Qilish - Ïîñëåäíèå íîâîñòè [ Ôîòî â íîâîñòÿõ ] | |
Buxoroning tarixiy markazidagi Poyi Kalon me’moriy majmuasini restavratsiya qilish reja qilinmoqda. Madaniy meros agentligi va YUNESKO jarayonga Fransiyaning CRATerre assotsiatsiyasi ekspertlari va mahalliy mutaxassislarni jalb etadi. gazeta.uz »
Ko‘p milliard dollarlik loyihalar o‘sib borayotgan sharoitda O‘zbekiston kapitalni mamlakat ichida ushlab qolish va investorlar ishonchini saqlashga qodir sug‘urta bozorini shakllantirishi kerak bo‘ladi. gazeta.uz »
Toshkentda pulli avtoturargoh tizimining joriy etilishi hali ham haydovchilar orasida noroziliklarga sabab bo‘lmoqda. Gazeta haydovchilar tomonidan eng ko‘p beriladigan sakkizta savolni Poytaxt Parking operatoriga yo‘lladi. Kompaniyaning javoblari e’tiboringizga havola qilinadi. gazeta.uz »
Chirchiqda profilaktika inspektori guruh tomonidan fuqaroga tan jarohati yetkazilgani bilan bog‘liq ishni “bosdi-bosdi” qilish evaziga 2700 dollar olganlikda gumonlanib ushlandi. U jabrlanuvchiga 300 dollar berayotganda qo‘lga olingan. gazeta.uz »
Transport yo‘laklarining tirbandligi, jumladan, Sariag‘ash-Toshkent yo‘nalishidagi yuklama Qozog‘iston va O‘zbekiston o‘rtasidagi tovar aylanishi o‘sishini cheklamoqda. Bosh vazir o‘rinbosari Serik Jumangaringa ko‘ra, marshrutlarni yengillatish maqsadida hozirda aylanma yo‘l va yangi temiryo‘l tarmog‘i qurilmoqda. gazeta.uz »
Madaniyat vaziri Ozodbek Nazarbekov san’atkorlarga solinishi kutilayotgan daromad solig‘i haqida gapirib, hamma soliq to‘lashini aytdi. “Soliq to‘lamayman deyishga or qilish kerak odam”, - dedi vazir. gazeta.uz »
Fanlar akademiyasi Mirzo Ulug‘bek tumanining Ulug‘bek shaharchasidagi 190 gektar yer maydonidan ixtiyoriy ravishda voz kechdi, shundan so‘ng ushbu hudud shahar zaxirasiga o‘tkazildi. Mazkur maydondan “Toza havo” dasturi doirasida dendrologiya bog‘ini barpo etish uchun foydalanish rejalashtirilmoqda. gazeta.uz »
Deputatlar jinsiy erkinlikka qarshi jinoyatlar va odam o‘limiga sabab bo‘ladigan ayrim ishlarni tergov qilish vakolatini prokuraturaga o‘tkazish haqidagi qonunni qabul qildi. Shuningdek, voyaga yetmaganlarni nomusiga tegishda ayblangan mahbuslarni manzil-koloniyalarga o‘tkazmaslik ko‘zda tutilmoqda. gazeta.uz »
Farg‘onaning So‘x tumani turizm sohasiga $60 mln sarmoya kiritish ko‘zda tutilmoqda. Xususan, So‘x daryosi bo‘yida reabilitatsiya va fizioterapiya yo‘nalishidagi tibbiyot klasteri, turizm maskanlari barpo etish taklif qilindi. gazeta.uz »
Rossiya Davlat dumasi xorijliklarni mamlakatdan chiqarib yuborishga sabab bo‘ladigan huquqbuzarliklar ro‘yxatini kengaytiruvchi qonun loyihasini ko‘rib chiqadi. Asoslar orasida internetda inson qadr-qimmati va jamiyat axloqini haqoratlovchi ma’lumotlarni tarqatish hamda Rossiya armiyasini obro‘sizlantirish ham bor. gazeta.uz »
O‘zbekistonda profilaktika inspektorlariga ayrim huquqbuzarliklar bo‘yicha qaror qabul qilish vakolatini berish, 6 ta kam ahamiyatli qilmish bo‘yicha ma’muriy ogohlantirish tizimini joriy etish taklif qilindi. gazeta.uz »
Iyundan boshlab hayvonlarga nisbatan shafqatsiz munosabatda bo‘lganlik uchun jarimalar miqdori oshiriladi. Biroq jazo baribir nomutanosib bo‘lib qolmoqda. Ekopartiya ushbu sohani tartibga solishga “tizimli va kompleks yondashuvni” ta’minlash maqsadida qonun loyihasini tayyorlayotganini ma’lum qildi. gazeta.uz »
