Daraxt - Ïîñëåäíèå íîâîñòè [ Ôîòî â íîâîñòÿõ ] | |
Buxoro viloyatining Jondor tumanida qamishzorga o‘t qo‘yilishi oqibatida 50 tup daraxt zarar ko‘rdi, shundan 38 tupi to‘liq nobud bo‘ldi. Ekologik zarar 202,7 mln so‘mga baholandi. Hodisa yuzasidan jinoyat ishi qo‘zg‘atilgan bo‘lib, dastlabki tergov harakatlari olib borilmoqda. gazeta.uz »
O‘zbekistonliklar endi “Soliq” mobil ilovasida xaridlar uchun yig‘ilgan keshbek mablag‘larini ixtiyoriy ravishda daraxt va ko‘chatlar ekishga yo‘naltirishi mumkin. Yangi xizmat Soliq qo‘mitasi va Ekologiya qo‘mitasi hamkorligida ishga tushirildi. gazeta.uz »
Toshkent viloyatining Bo‘stonliq tumanida qurilish uchun ajratilgan hududda 27 tup daraxt noqonuniy yo‘q qilingani aniqlandi. Ekologiya boshqarmasi hisob-kitobiga ko‘ra, o‘simlik dunyosiga 2 mlrd so‘mdan ortiq zarar yetkazilgan. Hujjatlar huquqiy baho berish uchun prokuraturaga yuborildi. gazeta.uz »
Termiz shahrida yuridik texnikum hududidagi 217 tup daraxt noqonuniy kesib tashlangani ortidan tabiatga 2 mlrd so‘mdan ortiq zarar yetkazilgani aniqlandi. Sud sobiq shahar qurilish bo‘limi boshlig‘ini aybdor deb topib, unga 2 yil axloq tuzatish ishlari jazosini tayinladi. gazeta.uz »
Toshkent viloyati Yangiyo‘l shahrida 121 tup daraxt noqonuniy kesilgani aniqlandi. O‘simlik dunyosiga 1 mlrd so‘mdan ortiq zarar yetkazilgan. Holat bo‘yicha hujjatlar prokuraturaga yuborildi. gazeta.uz »
Toshkentning Shayxontohur tumanida noqonuniy ko‘chirib o‘tqazilgan 108 ta daraxtdan 107 tasi qurib qolgani aniqlandi. Holat oqibatida tabiatga 881 mln so‘mdan ortiq zarar yetkazilgan, materiallar huquqni muhofaza qiluvchi organlarga yuborilmoqda. gazeta.uz »
O‘zbekistonda ko‘kalamzorlashtirish ishlarida qatnashgan fuqaro va tadbirkorlarga maxsus maqom va mukofot berish reja qilinmoqda. 100 tup daraxt ekkan yoki 10 mln so‘m xayriya qilganlarga “ekofaol fuqaro”, undan kattaroq hissa qo‘shganlarga esa “metsenat” maqomi va davlat mukofotlari berilishi ko‘zda tutilgan. gazeta.uz »
Toshkentning Bektemir tumanida “yashil belbog‘” loyihasi doirasida 4,2 gektarga 2 mingga yaqin shumtol, qarag‘ay, zarang kabilar ekildi. Hokim bo‘sh yerni sotib yuborish ham mumkin bo‘lgani, ammo u yerda yashil hudud yaratishga qaror qilinganini aytdi. Gazeta fotoreportaji. gazeta.uz »
Toshkent shahrining Alisher Navoiy, Mustaqillik, Shahrisabz, Temur Malik ko‘chalaridagi daraxtlar holati o‘rganildi. Unga ko‘ra 73 ta daraxt hasharotlar tomonidan zararlangani aniqlangan va ular tagi bilan kesiladi. gazeta.uz »
O‘zbekistonda ko‘p kvartirali uylarning tutash hududidagi barcha daraxt va butalar uy boshqaruvchilari tomonidan xatlovdan o‘tkaziladi. Ma’lumotlar “Mening uyim” axborot billing tizimida aks ettirib boriladi. gazeta.uz »
