Qurish - Ïîñëåäíèå íîâîñòè [ Ôîòî â íîâîñòÿõ ] | |
Osiyo infratuzilma investitsiyalari banki Buxoroda quvvati 300 MVt bo‘lgan “Bash II” shamol elektr stansiyasi qurilishi uchun 107 mln dollar miqdorida kredit ajratdi. ACWA Power kompaniyasi bilan hamkorlikda amalga oshirilayotgan ushbu loyiha 336 ming xonadonni elektr bilan ta’minlashi kutilmoqda. gazeta.uz »
Shavkat Mirziyoyev Rossiya prezidenti administratsiyasi rahbarining birinchi o‘rinbosari Sergey Kiriyenko boshchiligidagi delegatsiyani qabul qildi. Tomonlar birinchi AES qurilishi loyihasini amalga oshirish va tinch atom sohasidagi hamkorlikni muhokama qildi. gazeta.uz »
So‘x eksklaviga Farg‘onaning O‘zbekiston tumani orqali o‘tuvchi eng qisqa yo‘nalish bo‘yicha yo‘l qurish reja qilinmoqda. Avtomobil yo‘llari qo‘mitasi raisining aytishicha, bu borada qo‘shni davlatlar bilan muzokaralar olib boriladi. gazeta.uz »
O‘zbekiston hukumati Buxoro yangi xalqaro aeroportini qurish va ekspluatatsiya qilish loyihasiga qiziqish bildirgan kompaniyalar uchun malaka so‘rovini (RfQ) tayyorlamoqda. Avvalroq aeroport qurilishi bo‘yicha xususiy sherik sifatida Enter Engineering kompaniyasi ko‘rsatilgandi. gazeta.uz »
Yuqori Chirchiq tumanida Koreyaning Haehan Architecture kompaniyasi bilan hamkorlikda 400 gektarlik Tashkent medical smart city qurish rejalashtirilmoqda. Sarmoya miqdori 5 mlrd dollar. Loyiha doirasida tibbiyot muassasasi, maktab, bog‘cha, koreys uslubidagi kvartal va boshqa inshootlar barpo etiladi. gazeta.uz »
Prezidentga Toshkent shahrini kompleks rivojlantirish rejalari taqdimot qilindi. Shota Rustaveli ko‘chasidagi BRT tizimi yana 10 ta ko‘chada paydo bo‘ladi. Mahallalarni obodonlashtirish, gastronomik ko‘chalar qurish va sug‘orish tizimlarini yangilash ishlariga mahalliy budjetdan 1 trln so‘m yo‘naltiriladi. gazeta.uz »
Amerikaning Gulf kompaniyasi O‘zbekistonning barcha hududlarida 100 tagacha yoqilg‘i quyish shoxobchasi qurishni rejalashtirmoqda. Loyiha to‘liq xorijlik investor tomonidan amalga oshirilishi kutilmoqda, “O‘zbekneftgaz” esa davlat hamkori sifatida ishtirok etadi. gazeta.uz »
Prezident Jizzax viloyatiga tashrifi yakunida yangi loyihalar taqdimoti bilan tanishdi. Xususan, Aydar-Arnasoy ko‘llar tizimi qirg‘og‘ida zamonaviy turizm markazi qurish rejalashtirilmoqda. “Agar imkoniyatlardan to‘g‘ri foydalanilsa, Zomin tumani ishsizlikdan xoli hudud bo‘la oladi”, - dedi davlat rahbari. gazeta.uz »
Transport vaziri Ilhom Mahkamov 2025-yilda Taxtaqoracha dovonida pulli tunnel qurish loyihasini ishlab chiqishni yakunlab, xususiy tadbirkor bilan shartnoma imzolanishini ma’lum qildi. Tunnel 7 km bo‘ladi, uni qurish uchun 3 ta kompaniya da’vogarlik qilmoqda. gazeta.uz »
“O‘zatom” va “Rosatom” O‘zbekistonda katta atom elektr stansiyasini qurish loyihasi shartlari to‘g‘risidagi bitimni imzoladi. Katta stansiya qurilishi haqida 2018-yilda kelishib olingan, biroq mamlkatda yaqin vaqtgacha bu muhokama qilinmagan. Kichik AES loyihasiga o‘zgartirishlar kiritilishi mumkin. gazeta.uz »
