Kambag - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda 2026-yil uchun hisoblangan minimal iste’mol xarajatlari qiymati bir oyda kishi boshiga 715 ming so‘mni tashkil etdi (+6,9 foiz). O‘tgan yili bu miqdor 669 ming so‘m edi. Mamlakatda bu ko‘rsatkich kambag‘allik chegarasini aniqlashda ishlatiladi. gazeta.uz »
Qoraqalpog‘istonni 2026-yilda rivojlantirish dasturlari tasdiqlandi. Unga ko‘ra, Nukus shahri, Qo‘ng‘irot va Chimboy tumanlarini ishsizlik va kambag‘allikdan xoli hudud qilish rejalashtirilgan. Respublika bo‘ylab ishsizlik darajasini 4,2 foizgacha, kambag‘allikni esa 3,2 foizgacha qisqartirish maqsad qilingan. gazeta.uz »
Shavkat Mirziyoyev Asaka, Oltinko‘l, Xo‘jaobod, Shahrixon tumanlari hamda Andijon shahrini ishsizlik va kambag‘allikdan xoli hududlarga aylantirish vazifasini qo‘ydi. Oltinko‘l, Izboskan, Asaka, Qo‘rg‘ontepa va Buloqboshida tomorqa maktablari tashkil etiladi. gazeta.uz »
O‘zbekistonda kambag‘allik chegarasini belgilovchi minimal iste’mol xarajatlari, e’lon qilish muddati 20-yanvargacha bo‘lishiga qaramay, haligacha ochiqlanmadi. IMV bu ko‘rsatkichning inflyatsiyadan farq qilishi sabablarini tushuntirib, ko‘p o‘lchovli kambag‘allik ko‘rsatkichini joriy etish ishlari ketayotganini bildirdi. gazeta.uz »
Prezident aholi bandligi va kambag‘allikni kamaytirishni muhokama qildi. Yil oxirigacha uning darajasi (yil boshidagi 8,9% dan) 6% ga, kelgusi yil esa 4,5% gacha tushishi kerak. Eng muammoli mahallalarga e’tibor qaratish, elektr, internet, tomorqadan foydalanish imkoniyatlarini kengaytirish vazifasi qo‘yildi. gazeta.uz »
Prezident mutasaddilarga Urgut tumanida kelasi yil kambag‘allik va ishsizlikni 2 foizdan tushirish vazifasini topshirdi. Uning aytishicha, hududdagi korxonalarning aksariyati mavjud quvvatidan to‘liq foydalanmayapti. gazeta.uz »
Prezident bandlik masalalarida ko‘zbo‘yamachilikka yo‘l qo‘yayotgan hokimlar faoliyatini tanqid qildi. To‘rt rahbar ishdan olindi, yana 20 nafar hokim, shu jumladan Toshkentning ikki tumani rahbarlariga chora ko‘riladi. gazeta.uz »
O‘zbekistonda kambag‘allikka qayta tushish xavfi mavjud oilalarga ijtimoiy yordam va imtiyozlar saqlab qolinadi. Ularga 6 oy mobaynida moddiy yordam va bolalar nafaqasi to‘lanishi davom ettiriladi, bog‘cha va 110 ta ijtimoiy xizmat va yordamdan 12 oy davomida qo‘shimcha foydalanish imkoni beriladi. gazeta.uz »
Endi “Kambag‘al oilalar reyestri”dagi oilalarning farzandlari oilaviy bog‘chalarga borsa, ota-onalar to‘lovining 40% qismi davlat hisobidan qoplanadi. Agar bu toifadagi tarbiyalanuvchilar belgilangan miqdordan oshib ketsa, kompensatsiya ketma-ketlik asosida beriladi. gazeta.uz »
