ýëåêòð - Ïîñëåäíèå íîâîñòè [ Ôîòî â íîâîñòÿõ ] | |
1-iyundan O‘zbekistonda aholi va biznes uchun elektr hamda gaz tariflari o‘zgaradi. Rasmiylar iste’molning o‘sishi fonida energiya tizimini modernizatsiya qilish va ishonchliligini oshirish zarurligini ta’kidlamoqda. gazeta.uz »
Osiyo infratuzilma investitsiyalari banki Buxoroda quvvati 300 MVt bo‘lgan “Bash II” shamol elektr stansiyasi qurilishi uchun 107 mln dollar miqdorida kredit ajratdi. ACWA Power kompaniyasi bilan hamkorlikda amalga oshirilayotgan ushbu loyiha 336 ming xonadonni elektr bilan ta’minlashi kutilmoqda. gazeta.uz »
2026-yilning I choragida O‘zbekistonda 45,2 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 73,9 mlrd so‘m subsidiya oldi. Shundan 45,5 mlrd so‘m mart oyiga to‘g‘ri keradi. gazeta.uz »
O‘zbekistonda elektroenergiya yo‘qotishlari 20 foizdan oshgan 44 ta tuman va shahar elektr ta’minoti korxonalari rahbarlari ishdan olindi. Yaqinda prezident ularni yosh kadrlar bilan almashtirish topshirig‘ini bergandi. gazeta.uz »
Poytaxtdagi tumanlardan birining elektr tarmoqlari korxonasi ikki xodimi $8 ming pora olayotganida qo‘lga tushdi. Ular bank binosidagi nosoz hisoblagich bo‘yicha yozilgan 400 mln so‘mlik jarimani kamaytirib bermoqchi bo‘lgan. gazeta.uz »
O‘zbekistonda aholi uchun elektr energiyasi va gaz tariflarini navbatdagi marta oshirish masalasi ko‘rib chiqilmoqda. Tariflarni har yili 1-maydan boshlab inflyatsiyani hisobga olgan holda, biroq 10 foizdan oshirmasdan ko‘tarish rejalashtirilgan edi (mart oyida yillik inflyatsiya ko‘rsatkichi 7,1 foizgacha sekinlashgan). gazeta.uz »
Yo‘l harakati xavfsizligi xizmati elektr samokatlar uchun “prava” kerakligi haqidagi xabarlarni rad etdi. A1 toifasidagi guvohnoma faqat mopedlar va skuterlarga taalluqli bo‘lib, shaxsiy harakatlanish vositalari, jumladan, samokatlar uchun talab etilmaydi. gazeta.uz »
Buxoro viloyati Kogon tumanida yiliga 80 mingta elektr va gibrid avtomobil ishlab chiqarishni yo‘lga qo‘yish rejalashtirilgan. Loyihaning qiymati 350 million dollarni tashkil etib, 500 ta ish o‘rni yaratiladi. gazeta.uz »
Kubada to‘liq blekaut sodir bo‘ldi - 10 millionga yaqin aholi chiroqsiz qoldi. AQSh neft blokadasini joriy etgach, yonilg‘i yetkazib berish to‘xtagandi. Buning ortidan mamlakat energetika inqirozini boshdan kechirmoqda. gazeta.uz »
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi. gazeta.uz »
O‘zbekistonda elektr, gaz va boshqa muhandislik tarmoqlariga noqonuniy ulanganlik uchun javobgarlik kuchaytirildi. Yangi qonunga ko‘ra, jarimalar oshirildi, takroran sodir etilsa jinoiy javobgarlik qo‘llanadi. gazeta.uz »
Taxiatosh IES aksiyalari Davlat aktivlari agentligidan “Issiqlik elektr stansiyalari” davlat kompaniyasiga o‘tkaziladi. 2023-yil sentabridan u Smart Integrity me ishonchli boshqaruvida edi, ammo bu davrda moliyaviy hisobotlar stansiya faoliyatida sezilarli yaxshilanish bo‘lganini ko‘rsatmadi. gazeta.uz »
Raqobat qo‘mitasi asossiz qarzdorlik bilan elektr ta’minotiga kiritilgan vaqtinchalik cheklovlarni qayta ko‘rib chiqish yuzasidan Chiqindilarni boshqarish agentligiga so‘rov yubordi. Hozirda chiqindidan 15,8 mlrd so‘mlik qarzdorlik uchun 199 mingga yaqin abonentning elektr energiyasi to‘loviga cheklov o‘rnatilgan. gazeta.uz »