Qozog‘iston mamlakatdagi ikkinchi AESni qurish uchun Xitoy Milliy Yadro Korporatsiyasini tanladi. Qozog‘iston birinchi atom elektr stansiyasini qurish bo‘yicha konsorsiumga rahbarlik qilish uchun “Rosatom”ni tanlagan edi. gazeta.uz »
Hozirda Markaziy Osiyo, Ozarbayjon va Mo‘g‘ulistonda sakkizta yangi shahar qurilyapti. Ushbu loyihalarning barqarorligi dastlabki yondashuvlarga bog‘liq. BCG kompaniyasining Markaziy Osiyodagi loyihalar direktori Pavel Zolotaryov hududlarni muvaffaqiyatli rivojlantirishning asosiy tamoyillari haqida so‘zlab berdi. gazeta.uz »
Prezident Shavkat Mirziyoyevning Budapeshtga tashrifi chog‘ida O‘zbekiston va Vengriya yirik parrandachilik fermalari qurish, baliq urug‘ini yetkazib berish, kartoshkani chuqur qayta ishlash bo‘yicha loyihalarni ishga tushirishga kelishib oldi. gazeta.uz »
O‘zbekistonda modulli mehmonxonalar qurish va jihozlash xarajatlarining bir qismini qoplash uchun ajratiladigan subsidiya miqdori oshirildi. Muddati esa 2027-yil 1-yanvargacha uzaytirildi. gazeta.uz »
O‘zbekistonda AES qurish direksiyasi stansiyani loyihalash va qurishga tayyorgarlik qanday olib borilayotgani, shuningdek, mahalliy va xorijiy kompaniyalar bilan hamkorlik rejalari bilan o‘rtoqlashdi. gazeta.uz »
Prezidentga energetika sohasida amalga oshirilayotgan loyihalar haqida ma’lumot berildi. 2026-yil oxirigacha tadbirkorlar tomonidan 3 mingga yaqin kichik GES qurilish reja qilingan. Shavkat Mirziyoyev kichik AES qurilishi bilan bog‘liq tadbirlarni jadallashtirish bo‘yicha topshiriq berdi, dedi “O‘zatom” rahbari. gazeta.uz »
Prezident Bo‘stonliqdagi “Chorvoq darvozasi” majmuasi, Toshkent shahri Yashnobod tumanida qurilishi rejalashtirilayotgan okeanarium va Yakkasaroydagi turar joy hamda ishbilarmonlik markazi loyihalari taqdimoti bilan tanishdi. gazeta.uz »
“O‘zbekiston temir yo‘llari”ning Toshkent yo‘lovchi vagonlari qurish zavodidagi ulushi yakuniy benefitsiari Rossiya kompaniyasi hisoblanadigan Transport Engineering Center nazoratiga o‘tdi. Kuzatuv kengashi tarkibiga Rossiyaning “Transmashxolding” kompaniyasi top menejerlari kiradi. gazeta.uz »
Toshkent yo‘lovchi vagonlarini qurish va ta’mirlash zavodi “Yangi O‘zbekiston” nomli yangi kupe va platskart vagonlarni ishlab chiqardi. Mazkur dizel poyezd Toshkent - Buxoro - Toshkent yo‘nalishiga chiqarilishi kutilmoqda. Foto. gazeta.uz »
Prezident huzuridagi yig‘ilishda katta quvvatli atom elektr stansiyasining texnik-iqtisodiy jihatlari hamda uni barpo etish rejalari ko‘rib chiqildi. Shuningdek, Shavkat Mirziyoyevga kichik quvvatli AES loyihasining borishi, ruxsatnomalar olish va moliyalashtirish masalalari bo‘yicha axborot berildi. gazeta.uz »
Qurilish vazirligi va Golden House kompaniyasi Toshkentdagi “Anhor Lokomotiv” bog‘ida turar joy va biznes majmualari qurilishi haqidagi ma’lumotni rad etdi. Bog‘ hududidagi savdo markazi egasi o‘z huquqlarini boshqa kompaniyaga o‘tkazishni rejalashtirmoqda, u savdo markazi o‘rnida yangi bino quradi. gazeta.uz »