Toshkentda 174 ta daraxt va butalar kesilishi yuzasidan Obodonlashtirish boshqarmasi mansabdorlari va boshqalarga jinoyat ishi qo‘zg‘atildi. Daraxtlar kesilishi jamoatchilik noroziligiga sabab bo‘lgan, hokimlik mas’ullarga nisbatan qat’iy choralar ko‘rilishini va’da qilgandi. gazeta.uz »
Toshkentning Abdulla Qodiriy ko‘chasidagi sayilgoh atrofi obodonlashtirilmoqda. Ammo yuzdan ortiq daraxt tanasi salkam 1 metrgacha ko‘mib tashlangani xavotirlarni uyg‘otdi. Hokimlik bahorgacha har bir daraxt atrofi tuproqdan ochilishi, jarayon xavf tug‘dirmasligini aytmoqda. Gazeta vaziyatni o‘rgandi. gazeta.uz »
Poytaxtning Bobur ko‘chasida kesilgan daraxt va butalar soni 174 tani tashkil etdi, deb xabar berdi Ekologiya vazirligi. Kesilgan daraxtlarning 151 tasida yashovchanlik qobiliyati bo‘lgan. Zarar 1,46 mlrd so‘mga baholandi. gazeta.uz »
Ekologiya vazirligi Murod Nazarovning “daraxtlar banki” taklifini mavjud moratoriyga alternativ bo‘la olmasligini ta’kidladi. Shuningdek, vazirlik tadbirkorning daraxt kesishda qo‘llayotgan yondashuvlari bo‘yicha huquqni muhofaza qiluvchi organlar tomonidan to‘liq taftish o‘tkazilishi kerakligini ma’lum qildi. gazeta.uz »
Deputat Javlon Abdullayev Murod Nazarovning “daraxtlar banki” tashkil etish taklifiga munosabat bildirar ekan, buni ekologik jinoyat deb atadi. Ekopartiya vakili moratoriy sabab yil boshidan beri 453 mingdan ziyod daraxt kesilishi oldi olinganini ma’lum qildi. gazeta.uz »
O‘zbekiston va Mo‘g‘uliston prezidentlari turmush o‘rtoqlari bilan birgalikda Ulan Batordagi “Ix Tenger” davlat majmuasidagi bog‘da ko‘chat o‘tqazdi, mo‘g‘ullarning an’anaviy “Naadam” bellashuvlarini tomosha qildi. Foto. gazeta.uz »
Toshkentda sodir bo‘lgan kuchli shamol oqibatida daraxt ikki fuqaroni bosib qoldi. Ulardan biri og‘ir ahvolda shifoxona qabulxonasida vafot etgan. Ikkinchisi reanimatsiya bo‘limida davolanmoqda. gazeta.uz »
Tarmoqlarda Ipakchilik ilmiy-tadqiqot instituti hududidagi daraxtlar ko‘chirib o‘tkazilgani haqida xabarlar tarqaldi. Shayxontohur tumani hokimligi hududda ekopark tashkil etilishini ma’lum qildi. Ammo loyiha slaydida ko‘ngilochar bog‘ haqida so‘z boradi. Batafsil “Gazeta.uz” reportajida. gazeta.uz »
Tarmoqlarda Ipakchilik ilmiy-tadqiqot instituti hududidagi daraxtlar ko‘chirib o‘tkazilgani haqida xabarlar tarqaldi. Shayxontohur tumani hokimligi hududda ekopark tashkil etilishini ma’lum qildi. Ammo loyiha slaydida ko‘ngilochar bog‘ haqida so‘z boradi. Batafsil “Gazeta.uz” reportajida. gazeta.uz »
Samarqanddagi Kattaqo‘rg‘on davlat o‘rmon xo‘jaligida 10,5 gektar maydonda yong‘in chiqdi. 7,4 gektar yer zararlanib, 50 ming tupga yaqin yulg‘un va yana bir qancha boshqa daraxtlar shikastlandi. Tabiatga yetkazilgan zarar qariyb 1,9 milliard so‘mni tashkil etdi. Holat yuzasidan hujjatlar prokuraturaga topshirildi. gazeta.uz »
