Qonun - Ïîñëåäíèå íîâîñòè [ Ôîòî â íîâîñòÿõ ] | |
Armaniston hukumati Yevropa Ittifoqiga a’zo bo‘lish jarayonini boshlash to‘g‘risidagi qonun loyihasini ma’qulladi. Endi hujjat parlamentga yuboriladi. Bosh vazir Nikol Pashinyan bunday qaror faqat umumxalq referendumi orqali qabul qilinishi mumkinligini aytdi. gazeta.uz »
Deputatlar elektron sigaretalar (tamakini isitish tizimlari emas, veyplar) muomalasini taqiqlash to‘g‘risidagi qonun loyihasini birinchi o‘qishda qabul qildi. Sog‘liqni saqlash vaziri bunday sigaretalar yoshlar orasida keng tarqalganini aytib, ularning zarari haqida ma’lumot berdi. gazeta.uz »
Rossiya prezidenti Vladimir Putin 2003-yildan beri taqiqda bo‘lgan “Tolibon” harakatini terrorchi tashkilotlar ro‘yxatidan chiqarishga ruxsat beruvchi qonunni imzoladi. gazeta.uz »
AQSh Kongressining Vakillar palatasi respublikachilar taklif etgan hamda Donald Tramp va milliarder Ilon Mask qo‘llab-quvvatlagan hukumatni vaqtinchalik moliyalashtirish to‘g‘risidagi qonun loyihasini rad etdi. gazeta.uz »
Prezident “Temiryo‘l transporti to‘g‘risida”gi yangi qonunni imzoladi. Vagon operatorlari va yo‘lovchi tashuvchilar narxlarni erkin belgilash imkoniyatiga ega bo‘ladi (davlat tomonidan tartibga solinadigan tashuvlar bundan mustasno). gazeta.uz »
Avstraliyada 16 yoshgacha bo‘lgan o‘smirlarning ijtimoiy tarmoqlardan foydalanishini butunlay taqiqlovchi qonun qabul qilindi. Hujjat bunday taqiq bo‘yicha dunyodagi eng qat’iy talablardan biri ekani ta’kidlanmoqda. Tanqidchilar va inson huquqlari vakillari qonunni qoraladi. gazeta.uz »
O‘tgan yili qishda jami 13 ming gektar bog‘ va uzumzor sovuq urishi tufayli zararlandi, oqibatda 207 ming tonna hosil yo‘qotildi. Shu bois prezident topshirig‘iga muvofiq, Ispaniya, Turkiya, AQSh tajribalari asosida “Qishloq xo‘jaligi tavakkalchiliklarini sug‘urta qilish to‘g‘risida”gi qonun loyihasi ishlab chiqildi. gazeta.uz »
“Adolat” va Ekopartiya tomonidan ishlab chiqilgan madaniy hordiq va dam olish maskanlari muhofazasini kuchaytirishga qaratilgan qonun loyihasi Qonunchilik palatasiga kiritildi. Ushbu tashabbus prezident tomonidan ma’qullangandi. gazeta.uz »
Bolalarni barcha turdagi zo‘ravonlikdan himoya qilish to‘g‘risidagi qonunda zo‘ravonlik turlari aniq belgilab berildi. Hujjat jabrlanuvchi bolalar va ularning oilalarini qo‘llab-quvvatlash hamda maktablarda zo‘ravonlikning oldini olish choralarini ko‘zda tutadi. Batafsil “Gazeta.uz” sharhida. gazeta.uz »
O‘zbekistonda manfaatlar to‘qnashuvi to‘g‘risidagi qonun tatbiq etiladigan davlat organlari va tashkilotlari ro‘yxati tasdiqlandi. Unga deyarli barcha davlat organlari, yirik davlat korxonalari, hokimiyatlar, vazirliklar kiritildi. gazeta.uz »
Prezident fermerlarning birgalikda ishlashi uchun birlashishiga imkon beruvchi qishloq xo‘jaligi kooperativi to‘g‘risidagi yangi qonunni imzoladi. Hujjatga kooperativlarning uyushmaga majburiy a’zoligini kiritish rejalashtirilgan bo‘lsada, bu norma parlamentning quyi palatasidayoq chiqarib tashlangan. gazeta.uz »
Bosh prokuror o‘rinbosari Shoxrux Aminov ijtimoiy tarmoqlarda e’lon qilingan saylov masalasiga oid 16 ta turli xabarlar o‘rganib chiqilganini ma’lum qildi. Uning ma’lum qilishicha, ulardan birontasida qonun buzilishi aniqlanmagan. gazeta.uz »
