Qonun - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda Konstitutsiyaviy sudning butun faoliyatini qamrab olishi kerak bo‘lgan yangi qonun tayyorlanmoqda, deya ma’lum qildi uning raisi Mirzo-Ulug‘bek Abdusalomov. Uning so‘zlariga ko‘ra, loyiha deyarli yakuniy bosqichda va yaqin orada parlamentga kiritiladi. gazeta.uz »
Prezident “Avtomobil yo‘llari to‘g‘risida”gi qonunning yangi tahririni imzoladi. Unda pullik yo‘llarni qurish va ulardan foydalanish tartibi belgilanib, yo‘l ishlari va xarajatlarini ochiq e’lon qilish talab etiladi. gazeta.uz »
“Kapital bozori to‘g‘risida”gi yangi qonun loyihasi sukuk, derivativlar, sekyuritizatsiyalangan va valyuta obligatsiyalarini joriy etish, xorijiy investorlar uchun kirishni yengillashtirish va ILMA vakolatlarini kengaytirishni nazarda tutadi. gazeta.uz »
Deputatlar migratsiya sohasidagi jarimalarni oshirish haqidagi qonun loyihasini ma’qullamadi. Fuqarolar va chet elliklarni ro‘yxatga olish qoidalarini buzganlik uchun 40 BHMgacha jarima, pasport tizimi va xorijliklarning mamlakatda bo‘lish qoidalari bo‘yicha javobgarlikni ajratish masalalari bahsga sabab bo‘ldi. gazeta.uz »
Oliy Majlis Qonunchilik palatasi “avans”ni “bo‘nak”, “markirovka”ni “tamg‘alash”, “marshrut”ni “yo‘nalish”, “svetofor”ni “yo‘lchiroq”, “kovorking”ni “ish markazi”, “parol”ni “o‘ron”, “progressiv”ni “ilg‘or” so‘zlariga almashtirishni nazarda tutuvchi qonunni ikkinchi va uchinchi o‘qishlarda qabul qilib, Sentaga yubordi. gazeta.uz »
PA to‘g‘risidagi konstitutsiyaviy qonun loyihasi parlament tomonidan qabul qilingan qonunlarni huquqiy, moliyaviy, korrupsiyaga qarshi va boshqa ekspertizalardan o‘tkazishni nazarda tutadi. Spiker Nuriddin Ismoilov majburiy takroriy tekshiruv administratsiyaga tushadigan yukni oshirishi mumkinligidan ogohlantirdi. gazeta.uz »
Qonunchilik palatasi ilk bor Prezident administratsiyasining huquqiy maqomi, vazifalari, vakolatlari, tuzilmasi va ish tartibini mustahkamlovchi konstitutsiyaviy qonun loyihasini birinchi o‘qishda qabul qildi. gazeta.uz »
Prezident Toshkent xalqaro moliya markazi to‘g‘risidagi konstitutsiyaviy qonunni imzoladi. Uning hududida maxsus huquqiy va valyuta rejimlari, alohida moliyaviy regulyator va mustaqil tijorat sudi faoliyat yuritadi, ishtirokchilarga esa 2076-yilgacha soliq imtiyozlari taqdim etiladi. gazeta.uz »
Senat “Toshkent xalqaro moliya markazi to‘g‘risida”gi konstitutsiyaviy qonunni takomillashtirish uchun Qonunchilik palatasiga qaytardi. E’tirozlar xalqaro tijorat sudi sudyalariga qo‘yiladigan talablar, uning arbitraj va ma’muriy nizolar bo‘yicha vakolatlari hamda moliya markazini boshqarish tizimiga taalluqlidir. gazeta.uz »
O‘zbekistonda sud-ekspertlik faoliyatini tartibga soluvchi yangi qonun qabul qilindi. Unga ko‘ra, sud ekspertlari reyestri yuritiladi, ekspertiza o‘tkazish muddati 30 kun etib belgilanadi hamda davlat va nodavlat ekspertlik tashkilotlari faoliyati tartibga solinadi. gazeta.uz »