Tramp Tehron yaqin vaqt ichida kelishuvga rozi bo‘lmasa va Hurmuz bo‘g‘ozini ochmasa, Eronning barcha energetika infratuzilmasini “to‘liq” yo‘q qilish bilan tahdid qildi. AQSh prezidentining ushbu bayonoti Pentagonning Eronda quruqlikdagi operatsiyalarga tayyorgarlik ko‘rayotgani haqidagi xabarlardan so‘ng yangradi. gazeta.uz »
Shavkat Mirziyoyev jahonda ro‘y berayotgan voqealar ta’sirida eksport yuk tashishlarida uzilishlar sabab oziq-ovqat mahsulotlarini aviatashuv orqali eksport qilish va tadbirkorlar uchun arzonlashtirilgan tariflarni joriy etish choralarini ko‘rishni topshirdi. gazeta.uz »
Soliq qo‘mitasiga ko‘ra, fevralda fuqarolardan, jumladan, terminalga savdo qilmaslik, to‘lovlarni P2P orqali qabul qilish holatlari bo‘yicha 22 mingga yaqin murojaat tushgan. Shundan 6700 tasi - takroriy huquqbuzarliklar. gazeta.uz »
Toshkent viloyatining yirik sanoat markazlari - Chirchiq, Ohangaron, Olmaliq, Angren va Bekobod shaharlarida havo ifloslanishini monitoring qiluvchi beshta yangi avtomatik stansiya o‘rnatiladi. gazeta.uz »
Ramazon oyida masjidlarga odam qadami ko‘proq yetadi. Bu pallada taroveh namozi uchun tayyorgarlik, masjid hovlisi va tahoratxonalarni tozalash kabi ishlarda yuklama oshadi. Gazeta Farg‘ona tumani Avval shaharchasidagi masjid farroshi Avazbek Ismoilovning bir kunini tasvirlarga muhrladi. gazeta.uz »
16-mart kuni soat 14:00 dan ipoteka kreditlari bo‘yicha subsidiya olish uchun arizalar qabul qilish boshlanadi. Arizalar Davlat xizmatlari markazlari, myGov ilovasi yoki my. gov. uz portali orqali topshiriladi. gazeta.uz »
O‘zbekiston prezidenti Saudiya Arabistoni, BAA va Qatardan vatandoshlarni qaytarish uchun aviareyslarni tashkil etish bo‘yicha topshiriq berdi. Shu bilan birga, hukumat janubiy yo‘nalishdagi xavflarni inobatga olgan holda eksport-import operatsiyalari uchun muqobil yo‘nalishlarni ko‘rib chiqmoqda. gazeta.uz »
Soliq xizmati xodimlarining daromadlari va xarajatlarini deklaratsiya qilish joriy etilmoqda. Davlat soliq qo‘mitasi daromadlarni deklaratsiya qilish tizimini ishlab chiqdi. 1-martdan soliq xizmati xodimlari hamda Navoiy va Chirchiq aholisi sinov tariqasida daromadlar bo‘yicha soliq deklaratsiyasi taqdim etadi. gazeta.uz »
O‘zbekistonda sudya va ularning oila a’zolari mol-mulkini deklaratsiya qilishni yo‘lga qo‘yish, sud tizimida komplayens nazorat tizimini joriy etish taklif etilmoqda. Shuningdek, Sudyalar intizomiy hay’atini tashkil etish orqali sudyaga nisbatan intizomiy jazo qo‘llashning xolis tartibini yaratish ko‘zda tutilmoqda. gazeta.uz »
Transparency International tashkilotining Korrupsiyani qabul qilish indeksida O‘zbekiston 182 ta davlat orasida 124-o‘rinni egalladi. 100 balli indeks bo‘yicha mamlakat 31 ball to‘pladi. gazeta.uz »
1-iyuldan majburiy to‘lovlarni oyning 15-sanasigacha to‘lamagan uy egalaridan elektr energiyasi uchun to‘lovlarni qabul qilish to‘xtatiladi. Kechiktirilgan har bir kun uchun penya hisoblanadi: jismoniy shaxslarga - 0,1%, yuridik shaxslarga - 0,4%. gazeta.uz »
O‘zbekistonning qator hududlarida hokimliklar xodimlarni “majburiy topshiriq” niqobi ostida aholini ro‘yxatdan o‘tkazish tadbirlariga jalb qilgani aniqlandi. Mehnat inspeksiyasi bu holatni qonunbuzilish deb baholab, mas’ullarga ogohlantirish yubordi va Mehnat kodeksi talablarini eslatdi. gazeta.uz »
