ëãà - Ïîñëåäíèå íîâîñòè [ Ôîòî â íîâîñòÿõ ] | |
Abduqodir Husanov Angliya Kubogida g‘olib chiqqan ilk o‘zbekistonlik futbolchiga aylandi. “Manchester Siti” turnir finalida “Chelsi”ni mag‘lub etdi, futbolchining o‘zi esa uchrashuvda to‘liq harakat qildi. gazeta.uz »
O‘zbekistonlik yosh merganlar o‘q otish bo‘yicha Jahon kubogida 1 ta oltin, 1 ta kumush va 1 ta bronza medaliga sazovor bo‘ldi. Sportchilar 10 metr masofadan to‘pponchadan otish, shuningdek, 10 va 50 metr masofadan pnevmatik miltiqdan otish bahslarida yuqori natija ko‘rsatdi. gazeta.uz »
AQSh portlarga qo‘yilgan blokadani yorib o‘tmoqchi bo‘lgan Eron yuk kemasini qo‘lga oldi. Tehron Vashingtonni sulhni buzishda aybladi. Hurmuz bo‘g‘ozi yopiqligicha qolmoqda - Eron AQShning dengiz blokadasi sababli bo‘g‘ozni ochilganidan bir sutka o‘tib, uni qayta yopib qo‘ygan. gazeta.uz »
O‘zbekiston sportchilari Bangkokda o‘tkazilgan kikboksing bo‘yicha Jahon kubogida umumjamoa hisobida ikkinchi o‘rinni egalladi. Ular 36 ta oltin, 22 ta kumush va 14 ta bronza, jami 72 ta medalga sazovor bo‘ldi. gazeta.uz »
Toshkent va Yerevan o‘rtasida 2026-yil mayidan to‘g‘ridan-to‘g‘ri aviaqatnovlar yo‘lga qo‘yilishi mumkin. Reyslar haftasiga bir marta amalga oshiriladi. Yangi yo‘nalish turizm va biznes aloqalarini kuchaytiradi. gazeta.uz »
Qirg‘izistonda Milliy xavfsizlik davlat qo‘mitasi raisi sobiq o‘rinbosarlari Timur Shabdanbekov va Daniel Risaliyev qo‘lga olindi. Ular mansab vakolatini suiiste’mol qilish va korrupsiyada gumonlanmoqda. gazeta.uz »
O‘zbekistonda shikastlangan davlat raqamini my.gov.uz orqali onlayn almashtirish xizmati joriy etildi. Ariza yuborib, foto ilova qilinadi, ko‘rib chiqilgandan so‘ng to‘lov amalga oshiriladi. Keyin hududiy bo‘linmada eski raqam topshirilib, yangisi olinadi. gazeta.uz »
“Men [turnirdagi g‘alabaga] juda yaqinman, lekin oldinda hali muhim partiyalar bor… Bu haqda o‘ylamaslikka harakat qilyapman”, - dedi o‘zbekistonlik shaxmatchi Javohir Sindarov Nomzodlar turnirining 10-turidagi g‘alabadan so‘ng. gazeta.uz »
Namangan viloyatida tuman bosh arxitektori avtoyuvish shoxobchasi hujjatlarini rasmiylashtirib berish evaziga pora olayotganida gumonlanuvchi sifatida qo‘lga olindi. Farg‘ona viloyatida esa tuman bandlik bo‘limi boshlig‘i o‘rinbosari pul evaziga oliygohga o‘qishga kirishda yordam berishni va’da qilgani aytilmoqda. gazeta.uz »
DXX Andijon viloyati hokimi o‘rinbosarining 50 ming dollar olayotgan vaqtda gumonlanuvchi sifatida qo‘lga olinishi aks etgan videoni e’lon qildi. Kadrlarda amaldor pullarni sanayotgani, so‘ngra dollar kupyuralarini topshirgan shaxsga: “Bu qarz deyiladi. Shunaqa narsasi bor, bilasiz-a?” - deb aytgani ko‘rinadi. gazeta.uz »
Namangan - Dehli yo‘nalishida to‘g‘ridan-to‘g‘ri aviaqatnovlar yo‘lga qo‘yildi. Parvozlar har haftaning juma kuni amalga oshirilishi rejalashtirilgan. gazeta.uz »
Dehqonobod tumanidagi bozor rahbari hujjatsiz do‘konni tadbirkor nomiga rasmiylashtirib berish evaziga 80 mln so‘m talab qilgani aniqlandi. DXXga ko‘ra, u 6600 dollar olayotganida qo‘lga olindi. gazeta.uz »
Buxoro viloyati Kogon tumanida yiliga 80 mingta elektr va gibrid avtomobil ishlab chiqarishni yo‘lga qo‘yish rejalashtirilgan. Loyihaning qiymati 350 million dollarni tashkil etib, 500 ta ish o‘rni yaratiladi. gazeta.uz »
