizlar qo‘mitasi raisi o‘rinbosari bo‘ldi. Abdullayeva 2019-yil iyulidan buyon IIV Huquqbuzarliklar profilaktikasi bosh boshqarmasi boshlig‘i o‘rinbosari bo‘lib ishlab kelayotgandi. gazeta.uz »
Raqobat qo‘mitasi eksklyuziv huquqi bor 29 ta korxonani ustun mavqega ega deb topdi. Ular orasida, markirovkalash tizimi operatori CRPT Turon, “O‘zbekgidroenergo” obektlarini quruvchi To`palang HPD Holding, “edo. gazeta.uz »
Raqobat qo‘mitasi Roodell kompaniyasini Kia Sonet avtomobili reklamasidagi qoidabuzarlik uchun jarimaga tortdi. Bunga shartnomaning muhim shartlari, jumladan, bo‘lib to‘lashdagi qo‘shimcha to‘lovlar haqida ma’lumotlar yo‘qligi sabab bo‘lgan. gazeta.uz »
Raqobat qo‘mitasi maxsus komissiyasi YandexGo UB’ga nisbatan ish qo‘zg‘atdi. Bunga Uzum Market qo‘mitadan YandexGo UB Yandex Market bo‘yicha reklama roligida insofsiz raqobat harakatlarini amalga oshirayotganini ta’kidlab yo‘llagan murojaati sabab bo‘lgan. gazeta.uz »
Beeline foydalanuvchilari oy yakunida abonent hisobida oy uchun to‘lov yetarli bo‘lmagan hollarda mijozlarga ogohlantirishsiz kunlik tarifga o‘tkazilishi va ushbu to‘lov ham avtomatik tarzda yechilishidan shikoyat qildi. gazeta.uz »
Raqobatni rivojlantirish va iste’molchilar huquqlarini himoya qilish qo‘mitasi Ucell kompaniyasiga ommaviy oferta shartlarini qonun hujjatlariga muvofiq qayta ko‘rib chiqish majburiyatini yukladi. Natijada kompaniya hujjatga oldin bo‘lmagan ma’naviy zararni qoplash to‘g‘risidagi o‘zgartirishni kiritdi. gazeta.uz »
2017-yildan buyon O‘zbekistonning Turkiya va Bolgariyadagi elchisi lavozimida ishlab kelayotgan Alisher A’zamxo‘jayev Senat qo‘mitasi raisi bo‘ldi. gazeta.uz »
Bojxona qo‘mitasi O‘zbekistonda tovarlarni bojsiz olib kirish normalari shu paytgacha yuqori bo‘lgani, endi u xalqaro standartlarga yaqin bo‘lishini ma’lum qildi. Qo‘mita amaldagi tartibni suiiste’mol qilish holatlarini ko‘rsatib, o‘zgartirishlar fuqarolar turmushini yaxshilashga xizmat qilishiga ishontirdi. gazeta.uz »
Raqobat qo‘mitasi Toshkentda ko‘p qavatli turar joy qurilishni vaqtida yakunlamagan Zamin great city kompaniyasiga nisbatan ish qo‘zg‘atdi. Muddat 2024-yil 4 chorak etib belgilangan, ammo uy hozirgacha topshirilmagan, jarayon esa to‘xtab qolgan. gazeta.uz »
Raqobat qo‘mitasi to‘xtash joylari va avtoturargohlarda noqonuniy to‘lov talab qilish holatlari bo‘yicha 1159 raqamiga murojaat qilishga chaqirdi. Ularning maxsus ruxsatnomasiz to‘lov undirishi qonunga zid hisoblanadi. gazeta.uz »