Hukumat qarori bilan “Kambag‘al oilalar reyestri”ga kiritilgan oilalarga kreditlar ajratish tartibi tasdiqlandi. Kreditlar noutbuk, tadbirkorlikni boshlash uchun kichik ishlab chiqarish uskunalari hamda ko‘chma do‘kon, motoroller, skuter kabi boshqa asosiy vositalarni sotib olish uchun ajratiladi. gazeta.uz »
Iqtisodchi Behzod Hoshimov kambag‘allikka qarshi kurashda eng samarali usul iqtisodiy o‘sish ekanini ta’kidladi. Uning aytishicha, tadqiqotlar kambag‘allik masalasida Afrika mamlakatlari va Hindistondagi kabi eksperimental intervensiyalar uzoq muddatda yaxshi ta’sirga ega bo‘lmasligini ko‘rsatmoqda. gazeta.uz »
Namanganda “Kambag‘allikdan farovonlik sari” III xalqaro forumi yakunlandi. Uning doirasida 495 mln dollarli kelishuv va memorandumlar imzolandi. Kambag‘allikni qisqartirishning bozorga mos ko‘nikmalar, inklyuzivlik, iqlimga mos yechimlar, dalillarga asoslangan siyosat kabi yo‘nalishlari muhokama qilindi. gazeta.uz »
O‘zbekistonda kambag‘allikni qisqartirish bo‘yicha bandlik, ta’lim, tibbiyot, ijtimoiy himoya va infratuzilmani qamrab oluvchi kompleks dastur amalga oshirilmoqda. Prezident e’tibor nafaqat aholining kam ta’minlangan qatlamini ish bilan ta’minlash, balki barqaror ish o‘rinlari yaratishga qaratilayotganini aytdi. gazeta.uz »
Shavkat Mirziyoyev O‘zbekiston 2030-yilga qadar kambag‘allikni 2 karra qisqartirish bo‘yicha olgan majburiyatini barvaqt bajarishga harakat qilayotganini ta’kidladi. “2030-yilga borib, xalqaro mezonlarga ko‘ra, O‘zbekistonda mutlaq kambag‘allikka to‘liq barham berishga barcha imkoniyatimiz bor”, - dedi prezident. gazeta.uz »
Kambag‘allikni qisqartirish oson ish emas, daromadi past aholining eng oxirgi qatlamlarini kambag‘allikdan chiqarish esa yanada murakkab bo‘lib, birdamlik va hamkorlikni talab etadi. O‘zbekistonning bu yo‘nalishdagi yutuqlari va muammolari haqida - Diydor Berdiklichev va Ikuko Uochi maqolasida (+infografika). gazeta.uz »
Hukumat qaroriga ko‘ra, ishsiz aholi va “Kambag‘al oilalar reyestri”ga kiritilgan oilalardagi ishsizlarning kasb-hunar va xorijiy tillarga o‘qitish harajatlarini qoplab berish bo‘yicha vaucher tizimi joriy etiladi. gazeta.uz »
O‘zbekistonda 1-iyul holatiga ko‘ra, kambag‘allik darajasi 6,8 foizni tashkil qilmoqda, bu haqda Shavkat Mirziyoyevga tanishtirilgan taqdimotda so‘z boradi. Birinchi yarimyillikda 3 mln dan ziyod aholi daromadli mehnatga jalb qilingani qayd etildi. gazeta.uz »
O‘zbekistonda davlat kambag‘al oilalar farzandlari uchun IT, chet tillari va boshqa yo‘nalishlardagi to‘garaklar narxining 80% gacha qismini qoplaydigan tartib tasdiqlandi. To‘garak xarajatlarini qisman qoplash martdayoq rejalashtirilgan bo‘lib, bu uchun davlat budjetidan 200 mlrd so‘m ajratilgan. gazeta.uz »
Shahrisabzga poyezd safari chog‘ida prezident yo‘lsiz iqtisod bo‘lmasligini aytib, Qashqadaryoning ichki yo‘llarini yangilash bo‘yicha OTB bilan muzokaralar olib borishni buyurdi. U ishsizlik, kambag‘allikni qisqartirish, investitsiyalarni jalb qilganlik uchun hokimlar maoshlariga “ikki barobar bonus” berishni va’da qildi. gazeta.uz »