1-iyundan Maskat-Toshkent yo‘nalishida to‘g‘ridan-to‘g‘ri aviaqatnovlar yo‘lga qo‘yiladi. Bu O‘zbekiston prezidentining O‘monga bo‘lajak tashrifi arafasida ikki mamlakat elchsi tomonidan muhokama qilindi. gazeta.uz »
O‘zbekistonda 2026-yilda kamida bitta tijorat bankida “islom darchasi”ni ishga tushirish, 2030-yilgacha esa ikkita to‘laqonli islom bankini tashkil etish rejalashtirilgan. Markaziy bank rahbariga ko‘ra, 10 dan ortiq banklar allaqachon ushbu yo‘nalishda ishlashga tayyorgarlik ko‘rishni boshlagan. gazeta.uz »
O‘zbekistonda masjidlar orqali favqulodda vaziyatlar haqida ogohlantirish tizimi joriy etildi. 272 ta masjidda uskunalar o‘rnatildi. Tizim 6,5 mln aholini qamrab oladi va aloqa yoki elektr uzilganda ham ishlaydi. gazeta.uz »
“Manchester Siti” Angliya liga kubogi finalida “Arsenal”ni 2:0 hisobida yutdi. Bu g‘alaba o‘zbekistonlik himoyachi Abduqodir Husanovga “shaharliklar” tarkibidagi ilk kubogini taqdim etdi. U o‘yinda 90 daqiqa harakat qildi. gazeta.uz »
23-martdan boshlab Toshkentdagi “Mashinasozlar” metrosi va Chorvoq shaharchasi o‘rtasida qatnaydigan avtobuslar harakati yo‘lga qo‘yiladi. Yo‘nalishda qatnov vaqti 1 soat 30 daqiqani, yo‘l kira narxi 25 ming so‘mni tashkil etadi. gazeta.uz »
Jizzaxning Zarbdor va Qoraqalpog‘istonning Xo‘jayli tumanlarida hokimlik xodimlari tadbirkorlarga yer maydonini noqonuniy rasmiylashtirib berishni va’da qilib, ulardan pul talab qilgani aniqlandi. Ular aytilgan pulni olayotganda qo‘lga olindi. gazeta.uz »
2026-yil 1-iyuldan O‘zbekistonda ipoteka omonatlari bo‘yicha tajriba mexanizmini ishga tushirish rejalashtirilmoqda. Ipoteka uchun subsidiya olgan fuqarolar kreditning boshlang‘ich to‘lovini shakllantirish maqsadida jamg‘arma depozitini ochishlari mumkin bo‘ladi. gazeta.uz »
O‘zgidromet agentligi Forish tumani Bog‘don shaharchasidan o‘tgan yo‘lga yashin tushganini ma’lum qildi. Tuman hokimligi esa hodisa yuz berganini rad etib, suratni sun’iy intellekt orqali yaratilganini bildirdi. gazeta.uz »
Toshkent viloyatida Chinorkent-Yusufxona-Chimyon-Amirsoy yo‘nalishida mikroavtobuslar qatnovi yo‘lga qo‘yiladi. Buning uchun “Toshavtobustrans” tomonidan 20 ta Ford mikroavtobusi xarid qilindi. Yo‘nalish qachondan boshlanishi va yo‘lkira narxi tenderdan so‘ng ma’lum bo‘ladi. gazeta.uz »
Toshkent agrar universitetida traktorchi-mashinist va agrodronlardan foydalanishga o‘qitish yo‘lga qo‘yiladi. Fermer hamda uning xodimlari farzandlarining test sinovlarida ballari qabul parametrlariga yetmaganda, miqdori kamaytirilgan to‘lov-kontrakt asosida universitetga qabul qilish joriy etiladi. gazeta.uz »
23-fevraldan Toshkent-Sankt Peterburg-Toshkent yo‘nalishida avtobus qatnovi yo‘lga qo‘yiladi. Qatnovlar haftada ikki marta - dushanba va juma kunlari amalga oshiriladi. Avtobuslar Toshkent va Sankt-Peterburgdan soat 17:00 da jo‘naydi, yo‘lda Moskvada to‘xtash rejalashtirilgan. Chipta narxi 1,2 mln so‘m. gazeta.uz »
O‘zbekiston delegatsiyasi Milan va Kortina-d'Ampezzoda bo‘lib o‘tadigan 2026-yilgi qishki olimpiada uchun 4 ta yo‘llanmani qo‘lga kiritdi. Biroq figurali uchish bo‘yicha qatshashishi kerak bo‘lgan Dmitriy Chigirevning jarohati sabab o‘zi va uning sherigi musobaqada ishtirok eta olmaydigan bo‘ldi. gazeta.uz »
