Ortiq - Ïîñëåäíèå íîâîñòè [ Ôîòî â íîâîñòÿõ ] | |
Orol dengizi hududida 672 bosh yo‘rg‘a tuvaloq tabiiy muhitga qo‘yib yuborildi. Ushbu noyob tur O‘zbekiston Qizil kitobiga kiritilgan va xalqaro muhofazaga olingan. gazeta.uz »
Yevropada rekord darajadagi anomal issiqlik oqibatida 1300 dan ortiq inson vafot etdi. Fransiyada o‘lim ko‘rsatkichi mingtadan oshgan. Chexiyada +41,1 darajali rekord qayd etildi. Jazirama ta’lim, transport va AESlar tizimida uzilishlarni keltirib chiqarmoqda. gazeta.uz »
Toshkentda 15 ta avtomobil ishtirokida YTH yuz berdi. Equinox mashinasining keksa yoshli haydovchi chorrahada to‘xtab turgan mashinalarga katta tezlikda urilgan. U kasalxonaga yotqizildi. Voqea joyida bo‘lgan Gazeta muxbiri sochilib yotgan avtomobil bo‘laklari va shikastlangan daraxtlarga guvoh bo‘ldi. Video. gazeta.uz »
Rossiyada 100 nafardan ortiq o‘zbekistonlik ishchiga 4 oylik maosh (taxminan 324 ming dollar) berilmagan. Migratsiya agentligi aralashuvidan so‘ng 105 nafarga 127 ming dollar undirib berildi. Qolgan qarzdorlik 15-mayga qadar to‘lanishi kutilmoqda. gazeta.uz »
O‘zbekistonda kitob savdosini rag‘batlantirish maqsadida oyiga 10 ming donadan ortiq kitob sotgan tadbirkorlarga 1 mlrd so‘mgacha imtiyozli ssuda ajratiladi. Shuningdek, turizm, gastronomik, yoshlar sayilgohi va savdo-servisga ixtisoslashgan ko‘chalarda kutubxonalar va book cafe’lar tashkil etish ko‘zda tutilgan. gazeta.uz »
O‘zbekistonda 145 mingdan ortiq obyektga 2114 MVt quvvatli quyosh panellari o‘rnatilgan. Ularda 2026-yil 1-chorakda 411 mln kVt/soat energiya ishlab chiqarilib (o‘tgan yilning shu davriga nisbatan 63 foizga ko‘p), 125 mln kub metr gaz tejaldi. Ortiqcha energiya uzatish hajmi 3,5 barobarga oshdi. gazeta.uz »
2030-yilgacha madaniyat sohasini rivojlantirishga 1 trln so‘mdan ortiq mablag‘ yo‘naltirish rejalashtirilmoqda. Shu bilan birga, mamlakatdagi 839 ta madaniyat markazini transformatsiya qilish, Samarqandda yangi Ipak yo‘li muzeyini barpo etish va nodavlat madaniyat tashkilotlarini qo‘llab-quvvatlash ko‘zda tutilgan. gazeta.uz »
2026-yilning dastlabki uch oyida Transport nazorati inspeksiyasi tomonidan Toshkent avtobuslarida chiptasiz yurish holatlari bo‘yicha 32,4 mingta bayonnoma rasmiylashtirildi. 28 ta yo‘nalishda nazorat kuchaytirilgach, “tranzaksiyalar soni nisbatan ortgani” qayd etilgani. gazeta.uz »
Toshkent viloyatida ikki nafar shaxs qo‘shni davlatdan O‘zbekistonga umumiy og‘irligi qariyb 25 kg bo‘lgan opiy va gashish olib kirishga uringan. Surxondaryoda esa uch nafar erkak Amudaryo orqali o‘tish paytida ushlanib, ularning yonida 10 kgdan ortiq taqiqlangan moddalar aniqlangan. gazeta.uz »