O‘zbekistonning turli hududlarida joylashgan 100 dan 1000 yoshgacha bo‘lgan 9 ta noyob daraxt MonumentalTrees.com xalqaro ro‘yxatiga kiritildi. Mamlakat umumiy hisobda 17 ta daraxt bilan Markaziy Osiyo davlatlari orasida mazkur xalqaro ro‘yxatga o‘z tabiiy meros obyektlarini kiritgan birinchi davlat bo‘ldi. gazeta.uz »
Surxondaryodagi ko‘chatxona loyihasi Afg‘oniston fuqarolari va ehtiyojmand mahalliy aholini birlashtirib, ularda “yashil” kelajakni yaratish va daxldorlik hissini kuchaytirdi. “Yashil makon” bosh rejasi butun mamlakat bo‘ylab yashil maydonlarni kengaytirishga yordam bermoqda. Akiko Fujii va Dumitru Lipkanu kolonkasi. gazeta.uz »
Oliy darajadagi O‘zbekiston-Yevropa muzokaralari daraxt ekish marosimi bilan yakunlandi. Shavkat Mirziyoyev, Ursula fon der Lyayen va Antoniu Koshta birgalikda Kongress markazi xiyoboniga ikkita eman daraxti o‘tqazdi, so‘ngra Samarqand shahridagi “Boqiy shahar” tarixiy-etnografik majmuasiga tashrif buyurdi. gazeta.uz »
Toshkentda birinchi jamoatchilik parki (sobiq astronomiya bog‘i) uchun 300 tup daraxt ekildi. Ekologiya vaziri Aziz Abduhakimovga ko‘ra, bog‘ Yaponiya tajribasi asosida barpo qilinmoqda, unda faqat mahalliy iqlimga mos daraxtlar ekiladi. gazeta.uz »
Ko‘kdala tumanida 103 tup ko‘ktol daraxtlari noqonuniy ravishda butunlay kesib tashlandi. Holat yuzasidan jinoiy ish ochildi. gazeta.uz »
Quvasoy shahrida 270 tup ko‘p yillik sog‘lom daraxtlar noqonuniy ravishda ko‘chirilib o‘tkazildi. 9 tup daraxt ko‘chirish jarayonida nobud bo‘lgan, qolganlarining nobud bo‘lishi xavfi bor. Tabiatga yetkazilgan zarar miqdori 1 mlrd 829 mln so‘mni tashkil etgan. gazeta.uz »
Buxoroda trassa rekonstruksiyasi uchun 1800 dan ortiq daraxt ko‘chirilmoqda. Internetda daraxtlar kovlab olingani aks etgan videolar paydo bo‘ldi. Rasmiylar bu ekome’yorlarga muvofiq amalga oshirilayotganini aytdi. gazeta.uz »
Zarbdor tumanidagi qabristonda fuqaro 19 tup daraxtni noqonuniy ravishda kesib tashlab, o‘simlik dunyosiga 435 mln 750 ming so‘m zarar yetkazdi. Navoiyda esa 4 tup daraxt kesgan shaxsdan 52,5 mln so‘m undirildi. gazeta.uz »
Prezident Toshkent atrofida “yashil belbog‘” barpo etish loyihasi doirasida daraxt o‘tqazdi. Yangi bog‘ poytaxt halqa yo‘li bo‘ylab yaratilmoqda. Tadbirda hukumat a’zolari, jamoatchilik vakillari va chet ellik diplomatlar ishtirok etdi. gazeta.uz »
2025-yilda “Yashil makon” ko‘chat ekish loyihasini amalga oshirish uchun qo‘shimcha 100 mlrd so‘m yo‘naltiriladi, dedi prezident. Endi daraxtlarni 3 yil parvarishlash xarajatlari investitsiya dasturiga kiritiladi va 16 million gektar yaylov yerlarini boshqarish Veterinariya qo‘mitasiga o‘tkaziladi. gazeta.uz »