O‘zbekistonda renovatsiya to‘g‘risidagi qonun imzolandi. Unda eskirgan uy-joylarni yangilash tartibi belgilangan: aholi bilan muhokamalar, 80% mulkdorlar roziligi, kompensatsiya, vaqtinchalik uy-joy, investorlar ishtiroki va nizolarni sud tartibida hal qilish. Rozi bo‘lmagan aholiga bosim o‘tkazish taqiqlanadi. gazeta.uz »
O‘zbekistonlik deputatlar safarbarlik tayyorgarligi va safarbarlik to‘g‘risidagi qonunni birinchi o‘qishda qabul qildi. Unda safarbarlikka tayyorgarlik tadbirlarini o‘tkazish tartibi, umumiy yoki qisman safarbarlik e’lon qilish asoslari, tartibi va muddati bo‘yicha normalar belgilanmoqda. gazeta.uz »
Sadir Japarov Qirg‘izistonda 4 yil oldin qonuniylashtirilgan kazinolar faoliyati iqtisodiy jihatdan o‘zini oqlaganini aytdi. Unga ko‘ra, soha budjetga tushum keltirmoqda va yangi ish o‘rinlari yaratmoqda. gazeta.uz »
“Rieltorlik faoliyati to‘g‘risida”gi qonunning yangi tahriri “makler”larni “soya”dan chiqarishi kutilmoqda, dedi DABA rahbari o‘rinbosari. Ularga sertifikat va kasbiy uyushmalarga a’zoliksiz ko‘chmas mulk agenti sifatida legallashish taklif etiladi, bitimlar esa rieltorlik kompaniyalari orqali rasmiylashtiriladi. gazeta.uz »
Iyundan boshlab hayvonlarga nisbatan shafqatsiz munosabatda bo‘lganlik uchun jarimalar miqdori oshiriladi. Biroq jazo baribir nomutanosib bo‘lib qolmoqda. Ekopartiya ushbu sohani tartibga solishga “tizimli va kompleks yondashuvni” ta’minlash maqsadida qonun loyihasini tayyorlayotganini ma’lum qildi. gazeta.uz »
O‘zbekistonda islom bankini joriy etish to‘g‘risidagi qonun qabul qilindi. U islomiy bank faoliyatini litsenziyalashni nazarda tutadi, islomiy operatsiyalar ro‘yxatini kiritadi va ularni soliqqa tortish xususiyatlarini aniqlashtiradi. gazeta.uz »
Prezident shaxsga doir ma’lumotlar to‘g‘risidagi qonun talablariga muvofiq, uni mamlakat tashqarisida qayta ishlashga ruxsat beruvchi tuzatishlarni imzoladi. Bu Apple Pay, Google Pay va PayPal tizimlari uchun yo‘l ochishi mumkin. gazeta.uz »
Raqobat qo‘mitasi Alhadaya BFQ reklamasida aniqlangan qonun buzilishi yuzasidan moliyaviy jarima qo‘lladi. Qo‘mitaga ko‘ra, reklamada mazkur BFQga xos bo‘lmagan ta’sir xususiyatlari tilga olingan va uning “terapevtik samaradorligi va kasalliklarni yengillashtirishi” haqida chalg‘ituvchi ma’lumotlar berilgan. gazeta.uz »
Akmal Burxanovga ko‘ra, 2024-yilda korrupsiya haqida 40 dan ortiq xabar kelib tushgan, ammo ulardan bittasi pul mukofoti bilan rag‘batlatirilgan, xolos. U tizimni muvofiqlashtiruvchi yagona idora bo‘lmaganini aytdi. gazeta.uz »
Davlat xizmatchilari daromadlarini deklaratsiyalashga oid qonun loyihasi takomillashtirilib, uni jamoatchilik muhokamasiga qo‘yish jarayoni ketmoqda va bu vakolat Adliya vazirligida, dedi Antikorrupsiya agentligi rahbari Akmal Burxanov. “Bu to‘xtab qoladigan hujjat emas”, - dedi u. gazeta.uz »