Jizzaxda Telegram messenjerida guruh tashkil qilib, diniy ekstremistik materiallar tarqatgan ikki nafar shaxs qo‘lga olindi. Ularga nisbatan jinoyat ishi qo‘zg‘atildi, guruhdagi qolgan shaxslarga ma’muriy va profilaktik choralar ko‘rildi. gazeta.uz »
IIV Taftish. uz xodimlariga qo‘yilgan ayblovlar tafsilotini ochiqladi. Vazirlik aybloviga ko‘ra, sayt xodimlari fuqaro, bozor ma’muriyati va tadbirkordan videomateriallarni o‘chirish evaziga mablag‘ talab qilgan. gazeta.uz »
Toshkentning Chilonzor tumanida 22 dona jangovar patronni 1300 dollarga sotmoqchi bo‘lgan shaxs ushlandi. Muqaddam harbiy qismda haydovchi-portlatuvchi bo‘lib ishlagan gumonlanuvchi o‘q-dorilarni tanishidan 10 mln so‘mga sotib olganini tan olgan. Holat yuzasidan jinoyat ishi qo‘zg‘atildi. gazeta.uz »
2026-yil 1-martidan soliq xizmati xodimlari hamda Navoiy va Chirchiq aholisi sinov tariqasida jami yillik daromadlari bo‘yicha soliq deklaratsiyasi taqdim etadi. Deklaratsiya avtomatik yaratiladi. Nomuvofiqlik aniqlansa, qo‘shimcha baholash va jarimalar qo‘llanmaydi. gazeta.uz »
Toshkent viloyatida atmosferani ifloslantiruvchi manbalarni aniqlash bo‘yicha vertolyot patruli ishga tushirildi. Ekoqo‘mitaning ta’kidlashicha, aerokuzatuv ekologik me’yorlarni buzayotgan korxona va obyektlarni, jumladan, yashirin yoki yetib borish qiyin bo‘lganlarini tezkor aniqlash imkonini beradi. gazeta.uz »
Qirg‘iziston sobiq prezidenti Almazbek Atambayevning o‘g‘li Kadirbek Atambayev, shuningdek, bir qator siyosatchilar ushlandi. Ular yaqinda o‘tadigan parlament saylovlaridan so‘ng ommaviy tartibsizlik va mitinglar o‘tkazishga tayyorgarlik ko‘rishda gumonlanmoqda. gazeta.uz »
O‘zbekistonda “Shajara” axborot tizimini yo‘lga qo‘yish rejalashtirilmoqda. U foydalanuvchilarga o‘z shajarasini yaratish, genetik ma’lumotlar asosida uzoq qarindoshlarini izlash imkonini yaratadi. 2030-yilga qadar arxiv fondining raqamlashuv darajasini 60 foizga yetkaziladi. gazeta.uz »
AQSh Immigratsiya va bojxona nazorati (ICE) o‘zbekistonlik 31 yoshli Ahror Bozorovni O‘zbekiston so‘roviga binoan qo‘lga oldi. Trak haydovchisi bo‘lib ishlab kelgan erkak jinoiy uyushma tashkil etish va ommaviy tartibsizliklarda ayblanib, xalqaro qidiruvda bo‘lgan. gazeta.uz »
Toshkentda 17 yoshli qizni fohishalikka majburlagan ayol ushlandi. Ayol qizni Toshkentdagi xonadonda ushlab turib, tazyiq o‘tkazib kelgan. Ayolga jinoyat ishi ochilib, qamoqqa olindi. Jabrlanuvchiga yordam ko‘rsatilmoqda. gazeta.uz »
Xonobod shahri sudi raisi firibgarlik va pora berishda ishtirok etishda ayblanib, 10 yil 6 oyga ozodlikdan mahrum etildi. U may oyida 30 ming dollar pora bilan qo‘lga tushgani aytilgandi. gazeta.uz »
Jizzaxda “Hududgaz”ning yetakchi mutaxassisi tadbirkordan 6 ming dollar olgan vaqtida ushlandi. U aslida tashqi ta’sirsiz nosoz holatga kelgan gaz hisoblagich uchun dalolatnoma tuzgan va uni bekor qilish hamda jinoyat ishi qo‘zg‘atilmasligini ta’minlash uchun pul so‘ragan. gazeta.uz »
Sirdaryo tumanida tergov hibsxonasida saqlanayotgan gumonlanuvchini vaqtincha saqlash hibsxonasiga o‘tkazish hamda keyinchalik jinoyat ishini sudda uning foydasiga ijobiy hal qilib berish evaziga undan 5500 dollar talab qilgan advokat qo‘lga olindi. gazeta.uz »