O‘zbekiston kichik AES qurish bo‘yicha xalqaro konsorsium tuzadi. Bunday stansiyalarni boshqa hududlarda ham qurish masalasi ko‘rib chiqiladi. “Prezident islohotlari katta miqdordagi elektrni talab qiladi, atom energetikasi esa iqtisodiy taraqqiyotni ta’minlaydi, deb hisoblaymiz”, - dedi “O‘zatom” rahbari. gazeta.uz »
Qozog‘istondagi birinchi AES uchun texnologiya yetkazib beruvchilar short-listiga to‘rt mamlakat, jumladan, Rossiyaning “Rosatom” va Xitoyning CNNC kompaniyalari kiritildi. Avvalroq prezident Qosim-Jomart Toqayev hukumatga AES qurilishini jadallashtirish va yadro klasterini yaratishni boshlashni buyurgandi. gazeta.uz »
Toshkent-Andijon pulli avtomobil yo‘lini davlat-xususiy sheriklik asosida loyihalashtirish, qurish, moliyalashtirish, boshqarish va texnik xizmat ko‘rsatish yuzasidan tender e’lon qilindi. Loyihaning birinchi bosqichi umumiy uzunligi 171 kilometrni tashkil etadi (Toshkentdan Angrengacha va Qamchiq dovoni). gazeta.uz »
O‘zbekistonda joriy yilda renovatsiya dasturi asosida 20 ming xonadon qurish rejalashtirilgan, deyiladi prezident bilan uchrashuvda. Davlat rahbari bu boradagi ishlar mamlakatning qator shahar va tumanlarida allaqachon boshlanganini, buni boshqa hududlarda ham ommalashtirish zarurligini ta’kidladi. gazeta.uz »
Shavkat Mirziyoyev O‘zbekistonda bundan buyon qurilishga salohiyatli developerlarni jalb qilish maqsadida ko‘p qavatli uy qurish uchun yerlar auksionda faqat QQS to‘lovchi yuridik shaxslarga sotilishini ma’lum qildi. gazeta.uz »
Turkiya kompaniyasi Chilonzor hokimi o‘rinbosari bilan muzokarada “Beshyog‘och” bozori o‘rnida yirik biznes markazi qurishni taklif qildi. Hokimlik loyiha hozircha muhokama bosqichida ekanini aytdi: “Ayni vaqtda loyiha aniq amalga oshishi, uning muddatlari va qiymati haqida hech qanday rejalar yo‘q”. gazeta.uz »
Senat qo‘mitasida Andijondagi istirohat bog‘ida charxpalak qurish loyihasi tadbirkorlik xususiyatiga ega bo‘lishiga qaramay, “Tashabbusli budjet”ning ovoz berish bosqichiga o‘tkazilgani va g‘olib deb topilgani keskin tanqid qilindi. gazeta.uz »
O‘zbekiston sakkizta chiqindi yoqish zavodi qurish va Ohangaron poligonida chiqindi gazini qayta ishlashni rejalashtirmoqda, loyihalarga qariyb 1,3 mlrd dollar investitsiya kiritish kutilyapti. “Bular shunchaki zavod emas, hayot-mamotimizni hal qiladigan masalalardan biri”, - dedi prezident. gazeta.uz »
Qozog‘iston hukumati AES qurish bo‘yicha beshtagacha davlatni o‘z ichiga oladigan xalqaro konsorsium tuzish niyatida. Yetkazib beruvchilarni tanlash bo‘yicha qaror kelasi yili qabul qilinadi. gazeta.uz »
Rossiyaning “Gazprom neft” kompaniyasi O‘zbekistonda avtomobillarga yoqilg‘i quyish shoxobchalari tarmog‘ini qurish imkoniyatini muhokama qilmoqda, dedi kompaniya rahbari. Energetika vazirligi ushbu kompaniyani O‘zbekistonda yoqilg‘i quyish shoxobchalari qurilishiga jalb qilish rejalari haqida xabar berdi. gazeta.uz »
O‘zbekistonda 2025-yilgacha 16 qavatdan yuqori binolar qurish bo‘yicha Toshkent arxitektura-qurilish universiteti qoshida alohida Konstruktorlik byurosi tashkil qilinadi. Prezident qurilishdagi o‘zgarishlardan orqada qolmaslik uchun Shaharsozlik normalari va qoidalarini muntazam yangilab borish kerakligi ta’kidlandi. gazeta.uz »