Makkadagi mehmonxonalarda 170 dan ortiq o‘zbekistonlik ziyoratchi turfirmalar xatosi tufayli vatanga qaytolmayapti. Ular orasida surunkali kasalligi bor qarilar ko‘pchilikni tashkil etadi. Bosh konsulxona vaziyatni nazoratga oldi, biroq fuqarolarga imkoni bo‘lsa, o‘z hisobidan chipta olib qaytish tavsiya qilindi. gazeta.uz »
O‘zbekiston Markaziy banki 16 yoshga to‘lmagan shaxslar hisobvaraqlarida mablag‘larning keskin harakati bilan bog‘liq operatsiyalarni gumonli deb baholashni, shuningdek, 30 kun ichida 1,03 mlrd so‘mdan ortiq naqd kirimlar va xavfi yuqori davlatlarga o‘tkazmalar ustidan monitoringni kuchaytirishni taklif etmoqda. gazeta.uz »
O‘zbekistonda pul o‘tkazmalariga talablarni kuchaytirish taklif etilmoqda. Banklar jo‘natuvchi va oluvchi haqida to‘liq ma’lumot to‘plashi shart bo‘lgan operatsiyalar chegarasi 30 dan 25 BHMgacha - 10,3 mln so‘mgacha tushirilishi mumkin. gazeta.uz »
Sirdaryoda yashovchi fuqaro hududlardan 9 nafar shaxsni yakka tartibdagi tadbirkor sifatida ro‘yxatdan o‘tkazgan. U ushbu shaxslarning akkauntlaridan foydalanib, virusli ilova orqali fuqarolarning telefonlariga zararli dastur yuborgan va jami 201 nafar fuqarodan 2 mlrd so‘mdan ortiq mablag‘ yechib olgan. gazeta.uz »
Prezidentlar Shavkat Mirziyoyev va Emomali Rahmon qo‘shma bayonot imzoladi. Hukumatlar esa o‘ndan ortiq hujjat - tovar ayirboshlash va sanoat bo‘yicha dasturlar, turizm, madaniyat va qishloq xo‘jaligi yo‘nalishida “yo‘l xaritalari,” sog‘liqni saqlash va ilmiy hamkorlikka doir kelishuvlarga erishdi. gazeta.uz »
O‘zbekistonda 2026-yilda kamida bitta tijorat bankida “islom darchasi”ni ishga tushirish, 2030-yilgacha esa ikkita to‘laqonli islom bankini tashkil etish rejalashtirilgan. Markaziy bank rahbariga ko‘ra, 10 dan ortiq banklar allaqachon ushbu yo‘nalishda ishlashga tayyorgarlik ko‘rishni boshlagan. gazeta.uz »
AQSh va Isroilning Eronga qarshi harbiy harakatlari boshlanganidan buyon Fors ko‘rfazi mamlakatlaridan 25 mingdan ortiq O‘zbekiston fuqarosi vatanga qaytarildi. Bir sutka davomida 3335 kishi olib kelindi. gazeta.uz »
Transport vazirligi Madina va Jiddadan 4948 nafar (21 ta reys), Dubaydan esa 235 nafar fuqaro O‘zbekistonga qaytarilganini ma’lum qildi. Reyslar davom ettirilmoqda. “O‘zaviatsiya” agentligida tunu kun ishlaydigan shtab tashkil etilgan. gazeta.uz »
2026-yilda O‘zbekiston energiyadan oqilona foydalanish tizimiga o‘tadi. Jumladan, 917 mingta ko‘cha chiroqlarini modernizatsiya qilish hamda kichik va o‘rta korxonalarning energiya samaradorligini oshirish ko‘zda tutilgan. gazeta.uz »
O‘tgan yili ombudsman idorasi murojaatlarni ko‘rib chiqishda fuqarolar foydasiga 11,8 mlrd so‘mdan ortiq mablag‘ undirilishiga yordam berdi. Uning 3,9 mlrd so‘mdan ortig‘ini buzilgan uy-joylar uchun kompensatsiyalar tashkil etdi. gazeta.uz »