OAV Fransiyadagi Luvr muzeyini talon-toroj qilishda gumonlanganlardan 2 nafari qo‘lga olinganini yozdi, rasmiylar ushlash holatini tasdiqladi, ammo qo‘lga olinganlar sonini aytmadi. Gumonlanuvchilardan biri aeroportda ushlangan. gazeta.uz »
Toshkentda ijtimoiy tarmoqlarda qimor o‘yinlarini tashkil etib kelganlikda gumonlanib, bir nechta shaxs qo‘lga olingach, ular jinoiy javobgarlikka tortmaslik uchun IIO xodimiga 50 ming dollar pora taklif qildi. gazeta.uz »
SI infratuzilmasiga 100 mln dollardan ortiq sarmoya kiritgan kompaniyalar uchun Qoraqalpog‘istonda elektr energiyasi narxi 5 sent etib belgilanadi (hozirda yuridik shaxslar uchun - 8,3 sent). 2026-yildan boshlab O‘zbekistonda olis hududlar uchun sun’iy yo‘ldosh internet operatorlari ishga tushadi, dedi prezident. gazeta.uz »
Ijtimoiy himoya milliy agentligi huzuridagi Xalqaro inklyuziv hab tomonidan birinchi inklyuziv kasbiy ta’lim dasturlari yo‘lga qo‘yildi. Dastlabki bosqichda uchta dastur: Backend dasturlash, Fashion dizayn va dastgohli rangtasvir mavjud. gazeta.uz »
2017-yildan buyon O‘zbekistonda faoliyat yuritib kelayotgan va 4 ming obunachisi bo‘lgan Telegram’dagi narkodo‘kon kanali tarqatuvchilari qo‘lga olindi. Ulardan biri Qirg‘izistondan, ikkinchisi Rossiyadan yuborilgan giyohvandlik vositasini qabul qilib olgan. Ularning 10 dan ortiq “zakladchik”lari ham bo‘lgan. gazeta.uz »
Uzbekistan Airways aviakompaniyasi Andijondan Istanbulga to‘g‘ridan-to‘g‘ri aviaqatnovlarni yo‘lga qo‘yishini ma’lum qildi. Aviareyslar 27-oktabrdan boshlanib, dushanba va payshanba kunlari amalga oshiriladi. gazeta.uz »
28-oktabrdan boshlab Uzbekistan Airways Andijondan Moskvaga to‘g‘ridan-to‘g‘ri reyslarni yo‘lga qo‘yadi. Parvozlar haftasiga to‘rt marta - seshanba, chorshanba, payshanba va juma kunlari amalga oshiriladi. gazeta.uz »
Toshkent viloyatidagi bog‘cha bolalarining ommaviy zaharlanishi ortidan 7 nafar shaxs ushlandi. Ularning 3 nafari mahsulot ishlab chiqaruvchi korxona, qolgani autsorsing kompaniyalari mansabdor shaxslari. gazeta.uz »
Parasuzish bo‘yicha sportchi Yegor Bolotov Singapurda bo‘lib o‘tgan jahon chempionatida birinchi o‘rinni egalladi. U jahon chempionatida oltin medalni qo‘lga kiritgan birinchi o‘zbekistonlik erkak suzuvchi bo‘ldi. gazeta.uz »
Rossiyada o‘zbek xonandasi konserti vaqtida reyd o‘tkazildi. Unda Rossiyada bo‘lish qoidasini buzgan 8 nafar o‘zbekistonlik aniqlangan. Ularning 4 nafari mamlakatdan chiqarib yuborilgan, yana 4 nafari esa vaqtincha saqlash markaziga joylashtirilgan. gazeta.uz »
Jinoyat ishlari bo‘yicha Termiz tumani sudi sudya yordamchisi qarindoshi vositachiligida 800 dollar olgan vaqtida ushlandi. U fuqaroga ma’muriy huquqbuzarlikka oid ishi bo‘yicha yengillik yaratib bermoqchi bo‘lgan va oldindan 500 ming so‘m olgan. gazeta.uz »
Peshku tumani hokimining yordamchisi 6 ming dollar pora olayotgan vaqtda qo‘lga olindi. U hokimiyat zaxirasidagi 7 sotix yer maydonini auksion orqali sotib olib bermoqchi bo‘lgan. gazeta.uz »
AQSh immigratsiya idoralari o‘tgan hafta Hyundai va LG`ning Jorjiya shtatidagi zavodida 300 dan ortiq janubiy koreyalik ishchini qo‘lga oldi. Janubiy Koreyada bu hodisaga nisbatan norozilik bildirildi. gazeta.uz »