O‘zbekistonda “Mahalla yettiligi” “Yashil makon” loyihasi doirasida har bir mahalladagi kam ta’minlangan oilalar va yolg‘iz keksalarga mevali daraxt ko‘chatlari tarqatadi. Maktab, oliygoh, shifoxonalar, yo‘l bo‘ylari va boshqa joylarda ham ko‘chatlar ekilishi rejalashtirilgan. gazeta.uz »
O‘zbekistonda yashillik darajasi 12 foizga yetdi. 2024-yil bahor mavsumida 138 mln dona ko‘chat ekildi. Prezident unda 28 ta tuman daraxt ekishda rejani bajarmaganini tanqid qildi. “Suv yo‘q joylarga daraxt ekilgani uchun minglab daraxt ko‘karmagan”, dedi u. Bosh prokuraturaga nazoratni kuchaytirish topshirildi. gazeta.uz »
Sergeli tumanida fuqaro 1 tup mojjevelnik (archa) kesgani aniqlandi. Oqibatda tabiatga 8,8 mln so‘m zarar yetgan. Huquqbuzar jami 17 mln 340 ming so‘m tovon to‘lashi belgilandi. Kompensatsiya tarzida esa 100 tup ko‘chat ekish majburiyati yuklatildi. gazeta.uz »
“Gazeta. uz” nashriga o‘quvchidan Toshkentdagi Taras Shevchenko ko‘chasi rekonstruksiyasida daraxt ildizi qo‘porilgani haqida xabar kelib tushdi. Videodan ko‘rinib turibdiki, ba’zi joylarda ekskavator kovshi yerni daraxt tanasiga yaqin joydan chopgan. gazeta.uz »
Sayxunobod tumanida 21 tup qayrag‘och daraxtini kesib, ularni sotgan uch kishi 2 yilga ozodlikdan mahrum qilindi. Qolaversa, 1 mlrd so‘mdan ortiq zarar undirishi belgilandi. gazeta.uz »
Yunusobod tumanida tunda ekskavator yordamida bir tup daraxtni qo‘porib olgan ikki shaxsga sud hukmi o‘qildi. Ularga 5 sutka qamoq va jarima jazosi tayinlandi, 27,8 mln so‘m zarar undirib olindi. gazeta.uz »
Veolia Energy Tashkent ustiga daraxt qulashi oqibatida halok bo‘lgan bir yoshli qizning oilasiga yordam ko‘rsatishini ma’lum qildi. Kompaniya ish jarayonlariga, jumladan, ta’mirlash ishlariga o‘zgartirishlar kiritishni rejalashtirmoqda. gazeta.uz »
Chilonzor tumanida daraxt qulab, 1 yoshli qiz vafot etgani yuzasidan jinoyat ishi qo‘zg‘atildi. Tekshiruvda suv quvurlarini ta’mirlaganlar qazish ishlarini olib borishi oqibatida bir tup daraxt ildizi ochilgani va o‘z vaznini ko‘tara olmay, yiqilgani aniqlandi. Hodisa sababli bitta avtomobilga ham zarar yetgan. gazeta.uz »
Chilonzor tumanida enagasi bolalar aravachasida olib ketayotgan 1 yoshli qizning ustiga daraxt quladi. Oqibatda bola voqea joyida halok bo‘ldi. gazeta.uz »
Toshkent viloyati Ohangaron tumanida noma’lum shaxs 1500 ga yaqin mevali va manzarali daraxtni yoqib yuborgani aytilmoqda. Ekologiya boshqarmasining ma’lum qilishicha, to‘plangan hujjatlar huquqni muhofaza qilish organlariga taqdim etilgan. gazeta.uz »
Quva tuman tumanidagi qabristondagi 62 tup archa daraxti tuman obodonlashtirish boshqarmasi xodimlari tomonidan o‘zboshimchalik bilan ostidan kesib tashlangani aniqlandi. Holat bo‘yicha jinoyat ishi qo‘zg‘atildi. gazeta.uz »