Toshkent va Qashqadaryo viloyatlarida, shuningdek, Toshkent shahrida DXX va boshqa huquqni muhofaza qilish organlari xodimlari jami 20,2 kg narkotikni musodara qildi. Uchta holat bo‘yicha jinoyat ishlari qo‘zg‘atildi, gumondorlar hibsga olindi. gazeta.uz »
O‘zbekistonda 2025-yilda “103” xizmatiga 3244 ta yolg‘on chaqiriq kelib tushdi. Eng ko‘p yolg‘on chaqiriq Qashqadaryo, Surxondaryo va Farg‘ona viloyatlarida kuzatilgan. Bunday chaqiriqlar o‘tgan yilga nisbatan 531 taga ko‘paygan. gazeta.uz »
2025-yilda O‘zbekistonda iste’molchilarga 1,6 mlrd ro‘yxatdan o‘tgan cheklar uchun 1,5 trln so‘mdan ortiq keshbek to‘lab berildi. Eng ko‘p mablag‘ni Toshkent shahri (564 mlrd so‘m) va viloyati (177,2 mlrd so‘m) iste’molchilari olgan. gazeta.uz »
2025-yilda O‘zbekistonda 15,4 mingta narkojinoyat qayd etilib, salkam 3,5 tonna giyohvandlik moddalari musodara qilindi. Narkojinoyat sodir etgan 11 ming 49 kishi javobgarlikka tortildi. Jinoyatlarning 53 foizi Toshkent shahri, Farg‘ona va Toshkent viloyatlari hissasiga to‘g‘ri keldi. gazeta.uz »
AQSh prezidenti Grenlandiyani anneksiya qilish tahdidlari fonida Norvegiya bosh vaziriga maktub yo‘lladi. Unda Norvegiyadagi Nobel qo‘mitasi unga tinchlik uchun Nobel mukofotini bermaganidan so‘ng o‘zini “ortiq faqat tinchlik haqida o‘ylashga” majbur deb his qilmasligini yozgan. gazeta.uz »
2025-yilda “103” xizmatiga 14,3 millionga yaqin chaqiruv kelib tushdi - bu avvalgi yilga nisbatan 763 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
Noyabrda O‘zbekistonda 1,16 mlndan ortiq muhtoj oila 1,2 trln so‘mlik bir martalik yordam puli oldi, bu ularga qishga ko‘mir zaxirasi to‘plash, elektr energiyasi va gazga to‘lash imkonini berdi. 2025-yil mayidan beri 560 mingdan ortiq ehtiyojmand oila me’yordan ko‘p elektr va gaz iste’moli uchun kompensatsiya oldi. gazeta.uz »
Global ekologik fond O‘zbekistonga o‘rmonlardan yaylovlargacha bo‘lgan 1,3 mln gektardan ortiq landshaftni tiklash uchun 6 mln dollar ajratmoqda. Milliy EcoLand loyihasi GEFning Amerika va Afrikadagi 20 ta davlatni qamrab olgan global dasturining bir qismiga aylandi. gazeta.uz »
O‘zbekistonda yanvar-oktabr oylari davomida oiladagi zo‘ravonlik uchun 10 003 nafar shaxs ma’muriy javobgarlikka, 381 kishi esa jinoiy javobgarlikka tortilgan. gazeta.uz »
25 yildan ortiq qidiruvda bo‘lgan O‘zbekiston fuqarosi mamlakatga olib kelindi. U 1999-yilda chiqib ketib, Afg‘oniston, Pokiston va Suriyadagi xalqaro terroristik tashkilotlarning jangovar harakatlarida ishtirok etganlikda gumonlangan. Erkak noyabr oyida MDHga a’zo davlatlarning birida ushlandi. gazeta.uz »