Prezident farmoniga binoan, 2025-yildan boshlab kambag‘al oilalar farzandlari uchun bir qator imtiyozlar joriy etiladi. “A’lo” bahoga o‘qigan talaba qizlarga qo‘shimcha stipendiya, maktab guruhlarida ajratiladigan alohida kvotalar va to‘liq qoplanadigan oromgohlar - shular jumlasidan. gazeta.uz »
Prezident farmoniga muvofiq, 2025-yil 15-maydan boshlab Kambag‘al oilalar reyestridagi va unga tushish xavfi bor oilalar “qizil”, “sariq” va “yashil” toifalarga bo‘linadi. Davlat tomonidan ko‘rsatiladigan ijtimoiy qo‘llab-quvvatlash choralari ushbu toifalarga qarab belgilanadi. gazeta.uz »
O‘zbekistonning energetika, transport va boshqa infratuzilmalarni rivojlantirishga yillik ehtiyoji YIMning qariyb 10 foizini ($11,5 mlrd) tashkil etadi, dedi bosh vazir o‘rinbosari Jamshid Xodjayev. Kelasi besh yilda elektr, suv va gaz taqsimlash tarmoqlarini boshqarish xususiy operatorlarga o‘tkaziladi. gazeta.uz »
Jahon bankiga ko‘ra, o‘zbekistonlik muhojirlar oqimi Qirg‘iziston va Tojikistonga qaraganda xilma-xilroq: ularning 57 foizi Rossiyani tanlaydi, 15 foizi Qozog‘istonda, 10 foizi Ukrainada ishlamoqda. O‘zbekiston YAIMda migrantlar o‘tkazmalari ulushi 14 foizni tashkil etadi, bu ham qo‘shnilarga qaraganda kamroq. gazeta.uz »
O‘zbekistonda Kambag‘al oilalar reyestriga kiritilgan oilalar a’zolariga o‘z faoliyatini boshlashi uchun zarur bo‘lgan asbob-uskunalarni xarid qilishga ajratiladigan subsidiyalar o‘rniga foizsiz ssuda ajratish tizimi joriy etiladi. gazeta.uz »
Prezident farmoni bilan 2025-yil 1-apreldan kambag‘al oilalar reyestriga kiritilgan oilalarni qo‘llab-quvvatlashning yangi instrumentlari joriy etiladi. Unga ko‘ra, texnogen hodisalar oqibatida zarar ko‘rgan oilalarga uy-joyini tiklash uchun yordam ko‘rsatiladi. gazeta.uz »
O‘zbekistonda 2025-yil uchun hisoblangan minimal iste’mol xarajatlari qiymati bir oyda kishi boshiga 669 ming so‘mni tashkil etdi (+3 foiz). Oxirgi marta bu miqdor energiya tariflari oshishi fonida 4,3 foizga (648 ming so‘mgacha) oshirilgandi. gazeta.uz »
2024-yil yakuniga ko‘ra, O‘zbekistonda kambag‘allik darajasi 11 foizdan 8,9 foizga kamaydi. Bandlik dasturlari tufayli 719 ming kishi kambag‘allikdan chiqarildi. Kambag‘allikning eng past ko‘rsatkichi Navoiy viloyatida (5,7 foiz), eng yuqori ko‘rsatkichi Xorazm viloyatida (11,9 foiz) qayd etilgan. gazeta.uz »
Kambag‘al oilalar reyestriga kiritilgan oilalar a’zolariga qishloq xo‘jaligi kooperativlari ustav fondiga ulush sifatida kiritish uchun BHMning 10 baravarigacha miqdorda subsidiyalar ajratiladi. gazeta.uz »