2023-yil iyulida Ekovazirlik rad javobidan keyin Surxondaryo va Buxorodagi avtomobil yo‘li qurilishida o‘n minglab daraxt kesilishi to‘xtatib qolingandi. Vazirlik “inson hayoti xavfsizligini ta’minlash nuqtai nazaridan” loyihani amalga oshirish masalasi hukumat komissiyasida ko‘rib chiqilayotganini ma’lum qildi. gazeta.uz »
Prezident poytaxtning Temur Malik ko‘chasidagi yangi yo‘l o‘tkazgichni borib ko‘rarkan, Toshkent halqa avtomobil yo‘lining boshqa tirband chorrahalarida ham shunday yo‘l o‘tkazgichlar qurishni buyurdi, deya ma’lum qildi Avtomobil yo‘llari qo‘mitasi rahbari Jamshid Tursunov. gazeta.uz »
Raqobat qo‘mitasi “Toshkent yo‘lovchi vagonlarini qurish va ta’mirlash zavodi” AJ “Raqobat to‘g‘risida”gi qonunning 29-moddasi talablarini buzgani haqida xabar berdi. Korxonaning 2,8 mlrd so‘mdan ortiq tender savdolari yuzasidan o‘rganish olib borilgan. gazeta.uz »
Ostonada Qozog‘istondagi birinchi atom elektr stansiyasini qurish bo‘yicha so‘nggi ommaviy eshituvlar bo‘lib o‘tdi. Avvalroq prezident Qosim-Jomart Toqayev AES bo‘yicha referendum kuzda bo‘lib o‘tishini ma’lum qilgandi. gazeta.uz »
Buxoro shahrida ko‘p qavatli uylar qurish bilan shug‘ullangan “Humo Aziya” MCHJ rahbari qo‘lga olinib, unga nisbatan jinoyat ishi qo‘zg‘atildi. Shaharning Islom Karimov va Sadriddin Ayniy ko‘chalaridagi ko‘p qavatli uylarni sotib olish uchun shartnoma imzolagan fuqarolardan Tergov bo‘limiga murojaat qilishlari so‘raldi. gazeta.uz »
Qozog‘iston prezidenti Qosim-Jomart Toqayev 2024-yilning kuzida mamlakatda atom elektr stansiyasini qurish bo‘yicha referendum o‘tkazilishini ma’lum qildi. Aniq sana hukumat tomonidan belgilanadi. gazeta.uz »
Shavkat Mirziyoyev O‘zbekiston va Rossiya O‘zbekistonda kam quvvatli atom elektr stansiyalarini qurish loyihasini amalga oshirish bo‘yicha “muhim kelishuv” imzolashini ma’lum qildi. gazeta.uz »
Yangi Andijon shahrida investitsiya mablag‘lari asosida 4 gektar maydonda viloyat hokimligi binosini qurish ishlari boshlandi. Yangi binolar 3 va 5 qavatli shaklda qurilib, 150 ta ma’muriy xonani o‘z ichiga oladi. 1,4 gektar maydon ko‘kalamzorlashtiriladi. gazeta.uz »
Yangi Namangan tumanidagi “Bo‘zchi mozor” arxeologiya yodgorligiga 6,9 mlrd so‘mlik zarar yetkazildi. Fuqaro hududda uy-joy qurish maqsadida XVI-XVII asrlarga oid qabrlarni buzgan. Holat yuzasidan jinoyat ishi qo‘zg‘atildi. gazeta.uz »
“Rosatom” O‘zbekistonda atom elektr stansiyasini qurish bo‘yicha shartnoma yuzasidan muzokaralar “ancha muvaffaqiyatli” kechayotganini ta’kidladi. Korporatsiya rasmiysi mutaxassislar allaqachon AES qurilishi mumkin bo‘lgan maydonni batafsil o‘rganib chiqqani va eng maqbul texnologik yechimlarni aniqlaganini aytdi. gazeta.uz »
Uchta hududda arxeologik yodgorliklarga qariyb 30 mlrd so‘mlik zarar yetkazilgani aniqlandi. Xususan, V-VII asrlarga oid Kattatepa yodgorligi molxona qurish uchun buzilgan, Badaxshontepa obyekti ekin maydoniga aylantirilgan va Tolmozortepa texnika yordamida tekislab yuborilgan. gazeta.uz »