UzAuto Motors avval shartnoma qilinib, to‘lov qilinmagan 80 mingga yaqin Cobalt avtomobilini qayta sotish uchun dilerlarga topshiradi. 3-noyabr kuni 100 mingta Cobalt sotuvga qo‘yilgan va 20 833 tasi uchun to‘lov amalga oshirilgan. gazeta.uz »
Dam olish kunlari Toshkentdagi bozorlar va savdo komplekslarida yengil avtomobillarni 2 soatdan ortiq muddatga “parkovka”ga qo‘yish narxi endilikda 2 baravardan ko‘proqka oshiriladi. Narxlar. gazeta.uz »
O‘zbekistonda “Tozalik va ozodalik” oyligi yakunlandi, bir oy davomida jami 422,4 ming tonna chiqindi olib chiqildi. Ishlar 368 mingdan ortiq sanitar tozalash xizmati xodimini qamrab oldi. 95 mingdan ortiq MFY hududi, shuningdek, 60 mingdan ortiq jamoat joyi tozalandi. gazeta.uz »
Joriy yilning yanvar-oktabr oylarida ichimlik va oqova suv tarmoqlariga 4,3 mingdan ortiq noqonuniy ulanish holati aniqlandi. Qonunbuzarliklar ortidan 82 mlrd so‘m zarar yetkazildi, 62 ming iste’molchi tarmoqdan uzildi. gazeta.uz »
Poytaxtda chiqindidan jami 2,2 mlrd so‘mdan ortiq qarzi bo‘lgan 25 mingdan ko‘p abonentga elektr uchun to‘lov qilishni cheklash haqida xabar yuborilgan. 5 kun ichida 19 mingta abonent jami 1,6 mlrd so‘mdan ortiq qarzdorlikni qoplagan. gazeta.uz »
Toshkentdagi ko‘p kvartirali uylarda o‘rnatilgan 9147 ta lift tekshirilib, jami 37 103 ta kamchilik aniqlandi. Sanoat, radiatsiya va yadro xavfsizligi qo‘mitasi hududiy boshqarmasi, shuningdek, poytaxtdagi qurilish obyektlari, yoqilg‘i quyish shoxobchalari va attraksionlarda ham bir qator kamchiliklarni aniqladi. gazeta.uz »
O‘zbekiston va AQSh nodir metallarni qazish, nasos stansiyalarini modernizatsiyalash, tomchilatib sug‘orishni joriy etish, samolyotlar, soya dukkaklari va paxta yetkazib berish bo‘yicha shartnomalar imzoladi. gazeta.uz »
Toshkentning Abdulla Qodiriy ko‘chasidagi sayilgoh atrofi obodonlashtirilmoqda. Ammo yuzdan ortiq daraxt tanasi salkam 1 metrgacha ko‘mib tashlangani xavotirlarni uyg‘otdi. Hokimlik bahorgacha har bir daraxt atrofi tuproqdan ochilishi, jarayon xavf tug‘dirmasligini aytmoqda. Gazeta vaziyatni o‘rgandi. gazeta.uz »
JSST hisob-kitoblariga ko‘ra, bugungi kunda dunyoda 100 milliondan ortiq odam elektron sigaretlar (veyp) chekmoqda, ularning kamida 15 millioni 13−15 yoshlilardir. JSST ekspertlarining fikricha, bu sayyorada “nikotinga qaramlikning yangi to‘lqini”ga olib kelishi mumkin. gazeta.uz »
Bokuda o‘tgan II Ozarbayjon-O‘zbekiston media forumida mediasavodxonlik endi ixtiyoriy ko‘nikma emasligi, dezinformatsiya eng katta muammoga aylangani, tartibga solish senzuraga asoslanmasligi kerakligi aytildi. gazeta.uz »
O‘zbekistonda 45 mingdan ziyod fuqaroda ov quroli bor. 2025-yilning 8 oyida 10 mingdan ortiq kishi qurolni saqlash, foydalanish yoki olib yurish qoidalarini buzgani uchun ma’muriy javobgarlikka tortildi. gazeta.uz »