Samarqand viloyati va Toshkent shahrida 2025-yil 1-fevraldan sinov tariqasida kambag‘al oilalar a’zolarini kasb-hunarga o‘qitish xarajatlarini qoplab berish bo‘yicha vaucher tizimi joriy qilinadi. Loyiha 1-maygacha butun respublika bo‘ylab tatbiq etilishi rejalashtirilgan. gazeta.uz »
O‘zbekiston prezidenti 2025-yil ishsizlik va kambag‘allikni qisqartirishda hal qiluvchi yil bo‘lishini ta’kidladi. Bu uchun 1,5 mln aholi doimiy ishga joylashtirilib, 2 milliondan ziyod odam biznesga jalb qilinadi. gazeta.uz »
O‘zbekistonda kambag‘allik darajasi yil oxirigacha 9% ga tushadi, dedi prezident. Unga ko‘ra, agar tadbirkorlar bilan hamkorlik davom etsa, “kelgusi yillarda bu ko‘rsatkichni bemalol 6 foizga tushiramiz”. gazeta.uz »
Shavkat Mirziyoyev kambag‘al oilalardagi o‘zi harakatlana olmaydigan odamlarning 19 mingiga uyida va 4 mingiga kunduzgi qatnov asosida qarab turish yo‘lga qo‘yilishini ma’lum qildi. Bunda xususiy sektor ishtirok etadi va u xizmat ko‘rsatgan kambag‘al oilalar xarajatining 80 foizini davlat qoplab beradi. gazeta.uz »
2025-yildan oilaviy bog‘cha o‘rinlarining 15 foiziga kambag‘al oila farzandlari qabul qilinadi va to‘lovlari qisman qoplab beriladi. Prezident rektorlarga kambag‘al oiladan jami 4 ming nafar yoshni o‘qitishni topshirdi. gazeta.uz »
Prezident kelasi yilda Toshkent viloyatida 700 ming odamning bandligini ta’minlash, 22 ming oilani daromadli qilib, kambag‘allik darajasini hozirgi 7,2 foizdan 4 foizga kamaytirish, shuningdek, mehnat migrantlarini qaytarib, ularni ishga joylashtirish bo‘yicha topshiriqlar berdi. gazeta.uz »
Alisher Muratov kambag‘allikni qisqartirish va bandlik vaziri o‘rinbosari etib tayinlandi. U bungacha Biznesni rivojlantirish banki boshqaruvi raisi birinchi o‘rinbosari lavozimida ishlab kelayotgandi. gazeta.uz »
Xalq banki boshqaruv raisining birinchi o‘rinbosari bo‘lgan Zafar Azimov kambag‘allikni qisqartirish va bandlik vaziriga birinchi o‘rinbosar etib tayinlandi. gazeta.uz »
Prezidentga ijtimoiy himoyaga muhtoj bolalarni qo‘llab-quvvatlash choralari taqdim etildi. Bolani tarbiyaga berishda oila muhitini saqlab qolishga ustuvorlik beriladi, muassasa so‘nggi chora bo‘ladi. gazeta.uz »
O‘zbekistonda kam ta’minlangan oilalar gaz va elektr energiyasi uchun 270 ming so‘m miqdoridagi bir martalik kompensatsiya oladi. Pul kartalarga 27-noyabrdan keyin o‘tkaziladi. gazeta.uz »
O‘zbekistonda “Mahalla yettiligi” “Yashil makon” loyihasi doirasida har bir mahalladagi kam ta’minlangan oilalar va yolg‘iz keksalarga mevali daraxt ko‘chatlari tarqatadi. Maktab, oliygoh, shifoxonalar, yo‘l bo‘ylari va boshqa joylarda ham ko‘chatlar ekilishi rejalashtirilgan. gazeta.uz »
Prezident Toshkent viloyatida kambag‘allikka qarshi kurashish rejalarini ma’qullamadi. U hudud kichik biznes orqali aholini ishli qilishda eng oxirgi o‘rinlarda turganini tanqid qildi. “Bor imkoniyatlar va yaratib berilayotgan sharoitlar hisobiga viloyatda kambag‘al oila qolishining o‘zi uyat”, - dedi davlat rahbari. gazeta.uz »