Yana bir OAV vakillari tuhmat, tovlamachilik va boshqa jinoyatlarda ayblanib hibsga olindi. Ular - Xorazm viloyatidagi Qonun doirasida loyihasini yuritgan yuristlar Furqat Ro‘zmetov va Azamat Avezov. gazeta.uz »
Prezident 2025-yilgi davlat budjeti xarajatlarini 3,43 mlrd dollarga oshiruvchi tuzatishlarni tasdiqladi. Xodimlar ish haqini oshirishga ikki baravar ko‘p mablag‘ ajratildi - indeksatsiya ertaroq va ko‘proq hajmda o‘tkazilgan. gazeta.uz »
Deputatlar davlat budjeti to‘g‘risidagi qonun loyihasini birinchi o‘qishda ma’qulladi. Loyihaga ko‘ra, 2026-yilda O‘zbekiston YAIMning real o‘sish sur’ati 6,6 foizni tashkil etadi. 2026-yilda budjet taqchilligi chegarasi YAIMning 3 foizi, yangi tashqi qarzlar chegarasi 5 mlrd dollar miqdorida belgilangan. gazeta.uz »
Korrupsiyaga qarshi kurashish agentligi SurxondaryoQurilishInvest buyurtmasi asosida o‘tkazilgan 38,5 mlrd so‘mlik tender jarayonida qonun buzilishi holatini aniqlab, xaridni bekor qildi. Aytilishicha, tender ishtirokchilaridan birining soliq hisobvarag‘iga soliqdan qarzdorlik haqida soxta ma’lumot kiritilgan. gazeta.uz »
Markaziy bank bozor ishtirokchilari bilan birga BNPL (bo‘lib to‘lash) sohasida faoliyat yurituvchi kompaniyalar uchun axloq kodeksi joriy qilmoqda. Bozor ishtirokchilariga axborotni ochiqlash, “foizsiz” kabi so‘zlardan foydalanmaslik, qo‘shimcha to‘lov miqdorini majburiy ko‘rsatish singari qator talablar qo‘yiladi. gazeta.uz »
Qonunchilik palatasi majlisida shaxslarning tasvirga bo‘lgan huquqlari himoyasini kuchaytirishga qaratilgan qonun loyihasi ikkinchi o‘qishda ko‘rib chiqildi. Ma’muriy javobgarlik to‘g‘risidagi kodeksning 46−1-moddasiga kiritilayotgan norma deputatlarda savollar tug‘dirdi. Qonun qabul qilinib, Senatga yuborildi. gazeta.uz »
Qonunchilik palatasi deputatlari aholini shovqindan himoya qilish to‘g‘risidagi qonunni qabul qildi va Senatga yubordi. Qonun loyihasiga avvalgi majlisdagi e’tirozlardan so‘ng tuzatishlar kiritilgan. gazeta.uz »
“Yuksalish” harakatiga ko‘ra, shaxsiy ehtiyoj uchun olib kiriladigan tovarlar bo‘yicha bojsiz limitlar fuqarolarga qo‘shimcha xarajat va bozorda raqobatning pasayishiga sabab bo‘lmoqda. Harakat raisi stavkalarni qonun darajasida belgilash, Vazirlar Mahkamasi esa tartiblarni ishlab chiqishi lozimligini ta’kidladi. gazeta.uz »
Qonunchilik palatasi deputatlari “Aholini zararli shovqin ta’siridan himoya qilish to‘g‘risida”gi qonun loyihasini ikkinchi o‘qishda ham qabul qilmadi. O‘tgan yozda uni qayta ishlashga jo‘natishgandi. gazeta.uz »
O‘zbekiston deputatlari islomiy bank to‘g‘risidagi qonun loyihasini birinchi o‘qishda qabul qildi. Qayd etilishicha, hujjat qabul qilinishi aholi va biznesga muqobil moliyaviy xizmatlar ko‘rsatuvchi islomiy banklar, islomiy “darcha” va islomiy mikromoliya tashkilotlarini tashkil etish imkonini beradi. gazeta.uz »