Senatorlar aldov orqali pul ishlashga urinayotgan “soxta trenerlar va lektorlar"ga qarshi kurashish maqsadida ma’rifiy faoliyatni tartibga soluvchi qonunni ma’qulladi. Ushbu faoliyat bilan shug‘ullanish huquqiga ega bo‘lmagan shaxs ma’rifiy faoliyati uchun jarimaga tortiladi. gazeta.uz »
Raqobat qo‘mitasi tomonidan Urganch davlat universiteti talabalar turar joyi binosi qurilishi bo‘yicha o‘tkazgan tender savdolari qonunga zid deb topildi. Universitet obyektning toifasini noto‘g‘ri belgilashi oqibatida boshqa viloyatdagi qurilish tashkilotlarining tenderda ishtirok etishi cheklangan. gazeta.uz »
Prezident mahkumlarning huquqlarini kengaytirishga qaratilgan qonunni imzoladi. Ular o‘zlariga insonparvarlik bilan murojaat qilinishi va inson huquqlarini himoya qiluvchi tashkilotlar bilan bog‘lanish huquqiga ega bo‘ldi. gazeta.uz »
Gruziya Konstitutsiyaviy sudi mamlakatda ommaviy noroziliklarga sabab bo‘lgan “xorijiy agentlar to‘g‘risida"gi qonunga qarshi da’volarni ko‘rib chiqishni boshladi. Da’vogarlar Gruziya prezidenti, nodavlat tashkilotlar, muxolifat deputatlari va mediatashkilotlar hisoblanadi. gazeta.uz »
Renovatsiyasi to‘g‘risidagi qonun loyihasini muhokamadan o‘tkazildi. Biroq qonun mulkdorlarning huquqlarini yetarlicha himoya qilmasligi va boshqa sabablar tufayli jamoatchilik noroziligiga uchradi. gazeta.uz »
Raqobat qo‘mitasi Kosonsoy tumani obodonlashtirish boshqarmasining jami boshlang‘ich narxi 2,3 mlrd so‘mlik 28 ta tender savdosida qonun buzilishi holatlarini aniqladi. Xarid komissiyasiga nisbatan ish qo‘zg‘atildi, javobgar mansabdor jazolandi. gazeta.uz »
Raqobat qo‘mitasi Yo‘l harakati xavfsizligi xizmatining yo‘l belgilari uchun bo‘yoqlar va shisha mahsulotlarni xarid qilish maqsadida o‘tkazgan 26,5 mlrd so‘mlik tenderida “Raqobat to‘g‘risida”gi qonunining buzilgani aniqlandi. gazeta.uz »
O‘zbekiston deputatlari aldov yo‘li bilan pul ishlab olmoqchi bo‘lgan “soxta trener va lektorlar”ning ma’ruzalari ko‘paygani sababli ma’rifiy faoliyatni tartibga solish bo‘yicha qonun qabul qildi. Deputatning aytishicha, bunday tadbirlar, jumladan, ko‘pxotinlilik, jinsiy kamsitish va feminizmni targ‘ib qiladi. gazeta.uz »
Qonunchilik palatasi sohadagi davlat siyosatini, taqiq va cheklovlarni belgilab beruvchi “Kosmik faoliyat to‘g‘risida"gi qonun loyihasini birinchi o‘qishda qabul qildi. Deputatlar O‘zbekistonning kosmosdan foydalanish bo‘yicha xalqaro shartnomaga qo‘shilishi to‘g‘risidagi bitimni ham ma’qulladi. gazeta.uz »
Deputatlar kiberjinoyatlarga qarshi kurashish uchun elektron (raqamli) dalillar to‘g‘risidagi qonun loyihasini muhokama qildi. Hujjat avval 2 marta rad etilgandi, bu qonunni parlamentdan o‘tkazishga uchinchi urinish. gazeta.uz »
Gruziyaning YeIga kirish jarayoni mamlakatda qabul qilingan “xorijiy agentlar” to‘g‘risidagi qonun tufayli amalda to‘xtatildi. Yevropa Ittifoqi yetakchilari Gruziya hukumatini mamlakatning ittifoqqa kirishiga tahdid solayotgan harakat yo‘nalishini o‘zgartirishga chaqirdi. gazeta.uz »
AQSh “xorijiy agentlar to‘g‘risida"gi qonun qabul qilinishi munosabati bilan o‘nlab Gruziya fuqarolariga, jumladan, Gruziya parlamenti a’zolari va xavfsizlik xodimlariga nisbatan viza cheklovlarini joriy qildi. gazeta.uz »