Prezident 903 ta “og‘ir” mahallada kichik quyosh elektr stansiyalari qurilishini ta’kidlagandi. Ular uchun 230 mln dollar ajratilishi belgilandi. 1-avgustga qadar ushbu stansiyalarni “og‘ir” mahallalarda daromad keltiradigan aktiv sifatida ishga tushirish rejalashtirilgan. gazeta.uz »
Qoraqalpog‘istonda chiqindidan elektr ishlab chiqaradigan zavod qurilishi boshlandi. 80 mln dollarlik loyiha yiliga 274 ming tonna chiqindini qayta ishlab, 80 mln kVt/soat energiya ishlab chiqaradi va 100 ta ish o‘rni yaratadi. gazeta.uz »
2025-yilda O‘zbekistonda 45,3 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 209,2 mlrd so‘m subsidiya oldi. Jami 268,7 mingta subsidiya rasmiylashtirildi, shundan 16,3 mingtasi - dekabrda. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
Sovuq mavsumda energiya iste’moli oshishi kutilmoqda, ayrim hududlarda vaqtinchalik texnik cheklovlar qo‘llanishi mumkin, deb ogohlantirdi Energovazirlik. Ammo aholi va ijtimoiy obyektlarni elektr energiyasi bilan ta’minlash ustuvor vazifaligicha qoladi. Energoresurslardan oqilona foydalanish tavsiya etilmoqda. gazeta.uz »
O‘zbekistonda chiqindi xizmatidan 1-iyuldan boshlab shakllangan qarzdorliklar to‘lanmagani uchun 205 mingga yaqin abonentning elektr to‘loviga vaqtincha cheklov o‘rnatildi. Ayni paytda chiqindi xizmatlaridan jami 18,2 mlrd so‘m debitor qarzdorlik mavjud. gazeta.uz »
Sirdaryo IESda nosoz gaz turbinasi rotori almashtirilayotgani bois quvvatlarning bir qismi ta’mirlashga olindi. Energetika vazirligi kechalari elektr ta’minotida qisqa muddatli uzilishlar bo‘lishi mumkinligi haqida ogohlantirdi. O‘rnatish ishlari taxminan bir oy davom etadi. gazeta.uz »
ACWA Power qurgan yangi Sirdaryo IESda nosoz gaz turbinasi rotori almashtirilmoqda, quvvatning bir qismi ta’mirga yo‘naltirilgan. Energetika vazirligi kechki soatlarda elektr ta’minotida qisqa muddatli uzilishlar bo‘lishi mumkinligi haqida ogohlantirdi. Montaj ishlari bir oycha davom etadi. gazeta.uz »
Prezident O‘zbekistonning 4 viloyatida elektr tarmoqlarini boshqarish xususiy operatorlarga o‘tkazilishini ma’lum qildi. Uning qo‘shimcha qilishicha, Samarqandda boshqaruv Aksa Elektrik`ga o‘tkazilganidan so‘ng, Jizzax, Sirdaryo, Namangan va Toshkent viloyatlarida ham shunday loyihalar investorlarga taklif etiladi. gazeta.uz »
O‘zbekistonda mol-mulk va yer solig‘i bo‘yicha umumiy summasi 1 mln so‘mdan oshgan soliq qarzdorligini undirishda elektr energiyasining billing tizimi mexanizmidan foydalanishni joriy etiladi. Avvalroq chiqindidan qarzdorlarning elektr energiyasiga to‘lov qilish imkoniyatini cheklash yo‘lga qo‘yilgan edi. gazeta.uz »
Chust tumanidagi 10 gektar yerda chiqindini yoqish orqali elektr energiyasi ishlab chiqaruvchi zavod qurilishi boshlandi. Loyihaga China Everbright International kompaniyasi tomonidan 141,5 mln dollar investitsiya kiritilgan bo‘lib, korxona yiliga 227,5 mln kVt/soat elektr ishlab chiqarilishi kutilmoqda. gazeta.uz »
Shu paytgacha “O‘zbekiston milliy elektr tarmoqlari” raisi birinchi o‘rinbosari bo‘lib ishlagan Abdumalik Nazirov shu tashkilot rahbariga aylandi. Avvalroq MET sobiq rahbari “O‘zenergoinspeksiya” boshlig‘i etib tayinlangandi. gazeta.uz »
O‘zbekiston, Qozog‘iston va Qirg‘iziston suv-energetika sohasida hamkorlikni yanada rivojlantirish parametrlarini kelishib oldi. Bunda qozoq va o‘zbek tomoni kuz-qish mavsumida Qirg‘izistonga elektr yetkazib beradi. gazeta.uz »