O‘zbekistonda bank va to‘lov tashkilotlari uchun yangi kiberxavfsizlik qoidalari kuchga kiradi. Ular JSHSHIRni tekshirish, hayotiylikni aniqlash orqali biometrik identifikatsiya, yangi qurilmadan kirganda kartalarni o‘chirish, qo‘ng‘iroq vaqtida ilovalarni bloklash, “aktiv sessiyalar” bo‘limi va boshqalarni nazarda tutadi. gazeta.uz »
Prezident keskin geosiyosiy o‘zgarishlar davrida Tashqi ishlar vazirligi va xorijiy diplomatik vakolatxonalar ishini qayta tashkil etish zarurligini ta’kidladi. Elchilar uchun eksport tushumlari, sayyohlar oqimi va qonuniy mehnat migratsiyasini osonlashtirish kabi KPI joriy etiladi. gazeta.uz »
Jahon banki O‘zbekiston uchun 250 mln dollar miqdoridagi kreditni ma’qulladi. U talabalarni moliyalashtirish tizimini modernizatsiya qilishga qaratilgan EduImkon dasturiga yo‘naltiriladi. Dastur 3 yil ichida 600 ming yoshlar uchun ta’lim kreditlaridan foydalanish imkoniyatini kengaytirishga yordam berishi kutilmoqda. gazeta.uz »
2026-yilning 1-yanvaridan O‘zbekistondagi barcha savdo va xizmat ko‘rsatish korxonalarida elektron to‘lovlarni qabul qilish uchun yagona QR kod joriy etiladi. 1-iyuldan boshlab bunday QR koddan foydalanmaslik savdo qoidalarini buzish deb baholanadi. gazeta.uz »
XVJ missiyasi O‘zbekistonning korrupsiya haqida xabar berganlar himoyasi va davxizmatchilar daromad deklaratsiyasiga oid qonunlarni qabul qilish rejalarini olqishladi. Ikkinchisini 2017-yildan beri qabul qilish rejalashtirilyapti. gazeta.uz »
Indoneziyaning Bali oroliga safar uyushtirganda nimalar qilish mumkin? Uning turli hududlarida nimalarni ko‘rsa bo‘ladi? Va bunday sayohat qanchaga tushadi? Gazeta shu kabi savollarga javob izlab, katta yo‘lko‘rsatkich tayyorladi. gazeta.uz »
Samarqand viloyatida 17 yoshli o‘smir o‘g‘rilikda ayblanib, ozodligi 1 yil 6 oyga cheklangandi. Biroq probatsiya xizmati sudga ozodlikdan mahrum qilish jazosiga almashtirish to‘g‘risida taqdimnoma kiritgan. gazeta.uz »
PM2,5 zarrachali havo aholi, xususan, homilador ayollar va bolalar uchun qanchalik xavfli? Undan qanday himoyalanish mumkin? Bu holat uzoq davom etsa, oqibati nima bo‘ladi? Gazeta shu kabi savollar asosida shifokorlar bilan suhbatlashib, tavsiyaviy qo‘llanma tayyorladi. gazeta.uz »
Toshkentda bo‘lib o‘tgan Markaziy Osiyo yetakchi ayollari muloqoti ishtirokchilari gender tengligi, sog‘liqni saqlash, ta’lim va ayollar tadbirkorligini rivojlantirish bo‘yicha deklaratsiya qabul qildi. gazeta.uz »
O‘zbekiston fuqarosiga Rossiyadagi tergov hibsxonasida RF Qurolli kuchlari safida xizmat qilish shartnomasiga aldov yo‘li bilan imzo chektirilgani aytildi. Murojaatdan so‘ng Sankt Peterburgdagi Bosh konsulxona ishga aralashdi va fuqaroning xizmat qilishga qarshiligi inobatga olinib, shartnoma tuzilmaydigan bo‘ldi. gazeta.uz »
Toshkent viloyatida YUNESKOning mintaqaviy ofisi va “Gidroingeo” instituti hamkorligida 800 tup ko‘chat ekish aksiyasi bo‘lib o‘tdi. Tashabbus geologik xavf-xatarlarga moyil hududda yonbag‘irlarini mustahkamlash va mahalliy aholini ko‘chkilardan himoya qilishga qaratilgan. Batafsil - Gazeta materialida. gazeta.uz »
Qonunchilik palatasi O‘zbekistonda islomiy bank faoliyatini joriy qilishga qaratilgan qonunni qabul qilib, Senatga yubordi. Qonun bilan islomiy moliya xizmatlarini ko‘rsatuvchi islomiy banklar, islomiy darchalar va islomiy mikromoliya banklar tashkil etilish uchun qonuniy asos yaratiladi. gazeta.uz »
Ekologiya vaziri maslahatchisi, sobiq deputat Rasul Kusherbayevning Toshkent hokimining pulli parkovkalarga oid qarorini bekor qilish tashabbusi mas’uliyatli fuqaro emas, oddiy haydovchi qarashini aks ettiradi. gazeta.uz »