Prezident “Manfaatlar to‘qnashuvi to‘g‘risida”gi qonunni imzoladi. Hujjat davlat organlari va davlat ulushi 50 foizdan ortiq kompaniyalarga nisbatan tatbiq etiladi. Antikorrupsiya agentligi vakolatli tashkilot etib belgilandi. gazeta.uz »
Yevropa Ittifoqining to‘rtta davlati “xorijiy agentlar to‘g‘risida"gi qonun tufayli Gruziyaga qarshi sanksiyalar qo‘llashni taklif qilmoqchi. Ehtimoliy cheklovlar qatoriga Gruziya fuqarolari uchun YIda vizasiz rejimni bekor qilish kiradi. gazeta.uz »
Islomiy banking to‘g‘risidagi qonun loyihasi ishlab chiqildi, u joriy yilda parlamentga kiritiladi, dedi MB raisi o‘rinbosari Behzod Hamroyev. Uning aytishicha, yaqin vaqt ichida mikromoliya tashkilotlarida islomiy moliyaviy xizmatlar to‘g‘risidagi me’yoriy hujjatlar ham qabul qilinishi kutilmoqda. gazeta.uz »
Manfaatlar to‘qnashuvi bo‘yicha qonun Prezident administratsiyasida muhokamada, daromadlar deklaratsiyasi to‘g‘risidagi qonun loyihasi esa jamoatchilik muhokamasiga qo‘yilishi kutilmoqda. “Jarayon to‘xtab qolgani yo‘q, masala dolzarbligini yo‘qotgani yo‘q”, - dedi Antikorrupsiya agentligi direktori Akmal Burxanov. gazeta.uz »
Gruziya parlamenti “xorijiy agentlar to‘g‘risida"gi rezonansli qonun loyihasini yakuniy o‘qishda ma’qulladi. Hujjatga qarshi ommaviy noroziliklar qariyb bir oy davom etdi. G‘arb davlatlari ham rasmiylarni tanqid qildi. gazeta.uz »
O‘tkirbek Xolmirzayev va Zayniddin Shamsidinov oilaviy zo‘ravonlikka doir 10 462 ish asosida o‘tkazgan tadqiqot O‘zbekistonda ayollar himoyasi uchun qabul qilingan qonun ularni jazolashga ham xizmat qilayotganini ko‘rsatdi. gazeta.uz »
Korrupsiyaga qarshi kurashish agentligi jami qiymati 14 mlrd so‘mdan ortiq bo‘lgan 9 ta davlat xaridi bo‘yicha bayonnomalarni bekor qildirdi. Xususan, “Sho‘rtan gaz kimyo majmuasi” buyurtmachiligidagi 9,4 mlrd so‘mlik davlat xaridida affillangan shaxslar g‘oliblikni qo‘lga kiritgan. gazeta.uz »
O‘zbekistonda korrupsiyaga oid huquqbuzarlik haqida xabar berganlarni himoya qilish to‘g‘risidagi qonun loyihasi jamoatchilik muhokamasiga qo‘yildi. Unda xabar beruvchining hayoti, sog‘lig‘i, mol-mulki himolanishi va boshqa qator kafolatlar aks etgan. gazeta.uz »
Minglab odamlar Gruziya parlamenti binosi yaqiniga “xorijiy agentlar to‘g‘risida”gi qonun loyihasiga norozilik bildirish maqsadida yig‘ildi. Ularning fikricha, qonun Rossiyaning xorijiy agentlar haqidagi qonuniga o‘xshash. gazeta.uz »
O‘zbekistonda budjet jarayoni va ichki auditni takomillashtirish bo‘yicha qonun loyihasi yuzasidan jamoatchilik muhokamasi davom etmoqda. Loyiha, jumladan, Moliya vazirligi davlat budjeti ijrosi bo‘yicha Qonunchilik palatasiga har chorakda emas, har yarim yilda axborot berishini nazarda tutadi. Asosiy ma’lumotlar. gazeta.uz »
Jahon banki huquqiy sohada gender tenglikka erishish bo‘yicha “Ayollar, biznes va qonun 2024” yillik hisobotini e’lon qildi. Unda O‘zbekiston beshta ilg‘or o‘zgarishlar qilgan davlatlar qatoriga kirdi. gazeta.uz »
Qonunchilik palatasi iqtisodiy sanksiyalar bo‘yicha qonun loyihasi hech qaysi davlatga qarshi qaratilmaganini ma’lum qildi. Avvalroq tarmoqlarda O‘zbekiston Rossiyaga qarshi moliyaviy sanksiyalarga qo‘shilishga qaror qilgani haqida xabarlar tarqalgandi. gazeta.uz »
O‘zbekistonda ixtirolar, tovar belgilari, reklama, dori vositalari va davlat boji to‘g‘risidagi qonunlarni JST bitimlariga uyg‘unlashtirishni nazarda tutuvchi qonun qabul qilindi. gazeta.uz »
12 |