Mahallabay ishlash agentligi tugatilib, uning vazifa va funksiyalari Bandlik vazirligiga o‘tkazildi. Vazirlik, shuningdek, ishsizlar hisobini yuritadi, ishga joylashtiradi, kasbga va tillarga o‘qitadi. gazeta.uz »
O‘zbekistonda kambag‘al oilalarga tadbirkorlik faoliyatini boshlash uchun qiymati 30 mln so‘mgacha bo‘lgan 5 yil muddatga bo‘lib-bo‘lib to‘lash sharti bilan garovsiz va foizsiz qarz ajratiladi. Mablag‘ kichik ishlab chiqarish uskunalari, ko‘chma do‘konlar va shu kabi boshqa asosiy vositalarni sotib olish uchun beriladi. gazeta.uz »
2025-yil 1-yanvardan kambag‘al oilalar farzandlarini davlat bog‘chalariga imtiyoz asosida qabul qilish boshlanadi. Shuningdek, 2025/2026 o‘quv yilidan ularning davlat OTM talabalar turar joylaridagi yashash xarajatlari Davlat budjetidan qoplab beriladi, “El-yurt umidi” jamg‘armasi alohida kvotalar ajratadi. gazeta.uz »
O‘zbekistonda 1-dekabrdan Ijtimoiy himoya milliy agentligi tomonidan Kambag‘al oilalar reyestri shakllantiriladi. Bu “mahalla yettiligi” tomonidan kambag‘al oilalarning ijtimoiy sharoiti va kambag‘allikka tushish sabablarini o‘rganish orqali amalga oshiriladi. gazeta.uz »
Toshkentning Shayxontohur tumaniga hokimlik qilgan Botir Zohidov kambag‘allikni qisqartirish va bandlik vaziri lavozimiga tasdiqlandi. gazeta.uz »
Kambag‘allikni qisqartirish va aholini ijtimoiy himoya qilish sohasidagi qonunchilikka rioya etilishi va uning ijrosi ustidan nazoratga mas’ul bo‘lgan bosh prokuror o‘rinbosari lavozimi kiritiladi. U kambag‘al oilalarga berilayotgan mablag‘lar egasiga yetib borishini va topshiriqlar ijrosini nazorat qiladi. gazeta.uz »
O‘zbekistonda bosh vazir o‘rinbosari boshchiligida kambag‘allikni qisqartirish masalalari bilan shug‘ullanuvchi komissiya tuziladi. U tumanlardagi rahbarlar faoliyatiga baho beradi va har oy prezidentga axborot kiritadi. gazeta.uz »
Endi kambag‘al oilalarda kamida 1 nafar oliy ma’lumotli kishi bo‘lishi uchun sharoit yaratiladi. Buning uchun, xususan, OTMlarga kirishda grant ballining 80 foizini to‘plagan kambag‘al oila farzandlariga qo‘shimcha grant ajratiladi. gazeta.uz »
Kambag‘al oilalarning ishga layoqatli a’zolarida bilim va ko‘nikma kam, bola parvarishi tufayli esa ayollarning 43 foizi ishga bora olmaydi. Prezident kambag‘allikni faqat pul tarqatish bilan hal qilib bo‘lmasligini aytdi va muammo sababi har xil ekan, yechimlari ham alohida bo‘lishi kerakligini ta’kidladi. gazeta.uz »
Prezident O‘zbekistonda kambag‘allikni qisqartirish umummilliy harakatga aylanishi va bu borada “juda katta” “Kambag‘allikdan farovonlik sari” dasturi tayyorlanayotganini aytdi. Jamshid Qo‘chqorovning tizimi oilalarni kambag‘allikdan olib chiqishga mas’ul etib belgilandi. gazeta.uz »