O‘zbekistonda islomiy bank faoliyatini joriy qilishga oid qonun loyihasi ishlab chiqildi. Unda qayd etilishicha, O‘zbekistonda aholining 68 foizi, biznes vakillarining esa 60 foizi diniy e’tiqodi sabab an’anaviy bank xizmatidan foydalanishni xohlamaydi. gazeta.uz »
Qonunchilik palatasi deputatlari “Shaharsozlik renovatsiyasi to‘g‘risida”gi qonun loyihasini qabul qilib, Cyenatga yubordi. Mazkur hujjatning zarurati yangi turar joylarga nisbatan o‘sib borayotgan ehtiyojni qondirish uchun qo‘shimcha yer resurslari talab qilinishi bilan izohlandi. gazeta.uz »
Raqobat qo‘mitasi davlat xaridlari bo‘yicha 3 ta holatda qonun buzilganini (jami 3,5 mlrd so‘m) aniqladi: “Sharg‘un ko‘mir” AJ, Angor tumani obodonlashtirish boshqarmasi hamda Respublika ona va bola salomatligi tibbiyot markazi Jizzax filiali o‘tkazgan tenderlarda raqobatga zid harakatlar kuzatilgan. gazeta.uz »
Hindistonda pul tikib o‘ynaladigan onlayn o‘yinlarni taqiqlashga oid qonun loyihasi qabul qilindi. Hukumat bunday o‘yinlar psixologik va moliyaviy zarar yetkazishi mumkinligini ta’kidlamoqda. O‘zgarish fonida qator kompaniyalarning aksiyalarida tushish kuzatildi. gazeta.uz »
O‘zbekistonda ijaraga beruvchi va ijarachi huquqlarini birdek himoya qiladigan yangi tahrirdagi qonun ishlab chiqiladi. 2026-yildan davlat aktivlari besh yilga ijaraga beriladi. Agar ijarachi o‘zi xohlasa yoki majburiyatini bajarmasagina shartnoma bekor bo‘ladi. gazeta.uz »
Raqobat qo‘mitasi yetti nomdagi BFQlar reklamasidagi nomuvofiqliklar yuzasidan tegishli choralar ko‘rilganini ma’lum qildi. Sanepidqo‘mita xulosasiga asosan, ularning yo‘riqnomasida ko‘rsatilgan ma’lumotlar reklamalarda tilga olingan xususiyatlar bilan mos emasligi aniqlangan. gazeta.uz »
Elektron sigaretni to‘liq taqiqlashga oid qonun prezident imzosini kutmoqda. Veypning zararli tomonlariga doir matbuot anjumanida nega o‘smirlar sanoatning asosiy nishoniga aylanib qolayotgani, ular qanchalik xavfliligi, qonun kuchga kirgach tug‘iladigan muammolar va ularga tayyorgarlik masalalari gaplashildi. gazeta.uz »
Deputatlar renovatsiya to‘g‘risidagi qonun loyihasini birinchi o‘qishda ma’qulladi. Renovatsiya loyihasini ilgari surish uchun kamida 80 foiz mulkdorlar roziligi talab etiladi, so‘ng har bir mulkdor bilan kompensatsiya bo‘yicha kelishiladi. gazeta.uz »
Senat xorijdan qaytayotganlarni OIVga majburiy tekshirishga oid qonunni ma’qullab, prezidentga yubordi. Jamoatchilikning munosabati o‘xshash: bu amaliyotning inson huquqlariga zid ekani yangramoqda. gazeta.uz »
Prezident 18-iyuldagi qarori bilan Tashqi investitsiyalar kengashi 11-iyun kuni bo‘lib o‘tgan yig‘ilishida ilgari surilgan tashabbus va takliflarni amalga oshirish bo‘yicha harakatlar rejasini tasdiqladi. gazeta.uz »