Turkiyaning Aksa Enerji kompaniyasi Samarqand viloyati elektr taqsimlash tarmog‘ini boshqarish va modernizatsiya qilish bo‘yicha xalqaro tenderda g‘olib chiqdi. Kompaniya 30 yillik boshqaruv davomida $1 mlrd investitsiya kiritmoqchi. Yana 9 ta ishtirokchi loyihaga qiziqish bildirgan. gazeta.uz »
O‘zbekiston 2026-yilda ham Afg‘onistonga elektr energiyasini yetkazib berishda davom etadi. Tegishli shartnoma Energetika vazirligi va DABS kompaniyasi o‘rtasida imzolandi. Afg‘onistonda yuqori kuchlanishli elektr uzatish tarmoqlari va podstansiyalari qurilishini yanada jadallashtirish masalalari muhokama qilindi. gazeta.uz »
Elektr taqchilligi fonida Qirg‘iziston hukumati barcha hukumat binolarida soat 18:00 dan 6:00 gacha elektr ta’minotini to‘xtatishni buyurdi va mayning fermalari faoliyatini vaqtincha taqiqladi. Qirg‘iziston prezidenti ham aholini energiyani tejashga chaqirdi. gazeta.uz »
Afg‘onistonning DABS energetika kompaniyasi ma’lum qilishicha, elektr uzatish liniyalariga zarar yetkazgan zilziladan so‘ng O‘zbekistondan Afg‘onistonga elektr ta’minoti tiklandi. Kobul va Bag‘lon jumladan 11 ta hududda elektr ta’minoti qayta yo‘lga qo‘yildi. gazeta.uz »
Farg‘ona tumanida maishiy chiqindilardan elektr energiyasi ishlab chiqaruvchi korxona qurilishi boshlandi. Loyihaga Xitoyning China Everbright International Ltd kompaniyasi qariyb $150 mln sarmoya kiritmoqda. gazeta.uz »
2025-yilning yanvar-sentabrida O‘zbekistonda 35 284 nafar fuqaro elektr tarmoqlariga o‘tkazilgan quyosh energiyasi uchun davlat budjetidan subsidiya oldi. “Quyoshli xonadon” dasturi doirasida to‘langan mablag‘lar jami 153 643 mlrd so‘mni tashkil etdi, shuning qariyb beshdan bir qismi sentabr oyiga to‘g‘ri keldi. gazeta.uz »
Sirdaryoda 3 nafar fuqaro baliq ovlab, tabiatga 520 mln so‘m zarar yetkazdi. Ular Sirdaryo tumanida Sho‘razak zovuridan taqiqlangan ov quroli, ya’ni elektr qarmoq yordamida 38 dona baliqni noqonuniy ovlagan. gazeta.uz »
Sirdaryoda 3 nafar fuqaro baliq ovlab, tabiatga 520 mln so‘m zarar yetkazdi. Ular Sirdaryo tumanida Sho‘razak zovuridan taqiqlangan ov quroli, ya’ni elektr qarmoq yordamida 38 dona baliqni noqonuniy ovlagan. gazeta.uz »
O‘zbekiston to‘liq elektr energiyasi ishlab chiqarish quvvatiga ega va qishda cheklovlar kutilmayapti (favqulodda vaziyatlardan tashqari), dedi energetika vaziri. Uning ta’kidlashicha, asosiy muammolar 35 foizi 40 yildan ortiq vaqt davomida ishlayotgan elektr tarmog‘ining eskirishi bilan bog‘liq. gazeta.uz »
500 kV quvvatli “Puli-Xumri” elektr uzatish liniyasi tarmog‘i tugallangach, O‘zbekiston Afg‘onistonga elektr energiyasi eksportini bir necha barobarga oshirishi mumkin, dedi energetika vaziri Jo‘rabek Mirzamahmudov. gazeta.uz »
Gaz tarmog‘iga ulanmagan uylarda yashovchilar uchun elektr energiyasi to‘lovi bo‘yicha imtiyozlar loyihasi qo‘shimcha infratuzilma hisob-kitoblarini talab qiladi, dedi energetika vaziri Jo‘rabek Mirzamahmudov. gazeta.uz »
Iqtisodiyotning barcha tarmoqlariga sun’iy intellektni joriy etish O‘zbekistonning arzon va raqobatbardosh elektr energiyasiga ehtiyojini oshiradi. Prezident SIga talabni inobatga olgan holda energetika infratuzilmasini rivojlantirishni topshirdi. gazeta.uz »
Dushanbeda 2030-yilgacha yo‘llar va piyodalar o‘tish joylarida elektr samokatlar va skuterlarda harakatlanish taqiqlandi. Alohida ajratilgan joylar mustasno. Rasmiylar samokatlar va skuterlar bilan bog‘liq YTHlar sonini shu orqali kamaytirish niyatida. gazeta.uz »