Farg‘ona viloyatidagi “Rovot” chegara postida Cobalt avtomashinasining gaz balloniga yashirib qo‘yilgan 57,7 kg dan ortiq narkotik moddalarni Tojikistondan olib kirishga urinishning oldi olindi. gazeta.uz »
Toshkentda o‘tgan olti oyda 6 mingdan ortiq yo‘lovchi avtobuslarda yo‘l haqini to‘lamagani uchun ma’muriy jarimaga tortildi. Ushbu qoidabuzarlik uchun jarima BHMning o‘ndan biri - 41 200 so‘mni tashkil qiladi. gazeta.uz »
2025-yilning yanvar-avgust oylarida 8 mingga yaqin kishi oiladagi zo‘ravonlik (JK va MJTK bo‘yicha), 1450 kishi esa shahvoniy shilqimlik aybi bilan sudlandi. Bu davrda, shuningdek, 37 ta oilaning nikohi zo‘ravonlik sababi bilan bekor qilindi. gazeta.uz »
Yanvar-avgust oylarida 3554 ta maktabgacha ta’lim tashkilotlarida rejali tekshirishlar o‘tkazilib, 9 tonnadan ortiq sifatsiz oziq-ovqat mahsulotlari brakeraj qilindi. Bu yuzasidan 3705 ta holatda jarimalar qo‘llanildi, 110 ta muassasa ish faoliyati vaqtincha to‘xtatildi. gazeta.uz »
Markaziy bank ma’lumotlariga ko‘ra, yanvar-avgust oylarida O‘zbekistonga xorijdan 12 mlrd dollardan ortiq pul o‘tkazmalari amalga oshirildi (2024-yilning shu davriga nisbatan 23 foizga ko‘p). Aholining valyuta oldi-sotdisida 5,6 mlrd dollarlik ijobiy farq kuzatildi. gazeta.uz »
Shavkat Mirziyoyev O‘qituvchi va murabbiylar kuni munosabati bilan ta’lim-tarbiya sohasini rivojlantirishga hissa qo‘shgan bir guruh o‘qituvchi va murabbiylarni medal, orden va unvonlar bilan taqdirladi. gazeta.uz »
Raqobat qo‘mitasi Oila Tanlovi moyining yaroqlilik muddati 6 oy o‘rniga 12 oy deb ko‘rsatilgani sababli Uzum Market`ga 1,6 mlrd so‘mdan ortiq mablag‘ni qaytarish ko‘rsatmasini bergandi, sud buni o‘z kuchida qoldirdi. gazeta.uz »
Migratsiya agentligining Namangan viloyati filiali bosh mutaxassisi fuqarolarni Koreyaga ishga yuborish evaziga 41 ming dollar olgan vaqtida qo‘lga olindi. Aniqlanishicha, Migratsiya agentligining xodimlari 2024-yilda 80 dan ortiq fuqarolarni Koreyaga ishga yuborish uchun 700 ming dollaridan ortiq pul olgan. gazeta.uz »
Birinchi yarim yillikda O‘zbekiston tashkiliy mehnat migratsiyasi imkoniyatlarini kengaytirdi. 17 ta davlat va 22 ta xalqaro tashkilot vakillari bilan o‘tkazilgan muzokaralar natijasida 1500 dollardan yuqori maoshli 211 mingta yangi ish o‘rni aniqlandi. gazeta.uz »
AQSh Davlat departamenti AQSh vizasiga ega bo‘lgan 55 milliondan ortiq kishini migratsiya qonunchiligini buzganlik bo‘yicha tekshiruvdan o‘tkazmoqda. Kamchilik aniqlansa, viza bekor qilinadi. Shuningdek, AQSh yuk mashinalari haydovchilariga ishchi vizalar berishni zudlik bilan to‘xtatmoqda. gazeta.uz »