O‘zbekiston deputatlari xavfli pirotexnika turlarining muomalasini cheklovchi qonun loyihasini birinchi o‘qishda qabul qildi. Hujjatda, shuningdek, portativ lazer nurlantirgichlarining noqonuniy aylanmasi uchun javobgarlik kiritish taklif etilmoqda. gazeta.uz »
Toshkent shahri va viloyatida doimiy “propiska” olish huquqiga ega shaxslar doirasini cheklovchi qonun bekor qilinmoqda. Hozirda 12 toifadagi fuqarolar bunday huquqqa ega. Prezident u bilan har bir fuqaro poytaxtda doimiy yashash huquqini olishi mumkin bo‘lgan yangi qonunni imzoladi. gazeta.uz »
Qonunchilik palatasi 8-iyul kungi yig‘ilishida “Avtomobil yo‘llari to‘g‘risida”gi qonunning yangi tahrirdagi loyihasini birinchi o‘qishda qabul qildi. Hujjat piyodalar xavfsizligini ta’minlagan holda budjetga tushadigan yuklamani kamaytirish va pulli yo‘llar qurish uchun huquqiy asos yaratishga qaratilgan. gazeta.uz »
O‘zbekistonda transport infratuzilmasini rejalashtirishda ustuvorlik birinchi navbatda piyodalarga berilishi qonun bilan belgilanib qo‘yilmoqda. Keyingi navbatda esa velosiped va individual harakatlanish vositalari, jamoat va maxsus hamda boshqa transport vositalari uchun ustuvorlik inobatga olingan. gazeta.uz »
Shavkat Mirziyoyev jinoyatchilikka qarshi kurashish bo‘yicha yig‘ilishda mas’ullarga erta nikoh uchun javobgarlikni kuchaytirishga qaratilgan qonun loyihasini tayyorlash topshirig‘ini berdi. gazeta.uz »
Prezident banklar, ularning guruhlari va banklarda ulushga ega holding kompaniyalarining sanatsiyasi (bankrotlikdan qutqarish) va likvidatsiyasi tartibini belgilovchi qonunni imzoladi. Sanatsiya, birinchi navbatda, tizimli ahamiyatga ega banklar to‘lov qobiliyatini yo‘qotganda qo‘llanadi. gazeta.uz »
O‘zbekistonda ma’muriy jazo tizimiga yangi ta’sir chorasi - ma’muriy ogohlantirishni kiritish rejalashtirilmoqda. U ilk bor sodir etilgan kichik YHQlarni, masalan, boshqaruv paytida telefondan foydalanish, to‘xtash yoki to‘xtab turish qoidalarini buzganlik uchun qo‘llanadi. gazeta.uz »
Shavkat Mirziyoyev muqobil investitsiya jamg‘armalari to‘g‘risidagi qonun loyihasi ishlab chiqilganini aytdi. Keyingi 5 yilda venchur va boshqa muqobil sarmoyalarni mlrd dollarga yetkazish rejalashtirilmoqda. gazeta.uz »
AOKA onlayn platformalar to‘g‘risidagi qonun loyihasi bo‘yicha e’tirozlarga munosabat bildirdi. Ular onlayn platformalarning barcha foydalanuvchilari shundoq ham blogerlar hisoblanishini ta’kidlab, kontent “faqat jamoat tartibi va xavfsizligiga tahdid solsagina” noqonuniy deb hisoblanishiga ishontirdi. gazeta.uz »
Onlayn-platforma va veb-saytlar foydalanuvchilarining huquqlarini himoya qilish to‘g‘risidagi qonun loyihasi muhim masalalarni qamrab olgan. Biroq qonundagi istalgancha talqin qilish xavfini tug‘diradigan ayrim mavhum jumlalarni e’tiborsiz qoldirib bo‘lmaydi, deb yozadi “Gazeta.uz” kolumnisti Komil Jalilov. gazeta.uz »