Avgust oyida O‘zbekistonda 3,53 mlrd kub metr - o‘tgan yilgidan 6,6% kam gaz qazib olindi. Bahordagi qisqa muddatli barqarorlashuvdan keyin ketma-ket uchinchi oy tushish kuzatilmoqda. Oy davomida neft, benzin va ko‘mir ishlab chiqarish ham qisqardi, elektr energiyasi esa o‘sdi. gazeta.uz »
Prezident mutasaddilarga 2 haftada kuz-qish mavsumiga shay bo‘lish uchun muhlat berdi. Toshkentda ko‘p qavatli uylardagi barcha ishlar 1-oktabrga qadar yakunlanishi, hududlarga 330 ming tonna suyultirilgan gaz yetkazib berilishi, energetika vazirligi va tarmoq tashkilotlari 24/7 rejimga o‘tkazilishi kerak. gazeta.uz »
Toshkent issiqlik elektr markazida energiya ishlab chiqarish to‘liq gazga o‘tkazildi: endi mazut ishlatilmaydi, asosiy faoliyat esa gaz turbinali qurilmalar va kogeneratsiya texnologiyalariga tayanadi. gazeta.uz »
Toshkent shahrini Toshkent viloyatining barcha tumanlari bilan tezyurar elektr poyezdlari orqali bog‘lash rejalashtirilmoqda. Bu prezident topshirig‘i. Bu orqali u yerlarda ham yangi uy-joylar, infratuzilma va xizmatlarga talab oshadi, odamlar poytaxtga qatnab ishlashi mumkin bo‘ladi, dedi u. gazeta.uz »
Toshkentning Chilonzor tumanida elektr quvvatlagichda turgan elektromobil yonib ketdi. Yong‘in oqibatida jabrlanganlar yo‘q. FVB va IIBB YHXB mas’ul xodimlari tomonidan dastlabki surishtiruv ishlari olib borilmoqda. gazeta.uz »
Turkmanboshida O‘zbekiston, Turkmaniston va Ozarbayjon yetakchilari muzokaralar yakunida OAVga bayonot berdi. Uglevodorod konlarini o‘zlashtirish va ishlab chiqarilgan elektr energiyasini eksport qilish imkoniyati ko‘rib chiqildi. gazeta.uz »
Markaziy bank sharhiga ko‘ra, elektr va gaz uzilishlari hamda yoqilg‘i narxlarining oshishi biznesning to‘liq quvvatda ishlashi uchun asosiy to‘siq bo‘lib qolmoqda. Shuningdek, cheklovchi omillar qatorida aylanma mablag‘lar yetishmasligi, soliq tizimidagi murakkabliklar, ijara xarajatlarining yuqoriligi sanab o‘tilgan. gazeta.uz »
Toshkentdagi podstansiyalar, transformatorlarni ta’mirlash va qurish, yangi liniyalarni yotqizishga 200 mln dollardan ortiq mablag‘ yo‘naltiriladi, dedi hokim Shavkat Umurzoqov. “Budjetdan bo‘lmaydi, prezident moliyalashtirish manbalarini belgilab berdi, bu dushanbadan ishni boshlashimizga imkon beradi”, - dedi u. gazeta.uz »
Bino va inshootlarni qurish uchun ruxsatnomalar elektr energiyasining zarur hajmi hisoblab chiqilgan va ta’minlangandan keyingina beriladi, dedi qurilish va uy-joy kommunal xo‘jaligi vaziri. Unga ko‘ra, tarmoqdagi cheklovlarni bartaraf etadigan va “elektr halqasi” deb ataluvchi tizim yaratiladi. gazeta.uz »
Ikki yil davomida Toshkent shahri elektr ta’minotini modernizatsiya qilish uchun 2,8 trln so‘m yo‘naltirildi, biroq tarmoq va uskunalarning aksariyati eskiligicha qolmoqda. Prezident topshirig‘iga ko‘ra, tarmoqni yangilashning birinchi bosqichi kuz-qish mavsumi boshlangunga qadar nihoyasiga yetkaziladi. gazeta.uz »
2025-yilning birinchi yarmida O‘zbekistonda 28 538 nafar fuqaro elektr tarmoqlariga o‘tkazilgan quyosh energiyasi uchun davlat budjetidan subsidiya oldi. “Quyoshli xonadon” dasturi doirasida to‘langan mablag‘larning umumiy summasi 63,498 mlrd so‘mni tashkil etdi, shuning uchdan bir qismi iyun oyiga to‘g‘ri keldi. gazeta.uz »