O‘zbekistonning tashqi qarzlari budjet taqchilligi (davlat xarajatlarining daromadlardan oshib ketishi) bilan bevosita bog‘liq, dedi Markaziy bank raisi Timur Ishmetov. Uning ta’kidlashicha, tashqi qarzning mutlaq miqdori oshganiga qaramay, uning YAIMdagi ulushi kamayib bormoqda. gazeta.uz »
Italiyaning Ansaldo Energia xoldingi O‘zbekistonda atom elektr stansiyasi qurilishiga jalb etilishi mumkin. Kompaniya AES qurilishi loyihasini amalga oshirishni nazorat qilish, shuningdek, samarali yordamchi yechimlarni ishlab chiqish uchun texnik maslahatchi sifatida qatnashishi mumkin. gazeta.uz »
Savdo-sanoat palatasi tadbirkorlarlarni bir platformada jamlab, tajriba almashish, muloqot va hamkorlik muhitini yaratish maqsadida Business Port loyihasi yo‘lga qo‘ydi. gazeta.uz »
O‘zbekistonda seysmik xavfsizlik tizimi yangilanmoqda: prezident farmoniga ko‘ra, 2026-yildan boshlab sun’iy intellekt orqali zilzilalarni oldindan prognoz qilish va madaniy meros obyektlari, shuningdek, ko‘priklar va tunnellarning zilzilabardoshligini monitoring qilish tizimi joriy etiladi. gazeta.uz »
Namanganda qizchaga nisbatan zo‘ravonlikdan so‘ng, quyi palata deputati Dilnoza Azizova bolalarga nisbatan har qanday jinsiy zo‘ravonlik uchun umrbod ozodlikdan mahrum qilish jazosi kiritishni taklif qildi. gazeta.uz »
Shavkat Mirziyoyev ajrimlarda farzandlar og‘ir ahvolga tushishining oldini olish uchun nikoh shartnomasi tuzish afzalliklarini targ‘ib qilish lozimligi aytdi. Shuningdek, u oila qurish bu - nafaqat o‘zi, balki turmush o‘rtog‘i va farzandlari oldidagi katta mas’uliyat ekanini yoshlarga tushuntirish zarurligini qayd etdi. gazeta.uz »
Qonunchilik palatasi deputatlari aholini shovqindan himoya qilish to‘g‘risidagi qonunni qabul qildi va Senatga yubordi. Qonun loyihasiga avvalgi majlisdagi e’tirozlardan so‘ng tuzatishlar kiritilgan. gazeta.uz »
Markaziy Osiyo va Yevropa mamlakatlari olimlari kriosfera haqidagi ma’lumotlar hamda ularni tahlil qila oladigan mutaxassislar yetishmasligini muhokama qildi. Gazeta suv resurslarini monitoring qilish va boshqarishni yaxshilash uchun ular qanday choralarni taklif etgani haqida so‘zlab beradi. gazeta.uz »
O‘zbekistonda 2-oktabrdan ipoteka kreditlari bo‘yicha subsidiyaga arizalar qabul qilish boshlanmoqda. Nomzodlar ijtimoiy shkala bo‘yicha kamida 30 ball to‘plashi, uy-joyi yoki muddati o‘tgan qarzi bo‘lmasligi kerak. gazeta.uz »
Vazirning buyrug‘i bilan O‘zbekistondagi maktablarda xorijiy til o‘qituvchilaridan kamida B2 darajadagi til sertifikatini talab qilish muddati 2026-yilgacha uzaytirildi. O‘qituvchilardan yil oxirigacha sertifikat olish to‘g‘risida tilxat olinadi. gazeta.uz »
Qonunchilik palatasi deputatlari “Aholini zararli shovqin ta’siridan himoya qilish to‘g‘risida”gi qonun loyihasini ikkinchi o‘qishda ham qabul qilmadi. O‘tgan yozda uni qayta ishlashga jo‘natishgandi. gazeta.uz »
Toshkentliklar orasida oilaviy hordiqning o‘zgacha bir shakli ommalashyapti: dam olish kunlari yo havo ochiq bo‘lgan oqshomlarda odamlar bola-chaqasi bilan Toshkent aeroportining ortidagi Qo‘shqo‘rg‘on mahallasiga kelyapti. gazeta.uz »
2024-yili O‘zbekistonda korrupsiya uchun sudlangan har besh kishidan biri ozodlikdan mahrum qilindi. Bunday hukmlar biroz ko‘paygan bo‘lsa-da, sudlanganlarning 40 foizidan ko‘pi hali ham axloq tuzatish ishlari bilan jazolanmoqda. gazeta.uz »
